ରାଜ୍ୟ |

ବେଆଇନ ଖଣି ଲିଜ୍‌ଧାରୀଙ୍କୁ ସରକାରଙ୍କ ଚେତାବନୀ: ଜରିମାନା ପଇଠ କର ନହେଲେ ସମ୍ପତ୍ତି ବାଜ୍ୟାପ୍ତ

ବେଆଇନ ଖଣି ଲିଜ୍‌ଧାରୀଙ୍କୁ ସରକାରଙ୍କ ଚେତାବନୀ: ଜରିମାନା ପଇଠ କର  ନହେଲେ ସମ୍ପତ୍ତି ବାଜ୍ୟାପ୍ତ
ଭୁବନେଶ୍ୱର, ୭ା୩(ବ୍ୟୁରୋ): ପରିବେଶ ଆଇନକୁ ଉଲ୍ଲଂଘନ କରି ବେଆଇନ ଭାବେ ଖଣି ଖନନ କରିଥିବା ଲିଜ୍‌ଧାରୀଙ୍କୁ ସରକାର ପୁଣି ଥରେ କଡା ଚେତାବନୀ ଦେଇଛନ୍ତି। ଯେଉଁ ଲିଜ୍‌ଧାରୀମାନେ ଜରିମାନା ରାଶି ଜମା କରି ନାହାନ୍ତି ସେମାନଙ୍କ ବିରୋଧରେ ମାମଲା ରୁଜୁ ହେବ। ଆବଶ୍ୟକ ସ୍ଥଳେ ସେମାନଙ୍କ ସମ୍ପତ୍ତି ବାଜ୍ୟାପ୍ତ କରାଯିବ । ଏ ନେଇ ପ୍ରକ୍ରିୟା ଆରମ୍ଭ କରିବାକୁ ଜିଲାସ୍ତରୀୟ କମିଟିକୁ ନିର୍ଦ୍ଦେଶ ଦିଆଯାଇଛି ବୋଲି ଇସ୍ପାତ ଓ ଖଣି ମନ୍ତ୍ରୀ ପ୍ରଫୁଲ୍ଲ ମଲ୍ଲିକ କହିଛନ୍ତି। ବୁଧବାର ଗଣମାଧ୍ୟମକୁ ସୂଚନା ଦେଇ ମଲ୍ଲିକ କହିଛନ୍ତି ଯେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ରାଜ୍ୟ ସରକାର ବେଆଇନ ଭାବେ ଅଧିକ ଖଣି ଖନନ କରିଥିବା ଲିଜ୍‌ଧାରୀଙ୍କ ଉପରେ ଜରିମାନା ଧାର୍ଯ୍ୟ କରିଛନ୍ତି। ରାଜ୍ୟ ସରକାରଙ୍କ ନିକଟରେ ୧୦୦ ପ୍ରତିଶତ ଜରିମାନା ରାଶି ଦାଖଲ କରିବାକୁ ୨୦୧୭ ଅଗଷ୍ଟରେ ସର୍ବୋଚ୍ଚ ଅଦାଲତ ବେଆଇନ ଲିଜ୍‌ଧାରୀଙ୍କୁ ନିର୍ଦ୍ଦେଶ ଦେଇଥିଲେ। ୨୦୧୭ ଡିସେମ୍ବର ୩୧ ତାରିଖ ସୁଦ୍ଧା ଜରିମାନା ରାଶି ପ୍ରଦାନ କରିବାକୁ କୁହାଯାଇଥିଲା। ଫଳରେ ଜରିମାନା ପଇଠ କରିବାକୁ ସରକାରଙ୍କ ପକ୍ଷରୁ ୧୩୭ ଲିଜ୍‌ଧାରୀଙ୍କୁ ନୋଟିସ ଜାରି କରାଯାଇଥିଲା। ସେମାନଙ୍କଠାରୁ ୧୭,୫୭୬ କୋଟି ଟଙ୍କା ଆଦାୟ କରିବାକୁ ଧାର୍ଯ୍ୟ କରାଯାଇଛି। ସେଥିରୁ ଡିସେମ୍ବର ୩୧ ତାରିଖ ସୁଦ୍ଧା ମାତ୍ର ୮୧ ଜଣ ଲିଜଧାରୀଙ୍କଠାରୁ ୧୧ ହଜାର ୬୨୧ କୋଟି ଟଙ୍କା ଆଦାୟ ହୋଇଛି । କାର୍ଯ୍ୟକ୍ଷମ ଥିବା ଖଣିଗୁଡିକ ସେମାନଙ୍କର ଜରିମାନା ରାଶି ପଇଠ କରିଥିବା ବେଳେ ବନ୍ଦ ହୋଇ ରହିଥିବା ୫୬ଟି ଖଣି ଲିଜ୍‌ଧାରୀମାନେ ଏ ପର୍ଯ୍ୟନ୍ତ ସମ୍ପୂର୍ଣ୍ଣ ଜରିମାନା ରାଶି ପ୍ରଦାନ କରି ନାହାନ୍ତି ବୋଲି ମନ୍ତ୍ରୀ କହିଛନ୍ତି। ତେବେ ୫୬ ଲିଜ୍‌ଧାରୀଙ୍କ ମଧ୍ୟରୁ ୧୩ ଜଣ ଅଳ୍ପ କିଛି ଜରିମାନା ଅର୍ଥ ଦାଖଲ କରିଛନ୍ତି। ବନ୍ଦ ଖଣିଗୁଡିକରୁ ଏବେ ସୁଦ୍ଧା ୭ ହଜାର ୬୮୯ କୋଟି ଟଙ୍କା ଆଦାୟ ବାକି ରହିଛି। ଜରିମାନା ଆଦାୟକୁ ତ୍ୱରାନ୍ବିତ କରିବା ପାଇଁ ଜିଲାସ୍ତରରେ ଜିଲାପାଳଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯାଇଛି। ଏହି କମିଟିରେ ଜିଲାପାଳଙ୍କ ସମେତ ଉପଜିଲାପାଳ, ତହସିଲଦାର ଓ ଆଞ୍ଚଳିକ ଖଣି ନିର୍ଦ୍ଦେଶକ ସଦସ୍ୟ ରହିଛନ୍ତି। ପ୍ରତି ମାସରେ କମିଟି ଏ ନେଇ ସମୀକ୍ଷା କରି ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି। ଯେଉଁମାନେ ଜରିମାନା ପ୍ରଦାନରେ ଖିଲାପ କରୁଛନ୍ତି ସେମାନଙ୍କ ବିରୋଧରେ କେସ କରିବା ସହ ସେମାନଙ୍କ ସମ୍ପତ୍ତିକୁ ବାଜ୍ୟାପ୍ତ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି ବୋଲି ମନ୍ତ୍ରୀ କହିଛନ୍ତି। ୨୦୧୭ ଡିସେମ୍ବର ୩୧ ତାରିଖ ସୁଦ୍ଧା ଲିଜ୍‌ଧାରୀମାନେ କେତେ ପରିମାଣ ଅର୍ଥ ପ୍ରଦାନ କଲେ ସେ ନେଇ ଏକ ଷ୍ଟାଟସ ରିପୋର୍ଟ ଦେବାକୁ ସୁପ୍ରିମ କୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ। ପରିବେଶ ମଞ୍ଜୁରୀ ନ ନେଇ ବେଆଇନ ଭାବେ ଲିଜ୍‌ଧାରୀମାନେ ୨୦୦୦ରୁ ୨୦୧୧ ମଧ୍ୟରେ ଲୁହାପଥର ଓ ମାଙ୍ଗନିଜ ଖୋଳି ନେଇଥିଲେ। ସେଥିପାଇଁ ସେମାନଙ୍କ ଉପରେ ଶତ ପ୍ରତିଶତ ଜରିମାନା ଆଦାୟ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ। ଏହାପରେ ରାଜ୍ୟ ସରକାର ବେଆଇନ ଲିଜ୍‌ଧାରୀଙ୍କୁ ନିର୍ଦ୍ଧାରିତ ସମୟସୀମା ମଧ୍ୟରେ ଜରିମାନା ରାଶି ପଇଠ କରିବାକୁ ନୋଟିସ ଜାରି କରିଥିଲେ। ତେବେ ଏହା ବିରୋଧରେ ଲିଜ୍‌ଧାରୀମାନେ ସୁପ୍ରିମକୋର୍ଟର ଦ୍ୱାରସ୍ଥ ହୋଇଥିଲେ। ଖଣି ଖନନ ବେଳେ ପରିବହନ ଖର୍ଚ୍ଚ, ରୟାଲଟି ଓ ଟିକସ ବାବଦ ରାଶିକୁ ଜରିମାନାରୁ ବାଦ୍‌ ଦେବାକୁ ଲିଜ୍‌ଧାରୀ କୋର୍ଟଙ୍କୁ ନିବେଦନ କରିଥିଲେ। ତେବେ ସର୍ବୋଚ୍ଚ ଅଦାଲତ ଲିଜ୍‌ଧାରୀଙ୍କ ଆବେଦନକୁ ଖାରଜ କରି ୨୦୧୭ ଡିସେମ୍ବର ସୁଦ୍ଧା ଜରିମାନା ରାଶି ପଇଠ କରିବାକୁ କଡା ନିର୍ଦ୍ଦେଶ ଦେଇଥିଲେ।
All Right Reserved By

