ରାଜ୍ୟ |

ଆଦିବାସୀଙ୍କ ସୁପରହିରୋ ଶାରଦା

ଆଦିବାସୀଙ୍କ ସୁପରହିରୋ ଶାରଦା
ସସ୍ମିତା ପାଇକରାୟ: ବଣ ପାହାଡ଼ ଘେରା କଳାହାଣ୍ଡି ଜିଲା, ଯେଉଁଠି ଅଧିକାଂଶ ଅଞ୍ଚଳରେ ଏ ପର୍ଯ୍ୟନ୍ତ ବିକାଶର ସୂର୍ଯ୍ୟୋଦୟକୁ ଲୋକେ ଦେଖିନାହାନ୍ତି। ରାଜ୍ୟ ରାଜଧାନୀଠାରୁ ପ୍ରାୟ ୪୦୦ କିଲୋମିଟର ଦୂରରେ ଅବସ୍ଥିତ ଏହି ଜିଲାରେ ଏବେ ବି ଏଭଳି ଅନେକ ଗାଁ ରହିଛି, ଯେଉଁଠିକୁ ଯିବାକୁ ନା ଅଛି ରାସ୍ତା ନା ଲୋକଙ୍କ ନିକଟରେ ପହଞ୍ଚିପାରିଛି ମୌଳିକ ସୁବିଧା। ପ୍ରତିକୂଳ ପରିବେଶ ମଧ୍ୟରେ ବଞ୍ଚିବା ପାଇଁ ଅହରହ ସଂଘର୍ଷ କରୁଛନ୍ତି ନିରୀହ ଆଦିବାସୀ। ମୌଳିକ ସ୍ବାସ୍ଥ୍ୟ ବ୍ୟବସ୍ଥା ସେମାନଙ୍କ ପାଇଁ ସାତସପନ ହୋଇଥିବା ବେଳେ ଶିକ୍ଷା କଥା କହିବା ବି ବୃଥା। ଜିଲାର ବିକାଶ ପାଇଁ ସରକାର ଏକପ୍ରକାର ଆଖି ବୁଜିଦେଇଥିବା ବେଳେ ଏଭଳିସ୍ଥଳେ ଲୋକଙ୍କ ସୁଖଦୁଃଖ ବୁଝିବାକୁ ଆଗେଇ ଆସିଛନ୍ତି ଅନ୍ଧାରି ମୁଲକର ନାରୀ ନେତ୍ରୀ ଶାରଦା ମାଝି। ବିଭିନ୍ନ ସମୟରେ ଆଦିବାସୀଙ୍କ ହକ୍‌ ପାଇଁ ଲଢ଼େଇ କରୁଛନ୍ତି ଓ ସେମାନଙ୍କ ସମସ୍ୟାକୁ ନେତା, ମନ୍ତ୍ରୀଙ୍କ ପାଖରେ ପହଞ୍ଚାଇବାକୁ ସେ ସଂଘର୍ଷ ଜାରି ରଖିଛନ୍ତି। କଳାହାଣ୍ଡି ଜିଲା ଉଲ୍ଲାଦାନି ଗ୍ରାମପଞ୍ଚାୟତ ଅନ୍ତର୍ଗତ ଜୁରାଖମନ ଗାଁର ଶାରଦା ମାଝି। ବୟସ ପାଖାପାଖି ୩୦ ହେବ। ୧୦ମ ଯାଏ ପଢ଼ିଥିବା ଶାରଦା ସ୍ଥାନୀୟ ଅଞ୍ଚଳରେ ବେଶ୍‌ ପରିଚିତ। ମହିଳା ସଶକ୍ତୀକରଣରେ ପ୍ରମୁଖ ଭୂମିକା ଗ୍ରହଣ କରିବା ସହ ସ୍ଥାନୀୟ ଅଞ୍ଚଳକୁ ମଦମୁକ୍ତ କରିବା ଏବଂ ସାହୁକାରଙ୍କ ଶୋଷଣକୁ କମ୍‌ କରିବାକୁ ସେ ଅହରହ ସଂଗ୍ରାମ ଜାରି ରଖିଛନ୍ତି। ସ୍ବାମୀ ରବୀନ୍ଦ୍ର ମାଝିଙ୍କ ଦେହାନ୍ତ ପରେ ନିଜ ଜୀବନକୁ ସମ୍ପୂର୍ଣ୍ଣ ଭାବେ ସମାଜସେବାରେ ଉତ୍ସର୍ଗ କରିଛନ୍ତି। ଶାରଦା ବାସ୍ତବ ଜୀବନରେ ଜଣେ ସୁପରହିରୋ। ଜଇଲାଇଟାମ ମହିଳା ମହାସଂଘର