ଫୁରସତ |

ଲଡୁ ବାବା

ଲଡୁ ବାବା
କାହିଁ କେଉଁ କାଳରୁ ଶ୍ରୀ ଶ୍ରୀ ଲଡୁକେଶ ମହେଶ ନୟାଗଡ଼ ଜିଲାର ଶରଣକୁଳଠାରେ ପୂଜା ପାଇ ଆସୁଛନ୍ତି। ସେ ଲଡୁକେଶ ବା ଲଡୁବାବା ନାମରେ ବି ବିଖ୍ୟାତ। ଲଡ଼ୁବାବା ଅଧା ବିଷ୍ଣୁ ଓ ଅଧା ଶିବଙ୍କ ଅବତାର। ହରିହର ସମ୍ବଳିତ ଲଡୁବାବାଙ୍କର ଗୋଟିଏ ପାର୍ଶ୍ୱରେ ଚକ୍ର ଚିହ୍ନ ରହିଥିବାବେଳେ ଅନ୍ୟ ପାର୍ଶ୍ୱରେ ରହିଛି ଅର୍ଦ୍ଧ ଚନ୍ଦ୍ର। ଗୋଟିଏ ପଟେ ତୁଳସୀ ଲାଗି ହେଉଥିବାବେଳେ ଅନ୍ୟପଟେ ଲାଗି ହୋଇଥାଏ ବେଲପତ୍ର। ତେଣୁ ଶୈବଧର୍ମ ଓ ବୈଷ୍ଣବ ଧର୍ମର ମହାମିଳନର ପରମ୍ପରା ସୃଷ୍ଟି କରୁଥିବା ଏହି ଶୈବପୀଠଟି ସମଗ୍ର ଓଡ଼ିଶାରେ ବିରଳ। ପ୍ରଭୁଙ୍କ ଆବିର୍ଭାବର କିମ୍ବଦନ୍ତୀ କିମ୍ବଦନ୍ତୀ ଅନୁଯାୟୀ, ଶରଣକୁଳ ନିକଟସ୍ଥ ହରିହରପୁର ଗଁାର ଲଡୁ ବେହେରା ପ୍ରତ୍ୟହ ଗାଈଙ୍କୁ ଚାରଣ ପାଇଁ ସ୍ଥାନୀୟ ଭଣ୍ଡାର ପାହାଡକୁ ନେଉଥିଲେ। ତନ୍ମଧ୍ୟରୁ କପିଳା ନାମକ ଏକ କାଳିଗାଈ ସର୍ବଦା ଗୋଠରୁ କେଉଁଆଡେ ଚାଲିଯାଉଥାଏ ଓ ଘରେ କ୍ଷୀର ଦେଉ ନଥାଏ। ଏହି କାରଣରୁ ମାଲିକଠାରୁ ଭର୍ସନା ପାଇ ଲଡୁ ଗଉଡ଼ ଗାଈ ଉପରେ ସର୍ବଦା ନଜର ରଖିଲେ। ଦିନେ ପାହାଡ ନିକଟସ୍ଥ କୁସୁମୀ ନଦୀରେ ବିରାଟ ନଦୀବଢ଼ି ଆସିଥାଏ। କିନ୍ତୁ ଗାଈଟି ବଢ଼ିଲା ପାଣିକୁ ନମାନି ବଢିଲା ପାଣିକୁ ଡେଇଁ କେଉଁଆଡେ ଚାଲିଗଲା। ଅନ୍ବେଷଣ କରି ଲଡୁ ଗଉଡ ଦେଖିଲେ ଜଙ୍ଗଲି ବୃକ୍ଷ ପରିବେଷ୍ଟିତ ଏକ ସ୍ଥାନରେ ଗାଈଟି ଠିଆ ହୋଇଛି ଆଉ ତା’ ପହ୍ନାରୁ କ୍ଷୀର ବାହାରି ତଳେ ଥିବା ଏକ ଲିଙ୍ଗାକୃତି ଶିଳା ଉପରେ ସ୍ବୟଂ ପଡୁଛି। ଏହାଦେଖି ଗଉଡ ରାଗି ଯାଇ କେନ୍ଦୁ ଠେଙ୍ଗାରେ ପ୍ରହାର କରିବାରୁ ଗାଈଟି