ସମ୍ବଲପୁର

ହାଇୱା ଚୋରି କରି ଦୁଇ ଡ୍ରାଇଭର ଗିରଫ

ହାଇୱା ଚୋରି କରି ଦୁଇ ଡ୍ରାଇଭର ଗିରଫ
ରେଙ୍ଗାଲି, ୬।୩ (ଡି.ଏନ.ଏ)- ସମ୍ବଲପୁର ଜିଲା ରେଙ୍ଗାଲି ଥାନା ଅଞ୍ଚଳରୁ ବରେଇପାଲିର ନିରଞ୍ଜନ କିଶୋର ଦାସଙ୍କ ହାଇୱା (ଦଶ ଚକିଆ ଟ୍ରକ) ଚୋରି କରି ନେଇ ଚମ୍ପଟ ହୋଇଯାଇଥିବା ଦୁଇ ଡ୍ରାଇଭର ଗିରଫ ହୋଇଛନ୍ତି। ହାଇୱାକୁ ପୋଲିସ ଉଦ୍ଧାର କରିଛି। ଦୁଇ ଅଭିଯୁକ୍ତ ହେଲେ ହରିୟାଣାର ନରେଶ କୁମାର ଓ ରାଜସ୍ଥାନର ବିଶାଲ ଚଉତମାଲ ନାଏକ। ବରେଇପାଲିର ନିରଞ୍ଜନ ତାଙ୍କ ହାଇୱା ଟ୍ରକ (ଓଡି ୧୫ ଏଫ-୯୯୬୬)କୁ କାମରେ ଲଗାଇବା ପାଇଁ ରେଙ୍ଗାଲି ନିଶାନଭଙ୍ଗାଠାରେ ଥିବା ପଣ୍ଡିତ କ୍ରସର୍‌ର ମୁନସି ମନୀଷ ଶର୍ମାଙ୍କୁ କହିଥିଲେ। ଶ୍ୟାମଡିଆରଆଇ ନିକଟରେ ଗାଡି ଚଳାଉଥିବା ହରିୟାଣାର ନରେଶଙ୍କୁ ଡ୍ରାଇଭର ଯୋଗାଡ କରିବାକୁ ପଣ୍ଡିତ କ୍ରସର୍‌ ମୁନସି କହିଥିଲେ। ନରେଶ ନିଜର ସହଯୋଗୀ ରାଜସ୍ଥାନର ବିଶାଲଙ୍କୁ ଡ୍ରାଇଭର ଭାବେ ଗାଡି ଚଳାଇବା ପାଇଁ ଯୋଗାଡ କରିଥିଲେ । ୪ ରୁ ୫ ଦିନ ଗାଡି ଚଳାଇବା ପରେ ଫେବୃୟାରୀ ୨୬ ଗାଡି ନେଇ ନରେଶ ଏବଂ ବିଶାଲ ଚମ୍ପଟ ହୋଇଯାଇଥିଲେ । ମାଲିକ ଗାଡି ଖୋଜା ଖୋଜି କରି ନ ପାଇବାରୁ ରବିବାର ରେଙ୍ଗାଲି ଥାନାରେ ଅଭିଯୋଗ କରିଥିଲେ। ରେଙ୍ଗାଲି ଥାନା ଅଧିକାରୀ ରଜନୀକାନ୍ତ ସାମଲ ଏକ ମାମଲା (ନଂ ୪୦/୧୮) ରୁଜୁ କରିବା ସହ ଏକ ପୋଲିସ ଦଳ ଗଠନ କରି ତଦନ୍ତ ଆରମ୍ଭ କରିଥିଲେ । ଶେଷରେ ହାଇୱାକୁ ଛତିଶଗଡର ନର୍ମଦାପୁରରୁ ଉଦ୍ଧାର କରି ଦୁଇ ଡ୍ରାଇଭରଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ।
All Right Reserved By

