ବାଲେଶ୍ୱର

ଆରଡିରେ ନିଆରା ପରମ୍ପରା

ଆରଡିରେ ନିଆରା ପରମ୍ପରା

ଆରଡ଼ି,୯।୨ (ଡି.ଏନ.ଏ.)-ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡି ମହାଶିବରାତ୍ରି ଲାଗି ଏବେଠାରୁ ଚଳଚଞ୍ଚଳ ହୋଇ ଉଠିଛି। ବାବା ଆଖଣ୍ଡଳମଣିଙ୍କୁ ଦର୍ଶନ ଲାଗି ପ୍ରତିଦିନ ଭକ୍ତ, ଶ୍ରଦ୍ଧାଳୁ, ମାନସିକଧାରୀଙ୍କ ଭିଡ ଜମୁଛି। ମହାଶିବରାତ୍ରି ପାଳନ ଲାଗି ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ଏଥର ପୀଠର ନବୀକରଣ କାର୍ଯ୍ୟ ହାତକୁ ନିଆଯାଇଥିବା ବେଳେ ଭକ୍ତ ଗହଳି ଯୋଗୁ ଉତ୍ସବମୁଖର ପରିବେଶ ସୃଷ୍ଟି ହୋଇଛି। ଅନ୍ତିମ ପ୍ରହରରେ ଖୋଲେ ପହଡ଼ ପୀଠରେ ପାଳିତ ହେଉଥିବା ବିଭିନ୍ନ ପର୍ବପର୍ବାଣି ମଧ୍ୟରୁ ମହାଶିବରାତ୍ରିର ସ୍ବାତନ୍ତ୍ର୍ୟ ନିଆରା। ଏହି ଦିନ ପୀଠକୁ ଲକ୍ଷ ଲକ୍ଷ ଭକ୍ତ ଛୁଟିଆସିଥାନ୍ତି। ଜାଗର ପୂର୍ବରାତ୍ରିର ଅନ୍ତିମ ପ୍ରହରରେ ମନ୍ଦିରରେ ପହଡ଼ ଖୋଲାଯାଇ ମଙ୍ଗଳ ଆଳତି କରାଯାଏ। ପରେ ଷୋଡ଼ଶ ଉପଚାର ପୂଜା ସରିଲେ ସାହାଣ ମେଲା ହୋଇଯାଏ। ପହିଲି ଭୋଗ ସ୍ବରୂପ କନିକା ରାଜାଙ୍କର ବିଭିନ୍ନ ଫଳମୂଳ, ଖଜା, ଉଖୁଡ଼ା, ଲଡୁ, ନିଶଙ୍କୁଡ଼ି, ଖୁଡୁମା ଆଦି ବାଲ୍ୟ ଭୋଗ ପ୍ରଭୁଙ୍କୁ ସମର୍ପଣ କରାଯାଏ। ଦିଗମ୍ବର ବେଶ- ଜାଗର ଦିନ ସକାଳଠୁ ମଧ୍ୟରାତ୍ର ପର୍ଯ୍ୟନ୍ତ ବାବାଙ୍କୁ ଦିଗମ୍ବର ବେଶରେ ଭକ୍ତମାନେ ଦର୍ଶନ କରନ୍ତି। ଏହି ସମୟରେ ଘର୍ଷଣ ଲାଗି ହୋଇଥାଏ। ବାବାଙ୍କ ମସ୍ତକରେ ମହୁ ଢଳାଯାଏ। ଅନ୍ୟ ଦିନଗୁଡ଼ିକରେ ଦ୍ୱିପ୍ରହର ପର୍ଯ୍ୟନ୍ତ ଏହି ବିଧିବ୍ୟବସ୍ଥା ପାଳିତ ହୋଇଥାଏ। ଦିଗମ୍ବର ବେଶ ପରେ ହୁଏ ସୁନାବେଶ । ଜାଗର ଘର୍ଷଣ - ଜାଗରରେ ଘର୍ଷଣ ଲାଗି ପରମ୍ପରା ଟିକେ ନିଆରା। କଞ୍ଚା କ୍ଷୀର, କଦଳୀ, ଗୁଡ଼, ମହୁ, ନଡ଼ିଆ, ଛେନା ବସାଦହି, ଗୁଜୁରାତି, ଗୁଆଘିଅ ଆଦି ଦ୍ରବ୍ୟକୁ ଏକାଠି କରି ଏହି ଘର୍ଷଣ ପ୍ରସ୍ତୁତ ହୋଇଥାଏ। ବର୍ଷକରେ ଥରେ ଶିବରାତ୍ରି ଅବସରରେ ସେବାୟତ ଓ ସେମାନଙ୍କର ପରିବାର ଏହି ଘର୍ଷଣ ସେବନ କରିଥାନ୍ତି। ମନ କିଣେ ସୁନାବେଶ- ମଧ୍ୟରାତ୍ରରେ ପ୍ରଭୁଙ୍କୁ ସୁନାବେଶରେ ସଜ୍ଜିତ କରାଯାଇଥାଏ। ଭକ୍ତଙ୍କ ଦର୍ଶନ ନିମନ୍ତେ ପୋଲିସ ତରଫରୁ ବ୍ୟାପକ ବ୍ୟବସ୍ଥା କରାଯାଇଥାଏ। ପ୍ରଥମେ ସେବାୟତଙ୍କ ପରିବାର ସଦସ୍ୟ ଦର୍ଶନ କରିଥାନ୍ତି । ଏହାପରେ ସାଧାରଣ ଦର୍ଶନ ହୋଇଯାଏ। କଥିତ ଅଛି ସୁନାବେଶ ଦର୍ଶନ କଲେ କୋଟି ଜନ୍ମର ପୁଣ୍ୟ ଫଳ ମିଳିଥାଏ। ରୁଷନ୍ତି ସେବାୟତ-ରାତ୍ରିର ଅନ୍ତିମ ପ୍ରହର ଅର୍ଥାତ୍‌ ଭୋର ୫ଟାରେ ମହାଦୀପ ଉଠିଥାଏ। ଏହାକୁ ଦର୍ଶନ କରି ଶହ ଶହ ଶ୍ରଦ୍ଧାଳୁ ଜାଗର ବ୍ରତ ଭାଙ୍ଗିଥାନ୍ତି । ଏହି ମହାଦୀପକୁ ନିକଟସ୍ଥ ଦୋହରାପାଟଣାର ଜଣେ ବ୍ୟକ୍ତି ତିଆରି କରିଥାନ୍ତି। ମାଟିରେ ତିଆରି ଏହି ଦୀପରେ ପ୍ରାୟ ୩୦ ଲିଟର ଖାଣ୍ଟି ଗୁଆଘିଅ ରଖାଯାଇ ମନ୍ଦିର ଉପରକୁ ଉଠାଯାଇଥାଏ। ଏକ ନୂତନ ଗାମୁଛାକୁ ବଳିତା ରୂପେ ବ୍ୟବହାର କରାଯାଏ। ଏହି ମହାଦୀପକୁ ମୁଣ୍ଡରେ ରଖି ମନ୍ଦିର ଚୂଡ଼ାକୁ ନେଉଥିବା ସେବାୟତ କିଛି ସମୟ ପାଇଁ ଅଭିମାନ କରି ରୁଷନ୍ତି। ପରେ ଜିଲା ପ୍ରଶାସନ ଓ ସେବାୟତମାନେ ତାଙ୍କର ମାନ ଭଞ୍ଜନ କରିଥାନ୍ତି। ବେଲପତ୍ର ଓ ତୁଳସୀ-ସମସ୍ତ ଶୈବପୀଠରେ ଭୋଗରେ କେବଳ ବେଲପତ୍ର ପଡ଼ିଥାଏ। କିନ୍ତୁ ଆରଡ଼ିରେ ଜାଗର ଦିନ ଭୋଗରେ ବେଲପତ୍ର ସହ ତୁଳସୀ ପଡ଼ିଥାଏ। ବାବା ଆଖଣ୍ଡଳମଣି ଉଭୟ ଶୈବ ଓ ବୈଷ୍ଣବଙ୍କର ଆରାଧ୍ୟ ଦେବତା ବୋଲି ଏଥିରୁ ପ୍ରମାଣ ମିଳେ।

