ସମ୍ବଲପୁର

ନିର୍ମାଣାଧୀନ ଓପିଜିସି ପ୍ରକଳ୍ପରେ ପୁଣି ଦୁର୍ଘଟଣା: ଟର୍ବାଇନ୍‌ରୁ ଖସିପଡ଼ି ଶ୍ରମିକ ଗୁରୁତର

ନିର୍ମାଣାଧୀନ ଓପିଜିସି ପ୍ରକଳ୍ପରେ ପୁଣି ଦୁର୍ଘଟଣା: ଟର୍ବାଇନ୍‌ରୁ ଖସିପଡ଼ି ଶ୍ରମିକ ଗୁରୁତର
ଲଖନପୁର,୪।୩(ଡି.ଏନ୍‌.ଏ.)- ଓଡ଼ିଶା ବିଦ୍ୟୁତ୍‌ ଉପତ୍ାଦନ ନିଗମ (ଓପିଜିସି)ର ବନହରପାଲିସ୍ଥିତ ନିର୍ମାଣାଧୀନ ଇବ୍‌ ଥର୍ମାଲ ପ୍ରକଳ୍ପରେ ଗତ ୧୬ ତାରିଖରେ ମାଡ୍ରାସର ବିଜିଆର୍‌ ଠିକାସଂସ୍ଥାର ଏକ ବସ୍‌ ଦୁର୍ଘଟଣା ଘଟି ଚାଳକଙ୍କ ମୃତ୍ୟୁ ହୋଇଥିଲା। ମୃତକଙ୍କ ନାମ ଧନୁର୍ଜୟ ପଟେଲ (୫୦)। ତାଙ୍କ ପରିବାରକୁ ଉପଯୁକ୍ତ କ୍ଷତିପୂରଣ ଦାବିରେ ଶ୍ରମିକମାନେ ୨ଦିନ ଧରି ପ୍ରକଳ୍ପ ଫାଟକ ସମ୍ମୁଖରେ ମୃତଦେହ ରଖି କାର୍ଯ୍ୟବନ୍ଦ ଆନ୍ଦୋଳନ କରିଥିଲେ। ପରିସ୍ଥିତି ଜଟିଳ ହେବାରୁ ଠିକାସଂସ୍ଥା ୫.୫ ଲକ୍ଷ ଟଙ୍କା କ୍ଷତିପୂରଣ ଦେବାକୁ ବାଧ୍ୟ ହୋଇଥିଲା। ପରେ ଶ୍ରମିକମାନେ ଆନ୍ଦୋଳନରୁ ଓହରି କାର୍ଯ୍ୟରେ ଯୋଗଦେଇଥିଲେ। ଏହି ଦୁର୍ଘଟଣା ଶ୍ରମିକଙ୍କ ମନରୁ ନଲିଭୁଣୁ ପୁଣି ଶନିବାର ସେହି ନିର୍ମାଣାଧୀନ ପ୍ରକଳ୍ପରେ ଆଉ ଏକ ଦୁର୍ଘଟଣା ଘଟିଛି। ଏଥିରେ କେରଳର ଭବାନୀ ଇରେକ୍ଟୋର ଲିମିଟେଡ୍‌ ନାମକ ଠିକାସଂସ୍ଥାରେ କାର୍ଯ୍ୟରତ ଜଣେ ଶ୍ରମିକ ଗୁରୁତର ଆହତ ହୋଇ କଟକର ଏକ ଘରେଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଆହତ ଶ୍ରମିକ ଜଣକ ହେଲେ ମଧ୍ୟପ୍ରଦେଶ ଆମଦର ସତନା ଗ୍ରାମର ପ୍ରେମଲାଲ୍‌ (୪୭)। ସବୁଦିନ ପରି ଶନିବାର ଅପରାହ୍ନ ୫ଟାରେ ପ୍ରେମଲାଲ ଟିଜି ଉପରେ ଚଢ଼ି ପାଇପ୍‌ କାମ କରୁଥିବାବେଳେ ପ୍ରାୟ ୪୦ମିଟର ତଳକୁ ଖସିପଡ଼ିଥିଲେ। ଏଥିରେ ତାଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି। ଗୁରୁତର ଅବସ୍ଥାରେ ସାଥୀ ଶ୍ରମିକମାନେ ତାଙ୍କୁ ଉଦ୍ଧାର କରିଥିଲେ। ଏ ସମ୍ପର୍କରେ ସାଥୀ ଶ୍ରମିକମାନେ ଠିକାସଂସ୍ଥାକୁ ଜଣାଇଥିଲେ। ଠିକାସଂସ୍ଥାର କେତେଜଣ କର୍ମଚାରୀ ପ୍ରେମଲାଲଙ୍କୁ ଏକ ଗାଡ଼ିରେ କଟକ ନେଇଯାଇଛନ୍ତି। ତେବେ ଦୁର୍ଘଟଣା ନେଇ ଠିକାସଂସ୍ଥା ପକ୍ଷରୁ ଓପିଜିସି କର୍ତ୍ତୃପକ୍ଷ କିମ୍ବା