ସମ୍ବଲପୁର

ଉଦ୍ୟୋଗୀ ବିକାଶ କାର୍ଯ୍ୟକ୍ରମ ଉଦ୍‌ଯାପିତ

ଉଦ୍ୟୋଗୀ ବିକାଶ କାର୍ଯ୍ୟକ୍ରମ ଉଦ୍‌ଯାପିତ

ସମ୍ବଲପୁର,୨୩।୯(ବ୍ୟୁରୋ)- ସମ୍ବଲପୁର ଆଞ୍ଚଳିକ ଶିଳ୍ପ କେନ୍ଦ୍ର ଦ୍ୱାରା ଆୟୋଜିତ ଉଦ୍ୟୋଗୀ ବିକାଶ କାର୍ଯ୍ୟକ୍ରମ ଉଦ୍‌ଯାପିତ ହୋଇଯାଇଛି । କାର୍ଯ୍ୟକ୍ରମରେ ୩୦ଜଣ ତାଲିମଦାତାଙ୍କୁ ତାଲିମ ପ୍ରଦାନ କରାଯାଇଥିଲା ।

ମେଦିନୀପୁର ବ୍ରିଜ୍‌ ମଝିରେ ବଢ଼େ ଗାଡ୍‌: ମରାମତି ଅଭାବୁ ଦୁଇଫାଲର ବାଡା ଭାଂଗ୍‌ଲା

ମେଦିନୀପୁର ବ୍ରିଜ୍‌ ମଝିରେ ବଢ଼େ ଗାଡ୍‌: ମରାମତି ଅଭାବୁ ଦୁଇଫାଲର ବାଡା ଭାଂଗ୍‌ଲା

ଭବାନୀପାଟଣା,୨୨।୯(ଡି.ଏନ୍‌.ଏ.)- ଭବାନୀପାଟଣା-ଛତିକୁଡା ମୁଖିଆ ରାସ୍‌ତା ମେଦିନୀପୁରଠାନେ ଥିବାର ପୁର୍‌ନା ବ୍ରିଜ ମଝିରେ ମରାମତି ଅଭାବୁ ଗୁଟେ ବଢ଼େ ଗାଡ୍‌ ହେଇଛେ। ଏନ୍‌ତା କି ବ୍ରିଜର ଦୁଇଫାଲେ ଥିବାର ବାଡା ବି ଭାଂଗିଯାଇଛେ। ବ୍ରିଜରେ ହେଇଥିବାର ଗାଡେ ପଡ଼ି ଝନ୍‌ ପଁାଚେ ସାତେ ଖଁଡ଼ିଆଖବରା ହେଇଥିବାର ବି ଜନାଯାଇଛେ। ଗଲା ୨୦ ତାରିଖ୍‌ ରାତି ବର୍‌ଷାରେ ବ୍ରିଜ୍‌ର କଂକ୍ରିଟ୍‌ ସିମେଟ ଧସି ବଢ଼େ ଗାଡ୍‌ ହେଇଛେ। 

ବିଦ୍ୟୁତ୍‌ ଆଘାତରେ ଯୁବକ ମୃତ, ଉତ୍ତେଜନା

ବିଦ୍ୟୁତ୍‌ ଆଘାତରେ ଯୁବକ ମୃତ, ଉତ୍ତେଜନା

ବରଗଡ଼ ସଦର ଥାନା ଅଧୀନ ବନବାସପାଲି ଗ୍ରାମରେ ରବିବାର ବିଦ୍ୟୁତ୍‌ ଆଘାତରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଭାତବିଡ଼ା ଗ୍ରାମର କୁମର ରଣା(୩୩)। କୁମର ଏକ ବିଦ୍ୟୁତ୍‌ ଖୁଣ୍ଟରେ ଚଢି ମରାମତି କରୁଥିଲେ। ସେତିକିବେଳେ କରେଣ୍ଟ ଲାଗି ତାଙ୍କର ମୃତ୍ୟୁ ଘଟିଥିଲା। ଅନ୍ୟପକ୍ଷେ କେହି ଜଣେ ବିଦ୍ୟୁତ୍‌ ସଂଯୋଗ କରି ଦେବାରୁ ଏଭଳି ଅଘଟଣ ଘଟିଥିବା ଅଭିଯୋଗ ହୋଇଛି। ଘଟଣାକୁ ନେଇ ବନବାସପାଲି ଗ୍ରାମରେ ଉତ୍ତେଜନା ପ୍ରକାଶ ପାଇଛି। 

