ବାଲେଶ୍ୱର

ଆଇନଶୃଙ୍ଖଳା ବିପର୍ଯ୍ୟସ୍ତ ପ୍ରତିବାଦରେ ଆଜି ବାଲେଶ୍ୱର ବନ୍ଦ

ବାଲେଶ୍ୱର ଅଫିସ, ୯।୨-ବାଲେଶ୍ୱର ଜିଲାରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଛି। ଏହାର ପ୍ରତିବାଦ କରି ବିଭିନ୍ନ ସଙ୍ଗଠନ ପକ୍ଷରୁ ଶନିବାର ବାଲେଶ୍ୱର ସହର ପୂର୍ବାହ୍ନ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ୧୨ଘଣ୍ଟିଆ ବନ୍ଦ ଡାକରା ଦିଆଯାଇଛି। ସହର ଓ ଆଖପାଖ ଅଞ୍ଚଳରେ ହତ୍ୟା, ରାହାଜାନି, ଗ୍ୟାଙ୍ଗ୍‌ୱାର, ଛିନ୍‌ତାଇ, ଚୋରି, ଡକାୟତି, ଅସାମାଜିକ ଯୁବକଙ୍କ ଦୌରାମତ୍‌ୟ, ଦାଦାବଟି ଆଦାୟ, ମହିଳାମାନଙ୍କୁ ଅସଦାଚରଣ, ନିଶାଦ୍ରବ୍ୟ କାରବାର ଆଦି ବୃଦ୍ଧି ପାଇଛି। ଫଳରେ ଜନସାଧାରଣ ଅତିଷ୍ଠ ହୋଇପଡିଛନ୍ତି। ନିଶାଗ୍ରସ୍ତ ଯୁବକମାନେ ରାସ୍ତାରେ ଦ୍ରୁତ ଗତିରେ ଗାଡ଼ିଚାଳନା କରି ଦୁର୍ଘଟଣା ଘଟାଉଛନ୍ତି। ଏହାର ପ୍ରତିବାଦ କରି ସର୍ବପୁରାତନ ଶ୍ରମିକ ମିଳିତ ମଞ୍ଚ ଟିୟୁଏସିସି (ଟ୍ରେନ୍‌ ୟୁନିଅନ୍‌ ଆସୋସିଏଶନ୍‌ କୋର୍ଡ଼ିନେସନ୍‌ କମିଟି) ଏବଂ ଏଆଇଟିୟୁସି.(ଅଲ୍‌ ଇଣ୍ଡିଆ ଟ୍ରେଡ୍‌ ୟୁନିୟନ୍‌ କଂଗ୍ରେସ), ସିଆଇଟିୟୁ (ସେଣ୍ଟର ଅଫ୍‌ ଇଣ୍ଡିଆନ୍‌ ଟ୍ରେଡ୍‌ ୟୁନିୟନ୍‌), ଆଇଏନ୍‌ଟିୟୁସି(ଇଣ୍ଡିଆନ୍‌ ନ୍ୟାଶନାଲ ଟ୍ରେଡ୍‌ ୟୁନିୟନ୍‌ କଂଗ୍ରେସ), ଏନ୍‌ଏଫ୍‌ଆଇଟିୟୁ(ନ୍ୟାଶନାଲ ଫେଡ଼େରେଶନ୍‌ ଅଫ୍‌ ଇଣ୍ଡିଆନ୍‌ ଟ୍ରେଡ୍‌ ୟୁନିୟନ୍‌), ଏଚ୍‌ଏମ୍‌ଏସ୍‌ (ହିନ୍ଦ୍‌ ମଜଦୁର ସଭା) ତରଫରୁ ବନ୍ଦ ଡାକରା ଦିଆଯାଇଛି।

