ଉପକୂଳ ଓଡିଶା

ତଦନ୍ତକୁ କରାଯାଉଛି ବାଟବଣା

ଯାଜପୁର ଅଫିସ,୯।୨ ଯାଜପୁର ଜିଲା ବିଞ୍ଝାରପୁର ବ୍ଲକରେ ଗ୍ରାମୀଣ ଆବାସ ଯୋଜନାରେ ଦୁର୍ନୀତି ସୀମା ଲଂଘିଛି । କେତେକ ଲୋକ ପ୍ରତିନିଧିଙ୍କ ଇଙ୍ଗିତରେ ଲକ୍ଷପତି ଓ କୋଟିପତିମାନେ ଗରିବଙ୍କ ପାଇଁ ଉଦ୍ଦିଷ୍ଟ ପ୍ରଧାନମନ୍ତ୍ରୀ ଆବାସ, ମୋ କୁଡ଼ିଆ ଓ ବିଜୁ ପକ୍କା ଘର ହାତେଇଛନ୍ତି। ଏନେଇ ଧରିତ୍ରୀରେ ଖବର ପ୍ରକାଶ ପାଇବାପରେ ଜିଲା ପ୍ରଶାସନ ପକ୍ଷରୁ ତଦନ୍ତ ନିର୍ଦ୍ଦେଶ ହୋଇଛି। ହେଲେ ଦୁର୍ନୀତିରେ ସମ୍ପୃକ୍ତ ଅଧିକାରୀ ଅଭିଯୋଗର ତଦନ୍ତ କରୁଥିବାରୁ ଏହା ବାଟବଣା ହେବା ନିଶ୍ଚିତ ବୋଲି ମତପ୍ରକାଶ ପାଇଛି। ସୂଚନାଯୋଗ୍ୟ ଯେ, ବିଞ୍ଝାରପୁର ବ୍ଲକରେ ଗାଇଡ ଲାଇନକୁ ଊଲଙ୍ଘନ କରି କୋଟିପତି ହିତାଧିକାରୀଙ୍କୁ ବିଜୁ ପକ୍କା ଘର ଓ ପ୍ରଧାନମନ୍ତ୍ରୀ ଆବାସ ଯୋଜନା ଦିଆଯାଇଥିଲା। ତେବେ ବ୍ଲକ ପ୍ରଶାସନ ତଦନ୍ତ ଆରମ୍ଭରୁ ନିଜ ଦୋଷକୁ ଘଣ୍ଟ ଘୋଡ଼ାଇବାକୁ ଯାଇ ବିଚିତ୍ର ଢଙ୍ଗରେ ତଦନ୍ତ ଆରମ୍ଭ କରିଛି। କଲ୍ୟାଣପୁର ପଞ୍ଚାୟତର ବିରେନ ଦାସଙ୍କ ପନତ୍ୀ ସୀମା ଦାସଙ୍କୁ ଗତ ୨୦୧୭-୧୮ରେ ପ୍ରଶାସନ ପକ୍ଷରୁ ସରକାରଙ୍କ ସମସ୍ତ ଗାଇଡ ଲାଇନ ଊଲଙ୍ଘନ କରି ବିଜୁ ପକ୍କାଘର ଦିଆଯାଇଥିଲା। ସୀମାଙ୍କ ପରିବାର ମାଲିକାନାରେ ରୁଦ୍ରପୁର ମୌଜାରେ ଏକ ଅଟ୍ଟାଳିକା ସହ ଏବେ ଏକ ୩ମହଲା ବିଶିଷ୍ଟ ମାର୍କେଟ କମ୍ପ୍ଲେକ୍ସ ନିର୍ମାଣଧିନ ଅବସ୍ଥାରେ ରହିଥିବା ଦେଖାଯାଇଛି। ଏଭଳି କୋଟିପତି ହିତାଧିକାରୀଙ୍କୁ ପ୍ରଶାସନ କିପରି ଗରିବଙ୍କ ପାଇଁ ଉଦ୍ଦିଷ୍ଟ ବିଜୁ ପକ୍କାଘର ଦେଲା ତାହାକୁ ନେଇ ସମଗ୍ର ରାଜ୍ୟରେ ଚର୍ଚ୍ଚା ସୃଷ୍ଟି ହୋଇଛି। ତେବେ ଏସମ୍ପର୍କରେ ଧରିତ୍ରୀରେ ଖବର ପ୍ରକାଶ ପାଇବା ପରେ ପ୍ରଶାସନ ପକ୍ଷରୁ ଶୁକ୍ରବାର କନିଷ୍ଠଯନ୍ତ୍ରୀ ଓ ଭିଏଲଡବ୍ଲ୍ୟୁ ତଦନ୍ତ କରିବାକୁ ଯାଇଥିଲେ। ତେବେ ତଦନ୍ତ ସମୟରେ ଭିଏଲ୍‌ଡବ୍ଲ୍ୟୁ ସୀମା ଦାସଙ୍କ କୋଠାଘରକୁ ନ ଯାଇ ତାଙ୍କ ପୁରୁଣା ବାସଭବନକୁ ଦେଖି ଫଟୋ ଉଠାଇ ଫେରି ଆସିଥିଲେ। ସୂଚନାଯୋଗ୍ୟ ଯେ, ସୀମା ଦାସଙ୍କ ସ୍ବାମୀ ବିରେନ ଦାସଙ୍କ ପ୍ରକୃତ ଘର କଲ୍ୟାଣପୁର ପଞ୍ଚାୟତର ସମଲପୁର ଗ୍ରାମରେ। ୧୦ବର୍ଷ ପୂର୍ବେ କଲ୍ୟାଣପୁର ପଞ୍ଚାୟତର ରୁଦ୍ରପୁର ମୌଜାରେ ୨ମହଲା ବିଶିଷ୍ଟ ଅଟ୍ଟାଳିକା ନିର୍ମାଣ କରି ସେଠାରେ ବସବାସ କରୁଛନ୍ତି। ତେବେ ପ୍ରଶାସନ ନିଜ ଦୋଷକୁ ଘୋଡ଼ାଇବାକୁ ସୀମା ଦାସଙ୍କ ପୁରୁଣା ଘରକୁ ଯାଇ ତଦନ୍ତ କରିଥିବା ଜଣା ପଡ଼ିଛି। ଗ୍ରାମୀଣ ଆବାସ ଯୋଜନାରେ ଏହା ଏକ ଉଦାହରଣ ମାତ୍ର। ବିଞ୍ଝାରପୁର ବ୍ଲକର ଘଣ୍ଟିଆଳ, କପିଳା ଆଦି ପଞ୍ଚାୟତରେ ହଜାର ହଜାର ଅଯୋଗ୍ୟ ହିତାଧିକାରୀଙ୍କୁ ଏହି ଯୋଜନାରେ ସାମିଲ କରାଯାଇଛି। ଏଥିରେ ସରକାରୀ କର୍ମଚାରୀ, କାର ଓ ବାଇକ ରଖିଥିବା ହିତାଧିକାରୀ, ୨୦ଏକରରୁ ଊର୍ଦ୍ଧ୍ୱ ଜମିର ମାଲିକ, ଠିକାଦାର, ଲୋକପ୍ରତିନିଧି ପ୍ରମୁଖଙ୍କୁ ସାମିଲ କରାଯାଇଛି। ରାଜନୈତିକ ଶକ୍ତି ବଳରେ ଗରିବ ଲୋକଙ୍କୁ ବାସଗୃହ ନ ମିଳି ଧନୀ ଶ୍ରେଣୀର ଲୋକଙ୍କୁ ଯୋଜନାରେ ସାମିଲ କରାଯାଇଥିବାରୁ ସରକାରଙ୍କ ବାସ୍ତବ ଲକ୍ଷ୍ୟ ଏଠାରେ ଦିଶାହୀନ ହୋଇପଡିଛି। ତଦନ୍ତ କରିବାକୁ ଯାଇଥିବା ଭିଏଲ୍‌ଡବ୍ଲ୍ୟୁ ଦେବାଶିଷ ମହାରଣାଙ୍କୁ ପଚାରିବାରେ ହିତାଧିକାରୀଙ୍କ ଚାଳ ଘରକୁ ଦେଖି ବିଜୁ ପକ୍କାଘର କାର୍ଯ୍ୟାଦେଶ ଦିଆଯାଇଥିଲା। ଏଥିରେ ଆମର କିଛି ଦୋଷ ନାହିଁ ବୋଲି ଭିଏଲଡବ୍ଲ୍ୟୁ ମହାରଣା କହିଛନ୍ତି। ଏସଂକ୍ରାନ୍ତରେ ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ବ୍ରଜଗୋପାଳ ଆଚାର୍ଯ୍ୟଙ୍କୁ ପଚାରିବାରେ ଯଦି ତଦନ୍ତରେ ସେଭଳି ଅନିୟମିତତା ହୋଇଥିବ ତେବେ ସେ ନିଜ ଯାଇ ତଦନ୍ତ କରିବେ। ଆଉ ପ୍ରକୃତରେ ଯଦି ଅଯୋଗ୍ୟ ହିତାଧିକାରୀଙ୍କୁ ଗ୍ରାମୀଣ ଆବାସ ଯୋଜନାରେ ସାମିଲ କରାଯାଇଥିବ ତେବେ ସଂପୃକ୍ତ କର୍ମଚାରୀଙ୍କ ବିରୋଧରେ ନିଶ୍ଚିତ ଭାବେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଆଚାର୍ଯ୍ୟ କହିଛନ୍ତି।
All Right Reserved By

