ଅନଗୁଳ-ଢେଙ୍କାନାଳ

ଶିକ୍ଷୟିତ୍ରୀଙ୍କ ନଁ।ରେ ଫେକ୍‌ ଆଇଡି ଖୋଲି କ୍ଷମା ମାଗିଲେ ଯୁବକ

ବଅଁରପାଳ,୧୦।୨(ଡି.ଏନ.ଏ.)- ଅନୁଗୋଳ ଜିଲା ବଅଁରପାଳ ଅଞ୍ଚଳର ଜଣେ ଶିକ୍ଷୟିତ୍ରୀଙ୍କ ନାମରେ ଫେସବୁକ୍‌ରେ ଫେକ୍‌ ଆଇଡି ଖୋଲି ସ୍ଥାନୀୟ ଅଞ୍ଚଳରେ ଜଣେ ଯୁବକ ଗ୍ରାମବାସୀଙ୍କ ସମ୍ମୁଖରେ କ୍ଷମା ମାଗିବା ଚର୍ଚ୍ଚାର ବିଷୟ ହୋଇଛି। ମିଳିଥିବା ସୂଚନା ଅନୁଯାୟୀ, ସମ୍ପୃକ୍ତା ଶିକ୍ଷୟିତ୍ରୀଙ୍କ ଫଟୋ ଓ ନାମକୁ ବ୍ୟବହାର କରି ଯୁବକ ଜଣକ ଫେକ୍‌ ଆଇଡି ଖୋଲିଥିଲେ। ଏପରି କି ବହୁ ଯୁବତୀଯୁବକଙ୍କ ନିକଟକୁ ସେ ଉକ୍ତ ଫେକ୍‌ ଆଇଡିରୁ ଫ୍ରେଣ୍ଡଶିପ୍‌ ମେସେଜ ପଠାଇଥିଲେ। ସେମାନଙ୍କ ମଧ୍ୟରୁ କେତେଜଣ ଯୁବକଙ୍କୁ ଅଶ୍ଳୀଳ ମେସେଜ ସହ ପ୍ରେମ ନିବେଦନ କରିଥିଲେ। ତେବେ ଶିକ୍ଷୟିତ୍ରୀଙ୍କ ଜଣେ ବନ୍ଧୁଙ୍କ ସହ ଚାଟିଂ କରୁଥିବା ବେଳେ ଯୁବକ ଜଣଙ୍କ ଧରାପଡ଼ି ଯାଇଥିଲେ। ସମ୍ପୃକ୍ତ ବନ୍ଧୁ ଜଣଙ୍କ ଶିକ୍ଷୟିତ୍ରୀଙ୍କ ସହ ଉକ୍ତ ଶିକ୍ଷାନୁଷ୍ଠାନରେ କାର୍ଯ୍ୟ କରୁଥିବାରୁ ଏପରି ମେସେଜ ଦେଖି ସନ୍ଦେହ କରିଥିଲେ। ଚାଟିଂ ବେଳେ ସେ ଚତୁରତାର ସହ ଯୁବକଙ୍କ ନାମ ଓ ଠିକଣା ବୁଝି ନେଇଥିଲେ। ଏ ସମ୍ପର୍କରେ ଗଁା ଲୋକେ ଓ ସ୍କୁଲ କର୍ତ୍ତୃପକ୍ଷ ଜାଣିବା ପରେ ଶୁକ୍ରବାର ଏକ ବୈଠକ ଡକାଯାଇଥିଲା। ଉକ୍ତ ବୈଠକରେ ଯୁବକ ଜଣକ ଉପସ୍ଥିତ ରହି ଭବିଷ୍ୟତରେ ଏପରି କାର୍ଯ୍ୟ କରିବେ ନାହିଁ ବୋଲି କହିବା ସହ କ୍ଷମା ମାଗିଥିଲେ। ଏ ନେଇ ଥାନାରେ କୌଣସି ଅଭିଯୋଗ ହୋଇନାହିଁ। ଘଟଣା ସମ୍ପର୍କରେ ବଅଁରପାଳ ଅତିରିକ୍ତ ଶିକ୍ଷା ଅଧିକାରୀ ମନୋରମା ମାଝି କହିଛନ୍ତି, ତାଙ୍କ ପାଖରେ ଏପରି ଖବର ପହଞ୍ଚିଛି। ଯଦି ପରମୁହୂର୍ତ୍ତରେ ଯୁବକ ଜଣକ ସମ୍ପୃକ୍ତା ଶିକ୍ଷୟିତ୍ରୀଙ୍କ ନାମରେ ଏଭଳି ମିଥ୍ୟା ଅପପ୍ରଚାର କରନ୍ତି ତା’ହେଲେ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

