ବ୍ରହ୍ମପୁର

ବିଏମ୍‌ସିର ପରିସ୍ରାଗାର ଯୋଜନା: ପରିଚାଳନା ଅଭାବରୁ ଅଚଳାବସ୍ଥା କର୍ମଚାରୀ, ଜଳାଭାବ ମୁଖ୍ୟ ସମସ୍ୟା

ବ୍ରହ୍ମପୁର ଅଫିସ, ୯।୨- ଶ୍ରେଷ୍ଠ, ସବୁଜ, ସୁନ୍ଦର ସହର ହେବ ବ୍ରହ୍ମପୁର। ଏହି ସ୍ବପ୍ନକୁ ସାକାର କରିବା ଉଦ୍ଦେଶ୍ୟ ନେଇ ବ୍ରହ୍ମପୁର ମହାନଗର ନିଗମ (ବିଏମ୍‌ସି) ପକ୍ଷରୁ ଆରମ୍ଭ ହୋଇଥିଲା ଶ୍ରେଷ୍ଠ ବ୍ରହ୍ମପୁର ଅଭିଯାନ। ପ୍ରାରମ୍ଭିକ ପର୍ଯ୍ୟାୟରେ ସହରକୁ ସ୍ବଚ୍ଛ ଓ ବାହ୍ୟ ଶୌଚମୁକ୍ତ କରିବାକୁ ଯୋଜନାବଦ୍ଧ କାର୍ଯ୍ୟକ୍ରମ ହାତକୁ ନିଆଯାଇଥିଲା। ରୋଡ୍‌ ଶୋ ମାଧ୍ୟମରେ ସହରବାସୀଙ୍କ ମଧ୍ୟରେ ସଚେତନତା ସୃଷ୍ଟି କରାଯିବା ସହ ବସ୍ତି ତଥା ବିଭିନ୍ନ ୱାର୍ଡରେ ୱାର୍ଡସଭା ଆୟୋଜନ କରାଯାଇଥିଲା। ଅଭିଯାନର ସଫଳତା ପାଇଁ ସହରବାସୀଙ୍କୁ ଶପଥ ପାଠ କରାଯାଇଥିଲା। ଏହି ଅବସରରେ ମହାନଗରର ବିଭିନ୍ନ ୱାର୍ଡରେ ଗୋଷ୍ଠୀ ଶୌଚାଳୟ, ହାଇବ୍ରିଡ ଟଏଲେଟ ନିର୍ମାଣ କରାଯାଇଥିଲା। ଏଥିସହ ବିଭିନ୍ନ ଜନଗହଳିପୂର୍ଣ୍ଣ ସ୍ଥାନ, ବସଷ୍ଟାଣ୍ଡ, ମାର୍କେଟ ଅଞ୍ଚଳଗୁଡିକରେ ଅତ୍ୟାଧୁନିକ ପରିସ୍ରାଗାର (ୟୁରିନାଲ୍‌) ନିର୍ମିତ ହୋଇଥିଲା। କିନ୍ତୁ ନିଗମର ଅବହେଳା ଯୋଗୁ ଅନେକ ସ୍ଥାନରେ ଏହି ପରିସ୍ରାଗାର ଏବେ ଅକାମୀ ହୋଇପଡିଛି। ଫଳରେ ବ୍ରହ୍ମପୁରକୁ ଶ୍ରେଷ୍ଠ ସହରରେ ପରିଣତ କରିବାର ସ୍ବପ୍ନ ସାକାର ହେବା ନେଇ ଆଶା ମଉଳି ଯାଉଛି। ମିଳିଥିବା ସୂଚନା ଅନୁଯାୟୀ, ବିଏମ୍‌ସି ପକ୍ଷରୁ ପିପିପି ମୋଡ୍‌ରେ ସହରର ୧୩ଟି ସ୍ଥାନରେ ୩୯ଟି ୟୁରିନାଲ ୟୁନିଟ ନିର୍ମାଣ ହୋଇଛି। ପ୍ରତି ୟୁନିଟରେ ଉଭୟ ପୁରୁଷ ଓ ମହିଳାଙ୍କ ପାଇଁ ସ୍ବତନ୍ତ୍ର ଗୋଟିଏ ଲେଖାଏ ପରିସ୍ରାଗାର ନିର୍ମାଣ ହୋଇଥିବା ବେଳେ ଏଥିରେ ଏକ ଶହ ଲିଟର କ୍ଷମତା ବିଶିଷ୍ଟ ଦୁଇଟି ପାଣି ଟ୍ୟାଙ୍କର ମଧ୍ୟ ଖଞ୍ଜାଯାଇଛି। ପ୍ରତି ୟୁନିଟ ପିଛା ପ୍ରାୟ ଦେଢ ଲକ୍ଷ ଟଙ୍କା ଖର୍ଚ୍ଚ ହୋଇଛି। ଏହି ପରିସ୍ରାଗାରଗୁଡିକୁ ପାଣି ଯୋଗାଣ ପାଇଁ ବିଏମ୍‌ସି ପକ୍ଷରୁ ଏକ ପାଣି ଟ୍ୟାଙ୍କର ମଧ୍ୟ ନିୟୋଜିତ କରାଯାଇଛି। ମାତ୍ର ଅଳ୍ପ କିଛି ସ୍ଥାନରେ ଏହି ୟୁରିନାଲ ୟୁନିଟ କାର୍ଯ୍ୟକ୍ଷମ କରିବାରେ ବିଏମ୍‌ସି ସଫଳ ହୋଇଛି। ବିଶେଷ କରି ବଡବଜାର, ଇଞ୍ଜିନିୟରିଂ ସ୍କୁଲ ଛକ, ବିଜିପୁର ବାପଟିଷ୍ଟ ଚର୍ଚ୍ଚ ଛକ, ଗେଷ୍ଟହାଉସ ପଛପାର୍ଶ୍ୱ, ପୁରୁଣାବସଷ୍ଟାଣ୍ଡ ବିଏସ୍‌ଏନ୍‌ଏଲ୍‌ ଅଫିସ ପାର୍ଶ୍ୱ, ଏମ୍‌କେସିଜି ମେଡିକାଲ କଲେଜ ପ୍ରଭୃତି ସ୍ଥାନରେ ନିର୍ମିତ ହୋଇଥିବା କିଛି ପରିସ୍ରାଗାର ୟୁନିଟ ଠିକ ଭାବେ କାର୍ଯ୍ୟ କରୁଥିବା ବିଏମ୍‌ସି ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି। ଅନ୍ୟପକ୍ଷରେ ପରିସ୍ରାଗାରଗୁଡିକର ପରିଚାଳନାରେ ଅବହେଳା ଯୋଗୁ ବିଭିନ୍ନ ଅଞ୍ଚଳରେ ନିର୍ମିତ ପରିସ୍ରାଗାରଗୁଡିକରେ ଏବେ ତାଲା ଝୁଲୁଥିବା ଲକ୍ଷ୍ୟ କରାଯାଇଛି। କମାପଲ୍ଲୀ ଓଭରବ୍ରିଜ ଓ ନୂଆବସଷ୍ଟଣ୍ଡ ସମେତ କେତେକ ଅଞ୍ଚଳରେ ନିର୍ମିତ ପରିସ୍ରାଗାର ଭାଙ୍ଗି ଗଲାଣି। ତେଣୁ ବିଭିନ୍ନ ଅଞ୍ଚଳରେ ଲୋକେ ରାସ୍ତା କଡରେ ପରିଶ୍ରା କରିବାକୁ ବାଧ୍ୟ ହେଉଛନ୍ତି। ଫଳରେ ପରିବେଶ ବିପନ୍ନ ହେଉଛି। ଅନ୍ୟପକ୍ଷରେ ଜଳାଭାବ ଯୋଗୁ କାର୍ଯ୍ୟକ୍ଷମ ଥିବା କେତେକ ପରିସ୍ରାଗାରରୁ ଦୁର୍ଗନ୍ଧ ବାହାରୁଛି। ତୁରନ୍ତ ଏହାର ଠିକ୍‌ ପରିଚାଳନା କରାଯିବାକୁ ବିଭିନ୍ନ ମହଲରେ ଦାବି ହୋଇଛି। ନେଇ ବିଏମ୍‌ସି ଆସିଷ୍ଟାଣ୍ଡ ଇଞ୍ଜିନିୟର ଜିତେନ୍ଦ୍ର ପଟ୍ଟନାୟକ କହିଛନ୍ତି, ସହରର ନିର୍ମିତ ହୋଇଥିବା ସମସ୍ତ ପରିସ୍ରାଗାର ୟୁନିଟକୁ ପାଣି ଯୋଗାଇବା ପାଇଁ ଗୋଟିଏ ଟ୍ୟାଙ୍କର ଯଥେଷ୍ଟ ହେଉ ନାହିଁ। ଫଳରେ ପରିଚାଳନା ନେଇ ସମସ୍ୟା ସୃଷ୍ଟି ହେଉଛି। ୧୦ରୁ ୧୫ ଦିନ ମଧ୍ୟରେ ପରିସ୍ରାଗାରଗୁଡିକୁ ପାଣି ଯୋଗାଇବା ନେଇ ଆଉ ୩ଟି ଟ୍ୟାଙ୍କର ନିୟୋଜିତ କରାଯିବାର ପ୍ରସ୍ତାବ ରହିଛି। ତନୋ୍ମଧ୍ୟରୁ ଗୋଟିଏ ୩୦୦୦ ଲିଟର ଓ ଆଉ ଦୁଇଟି ଏକ ହଜାର ଲିଟର କ୍ଷମତା ବିଶିଷ୍ଟ ଟ୍ୟାଙ୍କର ଅଣାଯିବ। ଟ୍ୟାଙ୍କର ନିୟୋଜିତ ହେବା ପରେ ସମସ୍ତ ପରିସ୍ରାଗାର ପରିଚାଳନା ନେଇ ରହିଥିବା ସମସ୍ୟା ଦୂର ହେବ ବୋଲି ସେ କହିଛନ୍ତି।
All Right Reserved By

