ବାଣିଜ୍ୟ |

ପିଏନ୍‌ବିରେ ୧୧,୩୦୦ କୋଟି ଘୋଟାଲା

ପିଏନ୍‌ବିରେ ୧୧,୩୦୦ କୋଟି ଘୋଟାଲା
ନୂଆଦିଲ୍ଲୀ, ୧୪-୨(ପି.ଟି.) ପଞ୍ଜାବ ନ୍ୟାଶ୍‌ନାଲ୍‌ ବ୍ୟାଙ୍କ(ପିଏନ୍‌ବି)ର ବମ୍ବେ ସ୍ଥିତ ଏକ ଶାଖାରେ ୧୧,୩୦୦ କୋଟି ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ବେଆଇନ୍‌ ଆର୍ଥିକ କାରବାର ହୋଇଛି। ଏଥିରେ ଜଣାଶୁଣା ଗହଣା ଡିଜାଇନର ନୀରବ ମୋଦି ସାମିଲ ଥିବା ଜଣାଯାଇଛି। ଏ ସମ୍ପର୍କରେ ବୁଧବାର ବ୍ୟାଙ୍କ ପକ୍ଷରୁ କୁହାଯାଇଛି ଯେ, ଏଥିରେ ନୀରବ ମୋଦି ନାମକ ଜଣେ ଗହଣା ବ୍ୟବସାୟୀ, ତାଙ୍କ ସ୍ତ୍ରୀ, ପୁଅ ଏବଂ ପାର୍ଟନର ସାମିଲ ଅଛନ୍ତି। ଘଟଣା ଜଣାପଡିବା ପରେ ବ୍ୟାଙ୍କ ଷ୍ଟକ୍‌ ଏକ୍ସଚେଞ୍ଜ୍‌ରେ ସୂଚୀତ କରିବା ସହିତ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଏନ୍‌ଫୋର୍ସମେଣ୍ଟ ଏଜେନ୍ସିକୁ ଖବର କରିଥିଲା ବୋଲି ସ୍ପଷ୍ଟ କରିଛି। ସେହିପରି ଗତ ସପ୍ତାହରେ ପିଏନବିକୁ ଠକିଥିବା କାରଣରୁ ଉକ୍ତ ଗହଣା ବ୍ୟବସାୟୀ ଓ ତାଙ୍କ ପରିବାର ସଦସ୍ୟଙ୍କ ସମେତ ବ୍ୟାଙ୍କର କେତେ ଜଣ ଅଧିକାରୀଙ୍କୁ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ୨୮୦.୭ କୋଟି ଟଙ୍କାର ଠକେଇ କାରବାରରେ ଧରିଥିଲା। ଏହି ବେଆଇନ୍‌ କାର୍ଯ୍ୟକଳାପ ଉପରେ ପୁଙ୍ଖାନୁପୁଙ୍ଖ ତର୍ଜମା କରାଗଲା ପରେ ଏହାର ସଠିକ୍‌ ପରିମାଣ ଜଣା ପଡିବ ବୋଲି ପିଏନ୍‌ବି ପ୍ରକାଶ କରିଛି। ଏହି ଠକେଇ କାରବାର ସାମ୍ନାକୁ ଆସିବା ପରେ ପିଏନ୍‌ବିର ଶେୟାର ମୂଲ୍ୟ ୧୦% ହ୍ରାସ ପାଇଛି। ବୁଧବାର କାରବାର ଶେଷରେ ନ୍ୟାଶ୍‌ନାଲ୍‌ ଷ୍ଟକ ଏକ୍ସଚେଞ୍ଜରେ ପିଏନ୍‌ବିର ଶେୟାର ମୂଲ୍ୟ ୧୪୫.୨୦ ଟଙ୍କାରେ ବନ୍ଦ ହୋଇଛି। କାରବାରର ମଧ୍ୟଭାଗରେ ଏହାର ଶେୟାର ୧୪୫.୧୫ ଟଙ୍କାକୁ ଖସି ଆସିଥିଲା। ସେହିପରି ବମ୍ବେ ଷ୍ଟକ୍‌ ଏକ୍ସଚେଞ୍ଜ୍‌ ସେନ୍‌ସେକ୍ସରେ ମଧ୍ୟ ପିଏନ୍‌ବିର ଶେୟାର ମୂଲ୍ୟ ୯.୮୧% ହ୍ରାସ ପାଇଛି। ଏହା ୧୬୦ ଟଙ୍କାରେ କାରବାର ଆରମ୍ଭ କରିଥିବା ବେଳେ ମଧ୍ୟ ଭାଗରେ ୧୪୪.