Dharitri News
ଉପକୂଳ ଓଡିଶା

ଚାଲିଛି ବେଆଇନ ଖାଦାନ, ପ୍ରଶାସନ ନୀରବ

ଚାଲିଛି ବେଆଇନ ଖାଦାନ, ପ୍ରଶାସନ ନୀରବ ଚଣ୍ଡିଖୋଲ,୯।୨(ଡି.ଏନ୍‌.ଏ.)- ଦିନକୁ ଦିନ ପଥର ମାଫିଆମାନେ ସକ୍ରିୟ ହୋଇ ଉଠୁଛନ୍ତି । ରାଜନେତା ଓ ପ୍ରଶାସନିକ ଅଧିକାରୀଙ୍କ ଜ୍ଞାତ ସାରରେ ବେଆଇନ ଖାଦାନ ଚାଲୁଥିବା ନେଇ ଜିଲାରେ ଚର୍ଚ୍ଚା ଲାଗିରହିଛି। ଏପରିକି ମାଫିଆମାନେ ବିଭିନ୍ନ ସ୍ଥାନରେ ପ୍ରଶାସନିକ ଅଧିକାରୀଙ୍କୁ ହତ୍ୟା କରିବାକୁ ପଛାଉ ନ ଥିବା ଘଟଣା ମଧ୍ୟ ସାମ୍ନାକୁ ଆସୁଛି। ଗତ କିଛି ଦିନ ତଳେ ଯାଜପୁର ଆରଟିଓଙ୍କୁ ଗାଡି ଚଢାଇ ମାରିଦେବା ଓ ତିନିମାସ ତଳେ ଚଣ୍ଡିଖୋଲ ଆରଟିଓ କର୍ମଚାରୀଙ୍କୁ ରଥିଆଠାରେ ମାଡ ମାରିବା ଘଟଣା ଚର୍ଚ୍ଚାର ବିଷୟ ପାଲଟିଛି । ଦର୍ପଣ ତହସିଲ ଅଧୀନରେ କୌଣସି ସ୍ଥାନରେ ମାଙ୍କଡା ଖାଦାନ ଲିଜ୍‌ ଦିଆଯାଇ ନ ଥିବାବେଳେ ମାଫିଆମାନେ ସରକାରୀ ଓ ଜଙ୍ଗଲ ଜମିରୁ ବେଆଇନ ମାଙ୍କଡା ଖାଦାନ ଚାଲିଛି। ଦୈନିକ ଶହ ଶହ ଟ୍ରିପ୍‌ ମାଙ୍କଡା ବାହାରକୁ ଚୋରା ଚାଲାଣ କରାଯାଉଛି। ପ୍ରଶାସନିକ ଅଧିକାରୀମାନେ ସବୁ ଜାଣି ନୀରବତା ଅବଲମ୍ବନ କରିବା ନେଇ ସାଧାରଣରେ ସନ୍ଦେହ ସୃଷ୍ଟି ହୋଇଛି । ଏହି ତହସିଲର ବୈରୀ, ସମିଆ, ଦର୍ପଣୀ ରାଜସ୍ବ ନିରୀକ୍ଷକ କାର୍ଯ୍ୟାଳୟ ଅଧୀନ ଭାଲୁ ଖାଇ, ପାରିଆ, ଚାରିଗୋଛିଆ, ବଡଶିଳା,ସାତମାଣ, ବନ୍ଧପଲ୍ଲି, କୋହ୍ଲା, ଗୋପାଳପୁର, ଗୁଣ୍ଡୁରାପଶି, ଯୋରାବାଟି, କୋଲସାହି ଅଞ୍ଚଳରେ ଦୈନିକ ପାୱାର ଟିଲର ଓ ଜେସିବି ମେଶିନ୍‌ ସହାୟତାରେ ଦୁଇ ଶହରୁ ଅଧିକ ଟ୍ରକ ଯୋଗେ ଚୋରା ମାଙ୍କଡା ବିଭିନ୍ନ ଅଞ୍ଚଳକୁ ଚାଲାଣ କରାଯାଉଛି। ଏହି ଖାଦାନ ଗୁଡିକରେ ଦିନ ଓ ରାତିରେ ମାଙ୍କଡା କଟାଯାଉଥିଲାବେଳେ ଦୈନିକ ରାତି ୮ ଟା ପରେ ଟ୍ରକ୍‌ ଯୋଗେ ଚାଲାଣ କରାଯାଉଅଛି । ପୋଲିସ ପକ୍ଷରୁ ୨ ରୁ୩ ଟି ଗାଡିକୁ ଧରାଯାଇ ଦର୍ପଣ ତହସିଲଦାରଙ୍କୁ ହସ୍ତାନ୍ତର କରାଯାଉଛିା କଳାପଥର ବୋଝେଇ ଟ୍ରକ୍‌କୁ ଧରୁଥିବାବେଳେ ଅଦ୍ୟାବଧି କୌଣସି ମାଙ୍କଡା ଖାଦାନ ଉପରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ । ଏହି ଖାଦାନ ଚଳାଉଥିବା ମାଫିଆଙ୍କୁ ପ୍ରଶାସନ ଜାଣିଥିଲେ ମଧ୍ୟ ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବା ଜଣାପଡ଼ିଛି। ଚୋରା ବ୍ୟବସାୟୀଙ୍କ ଏଭଳି ଅବାଧ କାରବାରକୁ ନେଇ କିଛି ବଡ଼ ବଡ଼ ଅଧିକାରୀ ମଧ୍ୟ ଏଥିରେ ସାମିଲ ଥିବା ଜଣାପଡ଼ିଛି । ଯାହାଦ୍ୱାରା ସରକାରଙ୍କ କୋଟି କୋଟି ଟଙ୍କା ରାଜସ୍ବ ହାନି ହେଉଛି । ଏହି ଚୋରା ମାଙ୍କଡାକୁ ନେଇ ବାରମ୍ବାର ଆନ୍ଦୋଳନ କରାଯିବା ସତ୍ତ୍ୱେ ପ୍ରଶାସନ ନୀରବ ସାଜି ପରୋକ୍ଷରେ ଚୋରା ବ୍ୟବସାୟୀଙ୍କୁ ପ୍ରୋତ୍ସାହନ ଦେଉଥିବା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। କିଛିଦିନ ବନ୍ଦ ହେବା ପରେ ପୁନର୍ବାର ମାଙ୍କଡା ଖାଦାନ ଗୁଡିକ ଚାଲୁ ରହୁଛି । ଏ ସମ୍ପର୍କରେ ଦର୍ପଣ ତହସିଲଦାର ଅଶୋକ କୁମାର ଦାସଙ୍କୁ ପଚାରିବାରେ ଚଢାଉ କରାଯାଉଛି। କେତେବେଳେ ଖସି ଯାଉଛନ୍ତି ତ ଅନ୍ୟକେତେବେଳେ ସେମାନେ ଧରାପଡୁଛନ୍ତି ବୋଲି କହିଛନ୍ତି।