All Right Reserved By
I&PR

Model This Week

ସନ୍ତୋଷ

ଅନଗୁଳ-ଢେଙ୍କାନାଳ

କେନ୍ଦୁପତ୍ର ବୋଝେଇ ଟ୍ରକ ଜବତ

କେନ୍ଦୁପତ୍ର ବୋଝେଇ ଟ୍ରକ ଜବତ

ବନ୍ତଳା,୨୩।୫(ଡି.ଏନ.ଏ)- ଅନୁଗୋଳ ଜିଲା ୫୫ ନଂ. ଜାତୀୟ ରାଜପଥର ମରାତିରା ଛକ ନିକଟରେ ବୁଧବାର ବେଆଇନ କେନ୍ଦୁପତ୍ର ବୋଝେଇ ଟ୍ରକ(ନଂ. ଓଆର୧୯ଇ୫୮୦୦)କୁ ବନ ବିଭାଗ କର୍ମଚାରୀମାନେ ଜବତ କରିଛନ୍ତି। ଟ୍ରକ୍‌ଟି ବଇଣ୍ଡା ଅଞ୍ଚଳକୁ ଯାଉଥିବା ଖବରପାଇ ଅନୁଗୋଳ ରେଞ୍ଜର ସତ୍ୟବ୍ରତ ପ୍ରଧାନ, ଫରେଷ୍ଟର ମିଲନ କୁମାର ସେଠୀଙ୍କ ସମେତ ବନ କର୍ମଚାରୀମାନେ ଚଢାଉ କରି ଟ୍ରକ୍‌ଟିକୁ ଜବତ କରିଥିଲେ।

ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ଅନୁଗୋଳ ଅଫିସ,୨୩।୫- ଅନୁଗୋଳ ମୁଖ୍ୟ ଚିକିତ୍ସାଳୟରେ ଡାକ୍ତର ଅଭାବ ଓ ବିଭିନ୍ନ ସମସ୍ୟାକୁ ନେଇ ବୁଧବାର ଅନୁଗୋଳ ଭାଜପା ମହିଳା ମୋର୍ଚ୍ଚା ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।

ନିଯୁକ୍ତି ଦାବିରେ ରେଳରୋକୋ ଆନ୍ଦୋଳନ

ନିଯୁକ୍ତି ଦାବିରେ ରେଳରୋକୋ ଆନ୍ଦୋଳନ

ବଅଁରପାଳ,୨୩।୫(ଡି.ଏନ.ଏ)- ନାଲ୍‌କୋ ସିପିଟିରେ ନିଯୁକ୍ତି ଦାବିରେ ନାଲ୍‌କୋ ଦ୍ୱାରା କ୍ଷତିଗ୍ରସ୍ତ ଅଇଁଠୁ ସେଠୀଙ୍କ ପରିବାର ଲୋକେ ବୁଧବାର ରେଳରୋକୋ ଆନ୍ଦୋଳନ କରିଛନ୍ତି।