ସ୍ଥାନୀୟ ପୋଲିସ୍‌କୁ ଅବଗତ କରାଯାଇନାହିଁ। ତେଣୁ ଘଟଣାକୁ ଚାପିଦେବାକୁ ଉଦ୍ୟମ କରାଯାଉଥିଲା ଅଭିଯୋଗ ହୋଇଛି। ବିଶେଷ ସୂତ୍ରରୁ ଖବର ପାଇ ଗଣମାଧ୍ୟମ ପ୍ରତିନିଧିମାନେ ଓପିଜିସିର ଜନସମ୍ପର୍କ ଅଧିକାରୀ ଦିଲୀପ କୁମାର ପଣ୍ଡାଙ୍କୁ ପଚାରିବାରୁ ସେ ପ୍ରଥମେ ଦୁର୍ଘଟଣା ସମ୍ପର୍କରେ ଜାଣି ନ ଥିବା କହିଥିଲେ। ପରେ ଠିକାସଂସ୍ଥା କର୍ତ୍ତୃପକ୍ଷଙ୍କୁ ପଚାରି ଘଟଣା ସମ୍ପର୍କରେ ଅବଗତ ହେବା ପରେ ଗଣମାଧ୍ୟମକୁ ସୂଚନା ଦେଇଥିଲେ। ତେବେ ଦୁର୍ଘଟଣା ସମ୍ପର୍କରେ ଭବାନୀ ଠିକାସଂସ୍ଥାର ଆଡ୍‌ମିନ୍‌ ମୁଖ୍ୟ ବିଜ୍ଞାନ ମହାପାତ୍ରଙ୍କୁ ପଚାରିବାରୁ ସେ ଘଟଣାକୁ ଅସ୍ବୀକାର କରିଛନ୍ତି। ତାଙ୍କ ଠିକାସଂସ୍ଥାରେ କୌଣସି ଦୁର୍ଘଟଣା ଘଟିନାହିଁ ବୋଲି ସେ କହିଛନ୍ତି। ଏନେଇ ବନହରପାଲି ଥାନା ଆଇଆଇସି ପୁରୁଷୋତ୍ତମ ଭୋଇଙ୍କୁ ପଚାରିବାରୁ ଓପିଜିସି କିମ୍ବା ଠିକାସଂସ୍ଥା ପକ୍ଷରୁ ପୋଲିସକୁ ଅବଗତ କରାଯାଇ ନ ଥିବା ସେ କହିଛନ୍ତି। ଏବେ ଗଣମାଧ୍ୟମ ପ୍ରତିନିଧିଙ୍କଠାରୁ ଖବର ପାଇବା ପରେ ତଦନ୍ତ କରାଯାଇ ପଦକ୍ଷେପ ନିଆଯିବ ବୋଲି ଆଇଆଇସି ଭୋଇ କହିଛନ୍ତି। ସୂଚନାଯୋଗ୍ୟ ନିର୍ମାଣାଧୀନ ପ୍ରକଳ୍ପରେ ଯେଉଁସବୁ ଛୋଟବଡ଼ ଦୁର୍ଘଟଣା ଘଟୁଛି ତାହାକୁ ଠିକାସଂସ୍ଥା କର୍ତ୍ତୃପକ୍ଷ ଓପିଜିସି କିମ୍ବା ସ୍ଥାନୀୟ ପୋଲିସକୁ ନ ଜଣାଇ ଚିକିତ୍ସା ବାହାନାରେ ବାହାରକୁ ନେଇଯାଇ ଘଟଣାକୁ ଚାପିଦେବାକୁ ଉଦ୍ୟମ କରୁଛନ୍ତି। ଏହାକୁ ନେଇ ଶ୍ରମିକ ମହଲରେ ଅସନ୍ତୋଷ ପ୍ରକାଶ ପାଇଛି। ଏଭଳି ନ କରିବା ପାଇଁ ଠିକାସଂସ୍ଥା କର୍ତ୍ତୃପକ୍ଷଙ୍କୁ ପୋଲିସ୍‌ ବାରମ୍ବାର ତାଗିଦ୍‌ କରୁଛି। କିନ୍ତୁ କୌଣସି ସୁଫଳ ମିଳୁନାହିଁ। ନିର୍ମାଣାଧୀନ ପ୍ରକଳ୍ପରେ ଶ୍ରମିକମାନେ ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ଜୀବନକୁ ବାଜି ଲଗାଇ କାମ କରୁଛନ୍ତି। କିନ୍ତୁ ଠିକାସଂସ୍ଥା ପକ୍ଷରୁ ଶ୍ରମିକଙ୍କ ସୁରକ୍ଷା ପ୍ରତି ଦୃଷ୍ଟି ଦିଆଯାଉନାହିଁ। ଫଳରେ ବାରମ୍ବାର ଦୁର୍ଘଟଣା ଘଟି ଶ୍ରମିକ ମୃତାହତ ହେଉଛନ୍ତି। ଏହାକୁ ନେଇ କମ୍ପାନୀର ଚିନ୍ତା ବଢ଼ିଯାଇଛି।
All Right Reserved By

ସମ୍ବଲପୁର

କୃଷିଜିବୀ କଲ୍ୟାଣ ସଂଘର ପ୍ରସ୍ତୁତି ବୈଠକ

କୃଷିଜିବୀ କଲ୍ୟାଣ ସଂଘର ପ୍ରସ୍ତୁତି ବୈଠକ

ଜୁନାଗଡ,୨୦।୯(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ସହର ନିୟନ୍ତ୍ରିତ ବଜାର କମିଟି ସଭାଗୃହରେ କୃଷିଜିବୀ କଲ୍ୟାଣ ସଂଘ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

ବ୍ଲକସ୍ତରୀୟ ବିଜ୍ଞାନ ସେମିନାର, କୁଇଜ ପ୍ରତିଯୋଗିତା

ବ୍ଲକସ୍ତରୀୟ ବିଜ୍ଞାନ ସେମିନାର, କୁଇଜ ପ୍ରତିଯୋଗିତା

ଖଡିଆଳ,୨୦।୯(ଡି.ଏନ.ଏ.): ନୂଆପଡା ଜିଲା ଖଡିଆଳ ବ୍ଲକ ରାଜା ଆର୍ତ୍ତତ୍ରାଣ ଉଚ୍ଚ ବିଦ୍ୟାଳୟ ପରିସରରେ ଗୁରୁବାର ବ୍ଲକସ୍ତରୀୟ ବିଜ୍ଞାନ ସେମିନାର ଓ କୁଇଜ ପ୍ରତିଯୋଗତିତା ଅନୁଷ୍ଠିତ ହୋଇଯାଇଛି ।

ଚାଷରେ ରୋଗ, ଔଷଧ କାମ କରୁନି

ଚାଷରେ ରୋଗ, ଔଷଧ କାମ କରୁନି

କର୍ଲାମୁଣ୍ଡା,୨୦।୯(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ଏବେ ଧାନଚାଷରେ ରୋଗପୋକ ପାର୍ଦୁଭାବ ବଢିବାରେ ଲାଗିଛି । କୀଟ ନାଶକ ଔଷଧଗୁଡିକ କାମ କରୁ ନ ଥିବା ଚାଷୀମାନେ ଅଭିଯୋଗ କରିଛନ୍ତି। 

ମହରମ ପର୍ବର ଶୁଭାରମ୍ଭ: ବାଘ ଶୋଭାଯାତ୍ରା ଅନୁଷ୍ଠିତ

ମହରମ ପର୍ବର ଶୁଭାରମ୍ଭ: ବାଘ ଶୋଭାଯାତ୍ରା ଅନୁଷ୍ଠିତ

ଭଟଲି, ୨୦।୯(ଡି.ଏନ.ଏ.)-ବରଗଡ଼ ଜିଲା ଭଟଲି ବ୍ଲକ କୁଶନପୁରୀ ସ୍ଥିତ ହବିବନଗର ପରିସରରେ ପ୍ରସିଦ୍ଧ ମହରମ ପର୍ବ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ଅବସରରେ ଗୁରୁବାର ବାଘ ପୋଷାକରେ ଶୋଭାଯାତ୍ରା ଗ୍ରାମ ପରିକ୍ରମା କରିଥିଲା। ବରଗଡ଼ ଆର୍‌ସିଏମ୍‌ଏସ ସଭାପତି ହେମନ୍ତ ପଣ୍ଡା ଉଦ୍‌ଘାଟନ କରିଥିଲେ।

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ମୃତ: ଅଭିଯୁକ୍ତଙ୍କ ଥାନାରେ ଆତ୍ମସମର୍ପଣ

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ମୃତ: ଅଭିଯୁକ୍ତଙ୍କ ଥାନାରେ ଆତ୍ମସମର୍ପଣ

ବେଲପଡା,୨୦।୯(ଡି.ଏନ.ଏ)-ବଲାଙ୍ଗିର ଜିଲା ବେଲପଡା ଥାନା ମୁଣ୍ଡଦର୍ହ ଗ୍ରାମରେ ବୁଧବାର ରାତି ୨ଟାରେ ସ୍ବାମୀଙ୍କ ଟାଙ୍ଗିଆ ଚୋଟରେ  ସ୍ତ୍ରୀଙ୍କ ଶୋଚନୀୟ ମୃତ୍ୟୁ ହୋଇଯାଇଛି। ସ୍ତ୍ରୀଙ୍କ ମୃତ୍ୟୁ ପରେ ଅଭିଯୁକ୍ତ ସ୍ବାମୀ ଗୁରୁବାର ପ୍ରାତଃ ୫ଟାରେ ଥାନାକୁ ଆସି ଆତ୍ମସମର୍ପଣ କରିଛନ୍ତି। ଏହି ଘଟଣାରେ ମୁଣ୍ଡଦର୍ହ ଗ୍ରାମରେ ଚାଞ୍ଚଲ୍ୟ ଖେଳିଯାଇଛି। ପୋଲିସ ସୂତ୍ରରୁ ପ୍ରକାଶ ଯେ ମୁଣ୍ଡଦର୍ହ ଗ୍ରାମର ଧବଳେଶ୍ୱର ଚିରାଗୁନ୍‌ (୪୫) ଓ ସ୍ତ୍ରୀ ବୈଦେହୀଙ୍କ ସହ ଗ୍ରାମରେ ଥିବା ମେହେରପଡାଠାରେ ନିଜର 

ନୂଆଁଖାଇ ଭେଟ୍‌ଘାଟ୍‌ରେ ନୃତ୍ୟ ପ୍ରତିଯୋଗିତା

ନୂଆଁଖାଇ ଭେଟ୍‌ଘାଟ୍‌ରେ ନୃତ୍ୟ ପ୍ରତିଯୋଗିତା

ଜୁନାଗଡ,୨୦।୯ (ଡି.ଏନ.ଏ.)
କଳାହାଣ୍ଡି ଜିଲା ଜୁନାଗଡ ବ୍ଲକ ଅନ୍ତର୍ଗତ ହାବସପୁର ପଞ୍ଚାୟତ କଛିମଡୋଲାଠାରେ  ଗଣେଶ ପୂଜା ଅବସରରେ ମଙ୍ଗଳବାର ରାତିରେ ନୂଆଁଖାଇ ଭେଟ୍‌ଘାଟ ସହ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସ୍ଥାନୀୟ  ରାଇ ଦାମୋଦର ସାଂସ୍କୃତିକ ଅନୁଷ୍ଠାନ ପକ୍ଷରୁ ଏହି କାର୍ଯ୍ୟକ୍ରମଟି ଆୟୋଜନ କରାଯାଇଥିଲା। ପୂର୍ବତନ ସରପଞ୍ଚ ସତ୍ୟ ରଞ୍ଜନ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜୁନାଗଡ ପୂର୍ବତନ ବ୍ଲକ ଅଧ୍ୟକ୍ଷ ମନୋଜ କୁମାର ମେହେର ଯୋଗଦେଇ ନୂଆଁଖାଇ 

ସୁନ୍ଦରଗଡ ସରକାରୀ ମହାବିଦ୍ୟାଳୟରେ ଗଙ୍ଗାଧର ସାହିତ୍ୟ ଆଲୋଚନାଚକ୍ର

ସୁନ୍ଦରଗଡ ସରକାରୀ ମହାବିଦ୍ୟାଳୟରେ ଗଙ୍ଗାଧର ସାହିତ୍ୟ ଆଲୋଚନାଚକ୍ର

ସୁନ୍ଦରଗଡ଼, ୨୦।୯ (ଡି.ଏନ୍‌.ଏ)-ଗଙ୍ଗାଧରଙ୍କ ସାହିତ୍ୟକୃତି ସ୍ବଚ୍ଛ, କଳୁଷତା ବିହୀନ, ଆଦର୍ଶର ବାର୍ତ୍ତାବହ  ଓ ବିଶ୍ୱକୁ ଅମୃତର ଆଭାରେ ଉଦଭାସିତ କରୁଥିବା କାଳଜୟୀ ସୃଷ୍ଟି। ତାଙ୍କ କାବ୍ୟ, କବିତାର   ଛତ୍ରେ ଛତ୍ରେ ଫୁଟିଉଠିଛି ପ୍ରକୃତିର ବନ୍ଦନା ଓ ସାମାଜିକ ପ୍ରତିବଦ୍ଧତା। ସୁନ୍ଦରଗଡ ସରକାରୀ ମହାବିଦ୍ୟାଳୟ ଓଡିଆ ଭାଷା ସାହିତ୍ୟ ବିଭାଗ ତରଫରୁ ଆୟୋଜିତ ସ୍ବଭାବ କବିଙ୍କ ଜୟନ୍ତୀ ପାଳନ ଅବସରରେ ଗଙ୍ଗାଧରଙ୍କ ସାହିତ୍ୟ ସମ୍ପର୍କୀତ ଆଲୋଚନାଚକ୍ରରେ ଯୋଗଦେଇ ବିଶିଷ୍ଟ ବକ୍ତାମାନେ ମତବ୍ୟକ୍ତ 

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ଦାବି: ଆନ୍ଦୋଳନରେ ବିଭିନ୍ନ ସଙ୍ଗଠନ ସାମିଲ

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ଦାବି: ଆନ୍ଦୋଳନରେ ବିଭିନ୍ନ ସଙ୍ଗଠନ ସାମିଲ

ସମ୍ବଲପୁର, ୨୦।୯ (ବ୍ୟୁରୋ)- ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ସମ୍ବଲପୁର ଓକିଲଙ୍କ ଆନ୍ଦୋଳନ ଜୋର ଧରିଛି। ଗୁରୁବାର କଚେରୀ ଛକଠାରେ ସମ୍ବଲପୁରର ବିଭିନ୍ନ ଅନୁଷ୍ଠାନ ସାମିଲ ହୋଇଛନ୍ତି। ଏହା ଆନ୍ଦୋଳନକୁ ଆହୁରି ଗତିଶୀଳ କରିବ ବୋଲି ମତପ୍ରକାଶ ପାଇଛି। ପୂର୍ବାହ୍ନ ୧୦ଟାରେ ଓକିଲ ଓ ବିଭିନ୍ନ ଅନୁଷ୍ଠାନ କର୍ମକର୍ତ୍ତାମାନେ କଚେରୀ ଛକଠାରେ ପିକେଟିଂ କରିଥିଲେ। ତେଣୁ ବିଚାରପତିମାନେ କାର୍ଯ୍ୟରେ ଯୋଗଦେଇ ନ ପାରି ଫେରି ଯାଇଥିଲେ। 

ପ୍ଲାଷ୍ଟିକ ଫ୍ରି ଓଡ଼ିଶା ଅଭିଯାନ: ଶ୍ରୀଅରବିନ୍ଦ ସ୍କୁଲ ସାମିଲ

ପ୍ଲାଷ୍ଟିକ ଫ୍ରି ଓଡ଼ିଶା ଅଭିଯାନ: ଶ୍ରୀଅରବିନ୍ଦ ସ୍କୁଲ ସାମିଲ

ସମ୍ବଲପୁର, ୨୦।୯ (ବ୍ୟୁରୋ)- ଧରିତ୍ରୀ ଓ ଓଡ଼ିଶା ପୋଷ୍ଟ ମିଳିତ ଆନୁକୂଲ୍ୟରେ ଆରମ୍ଭ ହୋଇଥିବା ପ୍ଲାଷ୍ଟିକ୍‌ ଫ୍ରି ଓଡ଼ିଶା ଅଭିଯାନରେ ଗୁରୁବାର ସମ୍ବଲପୁର ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ର (ଶ୍ରୀଅରବିନ୍ଦ ସ୍କୁଲ) ସାମିଲ ହୋଇଛି। ପ୍ରାର୍ଥନା ପରେ ଛାତ୍ରୀଛାତ୍ର, ଶିକ୍ଷୟିତ୍ରୀ, ଶିକ୍ଷକ ପ୍ଲାଷ୍ଟିକ ମୁକ୍ତ ଓଡିଶା ଗଢ଼ିବାକୁ ସ୍ଲୋଗାନ ଦେଇଥିଲେ। ଏଥିରେ ନର୍ସରୀ ରୁ ୧୦ମ ଶ୍ରେଣୀର ୧୪୧୮ ଜଣ ଛାତ୍ରୀଛାତ୍ର ସାମିଲ ଥିଲେ। ସେହିପରି ୪୦ରୁ ଊର୍ଦ୍ଧ୍ୱ ଶିକ୍ଷୟିତ୍ରୀ, ଶିକ୍ଷକ ଏହି ଅଭିଯାନରେ ସାମିଲ 

ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କରେ ତାଲା: ଝିପି ଝିପି ବର୍ଷାରେ ଚାଷୀଙ୍କ ଆନ୍ଦୋଳନ

ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କରେ ତାଲା: ଝିପି ଝିପି ବର୍ଷାରେ ଚାଷୀଙ୍କ ଆନ୍ଦୋଳନ

ସମ୍ବଲପୁର, ୨୦।୯(ବ୍ୟୁରୋ)-ସମ୍ବଲପୁର ଜିଲାରେ ପ୍ରଧାନମନ୍ତ୍ରୀ ଫସଲ ବୀମା ଟଙ୍କା ପ୍ରଦାନରେ ବୀମା କମ୍ପାନୀ ବିଳମ୍ବ କରୁଛି। ଅପରପକ୍ଷେ ରାଜ୍ୟ ସରକାର ମଧ୍ୟ ଟାଳଟୁଳ ନୀତି ଅବଳମ୍ବନ କରୁଛନ୍ତି। ଏହା ଚାଷୀ ପ୍ରାଣରେ ଆଘାତ ଦେଇଛି। ତେଣୁ ଗୁରୁବାର  ମହାନଗର ନିଗମ ଅଞ୍ଚଳର  ପ୍ରଭାବିତ ଚାଷୀମାନେ  ମୁଦିପଡା ପାଣିଟାଙ୍କି ଛକ ସ୍ଥିତ ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କ ଫାଟକରେ ତାଲା ମାରିଥିଲେ। ଏହାପରେ ପୂର୍ବାହ୍ନ ୧୦ଟାରୁ ସାଢ଼େ ୧୨ଟା ପର୍ଯ୍ୟନ୍ତ ବ୍ୟାଙ୍କ ସମ୍ମୁଖରେ 

ଶିକ୍ଷକ ପଦବୀ ପୂରଣ ଦାବିରେ ଚନ୍ଦନଭାଟି ହାଇସ୍କୁଲରେ ତାଲା, ଧାରଣା

ଶିକ୍ଷକ ପଦବୀ ପୂରଣ ଦାବିରେ ଚନ୍ଦନଭାଟି ହାଇସ୍କୁଲରେ ତାଲା, ଧାରଣା

ବଲାଙ୍ଗୀର ଅଫିସ, ୨୦।୯- ବଲାଙ୍ଗୀର ସଦର ବ୍ଳକ୍‌ ଅନ୍ତର୍ଗତ ଚନ୍ଦନଭାଟି ପଞ୍ଚାୟତ ହାଇସ୍କୁଲରେ ପ୍ରଧାନ ଶିକ୍ଷକ, ଅନ୍ୟ ସହକାରୀ ଶିକ୍ଷକ ଏବଂ ଚତୁର୍ଥ ଶ୍ରେଣୀ କର୍ମଚାରୀ ପଦବୀ ପୂରଣ ଦାବିରେ ଗୁରୁବାର ଆନ୍ଦୋଳନ ଆରମ୍ଭ ହୋଇଛି। ସ୍କୁଲ ପରିଚାଳନା କମିଟି ଏବଂ ଶିକ୍ଷକ-ଅଭିଭାବକ ସଂଘ ପକ୍ଷରୁ ମିଳିତ ଭାବେ ହାଇସ୍କୁଲ ଗେଟ୍‌ରେ ତାଲା ପକାଯାଇ ସ୍କୁଲ ସମ୍ମୁଖରେ ଧାରଣା ଦିଆଯାଇଥିଲା। ଫଳରେ ସ୍କୁଲ ଛାତ୍ରୀଛାତ୍ର ଓ ଶିକ୍ଷକ ସ୍କୁଲ ଭିତରକୁ ଯାଇ ନ ପାରି ସ୍କୁଲ ସମ୍ମୁଖରେ ରହିଥିଲେ। ସକାଳ

ଗ୍ୟାସରେ ପୋଡି ମହିଳା ଗୁରୁତର

ଗ୍ୟାସରେ ପୋଡି ମହିଳା ଗୁରୁତର

ପଡ଼ିଆବାହାଲ, ୨୦।୯ (ଡି.ଏନ.ଏ)- ସମ୍ବଲପୁର ଜିଲା ଯୁଯୁମୁରା ବ୍ଲକ ଜୟନ୍ତପୁର ପଞ୍ଚାୟତର ଦଶପଡା ଗ୍ରାମ ନିବାସୀ ମନୋଜ ମିର୍ଦ୍ଧାଙ୍କ ସ୍ତ୍ରୀ ଗାୟତ୍ରୀ ନିଜ ଘରେ ବୁଧବାର ରନ୍ଧନ ଗ୍ୟାସରେ ପୋଡିଯାଇ ଗୁରୁତର ଆହତ ହୋଇଛନ୍ତି। ପରିବାର ଲୋକେ ତୁରନ୍ତ ବୁର୍ଲା ଭୀମସାରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା କରି ଉତ୍ତମ ଚିକିତ୍ସା ନିମନ୍ତେ କଟକ ବଡଡାକ୍ତରଖାନାକୁ ପଠାଇ ଦିଆଯାଇଛି।