ସେଠାରୁ ଚାଲିଗଲା। କିନ୍ତୁ ତା’ପରେ ଗଉଡ ଦେଖିଲେ ସେହି ଲିଙ୍ଗାକୃତି ପଥରର ଦୁଇ ପାର୍ଶ୍ୱରେ ଖାଲ ସୃଷ୍ଟି ହୋଇଛି। ଆଉ ଯେଉଁ ଅଂଶରେ ଗାଈ ଗୋଡ ରଖିଥିଲା, ସେହି ସ୍ଥାନରୁ ଧାର ଧାର ହୋଇ ରକ୍ତସ୍ରାବ ହେଉଛି। ଏହି ଦୃଶ୍ୟରେ ଗଉଡ ଭୟଭୀତ ହୋଇ ଜଙ୍ଗଲରୁ ଡାଳପତ୍ର ଆଣି ସଂମ୍ପୃକ୍ତ ଲିଙ୍ଗାକୃତି ଶିଳାକୁ ଘୋଡାଇ ଦେଇ ସେଠାରୁ ଚାଲିଗଲେ ଆଉ ଘଟଣା ସମ୍ପର୍କରେ ଗ୍ରାମରେ ଜଣାଇଲେ। ସେହି ରାତ୍ରରେ ବାଣପୁରର ଭଞ୍ଜବଂଶୀୟ ରାଜାଙ୍କ କାନକୁ ଏ ଖବର ଗଲା। ରାଜା ଉକ୍ତ ଗଉଡଙ୍କୁ ଡକାଇ ଘଟଣା ସମ୍ପର୍କରେ ବୁଝିଲେ। ପରେ ସୈନ୍ୟସାମନ୍ତଙ୍କ ସହ ଘଟଣାସ୍ଥଳୀକୁ ଯାଇ ରାଜା ଦେଖିଲେ, ଛତ୍ରାକାର ଶିବଲିଙ୍ଗ ଉପରେ ଅର୍ଦ୍ଧଚନ୍ଦ୍ର ଚିହ୍ନ ଅଛି। ସେହିପରି ଯଜ୍ଞୋପବିତ ପରି ଏକ ପଇତାରେଖା ଏବଂ ସମ୍ପୂର୍ଣ୍ଣ ଦୁଇଭାଗ କରି ଅର୍ଦ୍ଧଶିବ ଓ ବିଷ୍ଣୁଙ୍କର ପ୍ରତୀକ ଉକ୍ତ ପାଷାଣ ଉପରେ ବିଦ୍ୟମାନ। ତା’ପରେ ନୀତି ନିୟମରେ ପୂଜା ପାଠ କରି ଭଞ୍ଜବଂଶୀୟ ରାଜା ଓ ନୟାଗଡ଼ ରାଜା ମିଳିତ ଭାବେ ଠାକୁରଙ୍କୁ ସେଠାରେ ପ୍ରତିଷ୍ଠା କରାଇଥିଲେ। ଲଡୁ ଗଉଡ଼ଙ୍କ କପିଳା ଗାଈ ଯୋଗୁଁ ସ୍ବୟଂ ଭୂ ଲୋକ ଲୋଚନକୁ ଆସିଥିବାରୁ ତାଙ୍କରି ନାମାନୁସାରେ ପ୍ରଭୁଙ୍କର ନାମ ଲଡ଼ୁବାବା ହୋଇଥିବା ବିଶ୍ୱାସ କରାଯାଏ। ମନ୍ଦିରର ନିର୍ମାଣଶୈଳୀ କୁହାଯାଏ, ପ୍ରାୟ ଦୁଇ ଏକର ଆଠ ଡିସିମିଲି ଜମି ଉପରେ ଏହି ମନ୍ଦିରଟି ନିର୍ମିତ। ନାଟମଣ୍ଡପ, ଭୋଗମଣ୍ଡପ ଓ ଜଗମୋହନ ହେଉଛି ଏହି ମନ୍ଦିରର ବିଶେଷତ୍ୱ। ମନ୍ଦିରର ଦକ୍ଷିଣ ପାର୍ଶ୍ୱରେ ଏକ ଚନ୍ଦନ ପୁଷ୍କରିଣୀ ରହିଛି। ସେହିପରି ଏହି ପୀଠରେ ଚନ୍ଦ୍ରଶେଖର, ପାର୍ବତୀ, ଉମା, ମହେଶ୍ୱର, ମଦନମୋହନ, ଲକ୍ଷ୍ମୀ, ଗୋପୀନାଥ, ରାଧାକୃଷ୍ଣଙ୍କର ଚଳନ୍ତି ପ୍ରତୀମା ବି ଦେଖିବାକୁ ମିଳିଥାଏ। ଆବିର୍ଭୁତ ସ୍ବୟଂ ଲିଙ୍ଗ ଉପରେ ଚାରିଫୁଟ ଉଚ୍ଚତା ବିଶିଷ୍ଟ ଏକଶହ ଦଶ କେଜି ଓଜନର ତମ୍ବା ନାଗମୂର୍ତ୍ତିଙ୍କର ଶୋଭା ଅତି ରମଣୀୟ। ତା’ଛଡ଼ା ଉକ୍ତ ମନ୍ଦିରର ନିର୍ମାଣ ଶୈଳୀ ଏଭଳି ଯେ, ବର୍ଷର ଭିନ୍ନ ଭିନ୍ନ ସମୟରେ ତିନିଥର ଏବଂ ମହାଶିବରାତ୍ରୀରେ ସୂର୍ଯ୍ୟଙ୍କର ପ୍ରାତଃ ରଶ୍ମି ସ୍ବଳ୍ପ ସମୟ ପାଇଁ ଲଡ଼ୁବାବାଙ୍କ ଶ୍ରୀଅଙ୍ଗରେ ପ୍ରତିତ ହୋଇ ଇନ୍ଦ୍ରଧନୁର ସପ୍ତରଙ୍ଗ ସୃଷ୍ଟି କରିଥାଏ। ଏହି ଦୃଶ୍ୟକୁ ଦେଖିଲେ ଅନେକ ଦୁଃସାଧ୍ୟ୍ୟ ରୋଗରୁ ମୁକ୍ତି ମିଳିଥାଏ ବୋଲି ଲୋକମୁଖରୁ ଶୁଣିବାକୁ ମିଳେ। ଅନ୍ୟପକ୍ଷେ ଲଡୁବାବାଙ୍କର ଆଉ ଏକ ବିଶେଷତ୍ୱ ହେଲା ଲିଙ୍ଗରୁ ନିଷ୍କାସିତ ବାସି ଚନ୍ଦନ ଯାହାକୁ କରାଳ ଚନ୍ଦନ କୁହାଯାଏ। ଏହି ଚନ୍ଦନ ବିଭିନ୍ନ ରୋଗ ପାଇଁ ଅତି ଉପାଦେୟ ଔଷଧିୟ ସାମଗ୍ରୀ ଭାବେ କାମ କରିଥାଏ। ପୂଜାବିଧି କିମ୍ବଦନ୍ତୀରୁ ଜଣାପଡେ, ପୂର୍ବରୁ ସବରମାନେ ପତ୍ରଦନା ଓ ପତ୍ର ଠୁଙ୍ଗାରେ ବଣଫୁଲ, ଫଳ ରଖି ଲଡୁବାବାଙ୍କୁ ପୂଜା କରୁଥିଲେ, ଯାହାକୁ ପୁଡ଼ାଭୋଗ କୁହାଯାଉଥିଲା। ସମୟକ୍ରମେ ଏହି ପୁଡ଼ାଭୋଗ ବିଧିକୁ ପାଳନ କରିବା ପାଇଁ ରାଜରାଜୁଡ଼ାଙ୍କଦ୍ୱାରା ଏଠାରେ ମାଳି ଓ ବ୍ରାହ୍ମଣ ସେବାୟତଙ୍କୁ ନିଯୁକ୍ତି କରାଗଲା। ପୂଜକ ପ୍ରଭାତ କୁମାର ମହାପାତ୍ର କୁହନ୍ତି, ଭୋର୍‌ ପ୍ରାୟ ୪ଟାରୁ ମହାପ୍ରଭୁ ଲଡ଼ୁବାବାଙ୍କର ଅବକାଶ ନୀତି(ଅଁଳାନୀତି) ଆରମ୍ଭ ହୋଇଥାଏ। ସକାଳ ୭ଟାରେ ବଲ୍ଲବ ଭୋଗ, ଦିନ ୧୦ଟାରେ ଶଙ୍ଖୁଡ଼ି ଭୋଗରେ କାନିକା, ଡାଲମା, ତରକାରି, ଖଟା, ଖିରି ଆଦି ପୂଜା ହୁଏ। ସେହିପରି ଦିନ ୧୧ଟାରେ କ୍ଷୀର ଅଭିଷେକ ପରେ ଫୁଲ, ବେଲପତ୍ର ଓ ଚନ୍ଦନ ପ୍ରଭୁଙ୍କଠାରେ ଲାଗି ହୋଇଥାଏ। ପୁଣି ଦିନ ୧୨ଟାରେ ଝିଲ୍ଲି ଆଉ ତା’ପରେ ଶଙ୍ଖୁଡ଼ି ଭୋଗ ଭାବେ କାକରା, ବରା, ଅନ୍ନଭୋଗ ଠାକୁରଙ୍କ ପାଖେ ଲାଗିହୁଏ। ଅନ୍ୟପକ୍ଷେ ସନ୍ଧ୍ୟା ଆଳତି ପରେ ଠାକୁରଙ୍କ ପାଖେ ପଣା, ଖୁରୁମା, ରାବିଡ଼ି ଭୋଗ ଲାଗି ହୋଇଥାଏ। ଏହାପରେ ଠାକୁରଙ୍କୁ ସ୍ନାନ କରାଯାଇ ସରପଣା ଲାଗି କରାଯାଇଥାଏ। ତା’ପରେ ରାତି ୮ଟାରେ ଶଙ୍ଖୁଡ଼ି ଭୋଗ ଏବଂ ରାତି ୯ଟାରେ ସରସୁଆଳି, ଗଜା, କଦମ୍ବା, କାକରା ଭୋଗ ଠାକୁରଙ୍କ ପାଖେ ଲାଗି ହୋଇ ମନ୍ଦିର ପହଡ଼ ପଡିଥାଏ। ପର୍ବପର୍ବାଣି ମୁଖ୍ୟ ପର୍ବପର୍ବାଣି ଭାବେ ଏଠାରେ ଜାଗର, ଶୀତଳଷଷ୍ଠୀ, ଚନ୍ଦନଯାତ, କାର୍ତ୍ତିକ ପୂର୍ଣ୍ଣିମା ଇତ୍ୟାଦି ଖୁବ୍‌ ଧୁମ୍‌ଧାମ୍‌ରେ ପାଳିତ ହୋଇଥାଏ। ମନ୍ଦିରର ସମସ୍ତ ପର୍ବପର୍ବାଣିକୁ ମନ୍ଦିର ଟ୍ରଷ୍ଟି ଦ୍ୱାରା ପରିଚାଳନା କରାଯାଇଥାଏ। ଉପଜିଲାପାଳ ଏହାର ଦାୟିତ୍ୱ ବହନ କରିଥାନ୍ତି। କେମିତି ଯିବେ ନୟାଗଡ ଜିଲା ସଦର ମହକୁମା ଠାରୁ ଓଡଗଁା ରାସ୍ତାରେ ପ୍ରାୟ ୧୨ କି.ମି ଦୂର ଗଲେ ଲଡ଼ୁବାବାଙ୍କ ପ୍ରସିଦ୍ଧ ଶୈବପୀଠ ପଡିଥାଏ। ସେହିପରି ନୂଆ ଜଗନ୍ନାଥ ସଡକରେ ରଣପୁର, ଦର୍ପନାରାୟଣପୁର ଓ ଗୋଡିପଡା ଦେଇ ଏହି ପୀଠକୁ ଆସିହେବ। ଭୁବନେଶ୍ୱରଠାରୁ ଲଡ଼ୁବାବାଙ୍କ ଶୈବପୀଠର ଦୂରତା ପ୍ରାୟ ୯୭ କି.ମି। ବର୍ଷର ସବୁ ସମୟରେ ଏଠାକୁ ଯିବା ପାଇଁ ବସ୍‌, ଅନ୍ୟାନ୍ୟ ମୋଟରଯାନର ସୁବିଧା ରହିଛି। -ବନବିହାରୀ ବେହେରା, ଲୋକନାଥ ମିଶ୍ର
All Right Reserved By

