ରାୟଗଡା

ବ୍ୟବଚ୍ଛେଦ ପାଇଁ ବାଇକ୍‌ରେ ବୁହାହେଲା ମହିଳାଙ୍କ ମୃତଦେହ

ବ୍ୟବଚ୍ଛେଦ ପାଇଁ ବାଇକ୍‌ରେ ବୁହାହେଲା ମହିଳାଙ୍କ ମୃତଦେହ




କୁନ୍ଦୁରା, ୭।୩ (ଡି.ଏନ୍‌.ଏ.)

ଆତ୍ମହତ୍ୟା କରିଥିବା ଜଣେ ମହିଳାଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ବାଇକ୍‌ରେ ୧୨ କିଲୋମିଟର ବୁହାହେବା ଭଳି ଅଶୋଭନୀୟ ଚିତ୍ର କୋରାପୁଟ ଜିଲାରେ ବୁଧବାର ଦେଖିବାକୁ ମିଳିଛି। ସେତିକି ନୁହେଁ, ଡାକ୍ତରଖାନାରେ ମଧ୍ୟ ମୃତଦେହ ହୀନସ୍ତାର ଶିକାର ହୋଇଛି। ଏନେଇ ବିଭିନ୍ନ ମହଲରୁ ପ୍ରତିକ୍ରିୟା ପ୍ରକାଶ ପାଇଛି।
କୋରାପୁଟ ଜିଲା କୁନ୍ଦୁରା ବ୍ଲକ ଆସନା ପଞ୍ଚାୟତ କେନ୍ଦୁଗୁଡା ଗ୍ରାମର ସମାରୁ ଦୁରୁଆଙ୍କ ସ୍ତ୍ରୀ ଦହଣା (୩୫) ବେକରେ ରଶି ଲଗାଇ ଆତ୍ମହତ୍ୟା କରିଥିଲେ। ଆମ୍ବଗୁଡା ବ୍ରାହ୍ମଣ ଦେଉ ମନ୍ଦିର ନିକଟସ୍ଥ ଗୌଡ଼ ଶ୍ମଶାନ ପୋଖରୀ ନିକଟରେ ଥିବା ଏକ ତେନ୍ତୁଳି ଗଛରେ ତାଙ୍କର ଝୁଲନ୍ତା ମୃତଦେହ ମିଳିଥିଲା। ପରିବାରଠାରୁ ୭ ବର୍ଷ ହେବ ଅଲଗା ରହୁଥିଲେ ଦହଣା। ତାଙ୍କର ଦୁଇଟି ଝିଅ ଓ ଗୋଟିଏ ପୁଅ ଅଛନ୍ତି। ତେବେ ଘଟଣା ଜଣାପଡ଼ିବା ପରେ ପୋଲିସ ପହଞ୍ଚତ୍ ମୃତଦେହକୁ ବ୍ୟବଚ୍ଛେଦ ପାଇଁ ନେବାର ଥିଲା। କିନ୍ତୁ ବିଡ଼ମ୍ବନା ମୃତଦେହ କୁନ୍ଦୁରା ସ୍ବାସ୍ଥ୍ୟକେନ୍ଦ୍ର ପର୍ଯ୍ୟନ୍ତ ନେବା ପାଇଁ କୌଣସି ପ୍ରଶାସନିକ ବ୍ୟବସ୍ଥା ନଥିଲା। ଫଳରେ ବାଧ୍ୟହୋଇ କୁନ୍ଦୁରା ଜିଲା ପରିଷଦ ଜୋନ୍‌(୨)ର ସଭ୍ୟ ଧନିରାମ ବାରିକ ଓ ଗ୍ରାମର ଜଣେ ପୁରୁଷ ବାଇକ୍‌ରେ ଦହଣାଙ୍କ ମୃତଦେହ ନେଇ ସନ୍ଧ୍ୟାରେ ଡାକ୍ତରଖାନାରେ ପହଞ୍ଚତ୍ଥିଲେ। ସେଠି ସମସ୍ୟା ଆହୁରି ବଢ଼ିଗଲା। ଶବ ରଖିବା ପାଇଁ ସ୍ବାସ୍ଥ୍ୟକେନ୍ଦ୍ରରେ କୌଣସି ସ୍ବତନ୍ତ୍ର ଗୃହ ନ ଥିବା ଯୋଗୁ ମେଡିକାଲ ଚଟାଣରେ ମୃତଦେହକୁ ଶୁଆଇ ତାକୁ ପରିବାର ଲୋକେ ଜଗି ରହିଛନ୍ତି। ଗୁରୁବାର ବ୍ୟବଚ୍ଛେଦ ହେବାକୁ ଥିବା ବୁଧବାର ସନ୍ଧ୍ୟାରୁ ରାତି ସାରା ମୃତଦେହ ଧରି ଜଗିବେ ସମ୍ପର୍କୀୟ। ଦୁରୁଆ ସମ୍ପ୍ରଦାୟର ଜଣେ ଆଦିବାସୀ ମହିଳାଙ୍କ ମୃତଦେହ ପ୍ରତି ଏଭଳି ସମ୍ମାନ ନେଇ ପ୍ରତିକ୍ରିୟା ପ୍ରକାଶ ପାଇଛି।