ରାଜ୍ୟ |

ଡେଙ୍ଗୁ ନେଲା ଜୀବନ

ଡେଙ୍ଗୁ ନେଲା ଜୀବନ

ଜଗତସିଂହପୁର ଅଫିସ୍‌, ୨୩।୯: ଜଗତସିଂହପୁର ଜିଲା କୁଜଙ୍ଗ ଅଞ୍ଚଳର ଜଣେ ଡେଙ୍ଗୁ ରୋଗୀ କଟକ ଏସସିବି ମେଡିକାଲରେ ଆଖି ବୁଜିଛନ୍ତି।

ନର୍ସିଂ ହୋମ୍‌ରୁ ଚୋରି

ନର୍ସିଂ ହୋମ୍‌ରୁ ଚୋରି

ବ୍ରହ୍ମପୁର ଅଫିସ୍‌,୨୩।୯-ବ୍ରହ୍ମପୁର ଗାନ୍ଧୀନଗର ଛକରେ ଥିବା ଏକ ନର୍ସିଂ ହୋମରୁ ଶୁକ୍ରବାର ବିଳମ୍ବିତ ରାତିରେ ଚୋରି ହୋଇଥିବା ଅଭିଯୋଗ ହୋଇଛି । ଦୁର୍ବୃତ୍ତମାନେ ବିଳମ୍ବିତ ରାତିରେ ରଙ୍ଗନାଥନ୍‌ ଅର୍ଥୋ ନର୍ସିଂ ହୋମ୍‌ କବାଟ ଭାଙ୍ଗି ପଶିଥିଲେ। 

କୋର୍ଟରେ ହାଜର ହେଲେ ୧୨ ଆନ୍ଦୋଳନକାରୀ

କୋର୍ଟରେ ହାଜର ହେଲେ ୧୨ ଆନ୍ଦୋଳନକାରୀ

ଛତ୍ରପୁର,୨୩।୯(ଡି.ଏନ.ଏ.)- ବିଭିନ୍ନ ଦାବି ନେଇ ଛତ୍ରପୁର ଉପକଣ୍ଠ ଭାରତୀୟ ବିରଳ ମୃତ୍ତିକା (ଆଇଆରଇ) ପ୍ଲାଣ୍ଟର କାର୍ଯ୍ୟ ବନ୍ଦ କରିବା ପ୍ରସଙ୍ଗରେ ୧୨ ଜଣ ଆନ୍ଦୋଳନକାରୀ ଶନିବାର ଛତ୍ରପୁର ସିନିୟର ଡିଭିଜନ୍‌ ସିଭିଲ କୋର୍ଟରେ ହାଜର ହୋଇଥିଲେ ।

ଜିଲା ଆଥ୍‌ଲେଟିକ ଆସୋସିଏଶନର ସାଧାରଣ ପରିଷଦ ବୈଠକ

ଜିଲା ଆଥ୍‌ଲେଟିକ ଆସୋସିଏଶନର ସାଧାରଣ ପରିଷଦ ବୈଠକ

ନୟାଗଡ଼ ଅଫିସ,୨୩ା୯-ନୟାଗଡ଼ ଆଥ୍‌ଲେଟିକ ଆସୋସିଏଶନର ସାଧାରଣ ପରିଷଦ ବୈଠକ ଶନିବାର ଜିଲାପାଳଙ୍କ ମିନି ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଜିଲାପାଳ ଡ. ଏନ୍‌ ତିରୁମାଲା ନାୟକ୍‌ଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ପରିଷଦର ବିଭିନ୍ନ କାର୍ଯ୍ୟକଳାପ ଉପରେ ଆଲୋଚନା କରାଯାଇଥିଲା।

