ରାୟଗଡା

ଗୁଡ଼ିଖୁଡ଼ି ଗାଁ ଉପରେ ଆଖି ପକାଇଛି ଆନ୍ଧ୍ର

ଗୁଡ଼ିଖୁଡ଼ି ଗାଁ ଉପରେ ଆଖି ପକାଇଛି ଆନ୍ଧ୍ର



ପାରଳାଖେମୁଣ୍ଡି, ୭।୩ (ସ୍ବ.ପ୍ର.)

ଓଡ଼ିଶାର ଜମି, ଜଳ ଓ ଖଣିଜ ସମ୍ପଦ ଉପରୁ ଲୋଲୁପ ନଜର ହଟାଉନି ଆନ୍ଧ୍ର। କେତେ ବେଳେ ମାଟି, ବାଲି ଲୁଟି ନେଉଛି ତ ଆଉ ପୁଣି କେବେ ବଂଶଧାରା ଓ ମହେନ୍ଦ୍ରତନୟା ନଦୀର ପାଣି ପାଇଁ ପ୍ରକଳ୍ପ ଗଢି ଓଡ଼ିଶା ବିରୋଧରେ ଷଡଯନ୍ତ୍ର ରଚୁଛି। ସେହିପରି ସୀମାନ୍ତ ଗ୍ରାମକୁ ହାତେଇବା ପାଇଁ ମଧ୍ୟ ସବୁପ୍ରକାର କଳ ବଳ କୌଶଳ ଜାରି ରଖିଛି। କୋରାପୁଟ ଜିଲାର କୋଟିଆ ଗ୍ରାମପୁଞ୍ଜ ଭଳି ଗଜପତି ଜିଲାର ଗୁଡିଖୁଡି ଗାଁ ଉପରେ ଆଖି ପକାଇଛି। ଏହି ଗ୍ରାମକୁ ନିଜ ନଥିପତ୍ରରେ ନୂଆଁ ନାଁ ଦେଇ ରେକର୍ଡଭୁକ୍ତ କରିବା ସହ ଏଠାକାର ଲୋକଙ୍କୁ ବିଭିନ୍ନ ସୁବିଧା ଯୋଗାଇ ମନାଇବାରେ ଲାଗିପଡ଼ିଛନ୍ତି ଆନ୍ଧ୍ର ସରକାର। ଏପରିକି ଓଡ଼ିଶା ସରକାର ଭତ୍ତା ଓ ରାଶନକାର୍ଡ ଦେଇଥିଲେ ମଧ୍ୟ ଆନ୍ଧ୍ର ପକ୍ଷରୁ ପୁନର୍ବାର ଏସବୁ ଯୋଗାଇ ଦିଆଯାଉଛି। ଅନ୍ୟପକ୍ଷେ ଉକ୍ତ ଗ୍ରାମଟି ଓଡ଼ିଶାର ଦୁଇଟି ଏବଂ ଆନ୍ଧ୍ରର ଗୋଟିଏ ଜିଲା ଅଧୀନରେ ଥିବା କୁହାଯାଉଛି। ଫଳରେ ଗ୍ରାମବାସୀ ନିଜର ସ୍ଥିତି ନେଇ ସନ୍ଦେହରେ ପଡିଛନ୍ତି।
ଗଜପତି ଜିଲା ରାୟଗଡ ବ୍ଲକ ଅନ୍ତର୍ଗତ ଗଙ୍ଗାବାଡ ପଞ୍ଚାୟତରେ ରହିଛି ଗୁଡିଖୁଡି ଗ୍ରାମ। ଗଜପତି ଜିଲା ରେକର୍ଡ ତଥା ତଥ୍ୟ ଅନୁସାରେ ଏହା ଗଜପତି ଜିଲାର ବୋଲି ଜଣାଯାଏ। ସେହିପରି ଗଞ୍ଜାମ ଜିଲା ରେକର୍ଡ ଅନୁଯାୟୀ, ଏହା ଗଞ୍ଜାମ ଜିଲା ଚିକିଟି ନିର୍ବାଚନ ମଣ୍ଡଳୀ ଅନ୍ତର୍ଗତ ବୁରୁତାଲ ପଞ୍ଚାୟତର ଗୁଡିଖୋଳା ନାମରେ ନାମିତ ରହିଛି। ଅନ୍ୟପକ୍ଷେ ପଡୋଶୀ ଆନ୍ଧ୍ର ସରକାରଙ୍କ ନଥିପତ୍ରରେ ଏହା ଆନ୍ଧ୍ରର ଶ୍ରୀକାକୁଲମ ଜିଲା ଅନ୍ତର୍ଗତ ମନ୍ଦସା ମଣ୍ଡଳର କୁର୍ଡାଳୁ ଗ୍ରାମ ନାମରେ ନାମିତ ହୋଇଛି। ଉକ୍ତ ଗ୍ରାମରେ ୨୮ଟି ପରିବାର ବସବାସ କରୁଛନ୍ତି। ସମସ୍ତେ ଜନଜାତି ସମ୍ପ୍ରଦାୟର। ଏମାନଙ୍କ ପାଇଁ ଶିକ୍ଷା, ସ୍ବାସ୍ଥ୍ୟ, ଗମନାଗମନ ଆଦି ମୌଳିକ ସୁବିଧା ଅପହଞ୍ଚ ହୋଇ ରହିଛି। ଏଥିଲାଗି ଗ୍ରାମବାସୀ ପ୍ରଶାସନିକ ଉଦାସୀନତାକୁ ଦାୟୀ କରିଛନ୍ତି। ୫ମ ଶ୍ରେଣୀ ପର୍ଯ୍ୟନ୍ତ ପାଠ ପଢି ସାରିବା ପରେ ପିଲାମାନେ ଉଚ୍ଚଶିକ୍ଷା ପାଇଁ ଗ୍ରାମଠାରୁ ୧୫କି.ମି ଦୂର ଆନ୍ଧ୍ରପ୍ରଦେଶର ମନ୍ଦସା ସ୍କୁଲ ଉପରେ ନିର୍ଭର କରନ୍ତି। ସେହିପରି ସ୍ବାସ୍ଥ୍ୟକ୍ଷେତ୍ରରେ ମଧ୍ୟ ସମାନ ଅବସ୍ଥା। ଗମନାଗମନ ସମସ୍ୟା ଯୋଗୁ ଗ୍ରାମକୁ ଆମ୍ବୁଲାନ୍ସ ଯାଇପାରୁନାହିଁ। ଲୋକେ ଭାରରେ ରୋଗୀଙ୍କୁ ବୋହି ଡାକ୍ତରଖାନା ନେଇଥାନ୍ତି। ବେଳେବେଳେ ବିଳମ୍ବ ହେଲେ ବାଟରେ ରୋଗୀର ଜୀବନ ଯାଏ। ଖାଲଢିପ ପାହାଡ଼ିଆ ରାସ୍ତା ଦେଇ ପ୍ରାୟ ୬କି.ମି ଅତିକ୍ରମ କରି ମୁଖ୍ୟ ରାସ୍ତାରେ ପହଞ୍ଚିବାକୁ ପଡେ। ବିଦ୍ୟୁତ ଓ ପାନୀୟଜଳ ସମସ୍ୟା ମଧ୍ୟ ଲାଗିରହିଛି। ଏଭଳି ସ୍ଥିତିର ଫାଇଦା ଉଠାଉଛନ୍ତି ଆନ୍ଧ୍ର ସରକାର। ଉକ୍ତ ଗ୍ରାମକୁ ନିଜ ରାଜସ୍ବ ରେକର୍ଡରେ ସ୍ଥାନ ଦେଇଛନ୍ତି। ଏହାକୁ କବ୍‌ଜାରେ ରଖିବା ପାଇଁ ଗ୍ରାମବାସୀଙ୍କୁ ଭତ୍ତା, ରାଶନକାର୍ଡ ଭଳି ବିଭିନ୍ନ ସୁବିଧା ଯୋଗାଇଦେଉଛନ୍ତି। ଭତ୍ତା ବାବଦରେ ଆନ୍ଧ୍ର ସରକାରଙ୍କଠାରୁ ମାସକୁ ୧୦୦୦ ଟଙ୍କା ମିଳୁଥିବା ବେଳେ ଓଡିଶା ସରକାରଙ୍କଠାରୁ ମାତ୍ର ୩୦୦ ଟଙ୍କା ମିଳୁଛି। ସେହିପରି ଖାଦ୍ୟ ସୁରକ୍ଷା ଯୋଜନାରେ ଓଡିଶା ପକ୍ଷରୁ ୩ରୁ ୪ମାସରେ ଥରେ ରାଶନ ସାମଗ୍ରୀ ପାଉଛନ୍ତି। କିନ୍ତୁ ଆନ୍ଧ୍ର ତରଫରୁ ନିୟମିତ ଭାବେ ପ୍ରତି ମାସରେ ଚାଉଳ ଗହମ ଇତ୍ୟାଦି ଦିଆଯାଉଛି ବୋଲି ଗ୍ରାମର ଶଙ୍କର ଶବର, ରାଜୁ ଶବର ଓ ପୀତାମ୍ବର ଶବର କହିଛନ୍ତି। ସେହିଭଳି ଓଡିଶାଠାରୁ ଆନ୍ଧ୍ର ଅଧିକ ସୁବିଧା ଯୋଗାଉଥିବାରୁ ଏଠାକାର ଲୋକେ ଆନ୍ଧ୍ର ପ୍ରତି ଆକର୍ଷିତ ହେଉଥିବା ରଘୁନାଥ ଶବର ଓ ଶ୍ରୀନୁ ଶବର ପ୍ରମୁଖ ପ୍ରକାଶ କରିଛନ୍ତି। ଏହି କାରଣରୁ ଗ୍ରାମବାସୀ ଦୁଇଟି ଲେଖାଏ ରାଶନ ଓ ଭତ୍ତା କାର୍ଡ ବ୍ୟବହାର କରୁଥିବା ଦେଖିବାକୁ ମିଳିଛି । ଏ ସମ୍ପର୍କରେ ରାୟଗଡ ବ୍ଲକ ଅଧ୍ୟକ୍ଷ ଧନେଶ୍ୱର ଭୂୟାଁ କହିଛନ୍ତି ଯେ, ଓଡିଶା ସରକାରଙ୍କ ପକ୍ଷରୁ ପଞ୍ଚାୟତସ୍ତରରେ ସମସ୍ତ ସୁବିଧା ଯଥା ଭତ୍ତା, ରାଶନକାର୍ଡ, ଇନ୍ଦିରା ଆବାସ ଇତ୍ୟାଦି ଗ୍ରାମାଞ୍ଚଳରେ ଯୋଗାଇ ଦିଆଯାଉଛି। ତେବେ କିଛି ଗ୍ରାମବାସୀ ସୀମାନ୍ତବର୍ତ୍ତୀ ଅଞ୍ଚଳରେ ରହିଥିବାରୁ ପଡୋଶୀ ଆନ୍ଧ୍ର ରାଜ୍ୟ ଠାରୁ ମଧ୍ୟ ସୁବିଧା ପାଉଛନ୍ତି । ଅପରପକ୍ଷେ ଏ ନେଇ ରାଜ୍ୟ ସରକାରଙ୍କ ଉପରେ ଦୋଷ ଲଦିଛନ୍ତି ଜିଲା ଭାଜପା ସାଧାରଣ ସମ୍ପାଦକ ଜଗନ୍ନାଥ ମହାପାତ୍ର। ସେ କହିଛନ୍ତି ଯେ, ଦୀର୍ଘ ୧୮ବର୍ଷ ଶାସନ କଲା ପରେ ମଧ୍ୟ ରାଜ୍ୟ ସରକାରଙ୍କ ଅପାରଗତା ଯୋଗୁ ଜିଲା ବା ରାଜ୍ୟର ନିର୍ଦ୍ଦିଷ୍ଟ ସୀମା ନିର୍ଦ୍ଧାରଣ ହୋଇପାରିନାହିଁ। ଯାହାଦ୍ୱାରା ଗଜପତି ଜିଲାର ସୀମାନ୍ତବର୍ତ୍ତୀ ଗ୍ରାମଗୁଡିକ ଉପରେ ଆନ୍ଧ୍ର ଆଖି ପକାଇବା ସହ କାୟା ବିସ୍ତାର କରିବାରେ ଲାଗିଛି ଏବଂ ଲୋକେ ମଧ୍ୟ ଆନ୍ଧ୍ର ପ୍ରତି ଆକର୍ଷିତ ହେବାକୁ ବସିଲେଣି । ଏଥିପ୍ରତି ପ୍ରଶାସନ ତୁରନ୍ତ ପଦକ୍ଷେପ ନେବା ଆବଶ୍ୟକ। ଏ ସଂକ୍ରାନ୍ତରେ ଉପଜିଲାପାଳ ରଞ୍ଜନ କୁମାର ବିଶ୍ୱାଳଙ୍କୁ ପଚାରିବାରେ କହିଛନ୍ତି ଯେ, ଉକ୍ତ ଗ୍ରାମଟି ଗଜପତି ଜିଲାର ହୋଇଥିଲେ ମଧ୍ୟ ସୀମା ନିର୍ଦ୍ଧାରଣ ନେଇ କିଛି ମତଭେଦ ରହିଥିବାରୁ ପ୍ରଶାସନ ପକ୍ଷରୁ ଆବଶ୍ୟକ ନଥିପତ୍ର ବହୁପୂର୍ବରୁ ଆନ୍ଧ୍ର ସରକାରଙ୍କ ନିକଟକୁ ପଠାଯାଇଛି । ଗଜପତି ଜିଲା ପ୍ରଶାସନ ପକ୍ଷରୁ ସେହି ଗ୍ରାମରେ ବିଭିନ୍ନ ଯୋଜନା ପହଞ୍ଚାଯାଉଛି। କିନ୍ତୁ ତାହା ସୀମାନ୍ତବର୍ତ୍ତୀ ଅଞ୍ଚଳ ହୋଇଥିବାରୁ ଆନ୍ଧ୍ର ଦ୍ୱାରା କିଛି ସହାୟତା ପାଉଛନ୍ତି ା ତେବେ ଯେପରି ଆନ୍ଧ୍ର ଏହି ଗ୍ରାମରେ କୌଣସି ନୂତନ ସରକାରୀ କେନ୍ଦ୍ର ବା ପ୍ରକଳ୍ପ ନ କରେ ସେଥିପ୍ରତି ପ୍ରଶାସନ ସତର୍କ ଦୃଷ୍ଟି ରଖିଛି।

