ଉପକୂଳ ଓଡିଶା

ଚାଷୀ ସଙ୍ଗଠନରୁ ପୁଣି ଦୂରେଇଲେ ଦାମ

କୁଜଙ୍ଗ,୬।୩(ସ୍ବ.ପ୍ର.) ବିଜୁ ଜନତା ଦଳର ବରିଷ୍ଠ ନେତା ବିଧାୟକ ଡା. ଦାମୋଦର ରାଉତ ମନ୍ତ୍ରୀମଣ୍ଡଳରୁ ବହିଷ୍କାର ହେବା ପରେ ନିଜ ନିର୍ବାଚନମଣ୍ଡଳି ପାରାଦୀପରେ ଅଧିକ ସମୟ ଦେଉଥିବା ପରିଲକ୍ଷିତ ହେଉଛି। ବିଭିନ୍ନ ପଞ୍ଚାୟତ ଗସ୍ତ କରି ସେ କର୍ମୀମାନଙ୍କୁ ଭେଟୁଛନ୍ତି। ମାତ୍ର ଦୁର୍ଭାଗ୍ୟର କଥା ତୈଳ ବିଶୋଧନାଗାର ପାଇଁ ଜମି ହରାଇଥିବା ୧୭୫୨ ପରିବାରଙ୍କୁ ନ୍ୟାୟ ଦେବା ପାଇଁ ଚାଷୀ ସଂଗଠନର ହାତ ଧରିବାକୁ ସେ ଯେଉଁ ଘୋଷଣା କରିଥିଲେ ଏବେ ସେଥିରୁ ଦୂରେଇ ଯାଇଥିବା ଜଣାପଡିଛି। ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଥିବା ବେଳେ ଜମିହରା ଚାଷୀମାନଙ୍କୁ ବ୍ୟଥିତ କରିଛି। ସୂଚନା ଅନୁଯାୟୀ, ଦାମବାବୁଙ୍କ ନିର୍ବାଚନମଣ୍ଡଳି ଅନ୍ତର୍ଗତ କୁଜଙ୍ଗର ୧୭୫୨ ପରିବାର ପାରାଦୀପ ତୈଳ ବିଶୋଧନାଗାର ପ୍ରକଳ୍ପ ପାଇଁ ଜମି ହରାଇ ହତାଶ ହୋଇଛନ୍ତି। ବିଶୋଧନାଗାର କର୍ତ୍ତୃପକ୍ଷ ସେମାନଙ୍କୁ ଥଇଥାନ ପ୍ରତିଶ୍ରୁତି ଦେଇ ଧୋକା ଦେଇ ଚାଲିଛନ୍ତି। ତେଣୁ ଚାଷୀକୂଳ ପୂର୍ବରୁ ବହୁବାର ଏନେଇ ଦାମବାବୁଙ୍କ ଶରଣ ନେଇ ନ୍ୟାୟ ମାଗିଥିଲେ। ହେଲେ ଦାମବାବୁ ସର୍ବଦା ଚାଷୀ ସଙ୍ଗଠନଠାରୁ ନିଜକୁ ଦୂରେଇ ରଖିଆସୁଥିଲେ। ଫଳରେ ବିଶୋଧନାଗାର କର୍ତ୍ତୃପକ୍ଷଙ୍କ ସହିତ ତାଙ୍କ ସମ୍ପର୍କ ନେଇ ନାନା କଥା ଶୁଣାଯାଉଥିଲା। କିନ୍ତୁ ଦାମବାବୁ ମନ୍ତ୍ରୀପଦରୁ ଯିବା ପରେ ଅଚାନକ ୧୭୫୨ ଜମିହରା ପରିବାରକୁ ସମର୍ଥନ କରି ସଙ୍ଗଠନର ମଙ୍ଗ ଧରିବେ ବୋଲି ଘୋଷଣା କରିଥିଲେ। ଦାମଙ୍କ ସମର୍ଥନ ପାଇ ବିଶୋଧନାଗାରଠାରୁ ନ୍ୟାୟ ପାଇ ଥଇଥାନ ହେବାକୁ ଚାଷୀକୂଳ ଆଶାବାଦୀ ହୋଇପଡିଥିଲେ। ସଙ୍ଗଠନର ଅନ୍ୟ ନେତୃବୃନ୍ଦ ଓ ଦାମଙ୍କ ପାରମ୍ପରିକ ବିରୋଧୀମାନେ ଯଦିଓ ଏହି ପ୍ରସଙ୍ଗକୁ ସମର୍ଥନ କରିଥିଲେ, ତେବେ ସହଜରେ ଗ୍ରହଣ କରିପାରି ନ ଥିଲେ। ଚାଷୀ ସଙ୍ଗଠନ ସହ ଦାମଙ୍କ ସମ୍ପୃକ୍ତି ନେଇ ମାସେ ହେଲା ମନ୍ଥନ ଚାଲିଥିବାବେଳେ ଅଚାନକ ପୁଣି ଦାମବାବୁ ସଂଗଠନଠାରୁ ଦୂରେଇ ଯାଇଥିବା ଜଣାପଡିଛି। ଚାଷୀ ସଂଗଠନର ନେତୃତ୍ୱ ନେଉଥିବା ହୃଷି କେଶନାଥ, ଜିନ୍ମୟୀ ସାହାଣୀ ଓ ସାରଦା ମହାପାତ୍ର କହିଛନ୍ତି