ଅନଗୁଳ-ଢେଙ୍କାନାଳ

ମାଲ୍‌ ପ୍ରାକ୍ଟିସ୍‌ ହେବାରୁ ହାତ କାଟିଲେ ଛାତ୍ରୀ

ମାଲ୍‌ ପ୍ରାକ୍ଟିସ୍‌ ହେବାରୁ ହାତ କାଟିଲେ ଛାତ୍ରୀ
ପରଜଙ୍ଗ,୬।୩(ଡି.ଏନ.ଏ.)-ପରଜଙ୍ଗ ବ୍ଲକ ବାରିହାପୁର ହାଇସ୍କୁଲ କେନ୍ଦ୍ରରେ ମାଟ୍ରିକ୍‌ ପରୀକ୍ଷା ଦେଉଥିବା ଜଣେ ଛାତ୍ରୀ ସେଣ୍ଟ୍ରାଲ ସ୍କ୍ବାଡ୍‌ ଦ୍ୱାରା ମାଲ୍‌ ପ୍ରାକ୍ଟିସ୍‌ ହେବାପରେ ବ୍ଲେଡ୍‌ରେ ହାତଗୋଡ଼ କାଟି ଗୁରୁତର ହୋଇଛନ୍ତି। ଏହି ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ସୂଚନାଯୋଗ୍ୟ, କଙ୍କଡ଼ାସୋଡ଼ା ଆଦିବାସୀ ହଷ୍ଟେଲରେ ରହି ପାଠ ପଢୁଥିବା କଙ୍କଡ଼ାହାଡ଼ ବ୍ଲକ ସୋହେଲା ଅଞ୍ଚଳର ସମ୍ପୃକ୍ତା ଛାତ୍ରୀ ବାରିହାପୁର ହାଇସ୍କୁଲ କେନ୍ଦ୍ରରେ ପରୀକ୍ଷା ଦେଉଥିଲେ। ଅସାଧୁ ଉପାୟରେ କପି କରୁଥିବାବେଳେ ସ୍କ୍ବାଡ୍‌ ହାତରେ ଧରାପଡ଼ି ମାଲ୍‌ ପ୍ରାକ୍ଟିସ୍‌ ହୋଇଥିଲେ। ଏହାପରେ ସେ ମାନସିକ ଭାରସାମ୍ୟ ହରାଇ ଛାତ୍ରୀ ନିବାସରେ ବ୍ଲେଡ୍‌ ସହାୟତାରେ ନିଜ ହାତଗୋଡ଼ କାଟି ପକାଇଥିଲେ। ସହପାଠୀଙ୍କମାନେ ଏ ସମ୍ପର୍କରେ ପ୍ରଧାନ ଶିକ୍ଷକଙ୍କୁ ଜଣାଇଥିଲେ। ପରେ ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଡାକ୍ତର ଟିମ୍‌ ପହଞ୍ଚତ୍ ତାଙ୍କ ଚିକିତ୍ସା କରିଥିଲେ। ଆହତ ଛାତ୍ରୀଙ୍କ ମାନସିକ ଅବସ୍ଥା ଭଲ ନାହିଁ। ତାଙ୍କୁ ପରିବାର ସଦସ୍ୟଙ୍କ ଜିମାରେ ଘରକୁ ପଠାଇ ଦିଆଯାଇଥିବା ଛାତ୍ରୀନିବାସ ସୁପରିଣ୍ଟେଣ୍ଡେଣ୍ଟ ଅନ୍ତର୍ଯ୍ୟାମୀ ବେହେରା ସୂଚନା ଦେଇଛନ୍ତି।
All Right Reserved By

ଅନଗୁଳ-ଢେଙ୍କାନାଳ

ବର୍ଷା ପବନରେ ଭାଙ୍ଗିଲା ବିଶ୍ୱକର୍ମା ତୋରଣ

ବର୍ଷା ପବନରେ ଭାଙ୍ଗିଲା ବିଶ୍ୱକର୍ମା ତୋରଣ

ବଅଁରପାଳ,୨୧।୯(ଡି.ଏନ୍‌.ଏ.): ଅନୁଗୋଳ ଜିଲା ନାଲ୍‌କୋ ନଗରରେ ପ୍ରଭୁ ବିଶ୍ୱକର୍ମାଙ୍କ ପୂଜା ପାଳିତ ହେଉଛି। ଏଥିପାଇଁ ବିଭିନ୍ନ ପୂଜା କମିଟି ପକ୍ଷରୁ ତୋରଣ ଓ ସାଜସଜ୍ଜା କରାଯାଇଥିଲା। 

