ମେଟ୍ରୋ |

ମଠାମ୍ନାୟ ମହାନୁଶାସନ ଜାତୀୟ ସଂହତିର ସୂତ୍ର

ମଠାମ୍ନାୟ ମହାନୁଶାସନ ଜାତୀୟ ସଂହତିର ସୂତ୍ର

ପୁରୀ ଅଫିସ, ୯।୨: ମଠାମ୍ନାୟ ମହାନୁଶାସନ ହେଉଛି ଜାତୀୟ ସଂହତିର ସୂତ୍ର। ପୁରୀରେ ବର୍ତ୍ତମାନ ୧୭ଟି ଅନୁଶାସନର ଆଶ୍ରମ ଓ ମଠ ରହିଛି। ଆଦି ଶଙ୍କରାଚାର୍ଯ୍ୟ ଯେଉଁ ମଠାମ୍ନାୟ ଘୋଷଣା କରିଥିଲେ ସେଥିରେ ସମୁଦାୟ ୨୫ଟି ଶ୍ଳୋକ ରହିଥିଲା ବୋଲି ଐତିହ୍ୟ ବିଶାରଦ ଡ. ସୁରେନ୍ଦ୍ର କୁମାର ମିଶ୍ର କହିଛନ୍ତି।
ଗୋବର୍ଦ୍ଧନ ପୀଠରେ ଶୁକ୍ରବାର ଦୁଇଦିନିଆ ଅନ୍ତର୍ଜାତୀୟ ବିଦ୍ୱତ୍‌ ସଂଗୋଷ୍ଠୀର ଉଦ୍‌ଘାଟନୀ ଅବସରରେ ଆୟୋଜିତ ଅଧିବେଶନରେ ଡ. ମିଶ୍ର ମଠାମ୍ନାୟ ଅନୁଶାସନ ଓ ବୈଦିକ ସନାତନ ଧର୍ମ ଉପରେ ଆଲୋଚନା କରି ଏହା କହିଛନ୍ତି। ସେ ସନାତନ ପରମ୍ପରାର ରହସ୍ୟ ଉତ୍‌ଥାପନ କରିବା ସହିତ ଅନୁଶାସନ ପରମ୍ପରା ଉପରେ ଆଲୋକପାତ କରିଥିଲେ। ମଠାମ୍ନାୟ ଅନୁଶାସନ କିଭଳି ଜାତୀୟସ୍ତରକୁ ସମୃଦ୍ଧ କରିବା ସହିତ ସଂହତିରେ ସମସ୍ତଙ୍କୁ ବାନ୍ଧି ଦେଇଥିଲା ତାହାର ୧୦ଟି ରହସ୍ୟ ସେ ଉପସ୍ଥାପନ କରିଥିଲେ। ଡ. ଭାସ୍କର ମିଶ୍ର ଜଗନ୍ନାଥ ମନ୍ଦିର ଓ ମଠର ପ୍ରାଚୀନ ସମ୍ପର୍କ ବିଷୟରେ କହିଥିଲେ। ସେ ୩ଟି ପ୍ରାଚୀନ ସନନ୍ଦର ଅବତାରଣା ମଧ୍ୟ କରିଥିଲେ। ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଆଚାର୍ଯ୍ୟ ତେଜପାଲ ଶର୍ମା ଗୋବର୍ଦ୍ଧନ ପୀଠାଧୀଶମାନଙ୍କ ବିଶ୍ୱକୁ ଅବଦାନ ସମ୍ପର୍କରେ କହିଥିଲେ। ପୁରୀ ଗୋବର୍ଦ୍ଧନ ପୀଠର ପରମ୍ପରା ଏବଂ ବୈଦିକ ସନାତନ ଧର୍ମ ଉପରେ ଆୟୋଜିତ ଏହି ଦ୍ୱିତୀୟ ଅଧିବେଶନରେ ଉତ୍କଳ ବିଶ୍ୱବିଦ୍ୟାଳୟର ପୂର୍ବତନ କୁଳପତି ପ୍ରଫେସର ଗୋକୁଳାନନ୍ଦ ଦାଶ ସଭାପତିତ୍ୱ କରିଥିବା ବେଳେ ସଂଯୋଜନା କରିଥିଲେ ରାଷ୍ଟ୍ରୀୟ ସଂସ୍କୃତ ସଂସ୍ଥାନର ଆଚାର୍ଯ୍ୟ ପ୍ରଫେସର ଶ୍ରୀନିବାସ ଆଚାର୍ଯ୍ୟ।
ସେହିପରି ଆଦି ଶଙ୍କରାଚାର୍ଯ୍ୟଙ୍କ ବ୍ୟକ୍ତିତ୍ୱ ଏବଂ କୃତିତ୍ୱ ଉପରେ ପ୍ରଥମ ଅଧିବେଶନ ଅନୁଷ୍ଠିତ ହୋଇଥିଲା। ଏଥିରେ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ପୂର୍ବତନ କୁଳପତି ପ୍ରଫେସର ଅଲେଖ ଚନ୍ଦ୍ର ଷଡ଼ଙ୍ଗୀ ସଭାପତିତ୍ୱ କରିଥିବା ବେଳେ ସଂଯୋଜନା କରିଥିଲେ ଅଦ୍ୱୈତ ବେଦାନ୍ତ ବିଭାଗର ଆଚାର୍ଯ୍ୟ ପ୍ରଫେସର ପ୍ରଭାତ ରଞ୍ଜନ ମହାପାତ୍ର। ଏଥିରେ ଝାଞ୍ଜପିଟା ମଠ ଅଧ୍ୟକ୍ଷ ବାବା ସଚ୍ଚିଦାନନ୍ଦ ଦାସମହାରାଜ, ଉତ୍କଳ ବିଶ୍ୱବିଦ୍ୟାଳୟ ଦର୍ଶନ ବିଭାଗର ପ୍ରଫେସର ବିଜୟାନନ୍ଦ କର ଏବଂ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ନ୍ୟାୟ ବିଭାଗର ପ୍ରଫେସର କମଳେଶ ମିଶ୍ର ଆଲୋଚନାରେ ଭାଗ ନେଇଥିଲେ। ସେହିପରି ଆଦି ଶଙ୍କରାଚାର୍ଯ୍ୟଙ୍କ ଦର୍ଶନ ଏବଂ ଆଦର୍ଶ ବ୍ୟକ୍ତିତ୍ୱ ନିର୍ମାଣକୁ ନେଇ ତୃତୀୟ ଅଧିବେଶନ ଅନୁଷ୍ଠିତ ହୋଇଥିଲା। ବିହାର ସମସ୍ତିପୁର କୃଷି ବିଶ୍ୱବିଦ୍ୟାଳୟ କୁଳାଧିପତି ପ୍ରଫେସର ପ୍ରଫୁଲ୍ଲ କୁମାର ମିଶ୍ର ଏଥିରେ ସଭାପତିତ୍ୱ କରିଥିବାବେଳେ ଆଚାର୍ଯ୍ୟ ପ୍ରଫେସର ପ୍ୟାରୀମୋହନ ପଟ୍ଟନାୟକ ସଂଯୋଜନା କରିଥିଲେ। ଏଥିରେ ଶ୍ରୀଜଗନ୍ନାଥ ସଂସ୍କୃତି ଗବେଷକ ଡ. ନରେଶ ଚନ୍ଦ୍ର ଦାଶ କହିଥିଲେ, ଜଗଦ୍‌ଗୁରୁ ଆଦି ଶଙ୍କରାଚାର୍ଯ୍ୟ ଯେଉଁ ଦର୍ଶନ ଶାସ୍ତ୍ରଗୁଡ଼ିକ ରଚନା କରିଛନ୍ତି ତନ୍ମଧ୍ୟରେ ଅନେକ ଶିକ୍ଷା ରହିଛି। ଏହି ଶିକ୍ଷାଗୁଡ଼ିକ ପ୍ରତ୍ୟେକ ଅନୁସନ୍ଧିତ୍ସୁମାନଙ୍କ ପାଇଁ ଉପଯୋଗୀ। ସାମ୍ପ୍ରତିକ ଭୌତିକବାଦ ବହୁଳ ଶିକ୍ଷା ନୀତି ବିଦ୍ୟାର୍ଥୀମାନଙ୍କୁ ପାଶ୍ଚାତ୍ୟ ଶିକ୍ଷା ଅଭିମୁଖୀ କରିବା ସହିତ ପଥଭ୍ରଷ୍ଟ କରୁଛି। ଆମର ପ୍ରାଚୀନ ପରମ୍ପରା, ସଂସ୍କୃତି, ଐତିହ୍ୟ ଏବଂ ଜ୍ଞାନକୋଷ ସମ୍ପର୍କରେ ଛାତ୍ରୀଛାତ୍ରମାନେ ଅବଗତ ହୋଇପାରୁ ନାହାନ୍ତି। ଶଙ୍କରାଚାର୍ଯ୍ୟଙ୍କ ରଚନାରେ ଆଧ୍ୟାତ୍ମିକ ଭାବ ବହୁମାତ୍ରାରେ ରହିଛି। ତାଙ୍କ ରଚିତ ମୋହ ମୁଦ୍‌ଗରରେ ସଂସାର ପ୍ରତି ମନୁଷ୍ୟର ଯେଉଁ ମୋହ ରହିଛି ତାହା କିପରି ଭଙ୍ଗ ହେବ ଏବଂ ମନୁଷ୍ୟ ଈଶ୍ୱରାଭିମୁଖୀ ହେବ ସେ ସମ୍ପର୍କରେ ସ୍ପଷ୍ଟ ଉଲ୍ଲେଖ ରହିଛି। ଏ ସମ୍ପର୍କରେ ଡ. ଦାଶ ସନ୍ଦର୍ଭ ପାଠ କରିଥିଲେ। ଦିବ୍ୟଜୀବନ ସଂଘର ସ୍ବାମୀ ଶିବ ଚିଦାନନ୍ଦ ସରସ୍ବତୀ ମହାରାଜ ଏବଂ ରାଷ୍ଟ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ପ୍ରଫେସର ଗୌରପ୍ରିୟା ଦାଶ ଆଲୋଚନାରେ ଭାଗନେଇ ମତାମତ ରଖିଥିଲେ। ପଟ୍ଟାଭିଷେକ ମହୋତ୍ସବ ସଞ୍ଚାଳନ ସମିତି ଉପାଧ୍ୟକ୍ଷ ପ୍ରଫେସର ହରେକୃଷ୍ଣ ଶତପଥୀ ଏ ୩ଟି ଯାକ ଅଧିବେଶନରେ ଅଧ୍ୟକ୍ଷତା କରିଥିଲେ।

