ଖେଳ |

ନୂଆ ଏ+ ଗ୍ରେଡ୍‌ରେ କୋହଲି,ରୋହିତ, ଧାଓ୍ବନ୍‌

ନୂଆ ଏ+ ଗ୍ରେଡ୍‌ରେ କୋହଲି,ରୋହିତ, ଧାଓ୍ବନ୍‌
ନୂଆଦିଲ୍ଲୀ, ୭।୩ (ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ବୁଧବାର ତା’ର ନୂଆ ଖେଳାଳି ଚୁକ୍ତି ଘୋଷଣା କରିଛି। ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ପ୍ରଶାସକ କମିଟି (ସିଓଏ) ବିସିସିଆଇ ତରଫରୁ ଅକ୍ଟୋବର ୨୦୧୭ରୁ ସେପ୍ଟେମ୍ବର ୨୦୧୮ ପର୍ଯ୍ୟନ୍ତ ଏହି ନୂଆ ବାର୍ଷିକ ଖେଳାଳି ଚୁକ୍ତି ଘୋଷଣା କରିଛି। ଏ, ବି, ସି ବର୍ଗ ସହିତ ବିଶ୍ୱର ସବୁଠାର ଏହି ଧନୀ ବୋର୍ଡ ପ୍ରଥମଥର ପାଇଁ ନୂଆ କରି ‘ଏ+’ ଗ୍ରେଡକୁ ଚୁକ୍ତିରେ ସାମିଲ କରିଛି। ଭାରତୀୟ କ୍ରିକେଟର ସାମ୍ପ୍ରତିକ ସ୍ଥିତି ଓ ପ୍ରଦର୍ଶନକୁ ଦୃଷ୍ଟିରେ ରଖି ଚୁକ୍ତିର ବିଭିନ୍ନ ଗ୍ରେଡ ବା ବର୍ଗରେ ଖେଳାଳିମାନଙ୍କୁ ସାମିଲ କରାଯାଇଛି। ଶ୍ରେଷ୍ଠ ବିବେଚିତ ହୋଇଥିବା ଏ+ ବର୍ଗରେ ୫ଜଣ ଖେଳାଳିଙ୍କୁ ସାମିଲ କରାଯାଇଛି। ସେମାନଙ୍କ ମଧ୍ୟରେ ରହିଛନ୍ତି ଅଧିନାୟକ ବିରାଟ କୋହଲି, ରୋହିତ ଶର୍ମା, ଶିଖର ଧାଓ୍ବନ, ଦୁଇ ଦ୍ରୁତ ବୋଲର ଯଶପ୍ରୀତ ବୁମରା ଓ ଭୁବନେଶ୍ୱର କୁମାର। ଆଶ୍ଚର୍ଯ୍ୟଜନକ ଭାବେ ଅଭିଜ୍ଞ ତଥା ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଓ ବରିଷ୍ଠ ଅଫ୍‌ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କୁ ଏହି ବର୍ଗରେ ସାମିଲ କରା ନ ଯାଇ ଏ’ ଗ୍ରେଡରେ ସାମିଲ କରାଯାଇଛି। ଏ+ ବର୍ଗରେ ସାମିଲ ହୋଇଥିବା ଖେଳାଳିମାନେ ୭ କୋଟି ଟଙ୍କା ଲେଖାଏଁ ପାଇବେ। ସେହିପରି ଏ’, ବି’ ଓ ସି’ ବର୍ଗରେ ସାମିଲ ହୋଇଥିବା ଖେଳାଳିମାନଙ୍କୁ ଯଥାକ୍ରମେ ୫ କୋଟି, ୩ କୋଟି ଓ ଏକ କୋଟି ଟଙ୍କା ବାର୍ଷିକ ପାଇବେ। ଖେଳାଳିମାନଙ୍କ ପାଇଁ ଉଦ୍ଦିଷ୍ଟ ଏହି ଚୁକ୍ତି ବିଶ୍ୱର ଶ୍ରେଷ୍ଠ ବୋଲି ବିସିସିଆଇ ତରଫରୁ କୁହାଯାଇଛି। ଅନ୍ୟପଟେ ଧୋନୀ, ଅଶ୍ୱିନଙ୍କ ସମେତ ରବୀନ୍ଦ୍ର ଜାଡେଜା, ମୁରଲୀ ବିଜୟ, ଚେତେଶ୍ୱର ପୂଜାରା, ଆଜିଙ୍କ୍ୟ ରାହାନେ ଓ ରିଦ୍ଧିମାନ ଶାହା ଏ’ ବର୍ଗରେ ୫ କୋଟି ଟଙ୍କା ବିନିମୟରେ ସାମିଲ ହୋଇଛନ୍ତି। ସେହିପରି ବି’ ବର୍ଗରେ ଲୋକେଶ ରାହୁଲ, ଉମେଶ ଯାଦବ, କୁଲଦୀପ ଯାଦବ, ୟୁଜବେନ୍ଦ୍ର ଚହଲ, ହାର୍ଦ୍ଦିକ ପାଣ୍ଡ୍ୟା, ଇଶାନ୍ତ ଶର୍ମା ଓ ଦୀନେଶ କାର୍ତ୍ତିକ ୩ କୋଟି ଟଙ୍କା ବିନିମୟରେ ସାମିଲ ହୋଇଛନ୍ତି। ଅପରପକ୍ଷରେ ସି’ ବର୍ଗରେ ୧ କୋଟି ଟଙ୍କା ବିନିମୟରେ କେଦାର ଯାଦବ, ମନୀଷ ପାଣ୍ଡେ, ଅକ୍ଷର ପଟେଲ, କରୁନ ନାୟାର, ସୁରେଶ ରାଇନା, ପାର୍ଥତ୍ବ ପଟେଲ ଓ ଜୟନ୍ତ ଯାଦବ ସାମିଲ ହୋଇଛନ୍ତି। ସେହିପିର ମହିଳା କ୍ରିକେଟରଙ୍କ ପାଇଁ ମଧ୍ୟ ବୋର୍ଡ ଅନୁରୂପ ଭାବେ ଚୁକ୍ତି ଘୋଷଣା କରିଛି। ବିଶ୍ୱକପ୍‌ ତାରକା ମିଥାଲି ରାଜ, ଝୁଲଣ ଗୋସ୍ବାମୀ, ହରମନପ୍ରୀତ କୌର ଓ ସ୍ମୃତି ମନ୍ଧାନା ଏ’ ବର୍ଗରେ ସାମିଲ ହୋଇଛନ୍ତି। ସେହିପରି ବାକି ମହିଳା କ୍ରିକେଟରମାନଙ୍କୁ ବି ଓ ସି ବର୍ଗରେ ସାମିଲ କରାଯାଇଛି। ଗ୍ରେଡ ଏ’, ବି ଓ ସିରେ ମହିଳା କ୍ରିକେଟରଙ୍କୁ ଯଥାକ୍ରମେ ୫୦, ୩୦ ଓ ୧୦ ଲକ୍ଷ ଟଙ୍କା ବିନିମୟରେ ସାମିଲ କରାଯିବ। ଘରୋଇ କ୍ରିକେଟ ମ୍ୟାଚ ପାଉଣା ପ୍ରଦାନରେ ମଧ୍ୟ ୨୦୦ ପ୍ରତିଶତ ବୃଦ୍ଧି ହୋଇଛି। ଉଭୟ ମହିଳା ଓ ପୁରୁଷ କ୍ରିକେଟରଙ୍କ ପାଇଁ ମ୍ୟାଚ୍‌ ପାଉଣାରେ ଏପରି ବୃଦ୍ଧି ଘଟିଛି। ବିସିସିଆଇର ବାର୍ଷିକ ରୋଜଗାରରେ ସ୍ଥିରତା ରହି ନ ଥାଏ। ସିନିୟର ପୁରୁଷ ଦଳର ଘରୋଇ ମ୍ୟାଚ ସଂଖ୍ୟା ଉପରେ ବୋର୍ଡର ଆମଦାନୀ ନିର୍ଭର କରିଥାଏ। ଫଳରେ ସିଓଏ ଏକ ନୂଆ ‘ପ୍ଲେୟାର୍ସ ରେଭିନ୍ୟୁ/ କମ୍ପେନସେଶନ ଇକ୍ୱାଲାଇଜେଶନ ଫଣ୍ଡ’ଗଠନ କରିଛି। ଏହି ଫଣ୍ଡକୁ ବାର୍ଷିକ ୧୨୫ କୋଟି ଟଙ୍କା ପ୍ରଦାନ କରାଯିବ ବୋଲି ବୋର୍ଡ ତରଫରୁ କୁହାଯାଇଛି। ଗ୍ରେଡ୍‌ ଏ+: ବିରାଟ କୋହଲି, ରୋହିତ ଶର୍ମା, ଶିଖର ଧାଓ୍ବନ, ଭୁବନେଶ୍ୱର କୁମାର ଓ ଯଶପ୍ରୀତ ବୁମରା। ଗ୍ରେଡ୍‌ ଏ’: ରବିଚନ୍ଦ୍ରନ ଅଶ୍ୱିନ, ରବୀନ୍ଦ୍ର ଜାଡେଜା, ମୁରଲୀ ବିଜୟ, ଚେତେଶ୍ୱର ପୂଜାରା, ଆଜିଙ୍କ୍ୟ ରାହାନେ, ମହେନ୍ଦ୍ର ସିଂ ଧୋନୀ ଓ ରିଦ୍ଧିମାନ ଶାହା। ଗ୍ରେଡ୍‌ ବି’: ଲୋକେଶ ରାହୁଲ, ଉମେଶ ଯାଦବ, କୁଲଦୀପ ଯାଦବ, ୟୂଜବେନ୍ଦ୍ର ଚହଲ, ହାର୍ଦ୍ଦିକ ପାଣ୍ଡ୍ୟା, ଇଶାନ୍ତ ଶର୍ମା ଓ ଦୀନେଶ କାର୍ତ୍ତିକ। ଗ୍ରେଡ୍‌ ସି’: କେଦାର ଯାଦବ, ମନୀଷ ପାଣ୍ଡେ, ଅକ୍ଷର ପଟେଲ, କରୁନ ନାୟାର, ସୁରେଶ ରାଇନା, ପାର୍ଥବ ପଟେଲ ଓ ଜୟନ୍ତ ଯାଦବ।
All Right Reserved By

