Dharitri News
ରାଜ୍ୟ |

ଶିକ୍ଷକଙ୍କ ଚେତାବନୀ:ବିଜ୍ଞପ୍ତି ବାହାର କଲେ ଲୋୟର ପିଏମ୍‌ଜି ଛାଡିବୁ

ଶିକ୍ଷକଙ୍କ ଚେତାବନୀ:ବିଜ୍ଞପ୍ତି ବାହାର କଲେ ଲୋୟର ପିଏମ୍‌ଜି ଛାଡିବୁ ଭୁବନେଶ୍ୱର, ୯। ୨(ବ୍ୟୁରୋ)- ଓଡ଼ିଶା ସ୍କୁଲ, କଲେଜ ଶିକ୍ଷକ ମିଳିତ ମଞ୍ଚ ଓ ସରକାରଙ୍କ ମଧ୍ୟରେ ଆଲୋଚନା ବିଫଳ ହୋଇଛି। ଶିକ୍ଷକମାନେ ଜିଦ୍‌ରେ ଅଟଳ ରହିଥିବାବେଳେ ସରକାର ମଧ୍ୟ ନିଷ୍ପତ୍ତିରେ ଅଟଳ ରହିଛନ୍ତି। ଗୋଟିଏ ପଟେ ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ ଶିକ୍ଷକମାନଙ୍କୁ ସ୍କୁଲ ଓ କଲେଜ ଯାଇ ଛାତ୍ରୀଛାତ୍ରଙ୍କୁ ପାଠ ପଢାଇବାକୁ ତାଗିତ୍‌ କରିଛନ୍ତି। ଯଦି ସେମାନେ ଏହାକୁ ଅବମାନନା କରନ୍ତି ତେବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରୀ ଚେତାବନୀ ଦେଇଛନ୍ତି। ମାତ୍ର ମନ୍ତ୍ରୀଙ୍କ ଏଭଳି ଚେତାବନୀକୁ ଶିକ୍ଷକ ମଞ୍ଚ ବାଏଁ ବାଏଁ ଉଠାଇ ଦେଇଛି। ଆଗ ଦାବି ପୂରଣ କରି ବିଜ୍ଞପ୍ତି ପ୍ରକାଶ କର। ତା’ପରେ ଶିକ୍ଷକମାନେ ଲୋୟର ପିଏମ୍‌ଜି ଛାଡ଼ି ସ୍କୁଲ ଓ କଲେଜ ଯିବେ ବୋଲି ୬୬୨ ବର୍ଗ କଲେଜ ଶିକ୍ଷକ ସଂଘର ସଭାପତି ଗୋଲକ ନାୟକ କହିଛନ୍ତି। ଗୋଲକଙ୍କ ସୂଚନା ଅନୁଯାୟୀ, ଶୁକ୍ରବାର ସନ୍ଧ୍ୟାରେ ଉଚ୍ଚଶିକ୍ଷା ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗର ୨ ମନ୍ତ୍ରୀଙ୍କ ସହିତ ବିଭାଗୀୟ ଅଧିକାରୀମାନଙ୍କ ଉପସ୍ଥିତିରେ ଶିକ୍ଷକ ମିଳିତ ମଞ୍ଚର ଏକ ପ୍ରତିନିଧି ଦଳ ଆଲୋଚନା କରିଥିଲେ। ଆଲୋଚନାବେଳେ ଶିକ୍ଷକମାନେ ସତ୍ୟପାଠକୁ ପ୍ରତ୍ୟାହାର କରିନେବା, ୪୦, ୬୦ ଏବଂ ୭୫ ବର୍ଗ ଅଧ୍ୟାପକଙ୍କୁ ବ୍ଲକଗ୍ରାଣ୍ଡ ଉଚ୍ଛେଦ କରି ନିୟମିତ କରିବା ଏବଂ ପୂର୍ବରୁ ଓ୍ବାଲ ନୋଟିସ୍‌ ମାଧ୍ୟମରେ ନିଯୁକ୍ତ ଶିକ୍ଷକମାନଙ୍କୁ ନିୟମିତ କରିବାକୁ ଦାବି କରିଥିଲେ। ଏହାକୁ ସରକାର ମାନି ନେଇଛନ୍ତି। କିନ୍ତୁ ଏ ସମ୍ପର୍କିତ ବିଜ୍ଞପ୍ତି ବାହାର କରିବା ପାଇଁ ସରକାର ଶିକ୍ଷକମାନଙ୍କୁ ଏକ ସପ୍ତାହ ସମୟ ମାଗିଛନ୍ତି। କିନ୍ତୁ ସପ୍ତାହେ ସମୟ ଦେବାକୁ ଶିକ୍ଷକ ସଂଘ ରାଜି ହୋଇନାହାନ୍ତି। କାରଣ ପୂର୍ବରୁ ଶିକ୍ଷକମାନେ ସରକାରଙ୍କୁ ବାରମ୍ବାର ସମୟ ଦେଇଛନ୍ତି। ସରକାର ତାଙ୍କ ପ୍ରତିଶ୍ରୁତି ରକ୍ଷା କରି ନାହାନ୍ତି। ପୂର୍ବପରି ପୁଣି ଥରେ ସରକାର ସମୟ ମାଗି ଶିକ୍ଷକମାନଙ୍କୁ ପ୍ରତାରଣା କରିବାକୁ ଚିନ୍ତା କରୁଛନ୍ତି। କିନ୍ତୁ ଏଭଳି ସୁଯୋଗ ଶିକ୍ଷକମାନେ ଆଉ ସରକାରଙ୍କୁ ଦେବେନାହିଁ। ଯେ ପର୍ଯ୍ୟନ୍ତ ଦାବି ପୂରଣ ସମ୍ପର୍କିତ ନୂଆ ବିଜ୍ଞପ୍ତି ପ୍ରକାଶ କରାଯାଇ ନାହିଁ, ସେ ପର୍ଯ୍ୟନ୍ତ ଶିକ୍ଷକମାନେ ଆନ୍ଦୋଳନରୁ ଉଠିବେ ନାହିଁ। ମନ୍ତ୍ରୀଙ୍କ ହାତରେ କ୍ଷମତା ଅଛି। ସେମାନେ ଯାହା କରିବା କଥା କରନ୍ତୁ। ଶିକ୍ଷକମାନଙ୍କ ପେଟ ପୋଡି ଯାଉଛି। ଦାବି ପୂରଣ ନ ହେବା ଯାଏ ଆନ୍ଦୋଳନ ପ୍ରତ୍ୟାହାର କରିବୁ ନାହିଁ ବୋଲି ସେ କହିଛନ୍ତି।