ଉପକୂଳ ଓଡିଶା

‘ଜଗାବଳିଆ’ ବସ୍‌ରେ ଅଗ୍ନିକାଣ୍ଡ, ଜଣେ ଗୁରୁତର

‘ଜଗାବଳିଆ’ ବସ୍‌ରେ ଅଗ୍ନିକାଣ୍ଡ, ଜଣେ ଗୁରୁତର

ଧର୍ମଶାଳା,୨୦।୨(ଡି.ଏନ୍‌.ଏ.): ଧର୍ମଶାଳା ଥାନା ଅନ୍ତର୍ଗତ ଜାରକା ବସ୍‌ଷ୍ଟାଣ୍ଡ ନିକଟରେ ମଙ୍ଗଳବାର ଜଗାବଳିଆ ନାମକ ବସ୍‌ରେ ଅଗ୍ନିକାଣ୍ଡ ଘଟିଛି। ଏଥିରେ ଜଣେ ଯାତ୍ରୀ ଗୁରୁତର ହୋଇଛନ୍ତି।

କ୍ୟାରିୟର କାଉନସିଲିଂ ସିବିର ଅନୁଷ୍ଠିତ

ରାଜନଗର, ୨୦।୨(ଡି.ଏନ୍‌.ଏ): କେନ୍ଦ୍ରାପଡ଼ା ଜିଲା ରାଜନଗର ବ୍ଲକର ସର୍ବ ପୁରାତନ ସରକାରୀ ରାଜନଗର ଉଚ୍ଚ ବିଦ୍ୟାଳୟରେ ମଙ୍ଗଳବାର କ୍ୟାରିୟର କାଉନସିଲିଂ ସିବିର ଅନୁଷ୍ଠିତ ହୋଇଯାଇଛି।