ହାତୀ ଚିନ୍ତାରେ ଚାଷୀ

ହାତୀ ଚିନ୍ତାରେ ଚାଷୀ

ଢେଙ୍କାନାଳ ଅଫିସ, ୨୧।୯:ଢେଙ୍କାନାଳ ଜିଲାରେ ହାତୀ-ମଣିଷ ସଂଘର୍ଷ ତୀବ୍ର ରୂପ ନେଇଛି। ଓଡ଼ାପଡ଼ା ବ୍ଲକ ଗଦାଶିଳା ସେକ୍ସନରେ ଅଧୀନରେ ଏକ ପଲରେ ୩୫ଟି ହାତୀ  କିଛି ଦିନ ହେବ  ଆତଙ୍କ ସୃଷ୍ଟି କରି ଚାଲିଛନ୍ତି। ପ୍ରତିଦିନ ରାଜପଥରେ ହାତୀଙ୍କ ବିଚରଣ ଯାତାୟାତରେ ବାଧକ ସାଜଛି। ସେମାନଙ୍କୁ ଦେଖିବାକୁ ପ୍ରବଳ ଗହଳି ହେଉଛି। ଲୋକଙ୍କ ଚିତ୍କାର, ଶବ୍ଦ, ମୋବାଇଲ୍‌ରେ ଫଟୋ ଉଠାଇବା ହାତୀଙ୍କୁ ବିବ୍ରତ କରି ପକାଉଥିବାରୁ ସେମାନେ ପାଲଟା ଆକ୍ରମଣ କରୁଛନ୍ତି। ରାତିରେ ଜନବସତିମୁହଁା ହେଉଥିବା ହାତୀପଲ ଘର ଭାଙ୍ଗି ଦେବା ସହ ଧାନ ଫସଲ ଉଜାଡ଼ି ଦେଉଛନ୍ତି। ଏଭଳି ଘଟଣା ବଢ଼ି ଚାଲିଥିବାବେଳେ ବନ ବିଭାଗ କେବଳ ନୀରବଦ୍ରଷ୍ଟା ସାଜିଛି। ହାତୀ ଘଉଡ଼ାଇବା ଛଡ଼ା ଅନ୍ୟ କୌଣସି ବିକଳ୍ପ ନ ଥିବା କହି ବନ କର୍ମଚାରୀ ନିଜର ଅସହାୟତା ପ୍ରକାଶ କରୁଥିବାବେଳେ କ୍ଷତିଗ୍ରସ୍ତ ଚାଷୀ ଆନ୍ଦୋଳନକୁ ଓହ୍ଲାଇବାକୁ ସଜବାଜ ହେଲେଣି।

