ଅନଗୁଳ-ଢେଙ୍କାନାଳ

୨ ବର୍ଷ ହେଲା ୭ ପରିବାରକୁ ବାସନ୍ଦ

୨ ବର୍ଷ ହେଲା ୭ ପରିବାରକୁ ବାସନ୍ଦ
ଅନୁଗୋଳ ଅଫିସ,୯।୨- ଅନୁଗୋଳ ଜିଲା କିଶୋରନଗର ବ୍ଲକ ହଣ୍ଡପା ଥାନା ଗଁା ବଇଣ୍ଡା ପଞ୍ଚାୟତ ବଡ଼ହୁଲା ଗ୍ରାମର ୭ ପରିବାର ଆଣିଛନ୍ତି ବାସନ୍ଦ ଅଭିଯୋଗ। ପାଖାପାଖି ୨ବର୍ଷ ହେଲା ଗ୍ରାମବାସୀ ଏପରି କଟକଣା ଲଗାଇଥିବା ଶୁକ୍ରବାର ସମ୍ପୃକ୍ତ ପରିବାରଗୁଡ଼ିକ ଅନୁଗୋଳ ଜିଲାପାଳ ଅନିଲ କୁମାର ସାମଲଙ୍କ ନିକଟରେ ଅଭିଯୋଗ କରିଛନ୍ତି। ଗ୍ରାମବାସୀ ରଖାଇ ଦେଉ ନ ଥିବାରୁ ସେମାନେ ଗଁା ଛାଡ଼ି ଚାଲି ଆସିଥିବା ଅଭିଯୋଗ କରିବା ପରେ ଜିଲାପାଳ ସେମାନଙ୍କୁ ଆଠମଲ୍ଲିକ ଉପଜିଲାପାଳଙ୍କ ନିକଟକୁ ପଠାଇ ଦେଇଥିଲେ। ଉପଜିଲାପାଳ ସେମାନଙ୍କୁ ନ୍ୟାୟ ପ୍ରଦାନ କରାଯିବ ବୋଲି ଆଶ୍ୱାସନା ଦେବା ସହ ଏ ନେଇ ହଣ୍ଡପା ଥାନାରେ ଲିଖିତ ଏତଲା ଦେବାକୁ ପରାମର୍ଶ ଦେଇଥିବା ଜଣାପଡ଼ିଛି। ଅଭିଯୋଗରେ ସମ୍ପୃକ୍ତ ୭ ପରିବାରର ମହାଦେବ ସାହୁ, ରମେଶଚନ୍ଦ୍ର ସାହୁ, ଯଶୋଦା ସାହୁ, ଭାରତୀ ସାହୁ, ଘନଶ୍ୟାମ ସାହୁ, ଦିବ୍ୟରଞ୍ଜନ ସାହୁ, ଝାନସୀରାଣୀ ସାହୁ, କଳ୍ପନା ସାହୁ, ବିଦ୍ୟାଧର ସାହୁ ପ୍ରମୁଖ ଦର୍ଶାଇଛନ୍ତି ଯେ, ଗ୍ରାମର ଯାଦବ ସ୍ବାଇଁ, ଭୀଷ୍ମ ଦେହୁରୀ, ବସନ୍ତ ସ୍ବାଇଁ, ରମେଶଚନ୍ଦ୍ର ପ୍ରଧାନଙ୍କ ସହିତ ଅନ୍ୟ କେତେଜଣ ୨୦୧୬ ଏପ୍ରିଲ ୧୭ରୁ ସେମାନଙ୍କୁ ଗଁାରୁ ବାସନ୍ଦ କରିଛନ୍ତି। ଘରକୁ ଥିବା ରାସ୍ତା ଅବରୋଧ କରିବା ସହ ବିଭିନ୍ନ ସମୟରେ ଘର ସାମ୍ନାରେ ମଇଳା ପକାଇବା, ଘରକୁ ମଦ ବୋତଲ ଓ ପଥର ଫିଙ୍ଗିୁଛନ୍ତି। ବଗିଚା, ଫସଲ ନଷ୍ଟ କରୁଛନ୍ତି। ଏହାର ବିରୋଧ କରିବାରୁ ପରିବାରର ଜଣେ ମହିଳାଙ୍କୁ ଜାନୁୟାରୀ ୩୧ରେ ଗଁା କୋଠଘରେ ଅଟକ ରଖାଯାଇଥିଲା। ପରେ ପୋଲିସ ପହଞ୍ଚତ୍ ସମ୍ପୃକ୍ତ ମହିଳାଙ୍କୁ ଉଦ୍ଧାର କରିଥିଲା। ୨୦୧୭ ଅକ୍ଟୋବର ୨୧ରେ ପରିବାରର ଜଣେ ବୃଦ୍ଧାଙ୍କ ମୃତ୍ୟୁ ପରେ ଶୁଦ୍ଧିକାର୍ଯ୍ୟ ପାଇଁ ଗଁା ବ୍ରାହ୍ମଣ, ଭଣ୍ଡାରୀ, ମନ୍ଦିର, ପୋଖରୀ ଆଦିକୁ ବାରଣ କରାଯାଇଥିବାରୁ ସେମାନେ ବହୁ ସମସ୍ୟାର ସମ୍ମୁଖୀନ ହୋଇଥିଲେ। ବୁଧବାର ରାତିରେ ଗ୍ରାମବାସୀ ପଥର ମାଡ଼ କରିବା ଖବର ଜଣାଇବା ପରେ ଥାନା ଆଇଆଇସି ପହଞ୍ଚିଥିଲେ। ହେଲେ ତାଙ୍କ ଉପସ୍ଥିତିରେ ମଧ୍ୟ ଘରକୁ ପଥର ମାଡ଼ କରାଯାଇଥିଲା। ଜଣ ପ୍ରତି ୧ଲକ୍ଷ ଟଙ୍କା ଜରିମାନା ଦେବା ସହ ସଭାରେ ଭୁଲ୍‌ ମାଗିଲେ ଗଁାରେ ମିଶାଯିବ ବୋଲି ଗ୍ରାମବାସୀଙ୍କ ପକ୍ଷରୁ କୁହାଯାଉଥିବାରୁ ବାଧ୍ୟ ହୋଇ ଗଁା ଛାଡ଼ିଛୁ ବୋଲି ସମ୍ପୃକ୍ତ ପରିବାର ଅଭିଯୋଗପତ୍ରରେ ଉଲ୍ଲେଖ କରିଛନ୍ତି। ପୂର୍ବରୁ ଏ ସମ୍ପର୍କରେ ସେମାନେ ହଣ୍ଡପା ଥାନା ଓ ପ୍ରଶାସନର ଦ୍ୱାରସ୍ଥ ହୋଇଥିଲେ ବି କିଛି ପଦକ୍ଷେପ ନିଆଯାଇ ନ ଥିବା ସମ୍ପୃକ୍ତ ପରିବାର ଲୋକେ ଅଭିଯୋଗ କରିଛନ୍ତି। ଏ ସମ୍ପର୍କରେ ଆଠମଲ୍ଲିକ ଉପଜିଲାପାଳ କହିଛନ୍ତି, ପୂର୍ବରୁ ଘଟଣା ନେଇ ସୂଚନା ପାଇ ନ ଥିଲି। ଅଭିଯୋଗ ପାଇବା ପରେ ଗ୍ରାମବାସୀଙ୍କ ବିରୋଧରେ ଲିଖିତ ଅଭିଯୋଗ କରିବା ପାଇଁ ସେମାନଙ୍କୁ କହିଛି। ଥାନା ଆଇଆଇସିଙ୍କ ସହିତ ଆଲୋଚନା କରିଛି। କୌଣସି ଅସୁବିଧା ହେବନାହିଁ, ପୋଲିସ ହେପାଜତରେ ସମ୍ପୃକ୍ତ ୭ ପରିବାର ଗଁାରେ ରହିବେ। ଗ୍ରାମବାସୀ ବିରୋଧ କଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
All Right Reserved By

