ସମ୍ପାଦକୀୟ |

ବିଜୁବାବୁଙ୍କ ବୈଜ୍ଞାନିକ ସ୍ବପ୍ନର ବିଶ୍ୱରୂପ

ବିଜୁବାବୁଙ୍କ ବୈଜ୍ଞାନିକ ସ୍ବପ୍ନର ବିଶ୍ୱରୂପ
ଡ. ରମେଶ ଚନ୍ଦ୍ର ପରିଡ଼ା/ସମସ୍ତେ ସ୍ବପ୍ନ ଦେଖନ୍ତି। କିନ୍ତୁ ଯୁଗପୁରୁଷମାନେ ଦେଖିପାରନ୍ତି ଚେତନାଶାଣିତ ସ୍ବପ୍ନ। ତାହା ସଫଳ ହୁଏ ଏବଂ ଇତିହାସ ରଚନା କରେ। ବିଜୁବାବୁ ଥିଲେ ଏହିପରି ଜଣେ ଯୋଗଜନ୍ମା। ସେଥିପାଇଁ ତାଙ୍କ ସ୍ବପ୍ନ ଯେ କେବଳ ଓଡିଶାର ନବନିର୍ମାଣର ଶିଳାନ୍ୟାସ କରିଥିଲା ତା’ ନୁହେଁ, ତାହା ଏ ଜାତିର ଗରିମାମୟ ଐତିହ୍ୟର ଧ୍ୱଜା ବହନ କରି ସମଗ୍ର ବିଶ୍ୱକୁ ପରିବ୍ୟାପ୍ତ ହୋଇଗଲା। ଫଳରେ ଦୀର୍ଘଦିନ ଧରି ପ୍ରଚଣ୍ଡ ହୀନମନ୍ୟତାର ଅନ୍ଧାର ଭିତରେ ଡୁବିଯାଇଥିବା ଏଇ ଜାତିଟି ଆନ୍ତର୍ଜାତିକ ସ୍ତରରେ ତା’ର ପରିଚୟ ଖୋଜିପାଇବାର ଅବକାଶ ଲାଭ କଲା। ପିତା ଲକ୍ଷ୍ମୀନାରାୟଣ ଏବଂ ମାତା ଆଶାଲତାଙ୍କ କୋଳ ମଣ୍ଡନ କରି ୧୯୧୭ ମସିହା ମାର୍ଚ୍ଚ ୫ତାରିଖ ଦିନ ବିଜୁବାବୁ କଟକର ତୁଳସୀପୁରସ୍ଥିତ ଆନନ୍ଦଭବନରେ ଜନ୍ମଲାଭ କରିଥିଲେ। ଦୁଃସାହସିକତା ତାଙ୍କ ଚରିତ୍ରରେ ପରିସ୍ଫୁଟ ହୋଇଥିଲା ଅତି ବାଲ୍ୟକାଳରୁ। ଛାତ୍ରାବସ୍ଥାରେ ଦୁଇଜଣ ବନ୍ଧୁଙ୍କୁ ପ୍ରରୋଚିତ କରି ତାଙ୍କ ସହିତ ସେ ବର୍ତ୍ତମାନ ପାକିସ୍ତାନରେ ଥିବା ପେଶାଓ୍ବାର ପର୍ଯ୍ୟନ୍ତ ଯାତ୍ରା କରିଥିଲେ ସାଇକେଲରେ। ତତ୍ପରେ ସେ ବି.ଏସ୍‌ସି. ପଢୁଥିବା ଅବସ୍ଥାରେ ପାଠ ଛାଡି ବିମାନଚାଳନା ଶିିଖିଲେ ଏବଂ ରୟାଲ ଏୟାରଫୋର୍ସରେ ଯୋଗଦେଲେ। ତା’ପରେ ସେ ଯୋଗଦେଲେ ବଡଲାଟଙ୍କ ପାଇଲଟ ରୂପେ। କିନ୍ତୁ ତାଙ୍କ ମନ ଥିଲା ସ୍ବାଧୀନତା ଆନ୍ଦୋଳନରେ। ୧୯୪୨ ଭାରତଛାଡ ଆନ୍ଦୋଳନ ବେଳେ ଗାନ୍ଧୀ, ନେହେରୁ ଆଦି ନେତାମାନଙ୍କୁ ବନ୍ଦୀ କରାଯାଇଥିଲା। ସେତେବେଳେ ଲୁଚି ଲୁଚି ଏ ସଂଗ୍ରାମକୁ ଚଳାଇ ରଖିଥିଲେ ଜୟପ୍ରକାଶ ନାରାୟଣ, ଅରୁଣା ଆସଫ ଅଲୀ ପ୍ରମୁଖ। ବିଜୁବାବୁ ଗୋପନରେ ଏମାନଙ୍କୁ ସହାୟତା କରୁଥିଲେ। ଏହା ଜଣାପଡିଲା ପରେ ତାଙ୍କୁ ଚାକିରିରୁ ବିତାଡିତ କରାଗଲା। ତା’ପରେ ସେ ଯୋଗଦେଲେ ଡାଲମିଆ ଜୈନ ଏୟାରଓ୍ବେଜ୍‌ର ମୁଖ୍ୟ ବୈମାନିକ ରୂପେ। ତାଙ୍କ ଦୁଃସାହସିକତାର ପ୍ରମାଣ ମିଳିଲା ୨୨ ଜୁଲାଇ ୧୯୪୭ ଦିନ। ସେଦିନ ସେ ଇଣ୍ଡୋନେସିଆର ମୁକ୍ତିସଂଗ୍ରାମୀ ସୁଲ୍‌ତାନ ସାରିଆରଙ୍କୁ ଉପନିବେଶବାଦୀ ଡଚ୍‌ ସରକାରଙ୍କ କାରାଗାରରୁ ଯେପରି ମୁକ୍ତ କରିଥିଲେ ତାହା ଯୁଗ ଯୁଗକୁ କିମ୍ବଦନ୍ତୀ ହୋଇ ରହିବ। ଏହାଫଳରେ ବିଜୁବାବୁଙ୍କ ସାହସ ଓ ଦେଶପ୍ରେମ ସହିତ ଓଡିଶା ମଧ୍ୟ ପରିଚିତ ହୋଇଗଲା ଆନ୍ତର୍ଜାତିକ ସ୍ତରରେ। ସେଥିପାଇଁ ତାଙ୍କୁ ୧୯୭୩ ମସିହାରେ ଭୂଷିତ କରାଗଲା ସ୍ବାଧୀନ ଇଣ୍ଡୋନେସିଆର ସର୍ବୋଚ୍ଚ ବେସାମରିକ ସମ୍ମାନ ‘ଭୂମିପୁତ୍ର’ ଉପାଧିରେ। ଆନ୍ତର୍ଜାତିକ ସ୍ତରରେ ବିଜ୍ଞାନକୁ ଜନପ୍ରିୟ କରିବାରେ ସଫଳ ଓ ଶ୍ରେଷ୍ଠ ବୈଜ୍ଞାନିକଙ୍କୁ ‘ୟୁନେସ୍କୋ’ ଦ୍ୱାରା ସମ୍ମାନିତ କରିବା ପାଇଁ ତାଙ୍କ ଦ୍ୱାରା ପ୍ରତିଷ୍ଠିତ ‘କଳିଙ୍ଗ ପୁରସ୍କାର’ ଆଧୁନିକ ଓଡିଶା ଇତିହାସରେ ଏକ ଯୁଗାନ୍ତକାରୀ ଘଟଣା। ଏହାଫଳରେ ସମଗ୍ର ବିଶ୍ୱବାସୀ ସତ୍ତା ହରାଇ ବସିଥିବା ଏହି ରାଜ୍ୟର ଏବଂ ଏହାର ଇତିହାସ ସମ୍ପର୍କରେ ପ୍ରାରମ୍ଭିକ ସୂଚନା ପାଇଲେ। ସେତେବେଳକୁ ବିଜୁବାବୁଙ୍କ ବୟସ ମାତ୍ର ୩୫ ବର୍ଷ। ଦେଶ ବା ରାଜ୍ୟର ରାଜନୀତିରେ ସେ ବିଶେଷ ପ୍ରତିଷ୍ଠିତ ହୋଇ ନ ଥାନ୍ତି। ଅନ୍ୟପକ୍ଷରେ ସେ ଥିଲା ସ୍ବାଧୀନତାର ଠିକ୍‌ ପର ସମୟର ଭାରତ, ଯେତେବେଳେ କି ଏହାର ପରିଚୟ ଥିଲା ଏକ ଅନ୍ଧବିଶ୍ୱାସ ଜର୍ଜରିତ କ୍ଷୁଧିତ ଦେଶ ରୂପେ ଏବଂ ଆମ ରାଜ୍ୟ ଓଡିଶାର କିଛି ବି ସତ୍ତା ନ ଥିଲା। ଏ ସମୟରେ ଏଠାର ବିଜ୍ଞାନ କଥା ନ କହିବା ଭଲ। ଏହାବ୍ୟତୀତ ବିଜ୍ଞାନକୁ ଜନପ୍ରିୟ କରିବାର ଗୁରୁତ୍ୱ ସେତେବେଳେ ସମଗ୍ର ବିଶ୍ୱ ମଧ୍ୟ ବିଶେଷ ଭାବେ ଅନୁଭବ କରି ନ ଥାଏ। ଏପରି ସମୟରେ ଜାତିସଂଘର ଏଭଳି ଏକ ଗୁରୁତ୍ୱପୂର୍ଣ୍ଣ ସଂସ୍ଥାକୁ ଏହି ‘ଜନପ୍ରିୟ ବିଜ୍ଞାନରେ ବିକଳ୍ପ ନୋବେଲ ପୁରସ୍କାର’ ପ୍ରତିଷ୍ଠା ପାଇଁ ପ୍ରବର୍ତ୍ତାଇବା ଏବଂ ସେଥିରେ ସଫଳ ହେବା କେବଳ ଜଣେ ଅବିଶ୍ୱସନୀୟ ଭାବେ ଗଭୀର ଆତ୍ମବିଶ୍ୱାସ ସମ୍ପନ୍ନ ବ୍ୟକ୍ତିତ୍ୱ ପକ୍ଷେ ହିଁ ସମ୍ଭବ, ଯାହାର ଅଧିକାରୀ ଥିଲେ ବିଜୁବାବୁ। ପୁନଶ୍ଚ ପୁରସ୍କାରଟି ସହିତ ନିଜର କିମ୍ବା ନିଜ ପରିବାରରେ କାହାରି ନାମ ନ ଯୋଡି ସେ ଯୋଡିଲେ ‘କଳିଙ୍ଗ’ର ନାମ। କି ବିଶାଳ ସେ ହୃଦୟ। କି ବିରଳ ସେ ବୈଜ୍ଞାନିକ ମାନସିକତା। କି ବ୍ୟାପକ ସେ ଦୂରଦୃଷ୍ଟି! କି ଅକଳନୀୟ ସେ ଜାତିପ୍ରେମ! ଏହାରି ମଧ୍ୟରେ ମୁକୁଳିତ ହୋଇଥିଲା ତାଙ୍କ ବୈଜ୍ଞାନିକ ସ୍ବପ୍ନର ବିଶ୍ୱରୂପ, ଯାହା କି କ୍ରମେ ପ୍ରକଟିତ ହେଲା ନାନା ରୂପରେ। ସେ ଥିଲେ ଆମ ରାଜ୍ୟରେ ଶିଳ୍ପ ଯୁଗର ଭଗୀରଥ। ତାଙ୍କ ଦ୍ୱାରା ଆହୂତ ଗଙ୍ଗାର ପ୍ରତିଟି ମୋଡରେ ଗଢିଉଠିଥିବା ଆଧୁନିକ ‘ଶିଳ୍ପମନ୍ଦିର’ଗୁଡିକ ମଧ୍ୟରେ ଅଛନ୍ତି ଚୌଦ୍ୱାରର କଳିଙ୍ଗ ଟିଉବ୍‌ସ ଓ ଲୁଗାକଳ, ପାରାଦୀପର ବୃହତ୍‌ ବନ୍ଦର, ସୁନାବେଡାର ମିଗ୍‌ କାରଖାନା, ରାଉରକେଲାର ଇସ୍ପାତ କାରଖାନା, ଅନୁଗୋଳର ନ୍ୟାଶ୍‌ନାଲ ଆଲୁମିନିୟମ କମ୍ପାନୀ, ରେଙ୍ଗାଲୀ ଜଳବିଦ୍ୟୁତ୍‌ ପ୍ରକଳ୍ପ ଇତ୍ୟାଦି। ରାଜ୍ୟରେ ବିଜ୍ଞାନ ଶିକ୍ଷା ଓ ଗବେଷଣାକୁ ମଧ୍ୟ ତାଙ୍କ ଅବଦାନ ଅନବଦ୍ୟ। ରାଉରକେଲାଠାରେ ଆଞ୍ଚଳିକ ଇଞ୍ଜିନିୟରିଂ ମହାବିଦ୍ୟାଳୟ, ଭୁବନେଶ୍ୱରଠାରେ ଦେଶର ଦ୍ୱିତୀୟ କୃଷି ଓ ବୈଷୟିକ ବିଶ୍ୱବିଦ୍ୟାଳୟ, ଆଞ୍ଚଳିକ ଗବେଷଣାଗାର ଓ ଆଞ୍ଚଳିକ ଶିକ୍ଷା ମହାବିଦ୍ୟାଳୟ ଆଦି ସ୍ଥାପନ ତାଙ୍କର କୀର୍ତ୍ତିମାଳାର ଗୋଟିଏ ଗୋଟିଏ ମାଇଲଖମ୍ବ। ତୃଣମୂଳ ସ୍ତରରେ ବିଜ୍ଞାନ ଶିକ୍ଷାର ପ୍ରସାର ଲାଗି ରାଜ୍ୟର ସମସ୍ତ ସରକାରୀ ଏବଂ ବେସରକାରୀ ମହାବିଦ୍ୟାଳୟକୁ ଆର୍ଥିକ ପ୍ରୋତ୍ସାହନ ଯୋଗାଇ ଦିଆଯାଇଥିଲା ତାଙ୍କରି ମୁଖ୍ୟମନ୍ତ୍ରିତ୍ୱ କାଳରେ। ଆନ୍ତର୍ଜାତିକ ଖ୍ୟାତିସମ୍ପନ୍ନ ବୈଜ୍ଞାନିକ ଜେ.