ଖେଳ |

ଟି୨୦ ତ୍ରିରାଷ୍ଟ୍ରୀୟ: ପ୍ରଥମ ମ୍ୟାଚରେ ଭାରତ ପରାସ୍ତ

ଟି୨୦ ତ୍ରିରାଷ୍ଟ୍ରୀୟ: ପ୍ରଥମ ମ୍ୟାଚରେ ଭାରତ ପରାସ୍ତ
କଲମ୍ବୋ, ୬।୩(ପି.ଟି.)- ଧାଓ୍ବନ ଧମାକା ସତ୍ତ୍ୱେ ତ୍ରିରାଷ୍ଟ୍ରୀୟ ଟି୨୦ କପ୍‌ ନିଦାହାସ ଟ୍ରଫିର ପ୍ରଥମ ମ୍ୟାଚରେ ଭାରତ ଝୁଣ୍ଟିଛି। ମଙ୍ଗଳବାର ଅନୁଷ୍ଠିତ ମ୍ୟାଚରେ ରୋହିତ ଶର୍ମାଙ୍କ ନେତୃତ୍ୱାଧୀନ ଟିମ୍‌ ଇଣ୍ଡିଆ ୫ ଉଇକେଟରେ ଆୟୋଜକ ଶ୍ରୀଲଙ୍କାଠାରୁ ହାରି ଯାଇଛି। ଭାରତ ପକ୍ଷରୁ ଧାର୍ଯ୍ୟ ୧୭୫ ରନ ବିଜୟ ଲକ୍ଷ୍ୟକୁ ଶ୍ରୀଲଙ୍କା ୧୮.୩ ଓଭରରେ ୫ ଉଇକେଟ ହରାଇ ହାସଲ କରି ନେଇଥିଲା। ଫଳରେ ମ୍ୟାଚରୁ ଶ୍ରୀଲଙ୍କାକୁ ୨ ପଏଣ୍ଟ ମିଳିଛି। ଶ୍ରୀଲଙ୍କା ୧୨ ରନରେ ଓପନର କୁଶାଲ ମେଣ୍ଡିସଙ୍କ ଉଇକେଟ ହରାଇଥିଲେ ହେଁ କୁଶାଲ ପେରେରାଙ୍କ ଧୂଆଁଧାର ବ୍ୟାଟିଂ ସହାୟତାରେ ଲକ୍ଷ୍ୟପଥରେ ଅଗ୍ରସର ହୋଇଥିଲା। ଦନୁସ୍କା ଗୁଣତିଳକ ୧୨ ବଲ୍‌ରୁ ୧୯(୧ ଚୌକା, ୨ ଛକା) ରନ କରି ଆଉଟ ହୋଇଥିଲେ ହେଁ ତାଙ୍କ ସହ ପେରେରା ଦ୍ୱିତୀୟ ଉଇକେଟ ଭାଗୀଦାରିରୁ ୫୮ ରନ ସଂଗ୍ରହ କରିଥିଲେ। ଅଧିନାୟକ ଦୀନେଶ ଚଣ୍ଡିମଲ ମାତ୍ର ୧୪ ରନ କରି ପ୍ୟାଭିଲିୟନ ଫେରିଥିଲେ। ଶାଦ୍ଦୁଳ ଠାକୁରଙ୍କ ପ୍ରଥମ ଓଭରରୁ ୨୭ ରନ ସଂଗ୍ରହ କରିଥିବା ପେରେରା ୩୭ ବଲ୍‌ରୁ ୬ ଚୌକା ଓ ୪ ଛକା ସହାୟତାରେ ୬୬ ରନ କରି ଆଉଟ ହେବାପରେ ଶ୍ରୀଲଙ୍କାର ରନ ହାରରେ ଅଙ୍କୁଶ ଲାଗିଥିଲା। ପେରେରାଙ୍କ ପ୍ରାଇଜ୍‌ ଉଇକେଟ ନେଇ ଓ୍ବାଶିଂଟନ ସୁନ୍ଦର ମ୍ୟାଚର ମୋଡ଼ ବଦଳାଇଥିଲେ। ପ୍ରଥମେ ମହଙ୍ଗା ସାବ୍ୟସ୍ତ ହୋଇଥିବା ଭାରତୀୟ ବୋଲରମାନେ ଶେଷଭାଗରେ ନିୟନ୍ତ୍ରିତ ବୋଲିଂ କରିଥିଲେ। ଉପୁଲ ଥରଙ୍ଗା ୧୮ ବଲ୍‌ରୁ ୧୭ ରନ କରି ଆଉଟ ହୋଇଥିଲେ। ମ୍ୟାଚ ରୋମାଞ୍ଚକ ମୋଡ଼ ନେଇଥିବାବେଳେ ୧୮ତମ ଓଭରରେ ୧୬ ରନ ବ୍ୟୟ କରି ଜୟଦେବ ଉନାଡକଟ୍‌ ଶ୍ରୀଲଙ୍କା ହାତକୁ ମ୍ୟାଚ ଟେକି ଦେଇଥିଲେ। ଦସୁନ ସନକା ୧୮ ବଲ୍‌ରୁ ୧୫ ଓ ଥିସାରା ପେରେରା ୧୦ ବଲ୍‌ରୁ ୨୨ ରନରେ ଅପରାଜିତ ରହି ଶ୍ରୀଲଙ୍କାକୁ ବିଜୟୀ କରାଇଥିଲେ। ଧାଓ୍ବନ ଧମାକା ଫିକା- ଟସ୍‌ ଜିତି ଶ୍ରୀଲଙ୍କା ଅଧିନାୟକ ଦୀନେଶ ଚଣ୍ଡିମଲ ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ। ମ୍ୟାଚର ଦ୍ୱିତୀୟ ଓଭରରେ ଟିମ୍‌ ଇଣ୍ଡିଆକୁ ପ୍ରାରମ୍ଭିକ ଝଟ୍‌କା ଲାଗିଥିଲା। ଅଧିନାୟକ ରୋହିତ ଶର୍ମା ଖରାପ ଫର୍ମ ଜାରିରଖି ଖାତା ଖୋଲିବା ପୂର୍ବରୁ ଦୁସ୍ମନ୍ଥ ଚାମିରାଙ୍କ ବଲ୍‌ରେ ଜୀବନ ମେଣ୍ଡିସଙ୍କୁ କ୍ୟାଚ୍‌ ଦେଇ ପ୍ୟାଭିଲିୟନ ଫେରିଥିଲେ। ୩ ନମ୍ବରରେ ଆସିଥିବା ସୁରେଶ ରାଇନା ମଧ୍ୟ ମାତ୍ର ୧ ରନ କରି ଆଉଟ ହେବାରୁ ୨ ଓଭରରେ ଭାରତ ସ୍କୋର ୯/୨ ହୋଇ ଯାଇଥିଲା। ତେବେ ଚାପ ସ୍ଥିତିକୁ ନ ଆସି ସ୍ବାଭାବିକ ବ୍ୟାଟିଂ ଜାରି ରଖିଥିଲେ ଶିଖର ଧାଓ୍ବନ। ସେ ଶ୍ରୀଲଙ୍କା ବୋଲରଙ୍କୁ ସଫଳତାର ସହ ମୁକାବିଲା କରି ଭାରତୀୟ ସ୍କୋରକୁ ଆଗେଇ ନେଇଥିଲେ। ମିଡିଲ ଅର୍ଡରରେ ତାଙ୍କୁ ଉପଯୁକ୍ତ ସହାୟତା କରିଥିଲେ ମନୀଷ ପାଣ୍ଡେ। ଦୁହେଁ ୩ୟ ଉଇକେଟରେ ୯୫ ରନର ଭାଗୀଦାରି ଗଢ଼ି ଦଳକୁ ଏକ ସମ୍ମାନଜନକ ସ୍କୋର ଦିଗରେ ଅଗ୍ରସର କରାଇଥିଲେ। ମନୀଷ ୩୫ ବଲ୍‌ରୁ ୩୭(୩ ଚୌକା, ୧ ଛକା) ରନ କରି ଆଉଟ ହୋଇଥିଲେ ହେଁ ଧାଓ୍ବନ ଖେଳିଥିଲେ ଅନ୍ୟତମ ଶ୍ରେଷ୍ଠ ଇନିଂସ। ସେ ୪୯ ବଲ୍‌ରୁ ୬ଟି ଲେଖାଏ ଚୌକା ଓ ଛକା ସହାୟତାରେ ୯୦ ରନ କରି ଆଉଟ ହୋଇଥିଲେ। ମାତ୍ର ଭାରତ ହାରିବାରୁ ଧାଓ୍ବନ ଧମାକା ଫିକା ପଡ଼ି ଯାଇଥିଲା। ଶେଷ ଭାଗରେ ରିଷଭ ପନ୍ତ ୨୩ ବଲ୍‌ରୁ ୨୩ ରନ କରିବାରୁ ଭାରତ ୨୦ ଓଭରରେ ୫ ଉଇକେଟ ହରାଇ ୧୭୪ ରନ କରିବାକୁ ସକ୍ଷମ ହୋଇଥିଲା। ଦୀନେଶ କାର୍ତ୍ତିକ ୬ ବଲ୍‌ରୁ ୧୩ ରନରେ ଅପରାଜିତ ରହିଥିଲେ। ଶ୍ରୀଲଙ୍କା ପକ୍ଷରୁ ଚାମିରା ୨ଟି ଏବଂ ନୂଆନ ପ୍ରଦୀପ, ଜୀବନ ମେଣ୍ଡିସ ଓ ଦନୁସ୍କା ଗୁଣତିଳକ ଗୋଟିଏ ଲେଖାଏ ଉଇକେଟ ନେଇଥିଲେ। ଏହି ମ୍ୟାଚରେ ଭାରତର ବିଜୟ ଶଙ୍କର ଟି୨୦ ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିଥିଲେ।
All Right Reserved By