ଭାଲୁ ଆକ୍ରମଣରେ ବୃଦ୍ଧ ଗୁରୁତର

ଭାଲୁ ଆକ୍ରମଣରେ ବୃଦ୍ଧ ଗୁରୁତର

ବରଗଡ଼ ଅଫିସ୍‌,୨୩।୯- ଦାନ୍ତ ଘଷିବା ପାଇଁ କାଠି ଭାଙ୍ଗିଯାଇ ଥିବାବେଳେ ରବିବାର ବରଗଡ଼ ଜିଲା ଭଟଲି ଥାନା ଖଜରିଆ ଗ୍ରାମର ସୀତାରାମ ରାଉତ(୫୫) ଭାଲୁ ଆକ୍ରମଣର ଶିକାର ହୋଇଥିଲେ। ଫଳରେ ତାଙ୍କ ହାତ, ଗୋଡ଼ ସହିତ ଶରୀର ବିଭିନ୍ନ ସ୍ଥାନରେ ଗୁରୁତର ଆଘାତ ଲାଗିଛି । ତାଙ୍କୁ ଗୁରୁତର ଅବସ୍ଥାରେ ବରଗଡ଼ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ବୃଦ୍ଧଜଣକ ନିହାତି ଗରୀବ ଶ୍ରେଣୀର ହୋଇଥିବା ଯୋଗୁ ତାଙ୍କୁ ଆବଶ୍ୟକ ଚିକିତ୍ସା ସମେତ ସରକାରୀ ସୁବିଧା ସୁଯୋଗ ଯୋଗାଇ ଦେବା ପାଇଁ ସାଧାରଣରେ ମତପ୍ରକାଶ ପାଇଛି ।

ନିଆରା ଶ୍ରଦ୍ଧାଞ୍ଜଳି: ନୃସିଂହନାଥ ଭୋଗ, ଚନ୍ଦନ ବୃକ୍ଷଚାରା ଅର୍ପଣ କଲେ ଦମ୍ପତି

ନିଆରା ଶ୍ରଦ୍ଧାଞ୍ଜଳି: ନୃସିଂହନାଥ ଭୋଗ, ଚନ୍ଦନ ବୃକ୍ଷଚାରା ଅର୍ପଣ କଲେ ଦମ୍ପତି

ବରଗଡ଼ ଅଫିସ୍‌,୨୩।୯- ବରଗଡ଼ ଜିଲା ବହୁମୁଖୀ ପ୍ରତିଭା ସ୍ବର୍ଗତ ଶାନ୍ତନୁ ବିଶ୍ୱାଳଙ୍କ ଗଙ୍ଗାଶ୍ରାଦ୍ଧ ଅବସରରେ ରବିବାର ସ୍ଥାନୀୟ ମିଳନ ମଣ୍ଡପରେ ସ୍ମୃତିସଭା ଅନୁଷ୍ଠିତ ହୋଇଯାଇଛି । ପୂର୍ବତନ ମନ୍ତ୍ରୀ ପ୍ରକାଶ ଚନ୍ଦ୍ର ଦେବତା, ଶିକ୍ଷାବିତ ଅଗ୍ନି ପ୍ରଧାନ, ପଦ୍ମପୁର ବିଧାୟକ ପ୍ରଦୀପ ପୁରୋହିତ, ନାରଦ ନୈଷ୍ଟିକ, ଗୋପାଳ ଅଗ୍ରୱାଲ, ଡା. ସରୋଜ କୁମାର ଯୋଶୀ, ଚାଷୀନେତା ଲିଙ୍ଗରାଜ, ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ପୂର୍ବତନ ବିଧାୟକ ସାଧୁ ନେପାକ, ରାଜ୍ୟ ଭାଜପା ଉପସଭାପତି ଅଶ୍ୱିନୀ ଷଡ଼ଙ୍ଗୀ ପ୍ରମୁଖ ସ୍ମୃତିସଭାରେ ମଞ୍ଚାସୀନ ଥିବାବେଳେ ବରଗଡ଼ ସାମ୍ବାଦିକ ସଂଘର ଯୁଗ୍ମ ସମ୍ପାଦକ ରମଣୀ ରଞ୍ଜନ ବେହେରା କାର୍ଯ୍ୟକ୍ରମ ସଂଯୋଜନା କରିଥିଲେ । 