ବ୍ରହ୍ମପୁର

ବ୍ଲେଡରେ ବେକ କାଟିଲେ ବୃଦ୍ଧ

ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ଅଫିସ,୧୯ା୧୦-ବ୍ରହ୍ମପୁର ରେଳ ଷ୍ଟେଶନ୍‌ରେ ଶୁକ୍ରବାର ସକାଳେ ଏକ ଅଭାବନୀୟ ଘଟଣା ଘଟିଛି । ଜଣେ ବୃଦ୍ଧା ଏକ ବ୍ଲେଡ୍‌ରେ ନିଜ ବେକକୁ କାଟି ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁଯାୟୀ, ଆସିକା ବ୍ଲକ ସିଦ୍ଧନଇ ପଞ୍ଚାୟତ ମହାରାଜା ଗ୍ରାମର ଟୁଙ୍ଗୁରୁ ବେହେରା ସୁରତ୍‌ରେ କାମ କରୁଛନ୍ତି । 

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦାରିଙ୍ଗବାଡ଼ି,୧୯।୧୦(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଶୁକ୍ରବାର  ଦଶହରା ପର୍ବ ବା ବିଜୟା ଦଶମୀ ବଡ଼ ଧୁମ୍‌ଧାମ୍‌ରେ ପାଳିତ ହୋଇଯାଇଛି। ଉକ୍ତ ବ୍ଳକର ଦାରିଙ୍ଗବାଡ଼ି ସମେତ ସିମନବାଡ଼ିଠାରେ ମା’ ଦୁର୍ଗାଙ୍କ ମୃଣ୍ମୟୀ ମୁର୍ତ୍ତି ସ୍ଥାପନ କରାଯାଇ ପୁଜାର୍ଚ୍ଚନା କରାଯାଉଛି। ଦଶମୀ ଦର୍ଶନ ପାଇଁ ଶ୍ରଦ୍ଧାଳୁ ମାନେ ଭିଡ଼ ଜମାଇଥିଲେ ।

ହଳଦିଆପଦରଠାରେ ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

ହଳଦିଆପଦରଠାରେ ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

ବ୍ରହ୍ମପୁର ଅଫିସ,୧୯।୧୦: ବ୍ରହ୍ମପୁର ଷ୍ଟେଶନ ନିକଟ ହଳଦିଆପଦର ପାଖରେ ଗୁରୁବାର ବିଳମ୍ବିତ ରାତିରେ ଏକ ମାଲ୍‌ବାହୀ ଟ୍ରେନ ଲାଇନ୍‌ଚ୍ୟୁତ ହୋଇଯାଇଛି । ଫଳରେ ବ୍ରହ୍ମପୁର ଠାରୁ ବିଶାଖାପାଟଣା ମଧ୍ୟରେ ଟ୍ର୍ରେନ ଚଳାଚଳ ପ୍ରଭାବିତ ହୋଇଛି। 

