ସମ୍ପାଦକୀୟ |

ଜୈବିକ କୃଷି ଓ ମହିଳା

ଜୈବିକ କୃଷି ଓ ମହିଳା
ପରିବେଶ ପରିଚିନ୍ତା-ମାନେକା ଗାନ୍ଧୀ/ ମୋ ପାଇଁ ପ୍ରାଣୀ ମଙ୍ଗଳ ଯେତିକି ଜୈବିକ କୃଷି ସେତିକି ଗୁରୁତ୍ୱପୂର୍ଣ୍ଣ। ଏହାଦ୍ୱାରା ହଜାର ହଜାର ପ୍ରଜାତିର ପ୍ରାଣୀଙ୍କ ଜୀବନରକ୍ଷା ହୋଇପାରିବ ଏବଂ ଏ ପୃଥିବୀ ମଣିଷମାନଙ୍କ ପାଇଁ ଅଧିକ ସୁନ୍ଦର ବାସଯୋଗ୍ୟ ହୋଇପାରିବ। ମୁଁ ମହିଳା ଓ ଶିଶୁ କଲ୍ୟାଣ ମନ୍ତ୍ରୀ ଥିବା ବେଳେ ଆମେ ଏକ ନୂଆ ପ୍ରକଳ୍ପ ଆରମ୍ଭ କରିଥିଲୁ। ଦିଲ୍ଲୀ ହାଟରେ ଆମେ ଏକ ୧୫ ଦିନିଆ ବାର୍ଷିକ ମେଳାର ବ୍ୟବସ୍ଥା କଲୁ। ଏହି ମେଳାକୁ ୩୦୦ ମହିଳା ଜୈବିକ ଚାଷୀ ସେମାନଙ୍କ ଉତ୍ପାଦ ଧରି ବିକ୍ରି କରିବାକୁ ଆସନ୍ତି। ଚଳିତବର୍ଷ ଏହି ମେଳାରେ ୨ କୋଟି ଟଙ୍କାର ଉତ୍ପାଦ ବିକ୍ରି ହୋଇଥିଲା। ଆମେ ମଧ୍ୟ ସୃଷ୍ଟି ନାମକ ସଂସ୍ଥା ଦ୍ୱାରା ଅହମଦାବାଦରେ ଆୟୋଜିତ ବିଶାଳ ଜୈବିକ କୃଷି ମେଳାକୁ ୫୦ ଜଣ ମହିଳାଙ୍କୁ ପଠାଇଥାଉ। ଆସନ୍ତା ଫେବୃୟାରୀରେ ବମ୍ବେଠାରେ ଏପରି ଏକ ମେଳା କରିବାର ଯୋଜନା ଅଛି। ଭାରତରେ ନାରୀମାନଙ୍କ ପାଇଁ ଉଦ୍ଦିଷ୍ଟ ସର୍ବୋଚ୍ଚ ପୁରସ୍କାର ନାରୀ ଶକ୍ତି ଆଓ୍ବାର୍ଡ ଯେ ଏକ ବା ଏକାଧିକ ମହିଳା ଜୈବିକ ଚାଷୀ ବା ଗୋଷ୍ଠୀ ପାଇପାରିବେ ଏ ବିଷୟରେ ମୁଁ ନିଶ୍ଚିତ। ଭାରତର ଯାଯାବର ଜାତି ଓ ବେସରକାରୀ ସଂସ୍ଥାଗୁଡ଼ିକ ଦ୍ୱାରା ଅନୁଷ୍ଠିତ ଏକ ପ୍ରଦର୍ଶନୀକୁ ମୁଁ ୨୦୧୬ରେ ଯାଇଥିଲି। ଏହି ସମ୍ପ୍ରଦାୟ ନିଜର ପରମ୍ପରା, ସଂସ୍କୃତି, ଓଟ ପାଳନ ଓ ଓଟ କ୍ଷୀରର ବ୍ୟବସାୟକୁ ଧରି ରଖିଛନ୍ତି। ଚଳିତବର୍ଷ ମୁଁ ନୋଏଡ଼ାରେ ଅନୁଷ୍ଠିତ ଏକ ଜୈବିକ କୃଷି ମେଳାକୁ ଯାଇଥିଲି। ଏଥିରେ ୭୦୦ରୁ ଅଧିକ କମ୍ପାନୀ, ଅନୁଷ୍ଠାନ, ଏନ୍‌ଜିଓ ଓ ବ୍ୟକ୍ତିବିଶେଷ ଯୋଗ ଦେଇଥିଲେ। OFAI ନାମକ ସଂସ୍ଥା ଏହାର ଆୟୋଜନ କରିଥିଲା, ଯାହାର ମୁଖ୍ୟାଳୟ ଗୋଆରେ ଏବଂ ଯାହାର ମୁଖ୍ୟ ହେଉଛନ୍ତି ଡ. କ୍ଲାଉଡ୍‌ ଆଲ୍‌ଭାରେସ୍‌। ଏଠାରେ ସିକିମ ମଣ୍ଡପ ଥିଲା ସବୁଠାରୁ ଆକର୍ଷଣୀୟ ଏବଂ ମୋ ମତରେ ସାରା ରାଜ୍ୟକୁ ଜୈବିକ କୃଷି ରାଜ୍ୟରେ ପରିଣତ କରିପାରିଥିବା ସିକିମ ମୁଖ୍ୟମନ୍ତ୍ରୀଙ୍କୁ ଭାରତ ରତ୍ନ ସମ୍ମାନ ମିଳିବା ଉଚିତ। ଏଠାରେ ଶତାଧିକ ପ୍ରକାରର ଚାଉଳ ଥିଲା। ସେଥିରେ କେତେକ ପ୍ରକାରର ଚାଉଳ ଥିଲା, ଯାହାକୁ ରାନ୍ଧିବା ଦରକାର ନାହିଁ। ତା’ ଉପରେ କେବଳ ଗରମ ପାଣି ଢାଳିଦେଲେ ତାହା ଭାତ ହୋଇଯିବ। ମୁଁ ଏଠାରେ ଏମିତି କେତେକ ପରିବା ଦେଖିଲି, ଯାହା ମୁଁ ଆଗରୁ କେବେ ଦେଖି ନ ଥିଲି- ବିରାଟ ଲମ୍ବା ଧଳା ବାଇଗଣ, ବିଭିନ୍ନ ପ୍ରକାରର କଖାରୁ, କାକୁଡ଼ି ଓ ଲଙ୍କା। ପୁଣି ଦେଖିଲି ନାଲି ଆଳୁ ଓ ଧଳାରୁ ବାଇଗଣୀ ପର୍ଯ୍ୟନ୍ତ ଅନୂ୍ୟନ ୫୦ ପ୍ରକାରର ରାଜ୍‌ମା। ମୁଁ ଯେତେବେଳେ ଗ୍ରାମ୍ୟ ପନିପରିବାରେ ତିଆରି ମଧ୍ୟାହ୍ନଭୋଜନ ଖାଇଲି, ମୋତେ ଲାଗିଲା ମୁଁ ଯେମିତି ସ୍ବର୍ଗରେ ଭୋଜନ କରୁଛି। ଅନେକ ବିଲୁପ୍ତପ୍ରାୟ ପ୍ରଜାତିର ପନିପରିବା ମଞ୍ଜି ସଂଗ୍ରହ କରି ହଜାର ହଜାର ଲୋକଙ୍କ ଜୀବନକୁ ବଦଳାଇ ଦେଇଥିବା ମହିଳାମାନେ ପ୍ରଶଂସାର ପାତ୍ର। କର୍ନାଟକର ସିର୍ସିଠାରେ ଥିବା ବନଶ୍ରୀ ମାଲନାଡ୍‌ ଗାର୍ଡେନ ଏବଂ ସୀଡ୍‌ ସେଭର୍ସ କଲେକ୍ଟିଭ୍‌ ମହିଳାମାନଙ୍କ ଦ୍ୱାରା ପରିଚାଳିତ। ସେମାନେ କ୍ଷୁଦ୍ର ଚଟକ ଭେଣ୍ଡିଠାରୁ ଆରମ୍ଭ କରି ପୁରୁଣା ପ୍ରଜାତିର ଆଖୁ ପର୍ଯ୍ୟନ୍ତ ୧୨୦ ପ୍ରକାରର ପନିପରିବା ତାଲିକାଭୁକ୍ତ କରିଛନ୍ତି। ଏ ସମସ୍ତ ଐତିହ୍ୟ ମଞ୍ଜି। ଆପଣ sunitasirsi@gmail.com ଠିକଣାରେ ସେମାନଙ୍କ ସହ ଯୋଗଯୋଗ କରିପାରିବେ। ଅନ୍ନଦାନ ହେଉଛି କର୍ନାଟକର ଏକ ଏନ୍‌ଜିଓ, ଯାହା ସଙ୍ଗୀତା ଶର୍ମାଙ୍କ ଦ୍ୱାରା ଆରମ୍ଭ କରାଯାଇଛି। କିଛି ବର୍ଷ ହେଲା ଏହା ଜୈବିକ କୃଷି ବିଷୟରେ ତାଲିମ ଦେବା ସହ ୨୦୦ରୁ ଅଧିକ ପ୍ରକାରର ପନିପରିବା ମଞ୍ଜି ସଂରକ୍ଷଣ କରି ଆସୁଛି। ସଙ୍ଗୀତା ଅନୁଭବ କଲେ ଯେ, ବିହନ ନିଗମ ଓ କୃଷି ପ୍ରତିଷ୍ଠାନଗୁଡ଼ିକ ବିଷ, ରାସାୟନିକ ସାର ଓ କୀଟନାଶକ ଆଦି ଦ୍ୱାରା ସବୁ ବିହନ ଓ ଖାଦ୍ୟପଦାର୍ଥକୁ ସଂକ୍ରମିତ କରିଆସୁଛନ୍ତି। ତେଣୁ ସେ ନିଜେ ବିହନ ସଂଗ୍ରହ କରିବା, ଚାଷ କରି ପୁଣି ବିହନ ଉତ୍ପାଦନ କରିବା ଏବଂ କୃଷକମାନଙ୍କୁ ବିତରଣ କରିବାକୁ ନିଷ୍ପତ୍ତି ନେଲେ। ଏ ପର୍ଯ୍ୟନ୍ତ ସେ ୩ ଲକ୍ଷ ବିହନ ପ୍ୟାକେଟ୍‌ ମାଗଣାରେ ଗରିବ କୃଷକମାନଙ୍କୁ ବିତରଣ କରିବା ସହ କମ୍‌ ଦାମ୍‌ରେ ଉଦ୍ୟାନ ଚାଷୀମାନଙ୍କୁ ବିକ୍ରି କରିସାରିଲେଣି। ସେ ଜୈବିକ କୃଷି ସମ୍ବନ୍ଧରେ ତାଲିମ ମଧ୍ୟ ଦେଉଛନ୍ତି। ତାଙ୍କ କୋର୍‌ ଗ୍ରୁପ୍‌ରେ ୧୮ ଜଣ କୃଷକ ତାଲିମ ଦେବା କାର୍ଯ୍ୟରେ ନିୟୋଜିତ ଅଛନ୍ତି। ଆପଣ ତାଙ୍କ ସହ info@annadana-india.org ଠିକଣାରେ ଯୋଗାଯୋଗ କରିପାରିବେ। ନିରଞ୍ଜନା ମାରୁ ହେଉଛନ୍ତି ଓ୍ବାର୍ଦ୍ଧାର ଜଣେ ମହିଳା ଯେ କି ଚେତନା ବିକାଶ ନାମରେ ଏକ ଏନ୍‌ଜିଓ ପରିଚାଳନା କରୁଛନ୍ତି। ସେମାନଙ୍କର ଗଛ, ଘାସ, କନ୍ଦ ଓ ଗୋଖାଦ୍ୟ ଆଦିର ଏକ ପ୍ରଦର୍ଶନ ଫାର୍ମ ଅଛି ଏବଂ ସେମାନେ ପତିତ ଜମିର ପୁନରୁଦ୍ଧାର ଓ ମିଶ୍ରିତ ଚାଷ ବିଷୟରେ ସ୍ଥାନୀୟ କୃଷକମାନଙ୍କୁ ତାଲିମ ଦେଉଛନ୍ତି। ତାଙ୍କର ଠିକଣା ହେଲା: chetanavikaswda@gmail.com. ସାବରମତୀ ଟିକି ହେଉଛନ୍ତି ପ୍ରଫେସର ରାଧାମୋହନଙ୍କ କନ୍ୟା, ଯିଏ କି ନୟାଗଡ଼ରେ ଅନୁର୍ବର ପତିତ ଜମି କିଣିଛନ୍ତି। ଏ ଜମିରେ କିଛି ହେବା ଅସମ୍ଭବ ବୋଲି ଲୋକେ କହୁଥିବା ବେଳେ ସେ ଏହାର ବିକାଶ ଘଟାଇ କୃଷି ଉପଯୋଗୀ କରିଛନ୍ତି ଏବଂ ତାଙ୍କ ଫାର୍ମର ନାମ ଦେଇଛନ୍ତି ‘ସମ୍ଭବ’। ଏହି ଫାର୍ମରୁ ସାବରମତୀ ଓ ତାଙ୍କ ଟିମ୍‌ ୩୧୪ ପ୍ରକାର ପାରମ୍ପରିକ ଧାନଚାଷ କରି ଓ ବିହନ ଉତ୍ପାଦନ କରି ଓଡ଼ିଶାର କୃଷକମାନଙ୍କୁ ବିତରଣ କରୁଛନ୍ତି। ତାଙ୍କ ସହ ଯୋଗାଯୋଗ କରିବାର ଠିକଣା ହେଲା: sabarmati@gmail.com. ପେବ୍‌ଲ ଗାର୍ଡେନ ହେଉଛି ଦୀପିକା କୁନ୍ଦଜୀଙ୍କ ଦ୍ୱାରା ପରିଚାଳିତ ପତିତ ଜମିକୁ ପୁନରୁଦ୍ଧାର କରିବାର ଏକ ପ୍ରକଳ୍ପ। ୭ ଏକର ମୋରମ ମାଟିର ଏହି ଜମିର ଉପର ମାଟି କ୍ଷୟ ପାଇ ଏହା ସମ୍ପୂର୍ଣ୍ଣ ଅନୁର୍ବର ହୋଇପଡ଼ିଛି। ଦୀପିକା ଓ ତାଙ୍କ ସହଯୋଗୀ ଏଥିରେ ବିଭିନ୍ନ ବୃକ୍ଷରୋପଣ କରିବା ସହ ଏକ ପୋଖରୀ ଖୋଳାଇଛନ୍ତି। ଏଥିରେ ଜୈବିକ ଖତ ଆଦି ଦେଇ ମାଟିକୁ ଉର୍ବର କରିଛନ୍ତି। ବର୍ତ୍ତମାନ ଏହି ଜମିରେ ୮୦ ପ୍ରକାରର ପନିପରିବା ଓ ବିରଳ ଔଷଧୀୟ ବୃକ୍ଷ ଆଦି ଚାଷ ହେଉଛି। ଏଥିରୁ ସେ ଅମଳ କରୁଥିବା ବିହନଗୁଡ଼ିକୁ ଅନ୍ୟ ଚାଷୀ ଓ ବିହନ ସଂରକ୍ଷକମାନଙ୍କ ସହ ଆଦାନପ୍ରଦାନ କରୁଛନ୍ତି। ତାଙ୍କ ଠିକଣା ହେଲା: pebblegardenforest@gmail.com. ମୋହିନୀ ଭିସ୍ତେ ହେଉଛନ୍ତି ରାୟଗଡ଼, ନୈନିତାଲର ଜଣେ ମହିଳା। ସେ ଜନ ପ୍ରେରଣା ସଂଗଠନ ନାମକ ଏକ ମହିଳା କୃଷକ ନେଟ୍‌ଓ୍ବର୍କ ସହ ଜଡ଼ିତ। ୨୦୦୯ ମସିହାରେ ସେ ଓ ତାଙ୍କ ସାଙ୍ଗମାନେ ପାରମ୍ପରିକ ବିହନ ସଂଗ୍ରହ କରିବା କାର୍ଯ୍ୟ ଆରମ୍ଭ କରିଥିଲେ। ସେମାନେ ଦେଶୀ ଗହମ, ବାଜରା, ମକା, ଯଅ ଓ ପନିପରିବା ଆଦିର ଏକ ବିହନ ବ୍ୟାଙ୍କ ତିଆରି କରିଛନ୍ତି। କୃଷକମାନେ ଏଠାରୁ ମାଗଣାରେ ବିହନ ନେଇ ଜୈବିକ ପଦ୍ଧତିରେ ଚାଷ କରି ଅମଳ କଲା ପରେ ନେଇଥିବା ବିହନର ଦୁଇଗୁଣ ସଂସ୍ଥାକୁ ଦେଉଛନ୍ତି। ଆପଣ ତାଙ୍କ ସହ ଫୋନ୍‌ ନମ୍ବର- ୦୯୫୬୮୨୫୪୯୪୫ରେ ଯୋଗାଯୋଗ କରିପାରିବେ। ପୁଣି ଡ. ବନ୍ଦନା ଶିବଙ୍କ ଅବଦାନ ତ ଭୁଲିବାର ନୁହେଁ। ସେ ୧୯୮୪ ମସିହାରୁ ଅହିଂସ କୃଷି ପଦ୍ଧତି ବିଷୟରେ ଲେଖିବା ସହ କାମ କରି ଆସୁଛନ୍ତି। ସେ ୩୦୦୦ ପ୍ରକାରର ଚାଉଳ, ୧୫୦ ଗହମ, ୧୫୦ ରାଜ୍‌ମା ଏବଂ ପନିପରିବା ଓ ଡାଲି ସହ ୫୦୦୦ କିସମର ଫସଲ ସଂରକ୍ଷଣ କରିବାରେ ସକ୍ରିୟଭାବେ ସମ୍ପୃକ୍ତ ଅଛନ୍ତି। ତାଙ୍କର ଉତ୍ତରାଖଣ୍ଡର ଶେରପୁରଠାରେ ୪୫ ଏକରର ଏକ ବିହନ ବ୍ୟାଙ୍କ ଅଛି। ତାଙ୍କର ଠିକଣା ହେଲା: Dehradun@navdanya.net. ଚଳିତବର୍ଷ ଦୀପାବଳିରେ ମୁଁ ବାଜେ ମିଠାଇ, ମୂର୍ତ୍ତି, ଖଜୁରି, ବାଦାମ ଆଦି ଉପହାର ଦେଇ ନାହିଁ। ତା’ ବଦଳରେ କ୍ଷୁଦ୍ର ଜୈବିକ ଚାଷୀଙ୍କଠାରୁ ଆଣିଥିବା ଜୈବିକ ଶସ୍ୟ, ଡାଲି, ଜାମ, ଆଚାର ଆଦିର ପ୍ୟାକେଟ୍‌ ଉପହାର ଦେଇଛି। ଯାହାଙ୍କୁ ଦେଇଛି, ସେମାନେ ଖୁବ୍‌ ଖୁସି ହୋଇଛନ୍ତି। ଆମେ ଆମର ସ୍ବାଦ ବଦଳାଇ ଜୈବିକ ଶସ୍ୟ, ଡାଲି ଓ ପନିପରିବା ଆଦି ଖାଇଲେ ଅଧିକ ସୁସ୍ଥ ରହିପାରିବା ଏବଂ କ୍ୟାନ୍‌ସର ପରି ମାରାତ୍ମକ ରୋଗ ଆଦିକୁ ଦୂରେଇ ଦେଇପାରିବା। ହିନ୍ଦୀରେ ଏକ ଢଗ ଅଛି: କାଠିଆ ଗେହୁଁ କାର୍ଗି ଧାନ, ଜୋ ବୋଓ୍ବେ ଓ୍ବହ ଚତୁର କିସାନ। କାଠିଆ ଗହମ ଓ କାର୍ଗି ଧାନ (ଉଭୟ ଜୈବିକ ଓ ପୁରୁଣା କିସମ) ଉଭୟ ଶୁଷ୍କ ଓ ଆର୍ଦ୍ର ଜମିରେ ଚାଷ କରାଯାଇପାରେ। (Email: gandhim@nic.in)
All Right Reserved By