ଖେଳ |

ରେକର୍ଡ କହୁଛି ଜିତିବ ସିଏସ୍‌କେ

ରେକର୍ଡ କହୁଛି ଜିତିବ ସିଏସ୍‌କେ

ଚେନ୍ନାଇ,୨୨।୩- ସ୍ଥାନୀୟ ଏମ୍‌. ଚିଦାମ୍ବରମ ଷ୍ଟାଡିୟମ୍‌ରୁ ଆଇପିଏଲ-୧୨ ଆରମ୍ଭ ହେବାକୁ ଯାଉଛି।

ବୟୋଜ୍ୟେଷ୍ଠ ଖେଳାଳିଙ୍କ ଦଳ ସିଏସ୍‌କେ

ବୟୋଜ୍ୟେଷ୍ଠ ଖେଳାଳିଙ୍କ ଦଳ ସିଏସ୍‌କେ

ଇଣ୍ଡିଆନ ପ୍ରିମିୟର ଲିଗ୍‌ର ୧୨ତମ ସଂସ୍କରଣ ଶନିବାରଠାରୁ ଆରମ୍ଭ ହେବାକୁ ଯାଉଛି। ଏଥିରେ ଖେଳିବାକୁ ଥିବା ଦଳମାନଙ୍କ ମଧ୍ୟରେ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ହେଉଛି ସବୁଠୁ ବୟୋଜ୍ୟେଷ୍ଠ ଖେଳାଳିଙ୍କ ଦଳ। 