୭୦ ଟଙ୍କାକୁ ଖସି ଆସିଥିଲା। ଏହି ହ୍ରାସ ଫଳରେ ବ୍ୟାଙ୍କର ବଜାର ପୁଞ୍ଜି ୩୫,୩୬୫ କୋଟି ଟଙ୍କାକୁ ଖସି ଆସିଛି। ଏଥିରେ ୩୮୪୪ କୋଟି ଟଙ୍କା ହ୍ରାସ ଘଟିଛି। ପିଏନ୍‌ବି ପକ୍ଷରୁ କୁହାଯାଇଛି ଯେ, ଏହା ୧୧,୩୩୫ କୋଟି ଟଙ୍କାର ବେଆଇନ୍‌ କାରବାରକୁ ଚିହ୍ନଟ କରିଛି। ଘଟଣାକୁ ଆଇନ୍‌ ପ୍ରବର୍ତ୍ତନ ଏଜେନ୍ସି ନିକଟକୁ ପଠାଯାଇଛି। ସ୍ଥିତି ନିୟନ୍ତ୍ରିତ: ଅର୍ଥମନ୍ତ୍ରଣାଳୟ ନୂଆଦିଲ୍ଲୀ,୧୪-୨(ପି.ଟି.) ପିଏନ୍‌ବିରେ ହୋଇଥିବା ବେଆଇନ ଆର୍ଥିକ କାରବାର ନିୟନ୍ତ୍ରଣ ବାହାରେ ନାହିଁ। ଏହାକୁ ନେଇ ହୋଇଥିବା କୋଳାହଳକୁ ହ୍ରାସ କରିବା ପାଇଁ ଅର୍ଥମନ୍ତ୍ରଣାଳୟ ଅନ୍ତର୍ଗତ ଆର୍ଥିକ ସେବା ବିଭାଗର ଯୁଗ୍ମ ସଚିବ ଲୋକ ରାଜନ ଏଭଳି କହିଛନ୍ତି। ବର୍ତ୍ତମାନ ସମୟରେ ଏହା ଏକ ବିରାଟ ବଡ ସମସ୍ୟା ବା ଅନିୟନ୍ତ୍ରିତ ଘଟଣା ନୁହେଁ ବୋଲି ସେ କହିଛନ୍ତି। ବ୍ୟାଙ୍କିଙ୍ଗ୍‌ ବ୍ୟବସ୍ଥାର ସ୍ବଚ୍ଛତା ଉପରେ ପ୍ରଶ୍ନ ନୂଆଦିଲ୍ଲୀ, ୧୪-୨ ଗୋଟିଏ ବ୍ୟାଙ୍କ ଶାଖାରେ ବୃହତ ପରିମାଣର ବେଆଇନ୍‌ ଆର୍ଥିକ କାରବାର ହୋଇଥିବାରୁ ଏହାର ପ୍ରଭାବ ଅନ୍ୟ ବ୍ୟାଙ୍କକୁ ମଧ୍ୟ ସମ୍ପ୍ରସାରିତ ହୋଇପାରେ ବୋଲି ସନ୍ଦେହ କରାଯାଉଛି। ଅପରପକ୍ଷରେ ଅନ୍ୟ ଦେଶ ତୁଳନାରେ ଭାରତରେ ବ୍ୟାଡ୍‌ଲୋନ୍‌ ପରିମାଣ ଢେର ଥିବାରୁ ଏହି ଘଟଣା ପରେ ଦେଶରେ ବ୍ୟାଙ୍କ ଗୁଡିକର ସ୍ବଚ୍ଛତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ସେହିପରି ପିଏନ୍‌ବିର ସିଇଓ ଭାବେ ଗତ ବର୍ଷ ମେ’ ମାସରେ ସୁନିଲ ମେହେଟ୍ଟା ଦାଇତ୍ୱ ଗ୍ରହଣ କରିଥିବା ବେଳେ ତାଙ୍କ ପାଇଁ ମଧ୍ୟ ଜଟିଳ ପରିସ୍ଥିତ ସୃଷ୍ଟି କରିବ ବୋଲି ଆଶଙ୍କା କରାଯାଉଛି। ନଜରରେ ନାମୀଦାମୀ ଗହଣା କମ୍ପାନୀ ଗହଣା ବ୍ୟବସାୟୀ ନୀରବ ମୋଦିଙ୍କ ଦ୍ୱାରା ବେଆଇନ କାରବାର ହୋଇଥିବା ଖବର ପିଏନ୍‌ବି ପକ୍ଷରୁ ପ୍ରକାଶ କରାଯିବା ପରେ ଏବେ ତଦନ୍ତ ଏଜେନ୍ସିଗୁଡିକ ନଜରରେ ବଡ ବଡ ଗହଣା ନିର୍ମାତାମାନେ ରହିଛନ୍ତି। ଏକ ରାଷ୍ଟ୍ରାୟତ୍ତ ବ୍ୟାଙ୍କର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ସେ କହିଛନ୍ତି ଯେ, ବିଭିନ୍ନ ବ୍ୟାଙ୍କରେ ଏହି ଗହଣା କମ୍ପାନୀଗୁଡିକର ଆର୍ଥିକ କାରବାର ଉପରେ କେନ୍ଦ୍ରୀୟ ତଦନ୍ତ ବ୍ୟୁରୋ ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଭଳି ଏଜେନ୍ସିଗୁଡିକ ଅନୁଧ୍ୟାନ କରୁଛନ୍ତି।
All Right Reserved By

