Dharitri News
ଅନଗୁଳ-ଢେଙ୍କାନାଳ

ଏନ୍‌ଏସି ଅଧ୍ୟକ୍ଷଙ୍କ ନାମରେ ଅନାସ୍ଥା ପ୍ରସ୍ତାବ

ଆଠମଲ୍ଲିକ, ୧୦ା୨(ଡିଏନଏ)- ଅନୁଗୋଳ ଜିଲା ଆଠମଲ୍ଲିକ ଏନଏସିରେ ପୁଣିଥରେ ରାଜନୈତିକ ହଟଚମଟ ଦେଖାଦେଇଛି। ଶୁକ୍ରବାର ଆଠମଲ୍ଲିକ ଏନଏସିର ଅଧ୍ୟକ୍ଷ ସୁଦାମ କୁମାର ସାହୁଙ୍କ ବିରୋଧରେ ଜିଲାପାଳଙ୍କ ନିକଟରେ ଅନାସ୍ଥା ପ୍ରସ୍ତାବ ଆଗତ ହୋଇଛି। ୧୧ ଜଣ କାଉନସିଲରଙ୍କ ମଧ୍ୟରୁ ୭ ଜଣ ଏହି ପ୍ରସ୍ତାବ ଆଣିଥିବା ଜଣାଯାଇଛି। ଆଠମଲ୍ଲିକ ଏନଏସିର ୧୧ଟି ୱାର୍ଡରେ ୧୦ ଜଣ କାଉନସିଲର କଂଗ୍ରେସ ଦଳ ଓ ଜଣେ ବିଜେଡିରୁ ନିର୍ବାଚିତ ହୋଇଥିଲେ। କଂଗ୍ରେସ ଦଳ ଗତ ସେପ୍ଟେମ୍ବର ୨୦୧୩ ରେ ପରିଷଦ ଗଠନ କରିଥିଲା। ଏଥିରେ ସୁରେନ୍ଦ୍ର କୁମାର ପ୍ରଧାନ ଅଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ। ମାତ୍ର ତାଙ୍କ କାର୍ଯ୍ୟରେ ଅସନ୍ତୁଷ୍ଟ ହୋଇ କାଉନସିଲରମାନେ ୨୦୧୬ରେ ଅନାସ୍ଥା ପ୍ରସ୍ତାବ ଦ୍ୱାରା ତାଙ୍କୁ ହଟାଇବାକୁ ବ୍ୟବସ୍ଥା କରିଥିଲାବେଳେ ଶେଷ ମୁହୁର୍ତ୍ତରେ ପ୍ରଧାନ ଗତ ୪ା୪ା୨୦୧୬ରେ ଇସ୍ତଫା ଦେଇଥିଲେ। ଏହା ପରେ ୨୫.୦୫.୨୦୧୬ ରେ ୪ନମ୍ବର ୱାର୍ଡର କାଉନସିଲର ସୁଦାମ କୁମାର ସାହୁ ଅଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ। ହେଲେ ୬ ମାସ ହେଲା ଏନଏସିରେ ଅଚଳାବସ୍ଥା ଦେଖାଦେଇଛି। ଏନଏସିର ମାସିକ ବୈଠକ, ବିପର୍ଯ୍ୟସ୍ତ ପରିମଳ ବ୍ୟବସ୍ଥା, ପ୍ରଧାନମନ୍ତ୍ରୀ ଆବାସ ଯୋଜନା, ବିଦ୍ୟୁତ୍‌କରଣରେ ଦୁର୍ନୀତି ସହ ଅଧ୍ୟକ୍ଷ ମନମୁଖୀ କାମ କରୁଥିବା ଅଭିଯୋଗ ନେଇ କାଉନସିଲରଙ୍କ ମଧ୍ୟରେ ଥିବା ଚାପା ଅସନ୍ତୋଷ ପଦାକୁ ଆସିଛି। ୩ ନମ୍ବର ୱାଡର୍ର କାଉନସିଲର ସୂର୍ଯ୍ୟନାରାୟଣ ସିଂହସାମନ୍ତ, ୨ ନଂ.ର କାଉନସିଲର ତଥା ଉପାଧ୍ୟକ୍ଷା ବୀଣାପାଣି ଆର୍ଯ୍ୟବର୍ତ୍ତ ଷଡଙ୍ଗୀ, ୧୧ ନଂ.ର ଧୀରେନ ନାୟକ, ୬ ନଂ.ର ସନ୍ତୋଷିନୀ ଓରାମ, ୯ ନଂ.ର ପାଞ୍ଚାଳୀ ପ୍ରଧାନ, ୮ ନଂ.ର ରୋଜି ବେହେରା, ୫ ନଂ. ୱାର୍ଡର ସୁମତି ମହାନନ୍ଦିଆ ପ୍ରମୁଖ ଅନୁଗୋଳ ଜିଲାପାଳଙ୍କଠାରେ ଏନଏସି ଅଧ୍ୟକ୍ଷଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଗତ କରିଥିବା ଜଣାପଡିଛି। ୭ ଜଣ କାଉନସିଲର ବର୍ତ୍ତମାନ ଅଜ୍ଞାତ ବାସରେ ଥିବା ଜଣାପଡିଛି। ଏହି ଘଟଣା ନେଇ ଆଠମଲ୍ଲିକରେ ରାଜନୈତିକ ଉଷ୍ମତା ବୃଦ୍ଧି ପାଇଛି।