ଯେ, ଦାମବାବୁ ବିଶୋଧନାଗାର କର୍ତ୍ତୃପକ୍ଷଙ୍କ ସହିତ ଘନିଷ୍ଠ ସମ୍ପର୍କ ରଖିଛନ୍ତି ଓ ବିଶୋଧନାଗାର ଚାପରେ ଚାଷୀଙ୍କୁ ସହଯୋଗ କରିବାକୁ ପ୍ରତିଶ୍ରୁତି ଦେଇ ପୁଣି ହଟି ଯାଇଛନ୍ତି। ସୂଚନାଯୋଗ୍ୟ, ଦେଶର ବୃହତ୍‌ ପ୍ରକଳ୍ପ ପାରାଦୀପ ତୈଳ ବିଶୋଧନାଗାର ପାଇଁ ଜମି ହରାଇଥିବା ୧୭୫୨ ପରିବାର ଅଦ୍ୟାବଧି ବିଶୋଧନାଗାର କର୍ତ୍ତୃପକ୍ଷଙ୍କଠାରୁ ନିଯୁକ୍ତି ଓ ଥଇଥାନ ହେବାକୁ ୭ଟି ଲିଖିତ ପ୍ରତିଶ୍ରୁତି ପାଇଛନ୍ତି। ସ୍ଥାନୀୟ ବିଧାୟକ ଭାବେ ଦାମବାବୁ ଚାଷୀ ସଙ୍ଗଠନଠାରୁ ଦୂରେଇ ରହୁଥିବାରୁ ଗତ ପଞ୍ଚାୟତ ନିର୍ବାଚନରେ ଏହାର ପ୍ରଭାବ ପଡିଥିଲା। ତାଙ୍କ ଦଳ ଏହି ଅଞ୍ଚଳରୁ ୨ଟି ଜିଲା ପରିଷଦ ସିଟ୍‌ ହରାଇଥିଲା। ମନ୍ତ୍ରୀପଦ ଯିବା ପରେ ଦାମବାବୁ ଚାଷୀଙ୍କୁ ସମର୍ଥନ ଦେବାକୁ ମନ ବଳାଇଛନ୍ତି ବୋଲି କୁଜଙ୍ଗ ବ୍ଲକ ଚେୟାରମ୍ୟାନ୍‌ ସ୍ମୃତିରଞ୍ଜନ ବେହେରା, କୁଜଙ୍ଗ ବିଜେଡି ସଭାପତି ଚିତ୍ତରଞ୍ଜନ ମିଶ୍ର ଚାଷୀ ସଙ୍ଗଠନ ସହିତ ସଭା କରି ଖବରଦାତାଙ୍କୁ ସୂଚନା ଦେଇଥିଲେ। କିନ୍ତୁ ବର୍ତ୍ତମାନ ସ୍ଥିତିରେ ଦାମବାବୁ କେଉଁ କାରଣରୁ ପୁଣି ଚାଷୀ ସଙ୍ଗଠନକୁ ଛାଡିଛନ୍ତି ତାହା ବୁଝାପଡୁନି। ଏହାକୁ ନେଇ ନାନା କଥା ଶୁଣାଯାଉଛି। ଏ ସମ୍ପର୍କରେ ଚାଷୀ ସଙ୍ଗଠନର ଅନ୍ୟତମ ଯୁବନେତା ପ୍ରକାଶ ଚନ୍ଦ୍ର ତ୍ରପାଠୀ କୁହନ୍ତି ଯେ, ଚାଷୀଙ୍କୁ ଦାମବାବୁଙ୍କ ସମର୍ଥନ ଓ ପୁଣି ପ୍ରତ୍ୟାଖ୍ୟାନ ସମସ୍ତଙ୍କୁ ଆଚାର୍ଯ୍ୟ କରିଛି। ତେବେ ଏଥିନେଇ ସଙ୍ଗଠନ ଆଦୌ ବିବ୍ରତ ନୁହେଁ। ଆସନ୍ତା ମାର୍ଚ୍ଚ ୧୫ରେ ସଙ୍ଗଠନର କାର୍ଯ୍ୟକାରିଣୀ ବୈଠକ ସଂଘ ସଭାପତି ନବୀନ ପ୍ରଧାନଙ୍କ ନେତୃତ୍ୱରେ ଅନୁଷ୍ଠିତ ହେବ। ଖୁବ୍‌ଶୀଘ୍ର ବିଶୋଧନାଗାର କର୍ତ୍ତପକ୍ଷଙ୍କଠାରୁ ନାର୍ଯ୍ୟ ଦାବି ହାସଲ ନିମନ୍ତେ ଏକ ବଡ଼ ଆନ୍ଦୋଳନ କରିବୁ। ଏହି ଆନ୍ଦୋଳନ ନିର୍ଣ୍ଣାୟକ ହେବ ବୋଲି ତ୍ରିପାଠୀ ଖବରଦାତାଙ୍କୁ କହିଛନ୍ତି। ଏ ସମ୍ପର୍କରେ କୁଜଙ୍ଗ ବିଜେଡି ସଭାପତି ଚିତ୍ତରଞ୍ଜନ ମିଶ୍ର କହିଛନ୍ତି ସେଭଳି କୌଣସି ନିଷ୍ପତ୍ତି ସମ୍ପର୍କରେ ସେ ଜାଣିନାହାନ୍ତି। ଦାମବାବୁ ଲୋକଙ୍କ ସହ ଅଛନ୍ତି ଓ ଖୁବ୍‌ଶୀଘ୍ର ଚାଷୀଙ୍କ ପାଇଁ ଆଗାମୀ କାର୍ଯ୍ୟପନ୍ଥା ଗ୍ରହଣ କରାଯିବ।
All Right Reserved By