ବାଣିଜ୍ୟ |

ଆସିବ ଇ-କମର୍ସ ନୀତି: ଡିସ୍‌କାଉଣ୍ଟ ଅଫର୍‌ ଉପରେ ଲାଗିବ ଲଗାମ

ନୂଆଦିଲ୍ଲୀ,୧୯-୧୨:  ଗ୍ରାହକଙ୍କୁ ଆକର୍ଷିତ କରିବା ଲାଗି ଅନ୍‌ଲାଇନ ରିଟେଲର୍ସ କମ୍ପାନୀମାନେ ଦେଉଥିବା ବଡ଼ ଧରଣର ଡିସକାଉଣ୍ଟ ଅଫର୍‌ ଉପରେ ସରକାରୀ ନିୟନ୍ତ୍ରଣ ହେବାକୁ ଯାଉଛି। ଏ ନେଇ ଇ-କମର୍ସ ନୀତି ଅଣାଯିବ ବୋଲି କେନ୍ଦ୍ର ସରକାର ସଂସଦରେ ପ୍ରକାଶ କରିଛନ୍ତି।

ଅନ୍‌ଲାଇନରେ ମାତ୍ର ୧ ଟଙ୍କାରେ ମିଳୁଛି ସୁନା

ଅନ୍‌ଲାଇନରେ ମାତ୍ର ୧ ଟଙ୍କାରେ ମିଳୁଛି ସୁନା

ନୂଆଦିଲ୍ଲୀ,୧୯-୧୨:  ଏବେ ଭାରତୀୟମାନେ  ମାତ୍ର ୧ ଟଙ୍କାରେ ସୁନା କିଣୁଛନ୍ତି। ଚାହିଦା କମୁଥିବାରୁ ସୁନା ବ୍ୟବସାୟୀମାନେ ନିଜର ବିକ୍ରି ବଢ଼ାଇବା ଲାଗି ନୂଆ ପଦ୍ଧତି ଆପଣାଇଛନ୍ତି। ବିଟ୍‌ ସାଇଜ ସୁନା ଅନ୍‌ଲାଇନରେ କିଣିବାର ସୁଯୋଗ ସେମାନେ ଏବେ ଦେବା ଆରମ୍ଭ କରିଛନ୍ତି। 