ବିଜେପୁର ନିର୍ବାଚନ ଫଳାଫଳ

ବିଜେଡି 0
ବିଜେପି 0
କଂଗ୍ରେସ 0
  ଅନ୍ୟାନ୍ୟ 0

Model This Week

ସ୍ୱପ୍ନା

ଅନଗୁଳ-ଢେଙ୍କାନାଳ

ବେଆଇନ ପଥର ଖଣିରେ ନିୟମିତ ଚଢ଼ାଉ ନିର୍ଦ୍ଦେଶ

ବେଆଇନ ପଥର ଖଣିରେ ନିୟମିତ ଚଢ଼ାଉ ନିର୍ଦ୍ଦେଶ

ଓଡ଼ାପଡ଼ା, ୨୫।୨(ଡି.ଏନ.ଏ.)-ବେଆଇନ ପଥର ଖଣିରେ ବେଧଡ଼କ ଡିନାମାଇଟ୍‌ ବିସ୍ଫୋରଣ ଓଡ଼ାପଡ଼ା ତହସିଲ ଆର୍ତ୍ତସାନ୍ତରାକାଟେଣୀ ଗ୍ରାମର ଦଳିତ ବସ୍ତି ବାସିନ୍ଦାଙ୍କ ନିଦ ହଜାଇ ଦେଇଛି। ଚୋରା ପଥର ମାଫିଆଙ୍କ ଜୁଲମ୍‌ର ଶିକାର ହୋଇଥିବା ନିରୀହ ଜନସାଧାରଣଙ୍କ ଘରଦ୍ୱାର ଫାଟି ଅଁା କଲାଣି। ରାସ୍ତାରେ ଯାତାୟାତ ବି ଅସୁରକ୍ଷିତ ହୋଇ ପଡ଼ିଛି। ଏ ସଂକ୍ରାନ୍ତରେ ‘ଧରିତ୍ରୀ’ରେ ଖବର ପ୍ରକାଶ ପାଇବା ପରେ ପ୍ରଶାସନର ନିଦ ଭାଙ୍ଗିଛି। ଖଣିଜ ଚାଲାଣ ଉତ୍ତୋଳନ ଏବଂ ରୋକିବା ଦିଗରେ ପଦକ୍ଷେପ ନେବାକୁ ଜିଲାପାଳ ନିଖିଲ ପଓ୍ବନ କଲ୍ୟାଣ ପଦକ୍ଷେପ ଗ୍ରହଣ କରିଛନ୍ତି।