‘ମୋ ସ୍କୁଲ ଅଭିଯାନ’ କାର୍ଯ୍ୟକ୍ରମକୁ ନେଇ ବୈଠକ

‘ମୋ ସ୍କୁଲ ଅଭିଯାନ’ କାର୍ଯ୍ୟକ୍ରମକୁ ନେଇ ବୈଠକ

କଣିହାଁ,୨୩।୫(ଡି.ଏନ୍‌.ଏ.): ଅନୁଗୋଳ ଜିଲା କଣିହାଁ ବ୍ଳକ ବଡଗୁଣ୍ଡୁରି ପଞ୍ଚାୟତ ଶ୍ରୀଜଗନ୍ନାଥ ଉଚ୍ଚ ବିଦ୍ୟାଳୟଠାରେ ବୁଧବାର ମୋ ସ୍କୁଲ ଅଭିଯାନ କାର୍ଯ୍ୟକ୍ରମକୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି।

ଜୁନ୍‌ ୧୮ରୁ ଆଦର୍ଶ ବିଦ୍ୟାଳୟରେ ପାଠପଢ଼ା

ଅନୁଗୋଳ ଅଫିସ,୨୩।୫:ଚଳିତ ୨୦୧୮-୧୯ ଶିକ୍ଷାବର୍ଷରୁ ଅନୁଗୋଳ ଆଦର୍ଶ ବିଦ୍ୟାଳୟରେ ପାଠପଢ଼ା ଆରମ୍ଭ ହେବ। ବିଦ୍ୟାଳୟର ଷଷ୍ଠ ଓ ସପ୍ତମ ଶ୍ରେଣୀ ପାଇଁ ୮୦ଟି ଲେଖାଏ ସିଟ୍‌ ରହିଛି। ଏ ନେଇ ପ୍ରବେଶିକା ପରୀକ୍ଷା ଶେଷ ହୋଇଥିବା ବେଳେ ଦ୍ୱିତୀୟ ପର୍ଯ୍ୟାୟ ନାମଲେଖା ମଧ୍ୟ ସରିଛି। ତେବେ ବଳକା ଥିବା ସିଟ୍‌ ଗୁଡ଼ିକରେ ନାମଲେଖା ଆସନ୍ତା ୨୫ ତାରିଖରୁ ଆରମ୍ଭ ହେବ ବୋଲି ଡିପିସି ତଥା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ଦାୟିତ୍ୱରେ ଥିବା ନିରଞ୍ଜନ ସାହୁ ସୂଚନା ଦେଇଛନ୍ତି।

ଛେଳି ପଶିବାକୁ ନେଇ ଗଣ୍ଡଗୋଳ

ଛେଳି ପଶିବାକୁ ନେଇ ଗଣ୍ଡଗୋଳ

ଛେଣ୍ଡିପଦା,୨୩।୫ (ଡି.ଏନ.ଏ.):ଜରପଡ଼ା ଥାନା କୁଶକିଳା ଗ୍ରାମରେ ମଙ୍ଗଳବାର ବାଡ଼ିରେ ଛେଳି ପଶି ଫସଲ ନଷ୍ଟ କରିବାକୁ କେନ୍ଦ୍ର କରି ଗଣ୍ଡଗୋଳ ହୋଇଛି। ଏଥିରେ ଜଣେ ମହିଳା ଗୁରୁତର ହୋଇଛନ୍ତି। ପ୍ରକାଶ ଯେ, ସାନକୁଶକିଳା ଗ୍ରାମର କିଶୋରୀ ରାଉତଙ୍କ ଛେଳି ପଡୋଶୀ ଅକ୍ଷୟ ରାଉତଙ୍କ ବାଡ଼ିକୁ ପଶିଯାଇ ପନିପରିବା ଫସଲ ନଷ୍ଟ କରିଥିଲା। ଏହାକୁ କେନ୍ଦ୍ର କରି ଉଭୟ ପରିବାର ମଧ୍ୟରେ ଗଣ୍ଡଗୋଳ ହୋଇଥିଲା। ପରେ କିଶୋରୀ ରାଉତଙ୍କ ସ୍ତ୍ରୀ ରଞ୍ଜିତା ରାଉତଙ୍କୁ ଅକ୍ଷୟ ଓ ତାଙ୍କ ସ୍ତ୍ରୀ, ଝିଅ ପୁଅ ଟାଙ୍ଗିଆରେ ଆକ୍ରମଣ କରିଥିବା କିଶୋରୀ ଥାନାରେ ଲିଖିତ ଏତଲା ଦେଇଛନ୍ତି। ରଞ୍ଜିତାଙ୍କୁ ଗୁରୁତର ଅବସ୍ଥାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ପୋଲିସ ତଦନ୍ତ ଜାରି ରଖିଛି।