All Right Reserved By
Karnatak Exit Poll

Model This Week

ସଂଗୀତ

ମେଟ୍ରୋ |

ତିଆରି ଚାଲିଛି ନୂଆ ଦଶାବତାର ଖଟ

ପୁରୀ ଅଫିସ,୨୦ା୫: ଦୋଳବେଦୀ କୋଣ ପରିସରରେ ତିଆରି ଚାଲିଛି ଦଶାବତାର ଖଟ। ମହାରଣା ସେବକ ବସନ୍ତ ମହାରଣାଙ୍କ ତତ୍ତ୍ବାବଧାନରେ କୁମର ମହାରଣା ଏବଂ ଅନନ୍ତ ମହାରଣା ଏହି ଖଟ ତିଆରି କରୁଛନ୍ତି। ୫ ଦିନ ହେବ ତିଆରି ଚାଲିଥିବା ଖଟ ଏବେ ଶେଷ ପର୍ଯ୍ୟାୟରେ ପହଞ୍ଚତ୍ଛି। ବସନ୍ତଙ୍କ ସୂଚନା ମୁତାବକ, ଅଣସର ଘରେ ଏହି ଦଶାବତାର ଖଟ ପଡିଥାଏ। ପ୍ରାୟ ୨୦ ବର୍ଷ ହେବ ତିଆରି ହୋଇଥିବା ପୁରୁଣା ଦଶାବତାର ଖଟ ନଷ୍ଟ ହୋଇଗଲାଣି। ତେଣୁ ନୂଆ ଖଟ ତିଆରି କରାଯାଉଛି। ଫାଶି, ସାହାଜ ଏବଂ ଧଉରା କାଠରେ ନିର୍ମାଣ କରାଯାଉଥିବା ଏହି ଖଟର ଲମ୍ବ ୧୨ ଫୁଟ ଏବଂ ଓସାର ୩ଫୁଟ ରହିଛି।