ଅନଗୁଳ-ଢେଙ୍କାନାଳ

ଅନୁଗୋଳରେ ଯୁବ ଶିଳ୍ପ ଉଦ୍ୟୋଗୀ ମଣ୍ଡଳୀ: ଜେଏସ୍‌ପିଏଲ୍‌ ଇସ୍ପାତ କାରଖାନା ପରିଦର୍ଶନ

ଅନୁଗୋଳରେ ଯୁବ ଶିଳ୍ପ ଉଦ୍ୟୋଗୀ ମଣ୍ଡଳୀ: ଜେଏସ୍‌ପିଏଲ୍‌ ଇସ୍ପାତ କାରଖାନା ପରିଦର୍ଶନ

ଅନୁଗୋଳ ଅଫିସ, ୨୦।୧- ଯୁବ ଶିଳ୍ପ ଉଦ୍ୟୋଗୀଙ୍କ ଚେନ୍ନାଇ ଶାଖାର ଏକ ପ୍ରତିନିଧି ମଣ୍ଡଳୀ ଶନିବାର ଜେଏସ୍‌ପିଏଲ୍‌ର ଅନୁଗୋଳ ସ୍ଥିତ ଇସ୍ପାତ କାରଖାନା ପରିଦର୍ଶନରେ ଆସିଥିଲେ। 

ଶିଶୁ କନ୍ୟାକୁ ବଳାତ୍କାର ଅଭିଯୋଗ: ସମ୍ପର୍କୀୟ ଭାଇ ନଁାରେ ଏତଲା

ବନ୍ତଳା,୨୦ା୧(ଡି.ଏନ.ଏ.)- ଅନୁଗୋଳ ଜିଲା ବନ୍ତଳା ଥାନା ଅଞ୍ଚଳରେ ଶୁକ୍ରବାର ଏକ ଅଭାବନୀୟ ଘଟଣା ଘଟିଛି। ଜଣେ ସାଢେ ୩ ବର୍ଷର ଶିଶୁ କନ୍ୟାକୁ ସମ୍ପର୍କୀୟ ଭାଇ ବଳାତ୍କାର କରିଥିବା ଶନିବାର ରାତିରେ ଥାନାରେ ଅଭିଯୋଗ ହୋଇଛି। ପୋଲିସ ଏ ସଂକ୍ରାନ୍ତରେ ନଂ. ୮/୧୯ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ଅତ୍ୟାଧୁନିକ ଶୌଚାଳୟ ଉଦ୍‌ଘାଟିତ

ଅତ୍ୟାଧୁନିକ ଶୌଚାଳୟ ଉଦ୍‌ଘାଟିତ

ଅନୁଗୋଳ ଅଫିସ, ୨୦।୧- ଅନୁଗୋଳ ଜିଲା ବନ୍ତଳା ଅଞ୍ଚଳରେ ଥିବା ଶ୍ରୀ ଚନ୍ଦ୍ରଶେଖର ମହାବିଦ୍ୟାଳୟରେ ଅତ୍ୟାଧୁନିକ ଶୌଚାଳୟ ଗୃହ ଉଦ୍‌ଘାଟିତ ହୋଇଯାଇଛି।

ପରିବାର ଓ ଭିଜିଲାନ୍ସ ଅଦାଲତ ଉଦ୍‌ଘାଟିତ: ‘କନିଷ୍ଠମାନେ ବରିଷ୍ଠଙ୍କଠାରୁ ଶିକ୍ଷାଲାଭ କରନ୍ତୁ’

ପରିବାର ଓ ଭିଜିଲାନ୍ସ ଅଦାଲତ ଉଦ୍‌ଘାଟିତ: ‘କନିଷ୍ଠମାନେ ବରିଷ୍ଠଙ୍କଠାରୁ ଶିକ୍ଷାଲାଭ କରନ୍ତୁ’

ଅନୁଗୋଳ ଅଫିସ, ୨୦।୧- ଅନୁଗୋଳ ଜିଲା ନ୍ୟାୟାଳୟ ପରିସରରେ ଶନିବାର ପରିବାର ଓ ଭିଜିଲାନ୍ସ ଅଦାଲତ ଉଦ୍‌ଘାଟିତ ହୋଇଛି। ଏଥିସହ ଉତ୍କଳ ଗୌରବ ମଧୁସୂଦନ ଦାସଙ୍କ ପ୍ରତିମୂର୍ତ୍ତି ମଧ୍ୟ ଉନ୍ମୋଚନ କରାଯାଇଛି। 

ଧରାପଡ଼ିଲେ ଲୁଟେରା ଗ୍ୟାଙ୍ଗ

ଧରାପଡ଼ିଲେ ଲୁଟେରା ଗ୍ୟାଙ୍ଗ

ଢେଙ୍କାନାଳ ଅଫିସ,୨୦।୧- ରାତିରେ ଦୋକାନକୁ କରୁଥିଲେ ଟାର୍ଗେଟ୍‌।  ଖୁଚୁରା ପଇସା, ବିସ୍କୁଟଠାରୁ ଆରମ୍ଭ କରି ଗୁଟ୍‌ଖା ଯାଏ କିଛି ଛାଡୁ ନ ଥିଲେ।