ସମ୍ପାଦକୀୟ |

ଚାଷୀଙ୍କୁ ବାଉଳା

ଚାଷୀଙ୍କୁ ବାଉଳା

ପୁଲ୍‌ଓ୍ବାମା ଆତଙ୍କବାଦୀ ଆକ୍ରମଣ ପରେ ବାଲାକୋଟ କାର୍ଯ୍ୟାନୁଷ୍ଠାନ ଉତ୍ତର ଭାରତରେ ସମ୍ଭବତଃ ଆଖିଦୃଶିଆ ପ୍ରଭାବ ପକାଇ ନାହିଁ। ଏଭଳି ଧାରଣା ସୃଷ୍ଟି କରିବା ପାଇଁ କୌଣସି ଅତ୍ୟଧିକ ରାଜନୈତିକ ବୁଦ୍ଧି ଦରକାର ନାହିଁ। ଉତ୍ତରପ୍ରଦେଶ ଭଳି କୃଷିଭିତ୍ତିକ ରାଜ୍ୟରେ ଚାଷୀ ଅସନ୍ତୋଷର ଭୂମିକା ଆସନ୍ତା ନିର୍ବାଚନରେ ଅଧିକ ରହିବ ବୋଲି ସ୍ପଷ୍ଟ ଜଣାପଡ଼ୁଛି।

