ଅନଗୁଳ-ଢେଙ୍କାନାଳ

ପୋଲିସ ଜାଲରେ ହାଇୱେ ଲୁଟେରା: ୫ ଗିରଫ, ୪ ଫେରାର

ପୋଲିସ ଜାଲରେ ହାଇୱେ ଲୁଟେରା: ୫ ଗିରଫ, ୪ ଫେରାର
ଅନୁଗୋଳ ଅଫିସ/ ବନ୍ତଳା, ୭।୩- ଅନୁଗୋଳ ଜିଲାର ବିଭିନ୍ନ ଥାନା ଅଞ୍ଚଳରେ ଗ୍ୟାଙ୍ଗ ଲୁଟ୍‌ କରି ପୋଲିସର ମୁଣ୍ଡବ୍ୟଥା ସାଜିଥିବା ଏକ ହାଇଓ୍ବେ ଲୁଟେରା ଗ୍ୟାଙ୍ଗର ୫ ଜଣ ମଙ୍ଗଳବାର ବିଳମ୍ବିତ ରାତିରେ ଧରା ପଡ଼ିଛନ୍ତି । ପୋଲିସ ଛାନ୍‌ଭିନ୍‌ ପରେ ସେମାନଙ୍କ ନିକଟରୁ ମାରଣାସ୍ତ୍ର, ମୋବାଇଲ, ଚୋରି ବାଇକ୍‌ ଓ ୪ ଚକିଆ ଯାନ ସହ ମୋଟ ୭ଟି ଗାଡ଼ି ଜବତ କରାଯାଇଛି। ବୁଧବାର ଏସ୍‌ପି ବ୍ରିଜେଶ କୁମାର ରାୟଙ୍କ ନିର୍ଦ୍ଦେଶକ୍ରମେ ଆଡ଼ିଶିନାଲ ଏସ୍‌ପି ଜେ.ଏନ୍‌. ହଁାସଦା ଅନୁଗୋଳ ଥାନା ପରିସରରେ ଏକ ଖବରଦାତା ସମ୍ମିଳନୀ କରି ଏହି ସୂଚନା ପ୍ରଦାନ କରିଛନ୍ତି। ସୂଚନା ମୁତାବକ, ମଙ୍ଗଳବାର ବିଳମ୍ବିତ ରାତିରେ ଅନୁଗୋଳ ଥାନା ଏସ୍‌ଆଇ ହେମନ୍ତ କୁମାର ବେହେରା ପାଟ୍ରୋଲିଂ କରୁଥିବାବେଳେ ୫୫ନଂ ଜାତୀୟ ରାଜପଥର ଆରଟିଓ କାର୍ଯ୍ୟାଳୟ ପାର୍ଶ୍ୱରେ ଥିବା ଆମ୍ବବୁରିରେ କେତେଜଣ ଯୁବକ ହାଇୱେରେ ଲୁଟ୍‌ ପାଇଁ ଯୋଜନା କରୁଥିବା ଖବର ପାଇଥିଲେ। ପରେ ସେଠାରେ ପୋଲିସ ଚଢ଼ାଉ କରିଥିଲା। ଚଢ଼ାଉ ସମୟରେ ସେଠାରେ ୯ ଜଣ ଯୁବକ ଉପସ୍ଥିତ ଥିଲେ। ତେବେ ସେମାନଙ୍କୁ ପୋଲିସ ପଚରାଉଚୁରା କରୁଥିବା ସମୟରେ ସେଠାରୁ ୪ ଜଣ କୌଶଳ କ୍ରମେ ଚମ୍ପଟ ମାରିଥିଲେ। ପରେ ଯାଞ୍ଚ ବେଳେ ସେମାନଙ୍କଠାରୁ ଗୋଟିଏ ଏୟାରଗନ୍‌, ୨ଟି ଭୁଜାଲି ଓ ୭ଟି ମୋବାଇଲ ଜବତ କରାଯାଇଥିଲା। ଲୁଟେରାମାନେ ଜାତୀୟ ରାଜପଥରେ ଯାଉଥିବା ଭାରିଯାନ ଅଟକାଇ ଲୁଟ୍‌ କରିବା ନେଇ ଯୋଜନା ଥିବା ତଦନ୍ତରେ ଜଣାପଡିଥିଲା। ପରେ ସମ୍ପୃକ୍ତ ୫ ଯୁବକଙ୍କୁ ପୋଲିସ ଗିରଫ କରିଥିଲା। ଗିରଫ ଅଭିଯୁକ୍ତମାନେ ହେଲେ ଅନୁଗୋଳ ଥାନା ଛେଳିଆପଡ଼ାରେ ରହୁଥିବା ଢେଙ୍କାନାଳ ଜିଲା ହିନ୍ଦୋଳ ଥାନା କନ୍ତାମିଲା ଗ୍ରାମର ଭବାନୀଶଙ୍କର ଭଞ୍ଜ ଓରଫ ବୁବୁ, ଖଲାରୀ ଗ୍ରାମର ସୌମ୍ୟରଞ୍ଜନ ପ୍ରଧାନ ଓରଫ ସିପୁନ୍‌, ଜରପଡ଼ା ଥାନା