୭ ଦିନ ପରେ ଠିକାଦାରଙ୍କ ଧାରଣା ପ୍ରତ୍ୟାହୃତ:ଜୁନ୍‌ ୧୫ ସୁଦ୍ଧା ମିଳିବ ୫୦ ପ୍ରତିଶତ ବିଲ୍‌

୭ ଦିନ ପରେ ଠିକାଦାରଙ୍କ ଧାରଣା ପ୍ରତ୍ୟାହୃତ:ଜୁନ୍‌ ୧୫ ସୁଦ୍ଧା ମିଳିବ ୫୦ ପ୍ରତିଶତ ବିଲ୍‌

ଅନୁଗୋଳ ଅଫିସ,୨୩।୫:ଅନୁଗୋଳ ଜିଲା ଜରପଡ଼ା ଥାନା ଲକ୍ଷ୍ମୀଧରପୁର ଗ୍ରାମସ୍ଥିତ ଗାୟତ୍ରୀ କମ୍ପାନୀ କାର୍ଯ୍ୟାଳୟ ସମ୍ମୁଖରେ ଠିକାଦାରମାନେ ଚଳାଇଥିବା ଆନ୍ଦୋଳନ ମଙ୍ଗଳବାର ପ୍ରତ୍ୟାହୃତ ହୋଇଛି। ଉପଜିଲାପାଳଙ୍କ କାର୍ଯ୍ୟାଳୟରେ ମଧ୍ୟାହ୍ନରେ ଗାୟତ୍ରୀ କମ୍ପାନୀ ଓ ଠିକାଦାରଙ୍କ ମଧ୍ୟରେ ଆଲୋଚନା ପରେ ଠିକାଦାରମାନେ ଆନ୍ଦୋଳନରୁ ହଟିଯାଇଛନ୍ତି। ସପ୍ତାହକ ମଧ୍ୟରେ କମ୍ପାନୀ କର୍ତ୍ତୃପକ୍ଷ ଠିକାଦାରଙ୍କୁ ବକେୟା ବିଲ୍‌ର ୨୫ ପ୍ରତିଶତ ପ୍ରଦାନ କରିବେ। ଜୁନ୍‌ ୧୫ ସୁଦ୍ଧା ଆଉ ୨୫ ପ୍ରତିଶତ ଅର୍ଥ ଦେବେ। ବଳକା ଅର୍ଥ ସେପ୍ଟେମ୍ବର ସୁଦ୍ଧା ପ୍ରଦାନ କରିବେ ବୋଲି କମ୍ପାନୀର ପ୍ରକଳ୍ପ ମ୍ୟାନେଜର ଉପଜିଲାପାଳଙ୍କୁ ଲିଖିତ ଭାବେ ଜଣାଇବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିବା ଉପଜିଲାପାଳ ବାସୁଦେବ ଶତପଥୀ ସୂଚନା ଦେଇଛନ୍ତି।

