ଖେଳ |

ଦକ୍ଷିଣ ଆଫ୍ରିକାରେ ସିରିଜ ବିଜୟ ସୁଯୋଗ

ଦକ୍ଷିଣ ଆଫ୍ରିକାରେ ସିରିଜ ବିଜୟ ସୁଯୋଗ
ଜୋହାନ୍ସବର୍ଗ, ୯।୨(ପି.ଟି.) ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଚଳିତ ଦିନିକିଆ କ୍ରିକେଟ ସିରିଜର ଚତୁର୍ଥ ମ୍ୟାଚ ଏଠାରେ ଶନିବାର ଅନୁଷ୍ଠିତ ହେବ। ପ୍ରଥମ ତିନୋଟି ମ୍ୟାଚ ଜିତି ଭାରତ ୩-୦ରେ ଅଗ୍ରଣୀ ହାସଲ କରି ସାରିଛି। ତେଣୁ ଏଠାରେ ବିଜୟୀ ହେବା ସହ ଦକ୍ଷିଣ ଆଫ୍ରିକା ମାଟିରେ ସର୍ବପ୍ରଥମ ସିରିଜ ବିଜୟ ଲକ୍ଷ୍ୟରେ ରହିଛି ଟିମ୍‌ ଇଣ୍ଡିଆ। ଅନ୍ୟପକ୍ଷରେ ଆହତ ସମସ୍ୟାରୁ ମୁକୁଳି ଏବି ଡି’ଭିଲର୍ସ ଫେରିବା ଏବଂ ଆଗାମି ମ୍ୟାଚକୁ ଗୋଲାପି ଜର୍ସି ପିନ୍ଧି ଖେଳିବାକୁ ଥିବାରୁ ବିଜୟ ସହ ସିରିଜକୁ ପ୍ରତ୍ୟାବର୍ତ୍ତନ ଆଶାରେ ରହିଛି ଘରୋଇ ଦକ୍ଷିଣ ଆଫ୍ରିକା। ଦକ୍ଷିଣ ଆଫ୍ରିକା ମାଟିରେ ଭାରତ କେବେହେଲେ ସିରିଜ ବିଜୟୀ ହୋଇନାହିଁ। ତେଣୁ ପରବର୍ତ୍ତୀ ୩ଟି ଦିନିକିଆରୁ ଗୋଟିଏରେ ବିଜୟୀ ହେଲେ ଇତିହାସ ରଚିବ ଟିମ୍‌ ଇଣ୍ଡିଆ। ୨୦୧୦-୧୧ ସିଜନରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ଦଳ ସିରିଜ ବିଜୟର ନିକଟତର ହୋଇଥିଲା। ଏକଦା ଧୋନୀଙ୍କ ଦଳ ୨-୧ରେ ଅଗ୍ରଣୀ ହୋଇଥିଲେ ହେଁ ପରେ ୫ ମ୍ୟାଚ ବିଶିଷ୍ଟ ସିରିଜକୁ ୨-୩ରେ ହାରି ଯାଇଥିଲା। ଆଗାମୀ ମ୍ୟାଚ ଜିତିଲେ ଭାରତର ନମ୍ବର ଓ୍ବାନ ର଼୍ୟାଙ୍କିଙ୍ଗ୍‌ ମଧ୍ୟ ଅଧିକ ଦୃଢ଼ ହେବ। ତୃତୀୟ ଟେଷ୍ଟ ଜିତିବାପରେ ଭାରତର ମନୋବଳ ବଢ଼ିଥିଲା। ଏହା ପରବର୍ତ୍ତୀ ସମସ୍ତ ମ୍ୟାଚ ଜିତିବାକୁ ଦଳ ଚେଷ୍ଟା କରିବ ବୋଲି କହି ଶିଖର ଧାଓ୍ବନ ଚର୍ଚ୍ଚାକୁ ଆସିଥିଲେ। କୌଣସି ପରିସ୍ଥିତିରେ ଦଳ ହାଲ୍‌କା ମନୋଭାବ ନେଇ ଖେଳିବ ନାହିଁ ବୋଲି ଅଧିନାୟକ ବିରାଟ କୋହଲି ମଧ୍ୟ ସ୍ପଷ୍ଟ କରିଥିଲେ। ଏହି ସିରିଜରେ ନିଜେ କୋହଲି ଚମତ୍କାର ଫର୍ମରେ ରହିବା ଭାରତ ପାଇଁ ଶୁଭ ସାବ୍ୟସ୍ତ ହୋଇଛି। ସେ ୩ଟି ମ୍ୟାଚରୁ ୨ଟି