ଦର୍ପଦଳନ ରଥର ତୁମ୍ବରେ ଫାଟ

ପୁରୀ ଅଫିସ,୨୦ା୫: ରଥଖଳାରେ ଚାଲିଛି ତିନିରଥ ନିର୍ମାଣ। ରଥର ପ୍ରମୁଖ ଅଂଶ କୁହାଯାଉଥିବା ଚକ ନିର୍ମାଣ ଏବେ ଶେଷ ପର୍ଯ୍ୟାୟରେ ପହଞ୍ଚତ୍ଛି। ତିନିରଥ ପାଇଁ ଆବଶ୍ୟକ ମୋଟ ୪୨ ଚକ ମଧ୍ୟରୁ ରବିବାର ସୁଦ୍ଧା ୩୯ ଚକ କାମ ଶେଷ ହୋଇଛି। ତିନିରଥର ଗୋଟିଏ ଲେଖାଏ ଚକ ବାକି ରହିଛି।

ଶ୍ରୀମନ୍ଦିର କାର୍ଯ୍ୟାଳୟରେ ହେବ ଇ-ଅଫିସ ବ୍ୟବସ୍ଥା

ପୁରୀ ଅଫିସ,୨୦ା୫: ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ କାର୍ଯ୍ୟକାରୀ ହେବ ଇ-ଅଫିସ ବ୍ୟବସ୍ଥା। ଏହି ବ୍ୟବସ୍ଥା କାର୍ଯ୍ୟକାରୀ ହେଲେ ୮୦ ପ୍ରତିଶତ ଫାଇଲ କାର୍ଯ୍ୟ କମିଯିବ। ସବୁକିଛି କମ୍ପ୍ୟୁଟର ଓ ଅନ୍‌ଲାଇନ ମାଧ୍ୟମରେ କରାଯିବ।

ନାବାଳିକାଙ୍କୁ ବଳାତ୍କାର : ବାଳ ସୁଧାର ଗୃହ ଗଲେ ଅଭିଯୁକ୍ତ ନାବାଳକ

ଭୁବନେଶ୍ୱର, ୨୦ା୫(ବ୍ୟୁରୋ)- ମଞ୍ଚେଶ୍ୱର ଥାନା ଅଧୀନ ପଦ୍ମକେଶରପୁର ଅଞ୍ଚଳରେ ଜଣେ ନାବାଳିକାଙ୍କୁ ବଳାକତ୍ାର କରିବା ଅଭିଯୋଗରେ ପୋଲିସ ଅଭିଯୁକ୍ତ ନାବାଳକଙ୍କୁ ଧରି ବାଳ ସୁଧାର ଗୃହକୁ ପଠାଇଛି। ସୂଚନା ମୁତାବକ, ଉଭୟ ନାବାଳକ ଓ ନାବାଳିକା ପଦ୍ମକେଶରପୁର ଅଞ୍ଚଳର। ଗତ ଶନିବାର ଦିନ ନାବାଳକ ଜଣକ ତାଙ୍କର ଅନ୍ୟ ଜଣେ ସହଯୋଗୀଙ୍କ ସହ ମିଶି ନାବାଳିକାଙ୍କୁ ସାଙ୍ଗରେ ନେଇ ବୁଲିବାକୁ ଯାଇଥିଲେ। ଏହି ସମୟରେ ଉକ୍ତ ନାବାଳକ ଜଣକ ନାବାଳିକାଙ୍କୁ ବଳାକତ୍ାର କରିଥିଲେ।