ସଭାପତି ଭାବେ ସେ କାର୍ଯ୍ୟ କରୁଛନ୍ତି। ସ୍ବୟଂ ସହାୟକ ଗୋଷ୍ଠୀ ମାଧ୍ୟମରେ ଅଧିକରୁ ଅଧିକ ମହିଳା କିଭଳି ନିଯୁକ୍ତ ହୋଇପାରିବେ, ସେ ନେଇ ପ୍ରୟାସ କରୁଛନ୍ତି। ତାଙ୍କ ଉଦ୍ୟମରେ ଉଲ୍ଲାଦାନି ପଞ୍ଚାୟତରେ ଏବେ ୭୫ଟି ଏସ୍‌ଏସ୍‌ଜିରେ ପ୍ରାୟ ୭୫୦ ମହିଳା କାମ କରୁଛନ୍ତି। ନିଜ ସହ ନିଜ ପରିବାର ଭରଣପୋଷଣ କରିବାରେ ମହିଳାମାନେ ପ୍ରମୁଖ ଭୂମିକା ଗ୍ରହଣ କରୁଛନ୍ତି। ମହିଳାଙ୍କ ହକ୍‌ ପାଇଁ ଲଢ଼େଇ କରିବା ସହ ଶାରଦାଙ୍କ ପ୍ରୟାସରେ ଆଜି ସେମାନେ ପଲ୍ଲିସଭା ଏବଂ ଗ୍ରାମସଭାରେ ନିଜ ମତ ରଖିପାରୁଛନ୍ତି। ନିଜ ସମସ୍ୟା ନେଇ ମୁହଁ ଖୋଲୁଛନ୍ତି ଓ ନିଜ ହକ୍‌ ପାଇଁ ଲଢ଼ୁଛନ୍ତି। ପ୍ରାକୃତିକ ବିପର୍ଯ୍ୟୟରେ ଲୋକଙ୍କୁ ସହାୟତା କରିବା, ରାସ୍ତାଘାଟ ନିର୍ମାଣ କରିବା, ବିଭିନ୍ନ ସମସ୍ୟା ସମ୍ପର୍କରେ ସରକାରଙ୍କୁ ଅବଗତ କରାଇବା ଏବଂ ବାଲ୍ୟବିବାହ ବନ୍ଦ କରିବା ଭଳି ଜନହିତକର କାର୍ଯ୍ୟରେ ନିଜକୁ ସେମାନେ ଜଡ଼ିତ ରଖୁଛନ୍ତି। ଶାରଦାଙ୍କ ମତରେ, ମଦ ଓ ନିଶା ଆମ ଅଞ୍ଚଳର ପ୍ରମୁଖ ସମସ୍ୟା। ଏଥିଯୋଗୁ ଲୋକମାନଙ୍କ ଆର୍ଥିକ ଅବସ୍ଥା ସୁଧୁରିପାରୁନି। ତେଣୁ ଅଞ୍ଚଳକୁ ନିଶାମୁକ୍ତ କରିବାକୁ ଆମେ ମଦଭାଟି ଭାଙ୍ଗିବା ସହ ଏହାର ଅପକାରିତା ସମ୍ପର୍କରେ ଲୋକଙ୍କୁ ବୁଝାଉଛୁ। ଝିଅମାନଙ୍କ ମଧ୍ୟରେ ଯେପରି ଶିକ୍ଷାର ପ୍ରସାର ହୋଇପାରିବ, ସେଥିଲାଗି ମଧ୍ୟ ଉଦ୍ୟମ କରୁଛୁ। ଆଦିବାସୀମାନେ ଯେପରି ସାହୁକାରଙ୍କ ପାଖରେ ଶୋଷଣ ନ ହେବେ, ସେଥିପାଇଁ ଏସ୍‌ଏସ୍‌ଜି ମାଧ୍ୟମରେ ସେମାନଙ୍କୁ ବ୍ୟବସାୟ କରିବାକୁ ପ୍ରବର୍ତ୍ତାଉଛୁ। ବିଭିନ୍ନ ସ୍ଥାନରେ ସଭା କରି ବାଲ୍ୟବିବାହ ରୋକିବାକୁ ଉଦ୍ୟମ କରୁଛୁ। ୧୮ବର୍ଷ ପୂରିଲେ ବିବାହ କରିବାକୁ ଶପଥ ପାଠ କରାଉଛୁ। ତେଣୁ ଏବେ ୫୦ ପ୍ରତିଶତ ବାଲ୍ୟବିବାହ କମିଯାଇଥିବା ସେ କହିଛନ୍ତି।
All Right Reserved By