All Right Reserved By

ରାୟଗଡା

ସୌରାକୁହୁଡିରେ ଠାକୁରାଣୀ ମନ୍ଦିର ପ୍ରତିଷ୍ଠା

ସୌରାକୁହୁଡିରେ ଠାକୁରାଣୀ ମନ୍ଦିର ପ୍ରତିଷ୍ଠା

କୋଟପାଡ,୨୩।୬(ଡି.ଏନ.ଏ)-କୋଟପାଡ ବ୍ଲକ ଧାମଣାହାଣ୍ଡି ଗ୍ରାମ ପଞ୍ଚାୟତର ସୌରକୁହୁଡି ଗ୍ରାମରେ ଶନିବାର ଗ୍ରାମ ଠାକୁରାଣୀଙ୍କ ମନ୍ଦିର ପ୍ରତିଷ୍ଠା ହୋଇଛି । ମନ୍ଦିର ପ୍ରତିଷ୍ଠା ପାଇଁ ଗ୍ରାମର ଶତାଧିକ ମହିଳା ଏକ ଶୋଭାଯାତ୍ରାରେ ବାହାରି ସ୍ଥାନୀୟ ନଦୀରୁ କଳସରେ ପାଣି ଆଣିଥିଲେ ।

ଚୋରା କାଠ ଚାଲାଣ ବେଳେ ଟ୍ରାକ୍ଟର ଜବତ: ଡ୍ରାଇଭର ଗିରଫ

ଚୋରା କାଠ ଚାଲାଣ ବେଳେ ଟ୍ରାକ୍ଟର ଜବତ: ଡ୍ରାଇଭର ଗିରଫ

ବାଲିମେଳା,୨୩।୬(ଡି.ଏନ.ଏ) : ମାଲକାନଗିରି ଜିଲା ଖଇରପୁଟ ବ୍ଲକ ଅନ୍ତର୍ଗତ ପାର୍କନମାଳା ପଞ୍ଚାୟତର ସୁନାନଗର ଘାଟିରେ ବନବିଭାଗର କର୍ମଚାରୀମାନେ ଶୁକ୍ରବାର ରାତି ୯ଟାରେ ଏକ ନମ୍ବର ବିହୀନ ଟ୍ରାକ୍ଟରରୁ ଚୋରା କାଠ ଜବତ କରିଛନ୍ତି।

