ଖେଳ |

କଳିଙ୍ଗ ଷ୍ଟାଡିୟମରେ ସୁପର କପ୍‌

କଳିଙ୍ଗ ଷ୍ଟାଡିୟମରେ ସୁପର କପ୍‌
ଭୁବନେଶ୍ୱର, ୮।୩(କ୍ରୀଡ଼ା ପ୍ରତିନିଧି)- ଭାରତର କ୍ରୀଡ଼ା ରାଜଧାନୀ ଭାବେ ବିବେଚିତ ହେଉଥିବା ଭୁବନେଶ୍ୱରକୁ ଜାତୀୟ, ଅନ୍ତର୍ଜାତୀୟ ପ୍ରତିଯୋଗିତାର ସୁଅ ଛୁଟିବାରେ ଲାଗିଛି। ଆସନ୍ତା ନଭେମ୍ବରରେ ହକି ବିଶ୍ୱକପ ଆୟୋଜନ ପୂର୍ବରୁ ଫୁଟବଲ ପ୍ରେମୀଙ୍କ ପାଇଁ ଆସିଛି ଆଉ ଏକ ଶୁଭ ଖବର । ସର୍ବଭାରତୀୟ ଫୁଟବଲ ଫେଡେରେଶନ (ଏଆଇଏଫଏଫ) ଆନୁକୂଲ୍ୟରେ ହେବାକୁଥିବା ସର୍ବପ୍ରଥମ ସୁପର କପ୍‌ ଫୁଟବଲ ଟୁର୍ନାମେଣ୍ଟ କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହେବ। ଏଥିରେ ଉଭୟ ଆଇ-ଲିଗ୍‌ ଏବଂ ଇଣ୍ଡିଆନ ସୁପରଲିଗ୍‌(ଆଇଏସଏଲ)ର ଶ୍ରେଷ୍ଠ ଦଳ ଗୁଡ଼ିକ ଏଥିରେ ଅଂଶଗ୍ରହଣ କରିବାର ସୁଯୋଗ ପାଇବେ। ଫେଡେରେଶନ କପ୍‌ର ପରିବର୍ତ୍ତିତ ରୂପଭାବେ ବିବେଚିତ ହେଉଥିବା ସୁପର କପ୍‌ରେ ମୋଟ ୧୬ଟି ଦଳ ଅଂଶଗ୍ରହଣ କରିବ। ଆଇ-ଲିଗ୍‌ ଏବଂ ଆଇଏସଏଲର ଶ୍ରେଷ୍ଠ ୬ଟି ଲେଖାଏ ଦଳ ସିଧାସଳଖ ଏଣ୍ଟ୍ରି ପାଇବେ। ଉଭୟ ଲିଗ୍‌ର ଅବଶିଷ୍ଟ ୪ଟି ଲେଖାଏ ଦଳ ପରବର୍ତ୍ତୀ ୪ଟି ସ୍ଥାନ ପାଇଁ ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟ ଖେଳିବେ। ପ୍ରତିଯୋଗିତାର ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟ ଚଳିତମାସ ୧୫ରୁ ଆରମ୍ଭ ହେବ। ଏହା ଆସନ୍ତା ୩୧ ପର୍ଯ୍ୟନ୍ତ ଚାଲିବ। ସୁପର କପ୍‌ର ମୁଖ୍ୟ ଟୁର୍ନାମେଣ୍ଟ ମାର୍ଚ୍ଚ ୩୧ରେ ଆରମ୍ଭ ହେବ। ଫାଇନାଲ ମ୍ୟାଚ ଏପ୍ରିଲ ୨୫ରେ ଅନୁଷ୍ଠିତ ହେବ ବୋଲି ବୁଧବାର ଏଆଇଏଫଏଫ ପକ୍ଷରୁ ଘୋଷଣା କରାଯାଇଛି। ଆଇ-ଲିଗ୍‌ରୁ ସୁପର କପ୍‌ ପାଇଁ ଆଇଜଲ, ଇଷ୍ଟ ବେଙ୍ଗଲ, ମିନର୍ଭା ପଞ୍ଜାବ, ମୋହନ ବାଗାନ ଓ ନେରୋକା ସିଧାସଳଖ ଏଣ୍ଟ୍ରି ପାଇଛନ୍ତି। ଶିଲଂଲାଜଂ, ଗୋକୁଳମ୍‌ କେରଳ, ଚେନ୍ନାଇ ସିଟି, ଚର୍ଚ୍ଚିଲ ବ୍ରଦର୍ସ ଓ ଇଣ୍ଡିଆନ ଆରୋଜ୍‌ରୁ ଗୋଟିଏ ଦଳ ଏଥିରେ ସାମିଲ ହେବ। ଅବଶିଷ୍ଟ ୪ଟି ଦଳ ଯୋଗ୍ୟତା ପର୍ଯ୍ୟାୟ ଖେଳିବେ। ସେହିପରି ଆଇଏସଏଲ୍‌ରୁ ବେଙ୍ଗାଲୁରୁ ଏଫସି, ଚେନ୍ନାଇନ୍‌ ଏଫସି, ଏଫସି ଗୋଆ, ଜାମସେଦପୁର ଏଫସି, କେରଳ ବ୍ଲାଷ୍ଟର୍ସ ଓ ପୁଣେ ସିଟି ସିଧଳସଳଖ ଏଣ୍ଟି ପାଇଛନ୍ତି। ଆଟଲେଟିକୋ ଡି କୋଲକାତା, ଦିଲ୍ଲୀ ଡାଇନାମସ, ମୁମ୍ବାଇ ସିଟି ଓ ନର୍ଥଇଷ୍ଟ ୟୁନାଇଟେଡ ଯୋଗ୍ୟତା ପର୍ଯ୍ୟାୟ ଖେଳିବେ। ଯୋଗ୍ୟତା ପର୍ଯ୍ୟାୟ ପାଇଁ ଡ୍ର ଉଠାଣ ଚଳିତମାସ ୯ ତାରିଖରେ ହେବ ବୋଲି ଜଣାଯାଇଛି। ଦଳ ଗୁଡ଼ିକ ୬ ଜଣ ଲେଖାଏ ବିଦେଶୀ ଖେଳାଳିଙ୍କୁ ସାମିଲ କରିପାରିବେ। ତେବେ ଷ୍ଟାର୍ଟିଂ ଇଲେଭେନରେ ସର୍ବାଧିକ ୫ ବିଦେଶୀ ଖେଳାଳି ଖେଳି ପାରିବେ। ପ୍ରକାଶ ଯୋଗ୍ୟ ଯେ ଫେବୃୟାରୀ ୨୫ରେ କଳିଙ୍ଗ ଷ୍ଟାଡିୟମରେ ବେଙ୍ଗାଲୁରୁ ଏଫସି ଓ ଜାମସେଦପୁର ଏଫସି ମଧ୍ୟରେ ଆଇଏସଏଲ ମ୍ୟାଚ ସଫଳତାର ସହ ସମ୍ପନ୍ନ ହୋଇଥିଲା। ଜାମସେଦପୁର ଏଫସି କଳିଙ୍ଗ ଷ୍ଟାଡିୟମକୁ ଏହାର ଦ୍ୱିତୀୟ ହୋମ୍‌ ଭେନ୍ୟୁ କରିଥିବାରୁ ଓଡ଼ିଶା ଫୁଟବଲ ପ୍ରେମୀ ଏପରି ଏକ ମ୍ୟାଚର ରୋମାଞ୍ଚ ଉପଭୋଗ କରିଥିଲେ।
All Right Reserved By

ଖେଳ |

୨୫ ଲକ୍ଷ ଟଙ୍କା ଦାନକଲା କିଙ୍ଗ୍ସ ଇଲେଭେନ

୨୫ ଲକ୍ଷ ଟଙ୍କା ଦାନକଲା କିଙ୍ଗ୍ସ ଇଲେଭେନ

ଚଣ୍ଡିଗଡ଼, ୨୦ା୩ (ପି.ଟି.)-ଫେବୃୟାରୀରେ ପୁଲ୍‌ଓ୍ବାମା ଆକ୍ରମଣ ଘଟଣାରେ ନିହତ ୫ ସିଆରପିଏଫ୍‌ ଯବାନଙ୍କ ପ୍ରତ୍ୟେକ ପରିବାର ପିଛା ୫ ଲକ୍ଷ ଟଙ୍କା ଲେଖାଁଏ ଦାନ କରିଛି। ଏହି ଯବାନମାନେ ପଞ୍ଜାବ ଓ ହିମାଚଳ ପ୍ରଦେଶର। 

ପର୍ତ୍ତୁଗାଲ କ୍ୟାମ୍ପରେ ଯୋଗଦେଲେ ରୋନାଲ୍‌ଡୋ

ପର୍ତ୍ତୁଗାଲ କ୍ୟାମ୍ପରେ ଯୋଗଦେଲେ ରୋନାଲ୍‌ଡୋ

ଓଇରାସ (ପର୍ତ୍ତୁଗାଲ), ୨୦ା୩ (ଏଏଫ୍‌ପି)-ଚଳିତ ସପ୍ତାହରେ ୟୁରୋ ୨୦୨୦କ୍ୱାଲିଫାଇଙ୍ଗ୍‌ ଆରମ୍ଭ ହେବାକୁଥିବା ବେଳେ କ୍ରିଷ୍ଟିଆନ ରୋନାଲ୍‌ଡୋ ତାଙ୍କ ଟିମ୍‌ମେଟଙ୍କ ସହିତ କ୍ୟାମ୍ପରେ ଯୋଗଦାନ କରିଛନ୍ତି। 

ମାୟାମି ମାଷ୍ଟର୍ସ ଟେନିସ୍‌: ପ୍ରଜନେଶ ବିଜୟୀ

ମାୟାମି ମାଷ୍ଟର୍ସ ଟେନିସ୍‌: ପ୍ରଜନେଶ ବିଜୟୀ

ମାୟାମି, ୨୦ା୩ (ପି.ଟି.)-ଫର୍ମରେ  ଥିବା ପ୍ରଜନେଶ ଗୁଣେଶ୍ୱରନ ମାୟାମି ମାଷ୍ଟର୍ସ ଟେନିସ୍‌ ଟୁର୍ନାମେଣ୍ଟର ଫାଇନାଲ କ୍ୱାଲିଫାଇଙ୍ଗ ରାଉଣ୍ଡରେ ପ୍ରବେଶ କରିଥିବାବେଳେ ଅନ୍ୟତମ ଭାରତୀୟ ଖେଳାଳି ରାମକୁମାର ରମାନାଥନ ଏଠାରେ ତାଙ୍କ ପ୍ରଥମ ବାଧା ଅତିକ୍ରମ କରିପାରି ନାହାନ୍ତି।

ଅଲ୍‌ ଓଡ଼ିଶା ଓପନ ଚେସ୍‌ ୩୦ରୁ

ଅଲ୍‌ ଓଡ଼ିଶା ଓପନ ଚେସ୍‌ ୩୦ରୁ

ଭୁବନେଶ୍ୱର, ୨୦।୩(କ୍ରୀଡ଼ା ପ୍ରତିନିଧି)- ଓଡ଼ିଶା ସେକ୍ରେଟାରିଏଟ ରିକ୍ରିଏଶନ କ୍ଲବ ଆନୁକୂଲ୍ୟରେ ୧୪ତମ ଅଲ୍‌ ଓଡ଼ିଶା ଓପନ ଚେସ୍‌ ଟୁର୍ନାମେଣ୍ଟ ଚଳିତ ମାସ ୩୦ ଓ ୩୧ ତାରିଖ ଦୁଇଦିନଧରି ଅନୁଷ୍ଠିତ ହେବ। 