ଆଦିବାସୀ ଛାତ୍ରୀ ଗର୍ଭବତୀ ମାମଲା: ଦୋଷ ଘୋଡ଼ାଇବାକୁ ଉଦ୍ୟମ

ଆଦିବାସୀ ଛାତ୍ରୀ ଗର୍ଭବତୀ ମାମଲା: ଦୋଷ ଘୋଡ଼ାଇବାକୁ ଉଦ୍ୟମ

ଢେଙ୍କାନାଳ ଅଫିସ, ୨୦।୧- ଢେଙ୍କାନାଳ ସଦର ବ୍ଲକ ବେଲଟିକିରି ଶେଲ୍‌ଟର ହୋମ୍‌ରେ ଅନ୍ତେବାସୀଙ୍କୁ ଯୌନଶୋଷଣ ଘଟଣାରେ ପଦାରେ ପଡ଼ିଥିଲା ପ୍ରଶାସନିକ ଅପାରଗତା। ଜାତୀୟସ୍ତରରେ ଆଲୋଡ଼ନ ସୃଷ୍ଟି କରିଥିବା ଉକ୍ତ ଘଟଣାକୁ ନେଇ ଚର୍ଚ୍ଚା ଥମି ନ ଥିବାବେଳେ ସପ୍ତଶଯ୍ୟା ଆଶ୍ରମ ସ୍କୁଲର ୮ମ ଶ୍ରେଣୀ ଛାତ୍ରୀ ଗର୍ଭବତୀ ହେବା, ପୁଣି ଥରେ ଜିଲା ପ୍ରଶାସନ ମୁଣ୍ଡରେ ଲଗାଇଛି କଳଙ୍କର ଛିଟା। 

ମଦ ଦୋକାନ ଉଚ୍ଛେଦ ଦାବିରେ ବିକ୍ଷୋଭ

ମଦ ଦୋକାନ ଉଚ୍ଛେଦ ଦାବିରେ ବିକ୍ଷୋଭ

ବଇଣ୍ଡା,୨୦।୧(ଡି.ଏନ.ଏ)- କିଶୋରନଗର ବ୍ଲକ ବଇଣ୍ଡା ଅଞ୍ଚଳରେ ଥିବା ମଦ ଦୋକାନ ଉଚ୍ଛେଦ ଦାବିରେ ଶନିବାର ୧୦ଟି ମହିଳା ସ୍ବୟଂ ସହାୟକ ଗୋଷ୍ଠୀର  ସଦସ୍ୟ ଆନ୍ଦୋଳନ କରିଛନ୍ତି। ନୁନୁକାପଶି ପଞ୍ଚାୟତ କାର୍ଯ୍ୟାଳୟଠାରୁ ଶୋଭାଯାତ୍ରାରେ ବାହାରି ମହିଳାମାନେ ବିଦେଶୀ ମଦ ଦୋକାନକୁ ଘେରାଉ କରିଥିଲେ। 

ଅନ୍ତର୍ଜାତୀୟ ଆଲୋଚନାଚକ୍ରରେ ମତ: ‘ପ୍ରଭାବିତ କରୁଛି ପ୍ରଯୁକ୍ତି ବିଦ୍ୟା’

ଅନ୍ତର୍ଜାତୀୟ ଆଲୋଚନାଚକ୍ରରେ ମତ: ‘ପ୍ରଭାବିତ କରୁଛି ପ୍ରଯୁକ୍ତି ବିଦ୍ୟା’

ଢେଙ୍କାନାଳ ଅଫିସ, ୨୦ା୧-ପ୍ରଯୁକ୍ତି ବିଦ୍ୟାର ମାୟାଜାଲରେ ଧୀରେ ଧୀରେ ମଣିଷ ଛନ୍ଦି ହୋଇଯାଉଛି, ଯଦିଓ ବିକାଶ କ୍ଷେତ୍ରରେ ଏହାର ଭୂମିକା ଗୁରୁତ୍ୱପୂର୍ଣ୍ଣ; ତଥାପି ମଣିଷ ଏହାର ଅଧୀନ ହୋଇଯିବା ଦ୍ୱାରା ମାନସିକ, ବୌଦ୍ଧିକ, ଶାରୀରିକ ସର୍ବୋପରି  ବିଚାରଧାରା ଉପରେ ଏହା ଗଭୀର ପ୍ରଭାବ ପକାଉଛି। 