ବି.ଏସ୍‌. ହାଲଡେନଙ୍କୁ ଓଡିଶା ଆଣି ରାଜ୍ୟର ବୈଜ୍ଞାନିକମାନଙ୍କୁ ତାଙ୍କ ଦ୍ୱାରା ଅନୁପ୍ରାଣିତ କରିବା ଥିଲା ବିଜୁବାବୁଙ୍କ ବୈଜ୍ଞାନିକ ସ୍ବପ୍ନର ଆଉ ଏକ ପରିପ୍ରକାଶ। ତାଙ୍କ ବ୍ୟକ୍ତିତ୍ୱର ଆଉ ଏକ ଅସାଧାରଣ ତଥା ମହାନ୍‌ ଦିଗ ଉନ୍ମୋଚିତ କରିଥାଏ, ସେ ଦ୍ୱିତୀୟବାର ମୁଖ୍ୟମନ୍ତ୍ରୀ ଥିବା ଅବସ୍ଥାରେ ସେକ୍ରେଟାରିଏଟ୍‌ କର୍ମଚାରୀମାନଙ୍କ ଆନ୍ଦୋଳନ କାଳରେ ତାଙ୍କ ଉପରକୁ ଫୁଲକୁଣ୍ଡ ଫିଙ୍ଗା ଘଟଣା। ପରଦିନ ପୋଲିସ ଦୋଷୀକୁ ଧରି ତାଙ୍କ ଆଗରେ ହାଜର କରାଇଲା। ବିଜୁବାବୁ ତା’ ମୁହଁକୁ ଚାହିଁଲେ ଓ କହିଲେ- ”ଯୁବକଟି ନିଶ୍ଚୟ ସାହସୀ। ନଚେତ୍‌ ମୋ ଉପରକୁ ଫୁଲକୁଣ୍ଡ ପକାଇବାର ସାହସ କରନ୍ତା କିପରି? ତେବେ ସେ ଲକ୍ଷ୍ୟଭ୍ରଷ୍ଟ। ତାକୁ ଛାଡିଦିଅ, ଉତ୍ତମ ଲକ୍ଷ୍ୟଭେଦୀ ହେବାର ସୁଯୋଗ ଦିଅ। ରାଜ୍ୟ ଚାହେଁ ଲକ୍ଷ୍ୟଭେଦୀ ସାହସୀ ଯୁବକ...। ଏବେ କିଛି ଅପରିଣାମଦର୍ଶୀ ରାଜନେତାଙ୍କ ପ୍ରରୋଚନାରେ କେତେକ ବିପଥଗାମୀ ଯୁବତୀଯୁବକ ଫିଙ୍ଗୁଥିବା ଅଣ୍ଡାକୁ ବୋମା ଭଳି ଭୟ କରି ସେମାନଙ୍କ ବିରୁଦ୍ଧରେ ହତ୍ୟା ଉଦ୍ୟମ ଅଭିଯୋଗ ଆଣୁଥିବା ଅପରପକ୍ଷର ନେତାମାନେ ଏଥିରୁ ଶିକ୍ଷାଲାଭ କରିବା ଉଚିତ। ସେମାନେ ବୁଝିବା ଦରକାର ଯେ ଏଥିପ୍ରତି ଅଯଥା ଗୁରୁତ୍ୱାରୋପ ଏହାକୁ ଅଧିକ ପ୍ରୋତ୍ସାହିତ କରୁଛି। ଆଉ ଗୋଟିଏ ଘଟଣା ୧୯୬୬-୬୭ ମସିହା ବେଳର। ସେତେବେଳେ ଅନୁଷ୍ଠିତ ନିର୍ବାଚନରେ ସେ ଚାରୋଟି ସ୍ଥାନରୁ ହାରିଥାନ୍ତି। ନିର୍ବାଚନ ଇତିହାସରେ ଏହାକୁ ଚରମ ବିପର୍ଯ୍ୟୟ ରୂପେ ବର୍ଣ୍ଣନା କରୁଥାଏ ଗଣମାଧ୍ୟମ। ସେତିକିବେଳେ ବାଣୀବିହାରର ଏକ ଛାତ୍ରାବାସ ଉତ୍ସବକୁ ତାଙ୍କର ମୁଖ୍ୟଅତିଥି ହୋଇ ଯିବାର କାର୍ଯ୍ୟକ୍ରମ ଥାଏ। ସମସ୍ତେ ଭାବୁଥାନ୍ତି ଯେ ଏଥିରେ ମର୍ମାହତ ହୋଇ ସେ ତହିଁରେ ଯୋଗଦେବେ ନାହିଁ। କିନ୍ତୁ ସଂଗ୍ରାମୀ ମଣିଷ କେବେ ଜୟ-ପରାଜୟକୁ ଖାତିର କରେନି। ଏଣୁ ବିଜୁବାବୁ ସେଥିରେ ଯୋଗଦେଲେ ଏବଂ ଛାତ୍ରମାନଙ୍କ ଆଗରେ ରଖିଦେଇ ଗଲେ ଏକ ନୂତନ ଆଦର୍ଶ। ଏବେ ପାଳିତ ହୋଇଛି ଏହି ଯୋଗଜନ୍ମା ମହାନ୍‌ ବ୍ୟକ୍ତିଙ୍କର ଜନ୍ମ ଶତବାର୍ଷିକୀ। ସେହି ଅବସରରେ ତାଙ୍କ ଜୀବନୀ ଆଧାରିତ ‘ଟଲ୍‌ମ୍ୟାନ’ ଅର୍ଥାତ୍‌ ତୁଙ୍ଗ ମଣିଷ ନାମକ ପୁସ୍ତକଟିଏ ପ୍ରକାଶ ପାଇଛି। ତେବେ ସେ କେବଳ ଜଣେ ତୁଙ୍ଗ ମଣିଷ ନ ଥିଲେ ଆହୁରି ଉତ୍ତୁଙ୍ଗ ଥିଲା ତାଙ୍କର ବ୍ୟକ୍ତିତ୍ୱ। ଭୁବନେଶ୍ୱର, ମୋ-୯୯୩୭୯୮୫୭୬୭
All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ ବୋଲକରା ହୁଅନା

