ସମ୍ପାଦକୀୟ |

ଧୀର ପାଣି ପଥର କାଟେ

ଧୀର ପାଣି ପଥର କାଟେ
ତୁଳସୀଦାସ ମିଶ୍ର/ପତ୍ର-ପତ୍ରିକାରେ ଖବର ପ୍ରକାଶ ପାଇଛି ଯେ, ଧୀରେ ଖାଇଲେ ଓଜନ କମେ। ଯେଉଁମାନେ ଧୀରେ ଧୀରେ ଖାଇବା ସହିତ ଶୋଇବାକୁ ଯିବାର ଦୁଇ ଘଣ୍ଟା ପୂର୍ବରୁ ରାତ୍ରିଭୋଜନ କରନ୍ତି, ସେମାନଙ୍କର ଅଣ୍ଟାର ପରିଧି ଏବଂ ଅତିରିକ୍ତ ଓଜନ ହ୍ରାସ ପାଏ। ତେବେ ସେ ନୀତି ପୁସ୍ତକ ହେଉ କି ଅଗ୍ରଜଙ୍କ ଉପଦେଶ, ସବୁଠି ଧୀରତାର ସପକ୍ଷରେ କୁହାହୋଇଛି। ଏଇ ଯେମିତି ଧୀରପାଣି ପଥର କାଟେ। ବଢ଼ି ନଈର ଉଦ୍ଦାମ ସ୍ରୋତ ଏକ ବିଶାଳ ପଥର ଖଣ୍ଡକୁ ହୁଏ ତ କିଛି ଦୂର ଗଡେଇ ନେଇପାରେ, କିନ୍ତୁ ସେଇ ନଈର ଧୀର ସ୍ରୋତ ସେଇ କର୍କଶ ପଥରକୁ ଦିନେ ଚିକ୍କଣ କରି ସୁନ୍ଦର ରୂପଟେ ଦେଇଥାଏ। ଏମିତିରେ ତ ସମୟ ପ୍ରବାହର ଗତି ଅପରିବର୍ତ୍ତିତ। କିନ୍ତୁ ଦୁଃଖ ଭୋଗୁଥିବା ଲୋକକୁ ଲାଗେ କାଳରାତ୍ରି ଧୀରେ ଗଡୁଛି। ଯେବେ କି ସୁଖରେ ଥିବା ଲୋକକୁ ଲାଗେ ଖୁସିର ଦିନ ଖୁବ୍‌ଶୀଘ୍ର ସରିଯାଉଛି। ସେ କ୍ରୋଧିତ, ଉତ୍‌କ୍ଷିପ୍ତ ଥିବା ଲୋକ ହେଉ କି ପରୀକ୍ଷା ହଲରେ ବିଚଳିତ ଥିବା ଛାତ୍ରୀଛାତ୍ର, ସମସ୍ତଙ୍କୁ ସ୍ଥିର ମସ୍ତିଷ୍କରେ ଧୀର ହୋଇ କାର୍ଯ୍ୟ କରିବାକୁ କୁହାଯାଏ। ବେଳେବେଳେ ତ ପ୍ରଶ୍ନ ସବୁ ସହଜ ଥାଏ ବୋଲି ପୁଅ-ଝିଅମାନେ ଖୁସିରେ ତରବର ହୋଇ କେତେ କ’ଣ ଲେଖିପକାନ୍ତି। କିନ୍ତୁ ପରେ ଗୁରୁଜୀଙ୍କ କଥା ମାନି, ଧୀରସ୍ଥିର ହୋଇ ପୁନରାବଲୋକନ କଲା ପରେ ଜାଣନ୍ତି ଯେ ଉତ୍ତରଖାତାରେ ଅନେକ ତ୍ରୁଟି ରହିଯାଇଛି। ହିନ୍ଦୁସ୍ଥାନୀ ସଙ୍ଗୀତର ଗାୟନ ଓ ବାଦନରେ ଅଛି ଦୁଇଟା ସ୍ତର- ବିଲମ୍ବିତ ଓ ଦ୍ରୁତ। ଅର୍ଥାତ୍‌ ଧୀର ଓ କ୍ଷୀପ୍ର। ସଙ୍ଗୀତରେ ରୁଚି ରଖୁଥିବା ପାଠକେ ବୁଝିପାରିବେ ନିଶ୍ଚୟ, କାର୍ଯ୍ୟକ୍ରମର ଆରମ୍ଭରେ ଗାୟକ ଏବଂ ବାଦକ ଧୀରମନ୍ଥର ଗତିରେ ପରିବେଷଣ ଆରମ୍ଭ କରନ୍ତି। ବେଶ୍‌ କିଛି ସମୟ ଏମିତି ଖେଳିଲା ପରେ ହଠାତ୍‌ ତାଳ ବଦଳେ ଏବଂ ଗାୟନ, ବାଦନ ମଧ୍ୟ କ୍ଷୀପ୍ର ହୁଏ। ତା’ପରେ ଏକ ଶୀର୍ଷକୁ ଯାଇ ପୁଣି ନିମ୍ନକୁ ଆସି ସମାପ୍ତ ହୁଏ। ଏଇ ଯେମିତି ରନ୍‌ଓ୍ବେରେ ଉଡାଜାହାଜଟେ ବେଶ୍‌ କିଛି ସମୟ ଗୁରୁଣ୍ଡେ ଏବଂ ଏକ ନିର୍ଦ୍ଦିଷ୍ଟ ଅବଧି ପରେ ହଠାତ୍‌ ଶୂନ୍ୟକୁ ଲମ୍ଫଦେଇ ନିର୍ଦ୍ଧାରିତ ଉଚ୍ଚତାରେ ପହଞ୍ଚି ଗତିମାନ ହୁଏ। ଖେଳପଡିଆରେ ଦୂରନ୍ତ ଦୌଡାଳିମାନେ ମଧ୍ୟ ଠିକ୍‌ ଏମିତି ଉପକ୍ରମଣିକାକୁ ଧୀର ରଖି କ୍ରମେ ତାକୁ କ୍ଷୀପ୍ର କରିଥାନ୍ତି। ଯେଉଁ ନଦୀର ସ୍ରୋତ ପ୍ରଖର ଆମେ ତାକୁ କହିଥାଉ ଖରସ୍ରୋତା। ଆଉ ଯାହାର ଗତି ଧୀର, ମନ୍ଥର, ଅକ୍ଷୟ ମହାନ୍ତିଙ୍କ ଭାଷାରେ ସେଇ ନଦୀର ନାମ ‘ଅଳସୀ କନ୍ୟା’। ଆଧୁନିକ ଯୁଗରେ ସିନା ଭୂମିକା ଅଦଳ ବଦଳ ହୋଇ ପରିସ୍ଥିତି ଗୋଳମାଳିଆ ହୋଇଯାଇଛି, ସଭ୍ୟତାର ପ୍ରାତଃକାଳରେ କିନ୍ତୁ ପୁରୁଷମାନେ ଥିଲେ ଧାବମାନ ଶିକାରୀ ଏବଂ ସ୍ତ୍ରୀମାନେ ଧୀର ଗୃହିଣୀ। ଏମିତିରେ ବି ପ୍ରକୃତି ସ୍ତ୍ରୀମାନଙ୍କୁ କେବଳ ରୂପ, ଲାବଣ୍ୟ ଦେଇନିି, ତାଙ୍କ ସ୍ବରରେ ଲାଳିତ୍ୟ ଭରିଛି ଏବଂ ଗତିକୁ କରିଛି ଛନ୍ଦାୟିତ ଏବଂ ଧୀର। ସେଥିପାଇଁ ସେମାନେ ଅନେକ ସମୟରେ ପୁରୁଷ ସାଙ୍ଗେ ପାଦ ମିଳେଇ ଚାଲିପାରନ୍ତି ନାହିଁ। ଆଉ ତା’ପରେ ନାୟିକାଟେ ନିବେଦନ କରି ଗୀତ ଗାଏ- ଜରା