ସମ୍ବଲପୁର

ଝାରସୁଗୁଡା ବିମାନବନ୍ଦର: ସୁରକ୍ଷାରେ ନିୟୋଜିତ ହେବେ ଡଗ୍‌ ସ୍କ୍ବାଡ୍‌

ଝାରସୁଗୁଡା ବିମାନବନ୍ଦର: ସୁରକ୍ଷାରେ ନିୟୋଜିତ ହେବେ ଡଗ୍‌ ସ୍କ୍ବାଡ୍‌
ଝାରସୁଗୁଡା ଅଫିସ,୬।୩ - ଝାରସୁଗୁଡା ବିମାନବନ୍ଦରର ସୁରକ୍ଷା ପରିଚାଳନା ଦାୟିତ୍ୱ ଓଡ଼ିଶା ଇଣ୍ଡଷ୍ଟ୍ରିଆଲ ସିକ୍ୟୁରିଟି ଫୋର୍ସ(ଓଆଇଏସ୍‌ଏଫ) ହାତରେ ନ୍ୟସ୍ତ କରାଯାଇଛି। ସେଥିପାଇଁ ୩୫ରୁ ଅଧିକ ଓଆଇଏସ୍‌ଏଫ୍‌ କର୍ମଚାରୀ ଭାରତୀୟ ବିମାନବନ୍ଦର ପ୍ରାଧିକରଣ (ଏଏଆଇ)ର କୋଲକାତା ସ୍ଥିତ ତାଲିମ୍‌ କେନ୍ଦ୍ରରୁ ତାଲିମ୍‌ ଗ୍ରହଣ କରିଛନ୍ତି। ବର୍ତ୍ତମାନ ବିମାନ ଚଳାଚଳ ସମୟ ପାଖେଇ ଆସୁଥିବାରୁ ଝାରସୁଗୁଡା ବିମାନବନ୍ଦର କର୍ତ୍ତୃପକ୍ଷ ଏବେ ତପତ୍ର ହୋଇଉଠିଛନ୍ତି। ତାଲିମ୍‌ପ୍ରାପ୍ତ ଓଆଇଏସ୍‌ଏଫ ସୁରକ୍ଷାକର୍ମୀ ସମେତ ଏକ ଡଗ୍‌ସ୍କ୍ବାଡ ନିୟୋଜିତ କରିବା ସପକ୍ଷରେ ମତ ଦେଇଛନ୍ତି ଝାରସୁଗୁଡା ବିମାନବନ୍ଦର ନିର୍ଦ୍ଦେଶକ ଲୋକନାଥ ପାଢୀ। ସେଥିପାଇଁ ରାଜ୍ୟ ପୋଲିସ ମୁଖ୍ୟାଳୟ ସହ ଯୋଗାଯୋଗ କରିଛନ୍ତି। ବିମାନ ଚଳାଚଳ ପୂର୍ବରୁ ତାଲିମପ୍ରାପ୍ତ ଡଗସ୍କ୍ବାଡ ଉପଲବ୍ଧ କରାଇବାକୁ ଅନୁରୋଧ କରିଛନ୍ତି। ଡଗସ୍କ୍ବାଡର ଉପସ୍ଥିତି ବିମାନବନ୍ଦର ସୁରକ୍ଷା ବ୍ୟବସ୍ଥାକୁ ମଜଭୁତ କରିବା ସହ ବିପଦ ଆଶଙ୍କା ଏଡାଇ ଦିଆଯାଇପାରିବ ବୋଲି ସେ କହିଛନ୍ତି। ରିଜିଓନାଲ କନେକ୍ଟିଭିଟି ସ୍କିମ୍‌ ଅଧୀନ ଉଡ଼ାନ୍‌ ଯୋଜନାରେ ବିମାନ ଚଳାଚଳ ପାଇଁ ବିମାନବନ୍ଦର ପ୍ରସ୍ତୁତ ହୋଇସାରିଥିବା ବେଳେ ବର୍ତ୍ତମାନ ଏ-୩୨୦ ବିମାନ ଚଳାଚଳ ପାଇଁ ଜୋରସୋରରେ କାମ ଚାଲିଛି। ପୂର୍ବ ଘୋଷଣା ମୁତାବକ ଫେବୃଆରୀ ସୁଦ୍ଧା ଉଡାନ୍‌ ଆରମ୍ଭ ହୋଇଯିବା କଥା। କିନ୍ତୁ ଏ ଯାଏଁ ଉଡାନ ଯୋଜନାରେ ବିମାନ ଚଳାଚଳ ନେଇ କୌଣସି ସ୍ପଷ୍ଟ ମତ ସୂଚନା ମିଳିନାହିଁ। ଗତ ୮ ମାସ ମଧ୍ୟରେ ଉଡାନ ଆରମ୍ଭ ନେଇ ତାରିଖ ଘୁଞ୍ଚି ଘୁଞ୍ଚି ଯାଉଥିବାରୁ ଲୋକଙ୍କ ମନରୁ ଉତ୍ସାହ କମିବାରେ ଲାଗିଛି। ଉଡାନ ପାଇଁ ଏଟିସି ଟାୱାର, ଅଗ୍ନିଶମ ବ୍ୟବସ୍ଥା, ପୋର୍ଟା କ୍ୟାବିନ୍‌ ଆଦି ପ୍ରସ୍ତୁତ। କେବଳ ବିମାନ ପାଇଁ ଅପେକ୍ଷା। ଅନ୍ୟପକ୍ଷରେ ବିମାନ ଚଳାଚଳ ପୂର୍ବରୁ ସୁରକ୍ଷା ବ୍ୟବସ୍ଥା ନେଇ କର୍ତ୍ତୃପକ୍ଷ ସତର୍କତା ଅବଲମ୍ବନ କରୁଥିଲେ ମଧ୍ୟ ଉଡାନ୍‌ ଆରମ୍ଭ ନେଇ ଆଶଙ୍କା ସୃଷ୍ଟି ହୋଇଛି।
All Right Reserved By