ଉପକୂଳ ଓଡିଶା

ଯାଜପୁର ଲୋକ ସଭା ଆସନ: ଦେଖିବାକୁ ମିଳିପାରେ ନୂଆ ସମୀକରଣ

ଯାଜପୁର ଲୋକ ସଭା ଆସନ: ଦେଖିବାକୁ ମିଳିପାରେ ନୂଆ ସମୀକରଣ

ଯାଜପୁର ଅଫିସ,୨୦ା୩: ଯାଜପୁର ଜିଲାର ୭ ବିଧାନସଭା ନିର୍ବାଚନମଣ୍ଡଳୀ ଯଥା ଯାଜପୁର, ବିଞ୍ଝାରପୁର, ବରୀ, ବଡ଼ଚଣା, ଧର୍ମଶାଳା, କୋରେଇ ଓ ସୁକିନ୍ଦାକୁ ନେଇ ଯାଜପୁର ଲୋକ ସଭା ଆସନ ଗଠିତ। ଅନୁସୂଚିତ ଜାତି ବର୍ଗଙ୍କ ପାଇଁ ସଂରକ୍ଷିତ ଏହି ଆସନରେ ବିଜେଡି, ଭାଜପା ଓ କଂଗ୍ରେସ ପ୍ରାର୍ଥୀ ଦେବା ନିଶ୍ଚିତ। 