ଶତକ ହାସଲ କରି ସାରିଛନ୍ତି। ଦୁଇ ରିଷ୍ଟ ସ୍ପିନର କୁଲଦୀପ ଯାଦବ ଓ ୟୁଜବେନ୍ଦ୍ର ଚହଲ ଭାରତର ଅମୋଘ ଅସ୍ତ୍ର ପାଲଟିଛନ୍ତି। ଏମାନେ ପ୍ରଥମ ୩ଟି ଦିନିକିଆରେ ୩୦ଟି ଉଇକେଟରୁ ୨୧ଟି ହାସଲ କରି ମନୋବଳକୁ ବହୁ ଉଚ୍ଚା କରିଛନ୍ତି। କେପ୍‌ ଟାଉନ୍‌ର ନ୍ୟୁଲାଣ୍ଡ୍ସରେ ୫ ଜଣ ସ୍ଥାନୀୟ ରିଷ୍ଟ ସ୍ପିନରଙ୍କୁ ନେଇ ଅଭ୍ୟାସ କରିଥିଲେ ହେଁ ଦକ୍ଷିଣ ଆଫ୍ରିକାର ବ୍ୟାଟିଂ ଲାଇନ୍‌ କୁଲଦୀପ-ୟୁଜବେନ୍ଦ୍ରଙ୍କ ବୋଲିଂରେ ଭୁଶୁଡ଼ି ପଡ଼ିଥିଲା। ଏଥର କିନ୍ତୁ ଡି’ଭିଲର୍ସ ମ୍ୟାଜିକ କାମ କରିବ ଏବଂ ସ୍ଥିତିରେ ପରିବର୍ତ୍ତନ ହେବ ବୋଲି ଆଶା ରଖିଛି ଦକ୍ଷିଣ ଆଫ୍ରିକା। ତୃତୀୟ ଟେଷ୍ଟ ଅବସରରେ ଅଙ୍ଗୁଳିରେ ଆଘାତ ପାଇଥିବାରୁ ଡି’ଭିଲର୍ସ ପ୍ରଥମ ତିନୋଟି ଦିନିକିଆରୁ ଦୂରେଇ ରହିଥିଲେ। ତେବେ ତାଙ୍କ ଆହତ ସମସ୍ୟା ପ୍ରତି ଟିମ୍‌ ମ୍ୟାନେଜମେଣ୍ଟ ସତର୍କ ରହିଛି। ସେ ଖେଳିବା ସମ୍ପର୍କରେ କୌଣସି ବିଧିବଦ୍ଧ ଘୋଷଣା କରାଯାଇନାହିଁ। ଆଉଥରେ ତାଙ୍କ ସ୍ବାସ୍ଥ୍ୟାବସ୍ଥା ପରୀକ୍ଷା କରାଯିବା ପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ। ଡି’ଭିଲର୍ସ ଫିଟ୍‌ ହେଲେ ୩ ନମ୍ବର ସ୍ଥାନରେ ଖେଳିବେ ଏବଂ ଜେପି ଡୁମିନି ୪ ନମ୍ବରରେ ଆସିବେ। ଏ କ୍ଷେତ୍ରରେ ଚୂଡ଼ାନ୍ତ ଏକାଦଶରୁ ଡେଭିଡ ମିଲର କିମ୍ବା ଖାୟେଲିଲେ ଜୋଣ୍ଡୋ ବାଦ୍‌ ପଡ଼ିବେ। ତେବେ ଏଡେନ ମାରକ୍ରାମ ଦଳରେ ଅଧିନାୟକ ଦାୟିତ୍ୱ ବଜାୟ ରଖିବେ। ଦକ୍ଷିଣ ଆଫ୍ରିକା ପାଇଁ ଆଗାମୀ ମ୍ୟାଚ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସ୍ତନ କର୍କଟ ସଚେତନତା ପାଇଁ ଏହାକୁ ‘ଗୋଲାପି ଦିନିକିଆ’ଭାବେ ଅଭିହିତ କରାଯିବ। ୨୦୧୧ରେ ଏହା ପ୍ରଥମେ ଆରମ୍ଭ ହୋଇଥିଲା। ଏହାକୁ ମିଶାଇ ୬ଷ୍ଠ ଥରପାଇଁ ଏହି ପିଙ୍କ୍‌ ମ୍ୟାଚ ଖେଳାଯିବ। ଗୋଲାପି ଜର୍ସି ପିନ୍ଧି ଦକ୍ଷିଣ ଆଫ୍ରିକା ପୂର୍ବରୁ କେବେହେଲେ କୌଣସି ମ୍ୟାଚ ହାରିନାହିଁ। ଗୋଲାପି