All Right Reserved By

ବାଲେଶ୍ୱର

ନାଳରେ ଭାସି ଚାଷୀଙ୍କ ମୃତ୍ୟୁ

ନାଳରେ ଭାସି ଚାଷୀଙ୍କ ମୃତ୍ୟୁ

ଭଣ୍ଡାରିପୋଖରୀ, ୧୫।୮(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବନ୍ଦାଳୋ ମଢ଼ିଆଳି ଗ୍ରାମର ଗୟାଧର ବେହେରା (୬୫)ନାମକ ଜଣେ ଚାଷୀଙ୍କର ମୃତ୍ୟୁ ଘଟିଛି। ଗୟାଧର ମଙ୍ଗଳବାର ଅପରାହ୍ନରେ ବିଲକୁ କାମ କରିବାକୁ ଯାଇ ଅପରାହ୍ନରେ ଫେରୁଥିଲେ। ଗାଁ ମୁଣ୍ଡରେ ଥିବା ବୈତରଣୀ ନଦୀର ଶାଖାନାଳ ଶଙ୍ଖମୁଣ୍ଡାରେ ଭାସିଯାଇ ନିଖୋଜ ଥିଲେ। ଗ୍ରାମବାସୀ ବହୁ ଖୋଜାଖୋଜି କରି ମଧ୍ୟ ଉଦ୍ଧାର କରିପାରି ନ ଥିଲେ। 