କାନ୍‌ସରେ ଯୁବ ଓଡ଼ିଆ ନିର୍ମାତାଙ୍କ କମାଲ

ଭୁବନେଶ୍ୱର, ୨୦ା୫(ବ୍ୟୁରୋ)- ଫିଲ୍ମ ପ୍ରଯୋଜନା ଏବଂ ନିର୍ଦ୍ଦେଶନାରେ ଓଡ଼ିଶାର ପ୍ରତିଭାମାନେ ଗତ କିଛିବର୍ଷ ହେଲା ଅନ୍ତର୍ଜାତୀୟସ୍ତରରେ ଖ୍ୟାତି ଅର୍ଜନ କରୁଛନ୍ତି। ଏହିକ୍ରମରେ ଏବେ ଆଉଜଣେ ଓଡ଼ିଆ ନିର୍ମାତା ତଥା ପ୍ରଯୋଜକଙ୍କ ନାମ ତାଲିକାରେ ଯୋଡିହୋଇଛି। ଓଡ଼ିଶା ଜନ୍ମିତ ଯୁବ ଚଳଚ୍ଚିତ୍ର ନିର୍ମାତା ଜିତେଶ କୁମାର ପରିଡା ଲଗାତାର ୩ୟ ଥର ପାଇଁ କାନ୍‌ସ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ଅଂଶଗ୍ରହଣ କରି ରାଜ୍ୟ ପାଇଁ ଗୌରବ ଆଣିଛନ୍ତି।

ଆଇସିସିଆର୍‌ କାର୍ଯ୍ୟାଳୟ ସ୍ଥାନାନ୍ତର ନିଷ୍ପତ୍ତିରୁ ଓହରିଲା କେନ୍ଦ୍ର

ଭୁବନେଶ୍ୱର, ୨୦ା୫(ବ୍ୟୁରୋ)- କେନ୍ଦ୍ର ସରକାରଙ୍କ ବୈଦେଶିକ ମନ୍ତ୍ରଣାଳୟ ଅଧୀନରେ ଥିବା ଇଣ୍ଡିଆନ କାଉନ୍‌ସିଲ ଫର୍‌ କଲ୍‌ଚରାଲ ରିଲେସନ୍ସ(ଆଇସିସିଆର)ର ଓଡ଼ିଶା ଆଞ୍ଚଳିକ କାର୍ଯ୍ୟାଳୟକୁ ବନ୍ଦ କରାଯିବ ନାହିଁ। ଭୁବନେଶ୍ୱରଠାରେ ଥିବା ଆଇସିସିଆର୍‌ ଓଡ଼ିଶା ଆଞ୍ଚଳିକ କାର୍ଯ୍ୟାଳୟ ପୂର୍ବଭଳି କାର୍ଯ୍ୟ କରିବ। ପାଟନା ଏବଂ ଭୁବନେଶ୍ୱର ଆଇସିସିଆର କାର୍ଯ୍ୟାଳୟକୁ କଲିକତା ସ୍ଥାନାନ୍ତର କରିବା ପ୍ରସଙ୍ଗକୁ ନେଇ ବିଭିନ୍ନ ମହଲରେ ବିରୋଧ କରାଯିବା ପରେ କେନ୍ଦ୍ର ସରକାର ନିଜ ନିଷ୍ପତ୍ତିରୁ ଓହରିବାକୁ ବାଧ୍ୟ ହୋଇଛନ୍ତି। ଆଇସିସିଆରର ଅଧ୍ୟକ୍ଷ ତଥା ଏମ୍‌ପି ବିନୟ ସହସ୍ରବୁଦ୍ଧେ ଭୁବନେଶ୍ୱରସ୍ଥିତ ଆଇସିସିଆର୍‌ କାର୍ଯ୍ୟାଳୟକୁ ସ୍ଥାନାନ୍ତର କରିବା ପାଇଁ କୌଣସି ନିଷ୍ପତ୍ତି ହୋଇ ନ ଥିବା କହିଛନ୍ତି।