ବିଜେପୁର ନିର୍ବାଚନ ଫଳାଫଳ

ବିଜେଡି 0
ବିଜେପି 0
କଂଗ୍ରେସ 0
  ଅନ୍ୟାନ୍ୟ 0

Model This Week

ଏଲ୍‌ସା ଘୋଷ

ରାଜ୍ୟ |

ଦିଲେଶ୍ୱରଙ୍କ ମୃତ୍ୟୁକୁ ନେଇ  ଆରୋପ-ପ୍ରତ୍ୟାରୋପ

ଦିଲେଶ୍ୱରଙ୍କ ମୃତ୍ୟୁକୁ ନେଇ ଆରୋପ-ପ୍ରତ୍ୟାରୋପ

ଭୁବନେଶ୍ୱର,୨୪।୨(ବ୍ୟୁରୋ)-ବିଜେଡି ବିଧାୟକ ସୁଶାନ୍ତ ସିଂଙ୍କ ଭାଇ ସୁବ୍ରତ ସିଂଙ୍କ ଡ୍ରାଇଭର ଦିଲେଶ୍ୱର ସାହୁଙ୍କ ମୃତ୍ୟୁକୁ ନେଇ ରାଜନୀତି ଜୋର ଧରିଛି। ଏହି ଘଟଣାରେ ପ୍ରଥମରୁ ବିଜେଡି ଭାଜପାକୁ ଦାୟୀ କରିବା ସହ ସମାଲୋଚନା କରିଛି। ମାତ୍ର ଭାଜପା ପକ୍ଷରୁ ଏହାର ଖଣ୍ଡନ କରାଯିବା ସହ ରାଜ୍ୟପାଳ ଏସ୍‌.ସି. ଜମିରଙ୍କ ନିକଟରେ ଶନିବାର ଦଳ ଫେରାଦ ହୋଇଛି। ଦଳର ମୁଖପାତ୍ର ସଜ୍ଜନ ଶର୍ମା କହିଛନ୍ତି ଯେ, ଏହି ହତ୍ୟାକାଣ୍ଡକୁ ନେଇ ଅଯଥା ରାଜନୀତି କରାଯାଉଛି।

ରାଷ୍ଟ୍ରପତିଙ୍କୁ ଭେଟିଲେ ମୁଖ୍ୟମନ୍ତ୍ରୀ

ରାଷ୍ଟ୍ରପତିଙ୍କୁ ଭେଟିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୪।୨(ବ୍ୟୁରୋ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ଦୁଇଦିନିଆ ଦିଲ୍ଲୀ ଗସ୍ତରେ ଯାଇ ସାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଛନ୍ତି। କଟକସ୍ଥିତ ଆନନ୍ଦ ଭବନ ଏବଂ ବିଜୁବାବୁଙ୍କ ସଂଗ୍ରହାଳୟର ଉଦ୍‌ଘାଟନ ଉତ୍ସବରେ ଯୋଗଦେବା ପାଇଁ ସେ ରାଷ୍ଟ୍ରପତିଙ୍କୁ ଆମନ୍ତ୍ରଣ ଜଣାଇଛନ୍ତି। ରାମନାଥ ରାଷ୍ଟ୍ରପତି ହେବା ପରେ ତାଙ୍କ ସହ ମୁଖ୍ୟମନ୍ତ୍ରୀଙ୍କ ଏହା ପ୍ରଥମ ସାକ୍ଷାତକାର। ଉଭୟଙ୍କ ମଧ୍ୟରେ ରାଷ୍ଟ୍ରପତି ଭବନରେ ପାଖାପାଖି ୧୦ ମିନିଟ୍‌ ବାର୍ତ୍ତାଳାପ ହୋଇଥିଲା।

ମୃତ ଦିଲେଶ୍ୱରଙ୍କୁ ମୁଖ୍ୟମନ୍ତ୍ରୀଙ୍କ ଶ୍ରଦ୍ଧାଞ୍ଜଳି

ମୃତ ଦିଲେଶ୍ୱରଙ୍କୁ ମୁଖ୍ୟମନ୍ତ୍ରୀଙ୍କ ଶ୍ରଦ୍ଧାଞ୍ଜଳି

ଭୁବନେଶ୍ୱର,୨୪। ୨(ବ୍ୟୁରୋ)- ଗୁରୁବାର ବିଳମ୍ବିତ ରାତିରେ ବରଗଡ ଜିଲାର ସୋହେଲା ନିକଟସ୍ଥ ଲେଖାପଥର ଗାଁରେ ହୋଇଥିବା ହିଂସାରେ ଗୁରୁତର ଆହତ ହୋଇଥିବା ଡ୍ରାଇଭର ଦିଲେଶ୍ୱର ସାହୁଙ୍କର ଶନିବାର ମୃତ୍ୟୁ ହୋଇଛି। ପରେ ତାଙ୍କ ମରଶରୀରକୁ କଟକ ଏସ୍‌ସିବି ମେଡିକାଲ ପରିସରରୁ ୬ ନମ୍ବରସ୍ଥିତ ବିଜେଡି କାର୍ଯ୍ୟାଳୟକୁ ଅଣାଯାଇଥିଲା। ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ମରଶରୀରରେ ପୁଷ୍ପମାଲ୍ୟ ଦେବା ସହ ସେଠାରେ ଉପସ୍ଥିତ ଦିଲେଶ୍ୱରଙ୍କ ପରିବାର ସଦସ୍ୟଙ୍କୁ ସମବେଦନା ଜଣାଇଥିଲେ।