ସମ୍ବଲପୁର

କେନାଲରେ ଭାସିଗଲେ ୩ ବର୍ଷର ପୁଅ

କେନାଲରେ ଭାସିଗଲେ ୩ ବର୍ଷର ପୁଅ

ଅତାବିରା, ୧୯।୯ (ଡି.ଏନ.ଏ)- ବରଗଡ ଜିଲା ଅତାବିରା ଥାନା ତଥା ଗୋଡଭଗା ଫାଣ୍ଡି ଅଧୀନ ଲହଣ୍ଡା ବଲିପଡା ଗ୍ରାମର ସନୁ ମିର୍ଦ୍ଧାଙ୍କ ୩ବର୍ଷର ପୁଅ ଜିତୁ ବୁଧବାର ସକାଳେ ଘର ନିକଟରେ ଥିବା ଲହଣ୍ଡା ମାଇନର୍‌ କେନାଲରେ ଭାସିଯାଇଛନ୍ତି। ସ୍ଥାନୀୟ ଲୋକେ ଶିଶୁଟିକୁ ଉଦ୍ଧାର କରି ଡାକ୍ତରଖାନାକୁ ଚିକିତ୍ସା କରିବାକୁ ନେଇଥିଲେ । ଡାକ୍ତର କିନ୍ତୁ ମୃତ ଘୋଷଣା କରିଥିଲେ। ତେବେ କେନାଲ ହିଡରେ ଘର କରିବା ସନୁଙ୍କ ପାଇଁ କାଳ ହୋଇଛି।

ଆରଏମ୍‌ସିରେ ୮ଶହ ପଦ ଖାଲି

ଆରଏମ୍‌ସିରେ ୮ଶହ ପଦ ଖାଲି

ରାଉରକେଲା ଅଫିସ,୧୯।୯
ମହାନଗର ନିଗମ ରାଉରକେଲା(ଆରଏମସି)ରେ ୮୦୦ଶହରୁ ଊର୍ଦ୍ଧ ବିଭିନ୍ନ ପାହ୍ୟାର ପଦବୀ ଖାଲି ପଡ଼ିଛି। ଏଣୁ ସହରର ବିକାଶ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ବିଧାନସଭାରେ ବିଧାୟକ ଦିଲ୍ଲୀପ ରାୟ ଉଠାଇଥିବା ଏହି ପ୍ରସଙ୍ଗ ଉପରେ ନଗର ଉନ୍ନୟନ୍ନ ମନ୍ତ୍ରୀ ନିରଞ୍ଜନ ପୂଜାରୀ ଏଭଳି ବିବରଣୀ ଦେଇଛନ୍ତି। ଆରଏମସି ଓ ରାଉରକେଲା ସ୍ମାର୍ଟ ସିଟି ପାଇଁ କେଉଁ ପାହ୍ୟାରେ କେତେ ମଞ୍ଜୁରିପ୍ରାପ୍ତ ପଦ ରହିଛି। ସେଥିରୁ କେତେ ଖାଲି ପଡିଛି ଓ ଆଉ କେତେ ପଦର ଆବଶ୍ୟକ ରହିଛି ସଂକ୍ରାନ୍ତରେ ବିଧାୟକ ରାୟ ଜାଣିବାକୁ ଆଗ୍ରହ ପ୍ରକାଶ କରିଥିଲେ।