All Right Reserved By

ରାୟଗଡା

ସୌରାକୁହୁଡିରେ ଠାକୁରାଣୀ ମନ୍ଦିର ପ୍ରତିଷ୍ଠା

ସୌରାକୁହୁଡିରେ ଠାକୁରାଣୀ ମନ୍ଦିର ପ୍ରତିଷ୍ଠା

କୋଟପାଡ,୨୩।୬(ଡି.ଏନ.ଏ)-କୋଟପାଡ ବ୍ଲକ ଧାମଣାହାଣ୍ଡି ଗ୍ରାମ ପଞ୍ଚାୟତର ସୌରକୁହୁଡି ଗ୍ରାମରେ ଶନିବାର ଗ୍ରାମ ଠାକୁରାଣୀଙ୍କ ମନ୍ଦିର ପ୍ରତିଷ୍ଠା ହୋଇଛି । ମନ୍ଦିର ପ୍ରତିଷ୍ଠା ପାଇଁ ଗ୍ରାମର ଶତାଧିକ ମହିଳା ଏକ ଶୋଭାଯାତ୍ରାରେ ବାହାରି ସ୍ଥାନୀୟ ନଦୀରୁ କଳସରେ ପାଣି ଆଣିଥିଲେ ।

ଚୋରା କାଠ ଚାଲାଣ ବେଳେ ଟ୍ରାକ୍ଟର ଜବତ: ଡ୍ରାଇଭର ଗିରଫ

ଚୋରା କାଠ ଚାଲାଣ ବେଳେ ଟ୍ରାକ୍ଟର ଜବତ: ଡ୍ରାଇଭର ଗିରଫ

ବାଲିମେଳା,୨୩।୬(ଡି.ଏନ.ଏ) : ମାଲକାନଗିରି ଜିଲା ଖଇରପୁଟ ବ୍ଲକ ଅନ୍ତର୍ଗତ ପାର୍କନମାଳା ପଞ୍ଚାୟତର ସୁନାନଗର ଘାଟିରେ ବନବିଭାଗର କର୍ମଚାରୀମାନେ ଶୁକ୍ରବାର ରାତି ୯ଟାରେ ଏକ ନମ୍ବର ବିହୀନ ଟ୍ରାକ୍ଟରରୁ ଚୋରା କାଠ ଜବତ କରିଛନ୍ତି।

ରେଡକ୍ରସର ଜିଲାସ୍ତରୀୟ ଅଧିବେଶନ

ରେଡକ୍ରସର ଜିଲାସ୍ତରୀୟ ଅଧିବେଶନ

ମାଲକାନଗିରି,୨୩।୬ (ସ୍ବ.ପ୍ର.): ରେଡକ୍ରସ ଅଧ୍ୟକ୍ଷ ତଥା ଜିଲାପାଳ ମନୀଶ ଅଗ୍ରଓ୍ବାଲଙ୍କ ନିର୍ଦ୍ଦେଶରେ ଜିଲାପାଳଙ୍କ ସମ୍ମିଳନୀ କକ୍ଷରେ ରେଡକ୍ରସର ଏକ ବୈଠକ ଅନୁଷ୍ଠିତ ହୋଇଯାଇଛି। ଅତିରିକ୍ତ ଜିଲାପାଳ ରଘୁମଣି ଗୋମାଙ୍ଗଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ରେଡକ୍ରସର ପାଣ୍ଠି ସଂଗ୍ରହ ଓ ଅନ୍ୟାନ୍ୟ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରାଯାଇଥିଲା।

ନଳକୂପ ପାଣିରୁ ବାହାରୁଛି ପୋକ

ନଳକୂପ ପାଣିରୁ ବାହାରୁଛି ପୋକ

ଟିକିରି,୨୩।୬ ରାୟଗଡା ଜିଲା କାଶିପୁର ବ୍ଲକ ଅନ୍ତର୍ଗତ ଦୁଡୁକାବାହଲ ପଞ୍ଚାୟତରେ ରହିଛି ଡେଙ୍ଗାଗୁଡା ଗ୍ରାମ। ଆଦିବାସୀ ବହୁଳ ଏହି ଗ୍ରାମରେ ୪୦ରୁ ଅଧିକ ପରିବାର ରହୁଛନ୍ତି। ପଞ୍ଚାୟତ ସଦର ନିକଟରେ ଥିବା ଏହି ଗ୍ରାମରେ ରାସ୍ତା ଓ ପାନୀୟ ଜଳ ହେଉଛି ମୁଖ୍ୟ ସମସ୍ୟା । ଗ୍ରାମରେ ରହିଛି ଏକମାତ୍ର ନଳକୂପ । ସେଥିରୁ ଦୂଷିତ ପାଣି ବାହାରୁ ଥିବାରୁ ବ୍ୟବହାର ଅନୁପଯୋଗୀ ହୋଇପଡିଛି ।

ଝଞ୍ଜାବତୀ ବ୍ରିଜ କାର୍ଯ୍ୟ ବନ୍ଦ, ନିର୍ଦ୍ଧାରିତ ସମୟ ଶେଷ

ଝଞ୍ଜାବତୀ ବ୍ରିଜ କାର୍ଯ୍ୟ ବନ୍ଦ, ନିର୍ଦ୍ଧାରିତ ସମୟ ଶେଷ

ରାୟଗଡା ଅଫିସ୍‌,୨୩।୬: ରାୟଗଡା ସହରରୁ ଆନ୍ଧ୍ରପ୍ରଦେଶକୁ ସଂଯୋଗ କରୁଥିବା ରାସ୍ତା ତଥା ରାୟଗଡା ସହରର ପ୍ରସିଦ୍ଧ ମା’ ମଝିଘରିଆଣୀ ମନ୍ଦିର ନିକଟ ଝଞ୍ଜାବତୀ ନଦୀ ଉପରେ ଥିବା ପୋଲ ବର୍ତ୍ତମାନ ବିପଦସଙ୍କୁଳ ଅବସ୍ଥାରେ ରହିଛି । ପ୍ରତ୍ୟେକ ଦିନ ଉକ୍ତ ପୋଲ ଦେଇ ବହୁ ଲୋକ ଜୀବନକୁ ବାଜିମାରି ଯାତାୟାତ କରିବାକୁ ବାଧ୍ୟ ହେଉଛନ୍ତି ।

ଦାମନଯୋଡ଼ିର ସ୍ନେହା, ରଞ୍ଜିତା ଦନ୍ତ ଚିକିତ୍ସକ ହେଲେ

ଦାମନଯୋଡ଼ିର ସ୍ନେହା, ରଞ୍ଜିତା ଦନ୍ତ ଚିକିତ୍ସକ ହେଲେ

ଦାମନଯୋଡ଼ି,୨୩।୬(ଡି.ଏନ.ଏ): ଦୁଇଦିନ ତଳେ ଓଡ଼ିଶା ପବ୍ଲିକ ସର୍ଭିସ କମିଶନ ପକ୍ଷରୁ ଦନ୍ତ ଚିକିତ୍ସକ ପଦବୀ ପାଇଁ ହୋଇଥିବା ପରୀକ୍ଷାଫଳ ପ୍ରକାଶ ପାଇଛି। ଏଥିରେ କୋରାପୁଟ ଜିଲା ଦାମନଯୋଡ଼ିର ରଞ୍ଜିତା ନାୟକ ଏବଂ ସ୍ନେହା ମୋଟୁରି ସଫଳ ହୋଇଛନ୍ତି। କନିଷ୍ଠ ପ୍ରଥମ ଶ୍ରେଣୀ ପାହ୍ୟାର ୧୯୮ଟି ପଦବୀ ପାଇଁ ଅନୁଷ୍ଠିତ ପରୀକ୍ଷାରେ ୧୯୩ଜଣ କୃତକାର୍ଯ୍ୟ ହୋଇଛନ୍ତି।