ତୁବେ ଗୁଟୁସାହିର ଅନିଲ ବେହେରା, ତାଳଚେର କଲିୟରୀ ଥାନା ଭାଲୁଗାଡ଼ିଆର ସଂଗ୍ରାମ ନାୟକ ଓ ହେମସୁରପଡ଼ା ସେଠୀସାହିର ବୃନ୍ଦାବନ ସେଠୀ ଓରଫ ଗୁଣଦେଇ। ସେମାନଙ୍କୁ କୋର୍ଟଚାଲାଣ କରାଯାଇଛି। ଘଟଣାସ୍ଥଳରୁ ଫେରାର ହୋଇଯାଇଥିବା ଅଭିଯୁକ୍ତମାନେ ହେଲେ ବାଲିମୀ ଥାନା ଝାରବେଡ଼ା ଗ୍ରାମର ବିନୟ ନାୟକ ଓରଫ ବ୍ରୁଝାଡ଼ୁ, କଣାବଣିଆ ଥାନା ବାଘମୁଣ୍ଡା ଗ୍ରାମର ବଂଶୀଧର ନାୟକ ଓରଫ ବଗ, ବିକ୍ରମପୁର ଥାନା ତେହେରାନପୁର ଗ୍ରାମର ସୁନିଲ ନାୟକ ଓରଫ ଲିଟୁ ଓ ହାକିମପଡ଼ାର ଆରଏମ୍‌ସି କ୍ବାର୍ଟର ସାହିର ନେପାଳି ବାହାଦୁର ଓରଫ ପିଣ୍ଟୁ। ପେବୃୟାରୀ ୧୨ ତାରିଖରେ ବନ୍ତଳା ଥାନା ବସଲା ଆଦିଆଘାଇ ନିକଟରେ ମହୀଧରପୁରରୁ ବନ୍ତଳା ଆସୁଥିବା ଏକ ଟାଟା ଏସିଇକୁ ଅଟକାଇବା ସହ ଏଥିରେ ବସିଥିବା ୪ଜଣଙ୍କୁ ଗଛରେ ବାନ୍ଧି ସେମାନଙ୍କଠାରୁ ୪ଟି ମୋବାଇଲ, ୧୦ହଜାର ଟଙ୍କା ଓ ଗାଡି ଲୁଟ୍‌ କରିଥିବା ଅଭିଯୁକ୍ତମାନେ ପୋଲିସ ନିକଟରେ ସ୍ବୀକାର କରିଥିଲେ। ଏଥିରେ ବୁବୁ, ପିଣ୍ଟୁ, ଅନିଲ ପ୍ରମୁଖ ସମ୍ପୃକ୍ତ ଥିଲେ। ସେହିପରି ନିକଟରେ ହଣ୍ଡପା ଥାନା ଲୁହାମୁଣ୍ଡା ଗ୍ରାମ ନିକଟରେ ୫୫ନଂ ଜାତୀୟ ରାଜପଥରେ ମଧ୍ୟରାତ୍ରରେ ଏକ ପିକ୍‌ଅପ୍‌ ଭ୍ୟାନ, ଗତ ୧୯ ତାରିଖରେ ସେହିସ୍ଥାନରୁ ଏକ ବାଇକ୍‌କୁ ଲୁଟ କରିଥିବା ପୋଲିସ ପ୍ରକାଶ କରିଛି। ଏଥିରେ ଭବାନିଶଙ୍କର, ପିଣ୍ଟୁ, ସଂଗ୍ରାମ ଓ ଅନିଲ ସମ୍ପୃକ୍ତ ଥିଲେ। ଏହାସହ ବିଭିନ୍ନ ସ୍ଥାନରେ ପୋଲିସ ଚଢ଼ାଉ କରି ୫ଟି ଚୋରି ବାଇକ୍‌, ଗୋଟିଏ ଟାଟା ଏସିଇ ଓ ଏକ ପିକ୍‌ଅପ୍‌ ଭ୍ୟାନକୁ ଜବତ କରିଛି। ଏଥିରେ ସମ୍ପୃକ୍ତ ଅନ୍ୟ ଅଭିଯୁକ୍ତଙ୍କୁ ଗିରଫ ସହ ଚୋରି ଗାଡି ଜବତ ପାଇଁ ଚଢ଼ାଉ ଜାରିଥିବା ପୋଲିସ କହିଛି। ଏହି ସମ୍ମିଳନୀରେ ଏସଡିପିଓ ହରିହର ପାଣି, ଅନୁଗୋଳ ଆଇଆଇସି ସୁକୁମାର ତ୍ରିପାଠୀ, ବନ୍ତଳା ଆଇଆଇସି ସବ୍ୟସାଚୀ ରାଉତ, ହଣ୍ଡପା ଆଇଆଇସି ସୁନିଲ କୁମାର କର, ଅନୁଗୋଳ ଏସ୍‌ଆଇ ହେମନ୍ତ କୁମାର ବେହେରା ପ୍ରମୁଖ ଉପସ୍ଥିତ ଥିଲେ।
All Right Reserved By