୨୮ରୁ ବୁଲିବ ପରୀ ରଥ

୨୮ରୁ ବୁଲିବ ପରୀ ରଥ

ଅନୁଗୋଳ ଅଫିସ, ୨୩।୫:ଶିଶୁ କନ୍ୟାମାନଙ୍କ ଉପରେ ହେଉଥିବା ଯୌନ ଅତ୍ୟାଚାର ରୋକିବା ଉଦ୍ଦେଶ୍ୟରେ ଆସନ୍ତା ୨୮ ତାରିଖରୁ ଜୁନ୍‌ ୩ ପର୍ଯ୍ୟନ୍ତ ପରି ପାଇଁ କଥାଟିଏ ରଥ ଜିଲା ପରିକ୍ରମା କରିବ। ଓଡ଼ିଶା ପୋଲିସ ଓ ୟୁନିସେଫ୍‌ର ମିଳିତ ସହଯୋଗରେ ଅନୁଗୋଳ ଓ ଢେଙ୍କାନାଳ ଜିଲା ପାଇଁ ଗୋଟିଏ ରଥ ବ୍ୟବସ୍ଥା କରାଯାଇଛି। ଏଥିସହ ବିଭିନ୍ନ ସ୍ଥାନରେ ସଭା ମାଧ୍ୟମରେ ଲୋକଙ୍କୁ ସଚେତନ କରାଯିବ। ଜିଲାପାଳ ଅନିଲ କୁମାର ସାମଲଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟରେ ଏ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଆରକ୍ଷୀ ଅଧୀକ୍ଷକ ମିତ୍ରଭାନୁ ମହାପାତ୍ର ଯୋଗ ଦେଇଥିଲେ।

ଆରମ୍ଭ ହେଲା ମୋ ସ୍କୁଲ କାର୍ଯ୍ୟକ୍ରମ:ସ୍ବଳ୍ପ ଅନୁକମ୍ପାରେ ବଡ଼ ସଫଳତା ମିଳିବ

ଆରମ୍ଭ ହେଲା ମୋ ସ୍କୁଲ କାର୍ଯ୍ୟକ୍ରମ:ସ୍ବଳ୍ପ ଅନୁକମ୍ପାରେ ବଡ଼ ସଫଳତା ମିଳିବ

ଅନୁଗୋଳ ଅଫିସ, ୨୩।୫:ସ୍ବଳ୍ପ ଅନୁକମ୍ପାରେ ବଡ଼ ସଫଳତା ମିଳିବ। ଶିକ୍ଷା ବୃଦ୍ଧି ହେଲେ ସମାଜ ଅଧିକ ବିକଶିତ ହେବ। ସ୍କୁଲରେ ଦୀର୍ଘଦିନ ହେବ ଲାଗି ରହିଥିବା ବିଭିନ୍ନ ସମସ୍ୟାର ସମାଧାନ ମଧ୍ୟ ହୋଇଯିବ। ତେଣୁ ପୁରାତନ ଛାତ୍ର, ବିଶିଷ୍ଟ ବ୍ୟକ୍ତି, ଶିଳ୍ପ ସଂସ୍ଥା ଓ ପ୍ରବାସୀ ଓଡ଼ିଆମାନେ ମୁକ୍ତ ହସ୍ତରେ ଦାନ କରି ସରକାରଙ୍କ ଦ୍ୱାରା ଆରମ୍ଭ ହୋଇଥିବା ମୋ ସ୍କୁଲ କାର୍ଯ୍ୟକ୍ରମରେ ଅଂଶୀଦାର ହେବାକୁ ମଙ୍ଗଳବାର ଜିଲା ପରିଷଦ ସମ୍ମିଳନୀ କକ୍ଷରେ ଏହି କାର୍ଯ୍ୟକ୍ରମର ଶୁଭାରମ୍ଭ ଅବସରରେ ଅତିଥିମାନେ ମତପ୍ରକାଶ କରିଛନ୍ତି। କାର୍ଯ୍ୟକ୍ରମରେ ଜିଲାପାଳ ଅନିଲ କୁମାର ସାମଲ ଅଧ୍ୟକ୍ଷତା କରି ଏହି ଅଭିଯାନ ସଫଳତା ପାଇଁ ସମସ୍ତଙ୍କ ସକ୍ରିୟ ସହଯୋଗ ଉପରେ ଗୁରୁତ୍ୱାରୋପ କରିଥିଲେ। ନାଗରିକଙ୍କୁ ସରକାରଙ୍କ ସହ ଯୋଡ଼ି ସେମାନଙ୍କ ଦାନ, ଅଭିଜ୍ଞତା ଓ ମତାମତକୁ ସ୍କୁଲରେ କାର୍ଯ୍ୟକାରୀ କରାଯିବ। ନିଜ ବିଦ୍ୟାଳୟ ପ୍ରତି ଥିବା ଆବେଗକୁ ପରିପ୍ରକାଶ କରିବା ନିମନ୍ତେ ପୁରାତନ ଛାତ୍ର, ବିଶିଷ୍ଟ ବ୍ୟକ୍ତି, ଶିଳ୍ପ ସଂସ୍ଥା ଓ ପ୍ରବାସୀ ଓଡ଼ିଆମାନେ ମୁକ୍ତ ହସ୍ତରେ ଦାନ କରି ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ଏହି କାର୍ଯ୍ୟକ୍ରମରେ ଭାଗିଦାର ହେବାକୁ ଜିଲାପାଳ ଆହ୍ବାନ ଦେଇଥିଲେ। ଦାନ ଦେଉଥିବା ବ୍ୟକ୍ତିଙ୍କଠାରୁ ଅର୍ଥ ରାଶି ଚେକ୍‌ ଆକାରରେ ଗ୍ରହଣ କରାଯିବା ସହ ସେମାନଙ୍କ ସମ୍ପୂର୍ଣ୍ଣ ବିବରଣୀ ଓ ଅର୍ଥ ପ୍ରଦାନର ଉଦ୍ଦେଶ୍ୟ ଉଲ୍ଲେଖ ରହିବ।