ବିନା ଅଗ୍ନି ନିର୍ବାପକ ବ୍ୟବସ୍ଥାରେ ଚାଲିଛି ଶପିଂସେଣ୍ଟର, ନର୍ସିଂହୋମ୍‌

ବିନା ଅଗ୍ନି ନିର୍ବାପକ ବ୍ୟବସ୍ଥାରେ ଚାଲିଛି ଶପିଂସେଣ୍ଟର, ନର୍ସିଂହୋମ୍‌

ଢେଙ୍କାନାଳ ଅଫିସ, ୨୫।୨-ସମ୍‌ ହସ୍ପିଟାଲ ଅଗ୍ନିକାଣ୍ଡ ପରେ ଅଗ୍ନି ନିର୍ବାପକ ବ୍ୟବସ୍ଥା ପ୍ରତି ସ୍ବତନ୍ତ୍ର ଦୃଷ୍ଟି ଦେଇଛନ୍ତି ରାଜ୍ୟ ସରକାର। ସ୍ବାସ୍ଥ୍ୟକେନ୍ଦ୍ର, ବଡ଼ ବଡ଼ ମଲ୍‌, ଶପିଂ ସେଣ୍ଟରରେ ଅଗ୍ନି ନିର୍ବାପକ ବ୍ୟବସ୍ଥା ବାଧ୍ୟତାମୂଳକ କରାଯାଇଛି। କେବଳ ଏତିକି ନୁହେଁ, ଏହାକୁ ନିୟମିତ ବ୍ୟବଧାନରେ ଯାଞ୍ଚ କରିବାକୁ କଡ଼ା ନିର୍ଦ୍ଦେଶ ମଧ୍ୟ ରହିଛି। ହେଲେ ସରକାରୀ ନିୟମକୁ ବାଏଁ ବାଏଁ ଉଡ଼ାଇ ଦେଉଛନ୍ତି ମଲ୍‌ କର୍ତ୍ତୃପକ୍ଷ ଏବଂ ଘରୋଇ ଚିକିତ୍ସାଳୟର ସ୍ବତ୍ୱାଧିକାରୀ। ଅଗ୍ନି ନିର୍ବାପକ ବ୍ୟବସ୍ଥା ନ ଥିବାରୁ ଢେଙ୍କାନାଳ ସହରରେ ଶପିଂ ମଲ୍‌, ଘରୋଇ ନର୍ସିଂ ହୋମ୍‌ଗୁଡ଼ିକ ଅସୁରକ୍ଷିତ ଅବସ୍ଥାରେ ରହିଛି। ଅନ୍ୟପଟେ ଅଗ୍ନିଶମ ବିଭାଗ କେବଳ ନୋଟିସ୍‌ ଜାରି କରିଦେଇ ଚୁପ୍‌ ହୋଇ ବସିଯାଇଛି। ଏପରିସ୍ଥିତିରେ ଅଗ୍ନିକାଣ୍ଡ ପରି ଅଘଟଣ ଘଟିଲେ ଏହାକୁ କିପରି ରୋକାଯାଇପାରିବ ସେ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ।

ମିଳିଲା କ୍ଷତିପୂରଣ, ଆନ୍ଦୋଳନ ପ୍ରତ୍ୟାହୃତ

ତାଳଚେର,୨୫ା୨ (ନି.ପ୍ର.)- ତାଳଚେର କୋଲ୍‌ ଫିଲଡସ୍‌ ୧ ଓ ୨ ନମ୍ବର ରେଲ୍‌ୱେ ସାଇଡିଙ୍ଗରେ ଟ୍ରାକ୍‌ ସଫା କରୁଥିବା ବେଳେ ଗୁରୁତର ଅସୁସ୍ଥ ହୋଇପଡ଼ିବା ଓ ପରେ ସେଣ୍ଟ୍ରାଲ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ତାଳଚେର ବ୍ଲକ ଡେରା ଗ୍ରାମର ଠିକା ଶ୍ରମିକ ଲୋଚନ ପ୍ରଧାନଙ୍କ ପରିବାରକୁ କ୍ଷତିପୂରଣ ମିଳିଛି। ମୃତଦେହ ରଖି ପରିବାର ଓ ଠିକା ଶ୍ରମିକମାନେ ଖଣି ବନ୍ଦ ଆନ୍ଦୋଳନ ଚଳାଇଥିବା ବେଳେ ରବିବାର ଏମ୍‌ସିଏଲ୍‌ କର୍ତ୍ତୃପକ୍ଷ ୧୦ ଲକ୍ଷ ୭୭ ହଜାର ଟଙ୍କା କ୍ଷତିପୂରଣ ବାବଦକୁ ଦେବା ପରେ ଅପରାହ୍ନରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା।