 କେନ୍ଦୁଝରରେ ସ୍ବାଧୀନତା ଦିବସ ପାଳିତ

କେନ୍ଦୁଝରରେ ସ୍ବାଧୀନତା ଦିବସ ପାଳିତ

କେନ୍ଦୁଝର, ୧୫।୮ (ସ୍ବ.ପ୍ର.)-କେନ୍ଦୁଝର ଷ୍ଟାଡିୟମଠାରେ ୭୨ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ମୁଖ୍ୟଅତିଥି ଭାବେ ଶିଳ୍ପ ଉଚ୍ଚ ଶିକ୍ଷା ଓ ଶିଳ୍ପ ରାଷ୍ଟ୍ର ମନ୍ତ୍ରୀ ଅନନ୍ତ ଦାସ ଯୋଗ ଦେଇ ପତାକା ଉତ୍ତୋଳନ କରିବା ସହ ପୋଲିସ ପରେଡ୍‌ରେ ଅଭିବାଦନ ଗ୍ରହଣ କରିଥିଲେ। 

ଖଣି କର୍ମଚାରୀଙ୍କ ତ୍ରିରଙ୍ଗା ଯାତ୍ରା

ଖଣି କର୍ମଚାରୀଙ୍କ ତ୍ରିରଙ୍ଗା ଯାତ୍ରା

କେନ୍ଦୁଝର,୧୫।୮ (ସ୍ବ.ପ୍ର.)- ସମସ୍ତଙ୍କ ମଧ୍ୟରେ ଦେଶାତ୍ମବୋଧକ ଭାବନା ଜାଗ୍ରତ ସୃଷ୍ଟି କରିବାପାଇଁ ଝାଡ଼ଖଣ୍ଡ ସୀମା ଗୁଆଠାରେ ଥିବା ଘାଟକୁରୀ ଲୁହାଖଣିର କର୍ମଚାରୀମାନେ ସ୍ବାଧୀନତା ଦିବସ ପାଳନ କରିଛନ୍ତି। ଏହି ଉପଲକ୍ଷେ କର୍ମଚାରୀମାନେ ଏକ ବାଇକ ସଚେତନତା ଯାତ୍ରା କରିଥିଲେ।  ସକାଳ ୫ଟାରୁ ୨୦ଜଣ କର୍ମଚାରୀ ୧୦ ବାଇକରେ ତ୍ରିରଙ୍ଗା ପତାକା ଧରି ବାହାରିଥିଲେ। 

ବ୍ଲକ ଶିକ୍ଷାଧିକାରୀଙ୍କୁ ବିଦାୟ ସମ୍ବର୍ଦ୍ଧନା

ବ୍ଲକ ଶିକ୍ଷାଧିକାରୀଙ୍କୁ ବିଦାୟ ସମ୍ବର୍ଦ୍ଧନା

ବନ୍ତ, ୧୫।୮(ସ୍ବ.ପ୍ର.)-ଭଦ୍ରକ ଜିଲା ବନ୍ତ ବ୍ଲକ ଶିକ୍ଷାଧିକାରୀ ହରମନ ଟପୋଙ୍କୁ ମିଳିତ ଶିକ୍ଷକ ମଞ୍ଚ ପକ୍ଷରୁ ବୁଧବାର ବିଦାୟ ସମ୍ବର୍ଦ୍ଧନା ଦିଆଯାଇଛି। ବନ୍ତ ସ୍ଥିତ ମହତାବ ଏମଇ ସ୍କୁଲରେ ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକ ଭାସ୍କର ଚନ୍ଦ୍ର ପାଢ଼ୀଙ୍କ ସଭାପତିତ୍ୱରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ଅତିଥି ଭାବେ ବ୍ଲକ ଶିକ୍ଷାଧିକାରୀ ନିଗମାନନ୍ଦ ମିଶ୍ର , ସୁରଥ କୁମାର ସାହୁ, ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକ ଅଜୟ କୁମାର ପୃଷ୍ଟି ଯୋଗ ଦେଇଥିଲେ।