ରାଜ୍ୟ |

ପୂର୍ଣ୍ଣ ଓ ପ୍ରତ୍ୟକ୍ଷ ଅନୁଦାନ ଦାବି: ବ୍ଲକ ଗ୍ରାଣ୍ଟ ସ୍କୁଲ କଲେଜ ମିଳିତ ମଞ୍ଚ ପକ୍ଷରୁ ପାଟଣା ବ୍ଲକରେ ବାଇକ୍‌ ରାଲି

ପୂର୍ଣ୍ଣ ଓ ପ୍ରତ୍ୟକ୍ଷ ଅନୁଦାନ ଦାବି: ବ୍ଲକ ଗ୍ରାଣ୍ଟ ସ୍କୁଲ କଲେଜ ମିଳିତ ମଞ୍ଚ ପକ୍ଷରୁ ପାଟଣା ବ୍ଲକରେ ବାଇକ୍‌ ରାଲି

ପାଟଣା,୧୯।୯(ସ୍ବ.ପ୍ର.): ରାଜ୍ୟ ବ୍ଲକ ଗ୍ରାଣ୍ଟ ସ୍କୁଲ କଲେଜ ମିଳିତ ମଞ୍ଚ ଆବାହକ ପ୍ରକାଶ ଚନ୍ଦ୍ର ମହାନ୍ତିଙ୍କ ଆହ୍ବାନରେ ବୁଧବାର ପାଟଣା ଓ ସାହାରପଡ଼ା ବ୍ଲକର  ବ୍ଲକ ଗ୍ରାଣ୍ଟ ପ୍ରାପ୍ତ ଶିକ୍ଷକ, ଅଧ୍ୟାପକ, କର୍ମଚାରୀମାନେ   ବୁଧବାର ଏକ ବିରାଟ ମୋଟର ସାଇକେଲ ରାଲିରେ ବାହାରିଥିଲେ। ସେମାନେ ପାଟଣା ମୁଖ୍ୟାଳୟ ସ୍ଥିତ  ପରମେଶ୍ୱର ମହାଦେବ ମନ୍ଦିରଠାରୁ   ବାହାରି  ବିଭିନ୍ନ ପଞ୍ଚାୟତ ପରିକ୍ରମା କରିଛନ୍ତି।