କୁନି ହାତ ଗଢ଼ୁଛି ମୂର୍ତ୍ତି

କୁନି ହାତ ଗଢ଼ୁଛି ମୂର୍ତ୍ତି

ରାଉରକେଲା ଅଫିସ,୧୯।୯
କୁନି ହାତ ଗଢ଼ୁଛି ମୂର୍ତ୍ତି। ମାଟିରେ ବିଭିନ୍ନ ଦେବାଦେବୀ ପ୍ରତିମାକୁ ଗଢ଼ିବା ପରେ ରଙ୍ଗ ତୁଳିର ସ୍ପର୍ଶ ଦେଉଛି। ଏହି କୁନି ମୂର୍ତ୍ତିଶିଳ୍ପୀଜଣକ ହେଲେ ରାଉରକେଲା ମଧୁସୂଦନପାଲ୍ଲୀ ଅଞ୍ଚଳର ଅଶୋକ ବେରାଙ୍କ ୧୧ ବର୍ଷର ପୁଅ ଆୟୁଷ। ୪ର୍ଥ ଶ୍ରେଣୀର ଛାତ୍ର। ଚମତ୍କାର ହେଉଛି, ସେ ଏହି ବିଦ୍ୟା କାହାଠାରୁ ଶିଖିନାହନ୍ତି କି କେହି ତାଙ୍କୁ ପ୍ରେରିତ କରିନାହାନ୍ତି। 

ରେଢ଼ାଖୋଲ ଉପଖଣ୍ଡକୁ ସମ୍ପୂର୍ଣ୍ଣ ମଦମୁକ୍ତ ଦାବି

ରେଢ଼ାଖୋଲ ଉପଖଣ୍ଡକୁ ସମ୍ପୂର୍ଣ୍ଣ ମଦମୁକ୍ତ ଦାବି

ରେଢ଼ାଖୋଲ,୧୯।୯(ଡି.ଏନ.ଏ.)-ସମ୍ବଲପୁର ଜିଲା ରେଢ଼ାଖୋଲ ଉପଖଣ୍ଡକୁ ସମ୍ପୂର୍ଣ୍ଣ ମଦମୁକ୍ତ କରିବା ଦାବିରେ ମିଳିତ ଓଡିଶା ନିଶାନିବାରଣ ଅଭିଯାନ ଓ ରେଢ଼ାଖୋଲ ବିକାଶ ମଞ୍ଚ ପକ୍ଷରୁ ଦାବି କରାଯାଇଛି। ବୁଧବାର ଏହି ମର୍ମରେ ଏକ ଦାବିପତ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦ୍ଦେଶ୍ୟରେ ଉପଜିଲାପାଳ ବିଶିକେସନ ଦେହୁରିଙ୍କୁ ପ୍ରଦାନ କରାଯାଇଛି।

ସ୍କୁଲ-କଲେଜ ଶିକ୍ଷକ, କର୍ମଚାରୀ ମିଳିତ ମଞ୍ଚର ଆନ୍ଦୋଳନ ଜାରି: ପଦଯାତ୍ରାରେ ଗାଁ ବୁଲି ଲୋକଙ୍କୁ ବୁଝାଇଲେ

ସ୍କୁଲ-କଲେଜ ଶିକ୍ଷକ, କର୍ମଚାରୀ ମିଳିତ ମଞ୍ଚର ଆନ୍ଦୋଳନ ଜାରି: ପଦଯାତ୍ରାରେ ଗାଁ ବୁଲି ଲୋକଙ୍କୁ ବୁଝାଇଲେ