ଚିତ୍ରସେନ ହତ୍ୟା ମାମଲା: ୪ ଜଣଙ୍କୁ ଆଜୀବନ କାରାଦଣ୍ଡ

ଚିତ୍ରସେନ ହତ୍ୟା ମାମଲା: ୪ ଜଣଙ୍କୁ ଆଜୀବନ କାରାଦଣ୍ଡ

ଛତ୍ରପୁର,୨୪।୨(ଡି.ଏନ.ଏ.) - ଗଞ୍ଜାମ ଜିଲା କୋଦଳା ଥାନା ମର୍ଦ୍ଦମେଖ (ମାଟିଗଡ) ଗାଁର ଚିତ୍ରସେନ ଦଳାଇଙ୍କୁ ୨୦୧୩ ଅକ୍ଟୋବର ୨୧ ତାରିଖରେ ହତ୍ୟା କରାଯାଇଥିଲା। ଏହି ମାମଲାରେ ସମ୍ପୃକ୍ତ ୪ ଜଣ ଶନିବାର ଆଜୀବନ କାରାଦଣ୍ଡରେ ଦଣ୍ଡିତ ହୋଇଛନ୍ତି। ଏମାନେ ହେଲେ ମର୍ଦ୍ଦମେଖ (ମାଟିଗଡ) ଗାଁର ରାମଚନ୍ଦ୍ର ସ୍ବାଇଁ ଏବଂ ତାଙ୍କ ୨ ପୁଅ ପ୍ରଶାନ୍ତ ଓ ସୁର୍ଦଶନ, ଭାଇ ଗଣପତି ସ୍ବାଇଁ। ଏହି ହତ୍ୟା ମାମଲାର ଶୁଣାଣି କରି ଏଡିଜେ ଶିଖା ରାଣୀ ରଥ ଉପରୋକ୍ତ ରାୟ ଶୁଣାଇଛନ୍ତି। ଆଜୀବନ କାରାଦଣ୍ଡ ସହ ପ୍ରତ୍ୟେକଙ୍କ ଉପରେ ୫ ହଜାର ଟଙ୍କା ଲେଖାଏର ଜରିମାନା କରାଯାଇଛି। ଜରିମାନା ଅର୍ଥ ଅନାଦାୟ ହେଲେ ଅତିରିକ୍ତ ୬ ମାସ ଜେଲ ଦଣ୍ଡ ଭୋଗିବାକୁ ପଡିବ। ଏପିପି ଶରତ ଚନ୍ଦ୍ର ପ୍ରଧାନ ଓ ସରକାରୀ ଓକିଲ ଡମିନାଥ ସାହୁ ମାମଲା ପରିଚାଳନା କରିଥିଲେ।

ସାତକୋଶିଆରେ ବ୍ୟାଘ୍ର ଆକଳନ

ସାତକୋଶିଆରେ ବ୍ୟାଘ୍ର ଆକଳନ

ଗଣିଆ,୨୪।୨(ଡି.ଏନ୍‌.ଏ.)-ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ (ଏନ୍‌ଟିସିଏ) ପକ୍ଷରୁ ବିଭିନ୍ନ ଅଭୟାରଣ୍ୟଗୁଡ଼ିକରେ ଜାତୀୟ ବ୍ୟାଘ୍ର ଆକଳନ ବା ନ୍ୟାଶନାଲ ଟାଇଗର ଏଷ୍ଟିମେଶନ କାର୍ଯ୍ୟ କରାଯାଇଥିଲା। ଚଳିତ ମାସ ୧୬ରୁ ନୟାଗଡ଼ ଜିଲା ବନ୍ୟପ୍ରାଣୀ ବନଖଣ୍ଡ ଅନ୍ତର୍ଗତ ସାତକୋଶିଆ ଅଭୟାରଣ୍ୟରେ ଚାଲିଥିବା ଏହି ଆକଳନ କାର୍ଯ୍ୟ ଶନିବାର ଶେଷ ହୋଇଛି।