୨ ଗୋଷ୍ଠୀ ମୁହାଁମୁହିଁ, ୨ ଆହତ

୨ ଗୋଷ୍ଠୀ ମୁହାଁମୁହିଁ, ୨ ଆହତ

ଭଞ୍ଜନଗର,୧୯।୧୦(ଡି.ଏନ୍‌.ଏ.): ଭଞ୍ଜନଗର ଅଗ୍ନିଶମ କେନ୍ଦ୍ର ନିକଟରେ ଗୁରୁବାର ରାତିରେ କୌଣସି କାରଣକୁ ନେଇ ଗୋଟିଏ ଗୋଷ୍ଠୀର ଯୁବକମାନେ ଜଣେ ଯୁବକଙ୍କୁ ଆକ୍ରମଣ  କରିଥିଲେ।

ଆସିକା ବନ୍ୟା କ୍ଷତିଗ୍ରସ୍ତ ଅଞ୍ଚଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ଆସିକା ବନ୍ୟା କ୍ଷତିଗ୍ରସ୍ତ ଅଞ୍ଚଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ଆସିକା, ୧୮ା୧୦(ଡି.ଏନ.ଏ.)-ଗଞ୍ଜାମ ଜିଲା ଆସିକାରେ ତିତ୍‌ଲି ପରବର୍ତ୍ତୀ ବନ୍ୟା କ୍ଷୟକ୍ଷତି ଅଞ୍ଚଳକୁ ଗୁରୁବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗସ୍ତ କରି ଲୋକଙ୍କ ସୁବିଧା ଅସୁବିଧା ସମ୍ପର୍କରେ ବୁଝିଥିଲେ। 

ଗଜଲକ୍ଷ୍ମୀ ପୂଜା ପାଇଁ ଶୁଭଖୁଣ୍ଟି ସ୍ଥାପନ

ଗଜଲକ୍ଷ୍ମୀ ପୂଜା ପାଇଁ ଶୁଭଖୁଣ୍ଟି ସ୍ଥାପନ

ଗଞ୍ଜାମ, ୧୮ା୧୦(ଡି.ଏନ.ଏ.)-ଗଞ୍ଜାମ ଜିଲା ବଡବଜାରରେ ଗଜଲକ୍ଷ୍ମୀ ପୂଜା ନିମନ୍ତେ ବୁଧବାର ରାତିରେ ଶୁଭଖୁଣ୍ଟି ସ୍ଥାପନ କରାଯାଇଛି ା ବ୍ୟବସାୟୀ ସଂଘ ପକ୍ଷରୁ ଏହା ଆୟୋଜନ କରାଯାଉଛି । ଏହି ପୂଜା ୯ ଦିନ ଧରି ଚାଲିବ ।

ପାଣିରେ ବୁଡି ଦିବ୍ୟାଙ୍ଗଙ୍କ ମୃତ୍ୟୁ

ପାଣିରେ ବୁଡି ଦିବ୍ୟାଙ୍ଗଙ୍କ ମୃତ୍ୟୁ

ଭଞ୍ଜନଗର, ୧୮ା୧୦(ଡି.ଏନ.ଏ.)-ଗଞ୍ଜାମ ଜିଲା ଜଗନ୍ନାଥପ୍ରସାଦ ଥାନା ଅନ୍ତର୍ଗତ ନଡା ଗ୍ରାମର ଜଣେ ଦିବ୍ୟାଙ୍ଗଙ୍କର ଗୁରୁବାର ପାଣିରେ ବୁଡି ମୃତ୍ୟୁ ଘଟିଥିବା ଜଣାପଡିିଛି।

ତିତ୍‌ଲି ସହାୟତା ରାଶି ପାଇଁ ଲୋକଙ୍କ ଧାଡି

ତିତ୍‌ଲି ସହାୟତା ରାଶି ପାଇଁ ଲୋକଙ୍କ ଧାଡି

ଚନ୍ଦ୍ରଗିରି, ୧୮ା୧୦(ଡି.ଏନ.ଏ.)-ଗଜପତି ଜିଲା ମୋହନା ବ୍ଲକ ଅଞ୍ଚଳରେ ତିତ୍‌ଲି ବାତ୍ୟାରେ ବହୁ ଧନଜୀବନ କ୍ଷୟକ୍ଷତି ହୋଇଥିଲା। ଲୋକେ ଏବେବି ବିଭିନ୍ନ ସ୍ଥାନରେ ଆଶ୍ରୟ ନେଇଛନ୍ତି। 