ଫୁରସତ |

ଆଇଫୋନ୍‌ ଗନ୍‌

ଆଇଫୋନ୍‌ ଗନ୍‌

ପୃଥିବୀରେ ଯେତିକି ଲୋକଙ୍କ ପାଖରେ ବନ୍ଧୁକ ଅଛି ତା’ର ୪୮% ଅଛି କେବଳ ଆମେରିକୀୟଙ୍କ ପାଖରେ। ସେଥିପାଇଁ ତ ଏଠାକାର ଅସ୍ତ୍ରଶସ୍ତ୍ର ତିଆରି କରୁଥିବା କମ୍ପାନୀର ବାର୍ଷିକ ଆୟ ୯୧୦୦୦ କୋଟି ହୋଇଥାଏ। 

ହାତର ବିଭିନ୍ନ ସିମ୍ବଲ ଏବଂ ଏହାର ଉତ୍ପତ୍ତି

ହାତର ବିଭିନ୍ନ ସିମ୍ବଲ ଏବଂ ଏହାର ଉତ୍ପତ୍ତି

ମଣିଷ ସାଧାରଣତଃ ବିଭିନ୍ନ ଅଙ୍ଗଭଙ୍ଗୀ କରିଥାଏ। ହେଲେ ସେସବୁ ମଧ୍ୟରୁ କେତୋଟି ନିର୍ଦ୍ଦିଷ୍ଟ ଭଙ୍ଗୀକୁ କିଛି ସିମ୍ବଲ ଭାବେ ଗ୍ରହଣ କରାଯାଇଥାଏ। ଠିକ୍‌ ଯେମିତି ହାତର ଆଙ୍ଗୁଳିରେ କରାଯାଉଥିବା କିଛି ଭଙ୍ଗୀ ବା ମୁଦ୍ରା ବି ବିଭିନ୍ନ ସିମ୍ବଲ ଭାବେ ଜନ ସାଧାରଣରେ ବେଶ୍‌ ଆଦୃତ। ତେବେ ଏହାର ପ୍ରଚଳନ ଯେ କେତେ ପୁରୁଣା ଜାଣିଲେ ଆଶ୍ଚର୍ଯ୍ୟ ହେବେ...

ୟୁଥ୍‌ ଆଲର୍ଟ: ନିଜ ଫୋନ୍‌କୁ ରଖନ୍ତୁ ସୁରକ୍ଷିତ

ୟୁଥ୍‌ ଆଲର୍ଟ: ନିଜ ଫୋନ୍‌କୁ ରଖନ୍ତୁ ସୁରକ୍ଷିତ

ବର୍ତ୍ତମାନ କାହା ପାଖରେ ବା ସ୍ମାର୍ଟଫୋନ୍‌ ନାହିଁ। କେବଳ କଥା ହେବା କିମ୍ବା  ଇଣ୍ଟରନେଟ୍‌ ବ୍ୟବହାର ପାଇଁ ନୁହେଁ, ପର୍ସନାଲ ଡାଟା ଷ୍ଟୋରେଜ୍‌ ପାଇଁ ମଧ୍ୟ ଏହା ଏକ ଆବଶ୍ୟକ ସାମଗ୍ରୀରେ ପରିଣତ ହୋଇଗଲାଣି।