ଜର୍ସି ପରିହିତ ମ୍ୟାଚରେ ଡି’ଭିଲର୍ସଙ୍କ ରେକର୍ଡ ମଧ୍ୟ ବହୁତ ଭଲ। ୨୦୧୫ରେ ସେ ଓ୍ବେଷ୍ଟଇଣ୍ଡିଜ ବିପକ୍ଷ ମ୍ୟାଚରେ ମାତ୍ର ୪୪ ବଲ୍‌ରୁ ୧୪୯ ରନର ବିସ୍ଫୋରକ ଇନିଂସ ଖେଳିଥିଲେ। ୨୦୧୩ରେ ଭାରତ ବିପକ୍ଷ ମ୍ୟାଚରେ ସେ ୪୭ ବଲ୍‌ରୁ ଦ୍ରୁତ ୭୭ ରନ ସ୍କୋର କରିଥିଲେ। ଓ୍ବାଣ୍ଡରର୍ସର ପେସ୍‌ ଓ ବାଉନ୍ସି ପିଚ୍‌ରେ ଦକ୍ଷିଣ ଆଫ୍ରିକା ୪ ଉଇକେଟ ହରାଇ ୩୫୮ ରନ କରିଥିବାବେଳେ ମ୍ୟାଚରେ ଭାରତ ୧୪୧ ରନରେ ହାରିଥିଲା। ଏହି ମ୍ୟାଚ୍‌ରେ ରୋହିତ ଶର୍ମା ଡେଲ୍‌ ଷ୍ଟେଇନ ଓ ମର୍ନେ ମୋର୍କେଲଙ୍କୁ ଠିକ୍‌ ମୁକାବିଲା କରି ନ ପାରି ୪୩ ବଲ୍‌ରୁ ମାତ୍ର ୧୮ ରନ କରିଥିଲେ। ଖରାପ ଫର୍ମରେଥିବା ରୋହିତଙ୍କ ପାଇଁ ମଧ୍ୟ ଆଗାମୀ ମ୍ୟାଚ ବହୁ ଗୁରୁତ୍ୱପୂର୍ଣ୍ଣ। ଦିନିକିଆରେ ତିନୋଟି ଦ୍ୱିଶତକ ହାସଲ କରି ବିଶ୍ୱରେକର୍ଡର ଅଧିକାରୀ ଥିବା ରୋହିତ ଦକ୍ଷିଣ ଆଫ୍ରିକାରେ ୧୧ଟି ଦିନିକିଆ ଖେଳି ମାତ୍ର ୧୨.୧୦ ଆଭରେଜରେ ରନ ସଂଗ୍ରହ କରିବାକୁ ସକ୍ଷମ ହୋଇଛନ୍ତି। ତାଙ୍କ ଫର୍ମ ଭାରତ ପାଇଁ ଏକମାତ୍ର ଚିନ୍ତାର କାରଣ ଥିଲେ ହେଁ ସେ ଚୂଡ଼ାନ୍ତ ଏକାଦଶରୁ ବାଦ୍‌ ପଡ଼ିବା ସମ୍ଭାବନା ନାହିଁ। ସିରିଜ ବିଜୟ ଲକ୍ଷ୍ୟରେଥିବା ମେନ୍‌ ଇନ୍‌ ବ୍ଲୁ ଅଧିନାୟକ ବିରାଟ କୋହଲି ଅପରିବର୍ତ୍ତିତ ଦଳ ସହ ପଡ଼ିଆକୁ ଓହ୍ଲାଇବା ସମ୍ଭାବନା ଅଧିକ। ନ୍ୟୁ ଓ୍ବଣ୍ଡରର୍ସ ଷ୍ଟାଡିୟମରେ ଭାରତର ଆଭରେଜ୍‌ ରେକର୍ଡ ରହିଛି। ଏଠାରେ ଦଳ ୭ଟି ମ୍ୟାଚ ଖେଳିଥିବାବେଳେ ୩ଟି ଜିତିଛି ଏବଂ ୪ଟି ମ୍ୟାଚରେ ପରାଜିତ ହୋଇଛି। ୨୦୦୩ରେ ଅଷ୍ଟ୍ରେଲିଆ ବିପକ୍ଷରେ ଭାରତର ବିଶ୍ୱକପ ଫାଇନାଲ ପରାଜୟ ଏଥିରେ ସାମିଲ। ଦକ୍ଷିଣ ଆଫ୍ରିକା ବିପକ୍ଷରେ ଦଳ ଖେଳିଥିବା ୪ଟି ମ୍ୟାଚରୁ ୩ଟିରେ ପରାଜୟ ଲଭିଛି। କେବଳ ୨୦୧୧ରେ ମୁନାଫ ପଟେଲଙ୍କ ୨୯ ରନରେ ୪ ଉଇକେଟ ସଫଳତାକୁ ଭିତ୍ତି କରି ଦଳ ୧ ରନରେ ଘରୋଇ ଦଳକୁ ହରାଇବାରେ ସକ୍ଷମ ହୋଇଥିଲା।
All Right Reserved By