ଉପକୂଳ ଓଡିଶା

୬ ଜେଲ୍‌ର ଅନ୍ତେବାସୀ ଖାଇଛନ୍ତି ୧୮ଲକ୍ଷ ଟଙ୍କାର ଜଳଖିଆ

୬ ଜେଲ୍‌ର ଅନ୍ତେବାସୀ ଖାଇଛନ୍ତି ୧୮ଲକ୍ଷ ଟଙ୍କାର ଜଳଖିଆ

ଭୁବନେଶ୍ୱର,୧୩ା୧୧ (ବ୍ୟୁରୋ)- ରାଜ୍ୟର ୬ଟି ଜେଲ୍‌ରେ ରହୁଥିବା ଅନ୍ତେବାସୀମାନେ ବର୍ଷକ ଭିତରେ ୧୮ଲକ୍ଷରୁ ଊର୍ଦ୍ଧ୍ୱ ଟଙ୍କାର ଜଳଖିଆ ଖାଇଛନ୍ତି। 

୧.୩୫ କୋଟି ଋଣ ଠକେଇ: ଅଭିଯୁକ୍ତଙ୍କୁ ଗିରଫ କଲା ଇଓଡବ୍ଲ୍ୟୁ

୧.୩୫ କୋଟି ଋଣ ଠକେଇ: ଅଭିଯୁକ୍ତଙ୍କୁ ଗିରଫ କଲା ଇଓଡବ୍ଲ୍ୟୁ

ଭୁବନେଶ୍ୱର,୧୩ା୧୧ (ବ୍ୟୁରୋ)- ମଦ ଦୋକାନ କରିବା ଆଳରେ ଜାଲ୍‌ କାଗଜପତ୍ର ଦେଇ ଏସ୍‌ବିଆଇରୁ ୧.୩୫ କୋଟି ଋଣ ନେବା ଘଟଣାରେ ଇଓଡବ୍ଲ୍ୟୁ ଜଣେ ବ୍ୟକ୍ତିଙ୍କୁ ଗିରଫ କରିଛି। 

୧୪ରୁ ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’

୧୪ରୁ ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’

ଭୁବନେଶ୍ୱର, ୧୩ା୧୧(ବ୍ୟୁରୋ)- ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଆସନ୍ତା ୧୪ ତାରିଖରୁ ଆରମ୍ଭ ହେବାକୁ ଯାଉଛି ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’। ୟୁନିଟ୍‌-୯ ସରକାରୀ ବାଳକ ଉଚ୍ଚ ବିଦ୍ୟାଳୟ ପରିସରରେ ୧୬ ତାରିଖ ଯାଏ ଏହି ମହୋତ୍ସବ ଚାଲିବ। ଏହି ଅବସରରେ ବେଟି ବଚାଓ: ବେଟି ପଢ଼ାଓ, ସ୍ବଚ୍ଛ ବିଦ୍ୟାଳୟ, ଗୁଣାତ୍ମକ ଶିକ୍ଷା ପାଇଁ ଉଜ୍ଜ୍ୱଳ, ପରିବେଶ ସୁରକ୍ଷା ଉପରେ ଶ୍ରୁତଲିଖନ ଓ ହସ୍ତାକ୍ଷର, ବକ୍ତୃତା, ରଚନା, ଚିତ୍ରକଳା, ତର୍କ ପ୍ରତିଯୋଗିତା କରାଯିବ।  ଏହି ପରିପ୍ରେକ୍ଷୀରେ ମଣ୍ଡଳ ଓ ଜିଲାସ୍ତରରେ ବିଭିନ୍ନ ପ୍ରତିଯୋଗିତା କରାଯାଇ କୃତୀ ଛାତ୍ରୀଛାତ୍ରଙ୍କୁ ରାଜ୍ୟସ୍ତରକୁ ମନୋନୀତ କରାଯାଇଛି।