ହୋଲେ ହୋଲେ ଚଲୋ ମୋରେ ସାଜ୍‌ନା (ସାଓ୍ବନ କି ଘଟା), ମାନେ ଧୀରେ ଧୀରେ ଚାଲ। ବେପାରୀ ଜଣେ ହୁଏ ତ ମଠେଇବା ସପକ୍ଷରେ କହିପାରେ ଯେ ଚାଷ ତରତର ବଣିଜ ମଠ। କିନ୍ତୁ ଦୈନନ୍ଦିନ ଜୀବନରେ ମଠତାକୁ ପ୍ରୋତ୍ସାହନ ଦିଆହୁଏନି। ପବନ ପ୍ରଚଣ୍ଡ ବେଗରେ ବହି ଝଞ୍ଜାର ରୂପ ନେଇଥାଏ। କିନ୍ତୁ ଯେତେବେଳେ ବ୍ୟଗ୍ରତା ପରିହାର କରି ମୃଦୁ ଗତି ଆପଣାଏ, ସେ ହୋଇଥାଏ ମନ୍ଦ ମଳୟ, ଧୀର ସମୀର। ଯୁବ ପିଢି କିନ୍ତୁ ଯୁଗେ ଯୁଗେ ଧୀରତାକୁ ଧିକ୍କାର କରିଥାନ୍ତି। ଏବେକାର ବାଇକ ବାଇଆଙ୍କ କଥା ନ କହିବା ଭଲ। ପବନ ବେଗରେ ଯାନ ଛୁଟେଇ କେବେ ନିଜ ବିଲୟ ତ ଆଉ କେବେ ନିରୀହ ପଥଚାରୀର ବିନାଶର କାରଣ ସାଜନ୍ତି। ସରକାର ଲୋକଙ୍କ ମଙ୍ଗଳ ପାଞ୍ଚି, ସଡ଼କ ସଚେତନତାର ପ୍ରଚାର କରି କହି ଚାଲିଛନ୍ତି- ସଅଳ ଯାତ୍ରା ଆରମ୍ଭ କରନ୍ତୁ, ଧୀରେ ଯାଆନ୍ତୁ, ସୁରକ୍ଷିତ ହୋଇ ଗନ୍ତବ୍ୟସ୍ଥଳରେ ପହଞ୍ଚନ୍ତୁ। କିନ୍ତୁ ଏ ହିତବାଣୀକୁ ପିତ୍ତବାଣୀ ଭାବି ପ୍ରାୟତଃ ସମସ୍ତେ ପ୍ରତ୍ୟାଖ୍ୟାନ କରନ୍ତି। ଧୀରତାର ସପକ୍ଷରେ ଆମେ ଅନେକ କଥା କହିପାରିବା। ନିଶୀଥର କଳିକାଟି ଧୀରେ ଧୀରେ ମୁକୁଳି ପାହାନ୍ତା ପହରକୁ ଫୁଲଟେ ହୋଇଯାଏ। ପ୍ରତିପଦାର ଜହ୍ନ ବି ଧୀରେ ଧୀରେ ବଢ଼ି ଗୋଟେ ପକ୍ଷ ପରେ ପୂର୍ଣ୍ଣତା ପାଏ। ଆଜି ଯେ ସିନ୍ଧୁ, କେବେ ଦିନେ ସେ ସୁଧୁ ବିନ୍ଦୁଟେ ଥିଲା। ଯେଉଁ ସାମାଜିକ ବ୍ୟକ୍ତିତ୍ୱମାନଙ୍କର ସଫଳତା ଆମକୁ ଚକିତ କରେ, ଅନେକ ସମୟରେ ସେମାନଙ୍କର ଧୀର, ସ୍ଥିର ଅଧ୍ୟବସାୟକୁ ଆମେ ଅଣଦେଖା କରୁ। ମୋ- ୯୬୫୮୧୧୦୪୪୭
All Right Reserved By

ସମ୍ପାଦକୀୟ |

ମହିଳାଙ୍କ ପ୍ରତିନିଧିତ୍ୱ

ମହିଳାଙ୍କ ପ୍ରତିନିଧିତ୍ୱ

ଆକାର ପଟେଲ

ପ୍ରତିରକ୍ଷା ସମ୍ବନ୍ଧିତ ଦୁଇଟି ବିଷୟରେ ଏବେ ଗଣମାଧ୍ୟମରେ ଜୋରଦାର ଚର୍ଚ୍ଚା ଚାଲିଛି। ଗୋଟିଏ ହେଉଛି ଫ୍ରାନ୍ସଠାରୁ ଭାରତ ରାଫେଲ ଯୁଦ୍ଧବିମାନ କିଣିବା ଏବଂ ଅନ୍ୟଟି ହେଉଛି ଆମେରିକା ସହ ଭାରତର ୨+୨ କଥାବର୍ତ୍ତା। ମୁଁ ଦ୍ୱିତୀୟଟି ଉପରେ ଆଲୋଚନା କରୁଛି। ପ୍ରତିରକ୍ଷା ପ୍ରସଙ୍ଗରେ ସାଧାରଣତଃ ଖୁବ୍‌ କମ୍‌ ଲୋକଙ୍କର ଆଗ୍ରହ ଥାଏ। ବିଶେଷତଃ ଯେଉଁମାନେ ଏହା...

ସ୍କୁଲ ନୁହେଁ ମନ୍ଦିର

ସ୍କୁଲ ନୁହେଁ ମନ୍ଦିର

ପ୍ରକାଶ ତ୍ରିପାଠୀ

ଚଳିତ ମାସ ଦ୍ୱିତୀୟ ଶନିବାର ଦିନ ସକାଳୁ ମନଟା ଚଞ୍ଚଳ ହୋଇ ଉଠୁଥିଲା। ସରକାରୀ ଛୁଟି ସତ୍ତ୍ୱେ  ଅନ୍ୟ ଦିନଗୁଡ଼ିକ ପରି ନିତ୍ୟକର୍ମରେ ମୋର ତତ୍ପରତା ବିସ୍ମୟ ସୃଷ୍ଟି କରୁଥିଲା ଘର ଲୋକଙ୍କ ମନରେ। ମୁଁ କ୍ରମଶଃ ବ୍ୟଗ୍ର ହୋଇପଡୁଥିଲି କେତେ ଶୀଘ୍ର ସେଇ ମନ୍ଦିରରେ ଯାଇ ପହଞ୍ଚତ୍ ପାରିବି। ଏ ସେହି ମନ୍ଦିର, ଯେଉଁଠି ଦୀର୍ଘ ୩୭ ବର୍ଷ ତଳେ ମୋ ଭବିଷ୍ୟତ ପାଇଁ ମୂଳଦୁଆର ଭିତ୍ତିପ୍ରସ୍ତର ପଡ଼ିଥିଲା। ଏ ସେହି ମନ୍ଦିର, ଯାହା ପାଇଁ ଆଜି ମୁଁ ମୋର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି। ଏ ସେହି ମନ୍ଦିର, ଯାହାର ଅବଦାନ ମୋର ସ୍ଥିତି, ପ୍ରତିଷ୍ଠା ଓ ବ୍ୟକ୍ତିତ୍ୱର ପ୍ରତିଟି ଅଣୁରେ ଭରିରହିଛି। ଏହି ମନ୍ଦିର ହେଉଛି ମୋ ସ୍କୁଲ, ମୋ ନିଜ ସ୍କୁଲ। ମୋ ସ୍କୁଲର ପୁରାତନ ଛାତ୍ର ଅନୁଜମାନଙ୍କ ...

ପରମାଣୁ ବୈଜ୍ଞାନିକ

ପରମାଣୁ ବୈଜ୍ଞାନିକ

ବ୍ୟକ୍ତିତ୍ୱ/ଜିତେନ୍ଦ୍ର

ପରମାଣୁ ଶକ୍ତି ଆୟୋଗ ବା ଆଟମିକ୍‌ ଏନର୍ଜୀ କମିଶନ (ଏଇସି) ପରମାଣୁ ଶକ୍ତି ବିଭାଗ (ଡିଏଇ)ର ପରିଚାଳନା ସଂସ୍ଥା ଭାବେ ପରିଚିତ। ଦେଶର ପରମାଣୁ କାର୍ଯ୍ୟକ୍ରମକୁ ଦେଖାଶୁଣା କରିବା ସକାଶେ ୧୯୪୮ ମସିହାରେ ଏହା ପ୍ରତିଷ୍ଠା ହୋଇଥିଲା। ଭାରତରେ ପରମାଣୁ ବୈଜ୍ଞାନିକଙ୍କ ଗବେଷଣା କାର୍ଯ୍ୟର ଆୟୋଜନ ଓ ପ୍ରଶିକ୍ଷଣ, ଆୟୋଗର ନିଜସ୍ବ ପରୀକ୍ଷାଗାରରେ ପରମାଣୁ ଗବେଷଣାକୁ ତ୍ୱରାନ୍ବିତ ...

ଏଇ ଭାରତରେ

ଏଇ ଭାରତରେ

ଆନ୍ଧ୍ରପ୍ରଦେଶର ଜଣେ ପୋଲିସ ଇନ୍ସପେକ୍ଟର ନିର୍ବାଚିତ ପ୍ରତିନିଧିଙ୍କ ଜିଭ କାଟିଦେବାକୁ ଧମକ ଦେଇ ଚର୍ଚ୍ଚାର ପରିସରକୁ ଆସିଛନ୍ତି। ଯଦି କୌଣସି ବିଧାୟକ କିମ୍ବା ସାଂସଦ ପୋଲିସ ବାହିନୀର ମନୋବଳକୁ ଭାଙ୍ଗିଦେବା ଭଳି କିଛି ମନ୍ତବ୍ୟ ଦିଅନ୍ତି ତେବେ ଏଭଳି କରାଯିବ ବୋଲି ସେ କହିଥିଲେ। ଅନନ୍ତପୁର ଜିଲାର କାଦିରି ଥାନା ଇନ୍ସପେକ୍ଟର ମାଧବ ଶାସକ ଦଳର ସାଂ...

ଫାଇଦାରେ କଶ୍ମୀର ବାବୁ

ଫାଇଦାରେ କଶ୍ମୀର ବାବୁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ଜମ୍ମୁ-କଶ୍ମୀରରେ ରାଜ୍ୟପାଳ ଶାସନ ଲାଗୁ ହେବା ଯୋଗୁ ରାଜ୍ୟ କ୍ୟାଡର ବାବୁମାନେ ବେଶ୍‌ ଫାଇଦାରେ ଅଛନ୍ତି। କାରଣ ପ୍ରଶାସନରେ ସେମାନଙ୍କୁ ଗୁରୁତ୍ୱପୂର୍ଣ୍ଣ ପଦପଦବୀ ମିଳିଛି। ୧୯୮୬ ବ୍ୟାଚ୍‌ ଜମ୍ମୁ-କଶ୍ମୀର କ୍ୟାଡର ଆଇଏଏସ୍‌ ଅଫିସର ତଥା ପୂର୍ବତନ ମୁଖ୍ୟ ଶାସନ ସଚିବ ବି.ବି. ବ୍ୟାସ ରାଜ୍ୟପାଳଙ୍କ ଉପଦେଷ୍ଟା ଭାବେ ପୁନର୍ନିଯୁକ୍ତି ପାଇଛନ୍ତି। ସେହିପରି ରାଜ୍ୟ କ୍ୟାଡରର ଅବସରପ୍ରାପ୍ତ ଆଇଏଏସ୍‌ ଅଫିସର ଖୁର୍ଶିଦ ଅହମଦ ଗନାଇ ଏବଂ ଅବସରପ୍ରାପ୍ତ ଆଇପିଏସ୍‌ ଅଫିସର କେ. ବିଜୟ କୁମାର ମଧ୍ୟ କ୍ୟାବିନେଟ୍‌ର ସମତୁଲ ...

ଅନ୍ତହୀନ ତିନୋଟି ସମସ୍ୟା

ଅନ୍ତହୀନ ତିନୋଟି ସମସ୍ୟା

ମନ-ମାନଚିତ୍ର / ଡ. ନରହରି ବେହେରା

ପ୍ରାତଃଭ୍ରମଣ ସମୟରେ ଗୋବିନ୍ଦବାବୁ କହିଲେ, ତୁମେ ମହାଭାରତର ଯକ୍ଷ-ଯୁଧିଷ୍ଠିର ସମ୍ବାଦ ପଢ଼ିଛ? ଯକ୍ଷ ଯୁଧିଷ୍ଠିରଙ୍କୁ ପ୍ରଶ୍ନ କରିଥିଲେ- କେଉଁ ବ୍ୟାଧିର ଶେଷ ନାହିଁ? ଏହାର ଉତ୍ତରରେ ଯୁଧିଷ୍ଠିର କହିଥିଲେ, ଲୋଭରୂପକ ବ୍ୟାଧିକୁ ଉପଶମ କରିହେବ ନାହିଁ। ଆଚ୍ଛା, ତୁମେ କିଛି ସମୟ ପାଇଁ ଯୁଧିଷ୍ଠିର ହୋଇଯାଅ ଏବଂ ମୁଁ ତୁମକୁ ଯକ୍ଷ ଭାବରେ ଯେଉଁ ପ୍ରଶ୍ନ କରୁଛି ତାହାର ଉତ୍ତର ଦିଅ। ମୁଁ ଦେଖିବି ତୁମର ବୁଦ୍ଧି ...

ଧର୍ମରେ ଖେଚୁଡ଼ି

ଧର୍ମରେ ଖେଚୁଡ଼ି

ନାରାୟଣ ପଣ୍ଡା

ଏକଦା ଭକ୍ତପ୍ରବର ହନୁମାନଙ୍କୁ ଭୀମ ପଚାରିଲେ- ଭାଇ ହନୁମାନ, ତୁମେ କ’ଣ ଶ୍ରୀକୃଷ୍ଣଙ୍କୁ ରାମଙ୍କଠାରୁ ପୃଥକ୍‌ ଜ୍ଞାନ କର? ହନୁମାନ ହସି କହିଲେ,- ”ଶ୍ରୀନାଥେ ଜାନକୀନାଥେ ଅଭେଦଃ ପରମାତ୍ମନି, ତଥାପି ମମ ସର୍ବସ୍ବଃ ରାମଃ କମଳଲୋଚନଃ।“ ଅର୍ଥାତ୍‌ ରାମ ଓ କୃଷ୍ଣଙ୍କ ମଧ୍ୟରେ କୌଣସି ପ୍ରଭେଦ ନାହିଁ। ତଥାପି କମଳଲୋଚନ ଶ୍ରୀରାମ ହେଉଛନ୍ତି ମୋର ଜୀବନସର୍ବସ୍ବ। କାରଣ ରାମଙ୍କ ଭାବ କୃଷ୍ଣଙ୍କ ...

