ଉପକୂଳ ଓଡିଶା

ଜିଲାପାଳଙ୍କ ତାଗିଦ୍‌ରେ ମୂର୍ଚ୍ଛାଗଲେ ସୁପରଭାଇଜର

ଜିଲାପାଳଙ୍କ ତାଗିଦ୍‌ରେ  ମୂର୍ଚ୍ଛାଗଲେ ସୁପରଭାଇଜର
ରାଜନଗର, ୬।୩(ଡି.ଏନ୍‌.ଏ.)- ମଙ୍ଗଳବାର ଅପରାହ୍ନରେ କେନ୍ଦ୍ରାପଡା ଜିଲାର ରାଜନଗର ତହସିଲରେ ଏକ ଅଭାବନୀୟ ଘଟଣା ଘଟିଛି। କେନ୍ଦ୍ରାପଡା ଜିଲାପାଳ ଖରିଫ ଧାନ କ୍ଷୟକ୍ଷତି ସମ୍ପର୍କରେ ସମୀକ୍ଷା କରିବା ସମୟରେ କାର୍ଯ୍ୟରେ ତ୍ରୁଟି ଦେଖି ତାଗିଦ କରିବାରୁ ତହସିଲ କାର୍ଯ୍ୟାଳୟର ସୁପରଭାଇଜର ବୈଷ୍ଣବ ଚରଣ ଦ୍ୱିବେଦୀ ମଙ୍ଗଳବାର ମୂର୍ଚ୍ଛା ହୋଇ ପଡିଯାଇଥିଲେ। ରାଜନଗର ଗୋଷ୍ଠୀସ୍ବାସ୍ଥ୍ୟକେନ୍ଦ୍ରରେ ତାଙ୍କୁ ଭର୍ତ୍ତି କରାଯାଇ ପ୍ରାଥମିକ ଚିକିତ୍ସା କରାଯିବା ପରେ କେନ୍ଦ୍ରାପଡା ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ମିଳିଥିବା ସୂଚନା ଅନୁଯାୟୀ, ଗତ ଅକ୍ଟୋବରରେ ଅଦିନିଆ ବର୍ଷା ଯୋଗୁ ରାଜନଗର ଅଞ୍ଚଳରେ ବ୍ୟାପକ ଖରିଫ ଫସଲ ନଷ୍ଟ ହୋଇଥିଲା। କ୍ଷତିଗ୍ରସ୍ତ ଚାଷୀଙ୍କୁ ସହାୟତା ଯୋଗାଇ ଦେବା ପାଇଁ ସରକାର ଜିଲାପାଳଙ୍କୁ ନିର୍ଦ୍ଦେଶ ଦେଇଥିଲେ। ଏହି ପରିପ୍ରେକ୍ଷୀରେ କ୍ଷୟକ୍ଷତି ବାବଦ ଅର୍ଥ ବଣ୍ଟନ ନେଇ ସମୀକ୍ଷା କରିବା ନିମନ୍ତେ ଜିଲାପାଳ ରେଘୁ ଜୀ ରାଜନଗର ଗସ୍ତ କରି ବୈଠକ ଡାକିଥିଲେ। ରାଜନଗର ତହସିଲ ଅଧୀନରେ କ୍ଷତିଗ୍ରସ୍ତ ଚାଷୀଙ୍କୁ ସରକାରୀ ଅର୍ଥ ପ୍ରଦାନରେ ଅବହେଳା ପ୍ରଦର୍ଶନ କରାଯାଇଥିବା ଜାଣିବା ପରେ ଜିଲାପାଳ ତହସିଲ କାର୍ଯ୍ୟାଳୟର ସୁପରଭାଇଜର ଦ୍ୱିବେଦୀ ଏବଂ ଅନ୍ୟାନ୍ୟ କର୍ମଚାରୀମାନଙ୍କୁ ତାଗିଦ୍‌ କରିଥିଲେ। ହିସାବ ରଖୁଥିବା ସୁପରଭାଇଜର ଠିକ୍‌ ଭାବେ ହିସାବ ଦେଇ ନପାରି ସମୀକ୍ଷା ବୈଠକ ସମୟରେ ମୂର୍ଚ୍ଛା ହୋଇଯାଇଥିଲେ। ଏହି ଘଟଣା ପରେ ରେଘୁଜୀ ସମୀକ୍ଷା ବୈଠକକୁ ବାତିଲ କରି ଦେଇଥିଲେ। ପ୍ରକାଶ ଯେ, ଗତ ଅଦିନିଆ ବର୍ଷାରେ ରାଜନଗର ତହସିଲର ୨୯ ପଞ୍ଚାୟତରେ ୩୦୪ ଗ୍ରାମର ୬୧ ହଜାର ୪୧୩ଜଣ ଚାଷୀଙ୍କର ଖରିଫ ଧାନଚାଷ କ୍ଷତିଗ୍ରସ୍ତ ହୋଇଥିଲା। ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ରାଜନଗର ତହସିଲକୁ ୧୬ କୋଟି ୧୧ ଲକ୍ଷ ୬୦ ହଜାର ଟଙ୍କା କ୍ଷତିପୂରଣ ରାଶି ଦିଆଯାଇଛି। ମାତ୍ର ଅଦ୍ୟାବଧି କେବଳ ୧୫ ହଜାର ୬୭୩ଜଣ ଚାଷୀଙ୍କୁ ୭ କୋଟି ୧୨ ଲକ୍ଷ ୬୭ ହଜାର ୩୨୨ଟଙ୍କା କ୍ଷତିପୂରଣ ରାଶି ପ୍ରଦାନ କରାଯାଇଛି। ଅବଶିଷ୍ଟ ୮ କୋଟି ୯୮ ଲକ୍ଷ ୯୨ ହଜାର ୬୭୮ ଟଙ୍କା କାହିଁକି ପ୍ରଦାନ କରାଯାଇ ନାହିଁ ସେନେଇ ଜିଲାପାଳ ପ୍ରଶ୍ନ କରିଥିଲେ। ମାତ୍ର ଦ୍ୱିବେଦୀ ଜିଲାପାଳଙ୍କୁ ଅବଗତ କରାଇ ପାରିନଥିଲେ। ଏନେଇ ଜିଲାପାଳ ବିରକ୍ତି ଭାବ ପ୍ରକାଶ କରବାରୁ ସେ ଚେତା ଶୂନ୍ୟ ହୋଇ ପଡିଥିଲେ। ଏହି ଘଟଣା ରାଜନଗର ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।
All Right Reserved By

ଉପକୂଳ ଓଡିଶା

ଯାଜପୁର ଲୋକ ସଭା ଆସନ: ଦେଖିବାକୁ ମିଳିପାରେ ନୂଆ ସମୀକରଣ

ଯାଜପୁର ଲୋକ ସଭା ଆସନ: ଦେଖିବାକୁ ମିଳିପାରେ ନୂଆ ସମୀକରଣ

ଯାଜପୁର ଅଫିସ,୨୦ା୩: ଯାଜପୁର ଜିଲାର ୭ ବିଧାନସଭା ନିର୍ବାଚନମଣ୍ଡଳୀ ଯଥା ଯାଜପୁର, ବିଞ୍ଝାରପୁର, ବରୀ, ବଡ଼ଚଣା, ଧର୍ମଶାଳା, କୋରେଇ ଓ ସୁକିନ୍ଦାକୁ ନେଇ ଯାଜପୁର ଲୋକ ସଭା ଆସନ ଗଠିତ। ଅନୁସୂଚିତ ଜାତି ବର୍ଗଙ୍କ ପାଇଁ ସଂରକ୍ଷିତ ଏହି ଆସନରେ ବିଜେଡି, ଭାଜପା ଓ କଂଗ୍ରେସ ପ୍ରାର୍ଥୀ ଦେବା ନିଶ୍ଚିତ। 

କଳକଳେଶ୍ୱରରେ ଘରେ ଘରେ ଶଙ୍ଖ କାର୍ଯ୍ୟକ୍ରମ 

କଳକଳେଶ୍ୱରରେ ଘରେ ଘରେ ଶଙ୍ଖ କାର୍ଯ୍ୟକ୍ରମ 

ଟାଙ୍ଗୀ(ଖୋର୍ଦ୍ଧା),୨୦ା୩(ଡି.ଏନ.ଏ.)-କଳକଳେଶ୍ୱର ପଞ୍ଚାୟତ ସରପଞ୍ଚ ଅସିତ୍‌ କୁମାର ନାଥଙ୍କ ତତ୍ତ୍ୱାବଧାନରେ ବିଜେଡିର ‘ଘରେ ଘରେ ଶଙ୍ଖ’ କାର୍ଯ୍ୟକ୍ରମ ମଙ୍ଗଳବାର ଶୁଭାରମ୍ଭ ହୋଇଛି। 

ବାଳିକା ଆତ୍ମରକ୍ଷା ତାଲିମ କାର୍ଯ୍ୟକ୍ରମ ଉଦ୍‌ଯାପିତ

ବାଳିକା ଆତ୍ମରକ୍ଷା ତାଲିମ କାର୍ଯ୍ୟକ୍ରମ ଉଦ୍‌ଯାପିତ

ବୋଲଗଡ଼,୨୦ା୩(ଡି.ଏନ.ଏ.)-ବୋଲଗଡ଼ ବ୍ଲକ ବାଙ୍କୋଇସ୍ଥିତ କାଳିଚରଣ ପାଞ୍ଚଗଡ ଅନଙ୍ଗ ନରେନ୍ଦ୍ର ଡିଗ୍ରୀ ମହାବିଦ୍ୟାଳୟରେ ଆୟୋଜିତ ବାଳିକା ଆତ୍ମରକ୍ଷା କୌଶଳ ତାଲିମ କାର୍ଯ୍ୟକ୍ରମ ମଙ୍ଗଳବାର ଉଦ୍‌ଯାପିତ ହୋଇଯାଇଛି । 

 ଉକୁନ୍ଦରା ସରପଞ୍ଚଙ୍କ ଘରକୁ ବୋମାମାଡ଼ : ମୁଖ୍ୟ ଅଭିଯୁକ୍ତଙ୍କୁ ଗିରଫ ଦାବିରେ ଥାନା ଘେରାଉ

ଉକୁନ୍ଦରା ସରପଞ୍ଚଙ୍କ ଘରକୁ ବୋମାମାଡ଼ : ମୁଖ୍ୟ ଅଭିଯୁକ୍ତଙ୍କୁ ଗିରଫ ଦାବିରେ ଥାନା ଘେରାଉ

ବିରିଡ଼ି/ବାଲିଆ,୧୯।୩(ଡି.ଏନ.ଏ.): ବିରିଡ଼ି ଥାନା ଅନ୍ତର୍ଗତ ୨୨ ମୌଜା ଉକୁନ୍ଦରା  ପଞ୍ଚାୟତର ସରପଞ୍ଚ ତଥା ବିରିଡ଼ି ବ୍ଲକ ଜୋନ-୨ର କଂଗ୍ରେସ ସଭାପତି ଚନ୍ଦ୍ରଶେଖର ଦାଶଙ୍କ ଘରକୁ ଗତ ଫେବୃୟାରୀ ୨୨ ତାରିଖ ସନ୍ଧ୍ୟାରେ ଦୁର୍ବୃତ୍ତମାନେ ବୋମା ଓ ଗୁଳିମାଡ଼ କରିଥିଲେ। ଏହି ଘଟଣାରେ ଅଦ୍ୟାବଧି ପୋଲିସ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିପାରିନାହିଁ।

ରଣପୁରରୁ ୩୬ ବୋତଲ ବିଦେଶୀ ମଦ ଜବତ, ୨ ଜେଲ୍‌ ଗଲେ

ରଣପୁରରୁ ୩୬ ବୋତଲ ବିଦେଶୀ ମଦ ଜବତ, ୨ ଜେଲ୍‌ ଗଲେ

ରଣପୁର,୧୯ା୩(ସ୍ବ.ପ୍ର.)- ରଣପୁର ଥାନା ଚମ୍ପତିପୁର ଛକରେ ମଙ୍ଗଳବାର ପୋଲିସ ଚଢାଉ କରି ୩୬ ବୋତଲ ବିଦେଶୀ ମଦ ଜବତ କରିବା ସହିତ ସମ୍ପୃକ୍ତ ୨ ଯୁବକଙ୍କୁ ଗିରଫ କରିଛି। ସେମାନେ ହେଲେ ନିରଞ୍ଜନ ପାତ୍ର (୩୪) ଓ ଅଭିମନୁ ସାହୁ (୩୦)।