ଯୁବ ରେଡକ୍ରସ୍‌ ଶିକ୍ଷା ଓ ପ୍ରଶିକ୍ଷଣ ଶିବିର ଉଦ୍‌ଯାପିତ: ‘ବିପର୍ଯ୍ୟୟ ବେଳେ ସ୍ବେଚ୍ଛାସେବୀ ରହିଥାନ୍ତି ସର୍ବଦା ଆଗରେ’

ଯୁବ ରେଡକ୍ରସ୍‌ ଶିକ୍ଷା ଓ ପ୍ରଶିକ୍ଷଣ ଶିବିର ଉଦ୍‌ଯାପିତ: ‘ବିପର୍ଯ୍ୟୟ ବେଳେ ସ୍ବେଚ୍ଛାସେବୀ ରହିଥାନ୍ତି ସର୍ବଦା ଆଗରେ’

ନିରାକାରପୁର,୧୩ା୧୧(ଡି.ଏନ.ଏ.)-ଖୋର୍ଦ୍ଧା ଜିଲା କମାଗୁରୁ ପଞ୍ଚାୟତସ୍ଥ ରାମଚନ୍ଦ୍ର କଳ୍ପନା ମହାବିଦ୍ୟାଳୟ ପରିସରରେ ଜିଲାସ୍ତରୀୟ ଯୁବ ରେଡକ୍ରସ୍‌  ଶିକ୍ଷା ଓ ପ୍ରଶିକ୍ଷଣ ଶିବିର ଉଦ୍‌ଯାପିତ ହୋଇଯାଇଛି। 

ଅଟୋରୁ ଚକ ଚୋରି ଅଭିଯୋଗ

ଅଟୋରୁ ଚକ ଚୋରି ଅଭିଯୋଗ

ବୋଲଗଡ଼,୧୩ା୧୧(ଡି.ଏନ.ଏ.)-ବୋଲଗଡ଼ ଥାନା ବାଙ୍କୋଇ ଗ୍ରାମର ଜନୈକ ବ୍ୟକ୍ତିଙ୍କ ଅଟୋରୁ ରବିବାର ରାତିରେ ୩ ଚକ ଚୋରି ହୋଇଥିବା ଅଭିଯୋଗ ହୋଇଛି।

ନବନିର୍ମାଣ କୃଷକ ସଂଗଠନର ଧାରଣା: ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନ୍‌ସନ ଦାବି

ନବନିର୍ମାଣ କୃଷକ ସଂଗଠନର ଧାରଣା: ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନ୍‌ସନ ଦାବି

ବୋଲଗଡ଼,୧୩ା୧୧(ଡି.ଏନ.ଏ.)-ନବନିର୍ମାଣ କୃଷକ ସଂଗଠନ ପକ୍ଷରୁ ସୋମବାର ପୂର୍ବାହ୍ନ ୧୦ରୁ ଅପରାହ୍ନ ୪ଟା ପର୍ଯ୍ୟନ୍ତ ବୋଲଗଡ଼ ବ୍ଲକ୍‌ ଖଙ୍ଗୁରିଆ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି।

ମାଗଣା ସ୍ବାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର

ମାଗଣା ସ୍ବାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର

ଟାଙ୍ଗୀ(ଖୋର୍ଦ୍ଧା),୧୩ା୧୧(ଡି.ଏନ.ଏ.)-ଖୋର୍ଦ୍ଧା ଜିଲା ବଉଳାବନ୍ଧ ପଞ୍ଚାୟତସ୍ଥ ଇଚ୍ଛାପୁର ଗ୍ରାମରେ ବିଶ୍ୱନାଥ ସ୍ବାଇଁଙ୍କ ତୃତୀୟ ଶ୍ରାଦ୍ଧବାର୍ଷିକୀ ପାଳିତ ହୋଇଯାଇଛି। 

