ରାୟଗଡା

କୋଟିଆ ସ୍ଥିତି ପରଖିଲେ ଆନ୍ତଃ ବିଭାଗୀୟ ଟିମ୍‌: ଲୋକଙ୍କ ସହ ଆଲୋଚନା ନକରି ଫେରିଲେ

କୋଟିଆ ସ୍ଥିତି ପରଖିଲେ ଆନ୍ତଃ ବିଭାଗୀୟ ଟିମ୍‌: ଲୋକଙ୍କ ସହ ଆଲୋଚନା ନକରି ଫେରିଲେ
ପଟ୍ଟାଙ୍ଗି/କୋରାପୁଟ,୯।୨(ଡି.ଏନ୍‌.ଏ./ସ୍ବ.ପ୍ର.) କୋରାପୁଟ ଜିଲାର ବିବାଦୀୟ କୋଟିଆ ଗ୍ରାମପୁଞ୍ଜରେ ଶୁକ୍ରବାର ଓଡ଼ିଶା ସରକାରଙ୍କ ୪ ଜଣିଆ ଆନ୍ତଃ ବିଭାଗୀୟ ଟିମ୍‌ ପହଞ୍ଚତ୍ ସ୍ଥିତି ଅନୁଧ୍ୟାନ କରିଛନ୍ତି। କୋଟିଆକୁ ନେଇ ଗତ ଜାନୁୟାରୀରେ ବିବାଦ ଆରମ୍ଭ ହେବାର ମାସକ ପରେ ରାଜ୍ୟ ପ୍ରଶାସନିକ ଅଧିକାରୀଙ୍କ ପାଦ ସେଠାରେ ପଡ଼ିଛି। କେବିକେ ମୁଖ୍ୟ ପ୍ରଶାସକ ସୂର୍ଯ୍ୟ ପ୍ରକାଶ ଠାକୁରଙ୍କ ସହ ଆନ୍ତଃ ବିବାଦ କମିଟିର ସଦସ୍ୟ ତଥା ପୋଲିସ୍‌ ଆଇଜି ସଞ୍ଜୀବ ପଣ୍ଡା, ରାଜସ୍ବ ବିଭାଗ ନିର୍ଦ୍ଦେଶକ (ପୁନର୍ବାସ ଓ ଥଇଥାନ) ତଥା ଅତିରିକ୍ତ ଶାସନ ସଚିବ ଅଶୋକ କୁମାର ନାୟକ, ରାଜସ୍ବ ବିଭାଗର ଅତିରିକ୍ତ ଶାସନ ସଚିବ ଶଶଧର ନାୟକ ଓ ଗ୍ରାମ୍ୟ ଉନ୍ନୟନ ବିଭାଗ ଯନ୍ତ୍ରୀ ଆଶୁତୋଷ ମଲ୍ଲିକ ସୀମାନ୍ତ ଗାଁ ବୁଲି ଦେଖିଛନ୍ତି। ସେମାନଙ୍କ ସହ କୋରାପୁଟ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ଏସ୍‌ପି କନଓ୍ବର ବିଶାଲ ସିଂ ଓ ଉପଜିଲାପାଳ କୃତ୍ତିବାସ ରାଉତ ସାମିଲ ଥିଲେ। ତେବେ ଗସ୍ତବେଳେ ତୃଣମୂଳ ସ୍ତରର ଲୋକଙ୍କ ସହ ଆଲୋଚନା ନକରି କେବଳ ସ୍ଥିତି ଅନୁଧ୍ୟାନ କରି କୋରାପୁଟ ଫେରିଆସିଥିଲା ଟିମ୍‌। ଫେରିବା ବେଳେ କୋରାପୁଟ ସଦରକୁ ଆସି ବୈଠକରେ ସେମାନଙ୍କ ସହ ଆଲୋଚନା କରିବାକୁ କହିଥିଲେ। ଶୁକ୍ରବାର ପୂର୍ବାହ୍ନରେ ଏହି ଟିମ୍‌ ପ୍ରଥମେ କୋଟିଆ ଗ୍ରାମପୁଞ୍ଜର କୁରୁଡ଼ିପଦରରେ ପହଞ୍ଚତ୍ବା ପରେ ସ୍ଥାନୀୟ ଗ୍ରାମବାସୀ ସେମାନଙ୍କୁ ବାଦ୍ୟ ନୃତ୍ୟରେ ସ୍ବାଗତ ଜଣାଇଥିଲେ। ସେଠିକା ସ୍ଥିତି ସମ୍ପର୍କରେ ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ପ୍ରଫୁଲ ପାଙ୍ଗି ଓ ପଞ୍ଚାୟତର ଅବସରପ୍ରାପ୍ତ ରାଜସ୍ବ ନୀରିକ୍ଷକ ଗଦାଧର ସ୍ବାଇଁଙ୍କୁ ସହ ଟିମ୍‌ ଆଲୋଚନା କରିଥିଲା। ସେଠାରୁ କୋଟିଆ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ଡାକ୍ତର ତାପସ ପଣ୍ଡାଙ୍କ ସହ ସ୍ବାସ୍ଥ୍ୟସେବା ସମ୍ପର୍କରେ କଥା ହୋଇଥିଲେ। ସଦର ଆଶ୍ରମ ବିଦ୍ୟାଳୟର ଜଣେ ଅସୁସ୍ଥ ଛାତ୍ରୀ ଦୁଇ ଦିନ ହେଲା ସ୍ବାସ୍ଥ୍ୟକେନ୍ଦ୍ର ବାରଣ୍ଡାରେ ଚିକିତ୍ସାଧୀନ ଥିବା ଦେଖିଥିଲେ ଟିମ୍‌। ସ୍ବାସ୍ଥ୍ୟକେନ୍ଦ୍ର ଡାହାଣ ପାର୍ଶ୍ୱରେ ପରିତ୍ୟକ୍ତ ଅବସ୍ଥାରେ ଥିବା ଅଙ୍ଗନଓ୍ବାଡି କେନ୍ଦ୍ରକୁ ଭାଙ୍ଗି ସ୍ବାସ୍ଥ୍ୟକେନ୍ଦ୍ର ପାଇଁ ରୋଗୀଶଯ୍ୟା ଓ ଅଧିକ କୋଠରି ତିଆରି କରିବା, ସ୍ବାସ୍ଥ୍ୟକେନ୍ଦ୍ର ପରିସରରେ ଥିବା ଖାଲି ସ୍ଥାନରେ କର୍ମଚାରୀଙ୍କ ଲାଗି ବାସଗୃହ ନିର୍ମାଣ ହେବା ଲାଗି ଆଲୋଚନା ହୋଇଥିଲା। ଆର୍‌ଡି ବିଭାଗର ଗଣେଶ୍ୱର ହେମ୍ବ୍ରମ ଓ ରାଜ୍ୟ ଗ୍ରାମ୍ୟ ଉନ୍ନୟନ ବିଭାଗର ଯନ୍ତ୍ରୀ ଆଶୁତୋଷ ମଲ୍ଲିକଙ୍କୁ ଏହାର ପ୍ରକଳ୍ପ ପ୍ରସ୍ତୁତ କରିବା ଲାଗି କୁହାଯାଇଥିଲା। କୋଟିଆ ସଦରରେ ଜରାଜୀର୍ଣ୍ଣ ଅବସ୍ଥାରେ ଥିବା ଫାଣ୍ଡିଘରର ପୁନରୁଦ୍ଧାର ନେଇ ମଧ୍ୟ ବିଚାର କରିଥିଲା ଟିମ୍‌। ସେଠାରୁ ଟିମ୍‌ ସଦର ଆଶ୍ରମ ବିଦ୍ୟାଳୟ ପରିଦର୍ଶନ କରି ଏହାର ପାରିପାର୍ଶ୍ୱିକ ଉନ୍ନତିକରଣ ପାଇଁ ପ୍ରଧାନ ଶିକ୍ଷକଙ୍କ କାର୍ଯ୍ୟାଳୟରେ ବୈଠକ ବସିଥିଲା। ଗତ ୭ ତାରିଖ ହୋଇଥିବା ସର୍ବଦଳୀୟ ବୈଠକରେ ଦେଇଥିବା ୩୦ ଦଫା ଦାବିକୁ ପ୍ରଥମେ ପୂରଣ କରିବା ଲାଗି ପଞ୍ଚାୟତବାସୀ ଦାବି କରିଥିଲେ। ରାଜ୍ୟସ୍ତରର ପ୍ରଶାସନିକ ଅଧିକାରୀ ପ୍ରତି ବୁଧବାର ଏକ ସାପ୍ତାହିକ ହାଟ କରିବା ପାଇଁ ପ୍ରସ୍ତାବ ଦେଇଥିଲେ। କିନ୍ତୁ ଗ୍ରାମର ଯୁବକ କାମେଶ ଗେମେନ୍‌ ଉପସ୍ଥିତ ଅଧିକାରୀଙ୍କୁ କହିଥିଲେ, ପଞ୍ଚାୟତର ଶିକ୍ଷିତ ଯୁବତୀ ଯୁବକଙ୍କୁ ପ୍ରଥମେ ଋଣ ଦେଇ ସ୍ବାବଲମ୍ବୀ କରାଯାଉ। ଏହାପରେ ହାଟ ସମ୍ପର୍କରେ ଚିନ୍ତା କରାଯିବ। କେବିକେ ମୁଖ୍ୟ ପ୍ରଶାସକ ଠାକୁର ଏହାର ଉତ୍ତରରେ କହିଥିଲେ, ଶୁକ୍ରବାର ସନ୍ଧ୍ୟା ୫ଟାରେ ଜିଲା ସଦରରେ ଏକ ବୈଠକ ଅଛି। ପଞ୍ଚାୟତବାସୀ ସେଥିରେ ଯୋଗଦେଇ ନିଜର ପ୍ରସ୍ତାବ ରଖନ୍ତୁ। ଏହାପରେ କୋଟିଆ ସଦରରୁ କୋରାପୁଟ ଫେରିବା ବେଳେ ବାଟରେ ତଳ ଗଞ୍ଜେଇପଦର ଗ୍ରାମରେ ଅଟକିଥିଲା ଟିମ୍‌। ସେଠାରେ ଗତ ସୋମବାରରୁ ଓଡ଼ିଶା ସରକାରଙ୍କ ଦ୍ୱାରା ୮ଲକ୍ଷ ଅନୁଦାନରେ ଏମ୍‌ଜିଏନଆରଇଜିଏସ୍‌ ଅଧୀନରେ ଆରମ୍ଭ ହୋଇଥିବା ରାସ୍ତାର ଉନ୍ନତିକରଣ କାର୍ଯ୍ୟ ଓ ଆନ୍ଧ୍ର କରିଥିବା କାର୍ଯ୍ୟ ତଦାରଖ କରିଥିଲେ। ସନ୍ଧ୍ୟାରେ କୋରାପୁଟ ଡିଆରଡିଏ ସଦଭାବନା ସଭାଗୃହରେ ଏକ ସମୀକ୍ଷା ବୈଠକ ହୋଇଥିଲା। କୋଟିଆର ସାମଗ୍ରିକ ବିକାଶ ପାଇଁ କେଉଁ କେଉଁ କାର୍ଯ୍ୟ କରାଯିବ, ଅଞ୍ଚଳରେ ଶିକ୍ଷା, ସ୍ବାସ୍ଥ୍ୟ ଓ ଗମନାଗମନ କ୍ଷେତ୍ରରେ କିପରି ଉନ୍ନତି ଅଣାଯାଇ ପାରିବ ସେ ନେଇ ଆଲୋଚନା କରାଯାଇଥିଲା।
All Right Reserved By