ବିଜେଡିର ନୂଆଁଖାଇ ଭେଟ୍‌ଘାଟ୍‌ ପ୍ରସ୍ତୁତି

ବିଜେଡିର ନୂଆଁଖାଇ ଭେଟ୍‌ଘାଟ୍‌ ପ୍ରସ୍ତୁତି

ଅତାବିରା, ୨୩।୯ (ଡି.ଏନ.ଏ)- ବିଜେଡି ପକ୍ଷରୁ ନୂଆଁଖାଇ ଭେଟ୍‌ଘାଟ୍‌ ପ୍ରସ୍ତୁତି ବୈଠକ ସହରାଟିକ୍ରାଠାରେ ଅନୁଷ୍ଠିତ ହୋଇଯାଇଛି । ଏଥିରେ ରାଜ୍ୟ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ, ଦୁର୍ଗାପ୍ରସାଦ ଛୁରିଆଙ୍କ ସହ ଦଳୀୟ କର୍ମକର୍ତ୍ତା ଉପସ୍ଥିତି ରହି ନୂଆଁଖାଇ ଭେଟ୍‌ଘାଟ୍‌ ସଂକ୍ରାନ୍ତରେ ଆଲୋଚନା କରିଥିଲେ।

ନୂଆଁଖାଇ ଭେଟଘାଟ୍‌ରେ ମାରାଥନ ଦୌଡ଼

ନୂଆଁଖାଇ ଭେଟଘାଟ୍‌ରେ ମାରାଥନ ଦୌଡ଼

ରିଷିଡା,୨୩।୯(ଡି.ଏନ.ଏ)- କଳାହାଣ୍ଡି ଜିଲା ରିଷିଡ଼ାସ୍ଥିତ ଜ୍ୟୋତିବିକାଶ ଯୁବକ ସଂଘ ପକ୍ଷରୁ ରବିବାର ପୂର୍ବାହ୍ନରେ ନୂଆଁଖାଇ ଭେଟ୍‌ଘାଟ୍‌ ଉପଲକ୍ଷେ ମାରାଥନ୍‌ ଦୌଡ଼ ଅନୁଷ୍ଠିତ ହୋଇଥିଲା। ଯୁବନେତା ଶରତ କୁମାର ସାହୁ ଏହାର ଉଦ୍‌ଘାଟନ କରିଥିଲେ।

ଦଧିବାମନ ମନ୍ଦିରରେ ଅନ୍ତମୁଖି ପୂଜା

ଦଧିବାମନ ମନ୍ଦିରରେ ଅନ୍ତମୁଖି ପୂଜା

ଭଟଲି,୨୩।୯(ଡି.ଏନ୍‌.ଏ.)- ବରଗଡ଼ ଜିଲା ଭଟଲି ଦଧିବାମନ ମନ୍ଦିରରେ ରବିବାର ଅନ୍ତମୁଖି ପୂଜା ଅନୁଷ୍ଠିତ ହୋଇଯାଇଛି। ଭଗବାନ କୃଷ୍ଣଙ୍କୁ ପୂଜାର୍ଚ୍ଚନା ପରେ ଦଧିବାମନଙ୍କୁ ପୂଜାର୍ଚ୍ଚନା କରାଯାଇଥିଲା। ପରେ ବ୍ରାହ୍ମଣ ବରଣ କରାଯାଇଥିଲା। ରୋହିତ ରଥ, ବିଷ୍ଣୁ କୁମାର ରଥ, ରାଜା ଦାଶ, ସୁବ୍ରତ ଷଡଙ୍ଗୀ, ବାଙ୍କି ବିହାରି ମିଶ୍ର, ନାରାୟଣ ଦାଶ, ସୁଦାମ ଶତପଥୀ ପ୍ରମୁଖ ଉପସ୍ଥିତ ରହି ୧୨ସ୍କନ୍ଦ ଗୀତା ପାଠ କରିଥିଲେ। ପରେ ଗ୍ରାମ ପରିକ୍ରମା ପୂର୍ବକ ଅନନ୍ତ ପୂଜା କରାଯାଇଥିଲା।

