ଖେଳ |

ଦୂତୀ ଦ୍ରୁତତମ ଧାବିକା

ଦୂତୀ ଦ୍ରୁତତମ ଧାବିକା

ଭୁବନେଶ୍ୱର, ୬।୩(କ୍ରୀଡ଼ା ପ୍ରତିନିଧି)- ଭାରତରେ ଓଡ଼ିଶାର ସ୍ପ୍ରିଣ୍ଟ କୁଇନ ଦୂତୀ ଚାନ୍ଦଙ୍କ ଆଧିପତ୍ୟ ଅବ୍ୟାହତ ରହିଛି। ପଟିଆଲାରେ ଚାଲିଥିବା ଫେଡେରେଶନ କପ୍‌ ଆଥଲେଟିକ୍ସ ଚାମ୍ପିୟନଶିପ୍‌ର ମହିଳା ୧୦୦ ମିଟର ରେସ୍‌ରେ ଦୂତୀ ଭାରତର ଅନ୍ୟ ସମସ୍ତ ନାମୀ ଆଥଲେଟ୍‌ଙ୍କୁ ପଛରେ ପକାଇ ସ୍ବର୍ଣ୍ଣ ପଦକ ହାସଲ କରିଛନ୍ତି। ଏହି ଇଭେଣ୍ଟରେ ଭାରତର ଅନ୍ୟ କୌଣସି ପ୍ରତିଯୋଗୀ ଦୂତୀଙ୍କୁ ଚ୍ୟାଲେଞ୍ଜ ଦେଇ ପାରି ନ ଥିଲେ। ଜାତୀୟ ରେକର୍ଡଧାରିଣୀ ଦୂତୀ ୧୧.୬୦ ସେକେଣ୍ଡ ସମୟ ନେଇ ପ୍ରତିଯୋଗିତାର ଦ୍ରୁତତମ ଧାବିକା ବିବେଚିତ ହୋଇଥିଲେ। କର୍ନାଟକର ପ୍ରଜ୍ଞା ପ୍ରକାଶ ଦ୍ୱିତୀୟ ସ୍ଥାନ ହାସଲ କରିଥିଲେ ହେଁ ରେସ୍‌ ଫିନିଶ୍‌ କରିବା ପାଇଁ ୧୧.୮୧ ସେକେଣ୍ଡ ସମୟ ନେଇଥିଲେ। ରାଜସ୍ଥାନର ହିନା ୧୧.୮୩ ସେକେଣ୍ଡ ସହ ବ୍ରୋଞ୍ଜ ପଦକ ପାଇଛନ୍ତି। ଏହି ତିନିଜଣଙ୍କୁ ଛାଡ଼ିଦେଲେ ଅନ୍ୟ କୌଣସି ପ୍ରତିଯୋଗୀ ୧୨ ସେକେଣ୍ଡ ମଧ୍ୟରେ ରେସ୍‌ ପୂରଣ କରିପାରି ନ ଥିଲେ। ଦୂତୀ ହିଟ୍‌ରେ ୧୧.୭୦ ଓ ସେମିଫାଇନାଲରେ ୧୧.୫୬ ସେକେଣ୍ଡ ସମୟ ନେଇଥିଲେ। ନିଜର ଏହି ସଫଳତା ପାଇଁ ସେ ଦ୍ରୋଣାଚାର୍ଯ୍ୟ ପୁରସ୍କାରପ୍ରାପ୍ତ କୋଚ୍‌ ନାଗାପୁରୀ ରମେଶ, ପୁଲେଲା ଗୋପିଚାନ୍ଦ ମିତ୍ରା ଫାଉଣ୍ଡେଶନ, କିଟ୍‌ ଓ କିସ୍‌ର ପ୍ରତିଷ୍ଠାତା ଅଚ୍ୟୁତ ସାମନ୍ତ ଓ ଓଡ଼ିଶା ସରକାରଙ୍କୁ ଶ୍ରେୟ ଦେଇଛନ୍ତି। ସ୍ବର୍ଣ୍ଣ ପଦକ ପାଇଥିଲେ ହେଁ ଦୂତୀ ରାଜ୍ୟଗୋଷ୍ଠୀ କ୍ରୀଡ଼ା ପାଇଁ ଯୋଗ୍ୟତା ଟାଇମିଂ(୧୧.୧୫) ହାସଲ କରିପାରି ନାହାନ୍ତି। ତାଙ୍କର କ୍ୟାରିୟର ଶ୍ରେଷ୍ଠ ଟାଇମିଂ ହେଉଛି ୧୧.୩୦ ସେକେଣ୍ଡ। ମଙ୍ଗଳବାର ଅନ୍ୟ ୨ଟି ବିଭାଗର ଫାଇନାଲ ହୋଇଥିଲେ ହେଁ ଅମିୟ ମଲିକ ଓ ଜଉନା ମୁର୍ମୁ ନିରାଶ କରିଛନ୍ତି। ପୁରୁଷ ୧୦୦ ମିଟର ରେସ୍‌ରେ ଅମିୟ ୧୦.୭୦ ସେକେଣ୍ଡ ସମୟ ନେଇ ୫ମ ସ୍ଥାନରେ ସନ୍ତୁଷ୍ଟ ହୋଇଛନ୍ତି। ତାମିଲନାଡ଼ୁର ଶିବା କୁମାର ୧୦.୪୩ ସେକେଣ୍ଡ ସହ ସ୍ବର୍ଣ୍ଣ ପଦକ ପାଇଛନ୍ତି। ସେହିପରି ମହିଳା ୪୦୦ ମିଟରରେ ଜଉନା ମଧ୍ୟ ୫୩.୬୬ ସେକେଣ୍ଡ ସମୟ ନେଇ ୫ମ ସ୍ଥାନ ପାଇଛନ୍ତି। ଏହି ଇଭେଣ୍ଟରେ ଆସାମର ହିମା ଦାସ ୫୧.୯୭ ସେକେଣ୍ଡ ସମୟ ସହ ସ୍ବର୍ଣ୍ଣ ପଦକ ହାସଲ କରିଛନ୍ତି।

All Right Reserved By

ଖେଳ |

ଉଲାବତାର କପ୍‌ ବକ୍ସିଂ: ପଦକ ନିଶ୍ଚିତ କଲେ ଭାନଲିମ୍‌ପୁଆ ଓ ଇତାଶ

ନୂଆଦିଲ୍ଲୀ,୨୨।୬(ପି.ଟି.)- ମଙ୍ଗୋଲିଆଠାରେ ଚାଲିଥିବା ଉଲାବତାର କପ୍‌ ବକ୍ସିଂ ଟୁର୍ନାମେଣ୍ଟରେ ଭାରତୀୟ ବକ୍ସର ଭାନଲିମ୍‌ପୁଆ (୭୫ କିଗ୍ରା) ଓ ଇତାଶ ଖାଁ (୫୬ କିଗ୍ରା) ନିଜ ନିଜ ବର୍ଗରେ ସେମିଫାଇନାଲରେ ପ୍ରବେଶ କରିଛନ୍ତି।

ଦୋଷ ସ୍ବୀକାର କଲା ଶ୍ରୀଲଙ୍କା

ଦୋଷ ସ୍ବୀକାର କଲା ଶ୍ରୀଲଙ୍କା

ଦୁବାଇ,୨୨।୬(ପି.ଟି.)- ଶ୍ରୀଲଙ୍କା ଦଳର କୋଚ୍‌ ଚନ୍ଦିକା ହାଥୁରୁସିଂଘା, ମ୍ୟାନେଜର ଆଶାଙ୍କା ଗୁରୁସିଂଘା ଓ ଅଧିନାୟକ ଦୀନେଶ ଚାଣ୍ଡିମାଲ ଓ୍ବେଷ୍ଟଇଣ୍ଡିଜ୍‌ ବିପକ୍ଷ ୨ୟ କ୍ରିକେଟ ଟେଷ୍ଟର ୩ୟ ଦିନରେ ଫିଲ୍ଡକୁ ନ ଓହ୍ଲାଇ ଭୁଲ କରିଛନ୍ତି। ଶ୍ରୀଲଙ୍କା ମ୍ୟାନେଜମେଣ୍ଟ ଏ ନେଇ ଦୋଷ ସ୍ବୀକାର କରିଛି।

ଫିଫା ବିଶ୍ୱକପ୍‌: କ୍ଷମା ପ୍ରାର୍ଥନା କଲେ ଅସଦାଚରଣକାରୀ

ଫିଫା ବିଶ୍ୱକପ୍‌: କ୍ଷମା ପ୍ରାର୍ଥନା କଲେ ଅସଦାଚରଣକାରୀ

ବର୍ଲିନ,୨୨।୬(ଏଏଫ୍‌ପି)- ଜର୍ମାନୀ ବୈଦ୍ୟୁତିକ ଗଣମାଧ୍ୟମ ପ୍ରତିନିଧିଙ୍କୁ ଫିଫା ବିଶ୍ୱକପ୍‌ରେ ଅସଦାଚରଣ କରିଥିବା ରୁଷୀୟ ଫୁଟ୍‌ବଲ ପ୍ରଶଂସକ କ୍ଷମାପ୍ରାର୍ଥନା କରିଛନ୍ତି। ” ମୁଁ ମୋ କାର୍ଯ୍ୟ ପାଇଁ ଗଭୀର ଭାବେ ଦୁଃଖିତ ଏବଂ କ୍ଷମାପ୍ରାର୍ଥନା କରୁଛି। ମୋ ଦାୟିତ୍ୱହୀନ କାରଣରୁ ତୁମେ ବିଚଳିତ ଓ ଲଜ୍ଜିତ ହେଲ“ ବୋଲି ଉକ୍ତ ପ୍ରଶଂସକ ନିଜ ନାମକୁ ଉହ୍ୟ ରଖି କହିଛନ୍ତି।

ରାହୁଲଙ୍କ ସହ ଡିନର୍‌ରେ ଯାଇଥିଲେ ନିଧି

ରାହୁଲଙ୍କ ସହ ଡିନର୍‌ରେ ଯାଇଥିଲେ ନିଧି

ବମ୍ବେ,୨୨।୬- ବଲିଉଡ ଅଭିନେତ୍ରୀ ନିଧି ଅଗ୍ରଓ୍ବାଲଙ୍କୁ ନିକଟରେ ଭାରତୀୟ କ୍ରିକେଟର କେ. ଏଲ. ରାହୁଲଙ୍କ ସହ ବମ୍ବେର ଏକ ରେଷ୍ଟୁରାଣ୍ଟ ଦେଖିବାକୁ ମିଳିଥିଲା। ଏ ନେଇ ନିଧି ଶୁକ୍ରବାର ମୁହଁ ଖୋଲିଛନ୍ତି। ସେ ରାହୁଲଙ୍କ ସହ ରାତ୍ରି ଭୋଜନ କରିବା ପାଇଁ ଉକ୍ତ ରେଷ୍ଟୁରାଣ୍ଟକୁ ଯାଇଥିଲେ।

କେରଳର ଆର୍ଜେଣ୍ଟିନା ପ୍ରଶଂସକ ନିଖୋଜ

କେରଳର ଆର୍ଜେଣ୍ଟିନା ପ୍ରଶଂସକ ନିଖୋଜ

କୋଟ୍ଟାୟାମ,୨୨।୬- ଆର୍ଜେଣ୍ଟିନା ଦଳର ଜଣେ ପ୍ରଶଂସକ ଚଳିତ ଫିଫା ବିଶ୍ୱକପ୍‌ର ଅନ୍ୟତମ ଫେଭରାଇଟ ଦଳ ଗୁରୁବାର ବୃହତ ପରାଜୟ ବରଣ କରିବା ପରେ ନିଖୋଜ ହୋଇଯାଇଛନ୍ତି। ତାଙ୍କ ଘରୁ ସୁଇସାଇଡ ନୋଟ୍‌ ମିଳିଛି।

‘ଓ୍ବାର୍ନର, ସ୍ମିଥ ସିଧାସଳଖ ବିଶ୍ୱକପ୍‌ ଖେଳିବେ’

‘ଓ୍ବାର୍ନର, ସ୍ମିଥ ସିଧାସଳଖ ବିଶ୍ୱକପ୍‌ ଖେଳିବେ’

ମେଲବର୍ନ,୨୨।୬- ଅନ୍ତର୍ଜାତୀୟ କ୍ରିକେଟରୁ ଏକ ବର୍ଷ ପାଇଁ ବାସନ୍ଦ ହୋଇଥିବା ଡେଭିଡ ଓ୍ବାର୍ନର ଓ ଷ୍ଟିଭ ସ୍ମିଥ ସିଧାସଳଖ ବିଶ୍ୱକପ୍‌ରେ ଅଷ୍ଟ୍ରେଲିଆ ଦଳର ପ୍ରତିନିଧିତ୍ୱ କରିପାରିବେ, ଯଦି ସେମାନଙ୍କ ବାସନ୍ଦାଦେଶ ସନ୍ତୋଷଜନକ ରହେ। ଏଭଳି ମନ୍ତବ୍ୟ ଦେଇଛନ୍ତି ପୂର୍ବତନ ଅଷ୍ଟ୍ରେଲିଆ ଖେଳାଳି ମାଇକେଲ ହସି।

ବିନୋଦ ରାୟ ସତ କହୁ ନାହାନ୍ତି- ଅମିତାଭ ଚୌଧାରୀ

ବମ୍ବେ,୨୨।୬- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ସମ୍ପାଦକ ଅମିତାଭ ଚୌଧାରୀ ଓ ବିସିସିଆଇ ପରିଚାଳନା ପାଇଁ ସୁପ୍ରିମକୋର୍ଟଙ୍କ ଦ୍ୱାରା ଗଠିତ ସିଓଏ କମିଟିର ସଦସ୍ୟମାନଙ୍କ ମଧ୍ୟରେ ଚାଲିଥିବା ବିବାଦ ଜାରି ରହିଛି। ଗୋଟିଏ ପକ୍ଷରେ ବିସିସିଆଇ ସମ୍ପାଦକ ଚୌଧାରୀ ଖେଳାଳିଙ୍କ ଦରମା, ଆଣ୍ଟି କରପଶନ ୟୁନିଟ (ଏସିୟୁ) ମୁଖ୍ୟଙ୍କ ନିଯୁକ୍ତି ଓ ଦିବାରାତ୍ର ଟେଷ୍ଟ ଆଦି ସମ୍ପର୍କରେ ଆଲୋଚନା ପାଇଁ ସହଯୋଗ କରୁ ନ ଥିବା ସିଓଏ ମୁଖ୍ୟ ବିନୋଦ ରାଇ ଅଭିଯୋଗ କରିଛନ୍ତି।

ହାର୍ଦ୍ଦିକ ପାଣ୍ଡ୍ୟାଙ୍କୁ ମିଳିଲା ସ୍ବତନ୍ତ୍ର ଉପହାର

ହାର୍ଦ୍ଦିକ ପାଣ୍ଡ୍ୟାଙ୍କୁ ମିଳିଲା ସ୍ବତନ୍ତ୍ର ଉପହାର

ବମ୍ବେ,୨୨।୬- ଭାରତୀୟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଜଣେ ଭଲ ଫୁଟ୍‌ବଲ ଖେଳାଳି। ପ୍ରାୟତଃ ସେ ଭାରତୀୟ ଦଳର ଅନ୍ୟ ସଦସ୍ୟଙ୍କ ସହ ମ୍ୟାଚ୍‌ ପୂର୍ବରୁ ଫୁଟ୍‌ବଲ ଖେଳନ୍ତି। ଫୁଟ୍‌ବଲ ପ୍ରତି ଥିବା ଭଲ ପାଇବ ପାଇଁ ତାଙ୍କୁ ସ୍ବତନ୍ତ୍ର ଉପହାର ମିଳିଛି। ତାଙ୍କ ଫେଭରାଇଟ ଫୁଟ୍‌ବଲ କ୍ଲବ ମାଞ୍ଚେଷ୍ଟର ୟୁନାଇଟେଡ୍‌ ପକ୍ଷରୁ ହସ୍ତାକ୍ଷର ଥିବା ଜର୍ସି ଭେଟି ସ୍ବରୂପ ପ୍ରଦାନ କରାଯାଇଛି।

କ୍ୟାରିୟର ୭୯୯ତମ ମ୍ୟାଚ୍‌ ଜିତିଲେ ଜୋକୋଭିଚ୍‌

କ୍ୟାରିୟର ୭୯୯ତମ ମ୍ୟାଚ୍‌ ଜିତିଲେ ଜୋକୋଭିଚ୍‌

ଲଣ୍ଡନ, ୨୨।୬(ଏଏଫ୍‌ପି)- ସର୍ବିୟା ତାରକା ନୋଭାକ ଜୋକୋଭିଚ୍‌ ଏଠାରେ ଚାଲିଥିବା କୁଇନ୍ସ କ୍ଲବ ଚାମ୍ପିୟନଶିପ୍‌ ପ୍ରତିଯୋଗିତାର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଗୁରୁବାର ଅନୁଷ୍ଠିତ ପୁରୁଷ ସିଙ୍ଗଲ୍ସର ଏକ ମ୍ୟାଚ୍‌ରେ ଜୋକୋଭିଚ୍‌ ୬-୪, ୬-୧ ସିଧାସଳଖ ସେଟ୍‌ରେ ଗ୍ରିଗୋର ଡିମିତ୍ରୋଭାଙ୍କୁ ପରାସ୍ତ କରିଛନ୍ତି। ଏହି ମ୍ୟାଚ୍‌ ଜିତିବାକୁ ଜୋକୋଭିଚ୍‌ଙ୍କୁ ୬୫ ମିନିଟ୍‌ ସମୟ ଲାଗିଥିଲା। ଏଥିସହ ବିଜୟ ସହ ୩୧ ବର୍ଷୀୟ ଜୋକୋଭିଚ୍‌ କ୍ୟାରିୟରର ୭୯୯ତମ ମ୍ୟାଚ୍‌ ଜିତିଛନ୍ତି। ଆଡ୍ରିଆନ ମାନାରିଓନ ଓ ଜୁଲିଏନ ବେନେଟ୍‌ଏୟୁଙ୍କ ମଧ୍ୟରେ ହେବାକୁ ଥିବା ଅନ୍ୟ ଏକ ପ୍ରି-କ୍ୱାର୍ଟର ଫାଇନାଲର ବିଜୋତ ଅନ୍ତିମ-୮ ମୁକାବିଲାରେ ଜୋକୋଭିଚ୍‌ଙ୍କୁ ଭେଟିବ। ଯଦି କ୍ୱାର୍ଟର ଫାଇନାଲରେ ଜୋକୋଭିଚ୍‌ ବିଜୟ ହାସଲ କରନ୍ତି ତେବେ ଓପନ୍‌ ଏରା ଇତିହାସରେ ୧୦ମ ଖେଳାଳି ଭାବେ ୮୦୦ ମ୍ୟାଚ୍‌ ଜିତିବାର ସୌଭାଗ୍ୟ ଲାଭ କରିବେ।

ପ୍ରି- କ୍ୱାର୍ଟରରେ ଫ୍ରାନ୍ସ, ପେରୁ ବିଦା

ପ୍ରି- କ୍ୱାର୍ଟରରେ ଫ୍ରାନ୍ସ, ପେରୁ ବିଦା

ଏକାଟେରିନବର୍ଗ, ୨୨।୬(ଏଏଫପି) - ୧୯୯୮ ଚାମ୍ପିୟନ ଫ୍ରାନ୍ସ ଏଥର ରୁଷିଆରେ ଚାଲିଥିବା ଫିଫା ବିଶ୍ୱକପ୍‌ର ୨୧ତମ ସଂସ୍କରଣରେ ପ୍ରି- କ୍ୱାର୍ଟର ଫାଇନାଲରେ ପ୍ରବେଶ କରିଛି। ଗ୍ରୁପ୍‌ ପର୍ଯ୍ୟାୟରେ କ୍ରମାଗତ ଦୁଇଟି ବିଜୟ ହାସଲ କରି ବିଶ୍ୱକପର ଅନ୍ୟତମ ଫେଭରାଇଟ ଫ୍ରାନ୍ସ ଏହି ସଫଳତା ହାସଲ କରିଛି। ପ୍ରଥମ ମ୍ୟାଚରେ ଅଷ୍ଟ୍ରେଲିଆକୁ ୨-୧ ଗୋଲରେ ଓ ଗୁରୁବାର ଦ୍ୱିତୀୟ ମ୍ୟାଚରେ ପେରୁକୁ ୧-୦ ଗୋଲରେ ପରାସ୍ତ କରି ଫ୍ରାନ୍ସ ନକ୍‌ ଆଉଟ ପର୍ଯ୍ୟାୟରେ ପ୍ରବେଶ କରିଛି। ସ୍ଥାନୀୟ ଏକାଟେରିନବର୍ଗ ଏରିନାରେ ଅନୁଷ୍ଠିତ ସଂଘର୍ଷପୂର୍ଣ୍ଣ ଗ୍ରୁପ୍‌ ସି’ ମୁକାବିଲାରେ ବିଜୟୀ ହେବା ପାଇଁ ଫ୍ରାନ୍ସକୁ ବେଶ୍‌ କଷ୍ଟ କରିବାକୁ ପଡିଥିଲା।

ଅଷ୍ଟ୍ରେଲିଆ- ଡେନମାର୍କ ମ୍ୟାଚ୍‌ ଡ୍ର

ଅଷ୍ଟ୍ରେଲିଆ- ଡେନମାର୍କ ମ୍ୟାଚ୍‌ ଡ୍ର

ସମରା, ୨୨।୬(ଏଏଫ୍‌ପି)- ସ୍କାଣ୍ଡିନୋଭିଆନ ଦେଶ୍‌ ଡେନମାର୍କ ଗ୍ରୁପ୍‌ ସି’ରେ ଦମ୍‌ଦାର ପ୍ରଦର୍ଶନ କରିଛି। ପ୍ରଥମ ମ୍ୟାଚରେ ଦକ୍ଷିଣ ଆମେରିକାର ପେରୁକୁ ୧-୦ ଗୋଲରେ ହରାଇବା ପରେ ଡେନ୍‌ମାର୍କ ଗୁରୁବାର ଅନୁଷ୍ଠିତ ଗ୍ରୁପ୍‌ ପର୍ଯ୍ୟାୟ ଦ୍ୱିତୀୟ ରାଉଣ୍ଡ ମ୍ୟାଚ୍‌ରେ ଅଷ୍ଟ୍ରେଲିଆକୁ ଭେଟିଥିଲା। ତେବେ ଏହି ମୁକାବିଲା ୧-୧ ଗୋଲରେ ଅମୀମାଂସିତ ରହିଛି। ଫଳରେ ମୋଟ ୪ ପଏଣ୍ଟ ହାସଲ କରି ଡେନମାର୍କ ଫ୍ରାନ୍ସକୁ ହଟାଇ ଗ୍ରୁପ୍‌ ସି’ର ଶୀର୍ଷକୁ ଉଠିଛି। ମଙ୍ଗଳବାର ଖେଳାଯିବାକୁ ଥିବା ଗ୍ରୁପ୍‌ ପର୍ଯ୍ୟାୟର ତୃତୀୟ ମ୍ୟାଚ୍‌ରେ ଡେନ୍‌ମାର୍କ ଓ ପ୍ରାନ୍ସ ମୁହଁାମୁହିଁ ହେବେ।

ଆର୍ଜେଣ୍ଟିନାକୁ ଚକ୍‌ମା ଦେଖାଇଲା କ୍ରୋଏସିଆ

ଆର୍ଜେଣ୍ଟିନାକୁ ଚକ୍‌ମା ଦେଖାଇଲା କ୍ରୋଏସିଆ

ନିଝନି ନୋଭୋଗୋରୋଡ, ୨୨।୬(ଏଏଫପି)- ଦୁଇଥର ବିଶ୍ୱଚାମ୍ପିୟନ ହେବାର ଗୌରବ ଅର୍ଜନ କରିଥିବା ଲିଓନେଲ ମେସିଙ୍କ ନେତୃତ୍ୱାଧୀନ ଆର୍ଜେଣ୍ଟିନା ପୁଣି ଥରେ ସାଂଘାତିକ ବିଫଳତାର ସମ୍ମୁଖୀନ ହୋଇଛି। ଗୁରୁବାର ଅନୁଷ୍ଠିତ ଗ୍ରୁପ୍‌-ଡି ମ୍ୟାଚରେ କ୍ରୋଏସିଆ ୩-୦ ଗୋଲରେ ଆର୍ଜେଣ୍ଟିନାକୁ ହରାଇ ପ୍ରି କ୍ୱାର୍ଟର ଫାଇନାଲରେ ପ୍ରବେଶ କରିଛି। କ୍ରମାଗତ ଦୁଇଟି ବିଜୟ ହାସଲ କରି କ୍ରୋଏସିଆ ଏହି ସଫଳତା ଅର୍ଜନ କରିଛି। ଅନ୍ୟପଟେ ପ୍ରଥମ ମ୍ୟାଚ ଡ୍ର ରଖିଥିବା ଆର୍ଜେଣ୍ଟିନା ପାଇଁ ଏହି ପରାଜୟ ମହଙ୍ଗା ସାବ୍ୟସ୍ତ ହୋଇଛି। କ୍ରୋଏସିଆ ତରଫରୁ ୫୩ତମ ମିନିଟରେ ଆଣ୍ଟେ ରେବିକ୍‌, ୮୦ତମ ମିନିଟ ଲୁକା ମୋଡ୍ରିକ ଓ ଶେଷରେ ଇଞ୍ଜୁରୀ ଟାଇମ୍‌ରେ ଇଭାନ ରାକଟିକ ଗୋଲ ଦେଇ ଦଳକୁ ବିଜୟୀ କରାଇଥିଲେ। ପରାଜୟ ସହ ଆର୍ଜେଣ୍ଟିନା ପାଇଁ ନକଆଉଟ୍‌କୁ ଉଠିବାର କ୍ଷୀଣ ଆଶା ରହିଛି।

Model This Week

ପ୍ରଭାତ