ରାମେଶ୍ୱର କପ୍‌ ଜୁନିୟର କ୍ରିକେଟ:  ନିମପୁର ସ୍ପୋର୍ଟିଂ କ୍ୱାର୍ଟର ଫାଇନାଲରେ

ରାମେଶ୍ୱର କପ୍‌ ଜୁନିୟର କ୍ରିକେଟ: ନିମପୁର ସ୍ପୋର୍ଟିଂ କ୍ୱାର୍ଟର ଫାଇନାଲରେ

ଭୁବନେଶ୍ୱର, ୨୦।୩(କ୍ରୀଡ଼ା ପ୍ରତିନିଧି)-ବିଏମ ହାଇସ୍କୁଲ ପଡ଼ିଆରେ ଚାଲିଥିବା ରାମେଶ୍ୱର କପ୍‌ ଜୁନିୟର କ୍ରିକେଟ ଟୁର୍ନାମେଣ୍ଟର ଅନ୍ତିମ ପ୍ରି-କ୍ୱାର୍ଟରରେ ବୃହତ୍‌ ବିଜୟ ସହ କଟକର ନିମପୁର ସ୍ପୋର୍ଟିଂ କ୍ୱାର୍ଟର ଫାଇନାଲରେ ପ୍ରବେଶ କରିଛି। 

ସର୍ବଭାରତୀୟ ପ୍ରଦୀପ ସ୍ମାରକୀ କ୍ରିକେଟ:  ନୌସେନା, ବାୟୁସେନା ଦଳ ବିଜୟୀ

ସର୍ବଭାରତୀୟ ପ୍ରଦୀପ ସ୍ମାରକୀ କ୍ରିକେଟ: ନୌସେନା, ବାୟୁସେନା ଦଳ ବିଜୟୀ

ବନ୍ତ,୨୦ା୩(ଡି.ଏନ୍‌.ଏ./ସ୍ବ.ପ୍ର.)- ଭଦ୍ରକ ଜିଲା ବନ୍ତ ବ୍ଲକ ଟିଲୋ ହନୁମାନଜୀଉ ମିନି ଷ୍ଟାଡିୟମଠାରେ ଟିଲୋ ଆଥ୍‌ଲେଟିକ୍‌ ଆସୋସିଏଶନ ଆନୁକୂଲ୍ୟରେ ଚାଲିଥିବା ୨୬ତମ ସର୍ବଭାରତୀୟ ପ୍ରଦୀପ ସ୍ମାରକୀ କ୍ରିକେଟ ଟୁର୍ନାମେଣ୍ଟର ମଙ୍ଗଳବାର ୬ଷ୍ଠ ଦିବସ ଖେଳ ଅନୁଷ୍ଠିତ ହୋଇ ଯାଇଛି।  

ଜାତୀୟସ୍ତରୀୟ ଖୋଖୋ ପ୍ରତିଯୋଗିତା ୨୪ରେ: ଓଡ଼ିଶା ବାଳିକା, ବାଳକ ଦଳ ଭାଗନେବ

ଜାତୀୟସ୍ତରୀୟ ଖୋଖୋ ପ୍ରତିଯୋଗିତା ୨୪ରେ: ଓଡ଼ିଶା ବାଳିକା, ବାଳକ ଦଳ ଭାଗନେବ

ବାଲେଶ୍ୱର ଅଫିସ, ୨୦।୩-ରାଜସ୍ଥାନ ଜୟପୁରଠାରେ ଆସନ୍ତା ୨୪ରେ ଜାତୀୟସ୍ତରୀୟ ସିନିୟର ଖୋ-ଖୋ ପ୍ରତିଯୋଗିତା ଅନୁଷ୍ଠିତ ହେବ। ଏଥିରେ ଓଡ଼ିଶାର ୧୦ ବାଳିକା ଓ ୧୨ଜଣ ବାଳକ ଭାଗନେବେ। 