ଖେଳ |

ଧୋନୀ, କୋହଲି ଅସନ୍ତୁଷ୍ଟ

ଧୋନୀ, କୋହଲି ଅସନ୍ତୁଷ୍ଟ

ଚେନ୍ନାଇ,୨୪।୩- ଚଳିତ ଆଇପିଏଲ ପ୍ରଥମ ମ୍ୟାଚ୍‌ ଲୋ ସ୍କୋରିଂ ହେବା ପରେ ଘରୋଇ ଦଳର ଅଧିନାୟକ ମହେନ୍ଦ୍ର ସିଂ ଧୋନୀ ଓ ବିରାଟ କୋହଲି ଚେପକ ପିଚ୍‌କୁ ନେଇ ଅସନ୍ତୋଷ ପ୍ରକାଶ କରିଛନ୍ତି। 

ଗରିବ ପରିବାରରୁ ଆସିଥିବା ଏହି ୫ କ୍ରିକେଟର ଏବେ କୋଟିପତିି...

ଗରିବ ପରିବାରରୁ ଆସିଥିବା ଏହି ୫ କ୍ରିକେଟର ଏବେ କୋଟିପତିି...

ନୂଆଦିଲ୍ଲୀ, ୨୪।୩: ଦିନେ ଗରିବ ଥିବା ୫ ଭାରତୀୟ  କ୍ରିକେଟରଙ୍କ ପାଖରେ ଏବେ ଅଚଳାଚଳ ସମ୍ପତ୍ତି।

ଆରସିବି ଏକମାତ୍ର ଦଳ

ଆରସିବି ଏକମାତ୍ର ଦଳ

ବାଙ୍ଗାଲୋର,୨୪।୩- ଚେପକଠାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଦଳ ୭୦ ରନ୍‌ରେ ଅଲଆଉଟ୍‌ ହୋଇ ଏକ ଅଲୋଡ଼ା ରେକର୍ଡର ଅଧିକାରୀ ହୋଇଛି।

କେକେଆର ସପକ୍ଷରେ ରେକର୍ଡ

କେକେଆର ସପକ୍ଷରେ ରେକର୍ଡ

କୋଲକାତା,୨୪।୩- ଚଳିତ ଆଇପିଏଲର ଦ୍ୱିତୀୟ ମ୍ୟାଚ୍‌ରେ କୋଲକାତା ନାଇଟ ରାଇଡର୍ସ (କେକେଆର) ଓ ସନରାଇଜର୍ସ ହାଇଦ୍ରାବଦ ପରସ୍ପରକୁ ଭେଟିବେ।

ଓ୍ବାର୍ନରଙ୍କ ଉପରେ ସମସ୍ତଙ୍କ ନଜର

ଓ୍ବାର୍ନରଙ୍କ ଉପରେ ସମସ୍ତଙ୍କ ନଜର

କୋଲକାତା, ୨୪।୩(ପି.ଟି.)- ବିଶ୍ୱର ସବୁଠାରୁ ବ୍ୟୟବହୁଳ କ୍ରିକେଟ ଲିଗ୍‌ ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ର ଦ୍ୱାଦଶ ସଂସ୍କରଣ ଆରମ୍ଭ ହୋଇଯାଇଛି। 

ରାଇନାଙ୍କ ରେକର୍ଡ

ରାଇନାଙ୍କ ରେକର୍ଡ

ଚେନ୍ନାଇ,୨୪।୩(ପି.ଟି.)-ଆଇପିଏଲ୍‌ରେ ପ୍ରଥମ ଖେଳାଳି ଭାବେ ଚେନ୍ନାଇ ସୁପର କିଙ୍ଗ୍ସ ବ୍ୟାଟ୍ସମ୍ୟାନ ସୁରେଶ ରାଇନା ୫୦୦୦ ରନ ପୂରଣ କରି ଇତିହାସ ସୃଷ୍ଟି କରିଛନ୍ତି। 

ରାମେଶ୍ୱର କପ୍‌ ଜୁନିୟର କ୍ରିକେଟ: ଜୁଭେନାଇଲ-ରାମେଶ୍ୱର ଫାଇନାଲ

ରାମେଶ୍ୱର କପ୍‌ ଜୁନିୟର କ୍ରିକେଟ: ଜୁଭେନାଇଲ-ରାମେଶ୍ୱର ଫାଇନାଲ

ଭୁବନେଶ୍ୱର, ୨୪।୩(ସ୍ପୋଟର୍‌ସ ବ୍ୟୁରୋ)- ବିଏମ୍‌ ହାଇସ୍କୁଲ ପଡ଼ିଆରେ ଚାଲିଥିବା ରାମେଶ୍ୱର କପ୍‌ ଜୁନିୟର କ୍ରିକେଟ ଟୁର୍ନାମେଣ୍ଟର ଫାଇନାଲରେ ଜୁଭେନାଇଲ ସ୍ପୋର୍ଟିଂ ପ୍ରବେଶ କରିଛି। 

ପ୍ରଦୀପ ମେମୋରିଆଲ କ୍ରିକେଟ:ସେର୍‌ସା ଆଦ୍ରା-କାନାରା ବ୍ୟାଙ୍କ ଫାଇନାଲ

ପ୍ରଦୀପ ମେମୋରିଆଲ କ୍ରିକେଟ:ସେର୍‌ସା ଆଦ୍ରା-କାନାରା ବ୍ୟାଙ୍କ ଫାଇନାଲ

ବନ୍ତ, ୨୪।୩ (ଡି.ଏନ.ଏ./ସ୍ବ.ପ୍ର.) - ଭଦ୍ରକ ଜିଲା ବନ୍ତ ବ୍ଲକ ଟିଲୋ ହନୁମାନଜୀଉ ମିନିଷ୍ଟାଡିୟମଠାରେ ଟିଲୋ ଆଥ୍‌ଲେଟିକ ଆସୋସିଏଶନ ଆନୁକୂଲ୍ୟରେ ଚାଲିଥିବା ଅନ୍ତର୍ଜାତୀୟ ୨୬ତମ ପ୍ରଦୀପ ମେମୋରିଆଲ କ୍ରିକେଟ ଟୁର୍ନାମେଣ୍ଟର ଫାଇନାଲରେ କାନାରା ବ୍ୟାଙ୍କ (ବାଙ୍ଗାଲୋର) ପ୍ରବେଶ କରିଛି। 

୨୦ କୋଟି ଦାନ କଲା ବିସିସିଆଇ

୨୦ କୋଟି ଦାନ କଲା ବିସିସିଆଇ

ଚେନ୍ନାଇ, ୨୪ା୩ (ପି.ଟି.)-ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଶନିବାର ଆଇପିଏଲ ଉଦ୍‌ଘାଟନୀ ଉତ୍ସବ ପାଇଁ ଉଦ୍ଦିଷ୍ଟ ୨୦ କୋଟି ଟଙ୍କା ଆର୍ମଡ ଫୋର୍ସ ଏବଂ ସିଆର୍‌ପିଏଫ୍‌ ପାଣ୍ଠିକୁ ଦାନ କରିଛି।

ଜାତୀୟ ଶିବିରରେ ଓଡ଼ିଶାର ସ୍ବସ୍ତିକ

ଜାତୀୟ ଶିବିରରେ ଓଡ଼ିଶାର ସ୍ବସ୍ତିକ

କଟକ ଅଫିସ, ୨୪ା୩-ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ଆନୁକୂଲ୍ୟରେ ଆସନ୍ତା ଏପ୍ରିଲ ୧୫ ଓ ୧୬ ତାରିଖ ଦୁଇ ଦିନ ଧରି ପଣ୍ଡିଚେରୀରେ ୧୯ବର୍ଷରୁ କମ୍‌ ଜାତୀୟ ଶିବିର ଅନୁଷ୍ଠିତ ହେବ।

ଫାଓ ପକ୍ଷରୁ ଜବାମଣୀଙ୍କୁ ଆର୍ଥିକ ପୁରସ୍କାର

ଫାଓ ପକ୍ଷରୁ ଜବାମଣୀଙ୍କୁ ଆର୍ଥିକ ପୁରସ୍କାର

କଟକ ଅଫିସ,୨୪ା୩- ନେପାଳର ଶହୀଦ ରଙ୍ଗଶାଳା ଷ୍ଟାଡିୟମରେ ଅନୁଷ୍ଠିତ ହୋଇଥିବା ସାଫ୍‌ ମହିଳା ଫୁଟବଲ ଚାମ୍ପିୟନଶିପରେ ଭାରତ ୩-୧ ଗୋଲରେ ଆୟୋଜକ ନେପାଳକୁ ପରାସ୍ତ କରି ଚାମ୍ପିୟନ ହୋଇଛି। 

୨୫ ବଲ୍‌ରେ ଜ୍ୟାକ୍ସଙ୍କ ଶତକ

୨୫ ବଲ୍‌ରେ ଜ୍ୟାକ୍ସଙ୍କ ଶତକ

ନୂଆଦିଲ୍ଲୀ, ୨୪ା୩ (ପି.ଟି.)-ଦୁବାଇଠାରେ ଗୁରୁବାର ଲାଙ୍କାଶାୟାର ବିପକ୍ଷ ଏକ ପ୍ରି-ସିଜନ ଟି୧୦ ମୁକାବିଲାରେ ସରେ ଦଳର ବ୍ୟାଟ୍ସମ୍ୟାନ ଓ୍ବିଲ ଜ୍ୟାକ୍ସ ମାତ୍ର ୨୫ ବଲ୍‌ରୁ ଶତକ ହାସଲ କରି ଇତିହାସ ସୃଷ୍ଟି କରିଛନ୍ତି। 


Model This Week

ରଶ୍ମି
Why Dharitri