୬ ଦିନ ହେଲା ସ୍ବାସ୍ଥ୍ୟକେନ୍ଦ୍ରରେ ଏଡ୍‌ସ ପରୀକ୍ଷା, ପରାମର୍ଶ କେନ୍ଦ୍ର ବନ୍ଦ

୬ ଦିନ ହେଲା ସ୍ବାସ୍ଥ୍ୟକେନ୍ଦ୍ରରେ ଏଡ୍‌ସ ପରୀକ୍ଷା, ପରାମର୍ଶ କେନ୍ଦ୍ର ବନ୍ଦ

କଣିହାଁ, ୨୧ା୯(ଡି.ଏନ.ଏ.):ଅନୁଗୋଳ ଜିଲା କଣିହାଁ ବ୍ଲକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଥିବା ଏଡ୍‌ସ ପରୀକ୍ଷା ଓ ପରାମର୍ଶ କେନ୍ଦ୍ର ଗତ ୧୫ ତାରିଖଠାରୁ ବନ୍ଦ ରହିଛି। ଫଳରେ ଏଠାକୁ ଏଡ୍‌ସ ପରୀକ୍ଷା ତଥା ଚିକିତ୍ସା ପାଇଁ ଆସୁଥିବା ଆକ୍ରାନ୍ତଙ୍କ ସମସ୍ୟା ବଢିଛି।  କଣିହାଁ ବ୍ଲକ ଏକ ଶିଳ୍ପ ସମୃଦ୍ଧ ଅଞ୍ଚଳ ହୋଇଥିବାବେଳେ ଏଠାରେ ରାଜ୍ୟ ତଥା ରାଜ୍ୟ ବାହାରର ଶ୍ରମିକମାନେ କାମ କରୁଛନ୍ତି। ଏପରିସ୍ଥିତିରେ ସ୍ବାସ୍ଥ୍ୟକେନ୍ଦ୍ରରେ ଏଡ୍‌ସ ପରୀକ୍ଷା କେନ୍ଦ୍ର ବନ୍ଦ ରହିବା ଯୋଗୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଛି ବୋଲି କେତେଜଣ ସମଲିଙ୍ଗୀ ଓ ଏଡ୍‌ସ ଆକ୍ରାନ୍ତ ନାମ ଗୋପନ ରଖି ପ୍ରକାଶ କରିଛନ୍ତି। ଏପରିକି ପ୍ରସୂତିମାନେ ଏଡ୍‌ସ ପରୀକ୍ଷା କରାଇବା ପାଇଁ ନିୟମ ଥିଲେ ମଧ୍ୟ ଏହି କେନ୍ଦ୍ର ବନ୍ଦ ଥିବାରୁ ତାହା କରାଯାଇପାରୁନାହିଁ। ତୁରନ୍ତ ସ୍ବାସ୍ଥ୍ୟକେନ୍ଦ୍ରରେ ଏଡ୍‌ସ ପରୀକ୍ଷା କେନ୍ଦ୍ର ତୁରନ୍ତ ଖୋଲାଯିବାକୁ ବୁଦ୍ଧିଜୀବୀ ମହଲରେ ଦାବି ହୋଇଛି। 

ତେଜିଲା ହିନ୍ଦୋଳ ଏନ୍‌ଏସି ବିବାଦ:ବିଷ ଓକାଳିଲେ ଅଧ୍ୟକ୍ଷା

ତେଜିଲା ହିନ୍ଦୋଳ ଏନ୍‌ଏସି ବିବାଦ:ବିଷ ଓକାଳିଲେ ଅଧ୍ୟକ୍ଷା

ହିନ୍ଦୋଳ, ୨୧ା୯(ଡି.ଏନ.ଏ.):କ୍ଷମତା କରିଡ଼ରକୁ ନେଇ ହିନ୍ଦୋଳ ଏନ୍‌ଏସିରେ ତେଜିବାରେ ଲାଗିଛି ବିବାଦ। ଅଧ୍ୟକ୍ଷା ରୀନା ବେହେରାଙ୍କ କାର୍ଯ୍ୟକଳାପ  ବିରୋଧରେ ମେଳି ବାନ୍ଧିଥିବା ୧୦ ଅସନ୍ତୁଷ୍ଟ କାଉନସିଲର ଖୋଲାଖୋଲି ସ୍ବର ଉଠାଇବା ପରେ ଏହାକୁ ନେଇ ଉଷ୍ମ ହୋଇଛି ରାଜନୈତିକ ବାତାବରଣ। ଅନ୍ୟପଟେ ଆସନ୍ନ ସଙ୍କଟ ଟାଳିବାକୁ  ଅଧ୍ୟକ୍ଷା ଗୁରୁବାର ଖବରଦାତା ସମ୍ମିଳନୀ କରି ଅଭିଯୋଗକାରୀ କାଉନସିଲରଙ୍କ ଉପରେ ବିଷ ଓକାଳିଛନ୍ତି। ଏସବୁ ଆରୋପ-ପ୍ରତ୍ୟାରୋପ ଏନ୍‌ଏସି ରାଜନୀତିକୁ ସରଗରମ କରିଛି।
ଏନ୍‌ଏସିର ମାସିକ ବୈଠକ ନ ବସିବା, ଉପାଧ୍ୟକ୍ଷଙ୍କୁ ସ୍ବତନ୍ତ୍ର ପ୍ରକୋଷ୍ଠ  ନ ଦେବା ଏବଂ ବିଭିନ୍ନ କାର୍ଯ୍ୟରେ ଅସହଯୋଗ ମନୋବୃତ୍ତିକୁ ନେଇ ୧୦ ଅସନ୍ତୁଷ୍ଟ କାଉନ୍‌ସିଲର ଜନପ୍ରତିନିଧି ଏବଂ ବିଭାଗୀୟ ଅଧିକାରୀଙ୍କୁ ଅବଗତ କରାଇଥିଲେ। ଏହାପରେ ଗୁରୁବାର ଅଧ୍ୟକ୍ଷା ଏନ୍‌ଏସି କାର୍ଯ୍ୟାଳୟରେ ଖବରଦାତା ସମ୍ମିଳନୀ ଡକାଇ କାଉନ୍‌ସିଲରଙ୍କ ବିରୋଧରେ କ୍ଷୋଭ ବ୍ୟକ୍ତ କରିଛନ୍ତି।  