୨୩ରେ ଓଡ଼ିଆ ବିଶ୍ବବିଦ୍ୟାଳୟ ଶିଳାନ୍ୟାସ ଉତ୍ସବ: ପ୍ରସ୍ତୁତି ଆରମ୍ଭ

୨୩ରେ ଓଡ଼ିଆ ବିଶ୍ବବିଦ୍ୟାଳୟ ଶିଳାନ୍ୟାସ ଉତ୍ସବ: ପ୍ରସ୍ତୁତି ଆରମ୍ଭ

ସାକ୍ଷୀଗୋପାଳ, ୧୯।୯(ଡି.ଏନ୍‌.ଏ.): ଓଡ଼ିଆ ଭାଷା, ସାହିତ୍ୟ ଓ ସ୍ବାଧୀନତା ଆନ୍ଦୋଳନଠାରୁ ପରାଧୀନ ଭାରତରେ ଶିକ୍ଷା, ସଂସ୍କାର ଓ ସେବାର ଅନ୍ତୁଡିଶାଳ ପଞ୍ଚସଖାଙ୍କ ସତ୍ୟବାଦୀ ବନ ବିଦ୍ୟାଳୟ ନିକଟରେ ଐତିହାସିକ ଓଡ଼ିଆ ବିଶ୍ବବିଦ୍ୟାଳୟ ପ୍ରତିଷ୍ଠା ହେବ। 

ପିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣା: ଗିରଫ ପରେ ଅଭିଯୁକ୍ତ କୋର୍ଟଚାଲାଣ

ପିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣା: ଗିରଫ ପରେ ଅଭିଯୁକ୍ତ କୋର୍ଟଚାଲାଣ

ବ୍ରହ୍ମପୁର ଅଫିସ, ୧୯।୯: ବ୍ରହ୍ମପୁର ଏମ୍‌କେସିଜି ମେଡିକାଲ କଲେଜରେ ପିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣାରେ ବୈଦ୍ୟନାଥପୁର ଥାନା ପୋଲିସ କମାପଲୀଖଳା ସାହିର ଜଣେ ଯୁବକଙ୍କୁ ଗିରଫ କରି ବୁଧବାର କୋର୍ଟଚାଲାଣ କରିଛି। ସେ ହେଲେ ପିଣ୍ଟୁ ଦୋରା। 

ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବି: ନବ ନିର୍ମାଣ  ସେନା ପକ୍ଷରୁ ଶୋଭାଯାତ୍ରା

ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବି: ନବ ନିର୍ମାଣ ସେନା ପକ୍ଷରୁ ଶୋଭାଯାତ୍ରା

ବାସୁଦେବପୁର,୧୯।୯(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ନବ ନିର୍ମାଣ  ସେନା ପକ୍ଷରୁ ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବିରେ ଏକ ଶୋଭାଯାତ୍ରା ସହର ପରିକ୍ରମା କରିଛି। ଏହା ଏ.ବି.କଲେଜ ଫାଟକ ସମ୍ମୁଖରୁ ବାହାରି ବାସୁଦେବପୁର ସହର ପରିକ୍ରମା କରିଛି।

ଖେଳୁଥିବା ବେଳେ ପୋଖରୀରେ ପଡ଼ି ୨ ଶିଶୁପୁତ୍ରଙ୍କ ମୃତ୍ୟୁ, ଉତ୍ତରବାହା ଗ୍ରାମରେ ଶୋକାକୂଳ ପରିବେଶ

ଖେଳୁଥିବା ବେଳେ ପୋଖରୀରେ ପଡ଼ି ୨ ଶିଶୁପୁତ୍ରଙ୍କ ମୃତ୍ୟୁ, ଉତ୍ତରବାହା ଗ୍ରାମରେ ଶୋକାକୂଳ ପରିବେଶ

ତିହିଡ଼ି,୧୯।୯(ଡି.ଏନ୍‌.ଏ.): ଭଦ୍ରକ ଜିଲା ତିହିଡ଼ି ଥାନା ଅଚକ ପଞ୍ଚାୟତ ଅଧୀନ ଉତ୍ତରବାହା ଗ୍ରାମରେ ବୁଧବାର ପୂର୍ବାହ୍ନରେ ଏକ ଅଘଟଣ ଘଟିଛି। ଗ୍ରାମର ୨ଜଣ ଶିଶୁ ପୋଖରୀରେ ବୁଡ଼ି ପ୍ରାଣ ହରାଇଛନ୍ତି। ସେମାନେ ହେଲେ ଗଣେଷ ମଲ୍ଲିକଙ୍କ ପୁଅ ସ୍ବାଗତ(୩) ଓ ସଞ୍ଜିତ ମଲ୍ଲିକଙ୍କ ପୁଅ ସମରଜିତ୍‌(୩)। 