ଠିକାଦାରଙ୍କୁ ମରଣାନ୍ତକ ଆକ୍ରମଣ, ଅଭିଯୁକ୍ତ ଗିରଫ

ଭୁବନେଶ୍ୱର, ୨୦ା୫(ବ୍ୟୁରୋ)- ଜଣେ ଠିକାଦାରଙ୍କୁ ମରଣାନ୍ତକ ଆକ୍ରମଣ ଘଟଣାରେ ମଞ୍ଚେଶ୍ୱର ପୋଲିସ ଅଭିଯୁକ୍ତ ମୁଣ୍ଡା ବସ୍ତି ଅଞ୍ଚଳର ଦାଶରଥି ଟୁଡୁ(୨୫)ଙ୍କୁ ଗିରଫ କରିଛି। ଗାଡ଼କଣ ଅଞ୍ଚଳରେ ରହୁଥିବା ଠିକାଦାର ଗୋବିନ୍ଦ ପାତ୍ର ଶନିବାର ସନ୍ଧ୍ୟା ବେଳେ ଶ୍ରମିକଙ୍କୁ ମଜୁରୀ ଦେବା ଲାଗି ଲାଇନ ବସ୍ତିକୁ ଯାଇଥିଲେ। ଏହି ସମୟରେ ମଜୁରୀକୁ ନେଇ ଦାଶରଥି ଓ ଗୋବିନ୍ଦଙ୍କ ମଧ୍ୟରେ ଯୁକ୍ତିତର୍କ ହୋଇ ବଚସା ଆରମ୍ଭ ହୋଇଥିଲା।

ଲାପ୍‌ଟପ୍‌ ଚୋରି: ଜଣେ ଗିରଫ

ଭୁବନେଶ୍ୱର, ୨୦ା୫(ବ୍ୟୁାରୋ)- ଲାପ୍‌ଟପ୍‌ ଚୋରି କରିବା ଅଭିଯୋଗରେ ଶହୀଦନଗର ପୋଲିସ ରବିବାର ମୃତ୍ୟୁଞ୍ଜୟ ରଥ(୩୧) ନାମକ ଅଭିଯୁକ୍ତଙ୍କୁ ଗିରଫ କରିଛି। ମୃତ୍ୟୁଞ୍ଜୟଙ୍କ ଘର ରାଉରକେଲା। ସେ ଶହୀଦନଗର ଅଞ୍ଚଳରେ ରୁହନ୍ତି।

ଆଧ୍ୟାତ୍ମିକତା ହିଁ ସେବାରେ ସଫଳତା ଦିଏ

ଭୁବନେଶ୍ୱର, ୨୦।୫(ବ୍ୟୁରୋ)- ରୋଟାରୀ ଇଣ୍ଟରନ୍ୟାଶନାଲ୍‌ ୩୨୬୨ ତରଫରୁ ରବିବାର କିମ୍‌ସ ଅଡିଟୋରିୟମଠାରେ ‘ଆଧ୍ୟାତ୍ମିକତା ହିଁ ସେବାରେ ସଫଳତାର ଉତ୍ସ’ ଶୀର୍ଷକ ବିଶେଷ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ କିଟ୍‌ ଓ କିସ୍‌ର ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ମୁଖ୍ୟଅତିଥି ଭାବେ ଯୋଗଦେଇ ନିଜ ଜୀବନରେ ଆଧ୍ୟାତ୍ମିକତାକୁ ପାଥେୟ କରି କିପରି ମାନବ ସେବାରେ ଅଗ୍ରଗତି କରିଚାଲିଛନ୍ତି ତା’ର ଅନୁଭବ ନିଜ ବକ୍ତବ୍ୟରେ ପରିପ୍ରକାଶ କରିଥିଲେ। ଦିଲ୍ଲୀସ୍ଥିତ ଗୁରୁଗ୍ରାମର ବ୍ରହ୍ମାକୁମାରୀସ୍‌ ଓମ୍‌ ଶାନ୍ତି ରିଟ୍ରିଟ୍‌ ସେଣ୍ଟରର ନିର୍ଦ୍ଦେଶିକା ରାଜଯୋଗିନୀ ବ୍ରହ୍ମାକୁମାରୀ ଆଶାଦିଦି ମୁଖ୍ୟବକ୍ତା ଭାବେ ଯୋଗଦେଇ ତାଙ୍କ ବକ୍ତବ୍ୟରେ ସେବାର ପ୍ରକୃତ ଭାବାର୍ଥକୁ ବୁଝାଇଥିଲେ।

ପିଏଚ୍‌ଡି ଛାତ୍ରୀଛାତ୍ରଙ୍କ ଫାଇଲ୍‌ ଉଭାନ : ଥେସିସ ପେପର ଦାଖଲ କରିପାରୁନାହାନ୍ତି ଛାତ୍ରୀଛାତ୍ର