ସ୍ବାସ୍ଥ୍ୟ ପରୀକ୍ଷା ବେଳେ ସ୍କୁଲରେ ଛାତ୍ରୀଙ୍କୁ ଅସଦାଚରଣ ଅଭିଯୋଗ:ମେଡିକାଲ ଟିମ୍‌ର ଜଣେ ସଦସ୍ୟଙ୍କ ନଁାରେ ଏତଲା

ବନ୍ତଳା,୨୧ା୯(ଡି.ଏନ.ଏ.):ଅନୁଗୋଳ ଜିଲା ବନ୍ତଳା ଥାନା ଅଞ୍ଚଳର ଏକ ଶିକ୍ଷାନୁଷ୍ଠାନରେ ବୁଧବାର ସ୍ବାସ୍ଥ୍ୟ ପରୀକ୍ଷା ବେଳେ ଜଣେ ପଞ୍ଚମ ଶ୍ରେଣୀ ଛାତ୍ରୀଙ୍କୁ ମେଡିକାଲ ଟିମ୍‌ର ଜନୈକ ସଦସ୍ୟ ଅସଦାଚରଣ କରିଥିବା ଗୁରୁବାର ଥାନାରେ ଅଭିଯୋଗ ହୋଇଛି। ଛାତ୍ରୀଙ୍କ ବାପାଙ୍କ ଏତଲାକୁ ଆଧାର କରି ପୋଲିସ ନଂ. ୧୭୨/୧୮ରେ ଏକ ମାମଲା ରୁଜୁ ସହ ତଦନ୍ତ କରିଛି।
ପୋଲିସ ସୂତ୍ରରୁ ପ୍ରକାଶ ଯେ, ସ୍କୁଲ ଓ ଗଣଶିକ୍ଷା ବିଭାଗ ଆଡିଶନାଲ ସେକ୍ରେଟାରୀଙ୍କ ଚିଠି ନଂ. ୮୪୬/୦୪/୦୮/୨୦୧୮ ଅନୁସାରେ ସ୍କୁଲଗୁଡ଼ିକରେ ଛାତ୍ରୀଛାତ୍ରଙ୍କ ସ୍ବାସ୍ଥ୍ୟ ପରୀକ୍ଷା ସହ ରକ୍ତ ନମୁନା ସଂଗ୍ରହ କରାଯାଉଛି।