ବ୍ୟାଟେରି ନଷ୍ଟ: ବିଦ୍ୟୁତକାଟ୍‌ ହେଲେ ବ୍ୟାଙ୍କ କାର୍ଯ୍ୟ ବନ୍ଦ

ଜୟପୁର,୨୩ା୬(ଡି.ଏନ.ଏ )- କୋରାପୁଟ ଜିଲା ଜୟପୁର ସହରରେ ବିଦ୍ୟୁତକାଟ ହେଲେ ସରକାରୀ ପୌର ଜଗଦୀଶ ଚନ୍ଦ୍ର ନାୟକ ଉଚ୍ଚ ବିଦ୍ୟାଳୟ ଛକସ୍ଥିତ ବ୍ୟାଙ୍କ ଅଫ ବାରୋଦାରେ କାର୍ଯ୍ୟ ବନ୍ଦ ହୋଇପଡୁଛି। ବ୍ୟାଙ୍କରେ ବ୍ୟାଟେରିରେ ସମସ୍ୟା ଥିବାରୁ କୌଣସି କମ୍ପ୍ୟୁଟର କାର୍ଯ୍ୟ କରୁନାହିଁ। ଫଳରେ ଗ୍ରାହକ ହନ୍ତସନ୍ତ ହେଉଛନ୍ତି ା

ଭଲ ବର୍ଷା ପାଇଁ ବିଶ୍ୱାସର ନିଆରା ପର୍ବ: ବୀରପାଣି ଯାତ୍ରା

ଭଲ ବର୍ଷା ପାଇଁ ବିଶ୍ୱାସର ନିଆରା ପର୍ବ: ବୀରପାଣି ଯାତ୍ରା

ଜୟପୁର,୨୩ା୬(ଡି.ଏନ.ଏ)- ରାଜରାଜୁଡା ଅମଳରୁ ପ୍ରଚଳିତ ହୋଇ ଆସୁଥିବା ଆଦିବାସୀ ଏବଂ ସାଧାରଣ ଲୋକେ ପ୍ରତିବର୍ଷ ପରି ଚଳିତ ବର୍ଷ ଜ୍ୟେଷ୍ଠ ମାସ ଶେଷ ଶନିବାର କୋରାପୁଟ ଜିଲା ଜୟପୁର ବ୍ଲକ ନିକଟସ୍ଥ ଗଡପଦର ଗ୍ରାମରେ ଭଲ ବର୍ଷା ଓ ଫସଲ ଅମଳ ନେଇ ବିଶ୍ୱାସ, ପରମ୍ପରାର ନିଆରା ପର୍ବ ବୀରପାଣି ଯାତ୍ରା ପାଳନ କରାଯାଇଛି। ଚଳିତ ବର୍ଷ ମାନସିକଧାରୀଙ୍କ ପକ୍ଷରୁ ପ୍ରାୟ ଶତାଧିକ ବୋଦା, ମେଣ୍ଢା ଓ କୁକୁଡା ବଳି ଦିଆଯାଇଛି ା ସ୍ଥାନୀୟ ବାସିନ୍ଦାଙ୍କ କହିବା ଅନୁଯାୟୀ, ପ୍ରାୟ ୨୦୦ ବର୍ଷ ପୂର୍ବେ ଜୟପୁର ମହାରାଜା ରାମଚନ୍ଦ୍ର ଦେବଙ୍କୁ ସ୍ବପ୍ନାଦେଶ ପରେ ଏହିଯାତ୍ରା ପାଳନର ଶୁଭାରମ୍ଭ ହୋଇଥିଲା ା