ସମତା କ୍ରାନ୍ତି ଦଳର ପ୍ରଥମ ସାମ୍ବାଦିକ ସମ୍ମିଳନୀ

ସମତା କ୍ରାନ୍ତି ଦଳର ପ୍ରଥମ ସାମ୍ବାଦିକ ସମ୍ମିଳନୀ

ବନ୍ତଳା,୨୫।୨(ଡି.ଏନ୍‌.ଏ.): ସମତା କ୍ରାନ୍ତି ଦଳର ପ୍ରଥମ ସାମ୍ବାଦିକ ସମ୍ମିଳନୀ ରବିବାର ଅନୁଗୋଳ ଟାଉନ ହଲ ପରିସରରେ ଅନୁଷ୍ଠିତ ହୋଇଯାଇଛି। ଜିଲା ସଭାପତି ପ୍ରଦୀପ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମ୍ମିଳନୀରେ ପୂର୍ବତନ କେନ୍ଦ୍ରମନ୍ତ୍ରୀ ବ୍ରଜ କିଶୋର ତ୍ରିପାଠୀ, ଶ୍ରମିକ ନେତା ଅରେନ ପାଣି, ରାଜ୍ୟ ସଭାପତି ସାରଦା ପ୍ରସନ୍ନ ସ୍ବାଇଁ ପ୍ରମୁଖ ଉପସ୍ଥିତ ଥିଲେ।

ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର: ହତ୍ୟା ଅଭିଯୋଗ

ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର: ହତ୍ୟା ଅଭିଯୋଗ

ବନ୍ତଳା,୨୫।୨(ଡି.ଏନ୍‌.ଏ.): ଅନୁଗୋଳ ଥାନା ଅନ୍ତର୍ଗତ ସିମିଳିପଡାସ୍ଥିତ ଏକ ମାର୍କେଟ କମ୍ପ୍ଲେକ୍ସ ମାଲିକଙ୍କ ବୋହୂଙ୍କ ମୃତଦେହ ଫ୍ୟାନ୍‌ରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି। ମୃତ ମହିଳା ହେଲେ ପ୍ରିୟଙ୍କା ପ୍ରିୟଦର୍ଶିନୀ ସାହୁ। ପ୍ରିୟଙ୍କାଙ୍କୁ ହତ୍ୟା କରାଯାଇଥିବା ନେଇ ତାଙ୍କ ବାପା ଥାନାରେ ଅଭିଯୋଗ କରିଛନ୍ତି।

ବିସ୍ଥାପିତଙ୍କ ଦୁଃଖ: ଉଡ଼ିଗଲା ୬ ପରିବାରର ଟିଣ ଛପର

ବିସ୍ଥାପିତଙ୍କ ଦୁଃଖ: ଉଡ଼ିଗଲା ୬ ପରିବାରର ଟିଣ ଛପର

ବନ୍ତଳା,୨୫।୨(ଡି.ଏନ୍‌.ଏ.): ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟରୁ ବିସ୍ଥାପିତ ହୋଇ ବନ୍ତଳା ଥାନା ବଡ଼କନ୍ତକୁଳ ନୂଆଖେତା ସରୁଆଳିଠାରେ ରାଇଗୁଡ଼ାବାସୀଙ୍କୁ ଥଇଥାନ କରାଯାଇଛି। କିନ୍ତୁ ଭାଗ୍ୟ ସେମାନଙ୍କ ଉପରେ ଦାଉ ସାଧିଛି।

ହାତୀ ଆତଙ୍କ: ୨ ପରିବାର ବାସହରା

ବଅଁରପାଳ,୨୫।୨(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ବ୍ଲକ ଅନ୍ତର୍ଗତ ବଗଚର ଗ୍ରାମରେ ଶନିବାର ବିଳମ୍ବିତ ରାତିରେ ହାତୀ ପଶି ଆତଙ୍କ ସୃଷ୍ଟି କରିଛି।

୨୧ ବର୍ଷରେ ଧରିତ୍ରୀ ଜୁଏଲର୍ସ

୨୧ ବର୍ଷରେ ଧରିତ୍ରୀ ଜୁଏଲର୍ସ

ତାଳଚେର,୨୪ା୨ (ନି.ପ୍ର.)- ତାଳଚେରସ୍ଥିତ ଧରିତ୍ରୀ ଜୁଏଲର୍ସ ରବିବାର ୨୧ବର୍ଷରେ ପଦାର୍ପଣ କରିବାକୁ ଯାଉଛି। ୧୯୯୬ରେ ତାଳଚେର ହାଟତୋଟାଠାରେ ଏହି ଜୁଏଲାରୀର ଶୋ’ରୁମ ଖୋଲିଥିଲା।