ମରିନାହାନ୍ତି, ଡାହାଣୀ ଲାଗିଛି

ମରିନାହାନ୍ତି, ଡାହାଣୀ ଲାଗିଛି

ବାରିପଦା ଅଫିସ/କୁଳିଅଣା (ଡି.ଏନ.ଏ.),୨୪।୨-ଡାକ୍ତରଙ୍କ ଦ୍ୱାରା ମୃତ ଘୋଷିତ ଜଣେ ବ୍ୟକ୍ତିଙ୍କୁ ବଞ୍ଚାଇବା ଲାଗି ଗୁଣିଆ ଡାକି ୧୨ ଘଣ୍ଟାରୁ ଅଧିକ ସମୟ ଧରି ପୂଜାର୍ଚ୍ଚନା କରାଯିବା ଭଳି ଏକ ଘଟଣା ମୟୂରଭଞ୍ଜ ଜିଲାର ଚାନ୍ଦୁଆ ଥାନା ଅଞ୍ଚଳରେ ଘଟିଛି। ଲୋକେ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଏଭଳି ପୂଜାର୍ଚ୍ଚନା କରୁଥିବା ସୂଚନା ପାଇ ପୋଲିସ ଶନିବାର ଅପରାହ୍ନରେ ଝିନେଇ ଗ୍ରାମରେ ପହଞ୍ଚତ୍ ସମ୍ପୃକ୍ତ ଗୁଣିଆ ସାଦ ଟୁଡୁଙ୍କୁ ଗିରଫ କରିଛି। ମୃତଦେହକୁ ସତ୍କାର ପାଇଁ ପଠାଯାଇଛି। ଏନେଇ ଗୁଣିଆଙ୍କ ବିରୋଧରେ ପୋଲିସ ନିଜ ତରଫରୁ ଦଫା ନଂ ୨୯୪, ୫୦୬, ୩୫୩ ଆଇପିସି ଓ ଓଡିଶା ଗୁଣିଗାରେଡି ଆକ୍ଟର ୫ ଓ ୬ ଧାରାରେ ଏକ ମାମଲା (ନଂ.୮/୧୮) ଋଜୁ କରିଛି।

ଇଭିଏମ୍‌ରେ ଭାଗ୍ୟ

ଇଭିଏମ୍‌ରେ ଭାଗ୍ୟ

ବରଗଡ଼ ଅଫିସ୍‌,୨୪।୨-ବରଗଡ଼ ଜିଲା ବିଜେପୁର ଉପନିର୍ବାଚନ ପାଇଁ ଶନିବାର ଶୃଙ୍ଖଳିତ ଭାବେ ମତଦାନ ପ୍ରକ୍ରିୟା ଶେଷ ହୋଇଛି । କେତେକ ଭୋଟ୍‌ ଗ୍ରହଣ କେନ୍ଦ୍ରରେ ଇଭିଏମ୍‌ ଅଚଳ ଯୋଗୁ ମତଦାନ ବିଳମ୍ବିତ ହୋଇଥିଲା । ସକାଳ ୮ଟାରୁ ମତଦାନ ପ୍ରକ୍ରିୟା ଆରମ୍ଭ ହୋଇ ଅପରାହ୍ନ ୫ଟା ପର୍ଯ୍ୟନ୍ତ ମତଦାତାଙ୍କୁ ଭୋଟ୍‌ ଗ୍ରହଣ କେନ୍ଦ୍ର ପରିସରକୁ ଛଡାଯାଇଥିଲା । ଖବର ଲେଖାହେବା ସୁଦ୍ଧା(ରାତ୍ରି ୮ଟା ପର୍ଯ୍ୟନ୍ତ) ବିଭିନ୍ନ ଭୋଟ୍‌ ଗ୍ରହଣ କେନ୍ଦ୍ରରେ ମତଦାନ ଚାଲିଥିଲା ।