ଅନଗୁଳ-ଢେଙ୍କାନାଳ

୨୨ରେ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ:ବୁଲେଟପ୍ରୁଫ୍‌ ଗାଡ଼ିରେ ଯିବେ ସଭାସ୍ଥଳ

୨୨ରେ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ:ବୁଲେଟପ୍ରୁଫ୍‌ ଗାଡ଼ିରେ ଯିବେ ସଭାସ୍ଥଳ

ଅନୁଗୋଳ ଅଫିସ, ୧୯ା୯:ଅନୁଗୋଳ ଜିଲା ତାଳଚେର ସ୍ଥିତ ସାର କାରଖାନାର ଶିଳାନ୍ୟାସ କରିବାକୁ ଆସନ୍ତା ୨୨ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଆସୁଛନ୍ତି। ସେ ଭୁବନେଶ୍ୱରରେ ପହଞ୍ଚିବା ପରେ ସେଠାରୁ ସିଧା ତାଳଚେର ଆସିବେ। ପରେ ଏଠାରୁ ଝାରସୁଗୁଡ଼ା ଓ ଛତିଶଗଡ଼ ଯିବେ। ତେବେ ପ୍ରଧାନମନ୍ତ୍ରୀଙ୍କ ଏହି ଗସ୍ତ ପୂର୍ବରୁ ମଙ୍ଗଳବାର ସୁରକ୍ଷା ସମ୍ପର୍କିତ ଏକ ବୈଠକ ପିଏମ୍‌ଓରୁ ସିଧା ଭିଡିଓ କନଫରେନ୍ସ ଜରିଆରେ ଅନୁଗୋଳ ଜିଲା ପ୍ରଶାସନ ସହ ଅନୁଷ୍ଠିତ ହୋଇଥିଲା। ଏହାପରେ ଜିଲାପାଳଙ୍କ ସହ ବରିଷ୍ଠ ଅଧିକାରୀମାନେ ପ୍ରଧାନମନ୍ତ୍ରୀଙ୍କ ପ୍ରସ୍ତାବିତ ସଭାସ୍ଥଳ ଓ ହେଲିପ୍ୟାଡ୍‌ ସ୍ଥାନ ପରିଦର୍ଶନ କରିଥିଲେ। ସେହିପରି ସନ୍ଧ୍ୟାରେ ସାଉଥ୍‌ ବଲଣ୍ଡା ବ୍ଲାକ ଡାଇମଣ୍ଡ ଷ୍ଟାଡିୟମରେ ନିର୍ମାଣ କରାଯାଇଥିବା ହେଲିପ୍ୟାଡରେ ଝାରସୁଗୁଡ଼ାରୁ ଆସିଥିବା ୩ଟି ହେଲିକାପ୍ଟର ଅବତରଣ ଅଭ୍ୟାସ କରିଛି। 

ଦୁର୍ଗାପୁରରେ ବାଘ ଆତଙ୍କ

ଦୁର୍ଗାପୁରରେ ବାଘ ଆତଙ୍କ

ଛେଣ୍ଡିପଦା,୧୯।୯:(ସ୍ବ.ପ୍ର):ଛେଣ୍ଡିପଦା ବ୍ଲକ ଦୁର୍ଗାପୁର ଗ୍ରାମରେ ମଙ୍ଗଳବାର ବାଘ ଆତଙ୍କ ସୃଷ୍ଟି ହୋଇଥିଲା। ବନବିଭାଗ କହିଛି, ଦୁର୍ଗାପୁର ଟାଙ୍ଗର ସାହିର ଜଣେ ମହିଳା ଗ୍ରାମକୁ ଲାଗିଥିବା ସଂରକ୍ଷିତ ଜଙ୍ଗଲରେ ବାଘକୁ ଦେଖି ଭୟଭୀତ ହୋଇ ଘରକୁ ଦଉଡି ପଳାଇ ଆସିଥିଲେ। ପରେ ଘଟଣା ସମ୍ପର୍କରେ ପରିବାର ଲୋକଙ୍କୁ ଜଣାଇଥିଲେ। ଜଙ୍ଗଲରେ ବାଘ ଥିବା ନେଇ ବନ ବିଭାଗକୁ ଖବର ଦିଆଯାଇଥିଲା। ବନ ବିଭାଗ କର୍ମଚାରୀ ପହଞ୍ଚି ଘଟଣାର ତଦନ୍ତ କରିବା ସହ ଜଙ୍ଗଲରେ ବାଘର ପାଦ ଚିହ୍ନ ଦେଖିବାକୁ ପାଇଥିଲେ। 

ଗାଈ ମାରି ଖାଇଲା ସୁନ୍ଦରୀ:ବନ ବିଭାଗ ଦେଲା କ୍ଷତିପୂରଣ

ଗାଈ ମାରି ଖାଇଲା ସୁନ୍ଦରୀ:ବନ ବିଭାଗ ଦେଲା କ୍ଷତିପୂରଣ

ଆଠମଲ୍ଲିକ,୧୯ା୯(ଡି.ଏନ.ଏ.):ଅନୁଗୋଳ ଜିଲା ଆଠମଲ୍ଲିକ ବ୍ଲକ ଅନ୍ତର୍ଗତ ନଅଗାଁ ପଞ୍ଚାୟତର ଲେହେଡି ଗ୍ରାମରେ ସୁନ୍ଦରୀ ଆତଙ୍କ। ମଙ୍ଗଳବାର ଗ୍ରାମ ନିକଟରେ ବାଘୁଣୀ ସୁନ୍ଦରୀ ଏକ ଗାଈ ମାରି ଖାଇଥିବା ଜଣାପଡ଼ିଛି। ମୃତ ଗାଈ ଲେହେଡି ଗ୍ରାମର ଅକ୍ଷୟ କୁମାର ପଣ୍ଡାଙ୍କର ବୋଲି ଜଣାପଡିବା ପରେ ତୁରନ୍ତ ବନ ବିଭାଗ ପକ୍ଷରୁ ତାଙ୍କୁ କ୍ଷତିପୂରଣ ସ୍ବରୂପ ୫ ହଜାର ଟଙ୍କାର ଚେକ୍‌ ପ୍ରଦାନ କରାଯାଇଛି। ଘଟଣା ସମ୍ପର୍କରେ ଖବରପାଇ ଡେରାଡୁନ୍‌ରୁ ଆସିଥିବା ବିଶେଷଜ୍ଞ ଦଳ ଉକ୍ତ ଜଙ୍ଗଲରେ ପହଞ୍ଚି ବାଘୁଣୀର ଗତିବିଧି ଅନୁଧ୍ୟାନ କରୁଛନ୍ତି। 
ସକାଳେ ଅକ୍ଷୟଙ୍କ ଗାଈ ଗାଁ ନିକଟରେ ଚରୁଥିବା ବେଳେ ବାଘୁଣୀ ଆକ୍ରମଣ କରିଥିଲା।