ଚିଲିକାରେ ହେଲିକପ୍ଟର ଉଡ଼ାଣ ଘଟଣା: ହାଜର ହେଲେ ଇମ୍ଫାର ୫ଜଣିଆ ଟିମ୍‌, ଆସିଲେନି ବୈଜୟନ୍ତ ଓ ୨ ସହଯାତ୍ରୀ

ଚିଲିକାରେ ହେଲିକପ୍ଟର ଉଡ଼ାଣ ଘଟଣା: ହାଜର ହେଲେ ଇମ୍ଫାର ୫ଜଣିଆ ଟିମ୍‌, ଆସିଲେନି ବୈଜୟନ୍ତ ଓ ୨ ସହଯାତ୍ରୀ

ପୁରୀ ଅଫିସ, ୧୯।୯: ଚିଲିକା ଉପରେ ପୂର୍ବତନ ଏମ୍‌ପି ବୈଜୟନ୍ତ ପଣ୍ଡା ହେଲିକପ୍ଟର ଉଡ଼ାଇବା ଘଟଣାରେ ଇମ୍ଫାର ଏକ ୫ ଜଣିଆ ଟିମ୍‌ ବୁଧବାର ପୁରୀ ସଦର ଥାନାକୁ ଆସି ଅରଖକୁଦା ସାମୁଦ୍ରୀକ ଥାନା ଅଧିକାରୀଙ୍କ ନିକଟରେ ହାଜର ହୋଇଛନ୍ତି। ହେଲିକପ୍ଟର ଉଡ଼ାଣ  ସମ୍ପର୍କରେ ସେମାନେ ସବିଶେଷ ତଥ୍ୟ ରଖିଥିବା ଜଣାପଡ଼ିଛି।

୯୫ ବର୍ଷରେ ବି ମିଳୁନି ବାର୍ଦ୍ଧକ୍ୟ ଭତ୍ତା: ଆବେଦନ କଲେ ବି କର୍ଣ୍ଣପାତ କରୁ ନାହାନ୍ତି ଅଧିକାରୀ

୯୫ ବର୍ଷରେ ବି ମିଳୁନି ବାର୍ଦ୍ଧକ୍ୟ ଭତ୍ତା: ଆବେଦନ କଲେ ବି କର୍ଣ୍ଣପାତ କରୁ ନାହାନ୍ତି ଅଧିକାରୀ

ମୋରଡ଼ା,୧୯।୯: ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକର ଗଡ଼ିଘାଟି ପଞ୍ଚାୟତ ଅଧୀନ ବରହମ୍‌ପୁରା ଗ୍ରାମରେ ଅଧିକାଂଶ ବୃଦ୍ଧାବୃଦ୍ଧଙ୍କ ପାଇଁ ଭତ୍ତା ସାତସପନ ପାଲଟିଛି। ଏହି ଗ୍ରାମର ତିଳୋତ୍ତମା ସାମଲଙ୍କ ବୟସ ୯୫। ଏବେ ସେ ଠିକ୍‌ ଭାବେ ଚାଲି ପାରୁ ନାହାନ୍ତି। ବାଡ଼ି ହିଁ ତାଙ୍କ ସାହାରା ପାଲଟିଛି। ହେଲେ ଆଜି ପର୍ଯ୍ୟନ୍ତ ସେ ଭତ୍ତା ପାଇବାରୁ ବଞ୍ଚିତ ଅଛନ୍ତି।