ନୋଟ୍‌ ଛାପାରେ ଖର୍ଚ୍ଚ ହୋଇଛି ୮ ହଜାର କୋଟି

ନୋଟ୍‌ ଛାପାରେ ଖର୍ଚ୍ଚ ହୋଇଛି ୮ ହଜାର କୋଟି

ନୂଆଦିଲ୍ଲୀ,୧୯-୧୨:  ବିମୁଦ୍ରୀକରଣ ବର୍ଷ ଅର୍ଥାତ ୨୦୧୬-୧୭ରେ ନୋଟ୍‌ ଛାପା ବାବଦରେ ୭,୯୬୫କୋଟି ଟଙ୍କା ଖର୍ଚ୍ଚ ହୋଇଛି ବୋଲି କେନ୍ଦ୍ର ସରକାର ମଙ୍ଗଳବାର ସଂସଦରେ ପ୍ରକାଶ କରିଛନ୍ତି।

ଟ୍ରାଇ ଜାରି କଲା ନୂଆ ଦର: ଗ୍ରାହକଙ୍କ ମାସିକ ବିଲ୍‌ ବଢ଼ିବ

ଟ୍ରାଇ ଜାରି କଲା ନୂଆ ଦର: ଗ୍ରାହକଙ୍କ ମାସିକ ବିଲ୍‌ ବଢ଼ିବ

ନୂଆଦିଲ୍ଲୀ,୧୯-୧୨:  କେବୁଲ ଅପରେଟର ଓ ଡିଟିଏଚ୍‌ ଦେଖଣାହାରୀଙ୍କ ପାଇଁ ନୂଆ ଚ୍ୟାନେଲ ଦରକୁ ଟେଲିକମ୍‌ ରେଗୁଲେଟୋରୀ ଅଫ୍‌ ଇଣ୍ଡିଆ(ଟ୍ରାଇ) ମଙ୍ଗଳବାର ଜାରି କରିଛି। ତଦନୁଯାୟୀ ଗ୍ରାହକ ସର୍ବନିମ୍ନ ୧୦୦ ଚ୍ୟାନେଲ ଦେଖିବା ପାଇଁ ଅତିକମ୍‌ରେ ୧୩୦ ଟଙ୍କା ଦେବେ। 

୩.୬ କୋଟି ମୂଳ ଦରମା ପାଇବେ ଆକ୍ସିସ୍‌ ବ୍ୟାଙ୍କ ସିଇଓ

୩.୬ କୋଟି ମୂଳ ଦରମା ପାଇବେ ଆକ୍ସିସ୍‌ ବ୍ୟାଙ୍କ ସିଇଓ

ନୂଆଦିଲ୍ଲୀ,୧୯-୧୨:  ଆସନ୍ତା ମାସରେ ସିଇଓ ଭାବେ କାର୍ଯ୍ୟରେ ଯୋଗ ଦେବାକୁ ଯାଉଥିବା ଅମିତାଭ ଚୌଧୁରୀଙ୍କୁ ମାସିକ ମୂଳ ଦରମା ବାବଦରେ ୩.୬ କୋଟି ଟଙ୍କା ମିଳିବ। ଏଥିନେଇ ବ୍ୟାଙ୍କର ଶେୟାରଧାରକଙ୍କମାନେ ଅନୁମତି ପ୍ରଦାନ କରିଛନ୍ତି।

ଆୟକର ବିଭାଗର ପୁନର୍ଗଠନ ଲାଗି କମିଟି ଗଠିତ

ଆୟକର ବିଭାଗର ପୁନର୍ଗଠନ ଲାଗି କମିଟି ଗଠିତ

ନୂଆଦିଲ୍ଲୀ,୧୯-୧୨:  ଟିକସ ଆଦାୟକୁ କଡ଼ାକଡ଼ି ଭାବେ ଲାଗୁ କରିବା ତଥା ଟିକସଦାତାଙ୍କ ପ୍ରତି ନରମ ମନୋଭାବ ପ୍ରକାଶ କରିବା ଉଦ୍ଦେଶ୍ୟରେ କେନ୍ଦ୍ର ସରକାର ଆୟକର ବିଭାଗର ପୁନର୍ଗଠନ କରିବାକୁ ଯାଉଛନ୍ତି।