ସାର କାରଖାନା ଭିତ୍ତିପ୍ରସ୍ତରକୁ ନେଇ କଂଗ୍ରେସର ପ୍ରଶ୍ନ:ପ୍ରହସନ ନା ରାଜନୈତିକ ଚାଲ

ସାର କାରଖାନା ଭିତ୍ତିପ୍ରସ୍ତରକୁ ନେଇ କଂଗ୍ରେସର ପ୍ରଶ୍ନ:ପ୍ରହସନ ନା ରାଜନୈତିକ ଚାଲ

ତାଳଚେର,୨୧ା୯(ନି.ପ୍ର.):ଆଗକୁ ସାଧାରଣ ନିର୍ବାଚନ ଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ୨୨ ତାରିଖରେ ଓଡ଼ିଶା ଗସ୍ତରେ ଆସି ତାଳଚେର ସାର କାରଖାନାର ଭିତ୍ତିପ୍ରସ୍ତର ସ୍ଥାପନ କରିବେ। ଏହା ଏକ ନିର୍ବାଚନୀ ପ୍ରହସନ ନା କେନ୍ଦ୍ରର ରାଜନୈତିକ ଚାଲ ବୋଲି ପ୍ରଶ୍ନ କରିଛି କଂଗ୍ରେସ। ଗୁରୁବାର ସ୍ଥାନୀୟ ଏକ ହୋଟେଲରେ ଆୟୋଜିତ ଖବରଦାତା ସମ୍ମିଳନୀରେ କଂଗ୍ରେସ କାର୍ଯ୍ୟକର୍ତ୍ତାମାନେ କହିଛନ୍ତି ଯେ, ୧୯୭୧ରେ ତାଳଚେର ବିକ୍ରମପୁରଠାରେ କେନ୍ଦ୍ରମନ୍ତ୍ରୀ ତ୍ରିଗୁଣା ସେନଙ୍କ ଦ୍ୱାରା ଏହି କୋଇଲା ଭିତ୍ତିକ ସାର କାରଖାନାର ଶୁଭ ଦିଆଯାଇଥିଲା। କୋଇଲାରୁ ସାର ଉତ୍ପାଦନ ସଫଳ ହେବା ସତ୍ତ୍ୱେ କାରଖାନା ଲାଭବାନ୍‌ ପାଇଁ ବିଭିନ୍ନ ପ୍ରକାର କମିଟି ଦ୍ୱାରା ଅନୁସନ୍ଧାନ କରାଯାଇଥିଲା। ୧୯୯୯ରେ ଭାଜପା ନେତୃତ୍ୱାଧୀନ ଏନ୍‌ଡିଏ ସରକାର କ୍ଷମତାକୁ ଆସିବା ପରେ ଏହି କାରଖାନାକୁ ୧୯୯୯ ଏପ୍ରିଲ ୧ରେ  ବନ୍ଦ କରି ଦେଇଥିଲେ।

ରଙ୍ଗପୁରରେ ଗର୍ଜନ କରୁଛି ସୁନ୍ଦରୀ

ରଙ୍ଗପୁରରେ ଗର୍ଜନ କରୁଛି ସୁନ୍ଦରୀ

ଆଠମଲ୍ଲିକ, ୨୧ା୯(ଡି.ଏନ.ଏ.):ସାତକୋଶିଆରେ ଛଡା ଯାଇଥିବା ମଧ୍ୟପ୍ରଦେଶ ବାଘୁଣୀ ‘ସୁନ୍ଦରୀ’ ୩ ଦିନ ହେଲା ଆଠମଲ୍ଲିକ ବନଖଣ୍ଡ ହାତୀଧରା ସଂରକ୍ଷିତ ଜଙ୍ଗଲ ନିକଟବର୍ତ୍ତୀ ଗ୍ରାମ ରଙ୍ଗପୁରଠାରେ ଥିବା ଜଣାପଡିଛି। ବାଘୁଣୀକୁ ଘଉଡାଇବାକୁ ଉଦ୍ୟମ କରି ବନ ବିଭାଗ ନାକେଦମ ହୋଇଥିଲେ ବି ସଫଳ ହୋଇପାରିନାହିଁ। ଅନ୍ୟପକ୍ଷରେ ବାଘୁଣୀର ଗର୍ଜନ ଶୁଣି ସ୍ଥାନୀୟ ଅଞ୍ଚଳବାସୀ ଭୟଭୀତ ହୋଇପଡିଛନ୍ତି। ଏ ନେଇ ଆଠମଲ୍ଲିକ ବ୍ଲକ ଅଏଡା ପଞ୍ଚାୟତର ରଙ୍ଗପୁର ଗ୍ରାମରେ ଉତ୍ତେଜନା ଦେଖାଦେଇଛି।