ଭାଲୁ ଆକ୍ରମଣରେ ଯୁବକ ଗୁରୁତର

ଭାଲୁ ଆକ୍ରମଣରେ ଯୁବକ ଗୁରୁତର

ରେଢାଖୋଲ,୨୩।୯(ଡି.ଏନ୍‌.ଏ.)- ଭାଲୁ ଆକ୍ରମଣରେ ରେଢାଖୋଲ ଥାନା ଅଧୀନ କାଦୋବାହାଲ ଗ୍ରାମର ରଞ୍ଜିତ ନାଏକ(୨୫) ଗୁରୁତର ଆହତ ହୋଇଛନ୍ତି। ତାଙ୍କ ଛାତିରେ ଗଭୀର ଆଘାତ ଲାଗିଛି। ପରିବାର ଲୋକେ ତାଙ୍କୁ ଉଦ୍ଧାର କରି ରେଢାଖୋଲ ଡାକ୍ତରଖାନାରେ ଭର୍ତ୍ତି କରିଛନ୍ତି।

ଜିଲା ପୋଲିସ ପକ୍ଷରୁ ସ୍ଥାପିତ ହେବ ଶହୀଦ ଗୋବିନ୍ଦ ପ୍ରଧାନଙ୍କ ପ୍ରତିମୂର୍ତ୍ତି

ଜିଲା ପୋଲିସ ପକ୍ଷରୁ ସ୍ଥାପିତ ହେବ ଶହୀଦ ଗୋବିନ୍ଦ ପ୍ରଧାନଙ୍କ ପ୍ରତିମୂର୍ତ୍ତି

ବୌଦ୍ଧ,୨୩।୯(ସ୍ବ.ପ୍ର.)- ଶହୀଦଙ୍କୁ ସମ୍ମାନ ଜଣାଇବା ପାଇଁ ଦୀର୍ଘ ୮ ବର୍ଷ ପରେ ଜିଲା ପୋଲିସ ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି। ବୌଦ୍ଧ ବ୍ଲକ ଅନ୍ତର୍ଗତ ତେତେଲେଙ୍ଗା ଗ୍ରାମର ଗୋବିନ୍ଦ ପ୍ରଧାନ ସିଆର୍‌ପିଏଫ କନେଷ୍ଟବଳ ଭାବେ କାର୍ଯ୍ୟରତ ଥିବାବେଳେ ୨୦୧୦ରେ ଛତିଶଗଡ଼ ରାଜ୍ୟରେ ମାଓବାଦୀଙ୍କ ସହିତ ଗୁଳିବିନିମୟରେ ଶହୀଦ ହୋଇଥିଲେ। ତାଙ୍କର ପ୍ରତିମୂତ୍ତି ସେହି ଗ୍ରାମର ବିଦ୍ୟାଳୟ ପରିସରରେ ସ୍ଥାପନ କରାଯିବାକୁ ଜିଲା ପୋଲିସ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି। 

