ରାୟଗଡା

କୋଟିଆ ସ୍ଥିତି ପରଖିଲେ ଆନ୍ତଃ ବିଭାଗୀୟ ଟିମ୍‌: ଲୋକଙ୍କ ସହ ଆଲୋଚନା ନକରି ଫେରିଲେ

କୋଟିଆ ସ୍ଥିତି ପରଖିଲେ ଆନ୍ତଃ ବିଭାଗୀୟ ଟିମ୍‌: ଲୋକଙ୍କ ସହ ଆଲୋଚନା ନକରି ଫେରିଲେ




ପଟ୍ଟାଙ୍ଗି/କୋରାପୁଟ,୯।୨(ଡି.ଏନ୍‌.ଏ./ସ୍ବ.ପ୍ର.)

କୋରାପୁଟ ଜିଲାର ବିବାଦୀୟ କୋଟିଆ ଗ୍ରାମପୁଞ୍ଜରେ ଶୁକ୍ରବାର ଓଡ଼ିଶା ସରକାରଙ୍କ ୪ ଜଣିଆ ଆନ୍ତଃ ବିଭାଗୀୟ ଟିମ୍‌ ପହଞ୍ଚତ୍ ସ୍ଥିତି ଅନୁଧ୍ୟାନ କରିଛନ୍ତି। କୋଟିଆକୁ ନେଇ ଗତ ଜାନୁୟାରୀରେ ବିବାଦ ଆରମ୍ଭ ହେବାର ମାସକ ପରେ ରାଜ୍ୟ ପ୍ରଶାସନିକ ଅଧିକାରୀଙ୍କ ପାଦ ସେଠାରେ ପଡ଼ିଛି। କେବିକେ ମୁଖ୍ୟ ପ୍ରଶାସକ ସୂର୍ଯ୍ୟ ପ୍ରକାଶ ଠାକୁରଙ୍କ ସହ ଆନ୍ତଃ ବିବାଦ କମିଟିର ସଦସ୍ୟ ତଥା ପୋଲିସ୍‌ ଆଇଜି ସଞ୍ଜୀବ ପଣ୍ଡା, ରାଜସ୍ବ ବିଭାଗ ନିର୍ଦ୍ଦେଶକ (ପୁନର୍ବାସ ଓ ଥଇଥାନ) ତଥା ଅତିରିକ୍ତ ଶାସନ ସଚିବ ଅଶୋକ କୁମାର ନାୟକ, ରାଜସ୍ବ ବିଭାଗର ଅତିରିକ୍ତ ଶାସନ ସଚିବ ଶଶଧର ନାୟକ ଓ ଗ୍ରାମ୍ୟ ଉନ୍ନୟନ ବିଭାଗ ଯନ୍ତ୍ରୀ ଆଶୁତୋଷ ମଲ୍ଲିକ ସୀମାନ୍ତ ଗାଁ ବୁଲି ଦେଖିଛନ୍ତି। ସେମାନଙ୍କ ସହ କୋରାପୁଟ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ଏସ୍‌ପି କନଓ୍ବର ବିଶାଲ ସିଂ ଓ ଉପଜିଲାପାଳ କୃତ୍ତିବାସ ରାଉତ ସାମିଲ ଥିଲେ। ତେବେ ଗସ୍ତବେଳେ ତୃଣମୂଳ ସ୍ତରର ଲୋକଙ୍କ ସହ ଆଲୋଚନା ନକରି କେବଳ ସ୍ଥିତି ଅନୁଧ୍ୟାନ କରି କୋରାପୁଟ ଫେରିଆସିଥିଲା ଟିମ୍‌। ଫେରିବା ବେଳେ କୋରାପୁଟ ସଦରକୁ ଆସି ବୈଠକରେ ସେମାନଙ୍କ ସହ ଆଲୋଚନା କରିବାକୁ କହିଥିଲେ।