ରାୟଗଡା

ମୁଣ୍ଡାଗୁଡ଼ା ନୂତନ ପ୍ରାଥମିକ ବିଦ୍ୟାଳୟ: ଖରାରେ ଗଛତଳେ ବର୍ଷାରେ ଟିଣ ଆଉଜା ଘରେ ପାଠପଢା

ମୁଣ୍ଡାଗୁଡ଼ା ନୂତନ ପ୍ରାଥମିକ ବିଦ୍ୟାଳୟ: ଖରାରେ ଗଛତଳେ ବର୍ଷାରେ ଟିଣ ଆଉଜା ଘରେ ପାଠପଢା

ନବରଙ୍ଗପୁର,୨୧।୧(ବି.ପ୍ର.): ପିଲାଙ୍କୁ ଶିକ୍ଷିତ କରିବାକୁ  ସରକାର ବିଭିନ୍ନ ଯୋଜନା ପ୍ରସ୍ତୁତ କରୁଛନ୍ତି। ସେମାନଙ୍କୁ ଉପଯୁକ୍ତ ଶୈକ୍ଷିକ ବାତାବରଣ ଦେବା ପାଇଁ ଅନେକ ଟଙ୍କା ଖର୍ଚ୍ଚ କରୁଛନ୍ତି।  କିନ୍ତୁ ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ମାଝିଗୁଡା ପଞ୍ଚାୟତର ମୁଣ୍ଡାଗୁଡା ନୂତନ ପ୍ରାଥମିକ ବିଦ୍ୟାଳୟ ଏଥିରେ ବ୍ୟତିକ୍ରମ। ଏଠାରେ ପିଲାଙ୍କ ପାଇଁ  ଶ୍ରେଣୀଗୃହ ନାହିଁ। ଖରାଦିନେ ଗଛତଳେ ଓ ବର୍ଷା ଦିନରେ ଟିଣ ଆଉଜା ହୋଇଥିବା ଏକ ଅସ୍ଥାୟୀ ଗୃହରେ ପିଲା ପାଠ ପଢନ୍ତି।  

ଅବ୍ୟବସ୍ଥାରେ ଝୋଡ଼ିଆପଡା ବିଦ୍ୟାଳୟ

ଅବ୍ୟବସ୍ଥାରେ ଝୋଡ଼ିଆପଡା ବିଦ୍ୟାଳୟ

ଟିକିରି, ୨୧।୧ (ଡି.ଏନ୍‌.ଏ.): ରାଜ୍ୟ ସରକାର ଗରିବ ଶ୍ରେଣୀର ଛାତ୍ରୀଛାତ୍ରମାନଙ୍କ  ଶିକ୍ଷାଦାନ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ସୁଦ୍ଧା ଏହାର ସଠିକ୍‌ ଉପଯୋଗ ହୋଇପାରୁ ନାହିଁ। ଏହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ରାୟଗଡ଼ା ଜିଲା କାଶୀପୁର ବ୍ଲକରେ । 

ହାତଗୋଡ଼ ବାନ୍ଧି ସ୍ବାମୀଙ୍କ ଯୌନାଙ୍ଗକୁ କାଟିଦେଲେ ସ୍ତ୍ରୀ

ହାତଗୋଡ଼ ବାନ୍ଧି ସ୍ବାମୀଙ୍କ ଯୌନାଙ୍ଗକୁ କାଟିଦେଲେ ସ୍ତ୍ରୀ

ନବରଙ୍ଗପୁର,୨୧।୧(ବି.ପ୍ର.): ପରକ୍ରୀୟା ପ୍ରୀତି ସନ୍ଦେହରେ ଜଣେ ସ୍ତ୍ରୀ ତାଙ୍କ ସ୍ବାମୀଙ୍କ ଯୌନାଙ୍ଗକୁ କାଟି ଦେଇଛନ୍ତି। ଏପରି ଅଭାବନୀୟ ଘଟଣା ଘଟିଛି ତେନ୍ତୁଳିଖୁଣ୍ଟି ଥାନା ଅଧୀନ ଉଦୟପୁର ଗ୍ରାମରେ।

ଏସାର ପାଇପ ଲାଇନ୍‌ କାଟିଲେ ମାଓବାଦୀ

ଏସାର ପାଇପ ଲାଇନ୍‌ କାଟିଲେ ମାଓବାଦୀ

ମାଲକାନଗିରି ତା. ୨୧।୧:  କିଛିଦିନର ନିରବତା ପରେ ପୁଣି ମାଲକାନଗିରି ଜିଲାରେ ମାଓବାଦୀମାନେ ହିଂସ୍ର ହୋଇ ଉଠିଛନ୍ତି। ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ରାଲେଗାଡ଼ା ପଞ୍ଚୟତର ଦିଗାଜାନବାଈ ଦେଇ ଯାଇଥିବା ଏସାର ପାଇପ ଲାଇନକୁ ଗତ ଶନିବାର ବିଳମ୍ବିତ ମାଓବାଦୀମାନେ ରାତ୍ରିରେ କାଟି ଦେଇଛନ୍ତି।