ପ୍ରେମିକାଙ୍କୁ ଭେଟିବାକୁ ଯାଇଥିଲେ: ବାହାଘର କରାଇଦେଲେ ଗ୍ରାମବାସୀ

ବନ୍ତଳା,୨୪।୨(ଡି.ଏନ.ଏ.)- ଅନୁଗୋଳ ଜିଲା ବନ୍ତଳା ଥାନା ସାହାରାଗୁଡ଼ା ଗ୍ରାମରେ ଶୁକ୍ରବାର ମଧ୍ୟରାତ୍ରରେ ଜଣେ ଯୁବକ ତାଙ୍କର ପ୍ରେମିକାଙ୍କୁ ଭେଟିବାକୁ ଆସିଥିବାବେଳେ ଗ୍ରାମବାସୀ ଉଭୟଙ୍କ ବାହାଘର କରାଇ ଦେଇଛନ୍ତି। ଏହି ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।

ରାଜଧାନୀ ଏକ୍ସପ୍ରେସ୍‌ ରହଣି ଦାବିରେ ରେଳରୋକୋ

ରାଜଧାନୀ ଏକ୍ସପ୍ରେସ୍‌ ରହଣି ଦାବିରେ ରେଳରୋକୋ

ଢେଙ୍କାନାଳ ଅଫିସ, ୨୪।୨-ଢେଙ୍କାନାଳ ଷ୍ଟେଶନରେ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍‌ ରହଣି ଦାବିରେ ଆନ୍ଦୋଳନ ତୀବ୍ର ରୂପ ନେଇଛି। ଜିଲା ଓକିଲ ସଂଘର ଆହ୍ବାନରେ ଶନିବାର ପୂର୍ବାହ୍ନ ୮ଟାରୁ ଅପରାହ୍ନ ୧ଟା ଯାଏ ରେଳରୋକୋ କରାଯାଇ ପ୍ରତିବାଦ କରାଯାଇଛି। ଫଳରେ ଘଣ୍ଟାଏ ରାଜଧାନୀ ଏକ୍ସପ୍ରେସ୍‌ ଏବଂ ୫ଘଣ୍ଟା ଧରି ମାଲଗାଡ଼ି ଅଟକି ରହିଥିଲା।

ସୁରକ୍ଷା ପ୍ରଦାନ ପୋଲିସର ପ୍ରଥମ କର୍ତ୍ତବ୍ୟ

ସୁରକ୍ଷା ପ୍ରଦାନ ପୋଲିସର ପ୍ରଥମ କର୍ତ୍ତବ୍ୟ

ବଇଣ୍ଡା,୨୪।୨(ଡି.ଏନ.ଏ.)- ଗ୍ରାମାଞ୍ଚଳରେ ଅପରାଧ ସଂଖ୍ୟା ବୃଦ୍ଧି ପାଉଛି। ନିଶା ଦ୍ରବ୍ୟ ସେବନ ଯୋଗୁ ଅନେକ ସ୍ଥାନରେ ଗଣ୍ଡଗୋଳ ତଥା ବିଶୃଙ୍ଖଳା ସୃଷ୍ଟି ହେଉଛି।

ଭକ୍ତି ପ୍ରସାଦ ଡିଆରୟୁସିସି ସଦସ୍ୟ

ଭକ୍ତି ପ୍ରସାଦ ଡିଆରୟୁସିସି ସଦସ୍ୟ

ତାଳଚେର,୨୪ା୨(ନି.ପ୍ର.)- ଅନୁଗୋଳର ପୂର୍ବତନ ନଗରପାଳ ଭକ୍ତି ପ୍ରସାଦ ଦାସ ଇଷ୍ଟକୋଷ୍ଟ ରେଲୱେର ଡିଭିଜିନାଲ ରେଲୱେ ୟୁଜର୍ସ କନସଲେଟିଭ କମିଟି (ଡିଆରୟୁସିସି) ସଦସ୍ୟ ଭାବେ ମନୋନୀତ ହୋଇଛନ୍ତି। ସେ ୨ ବର୍ଷ ପାଇଁ ଏଥିରେ ସଦସ୍ୟ ରହିବେ।