ଶୁକ୍ରବାର ପୂର୍ବାହ୍ନରେ ଏହି ଟିମ୍‌ ପ୍ରଥମେ କୋଟିଆ ଗ୍ରାମପୁଞ୍ଜର କୁରୁଡ଼ିପଦରରେ ପହଞ୍ଚତ୍ବା ପରେ ସ୍ଥାନୀୟ ଗ୍ରାମବାସୀ ସେମାନଙ୍କୁ ବାଦ୍ୟ ନୃତ୍ୟରେ ସ୍ବାଗତ ଜଣାଇଥିଲେ। ସେଠିକା ସ୍ଥିତି ସମ୍ପର୍କରେ ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ପ୍ରଫୁଲ ପାଙ୍ଗି ଓ ପଞ୍ଚାୟତର ଅବସରପ୍ରାପ୍ତ ରାଜସ୍ବ ନୀରିକ୍ଷକ ଗଦାଧର ସ୍ବାଇଁଙ୍କୁ ସହ ଟିମ୍‌ ଆଲୋଚନା କରିଥିଲା। ସେଠାରୁ କୋଟିଆ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ଡାକ୍ତର ତାପସ ପଣ୍ଡାଙ୍କ ସହ ସ୍ବାସ୍ଥ୍ୟସେବା ସମ୍ପର୍କରେ କଥା ହୋଇଥିଲେ। ସଦର ଆଶ୍ରମ ବିଦ୍ୟାଳୟର ଜଣେ ଅସୁସ୍ଥ ଛାତ୍ରୀ ଦୁଇ ଦିନ ହେଲା ସ୍ବାସ୍ଥ୍ୟକେନ୍ଦ୍ର ବାରଣ୍ଡାରେ ଚିକିତ୍ସାଧୀନ ଥିବା ଦେଖିଥିଲେ ଟିମ୍‌। ସ୍ବାସ୍ଥ୍ୟକେନ୍ଦ୍ର ଡାହାଣ ପାର୍ଶ୍ୱରେ ପରିତ୍ୟକ୍ତ ଅବସ୍ଥାରେ ଥିବା ଅଙ୍ଗନଓ୍ବାଡି କେନ୍ଦ୍ରକୁ ଭାଙ୍ଗି ସ୍ବାସ୍ଥ୍ୟକେନ୍ଦ୍ର ପାଇଁ ରୋଗୀଶଯ୍ୟା ଓ ଅଧିକ କୋଠରି ତିଆରି କରିବା, ସ୍ବାସ୍ଥ୍ୟକେନ୍ଦ୍ର ପରିସରରେ ଥିବା ଖାଲି ସ୍ଥାନରେ କର୍ମଚାରୀଙ୍କ ଲାଗି ବାସଗୃହ ନିର୍ମାଣ ହେବା ଲାଗି ଆଲୋଚନା ହୋଇଥିଲା। ଆର୍‌ଡି ବିଭାଗର ଗଣେଶ୍ୱର ହେମ୍ବ୍ରମ ଓ ରାଜ୍ୟ ଗ୍ରାମ୍ୟ ଉନ୍ନୟନ ବିଭାଗର ଯନ୍ତ୍ରୀ ଆଶୁତୋଷ ମଲ୍ଲିକଙ୍କୁ ଏହାର ପ୍ରକଳ୍ପ ପ୍ରସ୍ତୁତ କରିବା ଲାଗି କୁହାଯାଇଥିଲା। କୋଟିଆ ସଦରରେ ଜରାଜୀର୍ଣ୍ଣ ଅବସ୍ଥାରେ ଥିବା ଫାଣ୍ଡିଘରର ପୁନରୁଦ୍ଧାର ନେଇ ମଧ୍ୟ ବିଚାର କରିଥିଲା ଟିମ୍‌। ସେଠାରୁ ଟିମ୍‌ ସଦର ଆଶ୍ରମ ବିଦ୍ୟାଳୟ ପରିଦର୍ଶନ କରି ଏହାର ପାରିପାର୍ଶ୍ୱିକ ଉନ୍ନତିକରଣ ପାଇଁ ପ୍ରଧାନ ଶିକ୍ଷକଙ୍କ କାର୍ଯ୍ୟାଳୟରେ ବୈଠକ ବସିଥିଲା। ଗତ ୭ ତାରିଖ ହୋଇଥିବା ସର୍ବଦଳୀୟ ବୈଠକରେ ଦେଇଥିବା ୩୦ ଦଫା ଦାବିକୁ ପ୍ରଥମେ ପୂରଣ କରିବା ଲାଗି ପଞ୍ଚାୟତବାସୀ ଦାବି କରିଥିଲେ। ରାଜ୍ୟସ୍ତରର ପ୍ରଶାସନିକ ଅଧିକାରୀ ପ୍ରତି ବୁଧବାର ଏକ ସାପ୍ତାହିକ ହାଟ କରିବା ପାଇଁ ପ୍ରସ୍ତାବ ଦେଇଥିଲେ। କିନ୍ତୁ ଗ୍ରାମର ଯୁବକ କାମେଶ ଗେମେନ୍‌ ଉପସ୍ଥିତ ଅଧିକାରୀଙ୍କୁ କହିଥିଲେ, ପଞ୍ଚାୟତର ଶିକ୍ଷିତ ଯୁବତୀ ଯୁବକଙ୍କୁ ପ୍ରଥମେ ଋଣ ଦେଇ ସ୍ବାବଲମ୍ବୀ କରାଯାଉ। ଏହାପରେ ହାଟ ସମ୍ପର୍କରେ ଚିନ୍ତା କରାଯିବ। କେବିକେ ମୁଖ୍ୟ ପ୍ରଶାସକ ଠାକୁର ଏହାର ଉତ୍ତରରେ କହିଥିଲେ, ଶୁକ୍ରବାର ସନ୍ଧ୍ୟା ୫ଟାରେ ଜିଲା ସଦରରେ ଏକ ବୈଠକ ଅଛି। ପଞ୍ଚାୟତବାସୀ ସେଥିରେ ଯୋଗଦେଇ ନିଜର ପ୍ରସ୍ତାବ ରଖନ୍ତୁ। ଏହାପରେ କୋଟିଆ ସଦରରୁ କୋରାପୁଟ ଫେରିବା ବେଳେ ବାଟରେ ତଳ ଗଞ୍ଜେଇପଦର ଗ୍ରାମରେ ଅଟକିଥିଲା ଟିମ୍‌। ସେଠାରେ ଗତ ସୋମବାରରୁ ଓଡ଼ିଶା ସରକାରଙ୍କ ଦ୍ୱାରା ୮ଲକ୍ଷ ଅନୁଦାନରେ ଏମ୍‌ଜିଏନଆରଇଜିଏସ୍‌ ଅଧୀନରେ ଆରମ୍ଭ ହୋଇଥିବା ରାସ୍ତାର ଉନ୍ନତିକରଣ କାର୍ଯ୍ୟ ଓ ଆନ୍ଧ୍ର କରିଥିବା କାର୍ଯ୍ୟ ତଦାରଖ କରିଥିଲେ। ସନ୍ଧ୍ୟାରେ କୋରାପୁଟ ଡିଆରଡିଏ ସଦଭାବନା ସଭାଗୃହରେ ଏକ ସମୀକ୍ଷା ବୈଠକ ହୋଇଥିଲା। କୋଟିଆର ସାମଗ୍ରିକ ବିକାଶ ପାଇଁ କେଉଁ କେଉଁ କାର୍ଯ୍ୟ କରାଯିବ, ଅଞ୍ଚଳରେ ଶିକ୍ଷା, ସ୍ବାସ୍ଥ୍ୟ ଓ ଗମନାଗମନ କ୍ଷେତ୍ରରେ କିପରି ଉନ୍ନତି ଅଣାଯାଇ ପାରିବ ସେ ନେଇ ଆଲୋଚନା କରାଯାଇଥିଲା।