କଡ଼ା ହେଲା ବୋର୍ଡ

କଡ଼ା ହେଲା ବୋର୍ଡ

ଭୁବନେଶ୍ୱର, ୨୪।୨(ବ୍ୟୁରୋ)- ମାଟ୍ରିକ ପରୀକ୍ଷାର ପ୍ରଥମ ଦିନରେ ହ୍ବାଟ୍‌ସଆପରେ ପ୍ରଶ୍ନପତ୍ର ପ୍ରଘଟ ଅଭିଯୋଗ ହୋଇଥିଲା। ଏହାପରେ ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ କଡ଼ା ଆଭିମୂଖ୍ୟ ଗ୍ରହଣ କରାଯାଇଛି।

ମାଓବାଦୀ ପ୍ରପୀଡ଼ିତ ଅଞ୍ଚଳ: ରାଜ୍ୟ ବହନ କରିବ ୪୦ ପ୍ରତିଶତ ଖର୍ଚ୍ଚ

ମାଓବାଦୀ ପ୍ରପୀଡ଼ିତ ଅଞ୍ଚଳ: ରାଜ୍ୟ ବହନ କରିବ ୪୦ ପ୍ରତିଶତ ଖର୍ଚ୍ଚ

ଭୁବନେଶ୍ୱର, ୨୪।୨(ବ୍ୟୁରୋ): ମାଓବାଦୀ ପ୍ରପୀଡ଼ିତ ଅଞ୍ଚଳର ସୁରକ୍ଷା ବ୍ୟବସ୍ଥାକୁ ନେଇ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ଶନିବାର ଏକ ସମୀକ୍ଷା ବୈଠକରେ ଯୋଗଦେଇ ଆଲୋଚନା କରିଛନ୍ତି। ବୈଠକରେ ଗୃହ ବିଭାଗ ସଚିବ ଅସିତ୍‌ ତ୍ରିପାଠୀ କହିଛନ୍ତି, ପୂର୍ବରୁ ମାଓବାଦୀ ପ୍ରପୀଡ଼ିତ ଅଞ୍ଚଳର ସୁରକ୍ଷା ପାଇଁ କେନ୍ଦ୍ର ସରକାର ସମସ୍ତ ଅର୍ଥ ଭରଣା କରୁଥିଲେ। ମାତ୍ର ଏବେ କେନ୍ଦ୍ର ସରକାର ୬୦ ପ୍ରତିଶତ ଅର୍ଥ ଯୋଗାଉଛନ୍ତି। ଯେଉଁଠି ରାଜ୍ୟ ସରକାରଙ୍କୁ ୪୦ ପ୍ରତିଶତ ଖର୍ଚ୍ଚ ବହନ କରବାକୁ ପଡ଼ିବ ବୋଲି ସେ କହିଛନ୍ତି।

ପୁନଃ କାର୍ଯ୍ୟକ୍ଷମ ହେବ ଗୋପାଳପୁର ବନ୍ଦର

ପୁନଃ କାର୍ଯ୍ୟକ୍ଷମ ହେବ ଗୋପାଳପୁର ବନ୍ଦର

ଭୁବନେଶ୍ୱର, ୨୪।୨(ବ୍ୟୁରୋ): ଆସନ୍ତା ଦେଢ ବର୍ଷ ମଧ୍ୟରେ ଗୋପାଳପୁର ବନ୍ଦର ପୁନଃ କାର୍ଯ୍ୟକ୍ଷମ ହେବ। ଅସ୍ତରଙ୍ଗ ବନ୍ଦର ମାମଲା ନେଇ ଚାଲିଥିବା ରାୟ କୋର୍ଟରେ ବିଚାରାଧୀନ ରହିଛି। ଏ ନେଇ ଖୁବ୍‌ଶୀଘ୍ର ଆଗାମୀ ଶୁଣାଣି ହେବ ବୋଲି ବାଣିଜ୍ୟ ଓ ପରିବହନ ସଚିବ ଜି. ଶ୍ରୀନିବାସ ସୂଚନା ଦେଇଛନ୍ତି। ଶନିବାର ଗୋପାଳପୁର ଓ ଅସ୍ତରଙ୍ଗ କାର୍ଯ୍ୟର ସମୀକ୍ଷା ନେଇ ସଚିବାଳୟଠାରେ ଏକ ବୈଠକ ଅନୁଷ୍ଠିତ ହୋଇଥିଲା।