ଅବାଞ୍ଛିତ ନାବାଳିକା ମାତୃତ୍ୱ

ଅବାଞ୍ଛିତ ନାବାଳିକା ମାତୃତ୍ୱ

ନାରାୟଣ ପଣ୍ଡା 

ସନ୍ତାନକୁ ଜନ୍ମ ଦେଉଥିବା ମା’ ଏକ ମଧୁରତମ ଶବ୍ଦ, ଯାହାର ବିକଳ୍ପ ହୁଏତ ଶବ୍ଦକୋଷରେ ନ।ହିଁ। ମା’ ବକ୍ଷର ଅମୃତ ପାନକରି ଶୈଶବର ବେଶ୍‌ କିଛିବର୍ଷ ଅବୋଧ ଶିଶୁଟି ଜୀବନ ଧାରଣକରେ। ସେ ବିଶ୍ୱ ନିର୍ମାଣର ଜନ୍ମବେଦି। ନାରୀ ଅଦିତି-ଅଖଣ୍ଡନୀୟା। 

ମା’ଙ୍କ ବିଚିତ୍ର ବେଶ

ମା’ଙ୍କ ବିଚିତ୍ର ବେଶ

ମାନସ କୁମାର ପାଢ଼ୀ

ରାଜଧାନୀ ଭୁବନେଶ୍ୱର। ସର୍ବବିଦ୍ୟା ମନ୍ଦିରର ମୁଖ୍ୟ ପୂଜାରୀ ସର୍ବଗିଳା ସକାଳୁ ନିତ୍ୟକର୍ମ ସାରି ମନ୍ଦିରର କବାଟ ଖୋଲି ଦେଖିଲେ ଶିକ୍ଷାମାତାଙ୍କ ଅପୂର୍ବ ବେଶ। ପଦ୍ମ ଉପରେ ନ ବସି ଗେଣ୍ଡୁମାଳ ଗଳାରେ ଲମ୍ବାଇ ଗୋଟିଏ ଗଧ ପାଖରେ ଛିଡ଼ା ହୋଇଛନ୍ତି ମା’। 

ଏଇ ଭାରତରେ

ଏଇ ଭାରତରେ

ପରିବର୍ତ୍ତିତ ସମୟ ସହିତ ଲୋକଙ୍କ ରୁଚି ତଥା ପେସା ବଦଳିବାରେ ଲାଗିଛି। ଏବେ କେତେକ ଭିକ୍ଷାବୃତ୍ତିକୁ ନିଜର ପେସା ଭାବେ ଗ୍ରହଣ କରିବାକୁ ପସନ୍ଦ କରୁଛନ୍ତି। ଏଥିରେ ଅର୍ଥ ବିନିଯୋଗ କରିବାର ଆବଶ୍ୟକତା ନାହିଁ। 

ପ୍ରାର୍ଥିପତ୍ର ଦାଖଲ ପ୍ରକ୍ରିୟା

ପ୍ରାର୍ଥିପତ୍ର ଦାଖଲ ପ୍ରକ୍ରିୟା

ଆକାର ପଟେଲ

ସାଧାରଣ ନିର୍ବାଚନର ପ୍ରଥମ ପର୍ଯ୍ୟାୟ ପାଇଁ ନାମାଙ୍କନପତ୍ର ଦାଖଲ ପ୍ରକ୍ରିୟା ଚାଲିଛି ଏବଂ ପ୍ରାର୍ଥୀମାନଙ୍କୁ ମାର୍ଚ୍ଚ ୨୫ ସୋମବାର ପୂର୍ବରୁ ଏହା ଦାଖଲ କରିବାକୁ ପଡ଼ିବ। ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରାର୍ଥତ୍ପତ୍ର ଦାଖଲର ଧାର୍ଯ୍ୟ ଅନ୍ତିମ ଦିବସ ହେଉଛି ମଙ୍ଗଳବାର। ମୁଁ ଏଠାରେ କେତେକ ବିଷୟ ଆଲୋଚନା କରିବାକୁ ଚାହୁଁଛି, ଯାହା ପ୍ରାର୍ଥୀମାନଙ୍କ ପାଇଁ ସା..

କିଓ୍ବି ଆଖିରେ ଲୁହ

କିଓ୍ବି ଆଖିରେ ଲୁହ

ପ୍ରକାଶ ତ୍ରିପାଠୀ

ମାତ୍ର ପାଞ୍ଚ ମିନିଟ୍‌ର ଭିଡିଓଟି କୌଣସି ଏକ ଆକ୍ସନଧର୍ମୀ ସିନେମାର ଲୋମ ଟାଙ୍କୁରା ଦୃଶ୍ୟଠାରୁ କମ୍‌ ନ ଥିଲା। ଏକ ଅତ୍ୟାଧୁନିକ ବନ୍ଧୁକ ହାତରେ ଧରି ବୀରଠାଣିରେ ଦୁଇ ଦୁଇଟି ମସଜିଦ୍‌ ଭିତରେ ଶାନ୍ତିର ରାହା ଖୋଜୁଥିବା ମଣିଷଗୁଡାଙ୍କୁ ପୋକମାଛି ପରି ମାରି ପକାଇବାଠାରୁ ବଳି ନାରକୀୟ ହିଂସା ଆଉ କ’ଣ ହୋଇପାରେ। ଘଟଣାଟି ଘଟିଛି ବିଶ୍ୱର ସର୍ବାଧି..