ମହୁ ସଂଗ୍ରହ କରିବାକୁ ଯାଇଥିଲେ: ରାମିଆଳ ନଦୀରେ ଭାସିଗଲେ ଦମ୍ପତି

ମହୁ ସଂଗ୍ରହ କରିବାକୁ ଯାଇଥିଲେ: ରାମିଆଳ ନଦୀରେ ଭାସିଗଲେ ଦମ୍ପତି

କାମାକ୍ଷାନଗର, ୨୦।୯(ଡି.ଏନ.ଏ.)-ଢେଙ୍କାନାଳ ଜିଲା କାମାକ୍ଷାନଗର ଥାନା କାନପୁରା ପଞ୍ଚାୟତ ଅର୍ନ୍ତଗତ ଗୁଣ୍ଡିଚାନାଳୀ ମହ୍ଲାର ସାହିର କୁଶ ପଧାନ (୨୪) ଏବଂ ତାଙ୍କ ସ୍ତ୍ରୀ ରିଙ୍କି (୨୨) ଗୁରୁବାର ରାମିଆଳ ନଦୀରେ ଭାସିଯାଇ ନିଖୋଜ ହୋଇଯାଇଛନ୍ତି। 

ହାତୀ ଉପଦ୍ରବ, ଫସଲ ନଷ୍ଟ

ହାତୀ ଉପଦ୍ରବ, ଫସଲ ନଷ୍ଟ

ବଇଣ୍ଡା,୨୦।୯(ଡି.ଏନ.ଏ.)- କିଶୋରନଗର ବ୍ଲକ ହଣ୍ଡପା ରେଞ୍ଜ ହିଞ୍ଜିରିଡ଼ା, ମାମୁରୀଝରଣ, କଣ୍ଟେଇକୁଳିଆ, ମାଧପୁର, ଅଁଳାବେରେଣୀ ଗ୍ରାମରେ ଗତ କିଛିଦିନ ହେବ ହାତୀ ଉପଦ୍ରବ ଲାଗି ରହିଛି।

 ସଫଳ ଉଦ୍ୟୋଗୀ ସମ୍ବର୍ଦ୍ଧିତ

ସଫଳ ଉଦ୍ୟୋଗୀ ସମ୍ବର୍ଦ୍ଧିତ

ବଇଣ୍ଡା,୨୦।୯(ଡି.ଏନ.ଏ.)- କିଶୋରନଗର ବ୍ଲକ କିଶୋରନଗର ଡିଗ୍ରୀ କଲେଜ ମହାବିଦ୍ୟାଳୟ ପରିସରରେ ବୁଧବାର ଅନୁଗୋଳ ଜିଲା ଶିଳ୍ପ କେନ୍ଦ୍ର ଦ୍ୱାରା ଆୟୋଜିତ ସଫଳ ଉଦ୍ୟୋଗୀ କାର୍ଯ୍ୟକ୍ରମରେ କିଶୋରନଗର ବଏଜା ଗ୍ରାମର ସଞ୍ଜୟ ପ୍ରଧାନଙ୍କୁ ସମ୍ବର୍ଦ୍ଧିତ କରାଯାଇଛି। 

ଏସ୍‌ୟୁସିଆଇ  ପକ୍ଷରୁ  ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ଏସ୍‌ୟୁସିଆଇ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ଅନୁଗୋଳ ଅଫିସ, ୨୦।୯- ଅନୁଗୋଳ ସାତକୋଶିଆରୁ ବାଘୁଣୀ ‘ସୁନ୍ଦରୀ’ ସ୍ଥାନାନ୍ତର, ୪ଦଫା ସମ୍ବଳିତ ସାତକୋଶିଆବାସୀଙ୍କ ସମସ୍ୟା ଆଦି ଦାବିରେ ଗୁରୁବାର ଏସ୍‌ୟୁସିଆଇ ପକ୍ଷରୁ  ଅନୁଗୋଳ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। 

ଭାଙ୍ଗିଗଲା ତୋରଣ:  ଜାତୀୟ ରାଜପଥ ଅବରୋଧ

ଭାଙ୍ଗିଗଲା ତୋରଣ: ଜାତୀୟ ରାଜପଥ ଅବରୋଧ


ଭୁବନ,୨୦।୯(ଡି.ଏନ.ଏ.)- ଭୁବନ ଏନ୍‌ଏସି ନୂଆ ଭୁବନ ଛକଠାରେ ଟାଇଟେନିକ କ୍ଲବ ପକ୍ଷରୁ ଗଣେଶ ପୂଜା ପାଇଁ ନିର୍ମାଣ ହୋଇଥିବା ତୋରଣ  ଗୁରୁବାର ଅପରାହ୍ନରେ ଭାଙ୍ଗିଯାଇଥିଲା।