ବୀରମହାରାଜପୁର, ୧୯।୯ (ଡି.ଏନ.ଏ)- ବ୍ଲକ ଗ୍ରାଣ୍ଟ ଉଚ୍ଛେଦ ସହ ପୂର୍ଣ୍ଣ ଅନୁଦାନ ଓ ଚାକିରି ସର୍ତ୍ତାବଳୀ ଲାଗୁ ଭଳି ୫ଦଫା ଦାବି ନେଇ ବ୍ଲକ ଗ୍ରାଣ୍ଟ ସ୍କଲ-କଲେଜ ଶିକ୍ଷକ, କର୍ମଚାରୀ ମିଳିତ ମଞ୍ଚର ଆନ୍ଦୋଳନ ଜାରି ରହିଛି। ଫଳରେ ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକର ୭ଟି ହାଇସ୍କୁଲ ଏବଂ ଏକମାତ୍ର ଭୁତିଆପାଲି୍‌ସ୍ଥିତ ପରମେଶ୍ୱରୀ କଲେଜରେ ଏବେ ତାଲା ଝୁଲୁଛି । ଫଳରେ ୧୫୦୦ରୁ ଊର୍ଦ୍ଧ୍ୱ ଛାତ୍ରୀଛାତ୍ରଙ୍କର ପାଠପଢ଼ା ବାଧାପ୍ରାପ୍ତ ହୋଇଛି । 

ହାତୀ ମୃତଦେହ ମିଳିଲା, ଲିଙ୍ଗ ନିର୍ଣ୍ଣୟ ନେଇ ଉତ୍ତେଜନା

ହାତୀ ମୃତଦେହ ମିଳିଲା, ଲିଙ୍ଗ ନିର୍ଣ୍ଣୟ ନେଇ ଉତ୍ତେଜନା

ବଲାଙ୍ଗୀର ଅଫିସ/ଦେଓଗାଁ, ୧୯।୯ (ଡି.ଏନ.ଏ.)- ବଲାଙ୍ଗୀର ବନଖଣ୍ଡ ଅଧୀନରେ ଥିବା ଦେଓଗାଁ ବ୍ଳକ୍‌ ଅନ୍ତର୍ଗତ ଉପରଝର ଗାଁ ନିକଟ ଏକ କ୍ଷେତରେ ଗୋଟିଏ ହାତୀର ମୃତଦେହକୁ ବୁଧବାର ସକାଳେ ଠାବ କରାଯାଇଛି। ହେଲେ କେଉଁ ପରିସ୍ଥିତିରେ ହାତୀଟିର ମୃତ୍ୟୁ ଘଟିଛି ଏହା ସ୍ପଷ୍ଟ ହୋଇନି। ହାତୀ ମୃତଦେହ ନିକଟରେ ୧୧ କେଭି ବିଦ୍ୟୁତ୍‌ ତାର ଯାଇଥିବା ଏକ ଖୁଣ୍ଟ ଢ଼ଳି ପଡିଛି। ଏହାର ଆର୍ଥିଂୱେର ଛିଣ୍ଡି ପଡିଛି। ଏଣୁ ବିଦ୍ୟୁତ୍‌ ତାର ସଂସ୍ପର୍ଶରେ ଆସି ହାତୀଟିର ମୃତ୍ୟୁ ଘଟିଥିବା ସନ୍ଦେହ କରାଯାଉଛି। ତେବେ ହାତୀଟି ନିଜେ ବିଦ୍ୟୁତ୍‌ ତାର ସଂସ୍ପର୍ଶରେ ଆସିଛି ନ କେହି ବିଦ୍ୟୁତ୍‌ ତାର ଫାଶ ଲଗାଇଥିଲା ତାହା ଜଣାପଡିନାହିଁ। 

ଛେଳିପଲ ଫେରିଲେ, କିନ୍ତୁ ବ୍ରହ୍ମା ଫେରିଲେନି

ଛେଳିପଲ ଫେରିଲେ, କିନ୍ତୁ ବ୍ରହ୍ମା ଫେରିଲେନି

ରେଢାଖୋଲ, ୧୯।୯ (ଡି.ଏନ.ଏ.)-ମଙ୍ଗଳବାର ଘରୁ ଛେଳି ପଲକୁ ଧରି ଜଙ୍ଗଲକୁ ଚରାଇବା ଲାଗି ଯାଇଥିଲେ। ସଞ୍ଜ ନଇଁବାରୁ ଛେଳିପଲ ଘରକୁ ଫେରିଲେ। ଏ ଘଡି ସେ ଘଡି ଅନେଇ ଅନେଇ ଘର ଲୋକେ ରହିଲେ। ହେଲେ ରାତି ୯ଟା ସୁଦ୍ଧା ସେ କିନ୍ତୁ ଘରକୁ ଫେରିଲେନି। ଖୋଜାଖୋଜି କଲେ କିନ୍ତୁ ନିରାଶ ହେବାକୁ ପଡିଲା। ଆଶା ଆଶଙ୍କାରେ ରହିଲେ। ରାତିରେ କାହାକୁ ନିଦ ହେଲାନି। ବୁଧବାର ମୁହଁ ଫର୍ଚ୍ଚା ହେବା ପରେ ଘର ଲୋକେ ଜଙ୍ଗଲକୁ ଗଲେ ଖୋଜିବାକୁ। ହେଲେ ଯାହା ଦେଖିଲେ ଆଖିରେ ବିଶ୍ୱାସ କରିବା କଷ୍ଟକର ହୋଇ ପଡିଥିଲା। ଗୋଟିଏ ମହୁଲ ଗଛକୁ ଲାଗି ସେ ଆଉଜି ହୋଇ ବସିଥିଲେ। ଦେହ କଳା ପଡି ଯାଇଥିଲା। ଗଛ ବି ପୋଡ଼ି ଯାଇଥିଲା। ଏଥିରେ ଆଉ କିଛି ଅବୁଝା ରହିଲାନି। ଘର ଲୋକେ ଜାଣିଗଲେ ଯେ, ବଜ୍ରପାତରେ ସେ ଗଛ ତଳେ ଟଳି ପଡିଛନ୍ତି। ସମ୍ବଲପୁର ଜିଲା ରେଢାଖୋଲ ସହର ୮ ନମ୍ବର ଓ୍ବାର୍ଡ ଅଧୀନ ଲୁକାପାଲିରେ ଏହି ଘଟଣା ଘଟିଛି। ବଜ୍ରପାତ ଯୋଗୁ ଲୁକାପାଲିର ବ୍ରହ୍ମା ପ୍ରଧାନ (୬୨)ନାମକ ଜଣେ ବକ୍ତିଙ୍କ ଜୀବନ ଯାଇଛି।

ଦକ୍ଷତା ବୃଦ୍ଧି କରିବା ଉପରେ ଗୁରୁତ୍ୱ

ଦକ୍ଷତା ବୃଦ୍ଧି କରିବା ଉପରେ ଗୁରୁତ୍ୱ

ସୋନପୁର,୧୯।୯(ନି.ପ୍ର.):ଛାତ୍ରୀଛାତ୍ରମାନଙ୍କ ମଧ୍ୟରେ ଦୈନନ୍ଦିନ ସଞ୍ଚୟର ଅଭ୍ୟାସକୁ ପ୍ରୋତ୍ସାହିତ କରିବା ପାଇଁ ଜିଲାସ୍ତରୀୟ ଉଦ୍‌ଘାଟନୀ ଉତ୍ସବ ଉଚ୍ଚ ବିଦ୍ୟାଳୟ ପରିସରରେ ଆୟୋଜିତ ହୋଇଯାଇଛି। ଜିଲାପାଳ ମଧୁସୂଦନ ମିଶ୍ର ମୁଖ୍ୟଅତିଥି ଭାବେ ଯୋଗଦେଇଥିଲେ। ବିଦ୍ୟାଳୟରେ ଅଧ୍ୟୟନରତ ଛାତ୍ରୀଛାତ୍ରମାନେ କିପରି ନିୟମିତ ପାଠପଢା ସହିତ କିଛି ସଞ୍ଚୟ କରିପାରିବେ, ବ୍ୟାଙ୍କରେ ଜମାଖାତା କରି ପରିଚାଳନା କରିବା ସହ ନିଜର ଆର୍ଥିକ ପରିଚାଳନା ଦକ୍ଷତା ବୃଦ୍ଧି କରିବେ ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ । ଛାତ୍ରୀଛାତ୍ରମାନଙ୍କୁ ସ୍ବାବଲମ୍ବୀ, ସୁରକ୍ଷିତ ଓ ସେମାନଙ୍କ ଦକ୍ଷତା ବୃଦ୍ଧି କରିବା ଉପରେ ଜିଲାପାଳ ମିଶ୍ର ଗୁରୁତ୍ୱ ଦେଇଥିଲେ। ଜିଲାରେ ଏହି କାର୍ଯ୍ୟକ୍ରମକୁ ସଫଳ ଭାବେ ରୂପାୟିତ କରିବା ପାଇଁ ସମସ୍ତଙ୍କ ସକ୍ରିୟ ସହଯୋଗର ଆବଶ୍ୟକତା ରହିଛି ବୋଲି କହିଥିଲେ।