ଟ୍ରକ୍‌କୁ ପଛରୁ ପିଟିଲା ହାଇଓ୍ବା, ଚାଳକ ଗୁରୁତର

ଟ୍ରକ୍‌କୁ ପଛରୁ ପିଟିଲା ହାଇଓ୍ବା, ଚାଳକ ଗୁରୁତର

ପଟ୍ଟାମୁଣ୍ଡାଇ, ୧୯।୩(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ବାଇପାସ୍‌ ନିକଟରେ ରବିବାର ବିଳମ୍ବିତ ରାତିରେ ଏକ ଦୁର୍ଘଟଣା ଘଟିଛି। ରଡ଼ ବୋଝେଇ ଏକ ୧୦ ଚକିଆ ଟ୍ରକ୍‌କୁ ପଥର ବୋଝେଇ ଏକ ହାଇଓ୍ବା ପଛରୁ ଧକ୍କା ଦେବା ଘରେ ଜଣେ ଗୁରୁତର ଆହତ ହୋଇଛନ୍ତି। ସେ ହେଲେ କଟକ ଜିଲା ଆଠଗଡ଼ ଥାନା ହରିପୁର ଗ୍ରାମର ରସାନନ୍ଦ ଦାସ (୪୮)। 

ପିଚୁକୁଳିରେ ଭାଜପାର ସଂକଳ୍ପ ପଦଯାତ୍ରା

ପିଚୁକୁଳିରେ ଭାଜପାର ସଂକଳ୍ପ ପଦଯାତ୍ରା

ବୋଲଗଡ଼,୧୯ା୩(ଡି.ଏନ.ଏ.)-ସାଧାରାଣ ନିର୍ବାଚନ ପାଇଁ ବିଭିନ୍ନ ସ୍ଥାନରେ ଭାଜପା ପକ୍ଷରୁ ସଂକଳ୍ପ ପଦଯାତ୍ରା ଆୟୋଜିତ ହେଉଛି । ଏହି ଅବସରରେ ଭାଜପା ନେତ୍ରୀ ଅପରାଜିତା ଷଡ଼ଙ୍ଗୀଙ୍କ ନେତୃତ୍ୱରେ ସୋମବାର ବୋଲଗଡ଼ ବ୍ଲକ ପିଚୁକୁଳି ପଞ୍ଚାୟତ ଅଞ୍ଚଳରେ ପଦଯାତ୍ରା ଅନୁଷ୍ଠିତ ହୋଇଯାଇଛି ା 

ଅଗ୍ନିକାଣ୍ଡରେ ଫାଟିଗଲା କୋଠାଘର

ଅଗ୍ନିକାଣ୍ଡରେ ଫାଟିଗଲା କୋଠାଘର

ଡେରାବିଶ,୧୮।୩ (ସ୍ବ.ପ୍ର.)-ଡେରାବିଶ ବ୍ଲକ ଅଧୀନ ରଘୁଦେଇପୁର ପଞ୍ଚାୟତ କଂସାରୀପାଟଣା ଗ୍ରାମରେ ରବିବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଏକ କୋଠାଘର ଫାଟି ଯାଇଛି। ଏଥିସହିତ ଏହି ଘରେ ଥିବା ନଗଦ ୧୫ ହଜାର ଟଙ୍କା ସହ ସମସ୍ତ ଆସବାବ ପତ୍ର ଜଳିଯାଇଛି। 