ରାଷ୍ଟ୍ରପତିଙ୍କୁ ଭେଟିବେ ମୁଖ୍ୟମନ୍ତ୍ରୀ

ରାଷ୍ଟ୍ରପତିଙ୍କୁ ଭେଟିବେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୪।୨(ବ୍ୟୁରୋ): ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏ ନେଇ ରାଷ୍ଟ୍ରପତି ମୁଖ୍ୟମନ୍ତ୍ରୀଙ୍କୁ ଦିଲ୍ଲୀ ଡାକିଛନ୍ତି। ମୁଖ୍ୟମନ୍ତ୍ରୀ ଶନିବାରଠାରୁ ୨ ଦିନିଆ ଦିଲ୍ଲୀ ଗସ୍ତରେ ଯିବେ। ସନ୍ଧ୍ୟା ୬ଟା୧୫ ମିନିଟରେ ରାଷ୍ଟ୍ରପତିଙ୍କ ସହ ତାଙ୍କର ଆଲୋଚନା ହେବ। ତେବେ ରାଷ୍ଟ୍ରପତି କ’ଣ ପାଇଁ ଏବଂ କେଉଁ ପ୍ରସଙ୍ଗରେ ଆଲୋଚନା କରିବେ ତାହା ସ୍ପଷ୍ଟ ହୋଇନାହିଁ। ରାଷ୍ଟ୍ରପତି ହେବା ପରେ କୋବିନ୍ଦଙ୍କ ସହ ଏହା ମୁଖ୍ୟମନ୍ତ୍ରୀଙ୍କ ପ୍ରଥମ ସାକ୍ଷାତ ହେବ।

ଶ୍ରମମନ୍ତ୍ରୀଙ୍କ ଭାଇଙ୍କ ସମେତ ୪ ଆହତ ଘଟଣା: ଗୁରୁତର ଡ୍ରାଇଭରଙ୍କ ମୃତ୍ୟୁ

ଶ୍ରମମନ୍ତ୍ରୀଙ୍କ ଭାଇଙ୍କ ସମେତ ୪ ଆହତ ଘଟଣା: ଗୁରୁତର ଡ୍ରାଇଭରଙ୍କ ମୃତ୍ୟୁ

ବରଗଡ ଅଫିସ,୨୪।୨: ବରଗଡ ଜିଲା ସୋହେଲା ବ୍ଲକ ଅନ୍ତର୍ଗତ ବନାବିରା ଗ୍ରାମର ହରିହରାନନ୍ଦ କ୍ରିୟାଯୋଗ ଧ୍ୟାନକେନ୍ଦ୍ର ନିକଟରେ ଶ୍ରମମନ୍ତ୍ରୀ ସୁଶାନ୍ତ ସିଂଙ୍କ ଭାଇଙ୍କ ସମେତ ୪ଜଣଙ୍କୁ ଗୁରୁବାର ରାତିରେ ଆକ୍ରମଣ କରାଯାଇଥିଲା। ଏଥିରେ ଆହତ ହୋଇଥିବା ଡ୍ରାଇଭର ଚିଚିଣ୍ଡା ଗ୍ରାମର ଡିଲେଶ୍ୱର ସାହୁଙ୍କର ଶୁକ୍ରବାର ରାତିରେ ମୃତ୍ୟୁ ଘଟିଛି। ସେ ଗୁରୁତର ହୋଇ କଟକ ବଡ ଡାକ୍ତରଖାନାରେ ଚିକିତ୍ସିତ ହେଉଥିଲେ।