ଶୀର୍ଷରେ ସ୍ମୃତି ମନ୍ଧାନା, ଝୁଲନ ଗୋସ୍ବାମୀ

ଶୀର୍ଷରେ ସ୍ମୃତି ମନ୍ଧାନା, ଝୁଲନ ଗୋସ୍ବାମୀ

ଦୁବାଇ,୨୨।୩-ଭାରତୀୟ ଓପନର ସ୍ମୃତି ମନ୍ଧାନା ଓ ଫାଷ୍ଟ ବୋଲର ଝୁଲନ ଗୋସ୍ବାମୀ ମହିଳା ବ୍ୟାଟ୍ସଓମ୍ୟାନ ଓ ବୋଲରଙ୍କ ର଼୍ୟାଙ୍କିଙ୍ଗ୍‌ର ଶୀର୍ଷ ସ୍ଥାନ ବଜାୟ ରଖିଛନ୍ତି। 

ମୋଦିଙ୍କ ଭିଜନରେ ଅନୁପ୍ରାଣିତ - ଗମ୍ଭୀର

ମୋଦିଙ୍କ ଭିଜନରେ ଅନୁପ୍ରାଣିତ - ଗମ୍ଭୀର

ନୂଆଦିଲ୍ଲୀ,୨୨।୩(ପିଟି)- ପୂର୍ବତନ ଅନ୍ତର୍ଜାତୀୟ କ୍ରିକେଟର ଗୌତମ ଗମ୍ଭୀର ଶୁକ୍ରବାର ଭାଜପାରେ ଯୋଗଦେଇଛନ୍ତି।

୨୫  ବଲରେ ଶତକ ଲଗାଇଲେ ଓ୍ବିଲ ଜ୍ୟାକ୍ସ

୨୫ ବଲରେ ଶତକ ଲଗାଇଲେ ଓ୍ବିଲ ଜ୍ୟାକ୍ସ

ନୂଆଦିଲ୍ଲୀ,୨୨।୩(ପିଟି)- ସରେ ପାଇଁ ଖେଳୁଥିବା ଓ୍ବିଲ ଜ୍ୟାକ୍ସ ୨୫ ବଲରେ ଶତକ ଲଗାଇଛନ୍ତି।

ପାକିସ୍ତାନରେ ହେବ ନାହିଁ ଆଇପିଏଲ ପ୍ରସାରଣ

ପାକିସ୍ତାନରେ ହେବ ନାହିଁ ଆଇପିଏଲ ପ୍ରସାରଣ

ନୂଆଦିଲ୍ଲୀ,୨୨।୩(ପିଟି)- ପାକିସ୍ତାନ ସୁପର ଲିଗ୍‌ (ପିଏସ୍‌ଏଲ୍‌) ପ୍ରସାରଣକୁ ଭାରତରେ ବ୍ୟାନ କରାଯିବା ପରେ ପାକିସ୍ତାନ ଆଇପିଏଲର ୧୨ତମ ସଂସ୍କରଣର ପ୍ରସାରଣକୁ ବ୍ୟାନ କରିଛି। 

କ୍ରିକେଟ ପଡ଼ିଆ ଛାଡି  ରାଜନୀତିରେ ଯୋଗ ଦେଲେ ଗୌତମ ଗମ୍ଭୀର: ଭାଜପାରେ  ସାମିଲ

କ୍ରିକେଟ ପଡ଼ିଆ ଛାଡି ରାଜନୀତିରେ ଯୋଗ ଦେଲେ ଗୌତମ ଗମ୍ଭୀର: ଭାଜପାରେ ସାମିଲ

ନୂଆଦିଲ୍ଲୀ, ୨୨।୩: ପୂର୍ବତନ ଭାରତୀୟ କ୍ରିକେଟର ଗୌତମ ଗମ୍ଭୀର କ୍ରିକେଟ ପଡ଼ିଆ ଛାଡି ରାଜନୀତିରେ ଯୋଗଦେଇଛନ୍ତି। ସେ ଭାଜପାରେ ଶୁକ୍ରବାର ସାମିଲ୍‌ ହୋଇଛନ୍ତି। 