 ଭାଜପାର ସଚେତନତା ପଦଯାତ୍ରା

ଭାଜପାର ସଚେତନତା ପଦଯାତ୍ରା

ଧର୍ମଶାଳା, ୧୩।୧୧(ଡି.ଏନ୍‌.ଏ.)- ଧର୍ମଶାଳା ନିର୍ବାଚନମଣ୍ଡଳୀ ଅନ୍ତର୍ଗତ ହରିଦାସପୁର ଓ ଆରୁହା ପଞ୍ଚାୟତରେ ସୋମବାର ଭାଜପାର ଜନଜାଗରଣ ପଦଯାତ୍ରା ଅନୁଷ୍ଠିତ ହୋଇଛି ା

ଅର୍ଥାଭାବ ଯୋଗୁ ହୋଇପାରୁନି ଚିକିତ୍ସା: ଜଡିବୁଟି ଆଶ୍ରାରେ ପୀଡିତ

ଅର୍ଥାଭାବ ଯୋଗୁ ହୋଇପାରୁନି ଚିକିତ୍ସା: ଜଡିବୁଟି ଆଶ୍ରାରେ ପୀଡିତ

ଡୁବୁରୀ, ୧୩ା୧୧(ଡି.ଏନ୍‌.ଏ.)- ଦାନଗଦୀ ବ୍ଲକ ଅନ୍ତର୍ଗତ ଶାଳିଜଙ୍ଗା ପଞ୍ଚାୟତ ଅନ୍ତର୍ଗତ  ଗମ୍ଭାରିପାଟିଆ ଗଣ୍ଡ ସାହିରେ କୁନା ସାମାଡଙ୍କ ପରିବାର ଅନାହାରରେ ଜୀବନ ବିତାଉଛନ୍ତି।

ସପ୍ତମ ଦିନରେ ସର୍ବଭାରତୀୟ କ୍ରିକେଟ୍‌ ଟୁର୍ନାମେଣ୍ଟ: ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବିଜୟୀ

ସପ୍ତମ ଦିନରେ ସର୍ବଭାରତୀୟ କ୍ରିକେଟ୍‌ ଟୁର୍ନାମେଣ୍ଟ: ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବିଜୟୀ

ସପ୍ତମ ଦିବସର ତୃତୀୟ କ୍ୱାର୍ଟର ଫାଇନାଲ ଖେଳରେ ଫାଉଣ୍ଡେଶନ୍‌ କ୍ରିକେଟ ଏକାଡେମୀ ବିଳାସପୁରକୁ ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ୩ ଉଇକେଟରେ ହରାଇ ବିଜୟୀ ହୋଇଛି।

ଆଦର୍ଶ ବିଦ୍ୟାଳୟ ଅଭିଭାବକ ସଂଘ  ବୈଠକ

ଆଦର୍ଶ ବିଦ୍ୟାଳୟ ଅଭିଭାବକ ସଂଘ ବୈଠକ

ଧର୍ମଶାଳା, ୧୩।୧୧(ଡି.ଏନ୍‌.ଏ.)- ଧର୍ମଶାଳା ଆଦର୍ଶ ବିଦ୍ୟାଳୟ ଅଭିଭାବକ ସଂଘର ଏକ ବୈଠକ ସୋମବାର ଜାରକାସ୍ଥିତ ତ୍ରିନାଥେଶ୍ୱର ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି।

ଅଙ୍ଗନଓ୍ବାଡ଼ିର ଅସ୍ତିତ୍ୱ ନାହିଁ, ସହାୟିକା ହେବାକୁ କଳି

ପାରାଦୀପ, ୧୩ା୧୧ (ସ୍ବ.ପ୍ର.):  ପାରାଦୀପ ପୌରାଞ୍ଚଳର ଅଧିକାଂଶ ଓ୍ବାର୍ଡରେ ଅଙ୍ଗନଓ୍ବାଡି ସହାୟିକା ନିଯୁକ୍ତିକୁ ନେଇ  ବିବାଦ ମୁଣ୍ଡ ଟେକିଛି। ଏହି ପଦବୀ ପାଇଁ ଏକାଧିକ ଦାବିଦାର ଥିବାରୁ ସମସ୍ତେ ପରସ୍ପର ବିରୋଧରେ ଜିଲାପାଳଙ୍କ ନିକଟରେ ଅଭିଯୋଗ କରିଛନ୍ତି। ଉକ୍ତ ବିବାଦ ଏବେ ରାଜନୈତିକ ମୋଡ଼ ନେଲାଣି।