 ଭଞ୍ଜକିଆ ଷ୍ଟାଡିୟମରେ ଫୁଟବଲ୍‌ ଟୁର୍ଣ୍ଣାମେଣ୍ଟ ଉଦ୍‌ଘାଟନ

ଭଞ୍ଜକିଆ ଷ୍ଟାଡିୟମରେ ଫୁଟବଲ୍‌ ଟୁର୍ଣ୍ଣାମେଣ୍ଟ ଉଦ୍‌ଘାଟନ

ଭଞ୍ଜକିଆ, ୧୫।୮(ଡି.ଏନ.ଏ.)-ଭଞ୍ଜକିଆ ରରୁଆଁ ବ୍ଲକ ଅନ୍ତର୍ଗତ ୭୨ ତମ ସ୍ବାଧୀନତା ଦିବସ ଅବସରରେ ୩୦ତମ ଜେଡି କ୍ରୀଡ଼ା ଆସୋସିଏଶନ ଆନୁକୂଲ୍ୟରେ ଏହି ଟୁର୍ଣ୍ଣମେଣ୍ଟର ଉଦ୍‌ଘାଟନ ହୋଇଛି।

୭୨ ତମ ସ୍ବାଧୀନତା ଦିବସ ପାଳିତ

୭୨ ତମ ସ୍ବାଧୀନତା ଦିବସ ପାଳିତ

କୋଷ୍ଠା,୧୫।୮-ମୟୂରଭଞ୍ଜ ଜିଲା କୋଷ୍ଠାର ସରସ୍ବତୀ ଶିଶୁ ବିଦ୍ୟା ମନ୍ଦିରରେ ୭୨ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ସରସ୍ବତୀ ଶିଶୁ ମନ୍ଦିର ପ୍ରାଙ୍ଗଣରେ ଅନୁଷ୍ଠାନର ପରମ ହିତୈଶି ମାନ୍ୟବର ଧ୍ୟାନେନ୍ଦ୍ର ନାଥ ପାଣି ଜାତୀୟ ପତାକା ଉତ୍ତୋଳନ କରିଥିଲେ  । 

ପୋଖରୀରେ ବୁଡ଼ି ୨ ସାଙ୍ଗ ମୃତ

ପୋଖରୀରେ ବୁଡ଼ି ୨ ସାଙ୍ଗ ମୃତ

ରେମୁଣା,୧୫।୮(ଡି.ଏନ.ଏ.)- ବୁଧବାର ପୂର୍ବାହ୍ନରେ ଏକ ବଡ଼ ଅଘଟଣ ଘଟିଯାଇଛି। ସବୁଆଡ଼େ ସ୍ବାଧୀନତା ଦିବସ ପାଇଁ ଖୁସିର ମାହୋଲ ଚାଲିଥିବାବେଳେ ଦୁଇ ସାଙ୍ଗ ହାତ ଧରାଧରି ହୋଇ ପାଣିରେ ବୁଡ଼ି ଯାଇଛନ୍ତି। ଏହିପରି ଦୁଃଖଦ ଘଟଣା ଘଟିଛି ବାଲେଶ୍ୱର ଜିଲା ରେମୁଣା ବ୍ଲକ ପତ୍ରପାଳ ପଞ୍ଚାୟତ ଅନ୍ତର୍ଗତ ଚକୁଳିଆ ଗ୍ରାମରେ। ଲଷ୍ମୀଧର ବିନ୍ଧାଣୀଙ୍କ ଝିଅ ରାଇମଣୀ ବିନ୍ଧାଣୀ (୮), ବରଜୁ ମୁର୍ମୁ (୯) ନାମକ ୨ ନାବାଳିକା ବୁଧବାର ପୂର୍ବାହ୍ନ ୧୧ଟାବେଳେ ପୋଖରୀରେ ବୁଡ଼ି ମୃତ୍ୟୁବରଣ କରିଛନ୍ତି।

   ପାଳନ ହେଲା ସ୍ବାଧୀନତା ଦିବସ

ପାଳନ ହେଲା ସ୍ବାଧୀନତା ଦିବସ

କୋଳିମାଟି,୧୫।୮-କେନ୍ଦୁଝର ଜିଲା ଆନନ୍ଦପୁର ବ୍ଲକ କୋଳିମାଟି , ବୁଢୀକୁଦ, ଧକୋଠା, ବୀରଗୁବିନ୍ଦପୁର, ଗୁହିରା ପଞ୍ଚାୟତରେ  ରହିଥିବା ସମସ୍ତ ବିଦ୍ୟାଳୟ ଓ ଅଙ୍ଗନଓ୍ବାଡ଼ି, ସରକାରୀ ଅଫିସରେ ଖୁବ ଆଡମ୍ବର ସହିତ ୭୨ ତମ ସ୍ବାଧୀନତା ଦିବସ ପାଳନ ହୋଇଛି। ଗାଁ ମଝିରେ ସୁନ୍ଦର ଭାବେ ସାଜସଜ୍ଜା କରି ତ୍ରିରଙ୍ଗା ପତାକା ଉତ୍ତୋଳନ କରିଥିଲେ। 

ଗୋପବନ୍ଧୁ ଯୁବକ ସଂଘର ଚାରା ରୋପଣ

ଗୋପବନ୍ଧୁ ଯୁବକ ସଂଘର ଚାରା ରୋପଣ

ଭଣ୍ଡାରିପୋଖରୀ, ୧୫।୮(ଡି.ଏନ.ଏ.)-ଭଦ୍ରକ ଜିଲା ଷୋଳମପୁର ପଞ୍ଚାୟତ ମଣିନାଥପୁରସ୍ଥିତ ଗୋପବନ୍ଧୁ ଯୁବକ ସଂଘ ପକ୍ଷରୁ ବୁଧବାର ବୃକ୍ଷରୋପଣ କରାଯାଇଛି।

  ଡୁମୁରିଆରେ ସ୍ବଚ୍ଛ ଭାରତ କାର୍ଯ୍ୟକ୍ରମ

ଡୁମୁରିଆରେ ସ୍ବଚ୍ଛ ଭାରତ କାର୍ଯ୍ୟକ୍ରମ

ପାଟଣା, ୧୫।୮(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ବ୍ଲକ୍‌ ଡୁମୁରିଆ ପଞ୍ଚାୟତର ୧୦ଟିରୁ ଊର୍ଦ୍ଧ୍ୱ ସ୍ବୟଂସହାୟକ ଗୋଷ୍ଠୀର ମହିଳାମାନଙ୍କ ଦ୍ୱାରା ମଙ୍ଗଳବାର ପୂର୍ବାହ୍ନରେ ସ୍ଥାନୀୟ ପଞ୍ଚାୟତ କାର୍ଯ୍ୟାଳୟରୁ ଏକ ସଚେତନତା ଶୋଭାଯାତ୍ରା ବାହାରି ଡୁମୁରିଆ ଗ୍ରାମ ପରିକ୍ରମା କରିଥିଲା। ଲୋକମାନଙ୍କୁ ପରିମଳ, ଶିକ୍ଷା, ସ୍ବାସ୍ଥ୍ୟ ଓ ମଦ ନ ପିଇବା ପାଇଁ ସଚେତନତା ବାର୍ତ୍ତା ପ୍ରଚାର କରିବା ସହ ସ୍ଥାନୀୟ ସ୍ବାସ୍ଥ୍ୟକେନ୍ଦ୍ର ପରିବେଶକୁ ସଫା କରିଥିଲେ।

ପୁସ୍ତକମେଳା ଉଦ୍‌ଘାଟିତ

ପୁସ୍ତକମେଳା ଉଦ୍‌ଘାଟିତ

ଯୋଡା,୧୫।୮(ଡି.ଏନ.ଏ.)- ଯୋଡା ବ୍ଲକ ବାମେବାରୀ ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିରରେ ମଙ୍ଗଳବାର ପୂର୍ବାହ୍ନ ୧୦ଘଟିକା ସମୟରେ ଏକ ପୁସ୍ତକମେଳା ଉଦ୍‌ଘାଟିତ ହୋଇଯାଇଛି  । 

ଉଡ଼ିଲା ତ୍ରିରଙ୍ଗା

ଉଡ଼ିଲା ତ୍ରିରଙ୍ଗା

ପାଟଣା, ୧୫।୮(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ବ୍ଲକସ୍ତରୀୟ ସ୍ବାଧୀନତା ଦିବସ ଷ୍ଟାଡିୟମ ନିକଟ ପଡ଼ିଆରେ ବୁଧବାର ମହାସମାରୋହରେ ପାଳିତ ହୋଇଯାଇଛି। ମୁଖ୍ୟଅତିଥି ଭାବେ ଜିଲା ଯୋଜନା ବୋର୍ଡ ଅଧ୍ୟକ୍ଷ ତଥା ପାଟଣା ବିଧାୟକ ହୃଷିକେଶ ନାଏକ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। 

Model This Week

ଯସ୍ମିନ୍