ବାଲେଶ୍ୱର

ଟ୍ରେନ୍‌ରୁ ଖସି ଯୁବକ ମୃତ

ଖଇରା, ୯।୨(ଡି.ଏନ.ଏ.)-କୁର୍ଲା ସୁପରଫାଷ୍ଟ ଏକ୍ସପ୍ରେସ୍‌ରେ ବମ୍ବେରୁ କଟକ ଫେରୁଥିବା ଖଇରା ଥାନା ଭଦଳି ଗ୍ରାମର ପ୍ରଫୁଲ୍ଲ ମହାପାତ୍ର (୩୦) ଗୁରୁବାର ଜିନ୍ଦଲ ଷ୍ଟେଶନ ନିକଟରେ ଖସିପଡ଼ି ମୃତ୍ୟୁବରଣ କରିଛନ୍ତି। ପ୍ରଫୁଲ୍ଲ ବମ୍ବେ ଅଶୋକା ହୋଟେଲ୍‌ରେ କର୍ମଚାରୀ ଭାବେ କାର୍ଯ୍ୟ କରୁଥିଲେ। ସେ ଏହି ଟ୍ରେନ୍‌ରେ ଘରକୁ ଫେରୁଥିଲେ। ଗୁରୁବାର ସକାଳେ ଗେଟ୍‌ ନିକଟରେ ଛିଡ଼ା ହୋଇ ଖାଉଥିବା ବେଳେ ଭାରସାମ୍ୟ ହରାଇ ତଳକୁ ଖସି ପଡ଼ିଥିଲେ। ସ୍ଥାନୀୟ ଅଞ୍ଚଳର କେତେକ ଯୁବକ ପକେଟ୍‌ରେ ଥିବା ହୋଟେଲ୍‌ର କାର୍ଡ଼ରୁ ଫୋନ୍‌ ନମ୍ବର ନେଇ ହୋଟେଲ କର୍ତ୍ତୃପକ୍ଷଙ୍କୁ ଜଣାଇଥିଲେ। ପରେ ହୋଟେଲ କର୍ତ୍ତୃପକ୍ଷ ଘରକୁ ଜଣାଇଥିଲେ। ଗୁରୁବାର ସନ୍ଧ୍ୟାରେ ପରିବାର ଲୋକ ତାଳଚେର ଥାନାକୁ ଯାଇ ମୃତଦେହ ଧରି ଫେରୁଥିବା ଜଣାଯାଇଛି।
All Right Reserved By

ବାଲେଶ୍ୱର

କୃଷି ସାଧନ କେନ୍ଦ୍ର  ଲୋକାର୍ପିତ

କୃଷି ସାଧନ କେନ୍ଦ୍ର ଲୋକାର୍ପିତ

ଖଇରା, ୧୬।୮(ଡି.ଏନ.ଏ.)-ଖଇରା ସଞ୍ଚୟିକା ମହାସଂଘ ଓ ଓଡିଶା ଜୀବିକା ମିଶନର ମିଳିତ ସହଯୋଗରେ ଖଇରା ପଞ୍ଚାୟତ କାର୍ଯ୍ୟାଳୟ ପରିସରରେ କୃଷି ସାଧନ କେନ୍ଦ୍ର ଲୋକାର୍ପିତ ହୋଇଯାଇଛି। 

ଚୋରା ମଦ ବେପାରୀ ଗିରଫ

ଚୋରା ମଦ ବେପାରୀ ଗିରଫ

ବାଲେଶ୍ୱର ଅଫିସ,୧୬।୮-ବାଲେଶ୍ୱର ଅବକାରୀ ଅଧୀକ୍ଷକ ବିବେକାନନ୍ଦ ନାୟକଙ୍କ ନିର୍ଦ୍ଦେଶରେ ଏକ ଟିମ୍‌ ଗୁରୁବାର ସଦର ଥାନା ଅନ୍ତର୍ଗତ ଜାତୀୟ ରାଜପଥ ଖାନ୍‌ନଗର ଛକ ନିକଟରେ ଚଢ଼ାଉ କରି ଏକ ଟେମ୍ପୋରୁ ୪୨୦ ଲିଟର ମଦ ଜବତ କରିବା ସହ ଡ୍ରାଇଭର ଚିତ୍ତରଞ୍ଜନ ଦାସଙ୍କୁ ଗିରଫ କରିଛନ୍ତି। 