ବିଙ୍ଗ୍‌ ହ୍ୟୁମାନ, ସୁପରକିଙ୍ଗ ବିଜୟୀ

ଭୁବନ, ୨୩।୫(ଡି.ଏନ୍‌.ଏ.):ଭୁବନ ବ୍ଲକ ସୁରପ୍ରତାପପୁର ମିନି ଷ୍ଟାଡିୟମ୍‌ରେ ଚାଲିଥିବା ପ୍ରିମିୟର ଲିଗ୍‌ର ୩ୟ ଦିବସରେ ବିଙ୍ଗ୍‌ ହ୍ୟୁମାନ, ସୁରପ୍ରତାପପୁର ସୁପରକିଙ୍ଗ୍‌ ବିଜୟୀ ହୋଇଛନ୍ତି। ପ୍ରଥମେ ବ୍ୟାଟିଂ କରି ରାଇଜିଂ ପାଓ୍ବାର ଷ୍ଟାରଦଳ ୧୨ ଓଭରରେ ୮୮ ରନ୍‌ କରିଥିଲା। ଜବାବରେ ବିଙ୍ଗ୍‌ ହ୍ୟୁମାନ ୧୦.୨ ଓଭରରେ ୫ ଉଇକେଟ ବିନିମୟରେ ୯୦ ରନ୍‌ କରି ବିଜୟୀ ହୋଇଥିଲା। ଦ୍ୱିତୀୟ ମ୍ୟାଚ୍‌ ସୁରପ୍ରତାପପୁର ସୁପରକିଙ୍ଗ ଏବଂ ବଜରଙ୍ଗୀ ଓ୍ବାରିୟର୍ସ ମଧ୍ୟରେ ଖେଳାଯାଇଥିଲା। ସୁପରକିଙ୍ଗ ଟସ୍‌ ଜିଣି ୧୨ ଓଭରରେ ୪ ଉଇକେଟ ହରାଇ ୧୧୦ ରନ୍‌ କରିଥିଲା। ବଜରଙ୍ଗୀ ଓ୍ବାରିୟର୍ସର ୯.୫ ଓଭରରେ ୫୫ ରନ୍‌ କରି ଅଲ୍‌ଆଉଟ୍‌ ହୋଇଯାଇଥିଲା। ସୁଶାନ୍ତ ନାୟକ, ପ୍ରଶାନ୍ତ ସାମଲ ମ୍ୟାଚ୍‌ ପରିଚାଳନା କରିଥିବାବେଳେ ପ୍ରସନ୍ନ କୁମାର ସାମଲ ଧାରା ବିବରଣୀ ପ୍ରଦାନ କରିଥିଲେ।

