ସମ୍ପାଦକୀୟ |

ପ୍ରତିଦ୍ୱନ୍ଦ୍ୱୀ ନୁହଁ, ପରିପୂରକ

ପ୍ରତିଦ୍ୱନ୍ଦ୍ୱୀ ନୁହଁ, ପରିପୂରକ
ଡ. ପ୍ରଫୁଲ୍ଲ କୁମାର ସାହୁ/ ପ୍ରତ୍ୟେକ ଆନ୍ଦୋଳନ ଅନ୍ତରାଳରେ ଥାଏ କିଛି ଅସନ୍ତୋଷ ଜନିତ ପ୍ରତିକ୍ରିୟା ଏବଂ ପ୍ରଚଳିତ ବ୍ୟବସ୍ଥାର ପରିବର୍ତ୍ତନ ନିମନ୍ତେ ଏକ କ୍ରିୟାଶୀଳ ଅଭୀପ୍ସା। ସେହି ନ୍ୟାୟରେ ନିଜର ଅଧିକାରକୁ ସାବ୍ୟସ୍ତ କରିବା ପାଇଁ ବିଶ୍ୱବ୍ୟାପୀ କ୍ରମଶଃ ତୀବ୍ର ହେବାରେ ଲାଗିଛି ନାରୀମୁକ୍ତି ଆନ୍ଦୋଳନର ସ୍ବର ଓ ସଂକଳ୍ପ। ନାରୀ ଓ ପୁରୁଷ ସମାଜର ଦୁଇଟି ଅଲଗା ଅଲଗା ଅଙ୍ଗ ହେଲେ ବି ମନୁଷ୍ୟ ଭାବରେ ଏକ ଓ ଅଭିନ୍ନ। ଉଭୟଙ୍କର କର୍ମକ୍ଷେତ୍ର ଭିନ୍ନ, କିନ୍ତୁ ଉଭୟ ଉଭୟଙ୍କ ପାଇଁ ପ୍ରକୃତିପ୍ରଦତ୍ତ ସହଯୋଗୀ। ପରସ୍ପରର ପରିପୂରକ। ଜଣେ ହୃଦୟ ହେଲେ ଆଉ ଜଣେ ତା’ର ସ୍ପନ୍ଦନ। ଏହି ବିଚାରବୋଧ ଯଦି ସର୍ବଜନଗ୍ରାହୀ ହୋଇପାରନ୍ତା ତେବେ ସମାଜରୁ ଅପସରି ଯାଆନ୍ତା ବହୁ ବିସଙ୍ଗତି, ବିଭଙ୍ଗ ଓ ବିଶୃଙ୍ଖଳା। ଆଉ ନାରୀବାଦୀଙ୍କ ପକ୍ଷରୁ ଉଠନ୍ତା ନାହିଁ ଯୁଗ ଯୁଗ ଧରି ଚଳିଆସୁଥିବା ସମାଜ ବ୍ୟବସ୍ଥାର ପୁନର୍ନ୍ୟାସ ଦାବି। ଏହା ଏକ ବିଡ଼ମ୍ବିତ ସତ୍ୟ ଯେ, ଆମ ସୁଦୀର୍ଘ ସାଂସ୍କୃତିକ ପରମ୍ପରାରେ ନାରୀ କେବେ ବି ପୁରୁଷ ସହିତ ଏକ ସମତୁଲ ଜୀବନ ବଞ୍ଚତ୍ନାହିଁ, ବରଂ ବଞ୍ଚତ୍ଛି ନିହାତି ଏକ ଅବହେଳିତ ଜୀବନ। ଏଥିପାଇଁ ସ୍ବାଧୀନତା ପରବର୍ତ୍ତୀ ଭାରତବର୍ଷରେ ଅନେକ ପ୍ରଶ୍ନ ଉଠୁଛି ଏବଂ ନାରୀର ଉତ୍‌ଥାନ ପାଇଁ ଜାରି ରହିଛି ନିରନ୍ତର ପ୍ରୟାସ। ଉଭୟ ସରକାରୀ ଓ ବେସରକାରୀ ସ୍ତରରେ ପ୍ରକାଶ ପାଇଥିବା ତପତ୍ରତା ଯୋଗୁ ବହୁ ଭାବରେ ସୁଧୁରିଛି ନାରୀର ସାମାଜିକ ସ୍ଥିତି। ଅଧ୍ୟୟନ, ଅଧ୍ୟାପନା, ଉଚ୍ଚତର ଗବେଷଣା ଓ ରାଜନୀତି ଆଦି କ୍ଷେତ୍ରରେ ସେ ପ୍ରତିପାଦନ କରିପାରିଛି ନିଜର ଅସାଧାରଣ ଦକ୍ଷତା। ପାରମ୍ପରିକ ଆଚାର ଓ ଆଚରଣ ବାହାରେ ନିଜ ପାଇଁ ତିଆରି କରିପାରିଛି ଏକ ନୂଆ ପରିଚୟ। ମାତ୍ର ନାରୀ ଏତେ ବାଟ ଗଲା ପରେ ବି ଆମ ପ୍ରାତ୍ୟହିକ ସମାଜ ଜୀବନରେ ଜାରି ରହିଛି ତାକୁ ଲାଞ୍ଛିତ ଓ ଅବଦମିତ କରି ରଖିବାର ଏକଚାଟିଆ ପ୍ରୟାସ। ନାରୀ ପ୍ରତି ପୁରୁଷର ଅନ୍ୟାୟ ଓ ଅତ୍ୟାଚାର ବିରୋଧରେ ତିଆରି ହୋଇଛି କଠୋର ଆଇନ। ପରିସଂଖ୍ୟାନ କହୁଛି ସବୁ ଆଇନକାନୁନ ଓ କଟକଣା ସତ୍ତ୍ୱେ ନାରୀ ନିର୍ଯାତନା ବଢୁଛି। ଏଭଳି କଳଙ୍କିତ ଅଧ୍ୟାୟର ଅବସାନ ପାଇଁ ଆଇନ ଆହୁରି କଠୋର ହେବା ଉଚିତ। ଏହା ସତ୍ତ୍ୱେ ଅପରାଧପ୍ରବଣତା କମିବ କି ନା ସନ୍ଦେହ। କାରଣ ନୀତି ନୈତିକତା ଓ ମୂଲ୍ୟବୋଧର ଅବକ୍ଷୟ ଏବେ ଚରମ ସୀମାରେ। ବଜାରୀକରଣ ବ୍ୟବସ୍ଥାରେ ଚାଲିଛି ନାରୀକୁ ଆୟୁଧ କରି ମଣିଷ ପଣିଆକୁ ଚୂରମାର କରିଦେବାର ମସୁଧା। ତେଣୁ ନାରୀର ସୁରକ୍ଷା ଓ ସମ୍ମାନ ଆଇନ ଅପେକ୍ଷା ଅଧିକ ନିର୍ଭର କରେ ଜାଗ୍ରତ ଜନମତ ଉପରେ। ଯୁଗ ଯୁଗ ଧରି ପ୍ରଚଳିତ ସମାଜ ବ୍ୟବସ୍ଥାକୁ ପୁରୁଷପ୍ରଧାନ କହି ଆକ୍ଷେପ କରି ଆସୁଛି ନାରୀ। ମାତ୍ର ସେ ଭୁଲିଯାଇଛି ଆମ ସମାଜ ବ୍ୟବସ୍ଥାର ପ୍ରତି କ୍ଷେତ୍ରରେ ନାରୀଶକ୍ତିର ଉପାସନା ଆଗ। ସେ ଅନୁଭବ କରିପାରୁନି ନିଜ ପାଖରେ ଥିବା କସ୍ତୁରୀର ଶ୍ରେୟକୁ। ନାରୀ ବିନା ସମାଜକୁ ଧାରଣ ଓ ପୂରଣ କରିବା ପାଇଁ ଦ୍ୱିତୀୟ ଆଉ କେହି ନାହିଁ। ଏକ ସୁସ୍ଥ ସୁନ୍ଦର ସମାଜ ଗଠନ ପ୍ରକ୍ରିୟାରେ ତା’ର ଅଧିକାର ସ୍ବତଃସିଦ୍ଧ। ଅଥଚ ସେ ବିବର୍ତ୍ତନୀୟ ବାସ୍ତବତାକୁ ଭୁଲି ପୁରୁଷକୁ ମାଗୁଛି ଅଧିକାର। ପରିବାର ଭଳି ତ ସାମ୍ରାଜ୍ୟର ସର୍ବମୟ କର୍ତ୍ତ୍ରୀ ହେଉଛି ନାରୀ, ଯେଉଁ ସାମ୍ରାଜ୍ୟରେ ପୁରୁଷ କେବଳ ନାମମାତ୍ର ମୁଖ୍ୟ। ପୁରୁଷର ନାରୀ ପ୍ରାଣତା ହିଁ ଏହାର କାରଣ। ସେ ମରିବା ଯାଏ ତମାମ ଜୀବନ ବଞ୍ଚେ ନିରୁତା ନାରୀପ୍ରାଣ ହୋଇ। ନାରୀକୁ ହୃଦୟେଶ୍ୱରୀ କରିବା ପାଇଁ ପୁରୁଷ ପ୍ରାଣର ଅମାପ ବ୍ୟାକୁଳତା କଥା ଭାବିଲେ ଲାଗୁଛି ଏ ପୃଥିବୀଟା ବିଲ୍‌କୁଲ୍‌ ନାରୀପ୍ରଧାନ। ପୁରୁଷର ଏ ଦୁର୍ବଳତାର ସୁଯୋଗ ନେଇ ନାରୀ ଜାହିର କରେ ନିଜର ଓଦ୍ଧତ୍ୟ ଓ ଅହଂପଣ। ତା’ର ଅହଂକାର ଓ ସ୍ବାର୍ଥପରତା ପାଇଁ ପରିବାରରେ ସୃଷ୍ଟି ହୁଏ ଅଶାନ୍ତିର ଝଡ଼। ନାରୀ ନିର୍ଯାତନା ପାଇଁ ପ୍ରସ୍ତୁତ ହୁଏ କ୍ଷେତ୍ର। ନାରୀ ଲାଞ୍ଛନାର ପ୍ରତିଟି ପ୍ରକରଣ ପାଇଁ ପୁରୁଷପ୍ରଧାନ ସମାଜ ବ୍ୟବସ୍ଥାକୁ ଦାୟୀ କରୁଛି ନାରୀ। ଅଥଚ ସେହି ନାରୀ ପାଲଟି ଯାଉଛି ଆଉ ଜଣେ ନାରୀର ପ୍ରଥମ ଓ ପ୍ରଧାନ ଶତ୍ରୁ। ପୁରୁଷର ଦୁର୍ବହ ଆଧିପତ୍ୟ ଓ ବହୁନାରୀ ଭୋଗର ପ୍ରବୃତ୍ତିକୁ ଯଥାସମ୍ଭବ ଦୂରକରିବା ପାଇଁ ନାରୀ ଜାଗି ଉଠିବା ଏକାନ୍ତ ଜରୁରୀ। ଜାଗରଣର ଅର୍ଥ କିନ୍ତୁ ସ୍ବେଚ୍ଛାଚାରିତା ନୁହେଁ, ଏକ ମନସ୍ତାତ୍ତ୍ୱିକ ସଚେତନତା। ନାରୀ ଚେତନା ଓ ନାରୀ ଧର୍ମର ସଂସ୍କାର ହିଁ ନାରୀ ଜାଗରଣ। ସଂସ୍କାର ଏକ ଶୁଦ୍ଧତାର ବିଷୟ। ଏହା ମନ ତଳର କଥା। ଶିକ୍ଷା, ନିଯୁକ୍ତି ଓ ରାଜନୀତି ଆଦି ଯେକୌଣସି କ୍ଷେତ୍ରରେ ନାରୀ ଯେତେ ଆଗକୁ ଗଲେ ବି ତା’ର ଅସଲ ଉତ୍‌ଥାନ ଥାଏ ମହନୀୟ ବ୍ୟକ୍ତିତ୍ୱ , ସଂଯତ ବେଶଭୂଷା, ମାର୍ଜିତ ବ୍ୟବହାର ଓ ଆଦର୍ଶ ଆଚରଣରେ। ଶୃଙ୍ଖଳା ଓ ମର୍ଯ୍ୟାଦାର ସୀମାରେଖା ତଳେ ରହି ନାରୀ ତା’ର କର୍ତ୍ତବ୍ୟ ସମ୍ପାଦନ କରିପାରିଲେ ହସିଉଠିବ ଅପ୍ରେମ ଓ ଅଶ୍ରଦ୍ଧା ରହିତ ଗୋଟେ ସୁନ୍ଦର ପୃଥିବୀ। ଅନ୍ୟଥା ସମାଜ ରସାତଳଗାମୀ ହେବା ଅବଶ୍ୟମ୍ଭାବୀ। ଆମତ୍ୀୟତାର ଅମୃତ ଲଗ୍ନରେ ନାରୀବାଦୀମାନଙ୍କର ବିଚାର ବଦଳୁ। ନାରୀ ପ୍ରଗତି ବିନା ପୁରୁଷ ସମାଜ ଯେ ବିକଳାଙ୍ଗ- ଏ ଉପଲବ୍ଧି ମଧ୍ୟ ପୁରୁଷର ଆସୁ। ଫଳରେ ଲିଙ୍ଗଭେଦ ନେଇ ପୃଥିବୀରେ କେବେ ଗଢ଼ିଉଠିବନି ଦୁଇଟି ଯୁଦ୍ଧରତ ଶିବିର। (ଆନ୍ତର୍ଜାତିକ ମହିଳା ଦିବସ ଉପଲକ୍ଷେ) (ବିଜୁ ପଟ୍ଟନାୟକ ନଗର, ଭଦ୍ରକ, ମୋ- ୯୪୩୮୮୫୫୦୮୮)
All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ ବୋଲକରା ହୁଅନା