ପୋଲିଓ ରୋକିପାରିନି ପାଠର ଝୁଙ୍କ

ପୋଲିଓ ରୋକିପାରିନି ପାଠର ଝୁଙ୍କ

ଦଶମନ୍ତପୁର,୨୧।୧ (ଡି.ଏନ୍‌.ଏ)- ଶରୀରରେ ଦିବ୍ୟାଙ୍ଗ, କିନ୍ତୁ ମନରେ ଶିକ୍ଷାର ମାଇଲଖୁଣ୍ଟ ଚଢ଼ିବାକୁ ଆଶା ରଖିଛନ୍ତି ଏଲିଜାବେଥ। କୋରାପୁଟ ଜିଲା ଦଶମନ୍ତପୁର ବ୍ଲକ୍‌ ସଦର ପଞ୍ଚାୟତସ୍ଥିତ ମାଛପୁଟ ଗ୍ରାମର ମୋହନପାତ୍ର ଖୋସ୍ଲାଙ୍କ ବଡ଼ଝିଅ ଦିବ୍ୟାଙ୍ଗ ଏଜିଲାବେଥ ଖୋସ୍ଲା। ଜନ୍ମରୁ ପୋଲିଓରେ ତାଙ୍କର ଗୋଟିଏ ଗୋଡ଼ ସରୁ ହେବା ସହିତ ଟିକେ ଛୋଟ ହେତୁ ସେ ଚାଲିପାରୁ ନାହାନ୍ତି। ମା’ ବାପାଙ୍କ ସହଯୋଗରେ ଏଲିଜାବେଥ ଏବେ ଯୁକ୍ତଦୁଇ କଳାରେ ପଢୁଛନ୍ତି। 

ବନ୍ୟଜନ୍ତୁଙ୍କ ପାଇଁ ଡେଥ୍‌ ଜୋନ୍‌ ‘ରାଞ୍ଚତ୍-ବିଜୟାୱାଡ଼ା’ ରାସ୍ତା

ବନ୍ୟଜନ୍ତୁଙ୍କ ପାଇଁ ଡେଥ୍‌ ଜୋନ୍‌ ‘ରାଞ୍ଚତ୍-ବିଜୟାୱାଡ଼ା’ ରାସ୍ତା

ବୈପାରୀଗୁଡ଼ା,୨୧।୧(ଡି.ଏନ୍‌.ଏ.)ରାଞ୍ଚତ୍-ବିଜୟାୱାଡ଼ା ରାସ୍ତା ଏବେ ବନ୍ୟଜନ୍ତୁଙ୍କ ପାଇଁ ଡେଥ୍‌ ଜୋନ୍‌ ପାଲଟିଛି। ବିଶେଷ କରି ବୈପାରୀଗୁଡ଼ା ଦେଇ ଯାଇଥିବା ଜୟପୁର-ମାଲକାନଗିରି ରାସ୍ତାରେ ରାତ୍ରିକାଳୀନ ଦ୍ରୁତଗାମୀ ବସ୍‌ ଓ ଅନ୍ୟ ଭାରୀଯାନର ଚକାତଳେ ଚାପିହୋଇ ପ୍ରତିଦିନ ବନ୍ୟଜନ୍ତୁ ଟଳିପଡୁଛନ୍ତି। ସେମାନଙ୍କ ସଂଖ୍ୟା ଧୀରେଧୀରେ କମିବା ଏବେ ପରିବେଶବିତ୍‌ଙ୍କୁ ଚିନ୍ତାରେ ପକାଇଛି।