ଭିଜିଲାନ୍ସ ଜାଲରେ ଆଦିବାସୀ ଉନ୍ନୟନ ସଂସ୍ଥାର କନିଷ୍ଠ ଯନ୍ତ୍ରୀ

ଭିଜିଲାନ୍ସ ଜାଲରେ ଆଦିବାସୀ ଉନ୍ନୟନ ସଂସ୍ଥାର କନିଷ୍ଠ ଯନ୍ତ୍ରୀ

ବ୍ରହ୍ମପୁର ଅଫିସ,୧୯।୯: ଆୟ ବହିର୍ଭୁତ ସମତ୍ତି ଠୁଳ ଅଭିଯୋଗରେ ରାୟଗଡ଼ା ଜିଲା ଗୁଣୁପୁର ସମ୍ମନ୍ବିତ ଆଦିବାସୀ ଉନ୍ନୟନ ସଂସ୍ଥାର କନିଷ୍ଠ ଯନ୍ତ୍ରୀ ଗଗନ ବିହାରୀ ପତିଙ୍କ ଘରେ ବୁଧବାର ବ୍ରହ୍ମପୁର ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି।

ଅନ୍ତୁଡ଼ିଶାଳରେ ଅସୁରକ୍ଷିତ ଅଲିଭ୍‌ରିଡ୍‌ଲେ: ଟ୍ରଲର ଆସୋସିଏଶନ ସହ ବନ ବିଭାଗ କର୍ତ୍ତୃପକ୍ଷଙ୍କ କୋଟି କୋଟି ଟଙ୍କାର  ଡିଲ

ଅନ୍ତୁଡ଼ିଶାଳରେ ଅସୁରକ୍ଷିତ ଅଲିଭ୍‌ରିଡ୍‌ଲେ: ଟ୍ରଲର ଆସୋସିଏଶନ ସହ ବନ ବିଭାଗ କର୍ତ୍ତୃପକ୍ଷଙ୍କ କୋଟି କୋଟି ଟଙ୍କାର ଡିଲ

କେନ୍ଦ୍ରାପଡ଼ା ଅଫିସ, ୧୯।୯-ସାମୁଦ୍ରିକ କଇଁଛ ଅଲିଭ୍‌ରିଡଲେଙ୍କ ଅନ୍ତୁଡିଶାଳ ଭାବେ ପରିଚିତ ଜାତୀୟ ଉଦ୍ୟାନ ଭିତରକନିକାସ୍ଥିତ ଗହୀରମଥା ଏବେ ଅସୁରକ୍ଷିତ ହୋଇପଡ଼ିଛି। ଗହୀରମଥାକୁ ନିରାପଦ ସ୍ଥାନ ଭାବି ଯୋଜନ ଯୋଜନ ପଥ ଅତିକ୍ରମ କରି ଅଲିଭ୍‌ରିଡଲେ କଇଁଛ ଏଠାକୁ ଅଣ୍ଡାଦାନ କରିବାକୁ ଆସିଥାନ୍ତି। ସେମାନଙ୍କ ସୁରକ୍ଷା ଦୃଷ୍ଟିରୁ ପ୍ରତି ବର୍ଷ ନଭେମ୍ବର ୧ରୁ ମେ ୩୧ ପର୍ଯ୍ୟନ୍ତ ଗହୀରମଥାକୁ ନିଷିଦ୍ଧାଞ୍ଚଳ ଘୋଷଣା କରାଯାଇଥାଏ। 

ପ୍ଲାଷ୍ଟିକ ନିଷେଧ ଲାଗି ସଚେତନତା ଶୋଭାଯାତ୍ରା

ପ୍ଲାଷ୍ଟିକ ନିଷେଧ ଲାଗି ସଚେତନତା ଶୋଭାଯାତ୍ରା

ପୁରୀ ଅଫିସ, ୧୯ା୯: ଅକ୍ଟୋବର ୨ରୁ ରାଜ୍ୟ ସରକାର ପ୍ଲାଷ୍ଟିକ ବ୍ୟବହାରକୁ ନିଷିଦ୍ଧ କରିବା ଲାଗି ନିଷ୍ପତ୍ତି ନେଇଛନ୍ତି। ଏହି ପରିପ୍ରେକ୍ଷୀରେ ପ୍ଲାଷ୍ଟିକ ଓ ପଲିଥିନର ବିକ୍ରୟ ଓ ବ୍ୟବହାର ବନ୍ଦ କରିବା ଲାଗି ଜିଲା ପ୍ରଶାସନ ପକ୍ଷରୁ ଏକ ସଚେତନତା ଶୋଭାଯାତ୍ରା ମଙ୍ଗଳବାର ଅନୁଷ୍ଠିତ ହୋଇଯାଇଛି।