ରାସ୍ତା ଦେଉଛି ଦୁର୍ଦ୍ଦଶା

ରାସ୍ତା ଦେଉଛି ଦୁର୍ଦ୍ଦଶା

ନୟାଗଡ଼ ଅଫିସ,୨୩।୯-ନୟାଗଡ଼ ନିର୍ବାଚନ ମଣ୍ଡଳୀର ସମସ୍ତ ଗ୍ରାମକୁ ପକ୍କା ରାସ୍ତା ହୋଇଥିବା କୁହାଯାଉଛି। ହେଲେ ବାସ୍ତବରେ ଏହା ଯେ ସମ୍ପୂର୍ଣ୍ଣ ସତ୍ୟ ନୁହେଁ ତାହାର ଏକ ଉଦାହରଣ ଦେଖିବାକୁ ମିଳିଛି  ନୟାଗଡ଼ ଜିଲା ଭାଟସାହି  ପଞ୍ଚାୟତରେ।  

ମାନବାଧିକାର କମିଟିର ଆଲୋଚନା ଚକ୍ର

ମାନବାଧିକାର କମିଟିର ଆଲୋଚନା ଚକ୍ର

କେନ୍ଦ୍ରାପଡା ଅଫିସ, ୨୩।୯ କେନ୍ଦ୍ରାପଡା ସହରର ଟାଉନହଲଠାରେ ଜାତୀୟ ମାନବାଧିକାର ଜିଲା କମିଟି ପକ୍ଷରୁ ମାନବ ଅଧିକାର ଓ ଆଇନ ସଚେତନତା କାର୍ଯ୍ୟକ୍ରମ ଶନିବାର ଅନୁଷ୍ଠିତ ହୋଇଯାଇଛି । ରାଜ୍ୟ କମିଟି ଅଧ୍ୟକ୍ଷା ଦୀପ୍ତିମୟୀ କରଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ରାଜ୍ୟ ଲ

ଜିଲାସ୍ତରୀୟ ରାଜସ୍ବ କମିଟି ବୈଠକ

ଜିଲାସ୍ତରୀୟ ରାଜସ୍ବ କମିଟି ବୈଠକ

କେନ୍ଦ୍ରାପଡା ଅଫିସ,୨୩।୯ ଜିଲାପାଳଙ୍କ କାର୍ଯ୍ୟାଳୟ ସଭାଗୃହରେ ଶନିବାର ଜିଲାସ୍ତରୀୟ ରାଜସ୍ବ କମିଟି ବୈଠକ ଅନୁଷ୍ଠିତ ହୋଇଯାଇଛି ା ଜିଲାପାଳ ଦାଶରଥି ଶତପଥୀଙ୍କ ଅଧ୍ୟକ୍ଷତାରେ ଆୟୋଜିତ  ଏହି ବୈଠକରେ ତହସିଲଦାରମାନେ ଯୋଗଦେଇ

ଛାତ୍ର କଂଗ୍ରେସର ପକ୍ଷରୁ ବିଧାୟକଙ୍କ ପୋଷ୍ଟର ପୋଡି

ଛାତ୍ର କଂଗ୍ରେସର ପକ୍ଷରୁ ବିଧାୟକଙ୍କ ପୋଷ୍ଟର ପୋଡି

କେନ୍ଦ୍ରାପଡା ଅଫିସ, ୨୩।୯ ମାର୍ଶାଘାଇ ଥାନା ବାଲଣା ଗ୍ରାମର ଅବିନାଶ ପାଇଟାଳ ଓରଫ ମୂଷାଙ୍କ ହାଜତ ମୃତ୍ୟୁ ଘଟଣାକୁ ନେଇ ଛାତ୍ର କଂଗ୍ରେସ ପକ୍ଷରୁ ଶନିବାର ବିକ୍ଷୋଭ ପ୍ରଦର୍ଶନ କରାଯାଇଛି । ଏନେଇ ଛାତ୍ର କଂଗ୍ରେସ କର୍ମୀମାନେ କେନ୍ଦ୍ରାପଡା ସହରର ବସଷ୍ଟାଣ୍ଡରେ ବିଧାୟକ ଅତନୁ ସବ୍ୟସାଚୀ ନାୟକ ଓ ମୁଖ୍ୟମନ୍ତ୍ରୀଙ୍କ ପୋଷ୍ଟରକୁ ପୋଡିଛନ୍ତି ।