ଧାନଗଛରେ ରୋଗପୋକଙ୍କ ପ୍ରାଦୁର୍ଭାବ

ଧାନଗଛରେ ରୋଗପୋକଙ୍କ ପ୍ରାଦୁର୍ଭାବ

ଅମରପାଲି/ସୋନପୁର,୧୯।୯(ନି.ପ୍ର./ଡି.ଏନ.ଏ.)
ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକର କୋଟସମଲାଇ ଗାଁରେ ଧାନ ଗଛରେ ରୋଗପୋକଙ୍କ ପ୍ରାଦୁର୍ଭାବ ଦେଖାଦେଇଛି। ଧାନ ଗଛରେ କାଣ୍ଡବିନ୍ଧା ପୋକ ଲାଗିବା ଯୋଗୁଁ ଗଛ ତଳୁ ପଚି ମରିଯାଉଛି। ସେହିପରି ପତ୍ରରେ ନଳିପୋକ ଲାଗୁଛନ୍ତି। ଏହି ପୋକ ପତ୍ରଗୁଡିକୁ କାଟି ଖାଇବା ଫଳରେ ଗଛର ପତ୍ର ଧଳା ପଡି ଯାଉଛି। ପ୍ରତିକାର ପାଇଁ ଚାଷୀ ଦୋକାନୀଙ୍କ କଥାରେ କୀଟନାଶକ କିଣି ଜମିରେ ପ୍ରୟୋଗ କରୁଛି। କିନ୍ତୁ ପୋକ ମରୁନାହାନ୍ତି। କୃଷି ବିଭାଗ ପକ୍ଷରୁ କୌଣସି ପରାମର୍ଶ ଦିଆଯାଉନି। କୃଷି ଅଧିକାରୀଙ୍କ ଦେଖା ମିଳୁ ନଥିବା ଚାଷୀ ଅଭିଯୋଗ କରିଛନ୍ତି।

ଦୋହରା ମତଦାତାଙ୍କ ନାମ ବାଦ୍‌, ଯୁବ ଭୋଟରଙ୍କୁ ସାମିଲ ଉପରେ ଗୁରୁତ୍ୱ

ଦୋହରା ମତଦାତାଙ୍କ ନାମ ବାଦ୍‌, ଯୁବ ଭୋଟରଙ୍କୁ ସାମିଲ ଉପରେ ଗୁରୁତ୍ୱ

ବୀରମହାରାଜପୁର, ୧୯।୯(ଡି.ଏନ.ଏ):ଆଗାମୀ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ଭାରତୀୟ ନିର୍ବାଚନ ଅୟୁକ୍ତଙ୍କ ପକ୍ଷରୁ ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଥିବା ବେଳେ ରାଜ୍ୟ ମୁଖ୍ୟନିର୍ବାଚନ ଅଧିକାରୀଙ୍କ ନିର୍ଦ୍ଦେଶରେ ବିଭିନ୍ନ ନିର୍ବାଚନ ମଣ୍ଡଳୀ ପାଇଁ ସ୍ବତନ୍ତ୍ର ଭୋଟର ତାଲିକା ସଂଶୋଧନ-୨୦୧୯ଅଭିଯାନ ଆଗେଇ ଚାଲିଛି। ଏହିକ୍ରମରେ ବଲାଙ୍ଗୀର ସଂସଦୀୟ କ୍ଷେତ୍ର ଅନ୍ତର୍ଗତ ବୀରମହାରାଜପୁର ବିଧାନସଭା ନିର୍ବାଚନ ମଣ୍ଡଳୀରେ ଏହି ପ୍ରକ୍ରିୟାକୁ ଜୋରଦାର କରାଯାଇଛି। ସୁବର୍ଣ୍ଣପୁର ଜିଲାର ୩ଟି ବ୍ଲକ ବିନିକା, ଉଲୁଣ୍ଡା ଓ ବୀରମହାରାଜପୁରକୁ ନେଇ ଗଠିତ ଉକ୍ତ ସଂରକ୍ଷିତ ନିର୍ବାଚନ ମଣ୍ଡଳୀରେ ୨୨୫୮ ଜଣ ଭୋଟରଙ୍କ ନାମ ଏକାଧିକ ସ୍ଥାନରେ ଉଲ୍ଲେଖଥିବା ଚିହ୍ନଟ କରାଯାଇଛି। ଅନ୍ୟପକ୍ଷରେ ୧୮ରୁ ୧୯ବର୍ଷ ବୟସର ବହୁ ଯୁବ ଭୋଟରଙ୍କ ନାମ ସ୍ଥାନିତ ହୋଇ ପାରି ନ ଥିବାରୁ ସଂଶୋଧିତ ତାଲିକାରେ ସୁଧାର ଆଣିବାକୁ ପ୍ରଶାସନ ଗୁରୁତ୍ୱ ଦେଇଛି। 