ଉର୍ଜିତଙ୍କୁ ଇସ୍ତଫା ଦେବାକୁ ସରକାର କହି ନାହାନ୍ତି: ଜେଟ୍‌ଲୀ

ଉର୍ଜିତଙ୍କୁ ଇସ୍ତଫା ଦେବାକୁ ସରକାର କହି ନାହାନ୍ତି: ଜେଟ୍‌ଲୀ

ନୂଆଦିଲ୍ଲୀ,୧୯-୧୨:  ବିଭିନ୍ନ ପ୍ରସଙ୍ଗରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସହ କେନ୍ଦ୍ର ସରକାରଙ୍କ ମତଭେଦ ରହିଛି। ଏହାସତ୍ତ୍ୱେ ଗଭର୍ନର ପଦରୁ ଇସ୍ତଫା ଦେବାକୁ କେନ୍ଦ୍ର ସରକାର ଉର୍ଜିତ ପଟେଲଙ୍କୁ କହିନାହାନ୍ତି ବୋଲି ଅର୍ଥ ମନ୍ତ୍ରୀ ଅରୁଣ ଜେଟ୍‌ଲୀ ସ୍ପଷ୍ଟ କରିଛନ୍ତି। 

ସଙ୍କେତ ଦେଲେ ପ୍ରଧାନମନ୍ତ୍ରୀ: ଜିଏସ୍‌ଟିର ୧୮% ଭିତରେ ଆସିବ ୯୯% ସାମଗ୍ରୀ

ସଙ୍କେତ ଦେଲେ ପ୍ରଧାନମନ୍ତ୍ରୀ: ଜିଏସ୍‌ଟିର ୧୮% ଭିତରେ ଆସିବ ୯୯% ସାମଗ୍ରୀ

ମୁମ୍ବାଇ,୧୯-୧୨:  ସାମଗ୍ରୀ ଓ ସେବା ଟିକସ(ଜିଏସ୍‌ଟି)କୁ ଆହୁରି ସରଳ କରିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଙ୍କେତ ଦେଇଛନ୍ତି। କେନ୍ଦ୍ର ସରକାର ୯୯% ସାମଗ୍ରୀକୁ ଜିଏସ୍‌ଟିର ୧୮% ସ୍ଲାବ ଭିତରେ ରଖିବା ଲାଗି ଉଦ୍ୟମ ଚଳାଇଛନ୍ତି ବୋଲି ଏକ ଘରୋଇ ଟିଭି ଚ୍ୟାନେଲ କାର୍ଯ୍ୟକ୍ରମରେ ଯୋଗ ଦେଇ ସେ କହିଛନ୍ତି। 

ନୂଆ ସ୍କିଲ ସେଣ୍ଟର ଖୋଲିଲା ଓରେନ୍‌

ନୂଆ ସ୍କିଲ ସେଣ୍ଟର ଖୋଲିଲା ଓରେନ୍‌

ଭୁବନେଶ୍ୱର ,୧୮-୧୨: ଜାତୀୟ ଦକ୍ଷତା ବିକାଶ କର୍ତ୍ତୃପକ୍ଷ ଦ୍ୱାରା ଅନୁମୋଦିତ ଟ୍ରେନିଂ ପାର୍ଟନର ଓରେନ ଇଣ୍ଟରନ୍ୟାଶନାଲ ପକ୍ଷରୁ ଭୁବନେଶ୍ୱରରେ ଏହାର ପ୍ରଥମ ତାଲିମ ପ୍ରତିଷ୍ଠାନ ଖୋଲିଛି। 

ବିଓଆଇର କିଟ୍‌ ଶାଖା ସ୍ଥାନାନ୍ତରିତ

ବିଓଆଇର କିଟ୍‌ ଶାଖା ସ୍ଥାନାନ୍ତରିତ

ଭୁବନେଶ୍ୱର ,୧୮-୧୨: ବ୍ୟାଙ୍କ ଅଫ୍‌ ଇଣ୍ଡିଆ (ବିଓଆଇ)ର କିଟ୍‌ ୟୁନିଭର୍ସିଟି ଶାଖା କିଟ୍‌ କ୍ୟାମ୍ପସର ନୂଆ ଗୃହକୁ ସ୍ଥାନାନ୍ତରିତ ହୋଇଛି। ନୂଆ ଗୃହଟି ଅତ୍ୟାଧୁନିକ ତଥା ପ୍ରଶସ୍ତ। ବ୍ୟାଙ୍କର କାର୍ଯ୍ୟ ନିର୍ବାହୀ ନିର୍ଦ୍ଦେଶକ ଅତନୁ କୁମାର ଦାସ ଏବଂ କିଟ୍‌ର ପ୍ରତିଷ୍ଠାତା ଅଚ୍ୟୁତ ସାମନ୍ତ ଏହି ଶାଖାକୁ ଉଦ୍‌ଘାଟନ କରିଥିଲେ। 

୩୫୦୦ ଟଙ୍କାରେ ବିକ୍ରି ହେଉଛି ବ୍ୟକ୍ତିଗତ ଡିଜିଟାଲ ଡାଟା

୩୫୦୦ ଟଙ୍କାରେ ବିକ୍ରି ହେଉଛି ବ୍ୟକ୍ତିଗତ ଡିଜିଟାଲ ଡାଟା

ନୂଆଦିଲ୍ଲୀ,୧୮-୧୨:  ମାତ୍ର ୩୫୦୦ ଟଙ୍କାରେ ଜଣେ ବ୍ୟକ୍ତିଙ୍କ ବ୍ୟକ୍ତିଗତ ଡିଜିଟାଲ ଡାଟା ବିକ୍ରି ହେଉଛି। ଏଥିରେ ସୋସିଆଲ ମିଡିଆ ଆକାଉଣ୍ଟ, ବ୍ୟାଙ୍କ ବିବରଣୀ, କ୍ରେଡିଟ କାର୍ଡ, ଗେମିଙ୍ଗ ଓ୍ବେବ୍‌ସାଇଟ ଆଦି ରହିଛି। ସାଇବର ସିକ୍ୟୁରିଟି କମ୍ପାନୀ କ୍ୟାସପର୍ସକି ଲ୍ୟାବ୍‌ ପକ୍ଷରୁ ଏ ସମ୍ପର୍କରେ ତଥ୍ୟ ପ୍ରକାଶ କରାଯାଇଛି। 

ସିଆଇସିଙ୍କ ନିର୍ଦ୍ଦେଶ;୫୦୦,୨୦୦୦ ଟଙ୍କିଆ ନୋଟ୍‌ ଛପାର ତଥ୍ୟ ଦିଅ

ସିଆଇସିଙ୍କ ନିର୍ଦ୍ଦେଶ;୫୦୦,୨୦୦୦ ଟଙ୍କିଆ ନୋଟ୍‌ ଛପାର ତଥ୍ୟ ଦିଅ

ନୂଆଦିଲ୍ଲୀ,୧୮-୧୨:  ବିମୁଦ୍ରୀକରଣ ପରେ ଛପା ଯାଇଥିବା ନୂଆ ୫୦୦ ଓ ୨୦୦୦ ଟଙ୍କିଆ ନୋଟ୍‌ ସମ୍ବନ୍ଧୀୟ ତଥ୍ୟ ପ୍ରକାଶ କରିବାକୁ କେନ୍ଦ୍ରୀୟ ସୂଚନା ଆୟୋଗ(ସିଆଇସି) ରିଜର୍ଭ ବ୍ୟାଙ୍କର ସହଯୋଗୀ ଭାରତୀୟ ରିଜର୍ଭ ବ୍ୟାଙ୍କ ନୋଟ୍‌ ମୁଦ୍ରଣ ପ୍ରାଇଭେଟ ଲିମିଟେଡକୁ ନିର୍ଦ୍ଦେଶ ଦେଇଛନ୍ତି। ଏହି ତଥ୍ୟ ପ୍ରକାଶ କରିବା ଦେଶ ହିତ ବିରୋଧୀ ଜଣାଇବାକୁ ଆୟୋଗ କହିଛନ୍ତି।