All Right Reserved By
I&PR

Model This Week

ସନ୍ତୋଷ

ରାୟଗଡା

ମାଲକାନଗିରି ଏସ୍‌ପିଙ୍କ ନିକଟରେ ମହିଳା ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି ଏସ୍‌ପିଙ୍କ ନିକଟରେ ମହିଳା ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି,୨୪।୫(ଡି.ଏନ୍‌.ଏ): ମାଲକାନଗିରି ଏସ.ପି ଜଗମୋହନ ମୀନାଙ୍କ ନିକଟରେ ଗୁରୁବାର ଜଣେ କୁଖ୍ୟାତ ମହିଳା ମାଓବାଦୀ ଆତ୍ମସମର୍ପଣ କରିଛନ୍ତି। ସେ ହେଲେ କାଲିମେଳା ଥାନା ଅନ୍ତର୍ଗତ ପପୁଲୁର ପଞ୍ଚାୟତ ଏରାବେଟି ଗ୍ରାମର କେ.ଲକ୍ଷ୍ମୀ ଓରଫ ଶ୍ୱେତା ଓରଫ କୁମାରୀ।

ମାଓବାଦୀଙ୍କ ମାଇନ୍‌ ବିସ୍ଫୋରଣ: ଯବାନ ସହିଦ

ମାଓବାଦୀଙ୍କ ମାଇନ୍‌ ବିସ୍ଫୋରଣ: ଯବାନ ସହିଦ

ମାଲକାନଗିରି,୨୪।୫(ସ୍ବ.ପ୍ର.): ଓଡ଼ିଶା ସୀମାନ୍ତ ଛତିଶଗଡ ରାଜ୍ୟର ସୁକମା ଜିଲାସ୍ଥିତ ତେମେଲଓ୍ବାଡାଠାରେ ଗୁରୁବାର ସକାଳେ ମାଓବାଦୀଙ୍କ ଲାଣ୍ଡମାଇନ୍‌ ବିସ୍ଫୋରଣରେ ଜଣେ ଯବାନ ସହିଦ ହୋଇଛନ୍ତି।

ଆଜି କୋରାପୁଟ ଆସୁଛନ୍ତି ରାଜ୍ୟପାଳ

କୋରାପୁଟ,୨୪ା୫(ସ୍ବ.ପ୍ର.) ଓଡିଶାର ରାଜ୍ୟପାଳ ସତ୍ୟପାଲ ମଲ୍ଲିକ ଗୁରୁବାର ଦିନିକିଆ କୋରାପୁଟ ଗସ୍ତରେ ଆସୁଛନ୍ତି। ଏନେଇ ଜିଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି କାର୍ଯ୍ୟ ଶେଷ ହୋଇଛି ା ଗୁରୁବାର ପୂବାର୍ହ୍ନ ୧୧ଟା ୧୫ରୁ ଅପରାହ୍ନ ୩ଟା ୧୫ ଯାଏ ୪ ଘଣ୍ଟା ରହଣି ପାଇଁ ପୋଲିସ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛି।

ଭତ୍ତାରୁ ବଞ୍ଚତ୍ତ ଯୋଗ୍ୟ ହିତାଧିକାରୀ

ଭତ୍ତାରୁ ବଞ୍ଚତ୍ତ ଯୋଗ୍ୟ ହିତାଧିକାରୀ

ମୁକୁନ୍ଦପୁର, ୨୪ା୫(ଡି.ଏନ୍‌.ଏ)- ରାୟଗଡା ଜିଲା କୋଲନରା ବ୍ଳକ ବଡଖିଲାପଦର ପଞ୍ଚାୟତରେ ଅନେକ ବିଧବା ଭତ୍ତା ପାଇବାରୁ ବଞ୍ଚତ୍ତ ହୋଇଥିବା ଅଭିଯୋଗ ହୋଇଛନ୍ତି।

ଯମୁନାଙ୍କ ଆଶାବାଡ଼ିକୁ ଭରସିଛନ୍ତି କୃଷ୍ଣ:୮୦ ତିପର ବୟସରେ ବି ଭତ୍ତା ପାଇଁ ଘରୁ ପାଦ କାଢୁଛନ୍ତି ବୁଢ଼ାବୁଢ଼ି

ଯମୁନାଙ୍କ ଆଶାବାଡ଼ିକୁ ଭରସିଛନ୍ତି କୃଷ୍ଣ:୮୦ ତିପର ବୟସରେ ବି ଭତ୍ତା ପାଇଁ ଘରୁ ପାଦ କାଢୁଛନ୍ତି ବୁଢ଼ାବୁଢ଼ି