କଳକଳେଶ୍ୱରରେ ଘରେ ଘରେ ଶଙ୍ଖ କାର୍ଯ୍ୟକ୍ରମ 

କଳକଳେଶ୍ୱରରେ ଘରେ ଘରେ ଶଙ୍ଖ କାର୍ଯ୍ୟକ୍ରମ 

ଟାଙ୍ଗୀ(ଖୋର୍ଦ୍ଧା),୨୦ା୩(ଡି.ଏନ.ଏ.)-କଳକଳେଶ୍ୱର ପଞ୍ଚାୟତ ସରପଞ୍ଚ ଅସିତ୍‌ କୁମାର ନାଥଙ୍କ ତତ୍ତ୍ୱାବଧାନରେ ବିଜେଡିର ‘ଘରେ ଘରେ ଶଙ୍ଖ’ କାର୍ଯ୍ୟକ୍ରମ ମଙ୍ଗଳବାର ଶୁଭାରମ୍ଭ ହୋଇଛି। 

ବାଳିକା ଆତ୍ମରକ୍ଷା ତାଲିମ କାର୍ଯ୍ୟକ୍ରମ ଉଦ୍‌ଯାପିତ

ବାଳିକା ଆତ୍ମରକ୍ଷା ତାଲିମ କାର୍ଯ୍ୟକ୍ରମ ଉଦ୍‌ଯାପିତ

ବୋଲଗଡ଼,୨୦ା୩(ଡି.ଏନ.ଏ.)-ବୋଲଗଡ଼ ବ୍ଲକ ବାଙ୍କୋଇସ୍ଥିତ କାଳିଚରଣ ପାଞ୍ଚଗଡ ଅନଙ୍ଗ ନରେନ୍ଦ୍ର ଡିଗ୍ରୀ ମହାବିଦ୍ୟାଳୟରେ ଆୟୋଜିତ ବାଳିକା ଆତ୍ମରକ୍ଷା କୌଶଳ ତାଲିମ କାର୍ଯ୍ୟକ୍ରମ ମଙ୍ଗଳବାର ଉଦ୍‌ଯାପିତ ହୋଇଯାଇଛି । 

 ଉକୁନ୍ଦରା ସରପଞ୍ଚଙ୍କ ଘରକୁ ବୋମାମାଡ଼ : ମୁଖ୍ୟ ଅଭିଯୁକ୍ତଙ୍କୁ ଗିରଫ ଦାବିରେ ଥାନା ଘେରାଉ

ଉକୁନ୍ଦରା ସରପଞ୍ଚଙ୍କ ଘରକୁ ବୋମାମାଡ଼ : ମୁଖ୍ୟ ଅଭିଯୁକ୍ତଙ୍କୁ ଗିରଫ ଦାବିରେ ଥାନା ଘେରାଉ

ବିରିଡ଼ି/ବାଲିଆ,୧୯।୩(ଡି.ଏନ.ଏ.): ବିରିଡ଼ି ଥାନା ଅନ୍ତର୍ଗତ ୨୨ ମୌଜା ଉକୁନ୍ଦରା  ପଞ୍ଚାୟତର ସରପଞ୍ଚ ତଥା ବିରିଡ଼ି ବ୍ଲକ ଜୋନ-୨ର କଂଗ୍ରେସ ସଭାପତି ଚନ୍ଦ୍ରଶେଖର ଦାଶଙ୍କ ଘରକୁ ଗତ ଫେବୃୟାରୀ ୨୨ ତାରିଖ ସନ୍ଧ୍ୟାରେ ଦୁର୍ବୃତ୍ତମାନେ ବୋମା ଓ ଗୁଳିମାଡ଼ କରିଥିଲେ। ଏହି ଘଟଣାରେ ଅଦ୍ୟାବଧି ପୋଲିସ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିପାରିନାହିଁ।