ରେଡକ୍ରସର ଜିଲାସ୍ତରୀୟ ଅଧିବେଶନ

ରେଡକ୍ରସର ଜିଲାସ୍ତରୀୟ ଅଧିବେଶନ

ମାଲକାନଗିରି,୨୩।୬ (ସ୍ବ.ପ୍ର.): ରେଡକ୍ରସ ଅଧ୍ୟକ୍ଷ ତଥା ଜିଲାପାଳ ମନୀଶ ଅଗ୍ରଓ୍ବାଲଙ୍କ ନିର୍ଦ୍ଦେଶରେ ଜିଲାପାଳଙ୍କ ସମ୍ମିଳନୀ କକ୍ଷରେ ରେଡକ୍ରସର ଏକ ବୈଠକ ଅନୁଷ୍ଠିତ ହୋଇଯାଇଛି। ଅତିରିକ୍ତ ଜିଲାପାଳ ରଘୁମଣି ଗୋମାଙ୍ଗଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ରେଡକ୍ରସର ପାଣ୍ଠି ସଂଗ୍ରହ ଓ ଅନ୍ୟାନ୍ୟ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରାଯାଇଥିଲା।

ନଳକୂପ ପାଣିରୁ ବାହାରୁଛି ପୋକ

ନଳକୂପ ପାଣିରୁ ବାହାରୁଛି ପୋକ

ଟିକିରି,୨୩।୬ ରାୟଗଡା ଜିଲା କାଶିପୁର ବ୍ଲକ ଅନ୍ତର୍ଗତ ଦୁଡୁକାବାହଲ ପଞ୍ଚାୟତରେ ରହିଛି ଡେଙ୍ଗାଗୁଡା ଗ୍ରାମ। ଆଦିବାସୀ ବହୁଳ ଏହି ଗ୍ରାମରେ ୪୦ରୁ ଅଧିକ ପରିବାର ରହୁଛନ୍ତି। ପଞ୍ଚାୟତ ସଦର ନିକଟରେ ଥିବା ଏହି ଗ୍ରାମରେ ରାସ୍ତା ଓ ପାନୀୟ ଜଳ ହେଉଛି ମୁଖ୍ୟ ସମସ୍ୟା । ଗ୍ରାମରେ ରହିଛି ଏକମାତ୍ର ନଳକୂପ । ସେଥିରୁ ଦୂଷିତ ପାଣି ବାହାରୁ ଥିବାରୁ ବ୍ୟବହାର ଅନୁପଯୋଗୀ ହୋଇପଡିଛି ।

ଝଞ୍ଜାବତୀ ବ୍ରିଜ କାର୍ଯ୍ୟ ବନ୍ଦ, ନିର୍ଦ୍ଧାରିତ ସମୟ ଶେଷ

ଝଞ୍ଜାବତୀ ବ୍ରିଜ କାର୍ଯ୍ୟ ବନ୍ଦ, ନିର୍ଦ୍ଧାରିତ ସମୟ ଶେଷ

ରାୟଗଡା ଅଫିସ୍‌,୨୩।୬: ରାୟଗଡା ସହରରୁ ଆନ୍ଧ୍ରପ୍ରଦେଶକୁ ସଂଯୋଗ କରୁଥିବା ରାସ୍ତା ତଥା ରାୟଗଡା ସହରର ପ୍ରସିଦ୍ଧ ମା’ ମଝିଘରିଆଣୀ ମନ୍ଦିର ନିକଟ ଝଞ୍ଜାବତୀ ନଦୀ ଉପରେ ଥିବା ପୋଲ ବର୍ତ୍ତମାନ ବିପଦସଙ୍କୁଳ ଅବସ୍ଥାରେ ରହିଛି । ପ୍ରତ୍ୟେକ ଦିନ ଉକ୍ତ ପୋଲ ଦେଇ ବହୁ ଲୋକ ଜୀବନକୁ ବାଜିମାରି ଯାତାୟାତ କରିବାକୁ ବାଧ୍ୟ ହେଉଛନ୍ତି ।