ରବର୍‌ ଗର୍ଲ

ରବର୍‌ ଗର୍ଲ

ଜର୍ମାନୀର ୩୧ ବର୍ଷୀୟା ଜୁଲିଆ ଗୁନ୍ଥେଲ, ପରିଚିତ ଜେଲ୍ଟା ନାମରେ। ତାଙ୍କ ଶରୀର ଅସମ୍ଭବଭାବେ ନମନୀୟ। କହିବାକୁଗଲେ ରବର୍‌ ଭଳି। ସେ ନିଜ ଶରୀରକୁ ଏମିତି ମୋଡି ପାରନ୍ତି ଯେ, ଦେଖିଲେ ଆଶ୍ଚର୍ଯ୍ୟ ଲାଗେ।

ଶୁଭ ସୂଚକ ପ୍ରାଣୀ

ଶୁଭ ସୂଚକ ପ୍ରାଣୀ

ହିନ୍ଦୁଧର୍ମ ଅନୁଯାୟୀ ଗୋମାତାଙ୍କୁ ଦେବତା ତୁଲ୍ୟ ପୂଜାର୍ଚ୍ଚନା କରାଯାଉଥିବା ବେଳେ ସାପ, ବୃଷଭ ଆଦି ଜୀବଙ୍କୁ ଦେବତା ସ୍ବରୂପ ଗ୍ରହଣ କରାଯାଏ। ସେହିଭଳି ବିଭିନ୍ନ ସଂସ୍କୃତିରେ ଭିନ୍ନ ଭିନ୍ନ ଜୀବଙ୍କୁ ଶୁଭ ସୂଚକ ବୋଲି କୁହାଯାଏ।

ପ୍ରଥମ ରୋଜଗାର ଟଙ୍କା ସ୍ବାମୀଙ୍କୁ ଦେଇଥିଲି

ପ୍ରଥମ ରୋଜଗାର ଟଙ୍କା ସ୍ବାମୀଙ୍କୁ ଦେଇଥିଲି

କଣ୍ଠଶିଳ୍ପୀ ତଥା ଲେଖିକା ଛନ୍ଦା ମିଶ୍ର ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି...

ଚାଲିଲା ଲେଗୋ ବ୍ରିକ୍‌ର କାର୍‌

ଚାଲିଲା ଲେଗୋ ବ୍ରିକ୍‌ର କାର୍‌

ଛୋଟ ପିଲାମାନେ ଲେଗୋ ବ୍ରିକ୍‌କୁ ଜଏଣ୍ଟ କରି ଘରଠୁ ଆରମ୍ଭ କରି ବ୍ରିଜ୍‌, ଗେଟ୍‌ ଅନେକ କିଛି ତିଆରି କରନ୍ତି। ତେବେ ନିକଟରେ ସେହି ଲେଗୋ ବ୍ରିକ୍‌ରେ ତିଆରି କରାଯାଇଥିଲା ଏକ ବୁଗାତି ଚିରୋନ୍‌ କାର୍‌। ଡେନମାର୍କର ଟୟ କମ୍ପାନୀ ଏହାକୁ ତିଆରି କରିଥିଲା। 

ଘାଟ

ଘାଟ

ନଦୀରେ ଯାତାୟାତ ପାଇଁ ଡଙ୍ଗାର ଆବଶ୍ୟକତା ଯେତିକି ଥାଏ, ସେତିକି ଥାଏ ଘାଟର। ନଦୀତଟର ଗୋଟିଏ ପଟରୁ ଅନ୍ୟ ପଟକୁ ଜଳପଥରେ ପାର ହେବା ପାଇଁ ଘାଟରୁ ହିଁ ଆରମ୍ଭ ହୁଏ ନୌଯାତ୍ରା ...