୨୦୧୧ ବ୍ୟାଚ ଶିକ୍ଷା ସହାୟକଙ୍କ ଚାକିରି ସ୍ଥାୟୀ ଦାବିରେ ଆନ୍ଦୋଳନ

କୋରାପୁଟ,୨୩ା୬(ସ୍ବ.ପ୍ର.)- ୨୦୧୧ ମସିହାରେ ରାଜ୍ୟ ସରକାରଙ୍କ ପକ୍ଷରୁ ନିଯୁକ୍ତି ପାଇଥିବା କୋରାପୁଟ ଜିଲାର ୫୫୯ ଜଣ ଶିକ୍ଷା ସହାୟକମାନଙ୍କ ଚାକିରିକୁ ସ୍ଥାୟୀ କରିବା ଦାବି ନେଇ ଶନିବାର ଶିକ୍ଷା ସହାୟକମାନେ ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଘେରାଉ କରିବା ସହ ଡିଇଓଙ୍କୁ ଦାବିପତ୍ର ଦେଇଛନ୍ତି। ଚାକିରିର ୭ବର୍ଷ ପୂର୍ଣ୍ଣ କରିଥିବାବେଳେ ଏଯାଏ ସେମାନଙ୍କୁ ସ୍ଥାୟୀ କରାଯାଇନଥିବାରୁ ବିଦ୍ୟାଧର ପାଣିଗ୍ରାହୀଙ୍କ ନେତୃତ୍ୱରେ ଶତାଧିକ ଶିକ୍ଷା ସହାୟକ ଜିଲା ଶିକ୍ଷାଧିକାରୀଙ୍କ ଦ୍ୱାରସ୍ଥ ହୋଇ ସେଠାରେ ଧାରଣା ଦେଇଥିଲେ। ପରେ ଜିଲା ଶିକ୍ଷା ଅଧିକାରୀଙ୍କୁ ଦାବିପତ୍ର ପ୍ରଦାନ କରିଥିଲେ।

ଆକାଂକ୍ଷା ଯୋଜନାରେ ୪୦ କୃଷକଙ୍କୁ ବିହନ ବଣ୍ଟନ

ଆକାଂକ୍ଷା ଯୋଜନାରେ ୪୦ କୃଷକଙ୍କୁ ବିହନ ବଣ୍ଟନ

ମାଲକାନଗିରି, ୨୩ା୬(ଡି.ଏନ.ଏ)- କେନ୍ଦ୍ର ସରକାରଙ୍କ ଆକାଂକ୍ଷା ଯୋଜନା ରେ ମାଲକାନଗିରି ସଦର ବ୍ଲକ ଅନ୍ତର୍ଗତ ଜଦୁଗୁଡ଼ା ଓ କାଲିମେଳା ବ୍ଲକର ତାଣ୍ଡବାଇ ଗ୍ରାମରେ ଶନିବାର କୃଷି କଲ୍ୟାଣ ଅଭିଯାନ ଅନୁଷ୍ଠିତ ହୋଇଯାଇଛି ା ମାଲକାନଗିରି କୃଷି ବିଜ୍ଞାନ କେନ୍ଦ୍ର ମୁଖ୍ୟ ତଥା ବରିଷ୍ଠ ବୈଜ୍ଞାନିକ ଡ. ସମୀର ରନ ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଭାରତୀୟ ଜଳ ପରିଚାଳନା ପ୍ରତିଷ୍ଠାନ ଭୂବନେଶ୍ୱରର ପ୍ରଧାନ ବୈଜ୍ଞାନିକ ଡ.ଆମତ୍ାରାମ ମିଶ୍ର, ମୃତ୍ତିକା ବିଜ୍ଞାନର ପ୍ରଧାନ ବୈଜ୍ଞାନିକ ଡ.ମଧୁସ୍ମିତା ଦାସ, କ୍ଷେତ୍ର ବିଜ୍ଞାନ ବିଭାଗର ପ୍ରଧାନ ବୈଜ୍ଞାନିକ ଡ. ପ୍ରମୋଦ କୁମାର ପଣ୍ଡା, ବୈଜ୍ଞାନିକ ପାର୍ଥ ଦେବରାୟ, ସରପଞ୍ଚ ନାଲି ମାଡ଼କାମୀ, ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ଜିଲା ସଂଯୋଜକ ଭରତ ଭୂଷଣ ନନ୍ଦ ଯୋଗଦେଇ କୃଷକଙ୍କ ଆୟର ଦୁଇଗୁଣ ବୃଦ୍ଧି ନିମନ୍ତେ ଉନ୍ନତମାନର ଚାଷ ପ୍ରଣାଳୀ ସହ ବିହନ ବ୍ୟବହାର ସମ୍ପର୍କରେ ଆଲୋକପାତ କରିଥିଲେ।