ତହସିଲକୁ ପଲିଥିନ ପାଇଁ ଆସିଥିବାବେଳେ ମାଡ଼

ତହସିଲକୁ ପଲିଥିନ ପାଇଁ ଆସିଥିବାବେଳେ ମାଡ଼

ପଟ୍ଟାମୁଣ୍ଡାଇ,୨୩।୯(ସ୍ବ.ପ୍ର.) ପଟ୍ଟାମୁଣ୍ଡାଇ ତହସିଲ ଅଫିସକୁ ପଲିଥିନ ପାଇଁ ଆସିଥିବା ପୌରାଞ୍ଚଳ ଷଣ୍ଢପଲ୍ଳୀ ୧ ନଂ ଓ୍ବାର୍ଡର ପ୍ରଶାନ୍ତ ତ୍ରିପାଠୀ (୩୭)ଙ୍କୁ  ଶନିବାର କେତେକ କର୍ମଚାରୀ ମାଡ ମାରିଥିବା ନେଇ ସ୍ଥାନୀୟ ଥାନାରେ ଅଭିଯୋଗ ହୋଇଛି।ଲଘୁଚାପ ବର୍ଷାରେ ଘର ଭାଙ୍ଗି ଯାଇଥିବା ନେଇ ପ୍ରଶାନ୍ତ  ତହସିଲଦାରଙ୍କ ନିକଟରେ  ଆବେଦନ କରିଥିଲେ ।

ଲଘୁଚାପଜନିତ ବର୍ଷା: ୧୦୦ରୁ ଊର୍ଦ୍ଧ୍ୱ ପରିବାର ଜଳବନ୍ଦୀ

ଲଘୁଚାପଜନିତ ବର୍ଷା: ୧୦୦ରୁ ଊର୍ଦ୍ଧ୍ୱ ପରିବାର ଜଳବନ୍ଦୀ

ମହାକାଳପଡା,୨୩।୯(ଡି.ଏନ୍‌.ଏ.) ଲଘୁଚାପ ପ୍ରଭାବରେ ଉପକୂଳ ଅଞ୍ଚଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ମହାକାଳପଡା ବ୍ଲକ ଜମ୍ବୁ ପଞ୍ଚାୟତ ଅନ୍ତର୍ଗତ ଜମ୍ମୁଗ୍ରାମସ୍ଥିତ ଦକ୍ଷିଣପଡାର ୯,୧୦,୧୧ ନଂ ଓ୍ବାର୍ଡର ବିଭିନ୍ନ ସ୍ଥାନରେ ବର୍ଷାଜଳ ଜମି ରହିଛି। 

ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ମହଙ୍ଗା ପଡ଼ିଲା ପ୍ରଶାସନିକ ଆକ୍ରୋଶର ଶିକାର ହେଲେ ଦଳିତ ପରିବାର

ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ମହଙ୍ଗା ପଡ଼ିଲା ପ୍ରଶାସନିକ ଆକ୍ରୋଶର ଶିକାର ହେଲେ ଦଳିତ ପରିବାର

ଚଣ୍ଡିଖୋଲ,୨୩ା୯(ଡି.ଏନ.ଏ.)- ବଡ଼ଚଣା ବ୍ଲକ ଅନ୍ତର୍ଗତ ଦର୍ପଣୀ ପଞ୍ଚାୟତ ଗୁଲଜାରନଗର ପାଟଣା ଗାଁରେ ଏପରି ଏକ ଘଟଣା ଦେଖିବାକୁ ମିଳିଛି। ଉକ୍ତ ଗାଁର ବଳରାମ ମଲିକ ମୁଖ୍ୟମନ୍ତ୍ରୀଙ୍କୁ ଦୁଃଖ ଜଣାଇଥିବାରୁ ପ୍ରଶାସନିକ ଆକ୍ରୋଶର ଶିକାର ହୋଇ ଆତ୍ମହତ୍ୟା କରିବେ ବୋଲି ନିଷ୍ପତ୍ତି ନେବା ସହ ଶନିବାର ପୁନଶ୍ଚ ଚିଠି ଲେଖିଥିବା ଜଣାପଡିଛି।

ହାଇଓ୍ବା-ବାଇକ୍‌ ଧକ୍କା, ୨ ଗୁରୁତର

ହାଇଓ୍ବା-ବାଇକ୍‌ ଧକ୍କା, ୨ ଗୁରୁତର

ଯାଜପୁରରୋଡ/ରଗଡି,୨୩।୯(ନି.ପ୍ର./ଡି.ଏନ୍‌.ଏ.)-୨୦ନଂ. ଜାତୀୟ ରାଜପଥର ରଗଡି ଛକଠାରେ ଶନିବାର ଅପରାହ୍ନରେ ହାଇଓ୍ବା-ବାଇକ୍‌ ଧକ୍କାରେ ୨ ବାଇକ୍‌ ଆରୋହୀ ଗୁରୁତର ହୋଇଛନ୍ତି। ସେମାନେ ହେଲେ କୋରେଇ ଥାନା ଅନ୍ତର୍ଗତ କଡମା ଗ୍ରାମର ଚଗୁଲୁ