ପରିବେଶ ଚିନ୍ତକ

ପରିବେଶ ଚିନ୍ତକ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ

ପରିବେଶ ପ୍ରସଙ୍ଗକୁ ନେଇ ଏବେ ପୃଥିବୀବ୍ୟାପୀ ଆଲୋଚନା ହେଉଛି। ବିଭିନ୍ନ କାରଣ ଯୋଗୁ ପରିବେଶ ପ୍ରଦୂଷିତ ହେବା ଚିନ୍ତାର ବିଷୟ ହୋଇଥିବା ବେଳେ ଏ ଦିଗରେ କ୍ୱଚିତ ଭାବୁଛନ୍ତି। ଏଭଳି ସମୟରେ ୪ ଜଣ ଭାରତୀୟ ଆ..

ଏଇ ଭାରତରେ

ଏଇ ଭାରତରେ

କଥାରେ ଅଛି-‘ପରଜାପତି ତରକା ଅତି।’ ଅର୍ଥାତ୍‌ ପ୍ରଜାପତିକୁ ଧରିବାକୁ ଗଲେ ତାହା ସହଜରେ ଧରା ଦିଏନାହିଁ।  ସାମାନ୍ୟ ଆଭାସ ପାଇବା ମାତ୍ରେ ଏହି ସୁନ୍ଦର ପତଙ୍ଗଟି ଉଡି ପଳାଇଯାଇଥାଏ। ତଥାପି ପିଲାମାନେ ପ୍ରଜାପତି ଧରିବାକୁ ଖୁବ୍‌ ଆଗ୍ରହ ସହକାରେ ତା’ ପଛରେ ଧାଇଁଥାଆନ୍ତି। ଏପରି ଜଣେ ପିଲାକୁ ପ୍ରଜାପତିମାନେ ଡରି ନ ଯାଇ ବରଂ ତା’ର ସାଥୀ ..

ଶବଦାହରେ ଘଷି

ଶବଦାହରେ ଘଷି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭାରତରେ ପ୍ରତିଦିନ ଲକ୍ଷ ଲକ୍ଷ ଲୋକ ମରୁଛନ୍ତି। ମୁସଲମାନମାନେ ମୃତ ଲୋକର ଶବକୁ ପୋତିଦିଅନ୍ତି ଏବଂ ହିନ୍ଦୁମାନେ ତାକୁ ଅଗ୍ନିରେ ଦାହ କରନ୍ତି। ପାରମ୍ପରିକ ଭାବେ ଦାହ ପାଇଁ କାଠ ବ୍ୟବହୃତ ହୋଇ ଆସୁଥିବା ବେଳେ ଆଜିକାଲି ବିଦ୍ୟୁତ୍‌ଶକ୍ତି ଓ ଗ୍ୟାସ୍‌ ମଧ୍ୟ ବ୍ୟବହୃତ ହେଲାଣି।  କିନ୍ତୁ ଆଜିକାଲି ଜାଳେଣି କାଠର ଘୋର ଅଭାବ। ଦିଲ୍ଲୀରେ ସରକାରୀ ଗାର୍ଡନରମାନେ ଗଛର ଅଳ୍ପ କିଛି ଛୋଟ ଡାଳ କାଟିବାର ଛଳନା କରନ୍ତି। କିନ୍ତୁ ସେମାନେ ପ୍ରାୟ ସବୁ ବଡ଼ ବଡ଼ ଡାଳ କାଟନ୍ତି ଓ ସେସବୁକୁ ନିଗମବୋଧ ଘା..