All Right Reserved By
I&PR

Model This Week

ସନ୍ତୋଷ

ବାଲେଶ୍ୱର

ଏମପିକେ ବାଳିକା ଉଚ୍ଚ ବିଦ୍ୟାଳୟ  ଗଠନ ହେବ ଆଲୁମିନି ସଂଘ

ଏମପିକେ ବାଳିକା ଉଚ୍ଚ ବିଦ୍ୟାଳୟ ଗଠନ ହେବ ଆଲୁମିନି ସଂଘ

ବାରିପଦା ଅଫିସ,୨୪।୫- ବାରିପଦାସ୍ଥିତ ମହାରାଣୀ ପ୍ରେମକୁମାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବାରିପଦା ଗୋଷ୍ଠୀ ଶିକ୍ଷା ଅଧିକାରୀ ନିତ୍ୟାନନ୍ଦ ବାରିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ରଞ୍ଜନ କୁମାର ଗିରି, ମୁଖ୍ୟ ବକ୍ତା ଭାବେ ଜିଲା ପ୍ରକଳ୍ପ ସଂଯୋଜକ ବିବେକାନନ୍ଦ ସାହୁ , ସମ୍ମାନିତ ଅତିଥି ଭାବେ ଏମପିସି ସ୍ବୟଂଶାସିତ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷା ବନଜା ମହାନ୍ତି, ପୂର୍ବତନ ନଗରପାଳ କୃଷ୍ଣାନନ୍ଦ ମହାନ୍ତି, ପ୍ରଧାନ ଶିକ୍ଷୟିତ୍ରୀ ସୁପ୍ରଭା ପ୍ରଧାନ, ସିଆରସିସି ରତ୍ନା ବାନାର୍ଜୀ, ବିଦ୍ୟାଳୟର ପୁରାତନ ଛାତ୍ରୀ ତଥା ପୂର୍ବତନ ଶିକ୍ଷୟିତ୍ରୀ ରମା ପରିଡା ପ୍ରମୁଖ ଯୋଗଦେଇଥିଲେ।

ପ୍ରାକୃତିକ ବିପର୍ଯ୍ୟୟ ପ୍ରଶମନ ପାଇଁ ସଚେତନତା

ପ୍ରାକୃତିକ ବିପର୍ଯ୍ୟୟ ପ୍ରଶମନ ପାଇଁ ସଚେତନତା

ବଡ଼ସାହି,୨୪ା୫(ସ୍ବ.ପ୍ର)- ବିଭିନ୍ନ ପ୍ରକାର ପ୍ରାକୃତିକ ବିପର୍ଯ୍ୟୟର ମୁକାବିଲା ନିମନ୍ତେ ଏକ ଜନ ସଚେତନତା କାର୍ଯ୍ୟକ୍ରମ ବଡସାହି ବ୍ଲକ ଶାଳଗାଁରେ ଅନୁଷ୍ଠିତ ହୋଇଛି ା ସରପଞ୍ଚ ଲକ୍ଷ୍ମୀ ସିଂଙ୍କ ଅଧ୍ୟକ୍ଷତାରେ ଅତିଥି ଭାବେ ବଡ଼ସାହି ବିଧାୟକ ଗଣେଶ୍ୱର ପାତ୍ର, ଓଡିଶା ବିପର୍ଯ୍ୟୟ ତ୍ୱରାନ୍ବିତ ସେବା ମୟୂରଭଞ୍ଜର ହାବିଲଦାର ମେଜର ତାପସ କୁମାର ରାଉତ, ସମିତି ସଭ୍ୟ ଚୈତନ୍ୟ ସିଂ, ପୂର୍ବତନ ସରପଞ୍ଚ କାଳିଚରଣ ସିଂ, ଫୋର୍ଡର ସମ୍ପାଦକ ସନ୍ତୋଷ କୁମାର ଖଣ୍ଡା ପ୍ରମୁଖ ଉପସ୍ଥିତ ଥିଲେ।

ବେଆଇନ ଖଣିଜ ପରିବହନ:  ୧୪ ଗାଡି ଜବତ, ଲକ୍ଷାଧିକ ଜରିମାନା ଆଦାୟ

ବେଆଇନ ଖଣିଜ ପରିବହନ: ୧୪ ଗାଡି ଜବତ, ଲକ୍ଷାଧିକ ଜରିମାନା ଆଦାୟ

ରେମୁଣା, ୨୪ା୫(ଡି.ଏନ.ଏ.)-ବେଆଇନ ଖଣିଜ ପଦାର୍ଥ ପରିବହନ କରୁଥିବା ଗାଡି ଉପରେ ରେମୁଣା ତହସିଲ ପକ୍ଷରୁ ଚଢ଼ାଉ କରାଯାଇ ୧୪ଟି ଗାଡି ଜବତ କରାଯାଇଛି। ସେମାନଙ୍କ ନିକଟରୁ ୨ଲକ୍ଷ ୩୯ ହଜାର ୨୨୦ ଟଙ୍କା ଜରିମାନା ଆଦାୟ କରାଯାଇଛି। ବୁଧବାର ରେମୁଣା ତହସିଲ ଅଧୀନ ବାମପଦା ଏବଂ ନହରପାଟଣା ନିକଟରେ ଏହି ଚଢ଼ଉ କରାଯାଇଥିଲା। ୩ଟି ହାଇୱା, ୪ଟି ୪୦୭ ଏବଂ ୭ଟି ଡମ୍ପର ଜବତ ହୋଇଛି। ଗାଡିଗୁଡିକ ରାୟାଲିଟି ନ ଦେଇ ବାଲି, ଚିପ୍ସ, ମେଟାଲ, ବୋଲଡର ଆଦି ପରିବହନ କରୁଥିଲେ ା