କାରୁବାକି ମହୋତ୍ସବ ଉଦ୍‌ଘାଟିତ

କାରୁବାକି ମହୋତ୍ସବ ଉଦ୍‌ଘାଟିତ

ଢେଙ୍କାନାଳ ଅଫିସ,୧୯ା୧- ଢେଙ୍କାନାଳ ଶତରୂପା ଓଡ଼ିଶୀ  ନୃତ୍ୟ ଗବେଷଣା କେନ୍ଦ୍ର ପକ୍ଷରୁ ମିନି ଷ୍ଟାଡ଼ିୟମଠାରେ ଶନିବାର ସାରେ କାରୁବାକି ମହୋତ୍ସବ ଉଦ୍‌ଘାଟିତ ହୋଇଯାଇଛି। ମୁଖ୍ୟଅତିଥି ଭାବେ ଢେଙ୍କାନାଳ- ଅନୁଗୋଳ ଏମ୍‌ପି ତଥାଗତ ସତପଥୀ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଢେଙ୍କାନାଳ ଅଫିସ, ୧୯ା୧-ଢେଙ୍କାନାଳ ଷ୍ଟାଡିୟମରେ ଚାଲିଥିବା  ପୂର୍ଣ୍ଣଚନ୍ଦ୍ର ତ୍ରିପାଠୀ ମେମୋରିଆଲ ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା ଶନିବାର ଅନୁଷ୍ଠିତ ୨ କ୍ୱାର୍ଟର ଫାଇନାଲ ମ୍ୟାଚ୍‌ରେ ବିଜୟୀ ହୋଇ କେନ୍ଦ୍ରୀୟ ବିଦ୍ୟାଳୟ ଏବଂ  ଦିଲ୍ଲୀ ପବ୍ଲିକ ସ୍କୁଲ (ଡିପିଏସ୍‌) ସେମିଫାଇନାଲରେ ପ୍ରବେଶ କରିଛନ୍ତି।

ମଦ ଦୋକାନ ଉଚ୍ଛେଦ ଦାବିରେ ଗର୍ଜିଲେ ମହିଳା

ମଦ ଦୋକାନ ଉଚ୍ଛେଦ ଦାବିରେ ଗର୍ଜିଲେ ମହିଳା

ବଇଣ୍ଡା,୧୯।୧(ଡି.ଏନ.ଏ)-କିଶୋରନଗର ବ୍ଲକ ବଇଣ୍ଡା ଅଞ୍ଚଳରେ ଥିବା ଦେଶୀ ଓ ବିଦେଶୀ ମଦ ଦୋକାନ ଉଚ୍ଛେଦ ଦାବିରେ ଶନିବାର ୧୦ଟି  ମହିଳା ସ୍ବୟଂ ସହାୟକ ଗୋଷ୍ଠୀର ସଦସ୍ୟମାନେ ଏକତ୍ରିତ ହୋଇ ଆନ୍ଦୋଳନ କରିଛନ୍ତି। ନୁନୁକାପଶି ପଞ୍ଚାୟତ କାର୍ଯ୍ୟାଳୟଠାରୁ ମହିଳାମାନେ ଏକ ଶୋଭାଯାତ୍ରାରେ ବାହାରି ବିଦେଶୀ ମଦ ଦୋକାନକୁ ଘେରାଉ କରିଥିଲେ। ପରେ ସେଠାରୁ ଏକ ଶୋଭାଯାତ୍ରାରେ ଯାଇ  ଦେଶୀ ମଦ ଭାଟିକୁ ଘେରାଉ କରି  ବିକ୍ଷୋଭ ପ୍ରଦର୍ଶନ କରିଥିଲେ। ସେଠାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା।

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

ଭୁବନ, ୧୯।୧(ଡି.ଏନ.ଏ.)-ଭୁବନ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ୨୯ତମ ବାର୍ଷିକ କ୍ରୀଡ଼ା ଉତ୍ସବ ଶନିବାର ଉଦ୍‌ଯାପିତ ହୋଇଯାଇଛି।