ଚିଲିକାରେ ହେଲିକପ୍ଟର ଉଡ଼ାଣ ଘଟଣା: ବୈଜୟନ୍ତଙ୍କ ସମେତ ୩ ଜଣଙ୍କୁ ନୋଟିସ

ଚିଲିକାରେ ହେଲିକପ୍ଟର ଉଡ଼ାଣ ଘଟଣା: ବୈଜୟନ୍ତଙ୍କ ସମେତ ୩ ଜଣଙ୍କୁ ନୋଟିସ

ପୁରୀ ଅଫିସ, ୧୯ା୯: ଚିଲିକା ଉପରେ ହେଲିକପ୍ଟର ଉଡ଼ାଣ କରି ହରଡ଼ଘଣାରେ ପଡିଛନ୍ତି ପୂର୍ବତନ ଏମ୍‌ପି ବୈଜୟନ୍ତ ପଣ୍ଡା। ଉକ୍ତ ହେଲିକପ୍ଟରରେ ବୈଜୟନ୍ତ ପାଇଲଟ ଥିବାବେଳେ ତାଙ୍କ ସହ ଅଭିଜିତ ଆୟର ମିତ୍ର ଏବଂ ଆରତୀ ଟିକୋ ରହିଥିଲେ। ବୁଧବାର ମଧ୍ୟାହ୍ନ ୧୨ଟା ବେଳେ କେସ୍‌ର ତଦନ୍ତ ଅଧିକାରୀଙ୍କ ନିକଟରେ ହାଜର ହେବାକୁ ପୁରୀ ପୋଲିସ ଉକ୍ତ ୩ ଜଣଙ୍କୁ ନୋଟିସ ଜାରି କରିଛି। 

ଶ୍ରୀମନ୍ଦିର ଅଞ୍ଚଳରେ ଉଡ଼ିଛି ବୈଜୟନ୍ତଙ୍କ ଚୋପର: ସିଂହଦ୍ୱାର ଥାନାରେ ୨ ଏତଲା

ଶ୍ରୀମନ୍ଦିର ଅଞ୍ଚଳରେ ଉଡ଼ିଛି ବୈଜୟନ୍ତଙ୍କ ଚୋପର: ସିଂହଦ୍ୱାର ଥାନାରେ ୨ ଏତଲା

ପୁରୀ ଅଫିସ, ୧୯ା୯: ଚିଲିକା ଉପରେ ହେଲିକପ୍ଟର ଉଡାଣ ଘଟଣାର ଗୋଟିଏ ପରେ ଗୋଟିଏ ନୂଆ ତଥ୍ୟ ପଦାକୁ ଆସିବାରେ ଲାଗିଛି। ଉକ୍ତ ହେଲିକପ୍ଟରରେ ବୈଜୟନ୍ତଙ୍କ ସହ ଥିବା ଅଭିଜିତ ଆୟର ମିତ୍ର ତାଙ୍କ ଟୁଇଟର ଆକାଉଣ୍ଟରେ ପୋଷ୍ଟ କରିଥିବା ଭିଡିଓରୁ ଏହି ସୂଚନା ମିଳିଛି। ଶ୍ରୀମନ୍ଦିର ଏବଂ କୋଣାର୍କ ସୂର୍ଯ୍ୟମନ୍ଦିର ଉପରେ ହେଲିକପ୍ଟର ଉଡାଣ କରୁଥିବା ଭିଡିଓକୁ ସେ ଟୁଇଟରରେ ଅପଲୋଡ କରିଛନ୍ତି।