ଲୁହା ଫଳକରେ ପିଟି ହେଲା ବାଇକ୍‌, ଚାଳକ ମୃତ

ଲୁହା ଫଳକରେ ପିଟି ହେଲା ବାଇକ୍‌, ଚାଳକ ମୃତ

ତାଳଚେର,୨୩।୫(ନି.ପ୍ର.): ଅନୁଗୋଳ ଜିଲା ତାଳଚେର ହିଙ୍ଗୁଳା ମନ୍ଦିରଠାରୁ କିଛି ଦୂରରେ ମଙ୍ଗଳବାର ବିଳମ୍ବିତ ରାତିରେ ଏକ ସଡକ ଦୁର୍ଘଟଣା ଘଟି ଜଣେ ବାଇକ୍‌ ଆରୋହୀଙ୍କ ମୃତ୍ୟୁ ଘଟିଛି। ମୃତକ ହେଲେ ତାଳଚେର ବ୍ଲକ ଗୋପାଳପ୍ରସାଦ ପାଟଣା ସାହିର ଦିପୁ ବେହେରା।

ଲେଖକ ସଂସଦ ପକ୍ଷରୁ ଗ୍ରୀଷ୍ମ ଆସର:‘ବିଶ୍ୱତାପନ ବିଶ୍ୱ ପାଇଁ ଆହ୍ବାନ’

ଲେଖକ ସଂସଦ ପକ୍ଷରୁ ଗ୍ରୀଷ୍ମ ଆସର:‘ବିଶ୍ୱତାପନ ବିଶ୍ୱ ପାଇଁ ଆହ୍ବାନ’

ଢେଙ୍କାନାଳ ଅଫିସ,୨୩।୫:ଢେଙ୍କାନାଳ ଜିଲା ଲେଖକ ସଂସଦ ପକ୍ଷରୁ ମଙ୍ଗଳବାର ଅପରାହ୍ନରେ ସଂସ୍କୃତି ଭବନ ପରିସରରେ ଗ୍ରୀଷ୍ମ ଆସର ଅନୁଷ୍ଠିତ ହୋଇଯାଇଛି। ଏହି ଅବସରରେ ସଭାପତି ଶତ୍ରୁଘ୍ନ ଭୂତିଆଙ୍କ ସଭାପତିତ୍ୱରେ ଆୟୋଜିତ ଆଲୋଚନାଚକ୍ରରେ ମୁଖ୍ୟଅତିଥି ଭାବେ କଖଡି ମହାବିଦ୍ୟାଳୟ ଓଡ଼ିଆ ଅଧ୍ୟାପକ ଡ. ଅମିତାଭ ବେହେରା ଯୋଗଦେଇ କହିଲେ, ବିଶ୍ୱତାପନ ବିଶ୍ୱ ପାଇଁ ଆହ୍ବାନ ପାଲଟିଛି। ଏହାର ପ୍ରତିକାର ପାଇଁ ସମସ୍ତେ ମିଳିତ ଉଦ୍ୟମ କରିବା ଆବଶ୍ୟକ ମୁଖ୍ୟବକ୍ତା ଭାବେ କବି ଇନ୍ଦ୍ରମଣି ନାୟକ, ସମ୍ମାନିତ ଅତିଥି ପରେଶ ଚନ୍ଦ୍ର ପଟ୍ଟନାୟକ, ଉପସଭାପତି ସାରଙ୍ଗଧର ମିଶ୍ର, ଗଗନ ବିହାରୀ ନନ୍ଦ, କୋଷାଧ୍ୟକ୍ଷ କାଳନ୍ଦୀ ଚରଣ ସାହୁ ପ୍ରମୁଖ ଆଲୋଚନାରେ ଭାଗ ନେଇଥିଲେ। କୋଷାଧ୍ୟକ୍ଷ କାଳିନ୍ଦୀ ଚରଣ ସାହୁ ସ୍ବାଗତ ଭାଷଣ ପ୍ରଦାନ କରିଥିଲେ।