ଆଜିର ଅର୍ଥନୀତି/ ବୋଲକରା ହୁଅନା

ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ର ଗଭର୍ନର ପଦରୁ ଉର୍ଜିତ ପଟେଲଙ୍କ ଆକସ୍ମିକ ବିଦାୟ ଏବଂ ଅବିଳମ୍ବେ ତାଙ୍କ ସ୍ଥାନରେ ଭୁବନେଶ୍ୱର-ଜନ୍ମିତ ତାମିଲନାଡ଼ୁ କ୍ୟାଡର ଆଇଏଏସ୍‌ ଅଫିସର ଶକ୍ତିକାନ୍ତ ଦାସଙ୍କୁ ନିଯୁକ୍ତି ଦିଆଯିବା ଘଟଣା ପଛରେ କିଛି ରହସ୍ୟ ରହିଛି। କାରଣ ଶକ୍ତିକାନ୍ତ ଅତୀତରେ ମୋଦି ସରକାରଙ୍କ ବହୁ ଆସ୍ଫାଳନଭରା ବିମୁଦ୍ରୀକରଣ କାର୍ଯ୍ୟର ତଦାରଖ କରିଥିଲେ। ତୁଙ୍ଗ ଅଧିକାରୀମାନଙ୍କୁ ଆକସ୍ମିକ ଭାବେ ଅଦଳବଦଳ କରିବା ଏ ସରକାରଙ୍କ ପାଇଁ କିଛି ନୂଆ କଥା ନୁହେଁ। ପଟେଲଙ୍କ ପୂର୍ବରୁ ସରକାରଙ୍କ ସହ ବିଭିନ୍ନ ପ୍ରସଙ୍ଗରେ ମତଭେଦ ଘଟିବାରୁ ରଘୁରାମ ରାଜନ୍‌ଙ୍କୁ ସରକାରଙ୍କ କ୍ରୋଧର ଶରବ୍ୟ ହେବାକୁ ପଡ଼ିଥିଲା। ତାଙ୍କ ପୂର୍ବରୁ ନୀତି ଆୟୋଗର ଉପାଧ୍ୟକ୍ଷ ଅରବିନ୍ଦ ପାନାଗାରିଆ ଏବଂ ମୁଖ୍ୟ ଅର୍ଥନୈତିକ ପରାମର୍ଶଦାତା ଅରବିନ୍ଦ ସୁବ୍ରମଣ୍ୟନ୍‌ ଇସ୍ତଫା...

ବିରଳ ଗଙ୍ଗାଜଳ

ବିରଳ ଗଙ୍ଗାଜଳ

ଡ. ଗୌରୀଶଙ୍କର ସାହୁ

ଗଙ୍ଗାନଦୀ ଆଧ୍ୟାତ୍ମିକ ଦୃଷ୍ଟିକୋଣରୁ ହିନ୍ଦୁ ସମାଜରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛି।  ଏହା ପାପନାଶିନୀ ଓ ମୋକ୍ଷଦାୟିନୀ ବୋଲି ବିଶ୍ୱାସ ରହିଛି। ଲୋକେ ଗଙ୍ଗାନଦୀ ନୁହେଁ ବରଂ ଗଙ୍ଗାମାତା ବୋଲି କହିଥାନ୍ତି। ଏସବୁ ମଧ୍ୟରେ ବୈଜ୍ଞାନିକ ଦୃଷ୍ଟିକୋଣରୁ ଯେ ଗଙ୍ଗାଜଳ ବିରଳ ଏ ସମ୍ବନ୍ଧରେ ଆଲୋଚନା ଖୁବ୍‌ କମ୍‌ ହୁଏ। ଗଙ୍ଗାଜଳର ରୋଗପ୍ରତିରୋଧକ କ୍ଷମତା ସମ୍ବନ୍ଧୀୟ ଗବେଷଣାତ୍ମକ ନିଷ୍କର୍ଷ ମଧ୍ୟ ବହୁତ କମ୍‌ ଲୋକ ଜାଣନ୍ତି, ଯଦିଓ ଆମେ ସମସ୍ତେ ଅନୁଭବ କରୁଛେ ଯେ, ଗଙ୍ଗାଜଳ ବାକି ନଦୀର ଜଳଠାରୁ ଭିନ୍ନ। ସାଧାରଣ ନଦୀ, କୂଅ, ପୋଖରୀର ଜଳକୁ ବୋତଲରେ ବନ୍ଦ କରି ରଖିଲେ କିଛିଦିନ ପରେ ସେଥିରୁ ଦୁର୍ଗନ୍ଧ ବାହାରିବ କିନ୍ତୁ ଗଙ୍ଗାଜଳ ବର୍ଷ ବର୍ଷ ଧରି ସତେଜ ରହିଥାଏ। ତେଣୁ ଘରେ ଗଙ୍ଗାଜଳ ରଖି ଆବଶ୍ୟକ ଅନୁସାରେ ଧାର୍ମିକ କାର୍ଯ୍ୟରେ ବ୍ୟବହାର କରାଯାଏ, ...

 ପିଲାଙ୍କ ଖେଳ: କାଲି ଓ ଆଜି

ପିଲାଙ୍କ ଖେଳ: କାଲି ଓ ଆଜି

ରୁଦ୍ର ପ୍ରସନ୍ନ ରଥ

ଖେଳ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ। ଖେଳକୁ ନେଇ ପିଲାମାନେ ସବୁବେଳେ ଉତ୍ସାହିତ ଥାଆନ୍ତି। ସୁଯୋଗ ପାଇଲା ମାନେ ଖେଳିବାକୁ ପଳାଇଯାଆନ୍ତି। କେତେବେଳେ ବାଗୁଡ଼ି ତ ଆଉ କେତେବେଳେ ବୋହୂଚୋରି, ପୁଣି କେତେବେଳେ ଡାଳମାଙ୍କୁଡ଼ି। କିଛି ନ ହେଲେ ଡାବଲପୁଆ ଆଉ କାଚବାଟି ମିଳିଗଲେ ପିଲାଙ୍କୁ ରୋକେ କିଏ? ଗାଁ ସଂସ୍କୃତିରେ କ୍ରିକେଟ ପଶିବାର ବହୁ ପୂର୍ବରୁ ଏ ଖେଳ ସବୁ ଆମ ସଭ୍ୟତା ଏବଂ ସଂସ୍କୃତିର ଗୁରୁତ୍ୱପୂର୍ଣ୍ଣ ଅଂଶବିଶେଷ ହୋଇ ରହିଥିଲା। ସ୍କୁଲ ଯିବା ପୂର୍ବରୁ ଖେଳ, ସ୍କୁଲରେ ଭୋଜନ ବିରତିରେ ଖେଳ, ସ୍କୁଲରୁ ଫେରିଲା ପରେ ବହିବସ୍ତାନି ଫୋପାଡି ଦେଇ ସାଙ୍ଗମାନଙ୍କ ସହ ମାତିଯାଇ ଖେଳ। ଏମିତି ହିଁ ପିଲାମାନଙ୍କର ପିଲାଦିନ କଟିଯାଉଥିଲା ତୋଟା ଆଉ ନଦୀପଠାରେ। ପୁଣି ରଜ ଆଦି ପର୍ବପର୍ବା...

ଏଇ ଭାରତରେ

ଏଇ ଭାରତରେ

ଦୂରରେ ଥାଇ ଠକେଇ କରିବା ସହଜ। ଏବେ ଅନଲାଇନ୍‌ ଶପିଂ ଦୂରଠକେଇର ଏକ ପ୍ଲାଟଫର୍ମରେ ପରିଣତ ହୋଇଛି କହିଲେ ଅତ୍ୟୁକ୍ତି ହେବନାହିଁ। ଏଭଳି ଠକେଇ ବିଷୟରେ ପ୍ରାୟତଃ କିଛି ଲୋକ ଅବଗତ ଅଛନ୍ତି। ଏହାଦ୍ୱାରା ଜଣେ ଠକାମିର ଶିକାର ହେଲେ ଆଉଥରେ କୌଣସି ଜିନିଷ ମଗାଇବାକୁ ମନ ବଳା...

ମ୍ୟାଗଟ୍‌ ସଂକ୍ରମଣ

ମ୍ୟାଗଟ୍‌ ସଂକ୍ରମଣ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପିପୁଲ ଫର୍‌ ଆନିମଲ୍‌ସ, ମହୀଶୂର ଶାଖାର କର୍ମୀମାନେ ଏକ ଘୋଡ଼ା ଉଦ୍ଧାର କରିଥିଲେ, ଯାହାର ମୁଣ୍ଡକୁ ପରଜୀବୀ (ପାରାସାଇଟ୍‌)ମାନଙ୍କ ଦ୍ୱାରା ଅଧା ଖିଆଯାଇ ସାରିଥିଲା। ମୁଁ ତା’ର ପୂର୍ବ ଓ ପର ଅବସ୍ଥାର ଛବି ଏଥିରେ ପ୍ରଦାନ କରୁଛି। ଏହା ଏକ ସଫଳତାର କାହାଣୀ, ମାତ୍ର ଅନେକ ପ୍ରାଣୀଙ୍କ ଦେହରେ ପରଜୀବୀ ପୂରା ଭିତରକୁ ପ୍ରବେଶ କରିସାରିଥିବାରୁ ସେମାନଙ୍କ ବଞ୍ଚିବା ଅସମ୍ଭବ ହୋଇପଡ଼ୁଛି। ଏଭଳି ରୋଗ ସଂକ୍ରମଣ ହେଲେ ମଣିଷଙ୍କଠାରୁ ପ୍ରାଣୀମାନେ ବେଶି କଷ୍ଟ ପାଇଥାନ୍ତି, କାରଣ ସେମାନଙ୍କ ପାଖରେ କିଛି ବିକଳ୍ପ ନ ଥାଏ। ସେମାନଙ୍କର ଚିକିତ୍ସା କରିବା ପାଇଁ ଡାକ୍ତର ନ ଥାନ୍ତି। ରୋଗଗ୍ରସ୍ତ ହୋଇପଡ଼ିଲେ ଅଧିକାଂଶ ମାଲିକ ଏପରି ପ୍ରାଣୀମାନଙ୍କୁ ପରିତ୍ୟାଗ କରିଥାନ୍ତି। ...

ଆର୍ଥିକ ଉପନିବେଶବାଦ ଓ ଭାରତ

ଆର୍ଥିକ ଉପନିବେଶବାଦ ଓ ଭାରତ

ଅରୁଣ କୁମାର ପଣ୍ଡା

ସ୍ବାଧୀନତାକୁ ୭୨ବର୍ଷ ହେବା ପରେ ବି ଭାରତୀୟ ଅର୍ଥ ବ୍ୟବସ୍ଥା ସିଦ୍ଧାନ୍ତ ରୂପରେ ଉପନିବେଶବାଦ ଟ୍ରାକ୍‌ରୁ ଓହ୍ଲାଇ ନୂଆ ମାର୍ଗରେ ଚାଲିବା ପାଇଁ ଏ ପର୍ଯ୍ୟନ୍ତ ସମର୍ଥ ହୋଇପାରିନାହିଁ। ଦୀର୍ଘ ଦିନର ଗୋଲାମି କାରଣରୁ ଦେଶର ଅର୍ଥ ବ୍ୟବସ୍ଥା ଲମ୍ବା ସମୟ ଧରି ଘୁଷୁଡ଼ି ଘୁଷୁଡି ଏବେ ବିଶ୍ୱର ଷଷ୍ଠ ସବୁଠାରୁ ବଡ଼ ଆର୍ଥିକ ପ୍ରଗତିର ରାଷ୍ଟ୍ରରେ ପରିଣତ ହୋଇଛି। ଏହି ୭୨ବର୍ଷରେ ଦେଶରେ ଅର୍ଥ ବ୍ୟବସ୍ଥାର ବିସ୍ତାର ନିଶ୍ଚିତ ଭାବରେ ହୋଇଛି। ପରନ୍ତୁ ଆମକୁ ଅପେକ୍ଷିତ ସଫଳତା ମିଳିପାରିନାହିଁ।...

ସାଧକ ଶ୍ରୀଯଶୋବନ୍ତ ସ୍ମରଣେ

ସାଧକ ଶ୍ରୀଯଶୋବନ୍ତ ସ୍ମରଣେ

ଡ. ଜ୍ୟୋତିର୍ମୟୀ ମହାନ୍ତି

ଖ୍ରୀଷ୍ଟୀୟ ଷୋଡ଼ଶ ଶତାବ୍ଦୀରେ ଗଜପତି ପ୍ରତାପରୁଦ୍ରଦେବଙ୍କ ରାଜତ୍ୱ କାଳରେ ସିଦ୍ଧ ସାଧକ, ଶ୍ରୀଜଗନ୍ନାଥଙ୍କ ପରମଭକ୍ତ ପଞ୍ଚସଖାଙ୍କର ଆବିର୍ଭାବ ଘଟିଥିଲା। ଯେଉଁମାନେ କି ନିଜ ନିଜର ସାଧନା ବଳରେ ଓଡ଼ିଶାରେ ଆଧ୍ୟାତ୍ମିକ ଚେତନା ଓ ଧାର୍ମିକ ଭାବନାରେ ଆଲୋଡ଼ନ ସୃଷ୍ଟି କରିଥିଲେ। ଏମାନଙ୍କ ମଧ୍ୟରେ ମାନବ ଜୀବନ ଦର୍ଶନ ସମ୍ପର୍କରେ ବିଶ୍ଳେଷଣ କରି ତତ୍କାଳୀନ ସମାଜରେ ଏକ ଯୁଗାନ୍ତକାରୀ ସ୍ବର ତୋଳିଥିବା ସାଧକଶ୍ରେଷ୍ଠ ଶ୍ରୀଯଶୋବନ୍ତ ଗୋସେଇଁ ଅନ୍ୟତମ। ତାଙ୍କର ଜନ୍ମସ୍ଥାନ ଅବିଭକ୍ତ କଟକ ତଥା ବର୍ତ୍ତମାନର ଜଗତ୍‌ସିଂହପୁର ଜିଲା ଅନ୍ତର୍ଗତ ଅଢ଼ଙ୍ଗ ଗ୍ରାମ। ଜନ୍ମ ସମୟ ଓ ପିତାଙ୍କ ନାମ ସମ୍ପର୍କରେ ଉଦୟ କାହାଣୀ, ଭକ୍ତି ଚନ୍ଦ୍ରିକା, ଶୂନ୍ୟସଂହିତା ଆଦି ଗ୍ରନ୍ଥରୁ ବିଭିନ୍ନ ପ୍ରକାର ତଥ୍ୟ ମିଳିଥାଏ। ଆଲୋଚକଗଣ ତାଙ୍କ ଜନ୍ମ ସମୟ ୧୪୭୦ରୁ ୧୫୫୦ ଖ୍ରୀଷ୍ଟାବ୍ଦ ...

ଏଇ ଭାରତରେ

ଏଇ ଭାରତରେ


ଦୁର୍ନୀତି, ଶୋଷଣ, ଅରାଜକତା ପାଇଁ ସାଧାରଣତଃ ରାଜନେତା, ଉଚ୍ଚ ପଦବୀରେ ଥିବା ସରକାରୀ ଅଧିକାରୀଙ୍କୁ ଦାୟୀ କରାଯାଏ। ଦୁର୍ନୀତି ପ୍ରମାଣିତ ହେଲେ ସେମାନେ ଦଣ୍ଡିତ ହେବା ଅନେକ ନଜିର ରହିଛି। ହେଲେ ଅନେକଙ୍କ ବିରୋଧରେ ପ୍ରମାଣ ମିଳେନାହିଁ କିମ୍ବା ସେମାନଙ୍କ ବିରୋଧରେ ସ୍ବର ଉଠାଇବାକୁ ଲୋକେ ସାହସ କରନ୍ତି ନାହିଁ। ଏସବୁ ବର୍ତ୍ତମାନ ସମାଜରେ ସାଧାରଣ କଥା ହୋଇଥିଲାବେଳେ ଅନେକ ଲୋକଙ୍କ ମନରେ ରାଜନେତା ଓ ଉଚ୍ଚପଦସ୍ଥ ଅଧିକାରୀଙ୍କ ...

୫ ଫଳ

୫ ଫଳ

ସମ୍ପାଦକୀୟ/ ତଥାଗତ ସତପଥୀ

ନିକଟରେ ଶେଷ ହୋଇଥିବା ନିର୍ବାଚନ କୌଣସି ସାଧାରଣ ନିର୍ବାଚନ ନ ଥିଲା ଏବଂ ଏହାର ଫଳାଫଳରୁ ଯେଉଁ ସୂଚନା ମିଳୁଛି, ତାକୁ ମଧ୍ୟ ଉପେକ୍ଷା କରାଯାଇ ନ ପାରେ। କେବଳ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ରେ ୬୫ ଲୋକ ସଭା ଆସନ ଥିବାରୁ ଏହା ଭବିଷ୍ୟତ ପାଇଁ ଭାବିବାର ଖୋରାକ ଯୋଗାଉଛି। ଗୋଟିଏ ବଡ଼କଥା ହେଉଛି, ଏହି ରାଜ୍ୟଗୁଡ଼ିକରୁ ୨୦୧୪ ନିର୍ବାଚନରେ କଂଗ୍ରେସ ମାତ୍ର ୩ଟି ଲୋକ ସଭା ଆସନ ଜିତିଥିଲା। ଆଗକୁ ସାଧାରଣ ନିର୍ବାଚନ ଆଉ ମାତ୍ର କେଇ ମାସ ବାକି ଥିବାବେଳେ ଏହି ଫଳାଫଳରୁ ଜଣାପଡ଼ୁଛି, ସରକାରଙ୍କର ଧନୀ-ସପକ୍ଷବାଦୀ ମନୋଭାବ ଓ ଧନୀ-ସପକ୍ଷବାଦୀ ନୀତି ନିର୍ଦ୍ଧାରଣ କରିବାର ମାନସିକତାକୁ ଜନତା ଗ୍ରହଣ କରୁନାହାନ୍ତି। ଏଥର ମଧ୍ୟପ୍ରଦେଶ ଓ ଛତିଶଗଡ଼ର ଗ୍ରାମାଞ୍ଚଳ ଲୋକ ଭାଜପା ପ୍ରତି...

ଅସ୍ପୃଶ୍ୟତା, ଲକ୍ଷ୍ମୀପୁରାଣ ଓ ବଳରାମ

ଅସ୍ପୃଶ୍ୟତା, ଲକ୍ଷ୍ମୀପୁରାଣ ଓ ବଳରାମ

ନାରାୟଣ ପଣ୍ଡା 

ଉତ୍କଳ ପଞ୍ଚସଖାଙ୍କ ମହାପାତ୍ର, ଖୁଣ୍ଟିଆ, ମହାନ୍ତି, ଦାସ ଓ ମୁନି ଇତ୍ୟାଦି ସଂଜ୍ଞା ଥିଲା। ସେମାନେ କିନ୍ତୁ ସମସ୍ତେ ନିଜକୁ ଶୂଦ୍ର ବୋଲି ପରିଚିତ କରାଇଛନ୍ତି। ସନ୍ଥ ଅଚ୍ୟୁତାନନ୍ଦଙ୍କ ଉଦୟ କାହାଣୀ ଗ୍ରନ୍ଥରେ ପଞ୍ଚସଖାମାନଙ୍କର ଜାତି ପ୍ରସଙ୍ଗରେ କୁହାଯାଇଛି, ସେମାନେ ସତ୍ୟଯୁଗରେ ବ୍ରାହ୍ମଣ, ତ୍ରେତୟାରେ କ୍ଷତ୍ରିୟ, ଦ୍ୱାପରରେ ବୈଶ୍ୟ ଓ କଳିଯୁଗରେ ଶୂଦ୍ର। ଭକ୍ତି ଧର୍ମର ବର୍ଣ୍ଣ ହେଉଛି ଶୂଦ୍ର ବର୍ଣ୍ଣ। ସେମାନଙ୍କର ସ୍ବଭାବ ମିଷ୍ଟ, ବିନୟୀ ଓ ସରଳ। ଶୂଦ୍ର ନିଜର ନିର୍ଲିପ୍ତ ସେବା ଦ୍ୱାରା ଈଶ୍ୱର ସାନ୍ନିଧ୍ୟ ଓ ଚତୁର୍ବର୍ଗ ଫଳପ୍ରାପ୍ତ ହୋଇଥାଏ। ପଞ୍ଚଦଶ ଶତାବ୍ଦୀରେ ଜନ୍ମିତ ଉତ୍କଳର ପଞ୍ଚସଖା- ବଳରାମ ଦାସ ୧୪୮୨, ଯଶୋବନ୍ତ ଦାସ ୧୪୮୨, ଅଚ୍ୟୁତାନନ୍ଦ ଦାସ ୧୪୮୫, ଶିଶୁ ଅନନ୍ତ ୧୪୮୫ ଓ ଜଗନ୍ନାଥ ଦାସ ୧୪୯୦- ସାହିତ୍ୟ ଓ ସମାଜ ସଂସ୍କାର କ୍ଷେତ୍ରରେ ତାଙ୍କର ଅମଳିନ ସ୍ବାକ୍ଷର ରଖି...