ଖେଳ |

‘ପାଣ୍ଡ୍ୟା,ରାହୁଲଙ୍କୁ ଖେଳିବାକୁ ଦିଆଯାଉ’

‘ପାଣ୍ଡ୍ୟା,ରାହୁଲଙ୍କୁ ଖେଳିବାକୁ ଦିଆଯାଉ’

ନୂଆଦିଲ୍ଲୀ,୨୦ା୧(ପି.ଟି.)-ତଦନ୍ତ କାର୍ଯ୍ୟ ଶେଷ ନ ହେବା ପର୍ଯ୍ୟନ୍ତ ହାର୍ଦ୍ଦିକ ପାଣ୍ଡ୍ୟା ଓ କେ.ଏଲ୍‌. ରାହୁଲଙ୍କୁ ଖେଳିବା ଲାଗି ଅନୁମତି ଦେବାପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସଭାପତି ସି.କେ. ଖାନ୍ନା ପ୍ରଶାସକ କମିଟି (ସିଓଏ)କୁ ନିବେଦନ କରିଛନ୍ତି। 

ଦକ୍ଷିଣ ଆଫ୍ରିକାକୁ ହରାଇଲା ପାକିସ୍ତାନ

ଦକ୍ଷିଣ ଆଫ୍ରିକାକୁ ହରାଇଲା ପାକିସ୍ତାନ

ପୋର୍ଟ ଏଲିଜାବେଥ୍‌, ୨୦ା୧ (ଏଏଫ୍‌ପି)-ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚକୁ ପାକିସ୍ତାନ ୫ ଉଇକେଟରେ ଜିତିନେଇଛି। 

ୟୁଥ୍‌ ଗେମ୍ସ: ଫୁଟବଲରେ ରୌପ୍ୟ, ହକିରେ ଓଡ଼ିଶାକୁ ବ୍ରୋଞ୍ଜ

ୟୁଥ୍‌ ଗେମ୍ସ: ଫୁଟବଲରେ ରୌପ୍ୟ, ହକିରେ ଓଡ଼ିଶାକୁ ବ୍ରୋଞ୍ଜ

କଟକ ଅଫିସ,୨୦ା୧- ମହାରାଷ୍ଟ୍ରର ପୁଣେଠାରେ ଚାଲିଥିବା ଖେଲୋ ଇଣ୍ଡିଆ ୟୁଥ ଗେମ୍ସର ୧୭ବର୍ଷରୁ କମ୍‌ ମହିଳା ଫୁଟବଲରେ ଓଡ଼ିଶା ରୌପ୍ୟ ଓ ହକିରେ ବ୍ରୋଞ୍ଜ ପଦକ ବିଜୟୀ ହୋଇଛି ।