ସ୍ପେଶାଲ ଅଲିମ୍ପିକ୍ସ ଓ୍ବାଲର୍‌ଡ ସମର ଗେମ୍ସ: ରାଜଶ୍ରୀଙ୍କୁ ରୌପ୍ୟ, ମୁକ୍ତା ଜିତିଲେ ବ୍ରୋଞ୍ଜ

ସ୍ପେଶାଲ ଅଲିମ୍ପିକ୍ସ ଓ୍ବାଲର୍‌ଡ ସମର ଗେମ୍ସ: ରାଜଶ୍ରୀଙ୍କୁ ରୌପ୍ୟ, ମୁକ୍ତା ଜିତିଲେ ବ୍ରୋଞ୍ଜ

ଭୁବନେଶ୍ୱର, ୨୦।୩(କ୍ରୀଡ଼ା ପ୍ରତିନିଧି)-ଆବୁଧାବିଠାରେ ଚାଲିଥିବା ସ୍ପେଶାଲ ଅଲିମ୍ପିକ୍ସ ଓ୍ବାଲର୍‌ଡ ସମର ଗେମ୍ସରେ ଓଡ଼ିଶାର ରାଜଶ୍ରୀ ମହାପାତ୍ର ଓ ମୁକ୍ତା ମୁଣ୍ଡା ନିଜ ନିଜ ଟିମ୍‌ ଗେମ୍ସରେ ପଦକ ହାସଲ କରିଛନ୍ତି। 

ପୂର୍ବ ଭାରତ ସୁନ୍ଦରସ୍ବାସ୍ଥ୍ୟ ପ୍ରତିଯୋଗିତା:  କ୍ରିଷ୍ଣା ରାଓ, ପ୍ରାଣକୃଷ୍ଣଙ୍କୁ ସ୍ବର୍ଣ୍ଣ ପଦକ

ପୂର୍ବ ଭାରତ ସୁନ୍ଦରସ୍ବାସ୍ଥ୍ୟ ପ୍ରତିଯୋଗିତା: କ୍ରିଷ୍ଣା ରାଓ, ପ୍ରାଣକୃଷ୍ଣଙ୍କୁ ସ୍ବର୍ଣ୍ଣ ପଦକ

ଭୁବନେଶ୍ୱର, ୨୦।୩(କ୍ରୀଡ଼ା ପ୍ରତିନିଧି)- ବିହାରର ପାଟନାସ୍ଥିତ ନିତ୍ୟ କଳା ମନ୍ଦିର ପରିସରରେ ଗତ ୨ ଦିନଧରି ୯ମ ପୂର୍ବ ଭାରତ ସୁନ୍ଦରସ୍ବାସ୍ଥ୍ୟ ପ୍ରତିଯୋଗିତା ଅନୁଷ୍ଠିତ ହୋଇ ଯାଇଛି। 

୨୦୧୯ ପରେ ହକି ସିରିଜ ଇଭେଣ୍ଟ ଉଚ୍ଛେଦ କରିବ ଏଫ୍‌ଆଇଏଚ୍‌

୨୦୧୯ ପରେ ହକି ସିରିଜ ଇଭେଣ୍ଟ ଉଚ୍ଛେଦ କରିବ ଏଫ୍‌ଆଇଏଚ୍‌

ଲାଉସାନେ,୨୦।୩ (ପି.ଟି.)- ଚଳିତ ବର୍ଷ ପରେ ଆନ୍ତର୍ଜାତିକ ହକି ଫେଡେରେଶନ (ଏଫ୍‌ଆଇଏଚ୍‌) ହକି ସିରିଜ ଇଭେଣ୍ଟଗୁଡିକୁ ଉଚ୍ଛେଦ କରିବ। ଏହା ବଦଳରେ ସଭ୍ୟ ଆସୋସିଏଶନଗୁଡିକୁ କଣ୍ଟିନେଣ୍ଟାଲ କ୍ୱାଲିଫାୟର୍ସ ଓ ଚାମ୍ପିୟନଶିପ୍‌ ଉପରେ ଅଧିକ ମନୋନିବେଶ କରିବାକୁ ଏଫ୍‌ଆଇଏଚ୍‌ ପ୍ରବର୍ତ୍ତାଇବ ବୋଲି କହିଛି। ଏଫ୍‌ଆଇଏଚ୍‌ ପ୍ରୋ ଲିଗ୍‌ର ପ୍ରାରମ୍ଭିକ ସଂସ୍କରଣ ଆଶାତୀତ ସଫଳତା ହାସଲ କରିଛି। 