ଗୋଟିଏ ରାତିରେ ମନ୍ଦିର ସମେତ ୩ ସ୍ଥାନରୁ ଚୋରି

ଗୋଟିଏ ରାତିରେ ମନ୍ଦିର ସମେତ ୩ ସ୍ଥାନରୁ ଚୋରି

ବନ୍ତ,୧୬।୮(ଡି.ଏନ.ଏ.)-ଭଦ୍ରକ ଜିଲା ବନ୍ତ ଥାନା ଅଞ୍ଚଳରେ ବୁଧବାର ଗୋଟିଏ ରାତିରେ ୩ଟି ଚୋରି ଘଟଣା ଘଟିଥିବା ଥାନାରେ ଅଭିଯୋଗ ହୋଇଛି। ନିମାପଡ଼ା କପାଳୀକ୍ଷେତ୍ରସ୍ଥିତ ଜଗନ୍ନାଥ ମନ୍ଦିରରୁ ଦୁବୃର୍ତ୍ତମାନେ ଲକ୍ଷାଧିକ ଟଙ୍କାର ସାମଗ୍ରୀ ଚୋରି କରି ନେଇଥିବା ଅଭିଯୋଗରେ ଦର୍ଶାଯାଇଛି। 

କଲେଜ ସାମ୍ନାରେ ବିକ୍ଷୋଭ

କଲେଜ ସାମ୍ନାରେ ବିକ୍ଷୋଭ

ତିହିଡ଼ି,୧୬।୮(ଡି.ଏନ.ଏ.)-ଭଦ୍ରକ ଜିଲା ତିହିଡ଼ି ବ୍ଲକ ପାଳିଆବିନ୍ଧା ପଞ୍ଚାୟତ ବିରଞ୍ଚତ୍ ନାରାୟଣ ମାଧବ ଅର୍ଜୁନ (ବିଏନ୍‌ଏମ୍‌ଏ) କଲେଜକୁ ପଞ୍ଚାୟତବାସୀ ଗୁରୁବାର ଘେରାଉ କରିଥିଲେ। 

ହାଇଓ୍ବେ ନିମନ୍ତେ ବାଏ-ବ୍ୟାକ୍‌ ପ୍ରସ୍ତାବ

ହାଇଓ୍ବେ ନିମନ୍ତେ ବାଏ-ବ୍ୟାକ୍‌ ପ୍ରସ୍ତାବ

ନୂଆଦିଲ୍ଲୀ,୨୬।୭- ଜାତିୟ ରାଜପଥ ନିମନ୍ତେ ଏକ ବାଏ-ବ୍ୟାକ୍‌ ନିତୀ ଆଣିବାକୁ ସରକାର ବିଚାର କରୁଛନ୍ତି। ଏହାର ଆଇନଗତ ମତାମତ ପାଇଁ ଏକ ଡ୍ରାଫ୍ଟ ଦିଆଯାଇଛି। ଏ ବାବଦରେ ସଂସଦକୁ ଗୁରୁବାର ସୂଚନା ପ୍ରଦାନ କରାଯାଇଛି। 

ବିଜୁଳି ଆଲୋକରୁ ବଞ୍ଚିତ ଲୋକେ

ବିଜୁଳି ଆଲୋକରୁ ବଞ୍ଚିତ ଲୋକେ

କେନ୍ଦୁଝର, ୧୬।୮(ସ୍ବ.ପ୍ର.): କେନ୍ଦୁଝର ଜିଲାର ଗ୍ରାମାଞ୍ଚଳରେ ବିଜୁଳି ଆଲୋକରୁ ଲୋକେ ବଞ୍ଚିତ ହୋଇ ବହୁ କଷ୍ଟରେ ଜୀବନ ବିତାଉଛନ୍ତି। ସେମାନଙ୍କ ପାଇଁ ବିଦ୍ୟୁତ୍‌ ସେବା ଅପହଞ୍ଚ ହୋଇଛି। ମାଗଣାରେ ସମସ୍ତଙ୍କ ଘରକୁ ବିଦ୍ୟୁତ୍‌ ଯୋଗାଇବା ପାଇଁ ସରକାର ଘୋଷଣା କରୁଥିଲେ ବହୁ ସାହିରେ ବିଦ୍ୟୁତ୍‌ ସେବା ପହଞ୍ଚି ପାରୁନି। ଏ ନେଇ ଗ୍ରାମବାସୀ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ବିଦ୍ୟୁତ୍‌ ଯୋଗାଣ ଠିକା ନେଇଥିବା ସଂସ୍ଥା ଭୁଲ ତଥ୍ୟ ଦେଉଥିବା ବେଳେ ସ୍ଥାନୀୟ ବିଦ୍ୟୁତ୍‌ ବିଭାଗର ଠିକ ଭାବେ ତଦାରଖ କରୁ ନ ଥିବା ଅଭିଯୋଗ ହେଉଛି। ଫଳରେ ପ୍ରକୃତ ବିଦ୍ୟୁତ୍‌ ସଂଯୋଗ ହୋଇ ନ ଥିବା ସୂଚନା କାହା ପାଖରେ ନାହିଁ। ଏପରିକି ଅନେକ ସାହିରେ ଖୁଣ୍ଟ ପୋତା ହୋଇଛି। ତାର ଟଣାଯାଇଛି। ବିଦ୍ୟୁତ୍‌ ସଂଯୋଗ ହୋଇପାରିନି। 