ଭାରତ ଏ’ର ନେତୃତ୍ୱ ନେବେ ରାହାନେ

ଭାରତ ଏ’ର ନେତୃତ୍ୱ ନେବେ ରାହାନେ

ନୂଆଦିଲ୍ଲୀ, ୨୦ା୧ (ପି.ଟି.)-ଜାନୁୟାରୀ ୨୩ରୁ ଆରମ୍ଭ ହେବାକୁଥିବା ଇଂଲଣ୍ଡ ଲାୟନ୍ସ ବିପକ୍ଷ ଘରୋଇ ସିରିଜର ପ୍ରଥମ ତିନୋଟି ମ୍ୟାଚ୍‌ ପାଇଁ ଅଜିଙ୍କ୍ୟ ରାହାନେଙ୍କୁ ଭାରତ ଏ’ କ୍ରିକେଟ ଦଳର ଅଧିନାୟକ ଭାବେ ମନୋନୀତ କରାଯାଇଛି।

ବୋର୍ଡ ଏକାଦଶ ଦଳରେ ରାଜେଶ

ବୋର୍ଡ ଏକାଦଶ ଦଳରେ ରାଜେଶ

କଟକ ଅଫିସ,୨୦ା୧- ପପୁ ରାୟଙ୍କ ପରେ ଆଉ ଜଣେ ଓଡ଼ିଆ ଯୁବ କ୍ରିକେଟ ପ୍ରତିଭା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ବୋର୍ଡ ସଭାପତି ଏକାଦଶ ଦଳରେ ସ୍ଥାନ ପାଇଛନ୍ତି । ଭାରତ ଗସ୍ତରେ ଆସିଥିବା ଲଂଲଣ୍ଡ ଲାୟନ୍ସ ବିପକ୍ଷ ଏକ ୨ ଦିନିଆ ୱାର୍ମଅପ ମ୍ୟାଚ୍‌ ପାଇଁ ଡାହାଣହାତୀ ପେସ ବୋଲର ରାଜେଶ ମହାନ୍ତିଙ୍କୁ ଚୂଡ଼ାନ୍ତ ୧୫ଜଣିଆ ଦଳରେ ସାମିଲ କରାଯାଇଛି । 

ପ୍ରି-କ୍ୱାର୍ଟରରେ ସେରେନା-ହାଲେପ

ପ୍ରି-କ୍ୱାର୍ଟରରେ ସେରେନା-ହାଲେପ

ମେଲବୋର୍ନ,୨୦।୧(ଏଏଫ୍‌ପି)- ଆମେରିକାର ସେରେନା ଓ୍ବିଲିୟମ୍ସ ସିଜନର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ ଟେନିସର ପ୍ରି-କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଶନିବାର ଅନୁଷ୍ଠିତ ୩ୟ ରାଉଣ୍ଡ ମ୍ୟାଚ୍‌ରେ ଓ୍ବିଲିୟମ୍ସ ୬-୨, ୬-୧ ସେଟ୍‌ରେ ୟୁକ୍ରେନର ଡାୟାନା ୟଷ୍ଟ୍ରିମସ୍କାଙ୍କୁ ହରାଇ ଦେଇଛନ୍ତି। 

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଢେଙ୍କାନାଳ ଅଫିସ, ୧୯ା୧-ଢେଙ୍କାନାଳ ଷ୍ଟାଡିୟମରେ ଚାଲିଥିବା  ପୂର୍ଣ୍ଣଚନ୍ଦ୍ର ତ୍ରିପାଠୀ ମେମୋରିଆଲ ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା ଶନିବାର ଅନୁଷ୍ଠିତ ୨ କ୍ୱାର୍ଟର ଫାଇନାଲ ମ୍ୟାଚ୍‌ରେ ବିଜୟୀ ହୋଇ କେନ୍ଦ୍ରୀୟ ବିଦ୍ୟାଳୟ ଏବଂ  ଦିଲ୍ଲୀ ପବ୍ଲିକ ସ୍କୁଲ (ଡିପିଏସ୍‌) ସେମିଫାଇନାଲରେ ପ୍ରବେଶ କରିଛନ୍ତି।