ବୁଗୁଡାରେ ଦୁର୍ଗାପୂଜା

ବୁଗୁଡାରେ ଦୁର୍ଗାପୂଜା

ବୁଗୁଡା, ୧୮ା୧୦(ଡି.ଏନ.ଏ.)-ଗଞ୍ଜାମ ଜିଲା ବୁଗୁଡା ଅଞ୍ଚଳରେ  ଦୁର୍ଗାପୂଜା ଜାକଜମକରେ ପାଳନ କରାଯାଉଛି। ବୁଗୁଡା ସହର ନୂତନ ବସ୍‌ଷ୍ଟାଣ୍ଡ, ମଦନମୋହନ ଛକ, ବିଦ୍ୟୁତ୍‌ କାର୍ଯ୍ୟାୟରେ ଦୁର୍ଗାପୂଜା ଅନୁଷ୍ଠିତ ହେଉଛି । ଗୁରୁବାର ନବମୀ ପୂଜା ହେଉଥିବା ବେଳେ ଶୁକ୍ରବାର ଦଶମୀ ପୂଜା ଅନୁଷ୍ଠିତ ହେବ  । ଏହାକୁ ଦେଖିବାକୁ ଆଖପାଖ ଅଞ୍ଚଳରୁ ବହୁ ଶ୍ରଦ୍ଧାଳୁଙ୍କ ଭିଡ ଜମୁଛି ।

ବ୍ରାହ୍ମଣଛାଇରେ ସ୍ବାସ୍ଥ୍ୟ ପରୀକ୍ଷା ଶିବିର

ବ୍ରାହ୍ମଣଛାଇରେ ସ୍ବାସ୍ଥ୍ୟ ପରୀକ୍ଷା ଶିବିର

ଶେରଗଡ, ୧୮ା୧୦(ଡି.ଏନ.ଏ.)- ଗଞ୍ଜାମ ଜିଲା ଶେରଗଡ ବ୍ଲକ ଅନ୍ତର୍ଗତ ବ୍ରାହ୍ମଣଛାଇରେ ବୁଧବାର ସନ୍ଧ୍ୟାରୁ ଶେରଗଡ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଆନୁକୂଲ୍ୟରେ ଏକ ସ୍ବାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଥିଲା ା

ଗୁଡିସର ଗ୍ରାମରେ ରିଲିଫ୍‌ ବଣ୍ଟନ

ଗୁଡିସର ଗ୍ରାମରେ ରିଲିଫ୍‌ ବଣ୍ଟନ

ଶେରଗଡ, ୧୮ା୧୦(ଡି.ଏନ.ଏ.)-ଗଞ୍ଜାମ ଜିଲା ଶେରଗଡ ବ୍ଲକ ଅନ୍ତର୍ଗତ ଗୁଡିସର ଗ୍ରାମ ତିତ୍‌ଲି ବାତ୍ୟା ଓ ପରବର୍ତ୍ତୀ ସମୟରେ ହୋଇଥିବା ବନ୍ୟାରେ ବହୁ କ୍ଷତି ହୋଇଥିଲା ା

ଦୁର୍ଗାପୂଜା ପାଇଁ ରାଇକିଆ ଚଳଚଞ୍ଚଳ

ଦୁର୍ଗାପୂଜା ପାଇଁ ରାଇକିଆ ଚଳଚଞ୍ଚଳ

ରାଇକିଆ, ୧୮ା୧୦(ଡି.ଏନ.ଏ.)- କନ୍ଧମାଳ ଜିଲା ରାଇକିଆ ଦୁର୍ଗାପୂଜା ପାଇଁ ଚଳଚଞ୍ଚଳ ହୋଇଉଠିଛି ା ପୂଜା କମିଟି ତରଫରୁ ମୁଖ୍ୟ ବଜାର ଛକରେ ଜାକଜକମର ଆୟୋଜନ କରାଯାଇଛି ା