ଦାମନଯୋଡ଼ିର ସ୍ନେହା, ରଞ୍ଜିତା ଦନ୍ତ ଚିକିତ୍ସକ ହେଲେ

ଦାମନଯୋଡ଼ିର ସ୍ନେହା, ରଞ୍ଜିତା ଦନ୍ତ ଚିକିତ୍ସକ ହେଲେ

ଦାମନଯୋଡ଼ି,୨୩।୬(ଡି.ଏନ.ଏ): ଦୁଇଦିନ ତଳେ ଓଡ଼ିଶା ପବ୍ଲିକ ସର୍ଭିସ କମିଶନ ପକ୍ଷରୁ ଦନ୍ତ ଚିକିତ୍ସକ ପଦବୀ ପାଇଁ ହୋଇଥିବା ପରୀକ୍ଷାଫଳ ପ୍ରକାଶ ପାଇଛି। ଏଥିରେ କୋରାପୁଟ ଜିଲା ଦାମନଯୋଡ଼ିର ରଞ୍ଜିତା ନାୟକ ଏବଂ ସ୍ନେହା ମୋଟୁରି ସଫଳ ହୋଇଛନ୍ତି। କନିଷ୍ଠ ପ୍ରଥମ ଶ୍ରେଣୀ ପାହ୍ୟାର ୧୯୮ଟି ପଦବୀ ପାଇଁ ଅନୁଷ୍ଠିତ ପରୀକ୍ଷାରେ ୧୯୩ଜଣ କୃତକାର୍ଯ୍ୟ ହୋଇଛନ୍ତି।

ବ୍ୟାଟେରି ନଷ୍ଟ: ବିଦ୍ୟୁତକାଟ୍‌ ହେଲେ ବ୍ୟାଙ୍କ କାର୍ଯ୍ୟ ବନ୍ଦ

ଜୟପୁର,୨୩ା୬(ଡି.ଏନ.ଏ )- କୋରାପୁଟ ଜିଲା ଜୟପୁର ସହରରେ ବିଦ୍ୟୁତକାଟ ହେଲେ ସରକାରୀ ପୌର ଜଗଦୀଶ ଚନ୍ଦ୍ର ନାୟକ ଉଚ୍ଚ ବିଦ୍ୟାଳୟ ଛକସ୍ଥିତ ବ୍ୟାଙ୍କ ଅଫ ବାରୋଦାରେ କାର୍ଯ୍ୟ ବନ୍ଦ ହୋଇପଡୁଛି। ବ୍ୟାଙ୍କରେ ବ୍ୟାଟେରିରେ ସମସ୍ୟା ଥିବାରୁ କୌଣସି କମ୍ପ୍ୟୁଟର କାର୍ଯ୍ୟ କରୁନାହିଁ। ଫଳରେ ଗ୍ରାହକ ହନ୍ତସନ୍ତ ହେଉଛନ୍ତି ା

ଭଲ ବର୍ଷା ପାଇଁ ବିଶ୍ୱାସର ନିଆରା ପର୍ବ: ବୀରପାଣି ଯାତ୍ରା

ଭଲ ବର୍ଷା ପାଇଁ ବିଶ୍ୱାସର ନିଆରା ପର୍ବ: ବୀରପାଣି ଯାତ୍ରା

ଜୟପୁର,୨୩ା୬(ଡି.ଏନ.ଏ)- ରାଜରାଜୁଡା ଅମଳରୁ ପ୍ରଚଳିତ ହୋଇ ଆସୁଥିବା ଆଦିବାସୀ ଏବଂ ସାଧାରଣ ଲୋକେ ପ୍ରତିବର୍ଷ ପରି ଚଳିତ ବର୍ଷ ଜ୍ୟେଷ୍ଠ ମାସ ଶେଷ ଶନିବାର କୋରାପୁଟ ଜିଲା ଜୟପୁର ବ୍ଲକ ନିକଟସ୍ଥ ଗଡପଦର ଗ୍ରାମରେ ଭଲ ବର୍ଷା ଓ ଫସଲ ଅମଳ ନେଇ ବିଶ୍ୱାସ, ପରମ୍ପରାର ନିଆରା ପର୍ବ ବୀରପାଣି ଯାତ୍ରା ପାଳନ କରାଯାଇଛି। ଚଳିତ ବର୍ଷ ମାନସିକଧାରୀଙ୍କ ପକ୍ଷରୁ ପ୍ରାୟ ଶତାଧିକ ବୋଦା, ମେଣ୍ଢା ଓ କୁକୁଡା ବଳି ଦିଆଯାଇଛି ା ସ୍ଥାନୀୟ ବାସିନ୍ଦାଙ୍କ କହିବା ଅନୁଯାୟୀ, ପ୍ରାୟ ୨୦୦ ବର୍ଷ ପୂର୍ବେ ଜୟପୁର ମହାରାଜା ରାମଚନ୍ଦ୍ର ଦେବଙ୍କୁ ସ୍ବପ୍ନାଦେଶ ପରେ ଏହିଯାତ୍ରା ପାଳନର ଶୁଭାରମ୍ଭ ହୋଇଥିଲା ା