ନାବାଳିକାଙ୍କୁ ଦୁର୍ବ୍ୟବହାର ଅଭିଯୋଗ: ଜିଲା କ୍ରୀଡା ଅଧିକାରୀ ଗିରଫ

ନାବାଳିକାଙ୍କୁ ଦୁର୍ବ୍ୟବହାର ଅଭିଯୋଗ: ଜିଲା କ୍ରୀଡା ଅଧିକାରୀ ଗିରଫ

ମାଲକାନଗିରି,୨୦ା୧ (ଡି.ଏନ୍‌.ଏ.) : ମାଲକାନଗିରି ଜିଲା କ୍ରୀଡା ଅଧିକାରୀ ଜ୍ଞାନେନ୍ଦ୍ର ବାଡୋଇ ଜଣେ ନାବାଳିକାଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ରବିବାର ଗିରଫ ହୋଇଛନ୍ତି। ଗିରଫ ପରେ ତାଙ୍କୁ ପୋଲିସ କୋର୍ଟଚାଲାଣ କରିଛି। ଖବରରୁ ଜଣାପଡିଛି  କ୍ରୀଡା ହଷ୍ଟେଲରେ ରହୁଥିବା ଜଣେ ଛାତ୍ରୀଙ୍କୁ  କ୍ରୀଡା ଅଧିକାରୀ ବାଡୋଇ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ଏନେଇ ଛାତ୍ରୀ ଜଣକ ମାଲକାନଗିରି ଥାନାରେ ଅଭିଯୋଗ କରିଥିଲେ। ଆଇଆଇସି ସୌମେନ୍ଦ୍ର ଶେଖର ତ୍ରିପାଠୀ ଘଟଣାର ତଦନ୍ତ କରିବା ପରେ ବାଡୋଇଙ୍କୁ ଗିରଫ କରିଥିଲେ।  

ଜୟପୁର-ମାଲକାନଗିରି ରେଳ ଲାଇନ ସର୍ଭେ ଆରମ୍ଭ

ଜୟପୁର-ମାଲକାନଗିରି ରେଳ ଲାଇନ ସର୍ଭେ ଆରମ୍ଭ

ମାଲକାନଗିରି,୨୦।୧ (ଡି.ଏନ୍‌.ଏ.) : ମାଲକାନଗିରି ଜିଲାବାସୀ ଦୀର୍ଘ ବର୍ଷ ହେଲା ଜିଲାକୁ ରେଳ ଲାଇନ ପାଇଁ ଦାବି କରି ଆସୁଥିଲେ। ଏଥିପାଇଁ ରାଜ୍ୟ ସରକାର କେନ୍ଦ୍ର ସରକାରଙ୍କ ନିକଟକୁ ମାଲକାନଗିରି ଜିଲାରେ ରେଳ ଲାଇନ ଅତ୍ୟନ୍ତ ଜରୁରୀ ବୋଲି ଦର୍ଶାଇ ବିଭିନ୍ନ ସମୟରେ ଦାବି କରି ଆସୁଥିଲେ। ତେବେ ଏହା କାର୍ଯ୍ୟକାରୀ ହୋଇପାରୁ ନ ଥିଲା । ଶେଷରେ ୨୦୧୬ରେ ମାଲକାନଗିରି ରେଳଲାଇନ ପାଇଁ ପ୍ରସ୍ତାବ ମଞ୍ଜୁର ହୋଇଥିଲା। ୨୦୧୮ରେ ସରକାର ୨୬୭୬ କୋଟି ଟଙ୍କା ମଞ୍ଜୁର କରିଛନ୍ତି। ରାଜ୍ୟ ସରକାର ଜମି ଯୋଗାଇଦେବା ସହ ଏହି ରେଳ ଲାଇନ ପାଇଁ ୪୦ ପ୍ରତିଶତ ଅର୍ଥ ଯୋଗାଇ ଦେବେ ବୋଲି ପୂର୍ବରୁ କେନ୍ଦ୍ରକୁ ଜଣାଇଥିଲେ। ତେବେ ନବରଙ୍ଗପୁର ଏମ୍‌ପି ବଳଭଦ୍ର ମାଝୀ କେନ୍ଦ୍ର ରେଳମନ୍ତ୍ରୀଙ୍କ ନିକଟରେ ସର୍ଭେ କାର୍ଯ୍ୟ ତରାନ୍ବିତ କରିବା ପାଇଁ ବାରମ୍ବାର ଦାବି କରି ଆସୁଥିଲେ।  ଏହାର ଫଳ ସ୍ବରୂପ  ୧୨୮.୫ କିଲୋମିଟର  ରେଳଲାଇନ ପାଇଁ ଜୟପୁରରୁ ବୈପାରିଗୁଡା ସର୍ଭେ କାର୍ଯ୍ୟ ଆରମ୍ଭ ହୋଇ ନିକଟରେ ଶେଷ ହୋଇଛି ବୋଲି  ରେଳ ମନ୍ତ୍ରଣାଳୟର ଡେପୁଟି ଚିଫ୍‌ ଇଞ୍ଜିନିୟର ରବିବାର ଏକ ଖବରଦାତା ସମ୍ମିଳନୀରେ ପ୍ରକାଶ କରିଛନ୍ତି।