ଆଜିର ଅର୍ଥନୀତି/ ବୋଲକରା ହୁଅନା

ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ର ଗଭର୍ନର ପଦରୁ ଉର୍ଜିତ ପଟେଲଙ୍କ ଆକସ୍ମିକ ବିଦାୟ ଏବଂ ଅବିଳମ୍ବେ ତାଙ୍କ ସ୍ଥାନରେ ଭୁବନେଶ୍ୱର-ଜନ୍ମିତ ତାମିଲନାଡ଼ୁ କ୍ୟାଡର ଆଇଏଏସ୍‌ ଅଫିସର ଶକ୍ତିକାନ୍ତ ଦାସଙ୍କୁ ନିଯୁକ୍ତି ଦିଆଯିବା ଘଟଣା ପଛରେ କିଛି ରହସ୍ୟ ରହିଛି। କାରଣ ଶକ୍ତିକାନ୍ତ ଅତୀତରେ ମୋଦି ସରକାରଙ୍କ ବହୁ ଆସ୍ଫାଳନଭରା ବିମୁଦ୍ରୀକରଣ କାର୍ଯ୍ୟର ତଦାରଖ କରିଥିଲେ। ତୁଙ୍ଗ ଅଧିକାରୀମାନଙ୍କୁ ଆକସ୍ମିକ ଭାବେ ଅଦଳବଦଳ କରିବା ଏ ସରକାରଙ୍କ ପାଇଁ କିଛି ନୂଆ କଥା ନୁହେଁ। ପଟେଲଙ୍କ ପୂର୍ବରୁ ସରକାରଙ୍କ ସହ ବିଭିନ୍ନ ପ୍ରସଙ୍ଗରେ ମତଭେଦ ଘଟିବାରୁ ରଘୁରାମ ରାଜନ୍‌ଙ୍କୁ ସରକାରଙ୍କ କ୍ରୋଧର ଶରବ୍ୟ ହେବାକୁ ପଡ଼ିଥିଲା। ତାଙ୍କ ପୂର୍ବରୁ ନୀତି ଆୟୋଗର ଉପାଧ୍ୟକ୍ଷ ଅରବିନ୍ଦ ପାନାଗାରିଆ ଏବଂ ମୁଖ୍ୟ ଅର୍ଥନୈତିକ ପରାମର୍ଶଦାତା ଅରବିନ୍ଦ ସୁବ୍ରମଣ୍ୟନ୍‌ ଇସ୍ତଫା...

ବିରଳ ଗଙ୍ଗାଜଳ

ବିରଳ ଗଙ୍ଗାଜଳ

ଡ. ଗୌରୀଶଙ୍କର ସାହୁ

ଗଙ୍ଗାନଦୀ ଆଧ୍ୟାତ୍ମିକ ଦୃଷ୍ଟିକୋଣରୁ ହିନ୍ଦୁ ସମାଜରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛି।  ଏହା ପାପନାଶିନୀ ଓ ମୋକ୍ଷଦାୟିନୀ ବୋଲି ବିଶ୍ୱାସ ରହିଛି। ଲୋକେ ଗଙ୍ଗାନଦୀ ନୁହେଁ ବରଂ ଗଙ୍ଗାମାତା ବୋଲି କହିଥାନ୍ତି। ଏସବୁ ମଧ୍ୟରେ ବୈଜ୍ଞାନିକ ଦୃଷ୍ଟିକୋଣରୁ ଯେ ଗଙ୍ଗାଜଳ ବିରଳ ଏ ସମ୍ବନ୍ଧରେ ଆଲୋଚନା ଖୁବ୍‌ କମ୍‌ ହୁଏ। ଗଙ୍ଗାଜଳର ରୋଗପ୍ରତିରୋଧକ କ୍ଷମତା ସମ୍ବନ୍ଧୀୟ ଗବେଷଣାତ୍ମକ ନିଷ୍କର୍ଷ ମଧ୍ୟ ବହୁତ କମ୍‌ ଲୋକ ଜାଣନ୍ତି, ଯଦିଓ ଆମେ ସମସ୍ତେ ଅନୁଭବ କରୁଛେ ଯେ, ଗଙ୍ଗାଜଳ ବାକି ନଦୀର ଜଳଠାରୁ ଭିନ୍ନ। ସାଧାରଣ ନଦୀ, କୂଅ, ପୋଖରୀର ଜଳକୁ ବୋତଲରେ ବନ୍ଦ କରି ରଖିଲେ କିଛିଦିନ ପରେ ସେଥିରୁ ଦୁର୍ଗନ୍ଧ ବାହାରିବ କିନ୍ତୁ ଗଙ୍ଗାଜଳ ବର୍ଷ ବର୍ଷ ଧରି ସତେଜ ରହିଥାଏ। ତେଣୁ ଘରେ ଗଙ୍ଗାଜଳ ରଖି ଆବଶ୍ୟକ ଅନୁସାରେ ଧାର୍ମିକ କାର୍ଯ୍ୟରେ ବ୍ୟବହାର କରାଯାଏ, ...

 ପିଲାଙ୍କ ଖେଳ: କାଲି ଓ ଆଜି

ପିଲାଙ୍କ ଖେଳ: କାଲି ଓ ଆଜି

ରୁଦ୍ର ପ୍ରସନ୍ନ ରଥ

ଖେଳ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ। ଖେଳକୁ ନେଇ ପିଲାମାନେ ସବୁବେଳେ ଉତ୍ସାହିତ ଥାଆନ୍ତି। ସୁଯୋଗ ପାଇଲା ମାନେ ଖେଳିବାକୁ ପଳାଇଯାଆନ୍ତି। କେତେବେଳେ ବାଗୁଡ଼ି ତ ଆଉ କେତେବେଳେ ବୋହୂଚୋରି, ପୁଣି କେତେବେଳେ ଡାଳମାଙ୍କୁଡ଼ି। କିଛି ନ ହେଲେ ଡାବଲପୁଆ ଆଉ କାଚବାଟି ମିଳିଗଲେ ପିଲାଙ୍କୁ ରୋକେ କିଏ? ଗାଁ ସଂସ୍କୃତିରେ କ୍ରିକେଟ ପଶିବାର ବହୁ ପୂର୍ବରୁ ଏ ଖେଳ ସବୁ ଆମ ସଭ୍ୟତା ଏବଂ ସଂସ୍କୃତିର ଗୁରୁତ୍ୱପୂର୍ଣ୍ଣ ଅଂଶବିଶେଷ ହୋଇ ରହିଥିଲା। ସ୍କୁଲ ଯିବା ପୂର୍ବରୁ ଖେଳ, ସ୍କୁଲରେ ଭୋଜନ ବିରତିରେ ଖେଳ, ସ୍କୁଲରୁ ଫେରିଲା ପରେ ବହିବସ୍ତାନି ଫୋପାଡି ଦେଇ ସାଙ୍ଗମାନଙ୍କ ସହ ମାତିଯାଇ ଖେଳ। ଏମିତି ହିଁ ପିଲାମାନଙ୍କର ପିଲାଦିନ କଟିଯାଉଥିଲା ତୋଟା ଆଉ ନଦୀପଠାରେ। ପୁଣି ରଜ ଆଦି ପର୍ବପର୍ବା...

ଏଇ ଭାରତରେ

ଏଇ ଭାରତରେ

ଦୂରରେ ଥାଇ ଠକେଇ କରିବା ସହଜ। ଏବେ ଅନଲାଇନ୍‌ ଶପିଂ ଦୂରଠକେଇର ଏକ ପ୍ଲାଟଫର୍ମରେ ପରିଣତ ହୋଇଛି କହିଲେ ଅତ୍ୟୁକ୍ତି ହେବନାହିଁ। ଏଭଳି ଠକେଇ ବିଷୟରେ ପ୍ରାୟତଃ କିଛି ଲୋକ ଅବଗତ ଅଛନ୍ତି। ଏହାଦ୍ୱାରା ଜଣେ ଠକାମିର ଶିକାର ହେଲେ ଆଉଥରେ କୌଣସି ଜିନିଷ ମଗାଇବାକୁ ମନ ବଳା...

ମ୍ୟାଗଟ୍‌ ସଂକ୍ରମଣ

ମ୍ୟାଗଟ୍‌ ସଂକ୍ରମଣ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପିପୁଲ ଫର୍‌ ଆନିମଲ୍‌ସ, ମହୀଶୂର ଶାଖାର କର୍ମୀମାନେ ଏକ ଘୋଡ଼ା ଉଦ୍ଧାର କରିଥିଲେ, ଯାହାର ମୁଣ୍ଡକୁ ପରଜୀବୀ (ପାରାସାଇଟ୍‌)ମାନଙ୍କ ଦ୍ୱାରା ଅଧା ଖିଆଯାଇ ସାରିଥିଲା। ମୁଁ ତା’ର ପୂର୍ବ ଓ ପର ଅବସ୍ଥାର ଛବି ଏଥିରେ ପ୍ରଦାନ କରୁଛି। ଏହା ଏକ ସଫଳତାର କାହାଣୀ, ମାତ୍ର ଅନେକ ପ୍ରାଣୀଙ୍କ ଦେହରେ ପରଜୀବୀ ପୂରା ଭିତରକୁ ପ୍ରବେଶ କରିସାରିଥିବାରୁ ସେମାନଙ୍କ ବଞ୍ଚିବା ଅସମ୍ଭବ ହୋଇପଡ଼ୁଛି। ଏଭଳି ରୋଗ ସଂକ୍ରମଣ ହେଲେ ମଣିଷଙ୍କଠାରୁ ପ୍ରାଣୀମାନେ ବେଶି କଷ୍ଟ ପାଇଥାନ୍ତି, କାରଣ ସେମାନଙ୍କ ପାଖରେ କିଛି ବିକଳ୍ପ ନ ଥାଏ। ସେମାନଙ୍କର ଚିକିତ୍ସା କରିବା ପାଇଁ ଡାକ୍ତର ନ ଥାନ୍ତି। ରୋଗଗ୍ରସ୍ତ ହୋଇପଡ଼ିଲେ ଅଧିକାଂଶ ମାଲିକ ଏପରି ପ୍ରାଣୀମାନଙ୍କୁ ପରିତ୍ୟାଗ କରିଥାନ୍ତି। ...

ଆର୍ଥିକ ଉପନିବେଶବାଦ ଓ ଭାରତ

ଆର୍ଥିକ ଉପନିବେଶବାଦ ଓ ଭାରତ

ଅରୁଣ କୁମାର ପଣ୍ଡା

ସ୍ବାଧୀନତାକୁ ୭୨ବର୍ଷ ହେବା ପରେ ବି ଭାରତୀୟ ଅର୍ଥ ବ୍ୟବସ୍ଥା ସିଦ୍ଧାନ୍ତ ରୂପରେ ଉପନିବେଶବାଦ ଟ୍ରାକ୍‌ରୁ ଓହ୍ଲାଇ ନୂଆ ମାର୍ଗରେ ଚାଲିବା ପାଇଁ ଏ ପର୍ଯ୍ୟନ୍ତ ସମର୍ଥ ହୋଇପାରିନାହିଁ। ଦୀର୍ଘ ଦିନର ଗୋଲାମି କାରଣରୁ ଦେଶର ଅର୍ଥ ବ୍ୟବସ୍ଥା ଲମ୍ବା ସମୟ ଧରି ଘୁଷୁଡ଼ି ଘୁଷୁଡି ଏବେ ବିଶ୍ୱର ଷଷ୍ଠ ସବୁଠାରୁ ବଡ଼ ଆର୍ଥିକ ପ୍ରଗତିର ରାଷ୍ଟ୍ରରେ ପରିଣତ ହୋଇଛି। ଏହି ୭୨ବର୍ଷରେ ଦେଶରେ ଅର୍ଥ ବ୍ୟବସ୍ଥାର ବିସ୍ତାର ନିଶ୍ଚିତ ଭାବରେ ହୋଇଛି। ପରନ୍ତୁ ଆମକୁ ଅପେକ୍ଷିତ ସଫଳତା ମିଳିପାରିନାହିଁ।...

ସାଧକ ଶ୍ରୀଯଶୋବନ୍ତ ସ୍ମରଣେ

ସାଧକ ଶ୍ରୀଯଶୋବନ୍ତ ସ୍ମରଣେ

ଡ. ଜ୍ୟୋତିର୍ମୟୀ ମହାନ୍ତି

ଖ୍ରୀଷ୍ଟୀୟ ଷୋଡ଼ଶ ଶତାବ୍ଦୀରେ ଗଜପତି ପ୍ରତାପରୁଦ୍ରଦେବଙ୍କ ରାଜତ୍ୱ କାଳରେ ସିଦ୍ଧ ସାଧକ, ଶ୍ରୀଜଗନ୍ନାଥଙ୍କ ପରମଭକ୍ତ ପଞ୍ଚସଖାଙ୍କର ଆବିର୍ଭାବ ଘଟିଥିଲା। ଯେଉଁମାନେ କି ନିଜ ନିଜର ସାଧନା ବଳରେ ଓଡ଼ିଶାରେ ଆଧ୍ୟାତ୍ମିକ ଚେତନା ଓ ଧାର୍ମିକ ଭାବନାରେ ଆଲୋଡ଼ନ ସୃଷ୍ଟି କରିଥିଲେ। ଏମାନଙ୍କ ମଧ୍ୟରେ ମାନବ ଜୀବନ ଦର୍ଶନ ସମ୍ପର୍କରେ ବିଶ୍ଳେଷଣ କରି ତତ୍କାଳୀନ ସମାଜରେ ଏକ ଯୁଗାନ୍ତକାରୀ ସ୍ବର ତୋଳିଥିବା ସାଧକଶ୍ରେଷ୍ଠ ଶ୍ରୀଯଶୋବନ୍ତ ଗୋସେଇଁ ଅନ୍ୟତମ। ତାଙ୍କର ଜନ୍ମସ୍ଥାନ ଅବିଭକ୍ତ କଟକ ତଥା ବର୍ତ୍ତମାନର ଜଗତ୍‌ସିଂହପୁର ଜିଲା ଅନ୍ତର୍ଗତ ଅଢ଼ଙ୍ଗ ଗ୍ରାମ। ଜନ୍ମ ସମୟ ଓ ପିତାଙ୍କ ନାମ ସମ୍ପର୍କରେ ଉଦୟ କାହାଣୀ, ଭକ୍ତି ଚନ୍ଦ୍ରିକା, ଶୂନ୍ୟସଂହିତା ଆଦି ଗ୍ରନ୍ଥରୁ ବିଭିନ୍ନ ପ୍ରକାର ତଥ୍ୟ ମିଳିଥାଏ। ଆଲୋଚକଗଣ ତାଙ୍କ ଜନ୍ମ ସମୟ ୧୪୭୦ରୁ ୧୫୫୦ ଖ୍ରୀଷ୍ଟାବ୍ଦ ...

ଏଇ ଭାରତରେ

ଏଇ ଭାରତରେ


ଦୁର୍ନୀତି, ଶୋଷଣ, ଅରାଜକତା ପାଇଁ ସାଧାରଣତଃ ରାଜନେତା, ଉଚ୍ଚ ପଦବୀରେ ଥିବା ସରକାରୀ ଅଧିକାରୀଙ୍କୁ ଦାୟୀ କରାଯାଏ। ଦୁର୍ନୀତି ପ୍ରମାଣିତ ହେଲେ ସେମାନେ ଦଣ୍ଡିତ ହେବା ଅନେକ ନଜିର ରହିଛି। ହେଲେ ଅନେକଙ୍କ ବିରୋଧରେ ପ୍ରମାଣ ମିଳେନାହିଁ କିମ୍ବା ସେମାନଙ୍କ ବିରୋଧରେ ସ୍ବର ଉଠାଇବାକୁ ଲୋକେ ସାହସ କରନ୍ତି ନାହିଁ। ଏସବୁ ବର୍ତ୍ତମାନ ସମାଜରେ ସାଧାରଣ କଥା ହୋଇଥିଲାବେଳେ ଅନେକ ଲୋକଙ୍କ ମନରେ ରାଜନେତା ଓ ଉଚ୍ଚପଦସ୍ଥ ଅଧିକାରୀଙ୍କ ...

୫ ଫଳ

୫ ଫଳ

ସମ୍ପାଦକୀୟ/ ତଥାଗତ ସତପଥୀ

ନିକଟରେ ଶେଷ ହୋଇଥିବା ନିର୍ବାଚନ କୌଣସି ସାଧାରଣ ନିର୍ବାଚନ ନ ଥିଲା ଏବଂ ଏହାର ଫଳାଫଳରୁ ଯେଉଁ ସୂଚନା ମିଳୁଛି, ତାକୁ ମଧ୍ୟ ଉପେକ୍ଷା କରାଯାଇ ନ ପାରେ। କେବଳ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ରେ ୬୫ ଲୋକ ସଭା ଆସନ ଥିବାରୁ ଏହା ଭବିଷ୍ୟତ ପାଇଁ ଭାବିବାର ଖୋରାକ ଯୋଗାଉଛି। ଗୋଟିଏ ବଡ଼କଥା ହେଉଛି, ଏହି ରାଜ୍ୟଗୁଡ଼ିକରୁ ୨୦୧୪ ନିର୍ବାଚନରେ କଂଗ୍ରେସ ମାତ୍ର ୩ଟି ଲୋକ ସଭା ଆସନ ଜିତିଥିଲା। ଆଗକୁ ସାଧାରଣ ନିର୍ବାଚନ ଆଉ ମାତ୍ର କେଇ ମାସ ବାକି ଥିବାବେଳେ ଏହି ଫଳାଫଳରୁ ଜଣାପଡ଼ୁଛି, ସରକାରଙ୍କର ଧନୀ-ସପକ୍ଷବାଦୀ ମନୋଭାବ ଓ ଧନୀ-ସପକ୍ଷବାଦୀ ନୀତି ନିର୍ଦ୍ଧାରଣ କରିବାର ମାନସିକତାକୁ ଜନତା ଗ୍ରହଣ କରୁନାହାନ୍ତି। ଏଥର ମଧ୍ୟପ୍ରଦେଶ ଓ ଛତିଶଗଡ଼ର ଗ୍ରାମାଞ୍ଚଳ ଲୋକ ଭାଜପା ପ୍ରତି...