ରଣପୁରରୁ ୩୬ ବୋତଲ ବିଦେଶୀ ମଦ ଜବତ, ୨ ଜେଲ୍‌ ଗଲେ

ରଣପୁରରୁ ୩୬ ବୋତଲ ବିଦେଶୀ ମଦ ଜବତ, ୨ ଜେଲ୍‌ ଗଲେ

ରଣପୁର,୧୯ା୩(ସ୍ବ.ପ୍ର.)- ରଣପୁର ଥାନା ଚମ୍ପତିପୁର ଛକରେ ମଙ୍ଗଳବାର ପୋଲିସ ଚଢାଉ କରି ୩୬ ବୋତଲ ବିଦେଶୀ ମଦ ଜବତ କରିବା ସହିତ ସମ୍ପୃକ୍ତ ୨ ଯୁବକଙ୍କୁ ଗିରଫ କରିଛି। ସେମାନେ ହେଲେ ନିରଞ୍ଜନ ପାତ୍ର (୩୪) ଓ ଅଭିମନୁ ସାହୁ (୩୦)।

ଟ୍ରକ୍‌କୁ ପଛରୁ ପିଟିଲା ହାଇଓ୍ବା, ଚାଳକ ଗୁରୁତର

ଟ୍ରକ୍‌କୁ ପଛରୁ ପିଟିଲା ହାଇଓ୍ବା, ଚାଳକ ଗୁରୁତର

ପଟ୍ଟାମୁଣ୍ଡାଇ, ୧୯।୩(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ବାଇପାସ୍‌ ନିକଟରେ ରବିବାର ବିଳମ୍ବିତ ରାତିରେ ଏକ ଦୁର୍ଘଟଣା ଘଟିଛି। ରଡ଼ ବୋଝେଇ ଏକ ୧୦ ଚକିଆ ଟ୍ରକ୍‌କୁ ପଥର ବୋଝେଇ ଏକ ହାଇଓ୍ବା ପଛରୁ ଧକ୍କା ଦେବା ଘରେ ଜଣେ ଗୁରୁତର ଆହତ ହୋଇଛନ୍ତି। ସେ ହେଲେ କଟକ ଜିଲା ଆଠଗଡ଼ ଥାନା ହରିପୁର ଗ୍ରାମର ରସାନନ୍ଦ ଦାସ (୪୮)। 

ପିଚୁକୁଳିରେ ଭାଜପାର ସଂକଳ୍ପ ପଦଯାତ୍ରା

ପିଚୁକୁଳିରେ ଭାଜପାର ସଂକଳ୍ପ ପଦଯାତ୍ରା

ବୋଲଗଡ଼,୧୯ା୩(ଡି.ଏନ.ଏ.)-ସାଧାରାଣ ନିର୍ବାଚନ ପାଇଁ ବିଭିନ୍ନ ସ୍ଥାନରେ ଭାଜପା ପକ୍ଷରୁ ସଂକଳ୍ପ ପଦଯାତ୍ରା ଆୟୋଜିତ ହେଉଛି । ଏହି ଅବସରରେ ଭାଜପା ନେତ୍ରୀ ଅପରାଜିତା ଷଡ଼ଙ୍ଗୀଙ୍କ ନେତୃତ୍ୱରେ ସୋମବାର ବୋଲଗଡ଼ ବ୍ଲକ ପିଚୁକୁଳି ପଞ୍ଚାୟତ ଅଞ୍ଚଳରେ ପଦଯାତ୍ରା ଅନୁଷ୍ଠିତ ହୋଇଯାଇଛି ା 

ଅଗ୍ନିକାଣ୍ଡରେ ଫାଟିଗଲା କୋଠାଘର

ଅଗ୍ନିକାଣ୍ଡରେ ଫାଟିଗଲା କୋଠାଘର

ଡେରାବିଶ,୧୮।୩ (ସ୍ବ.ପ୍ର.)-ଡେରାବିଶ ବ୍ଲକ ଅଧୀନ ରଘୁଦେଇପୁର ପଞ୍ଚାୟତ କଂସାରୀପାଟଣା ଗ୍ରାମରେ ରବିବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଏକ କୋଠାଘର ଫାଟି ଯାଇଛି। ଏଥିସହିତ ଏହି ଘରେ ଥିବା ନଗଦ ୧୫ ହଜାର ଟଙ୍କା ସହ ସମସ୍ତ ଆସବାବ ପତ୍ର ଜଳିଯାଇଛି। 