୨୦୧୧ ବ୍ୟାଚ ଶିକ୍ଷା ସହାୟକଙ୍କ ଚାକିରି ସ୍ଥାୟୀ ଦାବିରେ ଆନ୍ଦୋଳନ

କୋରାପୁଟ,୨୩ା୬(ସ୍ବ.ପ୍ର.)- ୨୦୧୧ ମସିହାରେ ରାଜ୍ୟ ସରକାରଙ୍କ ପକ୍ଷରୁ ନିଯୁକ୍ତି ପାଇଥିବା କୋରାପୁଟ ଜିଲାର ୫୫୯ ଜଣ ଶିକ୍ଷା ସହାୟକମାନଙ୍କ ଚାକିରିକୁ ସ୍ଥାୟୀ କରିବା ଦାବି ନେଇ ଶନିବାର ଶିକ୍ଷା ସହାୟକମାନେ ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଘେରାଉ କରିବା ସହ ଡିଇଓଙ୍କୁ ଦାବିପତ୍ର ଦେଇଛନ୍ତି। ଚାକିରିର ୭ବର୍ଷ ପୂର୍ଣ୍ଣ କରିଥିବାବେଳେ ଏଯାଏ ସେମାନଙ୍କୁ ସ୍ଥାୟୀ କରାଯାଇନଥିବାରୁ ବିଦ୍ୟାଧର ପାଣିଗ୍ରାହୀଙ୍କ ନେତୃତ୍ୱରେ ଶତାଧିକ ଶିକ୍ଷା ସହାୟକ ଜିଲା ଶିକ୍ଷାଧିକାରୀଙ୍କ ଦ୍ୱାରସ୍ଥ ହୋଇ ସେଠାରେ ଧାରଣା ଦେଇଥିଲେ। ପରେ ଜିଲା ଶିକ୍ଷା ଅଧିକାରୀଙ୍କୁ ଦାବିପତ୍ର ପ୍ରଦାନ କରିଥିଲେ।

ଆକାଂକ୍ଷା ଯୋଜନାରେ ୪୦ କୃଷକଙ୍କୁ ବିହନ ବଣ୍ଟନ

ଆକାଂକ୍ଷା ଯୋଜନାରେ ୪୦ କୃଷକଙ୍କୁ ବିହନ ବଣ୍ଟନ

ମାଲକାନଗିରି, ୨୩ା୬(ଡି.ଏନ.ଏ)- କେନ୍ଦ୍ର ସରକାରଙ୍କ ଆକାଂକ୍ଷା ଯୋଜନା ରେ ମାଲକାନଗିରି ସଦର ବ୍ଲକ ଅନ୍ତର୍ଗତ ଜଦୁଗୁଡ଼ା ଓ କାଲିମେଳା ବ୍ଲକର ତାଣ୍ଡବାଇ ଗ୍ରାମରେ ଶନିବାର କୃଷି କଲ୍ୟାଣ ଅଭିଯାନ ଅନୁଷ୍ଠିତ ହୋଇଯାଇଛି ା ମାଲକାନଗିରି କୃଷି ବିଜ୍ଞାନ କେନ୍ଦ୍ର ମୁଖ୍ୟ ତଥା ବରିଷ୍ଠ ବୈଜ୍ଞାନିକ ଡ. ସମୀର ରନ ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଭାରତୀୟ ଜଳ ପରିଚାଳନା ପ୍ରତିଷ୍ଠାନ ଭୂବନେଶ୍ୱରର ପ୍ରଧାନ ବୈଜ୍ଞାନିକ ଡ.ଆମତ୍ାରାମ ମିଶ୍ର, ମୃତ୍ତିକା ବିଜ୍ଞାନର ପ୍ରଧାନ ବୈଜ୍ଞାନିକ ଡ.ମଧୁସ୍ମିତା ଦାସ, କ୍ଷେତ୍ର ବିଜ୍ଞାନ ବିଭାଗର ପ୍ରଧାନ ବୈଜ୍ଞାନିକ ଡ. ପ୍ରମୋଦ କୁମାର ପଣ୍ଡା, ବୈଜ୍ଞାନିକ ପାର୍ଥ ଦେବରାୟ, ସରପଞ୍ଚ ନାଲି ମାଡ଼କାମୀ, ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ଜିଲା ସଂଯୋଜକ ଭରତ ଭୂଷଣ ନନ୍ଦ ଯୋଗଦେଇ କୃଷକଙ୍କ ଆୟର ଦୁଇଗୁଣ ବୃଦ୍ଧି ନିମନ୍ତେ ଉନ୍ନତମାନର ଚାଷ ପ୍ରଣାଳୀ ସହ ବିହନ ବ୍ୟବହାର ସମ୍ପର୍କରେ ଆଲୋକପାତ କରିଥିଲେ।