କାର୍ଯ୍ୟକ୍ରମରେ ହଟହଟା ହେଲେ ବିଡିଓ

କାର୍ଯ୍ୟକ୍ରମରେ ହଟହଟା ହେଲେ ବିଡିଓ

ଆନନ୍ଦପୁର,୧୬। ୮(ସ୍ବ.ପ୍ର.): ସ୍ବାଧୀନତା ଦିବସ ଅବସରରେ ରାଜ୍ୟ ସରକାର ୭୦ ଲକ୍ଷ ପରିବାରବର୍ଗଙ୍କୁ ସ୍ବତନ୍ତ୍ର ସ୍ବାସ୍ଥ୍ୟସେବା ଯୋଗାଇଦେବା ପାଇଁ ବିଜୁ ସ୍ବାସ୍ଥ୍ୟ ବୀମା ଯୋଜନାର ଶୁଭାରମ୍ଭ କରିଛନ୍ତି। ଆନନ୍ଦପୁର ଉପଖଣ୍ଡ ସ୍ବାଧୀନତା ଦିବସ ପାଳନ ହେଉଥିବା ଷ୍ଟାଡିୟମଠାରେ ଆନନ୍ଦପୁର ବିଡିଓ ଉକ୍ତ କାର୍ଯ୍ୟକ୍ରମର ଶୁଭାରମ୍ଭ କରିବା ନେଇ ସମସ୍ତ ପ୍ରସ୍ତୁତି ଶେଷ କରିଥିଲେ। ପରେଡ କାର୍ଯ୍ୟକ୍ରମ ଶେଷ ପରେ ବିଡିଓ ପରିଡା ଡାକବାଜି ଯନ୍ତ୍ର ଯୋଗେ ସରକାରଙ୍କ ସ୍ବାସ୍ଥ୍ୟ ବୀମା ଯୋଜନା ସମ୍ପର୍କରେ ସୂଚନା ଦେଇ ସମସ୍ତଙ୍କ ସହଯୋଗ କାମନା କରିଥିଲେ। 

ସ୍ବାଧୀନତା ଦିବସରେ ଚାରାରୋପଣ

ସ୍ବାଧୀନତା ଦିବସରେ ଚାରାରୋପଣ

ଆନନ୍ଦପୁର, ୧୬।୮(ସ୍ବ.ପ୍ର.): ଆନନ୍ଦପୁର ବ୍ଲକ ପଞ୍ଚୁପଲୀ ହାଇସ୍କୁଲରେ ୭୨ତମ ସ୍ବାଧୀନତା ଦିବସକୁ ନିଆରା ଢଙ୍ଗରେ ପାଳନ କରାଯାଇଛି। ପ୍ରଧାନ ଶିକ୍ଷକ ବିଜୟ କୁମାର ସୁର ପତାକା ଉତ୍ତୋଳନ କରିଥିଲେ। କେନ୍ଦୁଝର ଜିଲା ଓଷ୍ଟାର ସଭାପତି ଶାନ୍ତନୁ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଶିକ୍ଷୟିତ୍ରୀଶିକ୍ଷକ, ଛାତ୍ରୀଛାତ୍ରଙ୍କ ଗହଣରେ ୫୦ ଚାରା ବିଦ୍ୟାଳୟ ପରିସରରେ ରୋପଣ କରାଯାଇଥିଲା। 
ଉକ୍ତ କାର୍ଯ୍ୟକ୍ରମରେ ବିଦ୍ୟାଧର ମିଶ୍ର, ଦେବଯାନୀ ବେହେରା, ଗୀତାଞ୍ଜଳି ଜେନା, ନିହାର ରଞ୍ଜନ ଚକ୍ର, ଶୁସାନ୍ତ ଓଝା, ରମେଶ କୁମାର ସ୍ବାଇଁ ପ୍ରମୁଖ ଶିକ୍ଷୟିତ୍ରୀଶିକ୍ଷ ସାମିଲ ହୋଇଥିଲେ।

ଲଗାଣ ବର୍ଷାରେ ଚାଷଜମି ଜଳମଗ୍ନ

ଲଗାଣ ବର୍ଷାରେ ଚାଷଜମି ଜଳମଗ୍ନ


ଆନନ୍ଦପୁର,୧୬। ୮(ସ୍ବ.ପ୍ର.): ଆନନ୍ଦପୁର ଅଞ୍ଚଳରେ ଲଗାଣ ବର୍ଷା ପ୍ରଭାବରେ ଚାଷଜମି ଜଳମଗ୍ନ ହୋଇରହିଛି। ଫଳରେ ଚାଷୀ ଚିନ୍ତାରେ ରହିଛନ୍ତି। ଫକୀରପୁର ଅଞ୍ଚଳରେ ଲଗାଣ ବର୍ଷା ପ୍ରଭାବରେ ତଳି ଉପରେ ପାଣି ରହିଛି। ଚାଷଜମିରୁ ବର୍ଷା ଜଳ ନିଷ୍କାସନ ହୋଇ ନ ପାରି ଦୀର୍ଘ ସମୟ ଧରି ତଳି ଗୁଡିକୁ ବୁଡାଇ ରଖିଥିବାରୁ ନଷ୍ଟ ହେବାକୁ ବସିଛି। ଘଟଣା ସମ୍ପର୍କରେ ସ୍ଥାନୀୟ କୃଷି ବିଭାଗ ପକ୍ଷରୁ ତଦନ୍ତ କରାଯାଇ ପ୍ରାଥମିକ ସ୍ତରରେ କ୍ଷତିଗ୍ରସ୍ତ ଚାଷୀଙ୍କୁ ସହାୟତା ପ୍ରଦାନ କରିବାକୁ ଦାବି ହୋଇଛି। 

ସ୍କୁଲ  ରାସ୍ତା କାଦୁଅ ପଚ ପଚ

ସ୍କୁଲ ରାସ୍ତା କାଦୁଅ ପଚ ପଚ

ବାଲିଆପାଳ, ୧୬। ୮(ଡି.ଏନ.ଏ.)-ବାଲିଆପାଳ ବ୍ଲକ ବିଷ୍ଣୁପୁର ପଞ୍ଚାୟତର ରସଲପୁର ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟକୁ ଯିବା ପାଇଁ ଏକମାତ୍ର ରାସ୍ତା ମରଣଯନ୍ତା ପାଲଟିଛି ।  ପ୍ରଥମ ଶ୍ରେଣୀରୁ  ସପ୍ତମ ଶ୍ରେଣୀ ପର୍ଯ୍ୟନ୍ତ ପାଖାପାଖି ୨ଶହ ପିଲା ଏଠାରେ ପାଠ ପଢନ୍ତି ।  ରାସ୍ତା ନ ଥିବାରୁ ପ୍ରତିଦିନ ପିଲାମାନେ କାଦୁଅ ପଚ ପଚ ରାସ୍ତାରେ ସ୍କୁଲକୁ ଯାଉଛନ୍ତି ।  ବହୁ ସମୟରେ ପିଲମାନେ ଦୁର୍ଘଟଣାରେ ସମ୍ମୁଖୀନ ହେଉଛନ୍ତି ।  

ନିରାଶ ହେଲେ ୫ ହଜାର ଛାତ୍ରୀଛାତ୍ର

ନିରାଶ ହେଲେ ୫ ହଜାର ଛାତ୍ରୀଛାତ୍ର

ଭୋଗରାଇ,୧୬।୮(ଡି.ଏନ.ଏ.)-ସ୍ବାଧୀନତା ଦିବସ ଉପଲକ୍ଷେ ଭୋଗରାଇର ପ୍ରାଥମିକସ୍ତରରୁ ମହାବିଦ୍ୟାଳୟ ପର୍ଯ୍ୟନ୍ତ ଛାତ୍ରୀଛାତ୍ରଙ୍କ ପରେଡ଼ ପ୍ରତିଯୋଗିତା ପାଇଁ ମାସାଧିକ କାଳ ପର୍ଯ୍ୟନ୍ତ ଅଭ୍ୟାସ କରାଯାଇଥିଲା। ହେଲେ ସ୍ବାଧୀନତା ଦିବସ ଗୋଟିଏ ଦିନ ପୂର୍ବରୁ ପ୍ରବଳ ବର୍ଷା ଓ ବଜ୍ରପାତ ଜନିତ ସତର୍କ ସୂଚନା କେନ୍ଦ୍ର ଗୃହମନ୍ତ୍ରାଳୟ ରାଜ୍ୟସରକାରଙ୍କୁ ସତର୍କ କରାଇ ଦେଇଥିବା ବେଳେ ରାଜ୍ୟ ସରକାର ଖୋଲା ପଡ଼ିଆରେ ସ୍ବାଧୀନତା ଦିବସ କିମ୍ବା ପରେଡ଼ ପ୍ରଦର୍ଶନ କରାଯାଇ ପାରିବ ନାହଁି ଜିଲାପ୍ରଶାସନକୁ ଜଣାଇଲା ପରେ ସମସ୍ତ ବ୍ଲକ ପ୍ରଶାସନଙ୍କୁ ମଧ୍ୟ ଜଣାଇ ଦିଆଯାଇଥିଲା।