ଜଳିଗଲା ଭାଗଚାଷୀଙ୍କ ଧାନଗଦା

ଜଳିଗଲା ଭାଗଚାଷୀଙ୍କ ଧାନଗଦା

ମହାକାଳପଡ଼ା, ୨୦।୨(ଡି.ଏନ.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ବଉଳକଣି ପଞ୍ଚାୟତର ଖ୍ରୀଷ୍ଟିୟାନପଡା ଗ୍ରାମରେ ଅଗ୍ନିକାଣ୍ଡ ଘଟି ଜଣେ ଭାଗଚାଷୀଙ୍କ ଧାନ ଗଦା ପୋଡି ପାଉଁଶ ହୋଇଯାଇଛି।

ବେଆଇନ୍‌ କ୍ଲିନିକ, ନର୍ସିଂହୋମକୁ ଲଗାମ ନାହିଁ

ଜଗତ୍‌ସିଂହପୁର ଅଫିସ,୧୯।୨: ସମସ୍ତ ଆଇନ ଓ ସରକାରୀ କଟକଣା ସତ୍ତ୍ୱେ ଜଗତ୍‌ସିଂହପୁର ଜିଲାରେ ବେଆଇନ୍‌ ଭାବେ ଏକାଧିକ ନର୍ସିଂହୋମ୍‌ ଓ କ୍ଲିନିକ୍‌ ଚାଲିଛି। ଏପରି କି ଏସବୁ କ୍ଲିନିକ୍‌ ଓ ନର୍ସିଂହୋମରେ ବେଆଇନ୍‌ ଗର୍ଭପାତ କରାଯାଉଥିବା ମଧ୍ୟ ସ୍ପଷ୍ଟ ହୋଇଛି।

ସୂର୍ଯ୍ୟାସ୍ତରେ ସେବାରୁ ବିରତି ନେବ ‘ବଜ୍ରା’

ସୂର୍ଯ୍ୟାସ୍ତରେ ସେବାରୁ ବିରତି ନେବ ‘ବଜ୍ରା’

ପାରାଦୀପ,୧୯।୨(ସ୍ବ.ପ୍ର.): ଇଣ୍ଡିଆନ କୋଷ୍ଟ ଗାର୍ଡ ସିପ୍‌ (ଆଇସିଜିଏସ୍‌) ବଜ୍ରା ମଙ୍ଗଳବାର ସୂର୍ଯ୍ୟାସ୍ତରେ ସବୁଦିନ ପାଇଁ ସେବାରୁ ବିରତି ନେବ। ଏଥିପାଇଁ କୋଷ୍ଟଗାର୍ଡ ପକ୍ଷରୁ ପାରାଦୀପ ବନ୍ଦରରେ ବ୍ୟାପକ ଆୟୋଜନ କରାଯାଇଛି। ପୂର୍ବାଞ୍ଚଳ ଆଇଜି କେ.ଏସ୍‌. ସୈରାନ ଏହି ଅବସରରେ ମୁଖ୍ୟ ଅତିଥି ଭାବେ ଯୋଗଦେଇ ପ୍ରତୀରକ୍ଷା ନିୟମାନୁସାରେ ଏ ସମ୍ପର୍କରେ ଘୋଷଣା କରିବେ।

ଓଏମ୍‌ସି ଇଟିପି ନିମ୍ନମାନର: ପାଣିରେ ପଡ଼ିଲା ୫୦ କୋଟି ଟଙ୍କା

ଓଏମ୍‌ସି ଇଟିପି ନିମ୍ନମାନର: ପାଣିରେ ପଡ଼ିଲା ୫୦ କୋଟି ଟଙ୍କା

ସୁକିନ୍ଦା,୧୯।୨(ଡି.ଏନ.ଏ.)- କାଳିଆପାଣି ପଞ୍ଚାୟତବାସୀଙ୍କ ଜୀବନରେଖା କୁହାଯାଉଥିବା ଡମଶାଳ ନାଳ ପାଣି ଏବେ ଦୂଷିତ ହୋଇଚାଲିଛି। ଓଡ଼ିଶା ଖଣି ନିଗମ(ଓଏମ୍‌ସି) କ୍ରୋମ ଖଣିର ବର୍ଜ୍ୟଜଳକୁ ସିଧା ସଳଖ ଡମଶାଳ ନାଳକୁ ଛାଡ଼ୁଛି। ଯଦ୍ଦ୍ବାରା ଉକ୍ତ ଜଳକୁ ବ୍ୟବହାର କରି ହଜାର ହଜାର ଜନସାଧାରଣ ବିଭିନ୍ନ ଦୂରାରୋଗ୍ୟରେ ପୀଡ଼ିତ ହେଉଥିବା ଦେଖିବାକୁ ମିଳୁଛି।