ଶୁଭୁନି ଘରଚଟିଆଙ୍କ କିଚିରିମିଚିରି

ଶୁଭୁନି ଘରଚଟିଆଙ୍କ କିଚିରିମିଚିରି

ଖଣ୍ଡପଡା,୧୮ା୩(ଅଜୟ କୁମାର ମହାରଣା)- ମଣିଷ ଓ ପଶୁପକ୍ଷୀଙ୍କ ସହାବସ୍ଥାନ ପ୍ରକୃତିର ନିଷ୍ପତ୍ତି। ମାତ୍ର ସ୍ରଷ୍ଟାଙ୍କ ଶ୍ରେଷ୍ଠ ଜୀବ ବୋଲାଉଥିବା ମଣିଷର କ୍ରୁରତାରେ ପଶୁପକ୍ଷୀଙ୍କ ଜୀବନ ଏବେ ବିପନ୍ନ ା ପୂର୍ବରୁ ପଶୁପକ୍ଷୀଙ୍କ ପାଇଁ ମଣିଷ ହୃଦୟରେ ଥିଲା ଜୀବେ ଦୟା ମନୋବୃତ୍ତି।

କେତକୀ ଫୁଲରେ ସଜାହେଲେ ଶ୍ରୀଲଚ୍ଛମନ ଜୀଉ

କେତକୀ ଫୁଲରେ ସଜାହେଲେ ଶ୍ରୀଲଚ୍ଛମନ ଜୀଉ

ଡେରାବିଶ, ୧୮।୩ (ସ୍ବ.ପ୍ର.)-ବିଭିନ୍ନ ପୂଜା, ପର୍ବରେ କେତକୀ ଫୁଲର ଆଦର ସବୁବେଳେ ରହିଆସିଛି। ଜାଗରରେ ଶିବଙ୍କୁ  ଏହି ଫୁଲ ଚଢ଼ାଇଲେ ମାନସିକ ପୁରଣ ହୁଏ ବୋଲି ବିଶ୍ୱାସ ଥିବା ବେଳେ ଫଗୁଣ ମାସ ଦୋଳରେ ବି ଏହି ଫୁଲ ବେଶ ଆବଶ୍ୟକ ପଡ଼ିଥାଏ। 

ସରକାରୀ ନିର୍ଦ୍ଦେଶ ମାନୁ ନାହାନ୍ତି ଶିକ୍ଷକ : ପରୀକ୍ଷା ସରିବା ମାତ୍ରେ ବିଦ୍ୟାଳୟରେ ତାଲା

ନାଉଗଁା,୧୮ା୩(ସ୍ବ.ପ୍ର.): ଦୀର୍ଘଦିନ ହେଲା ଜଗତସିଂହପୁର ଜିଲା ନାଉଗଁାରେ ସ୍ଥାୟୀ ବ୍ଲକ ଶିକ୍ଷା ଅଧିକାରୀ ନ ଥିବାରୁ ଶିକ୍ଷକମାନେ ମନଇଚ୍ଛା କାର୍ଯ୍ୟ କରୁଥିବା ଦେଖିବାକୁ ମିଳୁଛି। 

ବେସରକାରୀ ଜମିରେ ସରକାରୀ ରାସ୍ତା ନିର୍ମାଣ, ଆର୍‌ଡି ଅଫିସ ସମ୍ମୁଖରେ ଧାରଣା

ବେସରକାରୀ ଜମିରେ ସରକାରୀ ରାସ୍ତା ନିର୍ମାଣ, ଆର୍‌ଡି ଅଫିସ ସମ୍ମୁଖରେ ଧାରଣା

ନିଶ୍ଚିନ୍ତକୋଇଲି, (ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଗ୍ରାମ୍ୟଉନ୍ନୟନ ବିଭାଗ ଅଧୀନରେ କଟକ-ଚାନ୍ଦବାଲି ରାସ୍ତାଠାରୁ ଗୋପପୁର ପର୍ଯ୍ୟନ୍ତ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ୨୫୮ ପ୍ୟାକେଜ ପ୍ରକଳ୍ପ ମଞ୍ଜୁରୀ ହୋଇଛି । ଏହି ପ୍ରକଳ୍ପ ପାଇଁ ୧କୋଟି ୮୬ଲକ୍ଷ ବ୍ୟୟବରାଦ କରାଯାଇଛି।


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା