ସମ୍ବଲପୁର

ଚାଉଳ ଯୋଗାଣ ଅବହେଳା :୧୫ ଦିନ ହେଲା ରନ୍ଧାଖାଦ୍ୟ ବନ୍ଦ

କୋକସରା, ୪।୩(ଡି.ଏନ.ଏ.)-ଧର୍ମଗଡ ବ୍ଲକର ଅଙ୍ଗନୱାଡି କେନ୍ଦ୍ର ଗୁଡିକରେ ଦିଆଯାଉଥିବା ଗରମ ରନ୍ଧାଖାଦ୍ୟ ଗତ ୧୫ଦିନ ହେଲା ବନ୍ଦ ରହିଛି। ଚାଉଳ ଯୋଗାଣ ହୋଇ ନ ଥିବାରୁ ଏଭଳି ସମସ୍ୟା ଦେଖାଦେଇଛି ବୋଲି କେନ୍ଦ୍ର ପରିଚାଳନା କରୁଥିବା କର୍ମୀମାନେ କହିଛନ୍ତି। ଏନେଇ ବିଭିନ୍ନ ସମୟରେ ଅଙ୍ଗନୱାଡି କର୍ମୀମାନେ ବିଭାଗୀୟ ଅଧିକାରୀଙ୍କୁ ଜଣାଇଥିଲେ ବି ତାର କୌଣସି ପ୍ରତିକାର କରାଯାଉନାହିଁ ବୋଲି ୨୦ଟି କେନ୍ଦ୍ରର ଅଙ୍ଗନୱାଡି କର୍ମୀ କହିଛନ୍ତି। ଫଳରେ ପ୍ରାକ୍‌ ବିଦ୍ୟାଳୟ ପାଠପଢା ସମ୍ପୂର୍ଣ୍ଣ ବାଧକ ସାଜିଛି ବୋଲି ଆଲୋଚନା ହେଉଛି। ଅନ୍ୟପଟେ କେନ୍ଦ୍ରଗୁଡିକରେ ଗରମ ରନ୍ଧାଖାଦ୍ୟ ଦିଆଯାଇ ନ ଥିବାରୁ ଏହି ଯୋଜନାରେ କୋମଳମତି ଶିଶୁମାନେ ଭୋକ ଉପାସରେ ଘରକୁ ଫେରୁଛନ୍ତି ବୋଲି ଛାତ୍ରୀଛାତ୍ର ଅବିଭାବକ କହିଛନ୍ତି। ସରକାର ୩ରୁ ୬ବର୍ଷ ବୟସର ଶିଶୁଙ୍କୁ ଅଙ୍ଗନୱାଡି କେନ୍ଦ୍ରଗୁଡିକରେ ରଖି ସାମଗ୍ରିକ ବିକାଶ ପାଇଁ ପ୍ରାକ୍‌ ବିଦ୍ୟାଳୟରେ ଶିକ୍ଷାଦାନ ବ୍ୟବସ୍ଥା କରିଛନ୍ତି। ଏହି ଶିକ୍ଷାଦାନ ବ୍ୟବସ୍ଥାକୁ ଆକୃଷ୍ଟ ଓ ସଫଳ କରିବା ପାଇଁ ମାଗଣା ପୋଷାକ, ଲୋଭନୀୟ ଉତ୍କୃଷ୍ଟ ଗରମ ରନ୍ଧାଖାଦ୍ୟ ସହ ଅଣ୍ଡା ତରକାରୀ, ଛତୁଆ ଆଦି ଯୋଗାଇ ଦେଉଛନ୍ତି। ଫଳରେ ହଜାର ହଜାର ଶିଶୁ ଏହି ଯୋଜନାରେ ଉପକୃତ ହେଉଥିବା ଦେଖିବାକୁ ମିଳିଛି। ସେହିପରି ଏହି ଯୋଜନା କାର୍ଯ୍ୟକାରୀ ହେବା ପରେ ଅଙ୍ଗନୱାଡି କେନ୍ଦ୍ରଗୁଡିକ ସବୁ ଦିନ ଗହଳି ରହୁଥିବା ଦେଖିବାକୁ ମିଳିଛି। ହେଲେ ଗରମ ରନ୍ଧାଖାଦ୍ୟ ଯୋଜନା ପାଇଁ ଆବଶ୍ୟକ ହେଉଥିବା ଚାଉଳ ଯୋଗାଣରେ ବ୍ୟାପକ ଅବହେଳା କରାଯାଇଛି। ଚାଉଳ ଷ୍ଟକ ନ ଥିବାରୁ ସେସବୁ କେନ୍ଦ୍ର ଗତ ୧୫ଦିନ ହେଲା ପ୍ରାୟତଃ ବନ୍ଦ ରହୁଥିବା ଦେଖିବାକୁ ମିଳିଛି। କିଛିକିଛି କେନ୍ଦ୍ରରେ ୨/୩ଦିନର ଚାଉଳ ଷ୍ଟକ ରହିଥିବାବେଳେ କିଛି କେନ୍ଦ୍ରରେ ଆଦୌ ଚାଉଳ ନାହିଁ ବୋଲି କର୍ମୀମାନେ କହିଛନ୍ତି।ଏହି ସମସ୍ୟା ଦେଖାଦେବାର ଓ କର୍ମୀମାନେ ଘଟଣା ସମ୍ପର୍କରେ ବିଭାଗୀୟ ଅଧିକାରୀଙ୍କୁ କହିଥିଲେ ବି କାହାରି ନିଘା ନ ଥିବା ଘଟଣା ସାଧାରଣରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି। ତୁରନ୍ତ ଚାଉଳ ଯୋଗାଣର ବ୍ୟବସ୍ଥା କରିବା ପାଇଁ ବେହେରା, ପର୍ଲା, ଜୟନ୍ତପୁର, ଧଅଁରପୁର, ଛଞ୍ଚାଣବାହାଲି, ତେଣ୍ଡାପାଲି ପଞ୍ଚାୟତର ଲୋକମାନେ ଦାବି କରିଛନ୍ତି। ଚାଉଳ ଷ୍ଟକ ନ ଥିବାରୁ ଅଙ୍ଗନୱାଡି କେନ୍ଦ୍ରଗୁଡିକରେ ଗରମରନ୍ଧା ଖାଦ୍ୟ ଦିଆଯାଉ ନ ଥିବା ସମ୍ପର୍କରେ ବେହେରା ସେକ୍ଟର ମହିଳା ସୁପରଭାଇଜର ସିପ୍ରା ଶର୍ମାଙ୍କୁ ପଚାରିବାରୁ ଚାଉଳ ଯୋଗାଣ ହୋଇ ନ ଥିବାରୁ ଏହି ସମସ୍ୟା ଦେଖାଦେଇଛି ବୋଲି କହିଥିଲେ। ଅନ୍ୟପଟେ ଜିଲା ସମାଜ ମଙ୍ଗଳ ଅଧିକାରୀ ନିମାଇ ଚନ୍ଦ୍ର ସ୍ବର୍ଣ୍ଣକାରଙ୍କୁ ପଚାରିବାରୁ ବ୍ଲକସ୍ତରରେ ଥିବା ଶିଶୁ ବିକାଶ ପ୍ରକଳ୍ପ ଅଧିକାରୀମାନଙ୍କୁ ଚାଉଳ ଯୋଗାଣ ତାଲିକା ମଗାଯାଇଥିଲା। ଠିକ ସମୟରେ ତାଲିକା ଦିଆଯାଇ ନ ଥିବାରୁ ଚାଉଳ ଯୋଗାଣରେ ବିଳମ୍ବ ହୋଇଛି। ତୁରନ୍ତ ଚାଉଳ ଉଠାଣ କରି ଆସନ୍ତା ସପ୍ତାହରେ କେନ୍ଦ୍ରଗୁଡିକୁ ଯୋଗାଇ ଦିଆଯିବ ବୋଲି ଜିଲା ସମାଜ ମଙ୍ଗଳ ଅଧିକାରୀ ସ୍ବର୍ଣ୍ଣକାର କହିଛନ୍ତି।
All Right Reserved By

ସମ୍ବଲପୁର

କୃଷିଜିବୀ କଲ୍ୟାଣ ସଂଘର ପ୍ରସ୍ତୁତି ବୈଠକ

କୃଷିଜିବୀ କଲ୍ୟାଣ ସଂଘର ପ୍ରସ୍ତୁତି ବୈଠକ

ଜୁନାଗଡ,୨୦।୯(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ସହର ନିୟନ୍ତ୍ରିତ ବଜାର କମିଟି ସଭାଗୃହରେ କୃଷିଜିବୀ କଲ୍ୟାଣ ସଂଘ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

ବ୍ଲକସ୍ତରୀୟ ବିଜ୍ଞାନ ସେମିନାର, କୁଇଜ ପ୍ରତିଯୋଗିତା

ବ୍ଲକସ୍ତରୀୟ ବିଜ୍ଞାନ ସେମିନାର, କୁଇଜ ପ୍ରତିଯୋଗିତା

ଖଡିଆଳ,୨୦।୯(ଡି.ଏନ.ଏ.): ନୂଆପଡା ଜିଲା ଖଡିଆଳ ବ୍ଲକ ରାଜା ଆର୍ତ୍ତତ୍ରାଣ ଉଚ୍ଚ ବିଦ୍ୟାଳୟ ପରିସରରେ ଗୁରୁବାର ବ୍ଲକସ୍ତରୀୟ ବିଜ୍ଞାନ ସେମିନାର ଓ କୁଇଜ ପ୍ରତିଯୋଗତିତା ଅନୁଷ୍ଠିତ ହୋଇଯାଇଛି ।

ଚାଷରେ ରୋଗ, ଔଷଧ କାମ କରୁନି

ଚାଷରେ ରୋଗ, ଔଷଧ କାମ କରୁନି

କର୍ଲାମୁଣ୍ଡା,୨୦।୯(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ଏବେ ଧାନଚାଷରେ ରୋଗପୋକ ପାର୍ଦୁଭାବ ବଢିବାରେ ଲାଗିଛି । କୀଟ ନାଶକ ଔଷଧଗୁଡିକ କାମ କରୁ ନ ଥିବା ଚାଷୀମାନେ ଅଭିଯୋଗ କରିଛନ୍ତି। 

ମହରମ ପର୍ବର ଶୁଭାରମ୍ଭ: ବାଘ ଶୋଭାଯାତ୍ରା ଅନୁଷ୍ଠିତ

ମହରମ ପର୍ବର ଶୁଭାରମ୍ଭ: ବାଘ ଶୋଭାଯାତ୍ରା ଅନୁଷ୍ଠିତ

ଭଟଲି, ୨୦।୯(ଡି.ଏନ.ଏ.)-ବରଗଡ଼ ଜିଲା ଭଟଲି ବ୍ଲକ କୁଶନପୁରୀ ସ୍ଥିତ ହବିବନଗର ପରିସରରେ ପ୍ରସିଦ୍ଧ ମହରମ ପର୍ବ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ଅବସରରେ ଗୁରୁବାର ବାଘ ପୋଷାକରେ ଶୋଭାଯାତ୍ରା ଗ୍ରାମ ପରିକ୍ରମା କରିଥିଲା। ବରଗଡ଼ ଆର୍‌ସିଏମ୍‌ଏସ ସଭାପତି ହେମନ୍ତ ପଣ୍ଡା ଉଦ୍‌ଘାଟନ କରିଥିଲେ।

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ମୃତ: ଅଭିଯୁକ୍ତଙ୍କ ଥାନାରେ ଆତ୍ମସମର୍ପଣ

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ମୃତ: ଅଭିଯୁକ୍ତଙ୍କ ଥାନାରେ ଆତ୍ମସମର୍ପଣ

ବେଲପଡା,୨୦।୯(ଡି.ଏନ.ଏ)-ବଲାଙ୍ଗିର ଜିଲା ବେଲପଡା ଥାନା ମୁଣ୍ଡଦର୍ହ ଗ୍ରାମରେ ବୁଧବାର ରାତି ୨ଟାରେ ସ୍ବାମୀଙ୍କ ଟାଙ୍ଗିଆ ଚୋଟରେ  ସ୍ତ୍ରୀଙ୍କ ଶୋଚନୀୟ ମୃତ୍ୟୁ ହୋଇଯାଇଛି। ସ୍ତ୍ରୀଙ୍କ ମୃତ୍ୟୁ ପରେ ଅଭିଯୁକ୍ତ ସ୍ବାମୀ ଗୁରୁବାର ପ୍ରାତଃ ୫ଟାରେ ଥାନାକୁ ଆସି ଆତ୍ମସମର୍ପଣ କରିଛନ୍ତି। ଏହି ଘଟଣାରେ ମୁଣ୍ଡଦର୍ହ ଗ୍ରାମରେ ଚାଞ୍ଚଲ୍ୟ ଖେଳିଯାଇଛି। ପୋଲିସ ସୂତ୍ରରୁ ପ୍ରକାଶ ଯେ ମୁଣ୍ଡଦର୍ହ ଗ୍ରାମର ଧବଳେଶ୍ୱର ଚିରାଗୁନ୍‌ (୪୫) ଓ ସ୍ତ୍ରୀ ବୈଦେହୀଙ୍କ ସହ ଗ୍ରାମରେ ଥିବା ମେହେରପଡାଠାରେ ନିଜର 

ନୂଆଁଖାଇ ଭେଟ୍‌ଘାଟ୍‌ରେ ନୃତ୍ୟ ପ୍ରତିଯୋଗିତା

ନୂଆଁଖାଇ ଭେଟ୍‌ଘାଟ୍‌ରେ ନୃତ୍ୟ ପ୍ରତିଯୋଗିତା

ଜୁନାଗଡ,୨୦।୯ (ଡି.ଏନ.ଏ.)
କଳାହାଣ୍ଡି ଜିଲା ଜୁନାଗଡ ବ୍ଲକ ଅନ୍ତର୍ଗତ ହାବସପୁର ପଞ୍ଚାୟତ କଛିମଡୋଲାଠାରେ  ଗଣେଶ ପୂଜା ଅବସରରେ ମଙ୍ଗଳବାର ରାତିରେ ନୂଆଁଖାଇ ଭେଟ୍‌ଘାଟ ସହ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସ୍ଥାନୀୟ  ରାଇ ଦାମୋଦର ସାଂସ୍କୃତିକ ଅନୁଷ୍ଠାନ ପକ୍ଷରୁ ଏହି କାର୍ଯ୍ୟକ୍ରମଟି ଆୟୋଜନ କରାଯାଇଥିଲା। ପୂର୍ବତନ ସରପଞ୍ଚ ସତ୍ୟ ରଞ୍ଜନ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜୁନାଗଡ ପୂର୍ବତନ ବ୍ଲକ ଅଧ୍ୟକ୍ଷ ମନୋଜ କୁମାର ମେହେର ଯୋଗଦେଇ ନୂଆଁଖାଇ 

ସୁନ୍ଦରଗଡ ସରକାରୀ ମହାବିଦ୍ୟାଳୟରେ ଗଙ୍ଗାଧର ସାହିତ୍ୟ ଆଲୋଚନାଚକ୍ର

ସୁନ୍ଦରଗଡ ସରକାରୀ ମହାବିଦ୍ୟାଳୟରେ ଗଙ୍ଗାଧର ସାହିତ୍ୟ ଆଲୋଚନାଚକ୍ର

ସୁନ୍ଦରଗଡ଼, ୨୦।୯ (ଡି.ଏନ୍‌.ଏ)-ଗଙ୍ଗାଧରଙ୍କ ସାହିତ୍ୟକୃତି ସ୍ବଚ୍ଛ, କଳୁଷତା ବିହୀନ, ଆଦର୍ଶର ବାର୍ତ୍ତାବହ  ଓ ବିଶ୍ୱକୁ ଅମୃତର ଆଭାରେ ଉଦଭାସିତ କରୁଥିବା କାଳଜୟୀ ସୃଷ୍ଟି। ତାଙ୍କ କାବ୍ୟ, କବିତାର   ଛତ୍ରେ ଛତ୍ରେ ଫୁଟିଉଠିଛି ପ୍ରକୃତିର ବନ୍ଦନା ଓ ସାମାଜିକ ପ୍ରତିବଦ୍ଧତା। ସୁନ୍ଦରଗଡ ସରକାରୀ ମହାବିଦ୍ୟାଳୟ ଓଡିଆ ଭାଷା ସାହିତ୍ୟ ବିଭାଗ ତରଫରୁ ଆୟୋଜିତ ସ୍ବଭାବ କବିଙ୍କ ଜୟନ୍ତୀ ପାଳନ ଅବସରରେ ଗଙ୍ଗାଧରଙ୍କ ସାହିତ୍ୟ ସମ୍ପର୍କୀତ ଆଲୋଚନାଚକ୍ରରେ ଯୋଗଦେଇ ବିଶିଷ୍ଟ ବକ୍ତାମାନେ ମତବ୍ୟକ୍ତ 

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ଦାବି: ଆନ୍ଦୋଳନରେ ବିଭିନ୍ନ ସଙ୍ଗଠନ ସାମିଲ