ଦଶମନ୍ତପୁର,୨୪ା୫(ଡି.ଏନ୍‌.ଏ.) କୃଷ୍ଣଙ୍କ ବୟସ ୯୦ ବର୍ଷ। ଅଶୀ ତିପର ବୟସରେ ଯମୁନା। ସମ୍ପର୍କରେ ଏମାନେ ସ୍ବାମୀ-ସ୍ତ୍ରୀ। ଜଣେ ଅନ୍ୟ ଜଣଙ୍କର ଆଶାବାଡ଼ିକୁ ଧରି ଭତ୍ତା ପାଇଁ ପଞ୍ଚାୟତ ଅଫିସ୍‌କୁ ଗଲାବେଳେ ସେମାନଙ୍କ ସହ ଭେଟହୁଏ। ଏଭଳି ପରିଣତ ବୟସରେ ନିଜଲୋକ କେହି ସହଯୋଗ ନକରିବାରୁ ବାଧ୍ୟହୋଇ ବୁଢ଼ାବୁଢ଼ିଙ୍କୁ ଭତ୍ତା ଆଣିବା ପାଇଁ ଆସିବାକୁ ପଡୁଛି।

 ବିଦ୍ୟୁତ କାଟ ନେଇ ଅସନ୍ତୋଷ କାର୍ଯ୍ୟାଳୟରେ ତାଲା ପକାଇଲେ ଲୋକେ ଆଲୋଚନା ପାଇଁ ପ୍ରତିଶ୍ରୁତି ପରେ ଖୋଲିଲା ତାଲା

ବିଦ୍ୟୁତ କାଟ ନେଇ ଅସନ୍ତୋଷ କାର୍ଯ୍ୟାଳୟରେ ତାଲା ପକାଇଲେ ଲୋକେ ଆଲୋଚନା ପାଇଁ ପ୍ରତିଶ୍ରୁତି ପରେ ଖୋଲିଲା ତାଲା

ଗୁଣପୁର,୨୩।୫(ଡି.ଏନ୍‌.ଏ.)- ରାୟଗଡା ଜିଲା ଗୁଣପୁର ସହର ସହ ଏହାର ଆଖପାଖ ଅଞ୍ଚଳରେ ଗତ କିଛି ଦିନ ହେବ ଘନ ଘନ ବିଦ୍ୟୁତ୍‌ କାଟ ସହ ଲୋ ଭୋଲଟେଜ୍‌ରେ ଲୋକେ ଅତିଷ୍ଠ। ଏହା ବିରୋଧରେ ସ୍ଥାନୀୟ ଅଞ୍ଚଳର ଯୁବକମାନେ ବୁଧବାର ସାଉଥ୍‌କୋ କାର୍ଯ୍ୟାଳୟରେ ତାଲା ପକାଇ ଦେଇଥିଲେ।

କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ

କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ

ମାଥିଲି, ୨୩।୫ (ଡି.ଏନ୍‌.ଏ.): ମାଲକାନଗିରି ଜିଲା ମାଥିଲି ବ୍ଲକ ନାୟକଗୁଡା ପଞ୍ଚାୟତ ଅଧୀନ ପୁରୁଣା ଚାଲାଣଗୁଡା ଗ୍ରାମଠାରେ ବୁଧବାର ଏକ କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ ହୋଇଯାଇଛି। ମାଥିଲି ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ନାୟକ ମୁଖ୍ୟଅତିଥି ଭାବେ ଯୋଗଦେଇ ଟୁର୍ନାମେଣ୍ଟକୁ ଉଦ୍‌ଘାଟନ କରିଥିଲେ।

ପୋକଲିନ ପୋଡ଼ିଲେ ମାଓବାଦୀ

ମାଲକାନଗିରି, ୨୩।୫(ସ୍ବ.ପ୍ର.)- ଛତିଶଗଡ଼ରେ ସୁରକ୍ଷା ବାହିନୀ ଓ ପୋଲିସକୁ ଚ୍ୟାଲେଞ୍ଜ ଦେଇ ମାଓବାଦୀମାନେ ଗୋଟିକ ପରେ ଗୋଟିଏ ହିଂସାକାଣ୍ଡ ଘଟାଇ ଚାଲିଛନ୍ତି। ବୁଧବାର ସେମାନେ ବଚେଲି ଥାନା ଅନ୍ତର୍ଗତ ତାମୋପାରାଠାରେ ଥିବା ଲୁନିୟା ଟିଣ କମ୍ପାନୀର ଖାଦାନରେ ଟିଣ ପଥର ଉତ୍ତୋଳନ କରୁଥିବା ଏକ ପୋକଲିନ ମେଶିନରେ ନିଆଁ ଲଗାଇଦେଇଛନ୍ତି। ଏଥିସହ ସେଠାରେ ବ୍ୟାପକ ଭଙ୍ଗାରୁଜା ମଧ୍ୟ କରିଛନ୍ତି। ଦିନ ଦ୍ୱିପ୍ରହରରେ ମାଓବାଦୀମାନେ ଏହି କାଣ୍ଡ ଘଟାଇଥିବାରୁ ଏହା ପୋଲିସ ପାଇଁ ଏକ ବଡ ଚ୍ୟାଲେଞ୍ଜ ବୋଲି କୁହାଯାଉଛି।