ଭେଣ୍ଟୋ ସୋଲାର ପାୱାର ପ୍ଳାଣ୍ଟ : ଜମି ଠକେଇ ଅଭିଯୋଗ, କାମ ବନ୍ଦ କଲେ କ୍ଷତିଗ୍ରସ୍ତ ଚାଷୀ

ଭେଣ୍ଟୋ ସୋଲାର ପାୱାର ପ୍ଳାଣ୍ଟ : ଜମି ଠକେଇ ଅଭିଯୋଗ, କାମ ବନ୍ଦ କଲେ କ୍ଷତିଗ୍ରସ୍ତ ଚାଷୀ

ବଲାଙ୍ଗିର ଅଫିସ, ୧୯ା୯:ବଲାଙ୍ଗୀର ଜିଲା ଦେଓଗଁା ବ୍ଳକ ମହଲେଇ ଗ୍ରାମ ପଞ୍ଚାୟତ ଅନ୍ତର୍ଗତ କୁକୁରଖାଇ ଗଁାରେ ନିର୍ମାଣାଧୀନ ଭେଣ୍ଟୋ ସୋଲାର ପାୱାର ପ୍ଳାଣ୍ଟ ବିରୋଧରେ ଜମି ହରାଇଥିବା ଚାଷୀମାନେ ମଙ୍ଗଳବାର ଆନ୍ଦୋଳନ ଆରମ୍ଭ କରିଛନ୍ତି ା ଏହି ଘରୋଇ କମ୍ପାନୀ ବିରୋଧରେ କ୍ଷତିଗ୍ରସ୍ତ ଚାଷୀମାନେ ତୁଷରା ଥାନାରେ ଠକେଇ ଅଭିଯୋଗ କରିବା ସହ ନିର୍ମାଣ କାମକୁ ବନ୍ଦ କରିଛନ୍ତି ା ନ୍ୟାର୍ଯ୍ୟ କ୍ଷତିପୂରଣ ଏବଂ  ଅନ୍ୟ ଦାବିପୂରଣ ନହେବା ପର୍ଯ୍ୟନ୍ତ ସେମାନେ ନିର୍ମାଣ କାର୍ଯ୍ୟ କରାଇବାକୁ ଦେବେନାହିଁ ବୋଲି ଚେତାବନୀ ଦେଇଛନ୍ତି ା ମଙ୍ଗଳବାର ପ୍ରାୟ ୪୦ଜଣ ଚାଷୀ କମ୍ପାନୀ ତରଫରୁ ନିର୍ମାଣାଧିନ ସୋଲାର ପାୱାର ପ୍ଳାଣ୍ଟ ସାଇଡ୍‌କୁ ସେମାନଙ୍କ ଜମି କ୍ଷତିପୂରଣ ଓ ଅନ୍ୟାନ୍ୟ ପ୍ରତିଶ୍ରୁତି ସମ୍ପର୍କରେ କମ୍ପାନୀ କର୍ତ୍ତୃପକ୍ଷଙ୍କ ସହ ଆଲୋଚନା କରିବାକୁ ଆସିଥିଲେ ା