ଶୁଭୁନି ଘରଚଟିଆଙ୍କ କିଚିରିମିଚିରି

ଶୁଭୁନି ଘରଚଟିଆଙ୍କ କିଚିରିମିଚିରି

ଖଣ୍ଡପଡା,୧୮ା୩(ଅଜୟ କୁମାର ମହାରଣା)- ମଣିଷ ଓ ପଶୁପକ୍ଷୀଙ୍କ ସହାବସ୍ଥାନ ପ୍ରକୃତିର ନିଷ୍ପତ୍ତି। ମାତ୍ର ସ୍ରଷ୍ଟାଙ୍କ ଶ୍ରେଷ୍ଠ ଜୀବ ବୋଲାଉଥିବା ମଣିଷର କ୍ରୁରତାରେ ପଶୁପକ୍ଷୀଙ୍କ ଜୀବନ ଏବେ ବିପନ୍ନ ା ପୂର୍ବରୁ ପଶୁପକ୍ଷୀଙ୍କ ପାଇଁ ମଣିଷ ହୃଦୟରେ ଥିଲା ଜୀବେ ଦୟା ମନୋବୃତ୍ତି।

କେତକୀ ଫୁଲରେ ସଜାହେଲେ ଶ୍ରୀଲଚ୍ଛମନ ଜୀଉ

କେତକୀ ଫୁଲରେ ସଜାହେଲେ ଶ୍ରୀଲଚ୍ଛମନ ଜୀଉ

ଡେରାବିଶ, ୧୮।୩ (ସ୍ବ.ପ୍ର.)-ବିଭିନ୍ନ ପୂଜା, ପର୍ବରେ କେତକୀ ଫୁଲର ଆଦର ସବୁବେଳେ ରହିଆସିଛି। ଜାଗରରେ ଶିବଙ୍କୁ  ଏହି ଫୁଲ ଚଢ଼ାଇଲେ ମାନସିକ ପୁରଣ ହୁଏ ବୋଲି ବିଶ୍ୱାସ ଥିବା ବେଳେ ଫଗୁଣ ମାସ ଦୋଳରେ ବି ଏହି ଫୁଲ ବେଶ ଆବଶ୍ୟକ ପଡ଼ିଥାଏ। 

ସରକାରୀ ନିର୍ଦ୍ଦେଶ ମାନୁ ନାହାନ୍ତି ଶିକ୍ଷକ : ପରୀକ୍ଷା ସରିବା ମାତ୍ରେ ବିଦ୍ୟାଳୟରେ ତାଲା

ନାଉଗଁା,୧୮ା୩(ସ୍ବ.ପ୍ର.): ଦୀର୍ଘଦିନ ହେଲା ଜଗତସିଂହପୁର ଜିଲା ନାଉଗଁାରେ ସ୍ଥାୟୀ ବ୍ଲକ ଶିକ୍ଷା ଅଧିକାରୀ ନ ଥିବାରୁ ଶିକ୍ଷକମାନେ ମନଇଚ୍ଛା କାର୍ଯ୍ୟ କରୁଥିବା ଦେଖିବାକୁ ମିଳୁଛି। 

ବେସରକାରୀ ଜମିରେ ସରକାରୀ ରାସ୍ତା ନିର୍ମାଣ, ଆର୍‌ଡି ଅଫିସ ସମ୍ମୁଖରେ ଧାରଣା

ବେସରକାରୀ ଜମିରେ ସରକାରୀ ରାସ୍ତା ନିର୍ମାଣ, ଆର୍‌ଡି ଅଫିସ ସମ୍ମୁଖରେ ଧାରଣା

ନିଶ୍ଚିନ୍ତକୋଇଲି, (ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଗ୍ରାମ୍ୟଉନ୍ନୟନ ବିଭାଗ ଅଧୀନରେ କଟକ-ଚାନ୍ଦବାଲି ରାସ୍ତାଠାରୁ ଗୋପପୁର ପର୍ଯ୍ୟନ୍ତ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ୨୫୮ ପ୍ୟାକେଜ ପ୍ରକଳ୍ପ ମଞ୍ଜୁରୀ ହୋଇଛି । ଏହି ପ୍ରକଳ୍ପ ପାଇଁ ୧କୋଟି ୮୬ଲକ୍ଷ ବ୍ୟୟବରାଦ କରାଯାଇଛି।


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା