ସମ୍ପାଦକୀୟ |

ପ୍ରେମିକାଙ୍କ ମଧ୍ୟରୁ ପତ୍ନୀ ଚୟନ

ପ୍ରେମିକାଙ୍କ ମଧ୍ୟରୁ ପତ୍ନୀ ଚୟନ

ନିଖିଳାନନ୍ଦ ପାଣିଗ୍ରାହୀ/
ଆମେ ଏମିତି କେତେଜଣ ଯୁବକଙ୍କ ବିଷୟରେ ଶୁଣୁଛେ, ଯେଉଁମାନଙ୍କର ଅନେକ ଯୁବତୀ ବନ୍ଧୁ (ପ୍ରେମିକା) ଅଛନ୍ତି। ଏମାନଙ୍କ ମଧ୍ୟରେ ଯେଉଁମାନେ ଅବିବାହିତ, ସେମାନେ ହୁଏତ ଚାହୁଁଥିବେ, ଉପରୋକ୍ତ ପ୍ରେମିକାଙ୍କ ମଧ୍ୟରୁ ଜଣକୁ ନିଜର ପତ୍ନୀ ଭାବେ ଗ୍ରହଣ କରିବେ। ଏଥିପାଇଁ ସେମାନେ ନାନାପ୍ରକାର ମାନଦଣ୍ଡ ବିଷୟରେ ଚିନ୍ତା କରୁଥିବେ ଅଥବା ନିଚ୍ଛକ ଭାବପ୍ରବଣତାରେ ବଶୀଭୂତ ହୋଇ ବିବାହ ବେଦିରେ ହାତଗଣ୍ଠି ପକାଇବେ। ତେବେ ଆମ ତରଫରୁ ଆମେ ଚୟନପ୍ରଣାଳୀର ତାଲିକାରେ ଏକ ପନ୍ଥାକୁ ଅନ୍ତର୍ଭୁକ୍ତ କରିବାକୁ ଆଗ୍ରହୀ, ଯାହା ଅନେକଙ୍କୁ ଅଜବ ବା ହାସ୍ୟାସ୍ପଦ ଲାଗିପାରେ। ସେ ଯାହାହେଉ, ଆମେ ଯେଉଁ ବିଷୟରେ ଆଲୋଚନା କରୁଛୁ, ତାହା ହେଉଛି ଛିଙ୍କ।
ଛିଙ୍କ ଗୋଟିଏ ନିହାତି ଅଶୁଭ ସୂଚନା ବୋଲି ଅନେକ ବ୍ୟକ୍ତି ମତ ପୋଷଣ କରନ୍ତି। ଏହି ଧରଣର ଅନ୍ଧବିଶ୍ୱାସ କେବଳ ଆମ ଦେଶରେ ନୁହେଁ, ବିଦେଶରେ ମଧ୍ୟ ଅଛି। ବିଶେଷତଃ ବିଲେଇର ଛିଙ୍କକୁ ସାଧାରଣତଃ ସମସ୍ତେ ଅନାଦର କରିଥାନ୍ତି। ବିବାହର ଦିନକ ଆଗରୁ ଯଦି ବିଲେଇ ଛିଙ୍କିଦିଏ, ତେବେ କନ୍ୟା ପାଇଁ ଏହା ଅଶୁଭ ବୋଲି ଆମେରିକାର କେତେକ ଅଞ୍ଚଳରେ ବିଶ୍ୱାସ କରାଯାଏ। ଯଦି ଘରର ପୋଷା ବିଲେଇ କ୍ରମାନ୍ବୟରେ ତିନିଥର ଛିଙ୍କିଦିଏ, ଉକ୍ତ ପରିବାର ଫ୍ଲୁ ରୋଗରେ ଆକ୍ରାନ୍ତ ହୁଅନ୍ତି ବୋଲି ଜର୍ମାନୀର କେତେକ ମହଲରେ ପ୍ରଚଳିତ। ବିଲେଇକୁ ଏମିତି ବିରଳ ଗୁଣସମ୍ପନ୍ନ ଭାବେ ଚିତ୍ରଣ କରିବା ପଛରେ ମୂଳ କାରଣ ହେଉଛି, ଏହାର ଐଶ୍ୱରିକ ଶକ୍ତି ଥିବାରୁ ଏହା ଏକ ରହସ୍ୟଜନକ ଜନ୍ତୁ।
ଆମ ଦେଶରେ ଖୋଦ୍‌ ମଣିଷର ଛିଙ୍କକୁ ମଧ୍ୟ ଲୋକେ ଭୟ କରନ୍ତି। ଯଥା: ତାମିଲନାଡୁ ଓ କେରଳର କିଛି ଅଞ୍ଚଳରେ ଯାତ୍ରା ପୂର୍ବରୁ ନିଜେ କିମ୍ବା ନିକଟସ୍ଥ କୌଣସି ମଣିଷ ଯଦି ଛିଙ୍କିଦିଏ, ତେବେ ସେହି ଯାତ୍ରା ବିଫଳ ହେବା ଆଶଙ୍କାରେ ଯାତ୍ରା ରଦ୍ଦ କରିଦିଆଯାଏ। ଉତ୍ତରଭାରତ ଓ ଓଡିଶାରେ ମଧ୍ୟ ଏମିତି ବିଶ୍ୱାସ ରହିଛି।
କିଛି କିଛି ବିଶ୍ଳେଷକଙ୍କ ମତରେ, ଛିଙ୍କ ପ୍ରତି ଆମର ଧାରଣା ପଛରେ ଗୋଟିଏ ପ୍ରମୁଖ କାରଣ ହେଉଛି, ଆମକୁ ଛିଙ୍କ ହଠାତ୍‌ ମାଡେ ଏବଂ ଅପ୍ରତ୍ୟାଶିତ ଭାବେ ଖୁବ୍‌ ଜୋର୍‌ରେ ଶବ୍ଦ କରି ଏହା ନିର୍ଗତ ହୁଏ। ଫଳରେ ଆମ ଲୁଗାପଟା, ଏପରି କି ଆଖପାଖରେ ଥିବା ଭଦ୍ରବ୍ୟକ୍ତିମାନଙ୍କ ଉପରେ ନାକର ମଇଳା ପାଣି ଛିଞ୍ଚାଡି ହୋଇପଡେ। ଏହି ନାସାମଳ କେବଳ ଅନ୍ୟମାନଙ୍କୁ କାହିଁକି, ଆମ ନିଜକୁ ମଧ୍ୟ ଘୃଣ୍ୟ ମନେହୁଏ। ପୁଣି ବେଳେବେଳେ ଏହି ବଦ୍‌ମାସ ଛିଙ୍କ ଏମିତି ଅତର୍କିତ ଆକ୍ରମଣ କରେ ଯେ, ନାକପୁଡା ଆଗରେ ରୁମାଲ ରଖିବାକୁ ମଧ୍ୟ ଆମେ ତର ପାଇ ନ ଥାଉ। କିନ୍ତୁ କେହି କେହି ଜବରଦସ୍ତ ଛିଙ୍କକୁ ରୋକିଦିଅନ୍ତି। ଇଂଲଣ୍ଡର ଇଷ୍ଟ ମିଡଲାଣ୍ଡରେ ଲିସେଷ୍ଟର ସହରରେ ଘଟିଥିବା ଜାନୁୟାରୀ ୨୦୧୮ର ଘଟଣା। ଚଉତିରିଶ ବର୍ଷ ବୟସ୍କ ମିଚେଲିନ ମ୍ୟାନ ନାମକ ଜଣେ ସୁସ୍ଥ ଯୁବକ ହଠାତ୍‌ ଜରୁରୀ ଚିକିତ୍ସା ପାଇଁ ହସ୍ପିଟାଲରେ ପହଞ୍ଚିଲେ। ତାଙ୍କ ବେକ ମାତ୍ରାଧିକ ଭାବେ ଫୁଲିଯାଇଥିଲା। କିଛି ଖାଇବା ବେଳେ, ଏପରି କି ସାମାନ୍ୟ ଛେପ ଢୋକିବା ସମୟରେ ସେ ଗ୍ରୀବାରେ ଅସହ୍ୟ ଯନ୍ତ୍ରଣା ଭୋଗୁଥିଲେ। ପ୍ରଥମେ ସେ ଏହାକୁ ସାମାନ୍ୟ ଥଣ୍ଡାଜନିତ ବେମାର ବୋଲି ମନେକରି ଗୁରୁତ୍ୱ ଦେଇ ନ ଥିଲେ। କିନ୍ତୁ ତାଙ୍କ ଅବସ୍ଥାରେ କୌଣସି ଉନ୍ନତି ହେଲାନାହିଁ। ସେ ଇଏନ୍‌ଟି ବିଭାଗରେ ଚିକିତ୍ସା ପାଇଁ ଭର୍ତ୍ତି ହେଲେ। ଡାକ୍ତରମାନେ ମଧ୍ୟ ପ୍ରଥମେ ପ୍ରକୃତ କାରଣ ବୁଝିପାରିଲେ ନାହିଁ। ପରିଶେଷରେ ବିଷୟଟି ସ୍ପଷ୍ଟ ହେଲା। ମିଚେଲିନ ମ୍ୟାନ୍‌ ଏଥିପୂର୍ବରୁ ନିଜ ଛିଙ୍କକୁ ରୋକିଥିଲେ ଜବରଦସ୍ତ। ଏହାର ପରିଣାମରୁ ଏମିତି ଗମ୍ଭୀର ସ୍ଥିତି ଦେଖାଦେଲା। ଅବଶ୍ୟ ସାଧାରଣତଃ ଏମିତି ଦୃଷ୍ଟାନ୍ତ କ୍ୱଚିତ୍‌ ଦେଖିବାକୁ ମିଳେ।
ଲଣ୍ଡନ ବିଶ୍ୱବିଦ୍ୟାଳୟ ଅନ୍ତର୍ଗତ ଲୁଇସାମ ହସ୍ପିଟାଲର ଇଏନ୍‌ଟି ବିଭାଗୀୟ ମୁଖ୍ୟ ଡାକ୍ତର ଆନ୍ଥୋନି ଆଇମାର୍ଟ ପ୍ରସିଦ୍ଧ ‘ବିଏମ୍‌ଜେ କେସ୍‌ ରିପୋଟର୍‌ସ’ ଜର୍ଣ୍ଣାଲରେ ଏହି ଘଟଣା ଉପସ୍ଥାପନ କରିଛନ୍ତି। ସେଥିରେ ଜଣେ ବ୍ୟକ୍ତି ଯଦି ପାଟି ଓ ନାକପୁଡାକୁ ଚିପିଧରି ଜବରଦସ୍ତ ଛିଙ୍କ ରୋକିଦିଏ ପରବର୍ତ୍ତୀ କାଳରେ ତା’ ଅବସ୍ଥା ସାଂଘାତିକ ହୋଇଯାଏ। ଏହି କାରଣରୁ ହିଁ ମିଚେଲିନ୍‌ ମ୍ୟାନଙ୍କୁ ସାତଦିନ ଯାଏ ଚିକିତ୍ସିତ ହେବାକୁ ପଡିଲା।
ଆମେ ଜାଣିବା ଦରକାର ଯେ, ଛିଙ୍କର ମୌଳିକ ଉଦ୍ଦେଶ୍ୟ ହେଉଛି କ୍ଷତିକାରକ ଭାଇରସ୍‌ ଓ ବ୍ୟାକ୍ଟେରିଆକୁ ଶରୀରରୁ ବିତାଡ଼ନ କରିବା। ଡାକ୍ତରୀ ଦୃଷ୍ଟିରୁ ଏହା ଅତ୍ୟନ୍ତ ଉପକାରୀ। ନ ହେଲେ ଶରୀରର ସୁସ୍ଥ ଅଙ୍ଗମାନ ଚାପଗ୍ରସ୍ତ ହୁଅନ୍ତି ଏବଂ ପାର୍ଶ୍ୱ ପ୍ରତିକ୍ରିୟାରୁ ବେଳେବେଳେ ବିଗିଡି ଯାଆନ୍ତି। ପୁଣି ବନ୍ଦ ଛିଙ୍କରୁ ସୃଷ୍ଟି ହୋଇଥିବା ଅତିରିକ୍ତ ବାୟୁ ଶରୀର ମଧ୍ୟରେ ଶୋଷିତ ହୋଇ ଜମା ହେବାରୁ ତାହା ବିଭିନ୍ନ ସ୍ବାସ୍ଥ୍ୟ ସମସ୍ୟା ସୃଷ୍ଟି କରେ। ତେଣୁ ଡାକ୍ତରୀ ପରାମର୍ଶ ହେଉଛି ଯେତେ ଜୋରରେ ଛିଙ୍କିପାରୁଛ, ଛିଙ୍କ। ତାହା ସ୍ବାସ୍ଥ୍ୟ ଦୃଷ୍ଟିରୁ ସ୍ବାଗତଯୋଗ୍ୟ।
ଗୋଟିଏ ଆକଳନ ଅନୁଯାୟୀ ଛିଙ୍କିବା ସମୟରେ ପ୍ରତି ଘଣ୍ଟାରେ ଅଶୀ କିଲୋମିଟର ବେଗରେ ବାୟୁ ବାହାରକୁ ଆସିଥାଏ। ଏହାକୁ ମାଡିମକଚି ଜବରଦସ୍ତ ବନ୍ଦ କଲେ ରୁଦ୍ଧ ବାୟୁର ଚାପରେ ବେକ କ୍ଷତିଗ୍ରସ୍ତ ହୋଇ ଏକ ଅଜବ ଶବ୍ଦତରଙ୍ଗ ପଞ୍ଜରା ହାଡ ଆଡକୁ ମାଡି ଚାଲେ। ସୁସ୍ଥ ବ୍ୟକ୍ତିର ଛାତିକୁ ଘେରି ରହିଥିବା ହାଡର ଉପରୋକ୍ତ ଆବରଣ ଏତାଦୃଶ ଅସୁବିଧାର ସମ୍ମୁଖୀନ ହେବା ପଛରେ କାରଣ ହେଉଛି, ଛାତିରେ ବୁଦ୍‌ ବୁଦ୍‌ର ପ୍ରବେଶ। ଫଳରେ ଆମେ ସଂକ୍ରମଣ ଓ ଅନ୍ୟ ଜଟିଳତାର ଶିକାର ହେଉ। ତେଣୁ ଡାକ୍ତରଖାନାରେ ରୋଗୀକୁ ଖାଦ୍ୟନଳୀରେ ଖାଇବାକୁ ଦିଆଯିବା ସହ ଆଣ୍ଟିବାଇଓଟିକ ଔଷଧ ସେବନ କରିବାକୁ ପଡିଥାଏ।
ଏହି ମତ ସହ ଆମେରିକାର ଟେକ୍ସାସ ସ୍ବାସ୍ଥ୍ୟ-ବିଜ୍ଞାନ କେନ୍ଦ୍ରର ଗ୍ରୀବା ସର୍ଜନ ଓ ବିଭାଗୀୟ ମୁଖ୍ୟ ଡାକ୍ତର ଜି ୟାଙ୍ଗ ଜିଆଙ୍ଗ ସହମତ ହୋଇଛନ୍ତି। ତାଙ୍କ ନିଜର ଅଭିଜ୍ଞତାକୁ ଉଦ୍ଧାର କରି ସେ ଜଣାଇଛନ୍ତି ଯେ, ଏହି ସମସ୍ୟା ଯଦିଚ କ୍ୱଚିତ୍‌ ଘଟିଥାଏ, ତଥାପି ପ୍ରତିବର୍ଷ ଜଣେ ଦୁଇଜଣ ଏହାର ଶିକାର ହୋଇଥାନ୍ତି। ଏହାର ମୂଳ କାରଣ ହେଉଛି ସ୍ବାସ୍ଥ୍ୟ ସମ୍ପର୍କିତ ଆମ ଅଜ୍ଞତା ଏବଂ ଛିଙ୍କଜନିତ କର୍କଶ ଶବ୍ଦ ଓ ଶ୍ଳେଷ୍ମା ପ୍ରତି ଆମ ତୀବ୍ର ଅଶ୍ରଦ୍ଧା ଓ ଦ୍ୱେଷ। ତାଙ୍କ ମତ ହେଉଛି ଯେ, ପ୍ରବଳ ଛିଙ୍କ ଏତେଦୂର ଶକ୍ତିଶାଳୀ ଯେ, ବେକରେ ଗୁଳି ବାଜିଲେ ଯେଉଁ ଆଘାତଜନିତ ଟ୍ରମା ଜନ୍ମିଥାଏ, ତାହା ସହ ଏହା ତୁଳନୀୟ। ଏପରି କି ଏଥିରେ ଫୁସ୍‌ଫୁସ୍‌ର କାର୍ଯ୍ୟକ୍ଷମତା ଘୋର ବାଧାପ୍ରାପ୍ତ ହୁଏ।
ଧରାଯାଉ, ପ୍ରେମିକ ଯୁବକଟି ପ୍ରେମିକା ନିକଟରେ ଥିବାବେଳେ ତାଙ୍କୁ ଛିଙ୍କ ମାଡିଲା। ସ୍ବାସ୍ଥ୍ୟ ଦୃଷ୍ଟିରୁ ସେ ଏହାକୁ ଦେହ ଭିତରେ ଚାପି ରଖିବା ଅନୁଚିତ। ଛିଙ୍କ ହଠାତ୍‌ ଆସୁ ଆସୁ ନାକ ଓ ପାଟି ଆଗରେ ରୁମାଲ ବା ହାତ ପାପୁଲି ଦେଖାଇବା ପାଇଁ ସାମାନ୍ୟ ଫୁର୍‌ସତ୍‌ଟିଏ ପାଇବା ପୂର୍ବରୁ ଛିଙ୍କ ତା’ର ପରାକ୍ରମ ଦେଖାଇବା ଅସ୍ବାଭାବିକ ନୁହେଁ। ଫଳରେ ନାକରୁ ନିର୍ଗତ ଶ୍ଳେଷ୍ମା ପ୍ରେମିକାର ମୁହଁକୁ ଛାଇଯିବ। ଯଦି ଏଥିପ୍ରତି ଖାତିର ନ କରି ପ୍ରେମିକା ସହାସ୍ୟବଦନରେ ପ୍ରେମିକକୁ ପୂର୍ବବତ୍‌ ପ୍ରେମ କରେ ଏବଂ ତା’ ମନରେ ଲେଶ ମାତ୍ର ଘୃଣା ନ ରହେ, ସେ ପତ୍ନୀ ହେବାକୁ ଯୋଗ୍ୟା। ପତ୍ନୀ ହେଉଛି ସାରା ଜୀବନରେ ସୁଖଦୁଃଖର ସାଥୀ। ସୌଭାଗ୍ୟ ବେଳେ ଅନୁକୂଳ ମାନସିକତା ପୋଷଣ କରିବା ସହ ଦୁର୍ଭାଗ୍ୟ ସମୟରେ କଷ୍ଟ ସ୍ବୀକାର କରି ପତିଦେବଙ୍କୁ ସହାୟତା ଦେବା ଦରକାର। ଯେଉଁ ପ୍ରେମିକା ଏହା ହୃଦୟଙ୍ଗମ କରି ଖୋଲା ଛିଙ୍କୁଥିବା ସ୍ବାମୀଙ୍କ ବିପଦ ବିଷୟରେ ଅବଗତ ହୁଏ, ସେ ଧନ୍ୟା।
ସେହିପରି ଯଦି ଜଣେ ପ୍ରେମିକା ନିଜ ପ୍ରେମିକର ଶରୀର ଆଡକୁ ଛିଙ୍କି ପ୍ରେମିକପ୍ରବରଙ୍କୁ ନାସାମଳରେ ଆଚ୍ଛାଦିତ କରେ, ସେତେବେଳେ ପ୍ରେମିକଟି ଛିଃ ଛିଃ କହି ନାକ ଟେକି ଦୌଡି ପଳାଇଲେ ସମ୍ପର୍କ ତୁଟିଯିବ। ସେ ପ୍ରେମିକାର ଏହି ମଳକୁ କାୟମନୋବାକ୍ୟରେ ସ୍ବାଗତ କରିବା ଯଥାର୍ଥ। ଭଲ ହେବ, ସେ ଯଦି ସେଇ ସିଙ୍ଘାଣିକୁ ବହଳ ଚନ୍ଦନର ଲେପ ପରି ମନେ କରିବ। ତତ୍‌ସହ ତା’ ମୁହଁରେ ପ୍ରସନ୍ନତା ଉକୁଟିବା ଆବଶ୍ୟକ, ଯେଉଁଥିରେ ସ୍ପଷ୍ଟ ହେଉଥିବ ଯେ ‘ଯିଏ ଯାହାକୁ ରସେ, ତାକୁ କିଆଫୁଲ ପରି ବାସେ।’
(ବ୍ରହ୍ମପୁର, ମୋ- ୯୪୩୭୦୨୬୬୫୧)

All Right Reserved By

ସମ୍ପାଦକୀୟ |

ସମ୍ପ୍ରସାରିତ ଅର୍ଥ ପ୍ୟାନେଲ

ସମ୍ପ୍ରସାରିତ ଅର୍ଥ ପ୍ୟାନେଲ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଡିଜିଟାଲ କାରବାର ବଢ଼ୁଥିବା ବେଳେ ବ୍ୟକ୍ତିଗତ ତଥ୍ୟର ସୁରକ୍ଷା ନେଇ ଚିନ୍ତା ବି ବଢ଼ିବାରେ ଲାଗିଛି। ଏ ପରିସ୍ଥିତିରେ ସରକାର ରାଜସ୍ବ ବିଭାଗ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟର ସଚିବମାନଙ୍କୁ ଆର୍ଥିକ ସ୍ଥିରତା ଓ ଉନ୍ନୟନ ପରିଷଦ (ଏଫ୍‌ଏସ୍‌ଡିସି)ର ସଦସ୍ୟ କରିବା ମାଧ୍ୟମରେ ଏହାର ପୁନର୍ଗଠନ କରିଛନ୍ତି। କେନ୍ଦ୍ର ଅର୍ଥ ମନ୍ତ୍ରୀ ଏଫ୍‌ଏସ୍‌ଡିସିର ଅଧ୍ୟକ୍ଷ ଥିବାବେଳେ ଏଥିରେ ଅନ୍ୟମାନଙ୍କ ...

 ଅବାଟରେ ପଢୁଆ ଯୁବଗୋଷ୍ଠୀ

ଅବାଟରେ ପଢୁଆ ଯୁବଗୋଷ୍ଠୀ

ମନ-ମାନଚିତ୍ର/ ଡ. ନରହରି ବେହେରା ବିଦ୍ୟା ହେଉଛି ମୁକ୍ତିର ମାର୍ଗ। ଏହି ବିଦ୍ୟା ଅଧ୍ୟୟନ କରିଥିବା ବ୍ୟକ୍ତି ବିନୟୀ ହୋଇଥାନ୍ତି। ତେଣୁ କୁହାଯାଏ, ‘ବିଦ୍ୟା ଦଦାତି ବିନୟମ୍‌’। ବିନୟୀ ବ୍ୟକ୍ତି ହିଁ ଜଣେ ଉପଯୁକ୍ତ ମଣିଷ ଭାବରେ ପ୍ରତିଷ୍ଠା ଅର୍ଜନ କରିଥାନ୍ତି। ବିଦ୍ୟାର ପ୍ରୟୋଗାମତ୍କ ଦିଗଟିକୁ ବିଦ୍ୟାର୍ଥୀ ଭୁଲିଗଲେ ଶିକ୍ଷାର ସକଳ ଲକ୍ଷ୍ୟ ବ୍ୟର୍ଥ। ତେଣୁ ପଣ୍ଡିତମାନେ ବିଦ୍ୟାର ଏହି ଦୁଇଟି ରୂପକୁ ପୋଥି ବାଇଗଣ ଏବଂ ବାଡ଼ି ବାଇଗଣ ଭାବରେ ଚିତ୍ରଣ କରିଛନ୍ତି। ଏ ପରିପ୍ରେକ୍ଷୀରେ ଗୋଟିଏ ଲଘୁ କାହାଣୀର କିୟଦଂଶ ଅବତାରଣା କରାଯାଇପାରେ। ..

ଯୁଦ୍ଧ ଯଦି ଲକ୍ଷ୍ୟ ହୁଏ

ଯୁଦ୍ଧ ଯଦି ଲକ୍ଷ୍ୟ ହୁଏ

ରମେଶ ଚନ୍ଦ୍ର ସାମଲ ସମସ୍ତେ ଶାନ୍ତି ଶାନ୍ତି ଚିତ୍କାର କରୁଥିବାବେଳେ ପ୍ରକୃତରେ କେହି ଆନ୍ତରିକତାର ସହ ଏହା ଚାହାନ୍ତିନି। ଶାନ୍ତି ଅଶାନ୍ତି, ବିବାଦ ସମାଧାନର ଖେଳ ଏମିତି ପୃଥିବୀରେ ଅହରହ ଚାଲିଛି। କେତେବେଳେ ଶାନ୍ତି ତ କେତେବେଳେ ଅଶାନ୍ତି। ଅନ୍ତର୍ଜାତୀୟ ବିବାଦ ଥରେ ଦେଖାଦେଲେ ଏହା ଗୁରୁତର ଆକାର ଧାରଣ କରେ। ଏହାର ସମାଧାନ କଷ୍ଟସାଧ୍ୟ ଓ ସମୟସାପେକ୍ଷ। ଆଗ କାଳରେ ପୃଥିବୀରେ ବହୁ ଛୋଟ ଛୋଟ ରାଜ୍ୟ ଥିଲା। ଏସବୁ ରାଜ୍ୟ ଭିତରେ ବିଭିନ୍ନ କାରଣରୁ ବିଶେଷତଃ ଦେଶର ସୀମା ବୃଦ୍ଧି କରିବାକୁ ଯୁଦ୍ଧ ହେଉଥିଲା। ଯୁଦ୍ଧରେ ପରାଜିତ ଦେଶ ବିଜେତା ଦେଶ ସହିତ ମିଶିଯାଉଥିଲା। ଉଭୟ ଦେଶର ନାଗରିକମାନେ...

ଏଇ ଭାରତରେ

ଏଇ ଭାରତରେ

ପିଲାମାନେ ପରବାଡ଼ିରୁ ଆମ୍ବ ତୋଳିବାରେ ଏକ ନିଆରା ମଜା ପାଇଥାନ୍ତି। କିନ୍ତୁ ଏହି ମଜା ଯେ, ମୃତ୍ୟୁର କାରଣ ହେବ ଏ କଥା ଜଣେ ୧୦ବର୍ଷର ବାଳକ କିପରି ଜାଣିବ? ବିହାର ରାଜ୍ୟର ଖଗରିଆ ଜିଲାର ଘଟଣା। ଗୋଗାରି ପୋଲିସ ଷ୍ଟେଶନ୍‌ ଅନ୍ତର୍ଗତ ଶେରଗଡ଼ ଗାଆଁର ୧୦ବର୍ଷର ବାଳକ ଆମ୍ବ ଖାଇବା ପାଇଁ ଜଣଙ୍କ ବଗିଚାରେ ପଶିଥିଲା। ଗଛରେ ଚଢ଼ି କିଛି ଆମ୍ବ ତୋଳିଥିଲା। ଜଗୁଆଳ ରାମ ଯାଦବ ଏହା ଦେଖି ସହ୍ୟ କରିପାରି ନ ଥିଲେ। ସେ ବାଳକକୁ ଆମ୍ବ ତୋଳିବା ବନ୍ଦ କରି ତୁରନ୍ତ ବଗିଚା ଛାଡ଼ି ଚାଲିଯିବା ପାଇଁ ଧମକ ଦେଇଥିଲେ। କିନ୍ତୁ ଅବୋଧ ବାଳକ ଯାଦବର ଭିତିରି ରାକ୍ଷସକୁ ବୁଝି ନ ପାରି ଯିବାକୁ ଇଚ୍ଛା କରି ନ ଥିଲା। ଯାଦବ ଏଥିରେ ଭୀଷଣ କ୍ଷୁବ୍‌ଧ ହୋଇ ପାଖରେ ରଖିଥିବା ବନ୍ଧୁକରୁ ଅଚାନକ ଗୁଳି ଫୁଟାଇଥିଲା। ଗୁଳିଟି ସିଧା ଯାଇ ବାଳକର ମୁଣ୍ଡରେ ବାଜିଲା। ବାଳକର ଚିତ୍କାର ଶୁଣି ଯାଦବ ଘଟଣାସ୍ଥଳ ଛାଡ଼ି ପଳାଇଯାଇଥିଲା। ମୁହୂର୍ତ୍ତକ ମଧ୍ୟରେ ଗ୍ରାମବାସୀମାନେ ରୁଣ୍ଡ ହୋଇଯିବା ସହିତ ପୋଲିସକୁ ଏ ବିଷୟରେ ସୂଚନା ଦେଇଥିଲେ। ତେବେ ଘଟଣାସ୍ଥଳରେ ହିଁ ବାଳକର ମୃତ୍ୟୁ ଘଟିଥିଲା। ଅଭିଯୁକ୍ତକୁ ତୁରନ୍ତ ଗିରଫ କରିବାକୁ ଗ୍ରାମବାସୀମାନେ ଅଡି ବସିଥିଲେ। ପୋଲିସ ପ୍ରତିଶ୍ରୁତି ଦେବା ପରେ ଗ୍ରାମବାସୀମାନେ ଶାନ୍ତ ପଡ଼ିଥିଲେ। ଯାଦବକୁ ଖୋଜିବା ଲାଗି ପୋଲିସ ଅନୁସନ୍ଧାନ ଜାରି ରଖିଛି। ବାଳକର ମନ ଭିତରେ ଯାଦବ ନିଜକୁ ଦେଖିଥିଲେ ବେtାଧହୁଏ ଏହି ହତ୍ୟାକାଣ୍ଡ କରିବାକୁ ସାହସ କରି ନ ଥାନ୍ତା।

 ଆଜିର ଅର୍ଥନୀତି/ପଦକ୍ଷେପ ଯଥେଷ୍ଟ ନୁହେଁ

ଆଜିର ଅର୍ଥନୀତି/ପଦକ୍ଷେପ ଯଥେଷ୍ଟ ନୁହେଁ

ଆଇସିଆଇସିଆଇ ବ୍ୟାଙ୍କ କର୍ତ୍ତୃପକ୍ଷ ଏହାର ସିଇଓ ଏବଂ ଏମ୍‌ଡି (ମୁଖ୍ୟ କାର୍ଯ୍ୟନିର୍ବାହୀ ତଥା ପରିଚାଳନା ନିର୍ଦ୍ଦେଶକ) ଚନ୍ଦା କୋଛରଙ୍କ ବିରୋଧରେ ଶେଷରେ ଯେଉଁ ପଦକ୍ଷେପ ନେଲେ, ତାହା ସେ ବହୁ ଆଗରୁ ନେବାର ଥିଲା। ତାଙ୍କ ବିରୋଧରେ ଚାଲିଥିବା ତଦନ୍ତ ଶେଷହେବା ପୂର୍ବରୁ ତାଙ୍କୁ ବାଧ୍ୟତାମୂଳକ ଭାବେ ଛୁଟି ଦିଆଯାଇଛି। କୋଛର ହେଉଛନ୍ତି ଭାରତୀୟ ବ୍ୟାଙ୍କିଙ୍ଗ୍‌ ଶିଳ୍ପର ଜଣେ ପୁରୁଣା ଖେଳାଳି। କର୍ପୋରେଟ୍‌ ଗଭର୍ନାନ୍ସର ନିୟମ ଉଲ୍ଲଂଘନ କରି ଋଣ ପ୍ରଦାନରେ ଅନୁଚିତ ଅନୁକମ୍ପା ଦେଖାଇଥିବା ଅଭିଯୋଗ ତାଙ୍କ ବିରୋଧରେ ରହିଛି। କୋଛର ପ୍ରସଙ୍ଗକୁ ପରିଚାଳନା କରିବାରେ ଆଇସିଆଇସିଆଇ ବ୍ୟାଙ୍କ ବୋର୍ଡର ଭୂମିକା ...

ସେମାନେ ଦେଖିଥିବା ଭାରତ

ସେମାନେ ଦେଖିଥିବା ଭାରତ

ଡ. ବାଞ୍ଛାନିଧି ପଣ୍ଡା ନିଜ ଦେଶର ଅତୀତର ଏକ ଉଜ୍ଜ୍ୱଳ ଚିତ୍ରର କୌଣସି ବିବରଣୀ ଆମେ ଯେତେବେଳେ ପଢିବାକୁ ପାଉ ଦେଶ ବିଷୟରେ ଗର୍ବ ଓ ଗୌରବର ଭାବନା ଆମ ମନରେ ସ୍ବତଃ ସୃଷ୍ଟି ହୁଏ। ଚାରିଜଣ ପରିବ୍ରାଜକଙ୍କ ଲେଖାରୁ ଆମେ ଭାରତବର୍ଷର ଅତୀତର ଏପରି ଏକ ଚିତ୍ର ଦେଖିବାକୁ ପାଉ। ସେମାନେ ହେଲେ ମେଘାସ୍ଥିନିସ, ଫାହିୟାନ, ହୁଏନ୍‌ସାଂ ଓ ଆଲବାରୁଣି। ମେଘାସ୍ଥିନିସ ଓ ଆଲବାରୁଣି ଉଭୟେ ବିଦ୍ୱାନ ସଭାସଦ୍‌ ଥିଲେ। ତେଣୁ ସେମାନେ ତାଙ୍କ ରଚନାରେ ଭାରତର ସାମାଜିକ ଓ ଅର୍ଥନୈତିକ ବ୍ୟବସ୍ଥା ଉପରେ ଅଧିକ ଗୁରୁତ୍ୱାରୋପ କରିଛନ୍ତି। ମାତ୍ର ଫାହିୟାନ ଓ ହୁଏନ୍‌ସାଂ ସନ୍ନ୍ୟାସୀ ପରିବ୍ରାଜକ ହୋଇଥିବାରୁ ସେମାନେ ଧର୍ମ ବିଷୟକ ବିବରଣୀକୁ ...

ଷ୍ଟାର୍‌ ଷ୍ଟାଟସ୍‌

ଷ୍ଟାର୍‌ ଷ୍ଟାଟସ୍‌

ପ୍ରକାଶ କୁମାର ସିଂହ ଷ୍ଟାର୍‌ମାନେ ଖାଲି ଆକାଶରେ ରହନ୍ତିନି, ଏଇ ମାଟିରେ ବି ଲୀଳାଖେଳା କରନ୍ତି ଆଉ ଅନେକଙ୍କର ହୃଦୟ ଜିଣନ୍ତି ଆଜ୍ଞା। ଷ୍ଟାରମାନେ ହେଲେ ଆମର ଆଦର୍ଶ। କିଏ କ୍ରୀଡ଼ା ଜଗତର ଷ୍ଟାର୍‌, କିଏ ଫିଲ୍ମ ଜଗତର ଷ୍ଟାର୍‌, କିଏ ସଙ୍ଗୀତ ଜଗତର ତ କିଏ ବିଜ୍ଞାନ ଦୁନିଆର ଷ୍ଟାର୍‌। ଷ୍ଟାର୍‌- ଯାହାକୁ ଆମେ ତାରକା କହୁ। ସେମାନେ ଆମ ଭଳି ସାଧାରଣ ମଣିଷ କିନ୍ତୁ ଅସାଧାରଣ ସେମାନଙ୍କର ପ୍ରତିଭା, ସେବା ମନୋଭାବ, ଧୈର୍ଯ୍ୟ, ସାହସ ଅବା କୃତିତ୍ୱ। କେଉଁ ଫିଲ୍ମରେ ବସ୍ତିର ପିଲା ଭୂମିକା କରି କିଏ ଷ୍ଟାର୍‌ ଷ୍ଟାଟସ୍‌ ପାଇଛି ତ କିଏ ବାଳକ ବୁଦ୍ଧିଆ ପରି ମାରାଥନ ଦୌଡି ଷ୍ଟାର୍‌ ପାଲଟିଛି। ତିଆରି ହୋଇଛି ଫିଲ୍ମ ବୁଦ୍ଧିଆ ବର୍ନ ଟୁ ରନ୍‌...। କିଏ ଡକାୟତକୁ ଘର ...

ଏଇ ଭାରତରେ

ଏଇ ଭାରତରେ

ଖେଳ ଶାରୀରିକ ବ୍ୟାୟାମ ତଥା ମନୋରଞ୍ଜନର ଏକ ଉତ୍ସ। ଏହା ଶିଶୁ, କିଶୋର ଓ ଯୁବକମାନଙ୍କ ପାଇଁ ଅତ୍ୟନ୍ତ ଆବଶ୍ୟକ। କିନ୍ତୁ ଏଥିପାଇଁ ଖେଳୁଆଡ଼ ମନୋବୃତ୍ତି ରହିବା ଦରକାର। ତା’ ନ ହେଲେ ଖେଳରୁ ବିବାଦ ସୃଷ୍ଟି ହୋଇ ଗଣ୍ଡଗୋଳ, ମାଡ଼ପିଟ ଓ ବେଳେବେଳେ ମୃତ୍ୟୁର କାରଣ ହୋଇପାରେ। ଦୁଇପକ୍ଷ ମଧ୍ୟରେ ବିଭେଦ ସୃଷ୍ଟିହୋଇ ଗଣ୍ଡଗୋଳ ହୋଇଥାଏ। କ୍ରିକେଟ୍‌ ଖେଳକୁ ନେଇ ଖଣ୍ଡଯୁଦ୍ଧ। ଏଥିରେ ଜଣେ ୧୫ବର୍ଷର ବାଳକ ବଳିପଡିଛନ୍ତି। ଏପରି ଏକ ଘଟଣା ଘଟିଛି ଉତ୍ତରପ୍ରଦେଶର ବାଲିଆଠାରେ। ମାସକ ତଳେ ଏକ କ୍ରିକେଟ୍‌ ମ୍ୟାଚ୍‌କୁ କେନ୍ଦ୍ରକରି ଭିକପୁର ଏବଂ ଶ୍ରୀପୁର ଗଁାର ଯୁବକଙ୍କ ମଧ୍ୟରେ ମାଡପିଟ ହୋଇଥିଲା। ଦୁଇ ଗଁାର ଭଦ୍ରଲୋକ ମଧ୍ୟସ୍ଥ ସାଜି ଗଣ୍ଡଗୋଳର ସମାଧାନ କରିଥିଲେ। ପରିସ୍ଥିତି କିଛିଦିନ ପାଇଁ ଶାନ୍ତ ପଡ଼ିଯାଇଥିଲା। କିନ୍ତୁ ବୁଧବାର ...

ପ୍ରାଣୀଙ୍କ ଜୀବନ ସହ ଖେଳ

ପ୍ରାଣୀଙ୍କ ଜୀବନ ସହ ଖେଳ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପ୍ରତିବର୍ଷ ବିଜ୍ଞାନାଗାରରେ କୋଟି କୋଟି ପ୍ରାଣୀଙ୍କ ଅଙ୍ଗପ୍ରତ୍ୟଙ୍ଗ କଟାଯାଉଛି। ଯେଉଁମାନେ ସରକାରରେ ଅଛନ୍ତି, ସେମାନେ ଭାବୁଛନ୍ତି ମଣିଷଙ୍କ ହିତ ପାଇଁ ଏହା ନିହାତି ଦରକାର। ସେମାନଙ୍କ ଧାରଣା ଯେକୌଣସି ଜିନିଷ ମଣିଷ ପାଖରେ ପହଞ୍ଚିବା ପୂର୍ବରୁ ପ୍ରାଣୀଠାରେ ପରୀକ୍ଷା ହୋଇଥିବା ଜରୁରୀ। ତେବେ ପ୍ରଶ୍ନ ଉଠୁଛି, ଏହା କ’ଣ ସତରେ ମଣିଷକୁ ନିରାପଦ କରୁଛି? ଚିନ୍ତା କରନ୍ତୁ, ପକ୍ଷୀ ପାଇଁ ଉଦ୍ଭାବିତ କୌଣସି ନୂଆ ଔଷଧକୁ କେବଳ ପକ୍ଷୀଠାରେ ହିଁ ପରୀକ୍ଷା କରାଯାଉଛି। ଏହାକୁ କ’ଣ କୁକୁରଠାରେ ପରୀକ୍ଷା କରାଯାଇପାରିବ? ତେଣୁ କାହିଁକି ମୂଷାଠାରେ ପରୀକ୍ଷିତ ଔଷଧ ମଣିଷକୁ ଦିଆଯିବ? ...

 ପରୀକ୍ଷା କେନ୍ଦ୍ରରେ ସିସି ଟିଭି

ପରୀକ୍ଷା କେନ୍ଦ୍ରରେ ସିସି ଟିଭି

ଡ. ସୁବାସ ଚନ୍ଦ୍ର ପାତ୍ର ଏବେ ଯୁକ୍ତ ୨ ପରୀକ୍ଷା ପାଇଁ ଉଦ୍ଦିଷ୍ଟ ପରୀକ୍ଷା କେନ୍ଦ୍ରଗୁଡ଼ିକରେ ସିସି ଟିଭି ଲାଗିବ ବୋଲି ସରକାରୀ ସ୍ତରରେ ନିଷ୍ପତ୍ତି ହୋଇଛି। ପରବର୍ତ୍ତୀ ସମୟରେ ତାହା ମହାବିଦ୍ୟାଳୟ ବା ବିଶ୍ୱବିଦ୍ୟାଳୟ ସ୍ତରୀୟ ପରୀକ୍ଷା କେନ୍ଦ୍ରରେ ଲଗାଇବାକୁ ମନସ୍ଥ କରାଯାଇଛି। ତେବେ ଏହି ସିସି ଟିଭି ଲାଗିବା ନେଇ ମିଶ୍ର ପ୍ରତିକ୍ରିୟା ଶୁଣିବାକୁ ମିଳୁଛି। କେତେକେ କହୁଛନ୍ତି, କିଛି ନ ହେଲେ ବି ପରୀକ୍ଷାର୍ଥୀ, ପରୀକ୍ଷା ନିୟନ୍ତ୍ରକ, କେନ୍ଦ୍ର ଅଧୀକ୍ଷକ ଓ ଅଭିଭାବକମାନଙ୍କ ମନରେ ଭୟ ଟିକେ ରହିବ। ସେମାନେ ଅସତ୍‌ ଉପାୟ ଅବଲମ୍ବନ ବା ସେ ପାଇଁ ପୃଷ୍ଠପୋଷକତା କରିବା ପୂର୍ବରୁ ଦୁଇଥର ଭାବିବେ। ଅନ୍ୟ ଏକ ଗୋଷ୍ଠୀ ଏହାକୁ ପ୍ରଭାବୀ ବୋଲି ଭାବୁନାହାନ୍ତି। ...

ପ୍ରଜ୍ଞା, ମେଧା ଓ ଯୋଗ

ପ୍ରଜ୍ଞା, ମେଧା ଓ ଯୋଗ

ବ୍ରହ୍ମାନନ୍ଦ ପଣ୍ଡା ଶରୀର ଏକ ରଥ, ଯହିଁରେ ଜୀବ ହେଉଛି ରଥୀ ବା ଆରୋହୀ। ଏ ରଥରେ ବୁଦ୍ଧି ସାରଥି, ମନ ଲଗାମ, ଇନ୍ଦ୍ରିୟମାନେ ହେଉଛନ୍ତି ଅଶ୍ୱ ଏବଂ ବିଷୟ ହେଉଛି ଗନ୍ତବ୍ୟ ମାର୍ଗ। ବିକ୍ଷିପ୍ତ ଆଲୋକରଶ୍ମିକୁ ଯବ କାଚରେ କେନ୍ଦ୍ରୀଭୂତ କରି ଯେପରି ଅଗ୍ନି, ତାପ ଓ ଆଲୋକ ସୃଷ୍ଟି କରାଯାଇପାରେ ଠିକ୍‌ ସେପରି ଯୋଗସାଧନା ଦ୍ୱାରା ଶରୀର, ମନ, ବୁଦ୍ଧି ଓ ଇନ୍ଦ୍ରିୟମାନଙ୍କୁ ନିୟନ୍ତ୍ରିତ କରି ସୁସ୍ଥ, ସବଳ ଓ ଦୀର୍ଘାୟୁ ଜୀବନ ଲାଭ କରାଯାଇପାରେ। ଯୋଗସାଧନା ଦ୍ୱାରା ଅନ୍ତଃକରଣକୁ ଶୁଦ୍ଧ କରି ପ୍ରାରବ୍ଧ ବା ଭାଗ୍ୟଫଳର ସଦୁପଯୋଗ ...

ଏଇ ଭାରତରେ

ଏଇ ଭାରତରେ

ଲେସ୍‌ବିଆନ୍‌, ଗେ, ବାଇସେକ୍ସୁଆଲ ଆଣ୍ଡ୍‌ ଟ୍ରାନ୍ସଜେଣ୍ଡର (ଏଲ୍‌ଜିବିଟି) ବର୍ଗ ଜୁନ୍‌କୁ ‘ପ୍ରାଇଡ୍‌ ମନ୍‌ଥ’ ବା ଗର୍ବର ମାସ ଭାବେ ପାଳନ କରୁଥିବା ବେଳେ କଲିକତାରେ ଜଣେ କିନ୍ନର ଚାକିରି ପାଇଁ ସାକ୍ଷାତ୍‌କାର ଦେବା ବେଳେ ଅଶ୍ଳୀଳତାର ସମ୍ମୁଖୀନ ହୋଇଥିବା ବିଷୟ ପଦାକୁ ଆସିଛି। ଇଂଲିଶ ଓ ଭୂଗୋଳରେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଥିବା ହରିନ୍ମୟୀ ଦେ ଯୌନ ଅସ୍ତ୍ରୋପଚାର ପରେ ସୁଚିତ୍ରା ଦେ ଭାବେ ପରିଚିତ ହୋଇଥିଲେ। ଘରେ ବୃଦ୍ଧା ମା’ ଥିବାରୁ ସଂସାର ଚଳାଇବା ପାଇଁ ତାଙ୍କୁ ଚାକିରି ଖୋଜିବାକୁ ପଡ଼ିଲା। ...

Model This Week

ପ୍ରଭାତ