ଦିନ ଦ୍ୱିପ୍ରହରରେ ଗୁଳିମାରି ଲୁଟ୍‌

ଦିନ ଦ୍ୱିପ୍ରହରରେ ଗୁଳିମାରି ଲୁଟ୍‌

ଚଣ୍ଡିଖୋଲ,୧୯।୨(ଡି.ଏନ୍‌.ଏ.)- ଯାଜପୁର ଜିଲା ବୈରୀ ଥାନା ଅନ୍ତର୍ଗତ ଦର୍ପଣ-କଳକଳା ପୁର୍ତ୍ତ ବିଭାଗ ରାସ୍ତାର ତିଳପଦା ନିକଟରେ ସୋମବାର ମୋଟରସାଇକେଲରେ ଯାଉଥିବା ଏକ ଦମ୍ପତିଙ୍କୁ ଦିନଦ୍ୱିପ୍ରହରରେ ଗୁଳି ମାଡ଼କରି ୨ଜଣ ଦୁର୍ବୃତ୍ତ ସୁନା ଚେନ୍‌, କାନଫୁଲ, ମୋବାଇଲ ଓ ପର୍ସ ଲୁଟି ଫେରାର ହୋଇଯାଇଛନ୍ତି। ଗୁଳି ମାଡ଼ରେ କୁଆଖିଆ ଥାନା ଅନ୍ତର୍ଗତ ଯୋକଡିଆ ପଞ୍ଚାୟତ ଭଣ୍ଡାରୀପଡ଼ା ଗ୍ରାମର ହୃଦାନନ୍ଦ କବିଙ୍କ ପୁଅ ପ୍ରଦୀପ୍ତ ଗୁରୁତର ଆହତ ହୋଇ କଟକ ବଡ଼ ମେଡିକାଲରେ ଚିକିତ୍ସାଧିନ ଅଛନ୍ତି।

ଗୋବରଘାଟି ଆଶ୍ରମ ସ୍କୁଲରେ ସିଆଇଏସ୍‌ଏଫ୍‌ର ଉନ୍ମତ୍ତ କାଣ୍ଡ: ହଷ୍ଟେଲରେ ପଶି ଆଦିବାସୀ ଛାତ୍ରଙ୍କୁ ମାଡ଼

ଗୋବରଘାଟି ଆଶ୍ରମ ସ୍କୁଲରେ ସିଆଇଏସ୍‌ଏଫ୍‌ର ଉନ୍ମତ୍ତ କାଣ୍ଡ: ହଷ୍ଟେଲରେ ପଶି ଆଦିବାସୀ ଛାତ୍ରଙ୍କୁ ମାଡ଼

ଯାଜପୁର ଅଫିସ/କଳିଙ୍ଗନଗର/ଡୁବରୀ(ଡି.ଏନ୍‌.ଏ.),୧୯।୨- ଯାଜପୁର ଜିଲା କଳିଙ୍ଗନଗର ଟାଟା ଷ୍ଟିଲ୍‌ରେ ନିୟୋଜିତ କେନ୍ଦ୍ରୀୟ ଶିଳ୍ପ ନିରାପତ୍ତା ବାହିନୀ(ସିଆଇଏସ୍‌ଏଫ୍‌)ର ପ୍ରାୟ ୩୦ଜଣ ସୁରକ୍ଷା କର୍ମୀ ରବିବାର ରାତିରେ ଗୋବରଘାଟି ସରକାରୀ ଆବାସିକ ହାଇସ୍କୁଲ ହଷ୍ଟେଲରେ ବଳପୂର୍ବକ ପଶି ୩୩ଜଣ ଛାତ୍ରଙ୍କୁ ମାଡ଼ ମାରି ଆହତ କରିଛନ୍ତି। ସୁରକ୍ଷା କର୍ମୀଙ୍କ ଏଭଳି ଉନ୍ମତ୍ତ କାଣ୍ଡରେ ୩ଜଣ ଶିକ୍ଷକ ମଧ୍ୟ ଆହତ ହୋଇଛନ୍ତି।