ଅସ୍ପୃଶ୍ୟତା, ଲକ୍ଷ୍ମୀପୁରାଣ ଓ ବଳରାମ

ଅସ୍ପୃଶ୍ୟତା, ଲକ୍ଷ୍ମୀପୁରାଣ ଓ ବଳରାମ

ନାରାୟଣ ପଣ୍ଡା 

ଉତ୍କଳ ପଞ୍ଚସଖାଙ୍କ ମହାପାତ୍ର, ଖୁଣ୍ଟିଆ, ମହାନ୍ତି, ଦାସ ଓ ମୁନି ଇତ୍ୟାଦି ସଂଜ୍ଞା ଥିଲା। ସେମାନେ କିନ୍ତୁ ସମସ୍ତେ ନିଜକୁ ଶୂଦ୍ର ବୋଲି ପରିଚିତ କରାଇଛନ୍ତି। ସନ୍ଥ ଅଚ୍ୟୁତାନନ୍ଦଙ୍କ ଉଦୟ କାହାଣୀ ଗ୍ରନ୍ଥରେ ପଞ୍ଚସଖାମାନଙ୍କର ଜାତି ପ୍ରସଙ୍ଗରେ କୁହାଯାଇଛି, ସେମାନେ ସତ୍ୟଯୁଗରେ ବ୍ରାହ୍ମଣ, ତ୍ରେତୟାରେ କ୍ଷତ୍ରିୟ, ଦ୍ୱାପରରେ ବୈଶ୍ୟ ଓ କଳିଯୁଗରେ ଶୂଦ୍ର। ଭକ୍ତି ଧର୍ମର ବର୍ଣ୍ଣ ହେଉଛି ଶୂଦ୍ର ବର୍ଣ୍ଣ। ସେମାନଙ୍କର ସ୍ବଭାବ ମିଷ୍ଟ, ବିନୟୀ ଓ ସରଳ। ଶୂଦ୍ର ନିଜର ନିର୍ଲିପ୍ତ ସେବା ଦ୍ୱାରା ଈଶ୍ୱର ସାନ୍ନିଧ୍ୟ ଓ ଚତୁର୍ବର୍ଗ ଫଳପ୍ରାପ୍ତ ହୋଇଥାଏ। ପଞ୍ଚଦଶ ଶତାବ୍ଦୀରେ ଜନ୍ମିତ ଉତ୍କଳର ପଞ୍ଚସଖା- ବଳରାମ ଦାସ ୧୪୮୨, ଯଶୋବନ୍ତ ଦାସ ୧୪୮୨, ଅଚ୍ୟୁତାନନ୍ଦ ଦାସ ୧୪୮୫, ଶିଶୁ ଅନନ୍ତ ୧୪୮୫ ଓ ଜଗନ୍ନାଥ ଦାସ ୧୪୯୦- ସାହିତ୍ୟ ଓ ସମାଜ ସଂସ୍କାର କ୍ଷେତ୍ରରେ ତାଙ୍କର ଅମଳିନ ସ୍ବାକ୍ଷର ରଖି...

ଅସୁରକ୍ଷିତ ଆଶ୍ରମ ଗୃହ

ଅସୁରକ୍ଷିତ ଆଶ୍ରମ ଗୃହ

ପ୍ରୀତିଛନ୍ଦା ଧଳ

ନିକଟରେ ହଇଚଇ ସୃଷ୍ଟି କରିଛି ବେଲ୍‌ଟିକିରି ସେଲ୍‌ଟର ହୋମ୍‌ କାରନାମା। ‘ହାପି ଆଣ୍ଡ ହୋଲି ହୋମ୍‌’ ନାମକ ଆଶ୍ରମରେ ନାବାଳିକାମାନଙ୍କୁ ଯୌନ ନିର୍ଯାତନାର କଥା ଶୁଣି ସାଧାରଣ ଜନତାଙ୍କ ଲୋମ ଟାଙ୍କୁରି ଉଠୁଛି। କେତେ ଅସୁରକ୍ଷିତ ଆମର ଆଶ୍ରମ ଉଭୟ ଝିଅ ଓ ପୁଅମାନଙ୍କ ପାଇଁ ଏବେ ଏଠାରେ ଏକ ବଡ଼ ପ୍ରଶ୍ନ। ପ୍ରକୃତରେ ଦେଖିବାକୁ ଗଲେ ଲାଜ ଲାଗେ ଯେ ଏତେସବୁ ହୋଇଥାଏ ଆଶ୍ରମ ଗୃହରେ କିନ୍ତୁ ଆମର ପ୍ରଶାସନ ପାଖରେ କିଛି ଖବର ନ ଥାଏ। ଏହାର ଉତ୍ତର କିଏ ଦେବ ଏବଂ ଏହାର ଗୁରୁଦାୟିତ୍ୱ କାହାର? ...

ଏଇ ଭାରତରେ

ଏଇ ଭାରତରେ

ଭାରତର ବିଭିନ୍ନ ପ୍ରାନ୍ତରେ ଭିନ୍ନ ଭିନ୍ନ ପରମ୍ପରା ରହିଛି। ଏହାକୁ ସ୍ଥାନୀୟ ଲୋକେ ମାନି ଚଳିଥାଆନ୍ତି। ପରମ୍ପରାକୁ ଅମାନ୍ୟ କଲେ ଅମଙ୍ଗଳ ହୁଏ ବୋଲି ଲୋକମାନେ ବିଶ୍ୱାସ କରନ୍ତି। ତେଣୁ ସେଠାରେ ପ୍ରଥା-ପରମ୍ପରାକୁ ମାନି ଲୋକେ ଜୀବନଯାପନ କରନ୍ତି। ମଧ୍ୟପ୍ରଦେଶ ଓ ଛତିଶଗଡରେ ଏପରି ଏକ ନିଆରା ପରମ୍ପରା ରହିଛି ଯାହା ଅବିଶ୍ୱାସ ଲାଗିଲେ ମଧ୍ୟ ସତ। ଏହି ଦୁଇ ରାଜ୍ୟରେ ବାସ କରୁଥିବା ଗୋଣ୍ଡ ଜନଜାତିର ଲୋକମାନେ ଏହି ଅଜବ ପରମ୍ପରାକୁ ମାନିଥାଆନ୍ତି। ଉକ୍ତ ଜନଜାତିରେ ବିବାହ ପୂର୍ବରୁ ବରକୁ ରକ୍ତପାନ କରିବାକୁ ପଡିଥାଏ। ଏଥିପାଇଁ ବରକୁ ଘୁଷୁରି ମାରିବାକୁ ଦିଆଯାଏ। ପରେ ବ...