ମାଓବାଦୀ ଉଡାଇଲେ ଏମ୍‌ପିଙ୍କ ଫାର୍ମ ହାଉସ: ୫କେଜି ଆଇଡି ଜବତ

ମାଓବାଦୀ ଉଡାଇଲେ ଏମ୍‌ପିଙ୍କ ଫାର୍ମ ହାଉସ: ୫କେଜି ଆଇଡି ଜବତ

ମାଲକାନଗିରି, ୨୩।୫(ସ୍ବ.ପ୍ର.)-ସୀମାନ୍ତ ରାଜ୍ୟ ଛତିଶଗଡର ବାକେର ଜିଲା ଅନ୍ତାଗଡଠାରେ ବୁଧବାର ମୁଖ୍ୟମନ୍ତ୍ରୀ ରମଣ ସିଂଙ୍କ ବିକାଶ ଯାତ୍ରା କାର୍ଯ୍ୟକ୍ରମ ପୂର୍ବରୁ ମାଓବାଦୀମାନେ ବିସ୍ଫୋରଣ ଘଟାଇଛନ୍ତି। ଅନ୍ତାଗଡଠାରୁ ୧୨କିମି ଦୂର ବେରେବେଡା ଗ୍ରାମରେ ଥିବା ଭାଜପା ଏମ୍‌ପି ବିକ୍ରମ ସୋଡିଙ୍କ ଫାର୍ମହାଉସକୁ ସେମାନେ ଲ୍ୟାଣ୍ଡମାଇନ ବିସ୍ଫୋରଣ କରି ଉଡାଇ ଦେଇଛନ୍ତି।

ବଜ୍ରପାତରେ ୧୧ ଗାଈ ମୃତ

ବଜ୍ରପାତରେ ୧୧ ଗାଈ ମୃତ

ଝରିଗାଁ,୨୩।୫(ସ୍ବ.ପ୍ର)- ନବରଙ୍ଗପୁର ଜିଲା ଝରିଗାଁ ସଦର ନିକଟସ୍ଥ ବରାଗୁଡା ଗ୍ରାମ ଠାରେ ମଙ୍ଗଳବାର ରାତିରେ କାଳବୈଶାଖୀ ପ୍ରଭାବରେ ବଜ୍ରପାତ ହୋଇ ୧୧ ଗାଈ ସମେତ ଗୋଟିଏ ବଣୀ ଚଢେଇର ମୃତ୍ୟୁ ହୋଇଛି। ମଙ୍ଗଳବାର ରାତିରେ କାଳବୈଶାଖୀ ପ୍ରଭାବରେ ଝଡବର୍ଷା ସହ ବଜ୍ରପାତ ହୋଇଥିଲା। ଗାଈଗୋରୁ ଏକ ଶାଳ ଗଛ ନିକଟକୁ ଯାଇ ରହିଥିଲେ। ସେହି ସମୟରେ ବଜ୍ରପାତରେ ବରାଗୁଡା ଗ୍ରାମର ଲୋକନାଥ ସାନ୍ତାଙ୍କ ଗୋଟିଏ ବାଛୁରୀ ସମେତ ଗାଈ ଏବଂ ଗୋଟିଏ ବଳଦର ମୃତ୍ୟୁ ହୋଇଥିବା ବେଳେ ଟଙ୍କଧର ଗୌଡ,ମଦନ ଗୌଡ,ଖାଡି ଗୌଡ ଏବଂ ବୁଟିଆ ଗୌଡଙ୍କ ଗୋଟିଏ ଲେଖାଏଁ ବାଛୁରୀର ମୃତ୍ୟୁ ହୋଇଥିଲା।