ଦୁର୍ବୃତ୍ତଙ୍କ ଗୁଳିମାଡ଼ରେ ଜଣେ ଗୁରୁତର

ଦୁର୍ବୃତ୍ତଙ୍କ ଗୁଳିମାଡ଼ରେ ଜଣେ ଗୁରୁତର

ଚଣ୍ଡିଖୋଲ, ୧୯।୨(ଡି.ଏନ୍‌.ଏ): ଯାଜପୁର ଜିଲା ବୈରୀ ଥାନା ଫାଳପଡ଼ା ପଞ୍ଚାୟତ ତିଳପଦା ଗାଁ ନିକଟରେ ସୋମବାର ଅପରାହ୍ନ ସାଢେ ୨ଟାରେ ଦୁର୍ବୃତ୍ତଙ୍କ ଗୁଳିମାଡ଼ରେ ଜଣେ ଗୁରୁତର ଆହତ ହୋଇଛନ୍ତି। ସେ ହେଲେ କୁଆଖିଆ ଥାନା ଅନ୍ତର୍ଗତ ଭଣ୍ଡାରିପଡା ଗ୍ରାମର ପ୍ରଦୀପ କବି।

ଜନଶୁଣାଣୀ ଶିବିର ଅନୁଷ୍ଠିତ

ରାଜନଗର, ୧୯।୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ପରିସରରେ ଜିଲାପାଳ ରଘୁଜୀଙ୍କ ଅଧ୍ୟକ୍ଷତାରେ ସୋମବାର ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ରାସନ କାର୍ଡରୁ ବଞ୍ଚିତ, ଇନ୍ଦିରା ଆବାସ, ବିଜୁ ପକ୍କାଗୃହ, ପରିତ୍ୟକ୍ତ କେନାଲ ପୁନରୁଦ୍ଧାର, ପାନୀୟ ଜଳ, ଲୁଣା ଘେରିବନ୍ଧ ମରାମତି ପ୍ରଭୃତି ଅଭିଯୋଗର ଶୁଣାଣି ହୋଇଥିଲା।

୪୦ ମତ୍ସ୍ୟଜୀବୀ ଗିରଫ, ୫ ଟ୍ରଲର ଜବତ

ରାଜନଗର, ୧୯।୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଗହୀରମଥା ସାମୁଦ୍ରିକ ନିଷିଦ୍ଧାଞ୍ଚଳରେ ବେଆଇଭାବେ ମାଛ ଧରୁଥିବା ବାଲେଶ୍ୱର ଓ ପାରାଦୀପ ଅଞ୍ଚଳର ୪୦ ମତ୍ସଜୀବୀଙ୍କୁ ରାଜନଗର ବନ ବିଭାଗ କର୍ମଚାରୀ ରବିବାର ବିଳମ୍ବିତ ରାତିରେ ଗିରଫ କରିଛି।

ଛାତ୍ର, ଶିକ୍ଷକଙ୍କୁ ପିଟିଲେ ସିଆଇଏସ୍‌ଏଫ୍‌ କର୍ମଚାରୀ: ରାସ୍ତା ଅବରୋଧ କଲେ ଛାତ୍ର

ଛାତ୍ର, ଶିକ୍ଷକଙ୍କୁ ପିଟିଲେ ସିଆଇଏସ୍‌ଏଫ୍‌ କର୍ମଚାରୀ: ରାସ୍ତା ଅବରୋଧ କଲେ ଛାତ୍ର

ଯାଜପୁର ଅଫିସ,୧୯।୨: କଳିଙ୍ଗନଗର ଗୋବରଘାଟି ଆଦିବାସୀ ଛାତ୍ରାବାସରେ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ(ସିଆଇଏସ୍‌ଏଫ୍‌) କର୍ମଚାରୀମାନେ ରବିବାର ବିଳମ୍ବିତ ରାତିରେ ଏକ ଅମାନବୀୟ କାଣ୍ଡ ଘଟାଇଛନ୍ତି। ସାମାନ୍ୟ ଘଟଣାକୁ ନେଇ ୫୦ ସିଆଇଏସ୍‌ଏଫ୍‌ କର୍ମଚାରୀ ଉକ୍ତ ଛାତ୍ରାବାସର ୩୦ ଛାତ୍ରଙ୍କ ସମେତ ଶିକ୍ଷକଙ୍କୁ ମାଡ଼ ମାରିଛନ୍ତି।