  ଦିଦି ଯାଇଛନ୍ତି ପରିବା କିଣି, ପିଲାଙ୍କୁ ଜଗିଛନ୍ତି ଦିଦିଙ୍କ ସ୍ବାମୀ

ଦିଦି ଯାଇଛନ୍ତି ପରିବା କିଣି, ପିଲାଙ୍କୁ ଜଗିଛନ୍ତି ଦିଦିଙ୍କ ସ୍ବାମୀ

ଟିକିରି, ୨୦।୧ (ଡି.ଏନ୍‌.ଏ.)ସ୍କୁଲ ସମୟରେ ଜଣେ ଶିକ୍ଷୟିତ୍ରୀ ପରିବା କିଣିବାକୁ ଯାଇଥିବା ବେଳେ ତାଙ୍କ ସ୍ବାମୀ ପିଲାଙ୍କୁ ଜଗିଥିଲେ । ଶନିବାର ଏପରି ଏକ ଘଟଣା ଦେଖିବାକୁ ମିଳିଛି ରାୟଗଡ଼ା ଜିଲା କାଶିପୁର ବ୍ଲକ  ଶଙ୍କରଡା ପଞ୍ଚାୟତର ବାହାର କୁଝମି ପ୍ରାଥମିକ ବିଦ୍ୟାଳୟରେ।    ପଞ୍ଚାୟତ ସଦରଠାରୁ ମାତ୍ର ଦୁଇ କି.ମି. ଦୂରରେ ଥିବା ଏହି ବିଦ୍ୟାଳୟରେ ଶନିବାର ପାଠପଢ଼ା  ସମୟରେ ସ୍କୁଲରେ ଶିକ୍ଷୟିତ୍ରୀ ଶିକ୍ଷକ ଅନୁପସ୍ଥିତ ଥିଲେ। 

ଶ୍ରେଣୀଗୃହ ଅଭାବ:ଖରାରେ ଗଛତଳେ, ବର୍ଷାରେ ଟିଣ ଆଉଜା  ଘରେ  ପାଠପଢା

ଶ୍ରେଣୀଗୃହ ଅଭାବ:ଖରାରେ ଗଛତଳେ, ବର୍ଷାରେ ଟିଣ ଆଉଜା ଘରେ ପାଠପଢା

 ନବରଙ୍ଗପୁର,୨୦।୧(ବି.ପ୍ର.)-ପିଲାଙ୍କୁ ଶିକ୍ଷିତ କରିବାକୁ  ସରକାର ବିଭିନ୍ନ ଯୋଜନା ପ୍ରସ୍ତୁତ କରୁଛନ୍ତି। ସେମାନଙ୍କୁ ଉପଯୁକ୍ତ ଶୈକ୍ଷିକ ବାତାବରଣ ଦେବା ପାଇଁ ଅନେକ ଟଙ୍କା ଖର୍ଚ୍ଚ କରୁଛନ୍ତି।  କିନ୍ତୁ ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ମାଝିଗୁଡା ପଞ୍ଚାୟତର ମୁଣ୍ଡାଗୁଡା ନୂତନ ପ୍ରାଥମିକ ବିଦ୍ୟାଳୟ ଏଥିରେ ବ୍ୟତିକ୍ରମ। ଏଠାରେ ପିଲାଙ୍କ ପାଇଁ  ଶ୍ରେଣୀଗୃହ ନାହିଁ। ଖରାଦିନେ ଗଛତଳେ ଓ ବର୍ଷା ଦିନରେ ଟିଣ ଆଉଜା ହୋଇଥିବା ଏକ ଅସ୍ଥାୟୀ ଗୃହରେ ପିଲା ପାଠ ପଢନ୍ତି। 

ଆବାସ ଯୋଜନାକୁ ଚାର୍ହିଁ ବସିଛନ୍ତି ଅସହାୟ ପରିବାର

ଆବାସ ଯୋଜନାକୁ ଚାର୍ହିଁ ବସିଛନ୍ତି ଅସହାୟ ପରିବାର

ପାପଡାହାଣ୍ଡି,୨୦।୧(ଡି.ଏନ.ଏ)-ରହିବାକୁ ଭଲ  ଘରଟିଏ ନାହିଁ ।  ଯେଉଁ ଘରେ ରହୁଛନ୍ତି ତାହାକୁ ମରାମତି କରିବାକୁ ଅର୍ଥ ମଧ୍ୟ ନାହିଁ। ଭଙ୍ଗା  ଦଦରା ଘରେ ବିତୁଛି ୪ ପ୍ରାଣୀଙ୍କର ଜୀବନ । ଆବାସ ଯୋଜନାରେ  ଘର ଖଣ୍ଡେ ପାଇଁ   ବାରମ୍ବାର ଜଣାଇବା ସତ୍ତ୍ୱେ ମଧ୍ୟ କେହିଁ ଶୁଣୁ ନାହାନ୍ତି।  ଏ ହେଉଛି ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ କାଡୁଗୁଡା ଗ୍ରାମର ଅସହାୟ ମଙ୍ଗଦେଇ ଯାନୀଙ୍କ ପରିବାରର ଅବସ୍ଥା । 

ବାଲିମେଳା ନବୋଦୟ ବିଦ୍ୟାଳୟ ସ୍ଥାନାନ୍ତର ନେଇ  ଲାଗିରହିଛି ଅନିଶ୍ଚିତତା

ବାଲିମେଳା ନବୋଦୟ ବିଦ୍ୟାଳୟ ସ୍ଥାନାନ୍ତର ନେଇ ଲାଗିରହିଛି ଅନିଶ୍ଚିତତା

ବାଲିମେଳା,୨୦।୧(ଡି.ଏନ.ଏ.)-ମାଲକାନଗିରି ଜିଲା ବାଲିମେଳାଠାରେ କେନ୍ଦ୍ର ମାନବ ସମ୍ବଳ ମନ୍ତ୍ରଣାଳୟ ପକ୍ଷରୁ ଗତ ୨୦୧୦ରୁ ମାଲକାନଗିରି ଜିଲାରେ ନବୋଦୟ ବିଦ୍ୟାଳୟ ଖୋଲାଯାଇଥିଲା। ୪୦ଜଣ ଛାତ୍ରୀଛାତ୍ରଙ୍କୁ ଆଡମିଶନ କରାଯାଇ ମାଲକାନଗିରି ସରକାରୀ କନିଷ୍ଠ ବିଜ୍ଞାନ ମହାବିଦ୍ୟାଳୟ ସଂଲଗ୍ନ ଏକ ଅସ୍ଥାୟୀ ଗୃହରେ ଶିକ୍ଷାଦାନ କରାଯାଉଥିଲା। ପରେ ବାଲିମେଳା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ଡ୍ରଗଲାଇନ ନିକଟରେ ବିଦ୍ୟାଳୟ ପାଇଁ ଜମି ଚିହ୍ନଟ କରାଯାଇ ଟେଣ୍ଡର ମାଧ୍ୟମରେ କାର୍ଯ୍ୟ ଆରମ୍ଭ ହୋଇଥିଲା। ଏହି କାର୍ଯ୍ୟ ଶେଷର ଧାର୍ଯ୍ୟ ଅବଧି ପୂର୍ଣ୍ଣ ହୋଇଥିଲେ ମଧ୍ୟ ଅଦ୍ୟାବଧି କାର୍ଯ୍ୟ ଅସମ୍ପୂର୍ଣ୍ଣ ହୋଇପଡିଛି। ଫଳରେ ବିଦ୍ୟାଳୟ ମାଲକାନଗିରିରୁ ବାଲିମେଳାକୁ ସ୍ଥାନାନ୍ତର ହୋଇପାରୁନାହିଁ ।