ଖାଦ୍ୟ, ଔଷଧ ମହଜୁଦ ଓ ଥଇଥାନ ଉପରେ ଗୁରୁତ୍ୱ

ଖାଦ୍ୟ, ଔଷଧ ମହଜୁଦ ଓ ଥଇଥାନ ଉପରେ ଗୁରୁତ୍ୱ

ପାରଳାଖେମୁଣ୍ଡି,୨୩ା୫(ସ୍ବ.ପ୍ର.)- ଗଜପତି ଜିଲା ପ୍ରଶାସନ ପକ୍ଷରୁ ପାରଳାଖେମୁଣ୍ଡିସ୍ଥିତ ଆନ୍ଧ୍ର ବ୍ୟାଙ୍କ ଗ୍ରାମୀଣ ଆତ୍ମନିଯୁକ୍ତି ତାଲିମ କେନ୍ଦ୍ରରେ ମଙ୍ଗଳବାର ଜିଲାସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ ଅନୁଷ୍ଠିତ ହୋଇଯାଇଛି। ଆଗକୁ ବର୍ଷାଋତୁ ଆସୁଥିବାରୁ ସମ୍ଭାବ୍ୟ ବିପର୍ଯ୍ୟୟ ପରିସ୍ଥିତିକୁ ଦୃଷ୍ଟିରେ ରଖି ତା’ର ଉଚିତ ମୁକାବିଲା ପାଇଁ ପ୍ରସ୍ତୁତି କାର୍ଯ୍ୟ ଉପରେ ସମୀକ୍ଷା କରାଯାଇଛି। ଏହି ବୈଠକରେ ଜିଲାପାଳ ଅନୁପମ ଶାହା ଅଧ୍ୟକ୍ଷତା କରିଥିଲେ। ପ୍ରାକୃତିକ ବିପର୍ଯ୍ୟୟ ବେଳେ ଯେଭଳି କୌଣସି ଧନଜୀବନ କ୍ଷତି ନଘଟେ ଏବଂ ପ୍ରପୀଡ଼ିତ ଅଞ୍ଚଳବାସୀଙ୍କୁ ତୁରନ୍ତ ସମସ୍ତ ପ୍ରକାର ସହାୟତା ଯୋଗାଇହେବ ସେନେଇ ସମସ୍ତ ବିଭାଗ ପରସ୍ପର ମଧ୍ୟରେ ସମନ୍ବୟ ରଖି କାର୍ଯ୍ୟ କରିବା ଉଚିତ ବୋଲି ସେ କହିଥିଲେ।

ପାରଳାଖେମୁଣ୍ଡି ବିଦ୍ୟୁତ ସବ୍‌ଡିଭିଜନ ପୁରସ୍କୃତ

ପାରଳାଖେମୁଣ୍ଡି ବିଦ୍ୟୁତ ସବ୍‌ଡିଭିଜନ ପୁରସ୍କୃତ

ପାରଳାଖେମୁଣ୍ଡି,୨୩।୫(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ବିଦ୍ୟୁତ ସବ୍‌ଡିଭିଜନ ଏକ ରାଜ୍ୟସ୍ତରୀୟ କାର୍ଯ୍ୟକ୍ରମରେ ପୁରସ୍କୃତ ହୋଇଛି । ଭୁବନେଶ୍ୱରସ୍ଥିତ ହୋଟେଲ ସ୍ବସ୍ତି ପ୍ରିମିୟମରେ ଆୟୋଜିତ ଏକ କାର୍ଯ୍ୟକ୍ରମରେ ଶକ୍ତିମନ୍ତ୍ରୀ ସୁଶାନ୍ତ ସିଂଙ୍କଠାରୁ ପାରଳାଖେମୁଣ୍ଡି ସବଡିଭିଜନ ପକ୍ଷରୁ ଏସ୍‌ଡିଓ ଅଭିଷେକ ରଥ ଏହି ପୁରସ୍କାର ଗ୍ରହଣ କରିଛନ୍ତି।