ମହଙ୍ଗା କ୍ଲବ୍‌

ମହଙ୍ଗା କ୍ଲବ୍‌

ଅବସର ବିନୋଦନ ପାଇଁ ଆଜିର ଯୁବ ସମାଜ ବିଭିନ୍ନ କ୍ଲବ୍‌ ଏବଂ ପବ୍‌ କୁ ଯାଇ ସାଙ୍ଗସାଥୀଙ୍କ ସହ ମଉଜ ମସ୍ତି କରୁଥିବାର ଦେଖାଯାଉଛି। ଏହାକୁ ଦୃଷ୍ଟିରେ ରଖି ବିଭିନ୍ନ ସଂସ୍ଥା ଯୁବ ପିଢିଙ୍କୁ ଆକୃଷ୍ଟ କରିବା ଲାଗି ଭିନ୍ନ ଭିନ୍ନ ଆକର୍ଷକ ଇଣ୍ଟେରିୟର ସହ ନୂଆ ନୂଆ ଥିମ୍‌ ଉନ୍ମୋଚନ କରିଥାନ୍ତି।

ନକାରାତ୍ମକ ଶକ୍ତିଠାରୁ ଦୂରେଇ ରହିବାକୁ ଚାହୁଛନ୍ତି, ଆପଣେଇ ପାରିବେ ଏହି ଉପାୟ

ନକାରାତ୍ମକ ଶକ୍ତିଠାରୁ ଦୂରେଇ ରହିବାକୁ ଚାହୁଛନ୍ତି, ଆପଣେଇ ପାରିବେ ଏହି ଉପାୟ

ଭବିଷ୍ୟ ଓ ଗରୁଡ଼ ପୁରାଣରେ ଏପରି କିଛି କାର୍ଯ୍ୟ ବିଷୟରେ ବର୍ଣ୍ଣନା କରାଯାଇଛି ଯାହା ଜାଣତରେ ହେଉ କି ଅଜାଣତରେ କରିବା ଦ୍ୱାରା ବିଭିନ୍ନ ସମସ୍ୟାରେ ପଡ଼ିଯାଆନ୍ତି । ଏସବୁ କାର୍ଯ୍ୟ କରିବା ଦ୍ୱାରା ଖରାପ ଶକ୍ତି ଆକର୍ଷିତ ହୋଇଥାଏ । 

ଏପରି ଏକ ମନ୍ଦିର ଯେଉଁଠି ଠାକୁରଙ୍କୁ ଲାଗି ହୁଏ ମଦ

ଏପରି ଏକ ମନ୍ଦିର ଯେଉଁଠି ଠାକୁରଙ୍କୁ ଲାଗି ହୁଏ ମଦ

ମହାରାଷ୍ଟ୍ରର ଉଜ୍ଜୟିନୀ ସହରରେ ରହିଛି କାଳଭୈରବଙ୍କ ମନ୍ଦିର। ଯେଉଁଠାରେ ପ୍ରସାଦ ଭାବେ ମଦ ଅର୍ପଣ କରାଯାଏ। ଏଠାକୁ ବହୁ  ଶ୍ରଦ୍ଧାଳୁ  ନିଜର ମାନସିକ ପୂରଣ ଆଶା ନେଇ ଆସନ୍ତି।

ସେଲିବ୍ରିଟିଙ୍କ ଅଜବ ଅଭ୍ୟାସ

ସେଲିବ୍ରିଟିଙ୍କ ଅଜବ ଅଭ୍ୟାସ

ସେଲିବ୍ରିଟିଙ୍କ ଚାକଚକ୍ୟ, ତାଙ୍କ ଷ୍ଟାଇଲ୍‌ ସମସ୍ତଙ୍କୁ ଆକର୍ଷିତ କରିଥାଏ। ତେବେ ସମସ୍ତଙ୍କ ଆଇକନ୍‌ ପାଲଟିଥିବା ସେଲିବ୍ରିଟିମାନେ ମଧ୍ୟ ମଣିଷ। ଆଉ ତାଙ୍କର ସାଧାରଣ ମଣିଷଙ୍କ ଭଳି ଥାଏ କିଛି ଅଭ୍ୟାସ ଓ ବଦଭ୍ୟାସ। ଜାଣନ୍ତୁ ସେ ସମ୍ପର୍କରେ....