ଆଇପିଏଲ୍‌ କାର୍ଯ୍ୟସୂଚୀ:  ନାଇଟ ରାଇଡର୍ସ ସବୁ ଘରୋଇ ମ୍ୟାଚ୍‌ ଇଡେନ୍‌ରେ ଖେଳିବ

ଆଇପିଏଲ୍‌ କାର୍ଯ୍ୟସୂଚୀ: ନାଇଟ ରାଇଡର୍ସ ସବୁ ଘରୋଇ ମ୍ୟାଚ୍‌ ଇଡେନ୍‌ରେ ଖେଳିବ

ନୂଆଦିଲ୍ଳୀ,୨୦।୩ (ପି.ଟି.)- ଦୁଇ ଥର ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଟାଇଟଲ ଜିତିଥିବା କୋଲକାତା ନାଇଟ୍‌ ରାଇଡର୍ସ (କେକେଆର) ତା’ର ସବୁ ଘରୋଇ ମ୍ୟାଚ୍‌ ଐତିହାସିକ ଇଡେନ ଗାର୍ଡେନରେ ଖେଳିବ। ପଶ୍ଚିମବଙ୍ଗରେ ୭ ପର୍ଯ୍ୟାୟରେ ସାଧାରଣ ନିର୍ବାଚନ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଥିଲେ ମଧ୍ୟ ଇଡେନ୍‌ରେ କୋଲକାତା ତା’ର ମ୍ୟାଚ୍‌ ଖେଳିବା ସ୍ପଷ୍ଟ ହୋଇଛି।

ଟାଟା ଫୁଟବଲ ଏକାଡେମୀ ଚାମ୍ପିୟନ

ଟାଟା ଫୁଟବଲ ଏକାଡେମୀ ଚାମ୍ପିୟନ

ଭୁବନେଶ୍ୱର, ୧୯।୩(କ୍ରୀଡ଼ା ପ୍ରତିନିଧି)-
ୟୁନିଟ-୬ ଆଥଲେଟିକ୍‌ ଆସୋସିଏଶନ ଆନୁକୂଲ୍ୟରେ ଅନୁଷ୍ଠିତ ଟାଟା-ଉତ୍କଳିକା କପ୍‌ ଫୁଟବଲ ଟୁର୍ନାମେଣ୍ଟ ମଙ୍ଗଳବାର ଉଦ୍‌ଯାପିତ ହୋଇଛି। ଫାଇନାଲରେ ଜାମସେଦପୁରର ଟାଟା ଫୁଟବଲ ଏକାଡେମୀ (ଟିଏଫଏ) ୨-୧ ଗୋଲରେ ଫୁଲବାଣୀ ଏକାଦଶକୁ ହରାଇ ଚାମ୍ପିୟନ ହୋଇଛି। ରଜତ ନାଗ୍‌ଙ୍କ ୭ମ ମିନିଟ ଗୋଲ ବଳରେ ଫୁଲବାଣୀ ଦଳ ପ୍ରଥମାର୍ଦ୍ଧ ଶେଷସୁଦ୍ଧା ୧-୦ ଗୋଲରେ ଅଗ୍ରଣୀ ହାସଲ କରିଥିଲା। ମାତ୍ର ଦ୍ୱିତୀୟାର୍ଦ୍ଧରେ ଟାଟା ଦଳ ପ୍ରଭାବୀ ପ୍ରଦର୍ଶନ କରି ସଫଳ ପ୍ରତ୍ୟାବର୍ତ୍ତନ କରିଥିଲା।


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା