ଜାତୀୟ |

ତ୍ରିପୁରାରେ ଭାଜପାର ଔଦ୍ଧତ୍ୟ

ତ୍ରିପୁରାରେ ଭାଜପାର ଔଦ୍ଧତ୍ୟ
ଅଗରତାଲା/ନୂଆଦିଲ୍ଲୀ,୬ା୩(ପି.ଟି.): ତ୍ରିପୁରାରେ କ୍ଷମତାକୁ ନ ଆସୁଣୁ ଔଦ୍ଧତ୍ୟ ଦେଖାଇଛି ଭାଜପା। ଗୌରିକ ଦଳର କର୍ମୀମାନେ ବେଲୋନିଆରେ କମ୍ୟୁନିଷ୍ଟମାନଙ୍କ ଆଦର୍ଶ ଭ୍ଲାଡିମିର ଲେନିନ୍‌ଙ୍କ ପ୍ରତିମୂର୍ତ୍ତିକୁ ବୁଲଡୋଜର ଲଗାଇ ଭାଙ୍ଗିଦେଇଛନ୍ତି। ଏହାସହ ଦୁଇଦିନ ମଧ୍ୟରେ ୫୦୦ରୁ ଊର୍ଦ୍ଧ୍ୱ ସିପିଏମ୍‌ କର୍ମୀଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ଭାଜପା ସମର୍ଥକଙ୍କ ଏଭଳି କାଣ୍ଡକୁ ସବୁ ମହଲରେ ନିନ୍ଦା କରାଯାଇଛି। ସ୍ଥିତି ଅଣାୟତ୍ତ ହେବା ଆଶଙ୍କାରେ ବିଭିନ୍ନ ସ୍ଥାନରେ ୧୪୪ ଧାରା ଜାରି କରାଯାଇଛି। ତ୍ରିପୁରାରେ ଅଢ଼େଇ ଦଶନ୍ଧି ପୁରୁଣା ବାମ ଦୁର୍ଗର ପତନ ଘଟାଇ କ୍ଷମତା ହାସଲ କରିବାକୁ ଯାଉଛି ଭାଜପା। ବିଧାନସଭାର ୫୯ ଆସନରୁ ଭାଜପାକୁ ୩୫ ଏବଂ ସହଯୋଗୀ ଇଣ୍ଡିଜେନସ୍‌ ପିପୁଲ୍ସ ଫ୍ରଣ୍ଟ ଅଫ୍‌ ତ୍ରିପୁରା(ଆଇପିଏଫ୍‌ଟି)କୁ ୮ ଆସନରେ ସଫଳତା ମିଳିଛି। ପୂର୍ବ ନିର୍ବାଚନରେ ଗୋଟିଏ ବି ଆସନରେ ସଫଳତା ପାଇ ନ ଥିବା ଭାଜପା ଏଥର ବିପୁଳ ବିଜୟକୁ ନେଇ ଉଲ୍ଲସିତ ହୋଇଉଠିଛି। ଭାଜପାର ଉଲ୍ଲାସ କେବଳ ଖୁସିରେ ସୀମିତ ନ ରହି ଉଗ୍ର ହିଂସାର ରୂପ ନେଇଛି। ରାଜଧାନୀ ଅଗରତାଲାରୁ ୧୧୦ କି.ମି. ଦୂରରେ ଅବସ୍ଥିତ ବେଲୋନିଆ ସହରରେ ଏହାର ପ୍ରମାଣ ଦେଇଛନ୍ତି ଭାଜପା କର୍ମୀ। ବେଲୋନିଆ କଲେଜ ଛକରେ କିଛିମାସ ତଳେ ସିପିଏମ୍‌ ପଲିଟ୍‌ବ୍ୟୁରୋ ପ୍ରକାଶ କରାତ୍‌ ୫ ଫୁଟ ଉଚ୍ଚତାର ଲେନିନ୍‌ଙ୍କ ଏକ ପ୍ରତିମୂର୍ତ୍ତି ଉନ୍ମୋଚନ କରିଥିଲେ। ଭାଜପା କର୍ମୀମାନେ ସୋମବାର ଜଣେ ଡ୍ରାଇଭରଙ୍କୁ ମଦ ପିଆଇ ବୁଲଡୋଜର ଲଗାଇ ଫାଇବର ଗ୍ଲାସ୍‌ରେ ତିଆରି ଏହି ପ୍ରତିମୂର୍ତ୍ତିକୁ ଭାଙ୍ଗିଦେଇଛନ୍ତି। ଇରାକ୍‌ର ପୂର୍ବତନ ଏକଚ୍ଛତ୍ରବାଦୀ ଶାସକ ସଦ୍ଦାମ ହୁସେନଙ୍କ ପ୍ରତିମୂର୍ତ୍ତି ହଟାଇବା ଶୈଳୀରେ ଏହାକୁ ଭାଙ୍ଗିବାବେଳେ ସେମାନେ ‘ଭାରତ ମାତା କୀ ଜୟ’ ସ୍ଲୋଗାନ ଦେଉଥିଲେ। କେବଳ ଏତିକି ନୁହେଁ, ସେମାନେ ଲେନିନ୍‌ଙ୍କ ପ୍ରତିମୂର୍ତ୍ତିରୁ ମୁଣ୍ଡ ଅଲଗା କରି ଫୁଟ୍‌ବଲ ଖେଳିଥିବା ଅଭିଯୋଗ ହୋଇଛି। ଜେସିବି ମେଶିନ୍‌କୁ ଜବତ କରାଯିବା ସହ ସମ୍ପୃକ୍ତ ଡ୍ରାଇଭରଙ୍କୁ ଗିରଫ କରାଯାଇଥିଲା। ହେଲେ ପରେ ତାଙ୍କୁ ଜାମିନରେ ଛାଡ଼ିଦିଆଯାଇଥିବା ଦକ୍ଷିଣ ତ୍ରିପୁରା ଏସ୍‌ପି ମୋନ୍‌ଚକ୍‌ ଆଇପର ସୂଚନା ଦେଇଛନ୍ତି। ରାଜ୍ୟର ବିଭିନ୍ନ ସ୍ଥାନରେ ଭାଜପା ସମର୍ଥକଙ୍କ ଆକ୍ରମଣରେ ୫୧୪ ବାମଦଳ କର୍ମୀ ଆହତ ହୋଇଛନ୍ତି। ଏହାସହ ସେମାନେ ୧,୫୩୯ ଦଳୀୟ କର୍ମୀଙ୍କ ଘରେ ଚଢ଼ାଉ କରି ୧୯୬ ଘର ଜାଳିଦେଇଥିବା ରାଜ୍ୟର ସିପିଏମ୍‌ ସାଧାରଣ ସମ୍ପାଦକ ବିଜନ୍‌ ଧର ଅଭିଯୋଗ କରିଛନ୍ତି। ନିର୍ବାଚନ ଫଳ ପ୍ରକାଶ ପାଇବା ପରେ ରବିବାର ରାତିରୁ ଏଭଳି ହିଂସାକାଣ୍ଡ ଘଟିଥିବା ପୋଲିସ ସ୍ବୀକାର କରିଛି। ସ୍ଥିତି ଅଣାୟତ୍ତ ହେବା ଆଶଙ୍କା କରି ବିଭିନ୍ନ ସହରରେ ୧୪୪ ଧାରା ଜାରି କରାଯାଇଥିବା ଜିଲାପାଳ ମିଲିନ୍ଦ ରାମତେକେ ସ୍ପଷ୍ଟ କରିଛନ୍ତି। ଭାଜପା ରାଜ୍ୟ ଉପସଭାପତି ନିଜ ଦଳର ସମ୍ପୃକ୍ତିକୁ ଅସ୍ବୀକାର କରିଥିବାବେଳେ ଦଳର ରାଷ୍ଟ୍ରୀୟ ସାଧାରଣ ସମ୍ପାଦକ ରାମମାଧବ ଏବଂ ରାଜ୍ୟପାଳ ତଥାଗତ ରାୟଙ୍କ ଟୁଇଟ୍‌ ନିଆଁରେ ଘିଅ ଢାଳିଛି। ସ୍ବରାଷ୍ଟ୍ର ମନ୍ତ୍ରୀ ରାଜନାଥ ସିଂ ସ୍ଥିତି ସମୀକ୍ଷା କରିଛନ୍ତି। ସେ ଉଭୟ ରାଜ୍ୟପାଳ ଏବଂ ପୋଲିସ ମହାନିର୍ଦ୍ଦେଶକ ଏ.କେ. ଶୁକ୍ଳାଙ୍କୁ ଫୋନ୍‌ କରି ନୂଆ ସରକାର ଗଠନ ହେବା ଯାଏ ହିଂସା ରୋକିବା ପାଇଁ ସମସ୍ତ ପ୍ରକାର ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି। ଏହି ଘଟଣାକୁ ନେଇ ଜାତୀୟ ରାଜନୀତି ସରଗରମ ହେବାରେ ଲାଗିଛି।
All Right Reserved By

ଜାତୀୟ |

୧୯୬୭-୨୦୧୪ ମଧ୍ୟରେ ଏହିସବୁ ସେଲିବ୍ରିଟି ଲୋସଭା ନିର୍ବାଚନ ଲଢି ଜିତିଛନ୍ତି

୧୯୬୭-୨୦୧୪ ମଧ୍ୟରେ ଏହିସବୁ ସେଲିବ୍ରିଟି ଲୋସଭା ନିର୍ବାଚନ ଲଢି ଜିତିଛନ୍ତି

ସିନେମା ଓ ରାଜନୀତି ମଧ୍ୟରେ ପୁରୁଣା ସମ୍ପର୍କ ରହିଛି। ବଲିଉଡ ହେଉ କି ଟଲିଉଡ ସିନେ ଷ୍ଟାର୍‌ମାନେ ରାଜନୀତିରେ ଯୋଗ ଦେବା ପରମ୍ପରା ବହୁ ଆଗରୁ ରହିଛି। 

ଆକ୍ସ୍‌ନର ରହିଛି ରିଆକ୍ସନ୍‌: ଟିକେଟ କଟିବା ପରେ କହିଲେ ଶତ୍ରୁଘ୍ନ

ଆକ୍ସ୍‌ନର ରହିଛି ରିଆକ୍ସନ୍‌: ଟିକେଟ କଟିବା ପରେ କହିଲେ ଶତ୍ରୁଘ୍ନ

ନୂଆଦିଲ୍ଲୀ, ୨୪।୩: ଭାଜପା ନେତା ଶତ୍ରୁଘ୍ନ ସିହ୍ନାଙ୍କ ଟିକେଟ ପାଟନା ସାହିବ ଆସନରୁ କଟିବା ପରେ ସେ ଦେଇଛନ୍ତି ଏକ ବିଜ୍ଞାନ ସମ୍ମତ ମନ୍ତବ୍ୟ। ସେ କହିଛନ୍ତି ବୈଜ୍ଞାନିକ ସାର୍‌ ଆଇଜାକ୍‌ ନିଉଟନ୍‌ଙ୍କ ନିୟମ ଅନୁସାରେ ପ୍ରତି ଆକ୍ସନ୍‌ର ରିଆକ୍ସନ୍‌ ରହିଛି। 

ଗରିବ ପରିବାରରୁ ଆସିଥିବା ଏହି ୫ କ୍ରିକେଟର ଏବେ କୋଟିପତିି...

ଗରିବ ପରିବାରରୁ ଆସିଥିବା ଏହି ୫ କ୍ରିକେଟର ଏବେ କୋଟିପତିି...

ନୂଆଦିଲ୍ଲୀ, ୨୪।୩: ଦିନେ ଗରିବ ଥିବା ୫ ଭାରତୀୟ  କ୍ରିକେଟରଙ୍କ ପାଖରେ ଏବେ ଅଚଳାଚଳ ସମ୍ପତ୍ତି।

ସିପିଆଇ ଟିକେଟରୁ ନିର୍ବାଚନ ଲଢିବେ କହ୍ନେୟା କୁମାର

ସିପିଆଇ ଟିକେଟରୁ ନିର୍ବାଚନ ଲଢିବେ କହ୍ନେୟା କୁମାର

ପାଟନା,୨୪।୩: ଜବାହରଲାଲ ନେହେରୁ ବିଶ୍ୱବିଦ୍ୟାଳୟ(ଜେଏନ୍‌ୟୁ) ଛାତ୍ରସଂଘର ପୂର୍ବତନ ନେତା ତଥା ଯୁବ ଛାତ୍ର ନେତା କହ୍ନେୟା କୁମାର ୨୦୧୯ ନିର୍ବାଚନରେ ମଇଦାନକୁ ଓହ୍ଲାଇବେ। 

ବାୟୁସେନାର ଶକ୍ତି ହେବ ବୃଦ୍ଧି: ସୋମବାର ସାମିଲ୍‌ ହେବ ଚିନୁକ୍‌ ସିଏଚ୍‌-୪୭-ଆଇ ହେଲିକପ୍ଟର

ବାୟୁସେନାର ଶକ୍ତି ହେବ ବୃଦ୍ଧି: ସୋମବାର ସାମିଲ୍‌ ହେବ ଚିନୁକ୍‌ ସିଏଚ୍‌-୪୭-ଆଇ ହେଲିକପ୍ଟର

ନୂଆଦିଲ୍ଲୀ,୨୪।୩: ଭାରତୀୟ ବାୟୁସେନାର ଶକ୍ତି ଏଣିକି ବହୁଗୁଣା ବୃଦ୍ଧି ପାଇବ। ସୋମବାର(ମାର୍ଚ୍ଚ-୨୫) ଆମେରିକା ବୋଇଙ୍ଗ୍‌ କମ୍ପାନୀ ଦ୍ୱାରା ନିର୍ମିତ ଶକ୍ତିଶାଳୀ ଚିନୁକ୍‌ ସିଏଚ୍‌-୪୭-ଆଇ ହେଲିକପ୍ଟର ଚଣ୍ଡିଗଡ଼ଠାରେ ବାୟୁସେନାରେ ସାମିଲ୍‌ ହେବ। 

ଆଜମଗଡ଼ରୁ ଲଢିବେ ଅଖିଳେଶ: ଖୁସିବ୍ୟକ୍ତ କଲେ ଭାଜପା ନେତା

ଆଜମଗଡ଼ରୁ ଲଢିବେ ଅଖିଳେଶ: ଖୁସିବ୍ୟକ୍ତ କଲେ ଭାଜପା ନେତା

ନୂଆଦିଲ୍ଲୀ,୨୪।୩: ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଆଜମଗଡ଼ରୁ ନିର୍ବାଚନ ଲଢିବେ ବୋଲି ରବିବାର ସ୍ପଷ୍ଟ ହୋଇଛି।

ଏକ ପ୍ୟାକେଟ କ୍ଷୀର ପାଇଁ ୭ ବର୍ଷ ନାବାଳକଙ୍କୁ ଗୁଳି କରି ହତ୍ୟା

ଏକ ପ୍ୟାକେଟ କ୍ଷୀର ପାଇଁ ୭ ବର୍ଷ ନାବାଳକଙ୍କୁ ଗୁଳି କରି ହତ୍ୟା

ପାଟନା,୨୪।୩: ବିହାର ପାଟନା ନିକଟସ୍ଥ ରାଣୀପୁର ରେଲଓ୍ବେ ଲେବୁଲ କ୍ରସିଂଠାରେ ଘଟିଛି ଏକ ଅଭାବନୀୟ ଘଟଣା। ଏଠାରେ ଜଣେ ୭ ବର୍ଷର ନାବାଳକଙ୍କୁ ମାତ୍ର ଏକ ପ୍ୟାକେଟ କ୍ଷୀର ପାଇଁ ବେକରେ ଗୁଳି କରି ହତ୍ୟା କରାଯାଇଛି। 

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ: ଯବାନ ଶହୀଦ

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ: ଯବାନ ଶହୀଦ

ପୁଞ୍ଚ,୨୪।୩: ଜମ୍ମୁ-କଶ୍ମୀରର ପୁଞ୍ଚ ସେକ୍ଟରରେ ପାକିସ୍ତାନ ପକ୍ଷରୁ ରବିବାର ଅସ୍ତ୍ରବିରତି ଉଲ୍ଲଂଘନ କରାଯାଇଛି। ଏଥିରେ ଜଣେ ଯବାନ ଶହୀଦ ହୋଇଥିବା କୁହାଯାଉଛି। 

ପିଲା ବାରମ୍ବାର କାନ୍ଦିବାରୁ ମୁହଁରେ ଫେବିକ୍ୱିକ ଲଗାଇ ଦେଲେ ମା’

ପିଲା ବାରମ୍ବାର କାନ୍ଦିବାରୁ ମୁହଁରେ ଫେବିକ୍ୱିକ ଲଗାଇ ଦେଲେ ମା’

ପାଟନା,୨୪।୩: ବିହାରର ଛପରାରୁ ଆଶ୍ଚର୍ଯ୍ୟ ହେଲା ଭଳି ଏକ ଖବର ସାମ୍ନାକୁ ଆସିଛି। ଶିଶୁଟିଏ ବାରମ୍ବାର କାନ୍ଦିବାରୁ ମା’ ଶିଶୁଟି ମୁହଁରେ ଫେବିକ୍ୱିକ ଲଗାଇ ଦେଇଥିବା କୁହାଯାଉଛି। 

ଘୋଷଣା ହେଲା ଫିଲ୍ମ ଫେୟାର ପୁରସ୍କାର: ରଣବୀର-ଆଲିଆ ଶ୍ରେଷ୍ଠ

ଘୋଷଣା ହେଲା ଫିଲ୍ମ ଫେୟାର ପୁରସ୍କାର: ରଣବୀର-ଆଲିଆ ଶ୍ରେଷ୍ଠ

ମୁମ୍ବାଇ, ୨୪।୩:୨୦୧୮ ବର୍ଷ ପାଇଁ ଫିଲ୍ମ ଫେୟାର ପୁରସ୍କାର ଘୋଷଣା ହୋଇଛି। ମୁମ୍ବାଇରେ ଆୟୋଜିତ ଏକ ରଙ୍ଗାରଙ୍ଗ ଉତ୍ସବରେ ଏହି ପୁରସ୍କାର ପ୍ରଦାନ କରାଯାଇଛି।

ପୃଥିବୀବାସୀଙ୍କ ଉପରେ ନଜର ରଖୁଛନ୍ତି ଏଲିଏନ୍‌!

ପୃଥିବୀବାସୀଙ୍କ ଉପରେ ନଜର ରଖୁଛନ୍ତି ଏଲିଏନ୍‌!

ନୂଆଦିଲ୍ଲୀ/ଓ୍ବାଶିଂଟନ,୨୪।୩: ଅନ୍ୟଗ୍ରହର ଜୀବ ବା ଏଲଏନ୍‌ଙ୍କୁ ନେଇ ଦୀର୍ଘ ବର୍ଷ ଧରି ମଣିଷ ଗବେଷଣା ଜାରି ରଖିଛି। ତେବେ ନିକଟରେ କେତେକ ମହାକାଶ ବିଜ୍ଞାନୀ ଦାବି କରିଛନ୍ତି ଯେ, ଏଲିଏନ୍‌ ଅନେକ ପୂର୍ବରୁ ମଣିଷକୁ ଖୋଜି ସାରିଥିବାବେଳେ ସମଗ୍ର ପୃଥିବୀବାସୀଙ୍କ ଉପରେ ନଜର ରଖିଛନ୍ତି। 

ବଲିଉଡ୍‌ରେ କିସିଂ ଏବଂ ଲିପ୍‌ଲକ୍‌ ଟ୍ରେଣ୍ଡ୍‌ ଆରମ୍ଭ କରିଥିଲେ ଇମରାନ୍‌ ହାସ୍‌ମୀ

ବଲିଉଡ୍‌ରେ କିସିଂ ଏବଂ ଲିପ୍‌ଲକ୍‌ ଟ୍ରେଣ୍ଡ୍‌ ଆରମ୍ଭ କରିଥିଲେ ଇମରାନ୍‌ ହାସ୍‌ମୀ

ମୁମ୍ବାଇ,୨୪।୩: ବଲିଉଡ୍‌ର କିସିଂ ଷ୍ଟାର ଇମରାନ୍‌ ହାସ୍‌ମୀ ରବିବାର ୪୦ ବର୍ଷରେ ପଦାର୍ପଣ କରିଛନ୍ତି। ସେ ୧୯୭୯ ମାର୍ଚ୍ଚ ୨୪ରେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। 


Model This Week

ରଶ୍ମି
Why Dharitri