ବାଲେଶ୍ୱର

କାମରେ ଆସୁନି ପାନୀୟଜଳ ପ୍ରକଳ୍ପ

କାମରେ ଆସୁନି ପାନୀୟଜଳ ପ୍ରକଳ୍ପ

ତିହିଡ଼ି,୯।୨(ଡି.ଏନ.ଏ.)-୨୦୦୮-୦୯ବର୍ଷରେ ନିର୍ମିତ ହୋଇଥିବା ପାନୀୟ ଜଳପ୍ରକଳ୍ପ ରକ୍ଷଣାବେକ୍ଷଣ ଅଭାବ ଓ ବିଦ୍ୟୁତ୍‌ ସମସ୍ୟା ଆଦି କାରଣରୁ କାମରେ ଆସୁନି। ପ୍ରକଳ୍ପ ଉପରେ ନିର୍ଭର କରୁଥିବା ଶହ ଶହ ଲୋକ ଜଳକଷ୍ଟର ଶିକାର ହେଉଛନ୍ତି। କେତେକ ସ୍ଥାନରେ ପାଇପ ଫାଟି ପାଣି ବୋହି ଯାଉଛି। ଫଳରେ ଲୋକେ ଠିକ୍‌ ଭାବେ ପାଇପ ପାଣି ପାଇ ପାରୁ ନାହାନ୍ତି। ଆପତ୍ତି କଲେ କେହି କିଛି ଶୁଣୁ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଭଦ୍ରକ ଜିଲା ତିହିଡି ବ୍ଲକ ଭାଟପଡ଼ା ପଞ୍ଚାୟତ ଅଧୀନ ହରିପୁର ଗ୍ରାମ ନିକଟରେ ମଙ୍ଗରାଜପୁର ପାନୀୟଜଳ ପ୍ରକଳ୍ପ ନିର୍ମାଣ ହୋଇଥିଲେ ମଧ୍ୟ ଆରମ୍ଭରୁ ପାଣି ଟାଙ୍କି ତିଆରି ହୋଇ ନ ଥିଲା। ୨୦୧୫-୧୬ରେ ଏଠି ଓଭରହେଡ ଟ୍ୟାଙ୍କ୍‌ ନିର୍ମାଣ କରାଯାଇଥିଲା। ୧ ଲକ୍ଷ ଲିଟର ବିଶିଷ୍ଟ ଏହି ଟାଙ୍କି ହେବା ପରେ ଲୋକେ ସବୁ ସମୟରେ ପାଣି ପାଇପାରିବେ ବୋଲି ଭାବିଥିଲେ। ବିଭିନ୍ନ ସମସ୍ୟା ଯୋଗୁ ଏହା ସମ୍ଭବ ହୋଇପାରୁ ନାହିଁ। ଗତ ୨ ବର୍ଷ ମଧ୍ୟରେ ଏହା ମାତ୍ର ୩ ମାସ କାର୍ଯ୍ୟକ୍ଷମ ହୋଇଥିବା କୁହାଯାଉଛି। ବିଦ୍ୟୁତ୍‌ ଜନିତ ସମସ୍ୟା ଯୋଗୁ ପ୍ରକଳ୍ପ ବର୍ଷେ କାଳ ବନ୍ଦ ରହିଥିଲା। ଏହି ସମସ୍ୟାର ପ୍ରତିକାର ହେବା ପରେ ପ୍ରକଳ୍ପ ଚାଲିଥିଲା। ଓଭରହେଡ ଟ୍ୟାଙ୍କ କାର୍ଯ୍ୟକ୍ଷମ ହେବାର ୩ମାସ ପରେ ପୁଣି ଏହା ବନ୍ଦ ହୋଇଯାଇଥିଲା। ଏହି ପ୍ରକଳ୍ପରୁ ହରିପୁର, ତିହିଡ଼ି ଓ ମଙ୍ଗରାଜପୁର ଗ୍ରାମକୁ ପାନୀୟଜଳ ଯୋଗାଣ ହେଉଛି। ତିହିଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ମଧ୍ୟ ପ୍ରକଳ୍ପରୁ ଜଳଯୋଗାଣ କରାଯାଉଛି। ବିଭିନ୍ନ ଗ୍ରାମକୁ ବିଛା ଯାଇଥିବା ପାଇପ୍‌ ସବୁ ଅନେକ ସ୍ଥାନରେ ଫାଟି ଯାଇଛି। ଏହାକୁ ମରାମତି କରାଯାଉ ନାହିଁ କି ବଦଳା ଯାଉନାହିଁ । ଫଳରେ ଜଳଯୋଗାଣ ହୋଇପାରୁ ନାହିଁ। ପୂର୍ବରୁ ଗ୍ରାମ୍ୟ ଜଳ ଓ ପରିମଳ ବିଭାଗ ହାତରେ ଏହି ପ୍ରକଳ୍ପର ମରାମତି ଦାୟିତ୍ୱ ଥିଲା। ମାତ୍ର ପଞ୍ଚାୟତକୁ ଦାୟିତ୍ୱ ହସ୍ତାନ୍ତର କରାଯିବା ପରେ ବିଭାଗ ପକ୍ଷରୁ ମରାମତି କାର୍ଯ୍ୟ ଲାଗି କୌଣସି ଗୁରୁତ୍ୱ ଦିଆଯାଉ ନାହିଁ। ଫାଟି ଯାଇଥିବା ପାଇପ୍‌ ତୁରନ୍ତ ମରାମତି କରାଗଲେ ଓଭରହେଡ ଟ୍ୟାଙ୍କ୍‌ କାର୍ଯ୍ୟକ୍ଷମ ହୋଇପାରନ୍ତା ବୋଲି ସ୍ଥାନୀୟ ଲୋକେ ଦାବି କରିଛନ୍ତି। ଏ ସମ୍ପର୍କରେ ସରପଞ୍ଚ ସ୍ବର୍ଣ୍ଣମୟୀ ଜେନା କହନ୍ତି, ପାଇପ୍‌ ଫାଟି ଥିବାରୁ ଓଭରହେଡ ଟ୍ୟାଙ୍କ୍‌ କାର୍ଯ୍ୟକ୍ଷମ ହୋଇପାରୁନି। ଆସନ୍ତା ମାସ ସୁଦ୍ଧା ପାଇପ୍‌ ସବୁ ମରାମତି କରାଯାଇ ଟ୍ୟାଙ୍କକୁ କାର୍ଯ୍ୟକ୍ଷମ କରାଯିବ। ଏ ସମ୍ପର୍କରେ ଜଳ ଓ ପରିମଳ ବିଭାଗ କନିଷ୍ଠଯନ୍ତ୍ରୀ ଖଗେନ୍ଦ୍ର ପ୍ରସାଦ ବେହେରାଙ୍କୁ ପଚାରିବାରୁ ଘଟଣା ଅନୁଧ୍ୟାନ କରି ପଦକ୍ଷେପ ନିଆଯିବ ବୋଲି କହିଛନ୍ତି। ଆଗକୁ ଖରାଦିନ ଆସୁଥିବାରୁ ତୁରନ୍ତ ଏହି ପ୍ରକଳ୍ପକୁ ପୂର୍ଣ୍ଣ କାର୍ଯ୍ୟକ୍ଷମ କରିବାକୁ ଗ୍ରାମବାସୀ ଦାବି କରିଛନ୍ତି।

All Right Reserved By

ବାଲେଶ୍ୱର

 ଜାତୀୟ ପତାକାକୁ ଅସମ୍ମାନ

ଜାତୀୟ ପତାକାକୁ ଅସମ୍ମାନ

ହାଟଡିହୀ,୧୬।୮(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକ ସମଣା ପଞ୍ଚାୟତ ବାହାରିପୁର ସ୍କୁଲରେ ଜାତୀୟ ପତାକାକୁ ଅସମ୍ମାନ କରାଯାଇଥିବା ଦେଖିବାକୁ ମିଳିଛି।

କଂଗ୍ରେସର ଜୋନ୍‌ ସଭାପତି ଚୟନ

କଂଗ୍ରେସର ଜୋନ୍‌ ସଭାପତି ଚୟନ

ହାଟଡିହୀ,୧୬।୮(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକର ୪ ଗୋଟି ଜୋନ୍‌ରେ କଂଗ୍ରେସ ପକ୍ଷରୁ ଜୋନ୍‌ ସଭାପତି ଚୟନ କାର୍ଯ୍ୟକ୍ରମ ଶେଷ ହୋଇଛି। 

ସମାଜସେବା ପାଇଁ ସମ୍ମାନିତ ହେଲେ ଚନ୍ଦ୍ରମୌଳି ମହାନ୍ତି

ସମାଜସେବା ପାଇଁ ସମ୍ମାନିତ ହେଲେ ଚନ୍ଦ୍ରମୌଳି ମହାନ୍ତି

ହାଟଡିହୀ,୧୬। ୮(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକ ନାହା ଗ୍ରାମର ଚନ୍ଦ୍ରମୌଳି ମହାନ୍ତିଙ୍କୁ ସମାଜସେବା ପାଇଁ ବୁଧବାର ସମ୍ମାନିତ କରାଯାଇଛି। 

ଚମ୍ପୁଆ ରେଞ୍ଜ ଅଞ୍ଚଳରେ ଲାଗି ରହିଛି ହାତୀ ଉପଦ୍ରବ: ବାଲିବନ୍ଧ ଫରେଷ୍ଟ ବିଟ୍‌କୁ ଘେରିଲେ ଚାଷୀ

ଚମ୍ପୁଆ ରେଞ୍ଜ ଅଞ୍ଚଳରେ ଲାଗି ରହିଛି ହାତୀ ଉପଦ୍ରବ: ବାଲିବନ୍ଧ ଫରେଷ୍ଟ ବିଟ୍‌କୁ ଘେରିଲେ ଚାଷୀ

କେନ୍ଦୁଝର,୧୬।୮(ସ୍ବ.ପ୍ର.):  କେନ୍ଦୁଝର ଜିଲା ଚମ୍ପୁଆ ରେଞ୍ଜ ଅନ୍ତର୍ଗତ ଜୟପୁର ଓ ସାନଯୋଡା ଗ୍ରାମରେ ଗତ କିଛିଦିନ ଧରି ହାତୀ ଉପଦ୍ରବ ଲାଗି ରହିଛି। ଦୁଇଟି ଦଳରେ ମୋଟ ୩୨ଟି ହାତୀ ଅଞ୍ଚଳରେ ରହି ବ୍ୟାପକ କ୍ଷୟକ୍ଷତି କରୁଥିବାରୁ ଲୋକମାନେ ଆତଙ୍କିତ ହୋଇ ରହିଛନ୍ତି। 

ବାଜପେୟୀଙ୍କ ପାଇଁ ସମୂହ ଦୀପଦାନ

ବାଜପେୟୀଙ୍କ ପାଇଁ ସମୂହ ଦୀପଦାନ

ଆରଡ଼ି,୧୬।୮( ଡି.ଏନ୍‌.ଏ.): ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡ଼ିରେ ଥିବା ବାବା ଆଖଣ୍ଡଳମଣିଙ୍କ ମନ୍ଦିରରେ ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି କାମନା କରି ଓଳଗ, ସୁନ୍ଦରପୁର ଓ ଆରଡିର ଭାଜପା କର୍ମୀମାନେ ଗୁରୁବାର ସମୂହ ଦୀପଦାନ କରିଛନ୍ତି।

ପ୍ରେମ ଜନିତ କାରଣକୁ ନେଇ ବିଷ ପିଇ ଯୁବକ ମୃତ

ପ୍ରେମ ଜନିତ କାରଣକୁ ନେଇ ବିଷ ପିଇ ଯୁବକ ମୃତ

କେନ୍ଦୁଝର,୧୬।୮(ସ୍ବ.ପ୍ର.):  କେନ୍ଦୁଝର ଜିଲା ସଦର ଥାନା ଟାଙ୍ଗରାଣୀ ଗ୍ରାମରେ ବୁଧବାର କୀଟନାଶକ ପିଇ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ହେଲେ ରଇଜୁ ନାଏକ(୨୨)।

ସରପଞ୍ଚଙ୍କ ଅନୁଦାନ ରାଶିରେ ଗାଁ ରାସ୍ତା ଆଲୋକିତ

ସରପଞ୍ଚଙ୍କ ଅନୁଦାନ ରାଶିରେ ଗାଁ ରାସ୍ତା ଆଲୋକିତ

ଆରଡ଼ି,୧୬।୮(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକର ସୁନ୍ଦରତପୁର ପଞ୍ଚାୟତସ୍ଥିତ କୁଳେଇପଦା ଗାଁ ରାସ୍ତା ସରପଞ୍ଚଙ୍କ ସହଯୋଗରେ ଆଲୋକିତ ହୋଇଛି। ଏହି ଗାଁ ଆଖଣ୍ଡଳମଣି ରାସ୍ତା ପାର୍ଶ୍ୱରେ ଅବସ୍ଥିତ। ଉକ୍ତ ଗାଁ ରାସ୍ତାରେ  ସୁନ୍ଦରପୁର ଓ ନାନ୍ଦପୁର ପଞ୍ଚାୟତର ଲୋକେ ନିର୍ଭରଶୀଳ। 

ଜାତୀୟ ପତାକାକୁ ଅବମାନନା କରି ପ୍ରଧାନଶିକ୍ଷକ ନିଲମ୍ବିତ

ଜାତୀୟ ପତାକାକୁ ଅବମାନନା କରି ପ୍ରଧାନଶିକ୍ଷକ ନିଲମ୍ବିତ

ସିମୁଳିଆ,୧୬।୮(ଡି.ଏନ୍‌.ଏ.): ଜାତୀୟ ପତାକାକୁ ଅବମାନନା କରି ବାଲେଶ୍ୱର ଜିଲା ସିମୁଳିଆ ବ୍ଲକ କୁଳଧରବିନ୍ଧା ପ୍ରାଥମିକ ବିଦ୍ୟାଳୟର ଭାରପ୍ରାପ୍ତ ପ୍ରଧାନଶିକ୍ଷକ ଚିତ୍ତରଞ୍ଜନ ଦାସ ଗୁରୁବାର ନିଲମ୍ବିତ ହୋଇଛନ୍ତି। ସ୍ବାଧୀନତା ଦିବସରେ ବୁଧବାର ବିଦ୍ୟାଳୟରେ ପତାକା ଉତ୍ତୋଳନ କରାଯାଇଥିଲା।

ଚିକିତ୍ସାଧୀନ ଅବସ୍ଥାରେ ସରପଞ୍ଚଙ୍କ ମୃତ୍ୟୁ

ଚିକିତ୍ସାଧୀନ ଅବସ୍ଥାରେ ସରପଞ୍ଚଙ୍କ ମୃତ୍ୟୁ

କପ୍ତିପଦା,୧୬।୮(ଡି.ଏନ୍‌.ଏ.): ମୟୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ ମଝିଗଡ଼ିଆ ପଞ୍ଚାୟତର ସରପଞ୍ଚ ଦୁର୍ଯ୍ୟୋଧନ ନାଏକଙ୍କ ଚିକିତ୍ସାଧୀନ ଅବସ୍ଥାରେ ବୁଧବାର ବିଳମ୍ବିତ ରାତିରେ ମୃତ୍ୟୁ ଘଟିଛି। ୭ଦିନ ପୂର୍ବରୁ ସେ ବାଇକ୍‌ରୁ ପଡ଼ିଯାଇଥିଲେ।

ନାଳରେ ଭାସି ଚାଷୀଙ୍କ ମୃତ୍ୟୁ

ନାଳରେ ଭାସି ଚାଷୀଙ୍କ ମୃତ୍ୟୁ

ଭଣ୍ଡାରିପୋଖରୀ, ୧୫।୮(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବନ୍ଦାଳୋ ମଢ଼ିଆଳି ଗ୍ରାମର ଗୟାଧର ବେହେରା (୬୫)ନାମକ ଜଣେ ଚାଷୀଙ୍କର ମୃତ୍ୟୁ ଘଟିଛି। ଗୟାଧର ମଙ୍ଗଳବାର ଅପରାହ୍ନରେ ବିଲକୁ କାମ କରିବାକୁ ଯାଇ ଅପରାହ୍ନରେ ଫେରୁଥିଲେ। ଗାଁ ମୁଣ୍ଡରେ ଥିବା ବୈତରଣୀ ନଦୀର ଶାଖାନାଳ ଶଙ୍ଖମୁଣ୍ଡାରେ ଭାସିଯାଇ ନିଖୋଜ ଥିଲେ। ଗ୍ରାମବାସୀ ବହୁ ଖୋଜାଖୋଜି କରି ମଧ୍ୟ ଉଦ୍ଧାର କରିପାରି ନ ଥିଲେ। 

 କେନ୍ଦୁଝରରେ ସ୍ବାଧୀନତା ଦିବସ ପାଳିତ

କେନ୍ଦୁଝରରେ ସ୍ବାଧୀନତା ଦିବସ ପାଳିତ

କେନ୍ଦୁଝର, ୧୫।୮ (ସ୍ବ.ପ୍ର.)-କେନ୍ଦୁଝର ଷ୍ଟାଡିୟମଠାରେ ୭୨ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ମୁଖ୍ୟଅତିଥି ଭାବେ ଶିଳ୍ପ ଉଚ୍ଚ ଶିକ୍ଷା ଓ ଶିଳ୍ପ ରାଷ୍ଟ୍ର ମନ୍ତ୍ରୀ ଅନନ୍ତ ଦାସ ଯୋଗ ଦେଇ ପତାକା ଉତ୍ତୋଳନ କରିବା ସହ ପୋଲିସ ପରେଡ୍‌ରେ ଅଭିବାଦନ ଗ୍ରହଣ କରିଥିଲେ। 

ଖଣି କର୍ମଚାରୀଙ୍କ ତ୍ରିରଙ୍ଗା ଯାତ୍ରା

ଖଣି କର୍ମଚାରୀଙ୍କ ତ୍ରିରଙ୍ଗା ଯାତ୍ରା

କେନ୍ଦୁଝର,୧୫।୮ (ସ୍ବ.ପ୍ର.)- ସମସ୍ତଙ୍କ ମଧ୍ୟରେ ଦେଶାତ୍ମବୋଧକ ଭାବନା ଜାଗ୍ରତ ସୃଷ୍ଟି କରିବାପାଇଁ ଝାଡ଼ଖଣ୍ଡ ସୀମା ଗୁଆଠାରେ ଥିବା ଘାଟକୁରୀ ଲୁହାଖଣିର କର୍ମଚାରୀମାନେ ସ୍ବାଧୀନତା ଦିବସ ପାଳନ କରିଛନ୍ତି। ଏହି ଉପଲକ୍ଷେ କର୍ମଚାରୀମାନେ ଏକ ବାଇକ ସଚେତନତା ଯାତ୍ରା କରିଥିଲେ।  ସକାଳ ୫ଟାରୁ ୨୦ଜଣ କର୍ମଚାରୀ ୧୦ ବାଇକରେ ତ୍ରିରଙ୍ଗା ପତାକା ଧରି ବାହାରିଥିଲେ। 

Model This Week

ଯସ୍ମିନ୍