ଓଲଟିଲା ପିକ୍‌ଅପ, ୨ ମୃତ

ଓଲଟିଲା ପିକ୍‌ଅପ, ୨ ମୃତ

ବାଲେଶ୍ୱର ଅଫିସ,୨୪।୫-ବାଲେଶ୍ୱର ଚାନ୍ଦିପୁର ଥାନା ଅନ୍ତର୍ଗତ ହିଡ଼ିଗାଁ ପଞ୍ଚାୟତର ନୂଆନଈ କୋଷ୍ଟାଲ କେନାଲ୍‌ ଉପରେ ଗୁରୁବାର ଏକ ପିକ୍‌ଅପ୍‌ ଭ୍ୟାନ ଓଲଟି ପଡ଼ିବାରୁ ୨ଜଣଙ୍କ ମୃତ୍ୟୁ ଘଟିଛି। ୫ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ୪ଜଣଙ୍କ ଅବସ୍ଥା ଗୁରୁତର ରହିଛି। ସ୍ଥାନୀୟ ଲୋକଙ୍କ ସହାୟତାରେ ଆହତମାନଙ୍କୁ ଜିଲା ମୁଖ୍ୟଚିକିତ୍ସାଳୟକୁ ଅଣାଯାଇଥିଲା। ଘଟଣାସ୍ଥଳରୁ ଗାଡ଼ି ଡ୍ରାଇଭର ଫେରାର ହୋଇଯାଇଛନ୍ତି। ପୋଲିସ ପିକ୍‌ଅପ୍‌କୁ ଜବତ କରିବା ସହିତ ଦୁର୍ଘଟଣା ସମ୍ପର୍କରେ ଅଧିକ ତଦନ୍ତ କରୁଛି। ମୃତକମାନେ ହେଲେ ମୟୂରଭଞ୍ଜ ଜିଲା ସଦର ଥାନା ଢ଼େଙ୍କିନେଞ୍ଜିଆ ଗ୍ରାମର ବୁଦ୍ଧାନ ହେମ୍ବ୍ରମ ଏବଂ ବେତନଟୀ ଥାନା ଅଧୀନ ଲମ୍ବୋଦର ହଁାସଦା।

ସାପ କାମୁଡ଼ାରେ ମହିଳା ମୃତ

ସଜନାଗଡ଼,୨୪।୫(ଡି.ଏନ.ଏ.)- ବାଲେଶ୍ୱର ଜିଲା ନୀଳଗିରି ଅନ୍ତର୍ଗତ ସଜନାଗଡ଼ ପଞ୍ଚାୟତ ଡାହିସାହୀ ଗାଁର ରବୀନ୍ଦ୍ର ବିଶ୍ୱାଳଙ୍କ ସ୍ତ୍ରୀ ଲକ୍ଷ୍ମୀମଣି (୫୫)ଙ୍କର ଗୁରୁବାର ଶୋଇଥିବା ଅବସ୍ଥାରେ ଏକ ବିଶାକ୍ତ ସାପ କାମୁଡ଼ି ମୃତ୍ୟୁ ଘଟିଛି। ପରିବାର ଲୋକେ ଜାଣିବା ପରେ ତାଙ୍କୁ ନୀଳଗିରି ମେଡିକାଲକୁ ନେଇଥିଲେ। ସେଠାରେ ଡାକ୍ତର ରାଙ୍କୁ ମୃତ ଘୋଷଣା କରିଥିଲେ। ମୃତକଙ୍କ ପରିବାରକୁ ସରକାରୀ ସହାୟତା ପାଇଁ ସାଧାରଣରେ ଦାବି ହୋଇଛି।