ଅସୁରକ୍ଷିତ ଆଶ୍ରମ ଗୃହ

ଅସୁରକ୍ଷିତ ଆଶ୍ରମ ଗୃହ

ପ୍ରୀତିଛନ୍ଦା ଧଳ

ନିକଟରେ ହଇଚଇ ସୃଷ୍ଟି କରିଛି ବେଲ୍‌ଟିକିରି ସେଲ୍‌ଟର ହୋମ୍‌ କାରନାମା। ‘ହାପି ଆଣ୍ଡ ହୋଲି ହୋମ୍‌’ ନାମକ ଆଶ୍ରମରେ ନାବାଳିକାମାନଙ୍କୁ ଯୌନ ନିର୍ଯାତନାର କଥା ଶୁଣି ସାଧାରଣ ଜନତାଙ୍କ ଲୋମ ଟାଙ୍କୁରି ଉଠୁଛି। କେତେ ଅସୁରକ୍ଷିତ ଆମର ଆଶ୍ରମ ଉଭୟ ଝିଅ ଓ ପୁଅମାନଙ୍କ ପାଇଁ ଏବେ ଏଠାରେ ଏକ ବଡ଼ ପ୍ରଶ୍ନ। ପ୍ରକୃତରେ ଦେଖିବାକୁ ଗଲେ ଲାଜ ଲାଗେ ଯେ ଏତେସବୁ ହୋଇଥାଏ ଆଶ୍ରମ ଗୃହରେ କିନ୍ତୁ ଆମର ପ୍ରଶାସନ ପାଖରେ କିଛି ଖବର ନ ଥାଏ। ଏହାର ଉତ୍ତର କିଏ ଦେବ ଏବଂ ଏହାର ଗୁରୁଦାୟିତ୍ୱ କାହାର? ...

ଏଇ ଭାରତରେ

ଏଇ ଭାରତରେ

ଭାରତର ବିଭିନ୍ନ ପ୍ରାନ୍ତରେ ଭିନ୍ନ ଭିନ୍ନ ପରମ୍ପରା ରହିଛି। ଏହାକୁ ସ୍ଥାନୀୟ ଲୋକେ ମାନି ଚଳିଥାଆନ୍ତି। ପରମ୍ପରାକୁ ଅମାନ୍ୟ କଲେ ଅମଙ୍ଗଳ ହୁଏ ବୋଲି ଲୋକମାନେ ବିଶ୍ୱାସ କରନ୍ତି। ତେଣୁ ସେଠାରେ ପ୍ରଥା-ପରମ୍ପରାକୁ ମାନି ଲୋକେ ଜୀବନଯାପନ କରନ୍ତି। ମଧ୍ୟପ୍ରଦେଶ ଓ ଛତିଶଗଡରେ ଏପରି ଏକ ନିଆରା ପରମ୍ପରା ରହିଛି ଯାହା ଅବିଶ୍ୱାସ ଲାଗିଲେ ମଧ୍ୟ ସତ। ଏହି ଦୁଇ ରାଜ୍ୟରେ ବାସ କରୁଥିବା ଗୋଣ୍ଡ ଜନଜାତିର ଲୋକମାନେ ଏହି ଅଜବ ପରମ୍ପରାକୁ ମାନିଥାଆନ୍ତି। ଉକ୍ତ ଜନଜାତିରେ ବିବାହ ପୂର୍ବରୁ ବରକୁ ରକ୍ତପାନ କରିବାକୁ ପଡିଥାଏ। ଏଥିପାଇଁ ବରକୁ ଘୁଷୁରି ମାରିବାକୁ ଦିଆଯାଏ। ପରେ ବ...