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ଦାବି: ଆନ୍ଦୋଳନରେ ବିଭିନ୍ନ ସଙ୍ଗଠନ ସାମିଲ

ସମ୍ବଲପୁର, ୨୦।୯ (ବ୍ୟୁରୋ)- ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ସମ୍ବଲପୁର ଓକିଲଙ୍କ ଆନ୍ଦୋଳନ ଜୋର ଧରିଛି। ଗୁରୁବାର କଚେରୀ ଛକଠାରେ ସମ୍ବଲପୁରର ବିଭିନ୍ନ ଅନୁଷ୍ଠାନ ସାମିଲ ହୋଇଛନ୍ତି। ଏହା ଆନ୍ଦୋଳନକୁ ଆହୁରି ଗତିଶୀଳ କରିବ ବୋଲି ମତପ୍ରକାଶ ପାଇଛି। ପୂର୍ବାହ୍ନ ୧୦ଟାରେ ଓକିଲ ଓ ବିଭିନ୍ନ ଅନୁଷ୍ଠାନ କର୍ମକର୍ତ୍ତାମାନେ କଚେରୀ ଛକଠାରେ ପିକେଟିଂ କରିଥିଲେ। ତେଣୁ ବିଚାରପତିମାନେ କାର୍ଯ୍ୟରେ ଯୋଗଦେଇ ନ ପାରି ଫେରି ଯାଇଥିଲେ। 

ପ୍ଲାଷ୍ଟିକ ଫ୍ରି ଓଡ଼ିଶା ଅଭିଯାନ: ଶ୍ରୀଅରବିନ୍ଦ ସ୍କୁଲ ସାମିଲ

ପ୍ଲାଷ୍ଟିକ ଫ୍ରି ଓଡ଼ିଶା ଅଭିଯାନ: ଶ୍ରୀଅରବିନ୍ଦ ସ୍କୁଲ ସାମିଲ

ସମ୍ବଲପୁର, ୨୦।୯ (ବ୍ୟୁରୋ)- ଧରିତ୍ରୀ ଓ ଓଡ଼ିଶା ପୋଷ୍ଟ ମିଳିତ ଆନୁକୂଲ୍ୟରେ ଆରମ୍ଭ ହୋଇଥିବା ପ୍ଲାଷ୍ଟିକ୍‌ ଫ୍ରି ଓଡ଼ିଶା ଅଭିଯାନରେ ଗୁରୁବାର ସମ୍ବଲପୁର ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ର (ଶ୍ରୀଅରବିନ୍ଦ ସ୍କୁଲ) ସାମିଲ ହୋଇଛି। ପ୍ରାର୍ଥନା ପରେ ଛାତ୍ରୀଛାତ୍ର, ଶିକ୍ଷୟିତ୍ରୀ, ଶିକ୍ଷକ ପ୍ଲାଷ୍ଟିକ ମୁକ୍ତ ଓଡିଶା ଗଢ଼ିବାକୁ ସ୍ଲୋଗାନ ଦେଇଥିଲେ। ଏଥିରେ ନର୍ସରୀ ରୁ ୧୦ମ ଶ୍ରେଣୀର ୧୪୧୮ ଜଣ ଛାତ୍ରୀଛାତ୍ର ସାମିଲ ଥିଲେ। ସେହିପରି ୪୦ରୁ ଊର୍ଦ୍ଧ୍ୱ ଶିକ୍ଷୟିତ୍ରୀ, ଶିକ୍ଷକ ଏହି ଅଭିଯାନରେ ସାମିଲ 

ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କରେ ତାଲା: ଝିପି ଝିପି ବର୍ଷାରେ ଚାଷୀଙ୍କ ଆନ୍ଦୋଳନ

ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କରେ ତାଲା: ଝିପି ଝିପି ବର୍ଷାରେ ଚାଷୀଙ୍କ ଆନ୍ଦୋଳନ