ଅଶ୍ଳୀଳତାକୁ ନେଇ ଛଳନା

ଅଶ୍ଳୀଳତାକୁ ନେଇ ଛଳନା

ଡ. ସୁବାସ ଚନ୍ଦ୍ର ପାତ୍ର

ଅଶ୍ଳୀଳତାକୁ ନେଇ ମଣିଷର ଛଳନା ଇତିହାସ ପରି ପୁରୁଣା। କିଛିଦିନ ତଳେ ଖଣ୍ଡଗିରି ଯାତ୍ରା ମହୋତ୍ସବ ଅବସରରେ କୌଣସି ଏକ ଅପେରା ମଞ୍ଚ ଉପରେ ମନୋରଞ୍ଜନ ଆଳରେ ଜଣେ ମହିଳା କଳାକାର ଅଙ୍ଗ ପ୍ରଦର୍ଶନ ସହ ଅଶ୍ଳୀଳ ନୃତ୍ୟ ପରିବେଷଣ କରିବାର ଅଭିଯୋଗ ଆସିଲା। ପରବର୍ତ୍ତୀ ସମୟରେ ବିଭିନ୍ନ ଟିଭି ଚ୍ୟାନେଲ ତାଙ୍କ ସହ ସାକ୍ଷାତ୍‌କାର ପ୍ରସାରଣ କଲେ ଏବଂ ଆଉ କେତେକ ଚ୍ୟାନେଲ ପ୍ରତିବାଦ ବାହାନାରେ ସେହି ତଥାକଥିତ ନଗ୍ନ ନୃତ୍ୟକୁ ବାରମ୍ବାର ପ୍ରଦର୍ଶନ ମଧ୍ୟ କଲେ। ଜଣେ ରାଜାଙ୍କୁ ଯଦି ତାଙ୍କ ପାର୍ଷଦ କହେ, ‘ମଣିମା, ଆପଣଙ୍କ ବଡ଼ଗୁଣ ହେଲା ଆପଣ ତୋଷାମଦି ଭଲପାଆନ୍ତି ନାହିଁ,’ ଏ କଥାଟି ଯେମିତି ଏକ ତୋଷା..

ସ୍ବଚ୍ଛ ପାନୀୟ ଜଳ ଆମ ଅଧିକାର

ସ୍ବଚ୍ଛ ପାନୀୟ ଜଳ ଆମ ଅଧିକାର


ବିକାଶ କୁମାର ପତି

ଚିରନ୍ତନ ବିକାଶ ଲକ୍ଷ୍ୟ ସମସ୍ତଙ୍କୁ ୨୦୩୦ ସୁଦ୍ଧା ପାନୀୟ ଜଳ ଯୋଗାଇବା ପାଇଁ ଉଦ୍ଦିଷ୍ଟ। ଅର୍ଥାତ୍‌, କେହି ବି ପାନୀୟ ଜଳ ପାଇବାରୁ ବଞ୍ଚିତ ହେବେନି। କିନ୍ତୁ ଆଜି ବି ଲକ୍ଷ ଲକ୍ଷ ଲୋକ ସ୍ବଚ୍ଛ ପାନୀୟ ଜଳ ବିନା ବଞ୍ଚୁଛନ୍ତି- ତାଙ୍କ ପରିବାର, ବିଦ୍ୟାଳୟ, କର୍ମକ୍ଷେତ୍ର, ସବୁଠି ବଞ୍ଚିବା ପାଇଁ ଓ ତୃଷ୍ଣା ମେଣ୍ଟେଇବା ପାଇଁ କଷ୍ଟ କରୁଛନ୍ତି। ଜାତିସଂଘର ଜଳ ଉପରେ କାମ କରୁ..

ଏଇ ଭାରତରେ

ଏଇ ଭାରତରେ

କୁହାଯାଏ ବିବାହ ଯୋଡ଼ି ଈଶ୍ୱରଙ୍କ ଦରବାରରେ ପୂର୍ବରୁ ନିର୍ଦ୍ଧାରିତ ହୋଇଥାଏ। ଏହାକୁ ଖଣ୍ଡନ କରିବା ସହଜ ନୁହେଁ। ମଧ୍ୟପ୍ରଦେଶର ଖଣ୍ଡଓ୍ବାରେ ଏପରି ଏକ ବିରଳ ବାହାଘର ସମ୍ପନ୍ନ ହୋଇଛି। ଖଣ୍ଡଓ୍ବା ଅନ୍ତର୍ଗତ ପୁନାସା ଗଁାର ବାସିନ୍ଦା ଧନେଶ ରାଜବୈଦ ନିମାଡ ନିବାସୀ ଚେତନା ଶର୍ମାଙ୍କୁ ବିବାହ କରିଛନ୍ତି। ଉଭୟ କନ୍ୟା ଓ ବରଙ୍କ ଉଚ୍ଚତା ୩୬ ଇଞ୍ଚ। ଉଚ୍ଚତା କମ୍‌ ..


Model This Week

ରଶ୍ମି
Why Dharitri