ସାତକୋଶିଆରେ ମହିଳାଙ୍କ ମୃତ୍ୟୁ ଘଟଣା:ଦୃଢ଼ ହେଉଛି ସୁନ୍ଦରୀ ସମ୍ପୃକ୍ତି ସନ୍ଦେହ

ସାତକୋଶିଆରେ ମହିଳାଙ୍କ ମୃତ୍ୟୁ ଘଟଣା:ଦୃଢ଼ ହେଉଛି ସୁନ୍ଦରୀ ସମ୍ପୃକ୍ତି ସନ୍ଦେହ

ବନ୍ତଳା, ୧୯।୯ (ଡି.ଏନ.ଏ.):ଅନୁଗୋଳ ଜିଲା ପୁରୁଣାକୋଟ ଥାନା ସାତକୋଶିଆ ଅଭୟାରଣ୍ୟ ଟିକରପଡ଼ା ପଞ୍ଚାୟତ ହାତୀବାରି ଗ୍ରାମର ମହିଳା କୈଳାସ ସାଇଅ (୫୦)ଙ୍କ ମୃତ୍ୟୁ ଗତ ୧୨ ତାରିଖରେ ବାଘୁଣୀ ସୁନ୍ଦରୀ ଆକ୍ରମଣରେ ହୋଇଥିଲା କି ନାହିଁ ତାହାର ତଦନ୍ତ ଆରମ୍ଭ କରିଛି ପୋଲିସ। ମୃତଦେହ ବ୍ୟବଚ୍ଛେଦ ରିପୋର୍ଟରେ ଏକ ମାଂସାଶୀ ପ୍ରାଣୀ ଆକ୍ରମଣରେ କୈଳାସଙ୍କ ମୃତ୍ୟୁ ହୋଇଥିବା ଉଲ୍ଲେଖ ରହିଥିଲେ ବି ସୁନ୍ଦରୀ ସମ୍ପର୍କରେ କିଛି ସ୍ପଷ୍ଟ କରାଯାଇ ନାହିଁ। ତେଣୁ ଜଣେ ଡିଏସ୍‌ପି ପାହ୍ୟାର ଅଧିକାରୀ ଏହାର ତଦନ୍ତ କରିବେ ବୋଲି ସୋମବାର ଏସ୍‌ପି ମିତ୍ରଭାନୁ ମହାପାତ୍ର କହିବା ପରେ ମଙ୍ଗଳବାର ପୁରୁଣାକୋଟ ପୋଲିସ ଘଟଣାସ୍ଥଳରେ ପହଞ୍ଚି ପ୍ରମାଣ ଯୋଗାଡ଼ କରିବା ଆରମ୍ଭ କରିଛି। ତେବେ ଗ୍ରାମର କେତେଜଣ ପ୍ରତ୍ୟକ୍ଷଦର୍ଶୀ ବାଘୁଣୀକୁ ଆକ୍ରମଣ ବେଳେ ଦେଖିଥିବା ଦାବି କରିବା ଓ ଏହାକୁ ପୁରୁଣାକୋଟ ଆଇଆଇସି ସ୍ବୀକାର କରିବା ଘଟଣା ସୁନ୍ଦରୀର ସମ୍ପୃକ୍ତି ସନ୍ଦେହକୁ ଅଧିକ ଦୃଢ଼ୀଭୂତ କରିଛି।