ଶାନ୍ତିଶୃଙ୍ଖଳା ରକ୍ଷା ସହ ବିକାଶ କାର୍ଯ୍ୟ ତ୍ୱରାନ୍ବିତ କରାଯିବ: ଡିଆଇଜି ଆଶିଷ ସିଂ

କୋରାପୁଟ, ୨୩ା୬(ସ୍ବ.ପ୍ର.)- ଭାରପ୍ରାପ୍ତ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ଭାବେ ଆଶିଷ କୁମାର ସିଂ ଶନିବାର ନିଜ ଦାୟିତ୍ୱରେ ଯୋଗଦାନ କରିଛନ୍ତି। ପୂର୍ବରୁ ଥିବା ଡିଆଇଜି ଏସ୍‌. ସାଇନିଙ୍କ ବଦଳି ପରେ ତାଙ୍କୁ ରାଜ୍ୟ ସରକାର ଏହି ଦାୟିତ୍ୱ ପ୍ରଦାନ କରିଛନ୍ତି। ଶନିବାର ଦାୟିତ୍ୱ ଗ୍ରହଣ କରିବା ପରେ ଆୟୋଜିତ ଖବରଦାତା ସମ୍ମିଳନୀରେ ଡିଆଇଜି ସିଂ ତାଙ୍କ ରେଞ୍ଜରେ ପ୍ରଥମେ ଶାନ୍ତିଶୃଙ୍ଖଳା ରକ୍ଷା ସହିତ ବିକାଶ କାର୍ଯ୍ୟକୁ ଅଧିକ ତ୍ୱରାନ୍ବିତ ଉପରେ ପ୍ରାଧାନ୍ୟ ଦେବେ ବୋଲି କହିଛନ୍ତି।

ଚିହ୍ନଟ ହେଉନି ଜାଗା: ମିଳୁନି ଘରବାରି ପଟ୍ଟା

ଚିହ୍ନଟ ହେଉନି ଜାଗା: ମିଳୁନି ଘରବାରି ପଟ୍ଟା

ପାରଳାଖେମୁଣ୍ଡି,୨୩ା୬(ସ୍ବ.ପ୍ର.)- ଗଜପତି ଜିଲା ମୋହନା ବ୍ଲକ ଅନ୍ତର୍ଗତ ଅଡବା ଖ୍ରୀଷ୍ଟିୟାନ ସାହିର ଗରିବ ଭୂମିହୀନ ହିତାଧିକାରୀମାନେ ନିଜ ଘରବାରି ପଟ୍ଟା ସମସ୍ୟା ନେଇ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ସେମାନେ ଜିଲାପାଳ ଅନୁପମ ଶାହାଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଦେଇଛନ୍ତି। ସେଥିରେ ଉଲ୍ଲେଖ ହୋଇଛି ଯେ, ପ୍ରାୟ ୫୦ବର୍ଷରୁ ଉଦ୍ଧର୍‌ବ ହେବ ଅଡବା ମୌଜାର ଖ୍ରୀଷ୍ଟିୟାନ ସାହିରେ ଗରିବ ଭୂମିହୀନମାନେ ଗୃହ ନିର୍ମାଣ କରି ନିଜ ପରିବାର ସହ ରହିଆସୁଛନ୍ତି ା ମାତ୍ର ଦୁଃଖ ଓ ପରିତାପର ବିଷୟ ଯେ, ସରକାରଙ୍କ ପକ୍ଷରୁ ଏହି ଜାଗାକୁ ଚିହ୍ନଟ କରାଯାଇନାହିଁ କିମ୍ବା ଜବରଦଖଲ ନୋଟିସ୍‌ ମଧ୍ୟ ଦିଆଯାଇନାହିଁ।

Model This Week

ପ୍ରଭାତ