୮ ବାଇକ୍‌ରୁ ୧୩ ଶହ ଜରିମାନା ଆଦାୟ

ଭଣ୍ଡାରିପୋଖରୀ,୨୪।୫(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ଥାନା ପୋଲିସ ପକ୍ଷରୁ କୁମ୍ଭାରିଆ ଛକଠାରେ ଦୁଇଚକିଆ ଯାନ ଯାଞ୍ଚ କରାଯାଇଥିଲା। ଯାଞ୍ଚ ବେଳେ ୮ଟି ବାଇକ୍‌ରୁ ୧୩ ଶହ ଟଙ୍କା ଜରିମାନା ଆଦାୟ କରାଯାଇଛି। ପୋଲିସ ବାଇକ୍‌ ଆରୋହୀମାନଙ୍କୁ କୁମ୍ଭାରିଆ ହନୁମାନ ଛକଠାରେ ଅଟକାଇ ହେଲ୍‌ମେଟ୍‌, ଲାଇସେନ୍ସ, ଗାଡ଼ିର ଆବଶ୍ୟକ କାଗଜପତ୍ର ଯାଞ୍ଚ କରିଥିଲା। ଥାନା ଏଏସ୍‌ଆଇ ସନ୍ତୋଷ କୁମାର ନାୟକ, କନଷ୍ଟେବଳ ପ୍ରତାପ ରାଉତ ଓ ନୁନାରାମ ହଁାସଦା ପ୍ରମୁଖ ଉପସ୍ଥିତ ଥିଲେ।

ନବବିବାହିତାଙ୍କ ମୃତଦେହ ଉଦ୍ଧାର

ନବବିବାହିତାଙ୍କ ମୃତଦେହ ଉଦ୍ଧାର

ଭଦ୍ରକ ଅଫିସ,୨୪।୫-ଭଦ୍ରକ ଗ୍ରାମାଞ୍ଚଳ ଥାନା ଅଧୀନ କେନ୍ଦୁଆପଦା ଫାଣ୍ଡି ଅନ୍ତର୍ଗତ ରାମକୃଷ୍ଣପୁର ପଞ୍ଚାୟତ ନାହୁଅଖଡିପୁର ନିକଟ ବିଲମଝିରେ ଥିବା ଆମ୍ବ ଗଛରୁ ଜଣେ ନବବିବାହିତାଙ୍କ ଝୁଲନ୍ତା ମୃତଦେହ ଗୁରୁବାର ଉଦ୍ଧାର କରାଯାଇଛି। ପୋଲିସ ମୃତଦେହକୁ ବ୍ୟବଚ୍ଛେଦ ଲାଗି ପଠାଇ ତଦନ୍ତ ଚଳାଇଛି। ୧୨ଦିନ ପୂର୍ବରୁ ବିବାହ କରିଥିବା ଏହି ମହିଳାଙ୍କ ଅପମୃତ୍ୟୁକୁ ନେଇ ଅଞ୍ଚଳରେ ନାନା ସନ୍ଦେହ ପ୍ରକାଶ ପାଇଛି।

  କାଳବୈଶାଖୀ ଭାଙ୍ଗିଲା ଘର : ଚାଳିଆ ଘରେ କଟୁଛି ଦିନ

କାଳବୈଶାଖୀ ଭାଙ୍ଗିଲା ଘର : ଚାଳିଆ ଘରେ କଟୁଛି ଦିନ

ଆନନ୍ଦପୁର,୨୪।୫(ସ୍ବ.ପ୍ର.): ମାଡି ଆସିଲା କାଳବୈଶାଖୀ। ଭାଙ୍ଗିଦେଲା ଘର। ନିରାଶ୍ରୟ ହୋଇଗଲେ ପରିବାର। କେତେକ ଲୋକ ଆହତ ହୋଇ ସୁସ୍ଥ ହୋଇଥିଲେ ହେଁ ସେମାନଙ୍କୁ ମିଳିନି ସରକାରୀ ସହାୟତା। ଏକ ଚଳିଆ କରି ଅସହାୟ ଭାବେ ଜୀବନ ବିତାଉଛନ୍ତି।

ପ୍ରଶାସନର ବିଚିତ୍ର ନୀତି..... ସଧବା ଦର୍ଶାଇ ବିଧବା ଭତ୍ତା କାଟିଦେଲେ

ପ୍ରଶାସନର ବିଚିତ୍ର ନୀତି..... ସଧବା ଦର୍ଶାଇ ବିଧବା ଭତ୍ତା କାଟିଦେଲେ

ରାଇସୁଆଁ,୨୪।୫(ଡି.ଏନ.ଏ.): ସରକାର ଗରିବ ଅସହାୟ, ବିଧବା, ନିରାଶ୍ରୟଙ୍କୁ ଥଇଥାନ ପାଇଁ ବହୁ ଯୋଜନା କରିଛନ୍ତି। କେତେକ ଅସାଧୁ କର୍ମଚାରୀଙ୍କ ପାଇଁ ସରକାରଙ୍କ ବହୁ ଜନକଲ୍ୟାଣ ଯୋଜନାର ସୁଫଳ ଲୋକଙ୍କ ନିକଟରେ ପହଞ୍ଚି ପାରୁନାହିଁ।