ଏଇ ଭାରତରେ

ଏଇ ଭାରତରେ

ମହିଳାମାନେ ସ୍ବାମୀଙ୍କୁ ସତ୍‌ପଥରେ ଚାଲିବାକୁ ପରାମର୍ଶ ଦେଇଥାଆନ୍ତି। କିନ୍ତୁ ନିଜର ସୁଖସମୃଦ୍ଧି ପାଇଁ ସ୍ବାମୀଙ୍କୁ ଚୋରି କରିବାକୁ ଉତ୍ସାହିତ କରିବା ଘଟଣା କ୍ୱଚିତ୍‌ ଦେଖାଯାଏ। ଏପରି ଏକ ଘଟଣା ବେଙ୍ଗାଲୁରୁଠାରେ ଘଟିଛି। ମହାଦେବୀ ନାମ୍ନୀ ୨୮ ବର୍ଷୀୟା  ଜଣେ ମହିଳା ତାଙ୍କ ସ୍ବାମୀଙ୍କୁ ସୁନାଚେନ୍‌ ଛିଡାଇ ଆଣିବା ଭଳି କୁପ୍ରରୋଚନା ଦେଇଥିବାରୁ ଶେଷରେ ଗିରଫ ହୋଇଛନ୍ତି। ବାଲାରି ଜିଲାର ହୁବିନା ହଡାଗଳି ଥାନାରେ ଏ ସଂକ୍ରାନ୍ତରେ ଏକ ମାମଲା ରୁଜୁ ହୋଇଛି। କୁମ୍ବାଲଗୋଡୁର ବାସିନ୍ଦା ଏହି ମହିଳା ଜଣକ ବଦଖର୍ଚ୍ଚ କରି ବେଶ୍‌ ଅୟସରେ ...

ଆଜିର ଅର୍ଥନୀତି/ବାସ୍ତବ ଆହ୍ବାନ

ଆଜିର ଅର୍ଥନୀତି/ବାସ୍ତବ ଆହ୍ବାନ

କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ତାଙ୍କର ଏକ ବୃହତ୍‌ ନୀତିଗତ ପଦକ୍ଷେପ ସ୍ବରୂପ ତିନୋଟି ରାଷ୍ଟ୍ରାୟତ୍ତ ବ୍ୟାଙ୍କକୁ ଯୋଡ଼ି ଭାରତର ତୃତୀୟ ବୃହତ୍ତମ ବ୍ୟାଙ୍କ କରିବା ଲାଗି ସୋମବାର ଘୋଷଣା କରିଛନ୍ତି। ସେହି ବ୍ୟାଙ୍କଗୁଡ଼ିକ ହେଉଛି ବ୍ୟାଙ୍କ ଅଫ୍‌ ବରୋଦା (ବିଓବି), ବିଜୟା ବ୍ୟାଙ୍କ ଏବଂ ଦେନା ବ୍ୟାଙ୍କ। ୨୦୧୮ ମାର୍ଚ୍ଚ ମାସର ତଥ୍ୟ ଅନୁସାରେ ଏହି ସମ୍ମିଳିତ ବ୍ୟାଙ୍କର ବଜାର ଅଂଶ ହେଉଛି ଜମା କ୍ଷେତ୍ରରେ ୭.୨ ପ୍ରତିଶତ ଓ ଋଣ ପ୍ରଦାନ କ୍ଷେତ୍ରରେ ୬.୮ ପ୍ରତିଶତ। ଫଳରେ ଜମା କ୍ଷେତ୍ରରେ ଏହା ଦେଶର ଦ୍ୱିତୀୟ ଏବଂ ଋଣ ପ୍ରଦାନ କ୍ଷେତ୍ରରେ ତୃତୀୟ ବୃହତ୍ତମ ବ୍ୟାଙ୍କରେ ପରିଣତ ହେବ। ପୁଣି ଏହି ମିଶ୍ରିତ ବ୍ୟାଙ୍କର ସାରା ଦେଶରେ ପ୍ରାୟ ୯୫୦୦ ଶାଖା ଥିବାରୁ ଏ କ୍ଷେତ୍ରରେ ଏ...

ପାକିସ୍ତାନର ଭବିଷ୍ୟତ

ପାକିସ୍ତାନର ଭବିଷ୍ୟତ

ଶରତ ଚନ୍ଦ୍ର ମିଶ୍ର

ଆନ୍ତର୍ଜାତିକ ମାନଦଣ୍ଡ, ଆୟତନ ଓ ଲୋକସଂଖ୍ୟା ଦୃଷ୍ଟିରୁ ପାକିସ୍ତାନ ଏକ ମଧ୍ୟମବର୍ଗର ବିକାଶଶୀଳ ରାଷ୍ଟ୍ର। ଏହାର ମାନବ ସମ୍ପଦ ସୁଗଠିତ, ବଳବାନ୍‌ ଓ ଦେଶ ଉତ୍ତମମାନର ସୈନିକ, ଚାଷୀ ଓ କାରିଗରରେ ଭରପୂର। ପଞ୍ଜାବ ପ୍ରଦେଶରେ ଜଳସେଚିତ ଜମି, ସିନ୍ଧୁନଦୀ ଓ ତାହାର ଶାଖାନଦୀ, ବେଲୁଚିସ୍ତାନର ଖଣିଜ ସମ୍ପଦ ଓ ପ୍ରାକୃତିକ ଗ୍ୟାସ, ଉତ୍ତରାଞ୍ଚଳର ପ୍ରାକୃତିକ ଦୃଶ୍ୟ, ଗିରିଶୃଙ୍ଗ, କରାଚୀର ବ୍ୟବସାୟିକ ପରମ୍ପରା, ଆରବ ସାଗର ସନ୍ନିହିତ ସୁଦୀର୍ଘ ଉପକୂଳର ଅବସ୍ଥିତି ହେତୁ ପାକିସ୍ତାନ ଏକ ସମୃଦ୍ଧିଶାଳୀ ଓ ଆକର୍ଷଣୀୟ ରାଷ୍ଟ୍ର ହେବାର ସମସ୍ତ ଉପାଦାନ ପ୍ରାପ୍ତ ହୋଇଛି। ବାଂଲାଦେଶ ମୁକ୍ତିଯୁଦ୍ଧ (୧୯୭୧)ରେ ଦେଶ ଦ୍ୱିଖଣ୍ଡିତ ହେବା ପର୍ଯ୍ୟନ୍ତ, ପାକିସ୍ତାନ ବିଶ୍ୱର ...

ଶହୀଦ ଇମାମ ହୁସେନ

ଶହୀଦ ଇମାମ ହୁସେନ

ଇଂ. ରୌଶନ ଖାନ୍‌

ମାନବିକତାର ସୁରକ୍ଷା ପାଇଁ ଯେଉଁମାନେ ଈଶ୍ୱରଙ୍କ ପଥରେ ଜୀବନ ଉତ୍ସର୍ଗ କରନ୍ତି ଓ ଦେଶମାତୃକାକୁ ଶତ୍ରୁ କବଳରୁ ରକ୍ଷା କରିବା ପାଇଁ ଯୁଦ୍ଧ କରି ପ୍ରାଣବଳି ଦେଇଥାନ୍ତି, ସେମାନଙ୍କୁ ‘ଶହୀଦ’ କୁହାଯାଏ। ସେହିପରି ଜଣେ ଦେବପୁରୁଷ ଥିଲେ ହଜରତ ଇମାମ୍‌ ହୁସେନ। ସେ ଇରାକର କରବଲା ମୈଦାନରେ ଯୁଦ୍ଧ କରି ୬୧ ହିଜିରିି ମହରମ ୧୦ ଦିନ ଶହୀଦ ହୋଇଥିଲେ। ସେ ହେଉଛନ୍ତି ହଜରତ ମହମ୍ମଦଙ୍କ ନାତି ଓ ଚତୁର୍ଥ ଖଲିଫା ହଜରତ ଅଲ୍ଲିଙ୍କ ପୁତ୍ର।...

ଏଇ ଭାରତରେ

ଏଇ ଭାରତରେ

କୌଣସି ବ୍ୟକ୍ତିକୁ ଶାରୀରିକ ନିର୍ଯାତନା ଦେଲେ ତାହାର ପରିଣତି ଭୋଗିବାକୁ ପଡ଼େ। ଜଣେ ୫୦ବର୍ଷୀୟ ମହିଳାଙ୍କୁ ତାଙ୍କ ଭାଇ ଓ ଭାଉଜ ୨ବର୍ଷ ଧରି ଘରେ ଅଟକ ରଖିବା ସହିତ ଭୋକ ଉପାସରେ ବଞ୍ଚତ୍ବାକୁ ଦେଉଥିଲେ। ଏହାର ପରିଣାମ ସ୍ବରପ ୨ଜଣଙ୍କୁ ଗିରଫ ,...