କରଞ୍ଜକଟା ପଞ୍ଚାୟତରେ ଦୁର୍ନୀତି: ଜିଲାପାଳଙ୍କ ନିକଟରେ ଫେରାଦ ହେଲେ ଅଭିଯୋଗକାରୀ

କରଞ୍ଜକଟା ପଞ୍ଚାୟତରେ ଦୁର୍ନୀତି: ଜିଲାପାଳଙ୍କ ନିକଟରେ ଫେରାଦ ହେଲେ ଅଭିଯୋଗକାରୀ

ତଳଗାଁ,୨୩।୯ (ଡି.ଏନ.ଏ)- ବୌଦ୍ଧ ଜିଲା ହରଭଙ୍ଗା ବ୍ଳକର ନୂତନ ଭାବେ  କରଞ୍ଜକଟା ପଞ୍ଚାୟତ ଗଠିତ ହୋଇଛି। ନୂତନ ପଞ୍ଚାୟତ ହେବାରୁ ପଞ୍ଚାୟତବାସୀ ଗାଁଗୁଡିକର ଉନ୍ନତି  ହେବା ନେଇ ଆଶା ରଖିଥିଲେ । କିନ୍ତୁ ଉନ୍ନତିକରଣ ହେବା ପରିବର୍ତ୍ତେ ବ୍ୟାପକ ଅର୍ଥ ତୋଷାରପାତ ହେବା ସହ ବିଭିନ୍ନ କାର୍ଯ୍ୟରେ ଅନିୟମିତତା ହୋଇଥିବା ନେଇ  ଗତ ମେ ୨୩ତାରିଖରେ ଗ୍ରାମର କେତେଜଣ ସଚେତନ ବ୍ୟକ୍ତି  ହରଭଙ୍ଗା ବ୍ଳକ ବିଡିଓଙ୍କୁ ଲିଖିତ ଅଭିଯୋଗ କରିଥିଲେ  ା

ଜିଲାସ୍ତରୀୟ ବିଜ୍ଞାନ ସେମିନାର: ଭାରତର ଉନ୍ନତିରେ ଚତୁର୍ଥ ଓଦ୍ୟୋଗିକ କ୍ରାନ୍ତି ପ୍ରଯୁଜ୍ୟ

ଜିଲାସ୍ତରୀୟ ବିଜ୍ଞାନ ସେମିନାର: ଭାରତର ଉନ୍ନତିରେ ଚତୁର୍ଥ ଓଦ୍ୟୋଗିକ କ୍ରାନ୍ତି ପ୍ରଯୁଜ୍ୟ

ନୂଆପଡା ଅଫିସ,୨୩।୯-ଭାରତରେ ଦିନକୁ ଦିନ ବୈଷୟିକ ଜ୍ଞାନ କୌଶଳର ଅଭିବୃଦ୍ଧି ଘଟୁଛି। ପ୍ରତିଦିନ ଓଦ୍ୟୋଗିକ କ୍ଷେତ୍ରରେ ବିକାଶ ଘଟୁଛି। ଦେଶରେ ଷ୍ଟିମ ଇଞିନଠାରୁ ଆରମ୍ଭ କରି ବର୍ତ୍ତମାନ କମ୍ପ୍ୟୁଟରୀକରଣ ଯୁଗରେ ଆମେ ଆସି ପହଞ୍ଚିଛୁ। ଚତୁର୍ଥ ଓଦ୍ୟୋଗିକ କ୍ରାନ୍ତି ଚାଲିଛି। ଏଥିରେ ଦେଶର ଉନ୍ନତି ସାଧନ ହେଉଛି। ଗୋଟିଏ ପଟେ କମ ସମୟରେ ବେଶୀ ଏବଂ ଠିକ କାମ ହେଉଥିବାବେଳେ ସବୁ କ୍ଷେତ୍ରରେ ବିକାଶ ହେଉଥିବା ପରିଲକ୍ଷିତ ହେଉଛି। ଆଜିର ଛାତ୍ର ସମାଜ ମଧ୍ୟ ଡିଜିଟାଲ ଇଣ୍ଡିଆ ଉପରେ ବିଶେଷ ଦୃଷ୍ଟି ଦେବା ଦରକାର। ହେଲେ ବିଶେଷ କରି କୁଶଳୀ ନ ହେଲେ ଦେଶରେ ବେରୋଜଗାର ସମସ୍ୟା ମୁଣ୍ଡ ଟେକିବ ବୋଲି ମତ ପ୍ରକାଶ ପାଇଛି।