 ଲଘୁ ଖଣିଜ ଚୋରି ରୋକିବାକୁ  ପ୍ରୟାସ

ଲଘୁ ଖଣିଜ ଚୋରି ରୋକିବାକୁ ପ୍ରୟାସ

ଚମ୍ପୁଆ,୨୪।୫(ଡି.ଏନ.ଏ): ଲଘୁ ଖଣିଜ ଚୋରି ରୋକିବା ପାଇଁ ସରକାରଙ୍କ ପକ୍ଷରୁ ନୂତନ ପ୍ରୟାସ ଆରମ୍ଭ ହୋଇଛି। ତାହା କାର୍ଯ୍ୟକାରୀ ହେଲେ ବହୁ ଟଙ୍କା ରାଜସ୍ବ ଆକାରରେ ସରକାରଙ୍କ ନିକଟକୁ ଆସିବ ବୋଲି ଜଣାଯାଇଛି। ଚମ୍ପୁଆ ରାଜସ୍ବ ବିଭାଗ ପକ୍ଷରୁ ସ୍ଥାନୀୟ ତହସିଲ ଅନ୍ତର୍ଗତ ବିଭିନ୍ନ ବାଲି ଓ ପଥରଖଣିରେ ଲିଜ ଏରିଆ ଚିହ୍ନ କରାଯାଇଛି।

ନୂଆଗାଁ ହାଟରେ ଚୋରା ମଦ କାରବାର

ରାଇସୁଆଁ, ୨୪।୫(ଡି.ଏନ.ଏ.): କେନ୍ଦୁଝର ଜିଲାର ସଦର ଅଞ୍ଚଳରେ ଦିନକୁ ଦିନ ବେଆଇନ ମଦ ବିକ୍ରି ବୃଦ୍ଧି ପାଉଛି। ହାଟ ବଜାରରେ ଦିନ ଦ୍ୱିପ୍ରହରରେ ବେଧଡକ ମଦ ବିକ୍ରି ହେଉଛି। ଅସାମାଜିକ କାର୍ଯ୍ୟାକଳାପ ଦେଖିବାକୁ ମିଳୁଛି। କେତେକ ଲୋକ ମଦୁଆ, ଅସାମାଜିକଙ୍କ ଆକ୍ରୋଶର ଶିକାର ହେଉଛନ୍ତି।

ସ୍ବୀକୃତିପ୍ରାପ୍ତ ସାର ବିକ୍ରେତାଙ୍କୁ ପ୍ରଶିକ୍ଷଣ

ଚମ୍ପୁଆ,୨୪।୫(ଡି.ଏନ.ଏ): ଚମ୍ପୁଆ କୃଷି କାର୍ଯ୍ୟାଳୟଠାରେ ଚମ୍ପୁଆ ବ୍ଲକ ଓ ଏନଏସିର ୪୮ ସ୍ବୀକୃତିପ୍ରାପ୍ତ ସାର ବିକ୍ରେତାଙ୍କୁ କୃଷି ବିଭାଗ ପକ୍ଷରୁ ପ୍ରଶିକ୍ଷଣ ଦିଆଯାଇଛି। ଚାଷ ଋତୁରେ ଚାଷୀଙ୍କୁ ବିନ ଓ ସାର ଯୋଗାଇ ଚାଷର ଉନ୍ନତି ନିମନ୍ତେ ବ୍ଲକର ସାର ବିକ୍ରେତାଙ୍କୁ ପ୍ରଶିକ୍ଷଣ ଦିଆଯାଇଛି। ପ୍ରଶିକ୍ଷକ ଭାବେ ଯୋଶବନ୍ତ ବେହେରା, ପ୍ରିୟଙ୍କ ପ୍ରିୟଦର୍ଶିନୀ ମିଶ୍ର ଓ ଅବିନାଶ ବେହେରା ପ୍ରମୁଖ ଯୋଗ ଦେଇଥିଲେ।