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

ଭୁବନ, ୧୯।୧(ଡି.ଏନ.ଏ.)-ଭୁବନ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ୨୯ତମ ବାର୍ଷିକ କ୍ରୀଡ଼ା ଉତ୍ସବ ଶନିବାର ଉଦ୍‌ଯାପିତ ହୋଇଯାଇଛି। 

ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ: ନାଇକେନସିରା ବିଜୟୀ

ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ: ନାଇକେନସିରା ବିଜୟୀ

ଦେଓଗାଁ, ୧୯ା୧(ଡି.ଏନ.ଏ.):ବଲାଙ୍ଗୀର ଜିଲା ଦେଓଗାଁ ବ୍ଲକ ଉଡାର ପଞ୍ଚାୟତ ଅନ୍ତର୍ଗତ ଶିରାବାହାଲରେ ଚାଲିଥିବା ଷଷ୍ଠବର୍ଷ ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟର ଶନିବାର ଥିଲା ତୃତୀୟ ଦିବସ ା ଏହି  ଦିବସରେ କୁଲିଆବାହାଲ ଓ ନାଇକେନସିରା ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। 

ଜଗନ୍ନାଥ କଲେଜର ବାର୍ଷିକ କ୍ରୀଡା :  ସବିତା ବାଳିକା, ରମେଶ ବାଳକ ଚାମ୍ପିୟନ

ଜଗନ୍ନାଥ କଲେଜର ବାର୍ଷିକ କ୍ରୀଡା : ସବିତା ବାଳିକା, ରମେଶ ବାଳକ ଚାମ୍ପିୟନ

ଦେଓଗାଁ, ୧୯ା୧(ଡି.ଏନ.ଏ.):ବଲାଙ୍ଗୀର ଜିଲା ସଦର ବ୍ଲକ ସାହାଜବାହାଲ ଜଗନ୍ନାଥ ଡିଗ୍ରୀ କଲେଜର ବାର୍ଷିକ କ୍ରୀଡା ଶୁକ୍ରବାର  ଉଦଯାପିତ ହୋଇଯାଇଛି ା

ଓଡ଼ିଶା ଟେନିସ ପ୍ରିମିୟର ଲିଗ୍‌: କେନ୍ଦ୍ରାପଡ଼ା-ପୁରୀ ଫାଇନାଲ

ଓଡ଼ିଶା ଟେନିସ ପ୍ରିମିୟର ଲିଗ୍‌: କେନ୍ଦ୍ରାପଡ଼ା-ପୁରୀ ଫାଇନାଲ

ଭୁବନେଶ୍ୱର, ୧୯।୧(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଚାଲିଥିବା ୨ୟ ଓଡ଼ିଶା ଟେନିସ ପ୍ରିମିୟର ଲିଗ୍‌ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଶନିବାର ଅନୁଷ୍ଠିତ ସେମିଫାଇନାଲରେ ସମ୍ବଲପୁର ଶୁଟର୍ସକୁ ହରାଇ କେନ୍ଦ୍ରାପଡ଼ା କଣ୍ଟେଣ୍ଡର୍ସ ଏବଂ ଅନୁଗୋଳ ଏସର୍ସକୁ ହରାଇ ପୁରୀ ଓ୍ବେଭର୍ସ ଫାଇନାଲରେ ପ୍ରବେଶ କରିଛି। 

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ସିପକ୍‌ଟାକ୍ର: ଉତ୍କଳ ରନର୍ସଅପ୍‌

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ସିପକ୍‌ଟାକ୍ର: ଉତ୍କଳ ରନର୍ସଅପ୍‌

ଭୁବନେଶ୍ୱର, ୧୯।୧(ସ୍ପୋଟର୍‌ସ ବ୍ୟୁରୋ)- ଉତ୍ତରପ୍ରଦେଶ ବରେଲିସ୍ଥିତ ଏମ୍‌.ଜେ.ପି. ରୋହିଲାଖଣ୍ଡ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଅନୁଷ୍ଠିତ ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ମହିଳା ସିପକ୍‌ଟାକ୍ର ପ୍ରତିଯୋଗିତାର ଡବଲ୍ସ ଇଭେଣ୍ଟରେ ଓଡ଼ିଶାର ଉତ୍କଳ ବିଶ୍ୱବିଦ୍ୟାଳୟ ରନର୍ସଅପ୍‌ ହୋଇଛି।