ଡେନମାର୍କ ବ୍ୟାଡ୍‌ମିଣ୍ଟନ ଖେଳାଳି ବାସନ୍ଦ

ଡେନମାର୍କ ବ୍ୟାଡ୍‌ମିଣ୍ଟନ ଖେଳାଳି ବାସନ୍ଦ

ଲଣ୍ଡନ, ୨୧।୩(ପିଟି)- ଡେନମାର୍କ ବ୍ୟାଡ୍‌ମିଣ୍ଟନ ଖେଳାଳି  ଜୋଆଚିମ ପରସନଙ୍କୁ ଦେଢ଼ ବର୍ଷ ପାଇଁ ବାସନ୍ଦ କରାଯାଇଛି। ବେଟିଂ ସହ ଜଡ଼ିତ ହୋଇ ସେ ସ୍ପୋଟର୍‌ସ ଅଫ୍‌ କଣ୍ଡକ୍ଟ ଭଙ୍ଗ କରିଛନ୍ତି। 

ସ୍ପେଶାଲ ଅଲିମ୍ପିକ୍ସରେ ଭାରତକୁ ୩୬୮ ପଦକ

ସ୍ପେଶାଲ ଅଲିମ୍ପିକ୍ସରେ ଭାରତକୁ ୩୬୮ ପଦକ

ନୂଆଦିଲ୍ଲୀ,୨୧।୩(ପିଟି)- ୟୁଏଇର ଆବୁଧାବିଠାରେ ଚାଲିଥିବା ସ୍ପେଶାଲ ଅଲିମ୍ପିକ୍ସ ଓ୍ବାଲର୍‌ଡ ସମର ଗେମ୍ସରେ ଭାରତ ୮୫ ସ୍ବର୍ଣ୍ଣ ସହ ମୋଟ ୩୬୮ ପଦକ ସହ ଅଭିଯାନ ଶେଷ କରିଛି।

ପାକିସ୍ତାନ ଖେଳାଳିଙ୍କ ନାମରେ ରହିଛି ଆଇପିଏଲ ରେକର୍ଡ

ପାକିସ୍ତାନ ଖେଳାଳିଙ୍କ ନାମରେ ରହିଛି ଆଇପିଏଲ ରେକର୍ଡ

ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ପ୍ରଥମ ସଂସ୍କରଣ ପରେ ପାକିସ୍ତାନ ଖେଳାଳିଙ୍କୁ ଅଂଶଗ୍ରହଣ କରିବାକୁ ସୁଯୋଗ ଦିଆଯାଉନାହିଁ। 

ମିଃ. ଆଇପିଏଲ ରାଇନା

ମିଃ. ଆଇପିଏଲ ରାଇନା

ଭାରତୀୟ ବାମହାତୀ ଷ୍ଟାଇଲିଶ ବ୍ୟାଟ୍ସମ୍ୟାନ ସୁରେଶ ରାଇନା କେତେକ ସ୍ବତନ୍ତ୍ର କାରଣ ଯୋଗୁ ମିଃ. ଆଇପିଏଲ ଭାବେ ପରିଚିତ।

ମ୍ୟାଚ୍‌ ପିଛା କେତେ କମାନ୍ତି ଚିୟରଲିଡର୍‌...

ମ୍ୟାଚ୍‌ ପିଛା କେତେ କମାନ୍ତି ଚିୟରଲିଡର୍‌...

ଜାତୀୟ ଖେଳ ‘ହକି’ ହେଲେ ମଧ୍ୟ ଭାରତରେ କ୍ରିକେଟକୁ ନେଇ ରହିଛି ଭିନ୍ନ କ୍ରେଜ୍‌। ପିଲାଠାରୁ ଆରମ୍ଭ କରି ବୁଢ଼ା ପର୍ଯ୍ୟନ୍ତ ଏହି ଖେଳକୁ ପସନ୍ଦ କରିଥାନ୍ତି। ଏହାକୁ ନେଇ ଇଣ୍ଡିଆନ୍‌ ପ୍ରିମିୟର ଲିଗ୍‌(ଆଇପିଏଲ୍‌)ର ସୃଷ୍ଟି। ଏଥିରେ ଦର୍ଶକମାନେ ଖେଳାଳିଙ୍କ ଧୁଆଁଧାର ବ୍ୟାଟିଂ, ବୋଲିଂ ସହ ଚିୟରଲିଡର୍ସମାନଙ୍କ ନୃତ୍ୟକୁ ଉପଭୋଗ କରିଥାନ୍ତି।


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା