Dharitri News
ଅନଗୁଳ-ଢେଙ୍କାନାଳ

ବନ୍ଧୁକ ଦେଖାଇ ସୁନାହାର ଲୁଟିଲେ

ବନ୍ଧୁକ ଦେଖାଇ ସୁନାହାର ଲୁଟିଲେ ପରଜଙ୍ଗ, ୯।୨(ଡି.ଏନ୍‌.ଏ.)-ଢେଙ୍କାନାଳ ଜିଲା ପରଜଙ୍ଗ ଥାନା ଦଦରାଘାଟି ଫାଣ୍ଡି ଅଧୀନ ଝରଣବାହାଳ ଛକ ନିକଟରେ ଗୁରୁବାର ମଧ୍ୟାହ୍ନରେ ଜନୈକ ଦମ୍ପତି ଲୁଟ୍‌ର ଶିକାର ହୋଇଛନ୍ତି। ଲୁଟେରାମାନେ ବନ୍ଧୁକ ଦେଖାଇ ମହିଳାଙ୍କଠାରୁ ସୁନାହାର ଲୁଟି ନେଇଛନ୍ତି। ଏ ସମ୍ପର୍କରେ ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚିଛି ବିଭିନ୍ନ ସ୍ଥାନରେ ରାସ୍ତା ବ୍ଲକିଂ କରାଯାଇ ଦୁର୍ବୃତ୍ତଙ୍କୁ ଧରିବାକୁ ତଲାସି ଜାରି ରହିଛି।

ଅନଗୁଳ-ଢେଙ୍କାନାଳ

ବାଲିପଟ୍ଟାରେ ହାତୀ ଉପଦ୍ରବ

ବାଲିପଟ୍ଟାରେ ହାତୀ ଉପଦ୍ରବ

ଛେଣ୍ଡିପଦା,୧୭।୨(ଡି.ଏନ.ଏ.)- ଛେଣ୍ଡିପଦା ବ୍ଲକ ତଥା ଜରପଡ଼ା ବନାଞ୍ଚଳ ଅନ୍ତର୍ଗତ ବାଲିପଟ୍ଟା ପଞ୍ଚାୟତରେ ୫ ଦିନ ଧରି ହାତୀ ଉପଦ୍ରବ ଦେଖାଦେଇଛି। ପଞ୍ଚାୟତର ବାଲିପଟ୍ଟା, ଚନ୍ଦ୍ରପୁର, ହଟିଆନାଳୀ, କିସିଣ୍ଡା ଆଦି ଗ୍ରାମରେ ଅଧିକାଂଶ ଚାଷୀଙ୍କର କଦଳୀ ବଗିଚା ଏବଂ ପନିପରିବା ଫସଲ ଖାଇ ଦଳିଚକଟି ନଷ୍ଟ କରିଥିବା ଜଣାପଡ଼ିଛି।

ଠେଲକନାଳୀ ଚାମ୍ପିୟନ

ବଇଣ୍ଡା,୧୭।୨(ଡି.ଏନ.ଏ.)- କିଶୋରନଗର ବ୍ଲକ ଆମ୍ବପାଳ ପଞ୍ଚାୟତ ଗୁରୁଜାଙ୍ଗ ଗ୍ରାମ ଖେଳ ପଡ଼ିଆଠାରେ ଚାଲିଥିବା ଗ୍ରାମାଞ୍ଚଳ କପ କ୍ରିକେଟ ଟୁର୍ନାମେଣ୍ଟ ଶନିବାର ଉଦ୍‌ଯାପିତ ହୋଇଯାଇଛି। ଫାଇନାଲରେ ବାଦ୍ରିନାଳୀ କ୍ରିକେଟ କ୍ଲବକୁ ହରାଇ ଠେଲକନାଳୀ କ୍ରିକେଟ କ୍ଲବ ଚାମ୍ପିୟନ ହୋଇଛି।

ଟ୍ରକ୍‌ ଚକାତଳେ ପଡ଼ିଗଲେ ମା’ ପୁଅ

ଛେଣ୍ଡିପଦା,୧୭।୨(ଡି.ଏନ.ଏ.)- ଏକ ଅଭାବନୀୟ ଘଟଣାକ୍ରମେ ଟ୍ରକ ଚକାତଳେ ପଡ଼ି ମୃତ୍ୟୁମୁଖରୁ ବର୍ତ୍ତି ଯାଇଛନ୍ତି ମା’ଓ ପୁଅ। ଏହି ଘଟଣା ଶନିବାର ଛେଣ୍ଡିପଦା ମୁଖ୍ୟ ବଜାରସ୍ଥିତ ଷ୍ଟେଟ୍‌ବ୍ୟାଙ୍କ ସାମ୍‌ନାରେ ଘଟିଛି।

ଶିକ୍ଷା ଦେଶ ବିକାଶର ଶକ୍ତି

ଶିକ୍ଷା ଦେଶ ବିକାଶର ଶକ୍ତି

ଅନୁଗୋଳ ଅଫିସ,୧୭।୨- ଅନୁଗୋଳ ଆଦର୍ଶ ଇଣ୍ଟରନ୍ୟାଶନାଲ ସ୍କୁଲର ୨ୟ ବାର୍ଷିକ ଉତ୍ସବ ଶନିବାର ପାଳିତ ହୋଇଯାଇଛି। ଅନୁଷ୍ଠାନର ଅଧ୍ୟକ୍ଷ ମହେଶଚନ୍ଦ୍ର ଧଳ କାର୍ଯ୍ୟକ୍ରମ ଉଦ୍‌ଘାଟନ କରିଥିଲେ। ଶିକ୍ଷା ହିଁ ଦେଶ ବିକାଶର ଶକ୍ତି। ତେଣୁ ସମସ୍ତଙ୍କ ନିକଟରେ ଶିକ୍ଷା ପହଞ୍ଚି ପାରିଲେ ଦେଶ ଆଗେଇ ପାରିବ ବୋଲି ଅଧ୍ୟକ୍ଷ ଧଳ ପ୍ରକାଶ କରିଥିଲେ।

 କନ୍ୟା ସନ୍ତାନର ଗୁରୁତ୍ୱ ସଭିଏଁ ଉପଲବ୍ଧି କରନ୍ତୁ

କନ୍ୟା ସନ୍ତାନର ଗୁରୁତ୍ୱ ସଭିଏଁ ଉପଲବ୍ଧି କରନ୍ତୁ

ଅନୁଗୋଳ ଅଫିସ,୧୭।୨- ବିଜୁ କନ୍ୟାରତ୍ନ ଯୋଜନାରେ ଶିଶୁକନ୍ୟାମାନଙ୍କ ଯତ୍ନ ଏବଂ ସୁରକ୍ଷା ପାଇଁ ଜିଲାସ୍ତରୀୟ ଶିଶୁକନ୍ୟା ମହୋତ୍ସବ ଓ ଜାତୀୟ ଶିଶୁକନ୍ୟା ଦିବସ ଶନିବାର ଜିଲା ପରିଷଦ ସମ୍ମିଳନୀ କକ୍ଷରେ ପାଳିତ ହୋଇଯାଇଛି। ଜିଲାପାଳ ଅନିଲ କୁମାର ସାମଲ ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ଟ୍ରେଲର ଧକ୍କାରେ ଛାତ୍ରୀ ମୃତ

ଟ୍ରେଲର ଧକ୍କାରେ ଛାତ୍ରୀ ମୃତ

ତାଳଚେର, ୧୭।୨(ସ୍ବ.ପ୍ର.): ତାଳଚେର ବ୍ଲକ ସନ୍ଥପଡ଼ା ହାଇସ୍କୁଲ ନିକଟରେ ଟ୍ରେଲର ଧକ୍କାରେ ଶନିବାର ଜଣେ କଲେଜ ଛାତ୍ରୀଙ୍କ ମୃତ୍ୟୁ ଘଟିଛି। ମୃତକଙ୍କ ପରିଚୟ ମିଳିପାରି ନାହିଁ।

ସଡ଼କ ଦୁର୍ଘଟଣାରେ ନାଲ୍‌କୋ କର୍ମଚାରୀ ଗୁରୁତର

ସଡ଼କ ଦୁର୍ଘଟଣାରେ ନାଲ୍‌କୋ କର୍ମଚାରୀ ଗୁରୁତର

ବଅଁରପାଳ,୧୭।୨(ଡି.ଏନ୍‌.ଏ.): ନାଲ୍‌କୋ ଥାନା ଅନ୍ତର୍ଗତ ୫୫ ନମ୍ବର ଜାତୀୟ ରାଜପଥର ମେନ୍‌ଗେଟ୍‌ ଛକ ନିକଟରେ ଶନିବାର ସଡ଼କ ଦୁର୍ଘଟଣାରେ ନାଲ୍‌କୋ କର୍ମଚାରୀ ପ୍ରଦୀପ ବେହେରା ଗୁରୁତର ଆହତ ହୋଇଛନ୍ତି। ବାଇକ୍‌ ଯୋଗେ ପ୍ଲାଣ୍ଟକୁ ଯାଉଥିବାବେଳେ ଏକ ଗାଡ଼ି ତାଙ୍କୁ ଧକ୍କା ଦେଇଥିଲା।

ରାଜଧାନୀ ଏକ୍ସପ୍ରେସ ରହଣି ଦାବି: ତୀବ୍ର ହେଲା ଆନ୍ଦୋଳନ

ରାଜଧାନୀ ଏକ୍ସପ୍ରେସ ରହଣି ଦାବି: ତୀବ୍ର ହେଲା ଆନ୍ଦୋଳନ

ଢେଙ୍କାନାଳ ଅଫିସ୍‌, ୧୬।୨-ଢେଙ୍କାନାଳ ରେଳ ଷ୍ଟେଶନରେ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍‌ ରହଣି ଦାବିକୁ ନେଇ ଆନ୍ଦୋଳନ ତେଜିବାରେ ଲାଗିଛି। ରେଲଓ୍ବେ କର୍ତ୍ତୃପକ୍ଷଙ୍କ ଜିଲାବାସୀଙ୍କୁ ଅବହେଳା ପ୍ରତିବାଦରେ ଶୁକ୍ରବାର ଗଣାମଧ୍ୟମ ସମୂହର ଆହ୍ବାନକ୍ରମେ ଜିଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦିଆଯାଇଥିଲା। ଏଥିରେ ବୁଦ୍ଧିଜୀବୀ, ଆଇନଜୀବୀ, ରାଜନେତା, ଗଣମାଧ୍ୟମ ପ୍ରତିନିଧିଙ୍କ ସମେତ ବିଭିନ୍ନ ସଙ୍ଗଠନର କର୍ମକର୍ତ୍ତା ସାମିଲ ହୋଇଥିଲେ।

ଟିପ୍ପର ଧକ୍କାରେ ଯୁବକ ମୃତ

ଟିପ୍ପର ଧକ୍କାରେ ଯୁବକ ମୃତ

ଓଡ଼ାପଡ଼ା,୧୬।୨(ଡି.ଏନ୍‌.ଏ.)-ଢେଙ୍କାନାଳ ଜିଲା ମୋଟଙ୍ଗା ଥାନା ଗୁଡ଼ିକାଟେଣୀ-ହିନ୍ଦୋଳ ରାସ୍ତାର ହାଣ୍ଡିଫୁଟା ନିକଟରେ ଶୁକ୍ରବାର ରାତିରେ ଦୁର୍ଘଟଣା ଘଟିଛି।

ଜିଲା ଯୋଜନା କମିଟି ସମୀକ୍ଷା ବୈଠକ:ଖର୍ଚ୍ଚ ହୋଇପାରୁନି ଅନୁଦାନ

ଜିଲା ଯୋଜନା କମିଟି ସମୀକ୍ଷା ବୈଠକ:ଖର୍ଚ୍ଚ ହୋଇପାରୁନି ଅନୁଦାନ

ଢେଙ୍କାନାଳ ଅଫିସ,୧୬।୨-ଢେଙ୍କାନାଳ ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଶୁକ୍ରବାର ଜିଲା ଯୋଜନା କମିଟି ପକ୍ଷରୁ ବିଭିନ୍ନ ବିଭାଗର ଉନ୍ନୟନମୂଳକ କାର୍ଯ୍ୟର ସମୀକ୍ଷା କରାଯାଇଛି। କମିଟି ଅଧ୍ୟକ୍ଷ ତଥା ବିଧାୟକ ସରୋଜ କୁମାର ସାମଲ ଉପସ୍ଥିତ ରହି ବିକାଶମୂଳକ କାର୍ଯ୍ୟର ସମୀକ୍ଷା କରିଥିଲେ। ବିଭିନ୍ନ ଯୋଜନା ବାବଦରେ ଜିଲାକୁ ଆସୁଥିବା ଅନୁଦାନ ଖର୍ଚ୍ଚ ହୋଇପାରୁନାହିଁ। ଏହାକୁ ନେଇ ଉଦ୍‌ବେଗ ପ୍ରକାଶ ପାଇଥିଲା। ଚଳିତ ଆର୍ଥିକ ବର୍ଷର ଲକ୍ଷ୍ୟଧାର୍ଯ୍ୟ ପୂରଣ କରିବାକୁ ଅଧ୍ୟକ୍ଷ ନିର୍ଦ୍ଦେଶ ଦେଇଛନ୍ତି। କମିଟି ସମ୍ପାଦକ ତଥା ଜିଲାପାଳ ନିଖିଲ ପୱନ କଲ୍ୟାଣ ୨୦୧୮ ଏପ୍ରିଲ ସୁଦ୍ଧା ନୂତନ ଜିଲା ମୁଖ୍ୟ ଚିକିତ୍ସାଳୟ ନିର୍ମାଣ କାର୍ଯ୍ୟ ଶେଷକରିବା ପାଇଁ ନିର୍ଦ୍ଦେଶ ଦେଇଛନ୍ତି।

ପେଟ୍ରୋଲ ପମ୍ପରେ ଶୋଷଣ ଅଭିଯୋଗ

ପେଟ୍ରୋଲ ପମ୍ପରେ ଶୋଷଣ ଅଭିଯୋଗ

ଢେଙ୍କାନାଳ ଅଫିସ,୧୬।୨-ଢେଙ୍କାନାଳ ଜିଲା ଗଁଦିଆ ଥାନା ଯୋରନ୍ଦା ଫାଣ୍ଡି ଅଞ୍ଚଳରେ ଥିବା ଲକ୍ଷ୍ମୀ ଫିଲିଂ ଷ୍ଟେଶନରେ ଗ୍ରାହକଙ୍କୁ ଶୋଷଣ କରାଯାଉଥିବା ଅଭିଯୋଗ ହୋଇଛି। ପେଟ୍ରୋଲ୍‌ ପମ୍ପ ମାଲିକ ନିର୍ଦ୍ଧାରିତ ମୂଲ୍ୟଠାରୁ ଲିଟର ପିଛା ଡିଜେଲ ପାଇଁ ଅଧିକ ଦର ନେଉଥିବା ଗ୍ରାହକ ପ୍ରକାଶ ଚନ୍ଦ୍ର ନାୟକ କହିଛନ୍ତି। ଏ ସଂକ୍ରାନ୍ତରେ ସେ ଜିଲା ଯୋଗାଣ ଅଧିକାରୀଙ୍କ ଦ୍ୱାରସ୍ଥ ହେବା ସହ ଯୋରନ୍ଦା ଫାଣ୍ଡିରେ ଏତଲା ଦେଇଛନ୍ତି। ଘଟଣାର ସତ୍ୟାସତ୍ୟ ଅନୁଧ୍ୟାନ କରିବାକୁ ଜିଲା ଯୋଗାଣ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି।

ଶାନ୍ତି ଫେରାଇ ଆଣିବ ସନାତନ ଧର୍ମର ମୂଳତତ୍ତ୍ୱ

ଶାନ୍ତି ଫେରାଇ ଆଣିବ ସନାତନ ଧର୍ମର ମୂଳତତ୍ତ୍ୱ

ଭୁବନ, ୧୬।୨(ଡି.ଏନ୍‌.ଏ.)-ଆତଙ୍କବାଦ, ହିଂସାରେ ସାରା ପୃଥିବୀବାସୀ ଆତଙ୍କିତ। ଦୁନିଆରୁ ଧୀରେ ଧୀରେ ମାନବବାଦ ନଷ୍ଟ ହେବାରେ ଲାଗିଛି। ପ୍ରତି ପରିବାରରେ ଅଶାନ୍ତି ଦେଖାଦେଇଛି। ମନୁଷ୍ୟ ଶାନ୍ତି ଖୋଜିବା ପରିବର୍ତ୍ତେ ବସ୍ତୁବାଦୀ ସମାଜର ଗୋଲାମ ସାଜିଲାଣି। ସବୁଠାରୁ ବୁଦ୍ଧିମାନ କୁହାଯାଉଥିବା ମଣିଷ ଏବେ ସ୍ବାର୍ଥୀ ହୋଇଯାଉଛି। ଏସବୁର କାରଣ ଧର୍ମୀୟ ଭାବନାର ଅଭାବ। କେବଳ ସନାତନ ଧର୍ମର ମୂଳତତ୍ତ୍ୱକୁ ଅନୁକରଣ କଲେ ସାରା ଜଗତରେ ଶାନ୍ତି ଫେରିପାରିବ। ଢେଙ୍କାନାଳ ଜିଲା ବୁଦ୍ଧେଶ୍ୱର ଶୈବପୀଠରେ ଚାଲିଥିବା ରୁଦ୍ରଚଣ୍ଡୀ ମହାଯଜ୍ଞ ଅବସରରେ ଶୁକ୍ରବାର ଅନୁଷ୍ଠିତ ସନ୍ଥ ସମ୍ମିଳନୀରେ ଦେଶର ବିଭିନ୍ନ ସ୍ଥାନରୁ ଆସିଥିବା ସାଧୁସନ୍ନ୍ୟାସୀମାନେ ଏପରି ମାର୍ମିକ ମତ ଦେଇଛନ୍ତି।