ସମ୍ବଲପୁର, ୨୦।୯(ବ୍ୟୁରୋ)-ସମ୍ବଲପୁର ଜିଲାରେ ପ୍ରଧାନମନ୍ତ୍ରୀ ଫସଲ ବୀମା ଟଙ୍କା ପ୍ରଦାନରେ ବୀମା କମ୍ପାନୀ ବିଳମ୍ବ କରୁଛି। ଅପରପକ୍ଷେ ରାଜ୍ୟ ସରକାର ମଧ୍ୟ ଟାଳଟୁଳ ନୀତି ଅବଳମ୍ବନ କରୁଛନ୍ତି। ଏହା ଚାଷୀ ପ୍ରାଣରେ ଆଘାତ ଦେଇଛି। ତେଣୁ ଗୁରୁବାର  ମହାନଗର ନିଗମ ଅଞ୍ଚଳର  ପ୍ରଭାବିତ ଚାଷୀମାନେ  ମୁଦିପଡା ପାଣିଟାଙ୍କି ଛକ ସ୍ଥିତ ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କ ଫାଟକରେ ତାଲା ମାରିଥିଲେ। ଏହାପରେ ପୂର୍ବାହ୍ନ ୧୦ଟାରୁ ସାଢ଼େ ୧୨ଟା ପର୍ଯ୍ୟନ୍ତ ବ୍ୟାଙ୍କ ସମ୍ମୁଖରେ 

ଶିକ୍ଷକ ପଦବୀ ପୂରଣ ଦାବିରେ ଚନ୍ଦନଭାଟି ହାଇସ୍କୁଲରେ ତାଲା, ଧାରଣା

ଶିକ୍ଷକ ପଦବୀ ପୂରଣ ଦାବିରେ ଚନ୍ଦନଭାଟି ହାଇସ୍କୁଲରେ ତାଲା, ଧାରଣା

ବଲାଙ୍ଗୀର ଅଫିସ, ୨୦।୯- ବଲାଙ୍ଗୀର ସଦର ବ୍ଳକ୍‌ ଅନ୍ତର୍ଗତ ଚନ୍ଦନଭାଟି ପଞ୍ଚାୟତ ହାଇସ୍କୁଲରେ ପ୍ରଧାନ ଶିକ୍ଷକ, ଅନ୍ୟ ସହକାରୀ ଶିକ୍ଷକ ଏବଂ ଚତୁର୍ଥ ଶ୍ରେଣୀ କର୍ମଚାରୀ ପଦବୀ ପୂରଣ ଦାବିରେ ଗୁରୁବାର ଆନ୍ଦୋଳନ ଆରମ୍ଭ ହୋଇଛି। ସ୍କୁଲ ପରିଚାଳନା କମିଟି ଏବଂ ଶିକ୍ଷକ-ଅଭିଭାବକ ସଂଘ ପକ୍ଷରୁ ମିଳିତ ଭାବେ ହାଇସ୍କୁଲ ଗେଟ୍‌ରେ ତାଲା ପକାଯାଇ ସ୍କୁଲ ସମ୍ମୁଖରେ ଧାରଣା ଦିଆଯାଇଥିଲା। ଫଳରେ ସ୍କୁଲ ଛାତ୍ରୀଛାତ୍ର ଓ ଶିକ୍ଷକ ସ୍କୁଲ ଭିତରକୁ ଯାଇ ନ ପାରି ସ୍କୁଲ ସମ୍ମୁଖରେ ରହିଥିଲେ। ସକାଳ

ଗ୍ୟାସରେ ପୋଡି ମହିଳା ଗୁରୁତର

ଗ୍ୟାସରେ ପୋଡି ମହିଳା ଗୁରୁତର

ପଡ଼ିଆବାହାଲ, ୨୦।୯ (ଡି.ଏନ.ଏ)- ସମ୍ବଲପୁର ଜିଲା ଯୁଯୁମୁରା ବ୍ଲକ ଜୟନ୍ତପୁର ପଞ୍ଚାୟତର ଦଶପଡା ଗ୍ରାମ ନିବାସୀ ମନୋଜ ମିର୍ଦ୍ଧାଙ୍କ ସ୍ତ୍ରୀ ଗାୟତ୍ରୀ ନିଜ ଘରେ ବୁଧବାର ରନ୍ଧନ ଗ୍ୟାସରେ ପୋଡିଯାଇ ଗୁରୁତର ଆହତ ହୋଇଛନ୍ତି। ପରିବାର ଲୋକେ ତୁରନ୍ତ ବୁର୍ଲା ଭୀମସାରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା କରି ଉତ୍ତମ ଚିକିତ୍ସା ନିମନ୍ତେ କଟକ ବଡଡାକ୍ତରଖାନାକୁ ପଠାଇ ଦିଆଯାଇଛି।