ପ୍ରଶାସନ ଶୁଣିଲାନିି, ତାଲିକାରୁ ବାଦ୍‌ ପଡ଼ିଲେ ୫ ମହିଳା :ନିଜ ଭତ୍ତାରୁ ଟଙ୍କା ଦେବେ ସରପଞ୍ଚ

ପ୍ରଶାସନ ଶୁଣିଲାନିି, ତାଲିକାରୁ ବାଦ୍‌ ପଡ଼ିଲେ ୫ ମହିଳା :ନିଜ ଭତ୍ତାରୁ ଟଙ୍କା ଦେବେ ସରପଞ୍ଚ

କାମାକ୍ଷାନଗର, ୧୯।୯ (ଡି.ଏନ୍‌.ଏ.):ଗ୍ରାମାଞ୍ଚଳର ଅସହାୟ ଲୋକଙ୍କ ନିକଟରେ ସରକାରୀ ଯୋଜନା ଅପହଞ୍ଚ ହୋଇ ରହିଛି। ସମସ୍ତ ଯୋଗ୍ୟତା ଥିବା ସତ୍ତ୍ୱେ  ସହାୟତାରୁ ବଞ୍ଚତ୍ତ ହେଉଛନ୍ତି ଯୋଗ୍ୟ ହିତାଧିକାରୀ। ଏହାର ସଦ୍ୟତମ ଉଦାହରଣ ଦେଖିବାକୁ ମିଳିଛି କଙ୍କଡ଼ାହାଡ଼ ବ୍ଲକ ବାଟଗଁା ପଞ୍ଚାୟତରେ। ପ୍ରଶାସନିକ ଅବହେଳାରୁ ବାରମ୍ବାର ଆବେଦନ ସତ୍ତ୍ୱେ ଭତ୍ତା ତାଲିକାରୁ ବାଦ୍‌ ପଡ଼ିଛନ୍ତି ୫ ବିଧବା। ଏପରି ସ୍ଥିତିରେ ସେମାନଙ୍କୁ ସହାୟତା ଦେବାକୁ ଆଗେଇ ଆସିଛନ୍ତି ସରପଞ୍ଚ ରାଜେନ୍ଦ୍ର ସିଂ। ଭତ୍ତା ମଞ୍ଜୁର ହେବା ଯାଏ ବ୍ୟକ୍ତିଗତଭାବେ ପ୍ରତ୍ୟେକଙ୍କୁ ମାସିକ ୩ଶହ ଟଙ୍କା ଦେବେ ବୋଲି ସେ ପ୍ରତିଶ୍ରୁତି ଦେଇଛନ୍ତି।

ବେଆଇନ ସମିଲ ଉପରେ ଚଢ଼ାଉ, ୩ ଗିରଫ

ବେଆଇନ ସମିଲ ଉପରେ ଚଢ଼ାଉ, ୩ ଗିରଫ


ପାଲଲହଡା,୧୮ା୯(ଡି.ଏନ.ଏ.)- ପାଲଲହଡା ବନାଞ୍ଚଳ ନାଗିରା ପଞ୍ଚାୟତ ଜଲହା ଗ୍ରାମ ନିକଟ ପୁରୁଣା ପାଉଡି ଜଙ୍ଗଲରେ ଚାଲିଥିବା ଏକ ବେଆଇନ ସମିଲ ଉପରେ ସୋମବାର ବନ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ଏହି ସମୟରେ ସେଠାରେ ଗଛିତ ବିପୁଳ ପରିମାଣର ମୂଲ୍ୟବାନ କାଠ ଜବତ ସହ ୩ ଜଣକୁ ଗିରଫ କରାଯାଇଥିଲା। 

ବିଜୁ ଯୁବ ବାହିନୀ କର୍ମଶାଳା

ବିଜୁ ଯୁବ ବାହିନୀ କର୍ମଶାଳା


ବଇଣ୍ଡା,୧୮।୯(ଡି.ଏନ.ଏ.)- କିଶୋରନଗର ବ୍ଲକ କଣ୍ଟେଇକୁଳିଆ ପଞ୍ଚାୟତ ସଭାଗୃହ ପରିସରରେ ମଙ୍ଗଳବାର ବିଜୁ ଯୁବ ବାହିନୀ କର୍ମଶାଳା ଅନୁଷ୍ଠିତ ହୋଇଯାଇଛି। 

ଆତ୍ମନିଯୁକ୍ତି ସୁଯୋଗ ଉପରେ ଆଲୋଚନା

ଆତ୍ମନିଯୁକ୍ତି ସୁଯୋଗ ଉପରେ ଆଲୋଚନା

ଛେଣ୍ଡିପଦା,୧୮।୯(ଡି.ଏନ.ଏ.)- ଛେଣ୍ଡିପଦା ବ୍ଲକ ପ୍ରଶାସନ ତଥା ଓଡ଼ିଶା ଜୀବିକା ମିଶନ ପକ୍ଷରୁ ମଙ୍ଗଳବାର ଦୀନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ବିକାଶ ଯୋଜନା ମାଧ୍ୟମରେ ଧନ୍ଦାମୂଳକ କୌଶଳ ବିକାଶ ପ୍ରଶିକ୍ଷଣ ପରାମର୍ଶ ଶିବିର ଅନୁଷ୍ଠିତ ହୋଇଯାଇଛି।  ଜୀବିକା ମିଶନ ବିପିଏମ୍‌ ମାନସୀ ରାଉତଙ୍କ ତତ୍ତ୍ୱାବଧାନରେ ଆୟୋଜିତ ଏହି ଶିବିରରେ ମୁଖ୍ୟଅତିଥି ଭାବେ ବ୍ଲକ ଉପାଧ୍ୟକ୍ଷା ସୁଷମା ରାଉଳ ଯୋଗ ଦେଇଥିଲେ।  