ଶାନ୍ତିଶୃଙ୍ଖଳା ରକ୍ଷା ସହ ବିକାଶ କାର୍ଯ୍ୟ ତ୍ୱରାନ୍ବିତ କରାଯିବ: ଡିଆଇଜି ଆଶିଷ ସିଂ

କୋରାପୁଟ, ୨୩ା୬(ସ୍ବ.ପ୍ର.)- ଭାରପ୍ରାପ୍ତ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ଭାବେ ଆଶିଷ କୁମାର ସିଂ ଶନିବାର ନିଜ ଦାୟିତ୍ୱରେ ଯୋଗଦାନ କରିଛନ୍ତି। ପୂର୍ବରୁ ଥିବା ଡିଆଇଜି ଏସ୍‌. ସାଇନିଙ୍କ ବଦଳି ପରେ ତାଙ୍କୁ ରାଜ୍ୟ ସରକାର ଏହି ଦାୟିତ୍ୱ ପ୍ରଦାନ କରିଛନ୍ତି। ଶନିବାର ଦାୟିତ୍ୱ ଗ୍ରହଣ କରିବା ପରେ ଆୟୋଜିତ ଖବରଦାତା ସମ୍ମିଳନୀରେ ଡିଆଇଜି ସିଂ ତାଙ୍କ ରେଞ୍ଜରେ ପ୍ରଥମେ ଶାନ୍ତିଶୃଙ୍ଖଳା ରକ୍ଷା ସହିତ ବିକାଶ କାର୍ଯ୍ୟକୁ ଅଧିକ ତ୍ୱରାନ୍ବିତ ଉପରେ ପ୍ରାଧାନ୍ୟ ଦେବେ ବୋଲି କହିଛନ୍ତି।

ଚିହ୍ନଟ ହେଉନି ଜାଗା: ମିଳୁନି ଘରବାରି ପଟ୍ଟା

ଚିହ୍ନଟ ହେଉନି ଜାଗା: ମିଳୁନି ଘରବାରି ପଟ୍ଟା

ପାରଳାଖେମୁଣ୍ଡି,୨୩ା୬(ସ୍ବ.ପ୍ର.)- ଗଜପତି ଜିଲା ମୋହନା ବ୍ଲକ ଅନ୍ତର୍ଗତ ଅଡବା ଖ୍ରୀଷ୍ଟିୟାନ ସାହିର ଗରିବ ଭୂମିହୀନ ହିତାଧିକାରୀମାନେ ନିଜ ଘରବାରି ପଟ୍ଟା ସମସ୍ୟା ନେଇ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ସେମାନେ ଜିଲାପାଳ ଅନୁପମ ଶାହାଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଦେଇଛନ୍ତି। ସେଥିରେ ଉଲ୍ଲେଖ ହୋଇଛି ଯେ, ପ୍ରାୟ ୫୦ବର୍ଷରୁ ଉଦ୍ଧର୍‌ବ ହେବ ଅଡବା ମୌଜାର ଖ୍ରୀଷ୍ଟିୟାନ ସାହିରେ ଗରିବ ଭୂମିହୀନମାନେ ଗୃହ ନିର୍ମାଣ କରି ନିଜ ପରିବାର ସହ ରହିଆସୁଛନ୍ତି ା ମାତ୍ର ଦୁଃଖ ଓ ପରିତାପର ବିଷୟ ଯେ, ସରକାରଙ୍କ ପକ୍ଷରୁ ଏହି ଜାଗାକୁ ଚିହ୍ନଟ କରାଯାଇନାହିଁ କିମ୍ବା ଜବରଦଖଲ ନୋଟିସ୍‌ ମଧ୍ୟ ଦିଆଯାଇନାହିଁ।

Model This Week

ପ୍ରଭାତ