ପିଏଚ୍‌ଡି ଛାତ୍ରୀଛାତ୍ରଙ୍କ ଫାଇଲ୍‌ ଉଭାନ : ଥେସିସ ପେପର ଦାଖଲ କରିପାରୁନାହାନ୍ତି ଛାତ୍ରୀଛାତ୍ର

ଭୁବନେଶ୍ୱର, ୨୦ା୫(ବ୍ୟୁରୋ)- ଉତ୍କଳ ବିଶ୍ୱବିଦ୍ୟାଳୟରେ ପିଏଚ୍‌ଡି ଛାତ୍ରୀଛାତ୍ରଙ୍କ ଫାଇଲ୍‌ ମିଳୁନି। ଫାଇଲରେ ଛାତ୍ରୀଛାତ୍ରଙ୍କ ପଞ୍ଜୀକରଣଠାରୁ ଆରମ୍ଭ କରି ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଥିବାବେଳେ ତାହା ମିଳୁ ନ ଥିବାରୁ ଛାତ୍ରୀଛାତ୍ରମାନେ ଚିନ୍ତାରେ ପଡ଼ିଛନ୍ତି। ଏହାଦ୍ୱାରା ଅନେକ ଛାତ୍ରୀଛାତ୍ର ପିଏଚ୍‌ଡି ଥେସିସ୍‌ ଦାଖଲ କରିପାରୁନାହାନ୍ତି। ଏ ସମ୍ପର୍କରେ ବିଶ୍ୱବିଦ୍ୟାଳୟ ତରଫରୁ କୌଣସି ପଦକ୍ଷେପ ନିଆଯାଉ ନ ଯିବାରୁ କେତେଜଣ ଛାତ୍ରୀଛାତ୍ର ରାଜ୍ୟପାଳଙ୍କ ନିକଟରେ ଅଭିଯୋଗ ଜଣାଇଛନ୍ତି।

ଜଟଣୀ ସାହିତ୍ୟ ସଂସଦର ୪୩ତମ ବାର୍ଷିକ ଉତ୍ସବ

ଜଟଣୀ ସାହିତ୍ୟ ସଂସଦର ୪୩ତମ ବାର୍ଷିକ ଉତ୍ସବ

ଜଟଣୀ,୨୦।୫(ଡି.ଏନ୍‌.ଏ.):ଜଟଣୀ ସାହିତ୍ୟ ସଂସଦର ୪୩ ତମ ବାର୍ଷିକ ଉତ୍ସବ ରବିବାର ପାଳିତ ହୋଇଯାଇଛି। ସଂସଦର ସଭାନେତ୍ରୀ ଗୀତାରାଣୀ ରଥଙ୍କ ପୌରୋହିତ୍ୟରେ ଅନୁଷ୍ଠିତ ଏହି ଉତ୍ସବରେ ସାହିତି୍ୟକ ଅଭୟ ବାରିକ, ପ୍ରଦୀପ ପଟ୍ଟନାୟକ ଅତିଥି ଭାବେ ଯୋଗଦେଇଥିଲେ।

ରାଜ୍ୟ ସରକାରଙ୍କ ବିରୋଧରେ ଆସିବ ମହାଭିଯୋଗ ଦସ୍ତାବିଜ୍‌: ଧର୍ମେନ୍ଦ୍ର

ରାଜ୍ୟ ସରକାରଙ୍କ ବିରୋଧରେ ଆସିବ ମହାଭିଯୋଗ ଦସ୍ତାବିଜ୍‌: ଧର୍ମେନ୍ଦ୍ର

ଭୁବନେଶ୍ୱର,୨୦।୫(ବ୍ୟୁରୋ): ଭାଜପାର କାର୍ଯ୍ୟକାରିଣୀ ବୈଠକ ଶେଷରେ ରବିବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି, ରାଜ୍ୟ ସରକାରଙ୍କ ବିରୋଧରେ ମହାଭିଯୋଗ ଦସ୍ତାବିଜ୍‌ ଅଣାଯିବାକୁ ନିଷ୍ପତ୍ତି ନିଆଯାଇଛି। ରାଜ୍ୟ ସରକାରଙ୍କ ୧୮ ବର୍ଷର ୩୬ଟି ମହାଦୁର୍ନୀତି ସମ୍ବଳିତ ଦସ୍ତାବିଜ ଅଣାଯିବ।