ମିଳୁନି ସାର:  ଚିନ୍ତାରେ ଚାଷୀ

ମିଳୁନି ସାର: ଚିନ୍ତାରେ ଚାଷୀ


ମାଧପୁର, ୧୮।୯-  ଅନୁଗୋଳ ଜିଲା ଆଠମଲ୍ଲିକ ବ୍ଲକ ମାଧପୁର ଜୋନ୍‌ରେ ସାର ସଙ୍କଟ ସୃଷ୍ଟି ହୋଇଛି। ଫଳରେ ଚାଷୀମାନେ ଆବଶ୍ୟକତା ଅନୁଯାୟୀ ସାର ନ ପାଇ ସମସ୍ୟାର ସମ୍ମୁଖୀନ ହେଉଛନ୍ତି। ଏପରି ସ୍ଥିତିରୁ ଫାଇଦା ଉଠାଇ ଲାଭଖୋର ବ୍ୟବସାୟୀମାନେ ଚଢା ଦରରେ ସାର ବିକ୍ରି କରୁଥିବାରୁ ଚାଷୀମାନେ ଚିନ୍ତାରେ ପଡିଛନ୍ତି।

ଭାଜପା ପକ୍ଷରୁ ବ୍ଲକ ଘେରାଉ

ଭାଜପା ପକ୍ଷରୁ ବ୍ଲକ ଘେରାଉ

ବଇଣ୍ଡା,୧୮।୯(ଡି.ଏନ.ଏ.)- କିଶୋରନଗର ବ୍ଲକର ୨୩ଟି ପଞ୍ଚାୟତରେ  ଚାଷୀମାନଙ୍କ ସମସ୍ୟାକୁ ନେଇ ମଙ୍ଗଳବାର ଭାଜପା ପକ୍ଷରୁ ବ୍ଲକ ଘେରାଉ ସହ ବିକ୍ଷୋଭ ପ୍ରଦର୍ଶନ କରାଯାଇଥିଲା। ସାଧୁପାଳ ମନ୍ଦିରଠାରୁ ଏକ ଶୋଭାଯାତ୍ରାରେ ଦଳୀୟ ନେତା ଓ କର୍ମୀମାନେ ବାହାରି ବ୍ଲକ ଅଫିସ ସମ୍ମୁଖରେ ପହଞ୍ଚିଥିଲେ। ସେଠାରେ  ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। 

ଭାଲୁ ଆକ୍ରମଣରେ ମହିଳା ଗୁରୁତର

ଭାଲୁ ଆକ୍ରମଣରେ ମହିଳା ଗୁରୁତର

ବଇଣ୍ଡା,୧୮।୯(ଡି.ଏନ.ଏ.)- କିଶୋରନଗର ବ୍ଲକ ଧରଡ଼ପାଳ ଗ୍ରାମର ନିଳାଦ୍ରୀ ନାୟକ(୩୮) ଜଣେ ମହିଳା ଭାଲୁ ଆକ୍ରମଣରେ ମଙ୍ଗଳବାର ଗୁରୁତର ହୋଇଛନ୍ତି।

ଗାଡ଼ି ଧକ୍କାରେ ଜଣେ ଗୁରୁତର

ଗାଡ଼ି ଧକ୍କାରେ ଜଣେ ଗୁରୁତର


ବଇଣ୍ଡା,୧୮।୯(ଡି.ଏନ.ଏ.)- କଟକ-ସମ୍ବଲପୁର ୫୫ନଂ. ଜାତୀୟ ରାଜପଥର କିଶୋରନଗର ଥାନା ବାମୁର ବିଦ୍ୟୁତ ସବ୍‌ ଷ୍ଟେଶନ ନିକଟରେ ସୋମବାର ରାତିରେ ଏକ ଅଜଣା ଗାଡ଼ି ଧକ୍କାରେ ବାମୁର ଗ୍ରାମର ବିଶ୍ୱାମିତ୍ର ଦେହୁରୀ(୩୦) ଗୁରୁତର ହୋଇଛନ୍ତି।