Dharitri News
ଉପକୂଳ ଓଡିଶା

ବିପଦରେ ସରକାରୀ ଅଧିକାରୀଙ୍କ ଜୀବନ

ଯାଜପୁର ଅଫିସ/ବିରଜାକ୍ଷେତ୍ର (ଡିଏନଏ),୮।୨ ଯାଜପୁର ଜିଲାରୁ ଲଘୁ ଖଣିଜ ଦ୍ରବ୍ୟ ଲୁଟ ଓ ବେଆଇନ ପରିବହନ ଉପରେ ଅଙ୍କୁଶ ଲଗାଇଲେ ହତ୍ୟା ଧମକ ମିଳୁଛି। କାର୍ଯ୍ୟାନୁଷ୍ଠାନ ନେଲେ ଧମକ ଦେବା ସହିତ ଯୋଜନାବଦ୍ଧ ଭାବେ ହତ୍ୟା କରିବାକୁ ମାଫିଆମାନେ ପଛାଉ ନାହାନ୍ତି। ଏହି କ୍ରମରେ ଜିଲାର ବହୁ ସରକାରୀ ଅଧିକାରୀଙ୍କ ସମେତ ଗଣମାଧ୍ୟମ ପ୍ରତିନିଧିଙ୍କ ଜୀବନ ପ୍ରତି ବିପଦ ଦେଖାଦେଇଛି। ଏହି ବେଆଇନ କାର୍ଯ୍ୟକୁ ରାଜ୍ୟ ସରକାର ବନ୍ଦ କରିବାକୁ କୌଣସି ଠୋସ ପଦକ୍ଷେପ ଗ୍ରହଣ କରୁ ନ ଥିବାରୁ ଦିନକୁ ଦିନ ଆଇନ ଶୃଙ୍ଖଳା ପରିସ୍ଥିତି ମଧ୍ୟ ବିଗିଡିବାରେ ଲାଗିଛି । ଲୋକଙ୍କ ଧନଜୀବନ ସହିତ ଜଳସେଚନ ପ୍ରକଳ୍ପଗୁଡିକ ଉପରେ ଏହାର ପ୍ରଭାବ ଦେଖିବାକୁ ମିଳିଛି । ଯାଜପୁର ଭାରପ୍ରାପ୍ତ ଆରଟିଓ ମନୋଜ କୁମାର ବେହେରାଙ୍କ ସଡକ ଦୁର୍ଘଟଣାରେ ସନ୍ଦେହଜନକ ମୃତ୍ୟୁ ପରେ ଯାଜପୁର ତହସିଲଦାର ଓ ଜିଲାପାଳଙ୍କୁ ଧମକ ମିଳିବା ଘଟଣା ମାଫିଆଙ୍କ ପଛରେ କୌଣସି ଅଦୃଶ୍ୟ ରାଜନୈତିକ ଶକ୍ତି କାମ କରୁଥିବା ସନ୍ଦେହ ଦୃଢ଼ୀଭୁତ ହେବାରେ ଲାଗିଛି। ଏବେ କଳାପଥର ଖାଦାନରୁ ଏକ କ୍ଷୁଦ୍ରଜଳସେଚନ ପ୍ରକଳ୍ପ (ଏମଆଇପି)କୁ ସୁରକ୍ଷିତ ରଖିବା ଉଦ୍ଦେଶ୍ୟରେ ଧର୍ମଶାଳା ତହସିଲଦାରଙ୍କୁ ପତ୍ର ଲେଖିବା ପରେ ଏମଆଇପିର ସହକାରୀ ନିର୍ବାହୀ ଯନ୍ତ୍ରୀଙ୍କୁ ମଧ୍ୟ ମାଫିଆମାନେ ନାଲିଆଖି ଦେଖାଇଥିବା ସୂଚନା ମିଳିଛି । ଜିଲାରେ କଳାପଥର, ମାଙ୍କଡା ପଥର, ବାଲି ଆଦି ଲଘୁଖଣିଜ ଦ୍ରବ୍ୟ ଭରପୁର ରହିଛି। କେବଳ ଧର୍ମଶାଳା ତହସିଲ ଅଞ୍ଚଳରେ କଳାପଥର ଖାଦାନ ଅଧିକ ରହିଥିବାବେଳେ ବଡଚଣା, ଦର୍ପଣ ତହସିଲ ଅଧୀନରେ ମାଙ୍କଡ଼ା ଖାଦାନ ଦେଖିବାକୁ ମିଳେ। ବୈତରଣୀ, ଖରସ୍ରୋତା, ବ୍ରାହ୍ମଣୀ, ବୁଢା ଆଦି ନଦୀ ଅବବାହିକାରେ ଶତାଧିକ ବାଲି ଖାଦାନରୁ ଦୈନିକ ବାଲି ଚାଲାଣ କରାଯାଉଛି । ସେଥିରୁ ପ୍ରାୟ ୮୦ପ୍ରତିଶତ ବିଭିନ୍ନ ଖାଦାନରେ ଅନୁମତି ନାହିଁ। ଏହି ବେଆଇନ ଖାଦାନରୁ ନକଲି ଆର-ଫର୍ମ ଜରିଆରେ ଜିଲା ତଥା ଜିଲା ବାହାରକୁ ୧୬, ୨୦ ଓ ୫୩ ନମ୍ବର ଜାତୀୟ ରାଜପଥ ଦେଇ ଲଘୁ ଖଣିଜ ଚୋରା ଚାଲାଣ ହେଉଛି। ଏହି ବେଆଇନ କାର୍ଯ୍ୟ ଉପରେ କାର୍ଯ୍ୟାନୁଷ୍ଠାନ ନେବା ବଦଳରେ ଓଲଟା ମାଫିଆଙ୍କ ସହଯୋଗୀ ପାଲଟିଛନ୍ତି କେତେକ ରାଜସ୍ବ ଓ ପୋଲିସ ଅଧିକାରୀ। ଜିଲାପାଳ ରଞ୍ଜନ କୁମାର ଦାସଙ୍କ ନିର୍ଦ୍ଦେଶରେ ଏବେ ଜୋରଦାର ଚଢାଉ ଜାରି ରହିବା ମାଫିଆଙ୍କୁ ଅଡୁଆ ହେଉଛି। କଳେବଳେ କୌଶଳେ ଏହି ବେଆଇନ କାର୍ଯ୍ୟ ଜାରି ରଖିବାକୁ ଏବେ ବାହୁ ବଳ ଦେଖାଉଥିବା ଅଭିଯୋଗ ହେଉଛି। ଗତ ୪ତାରିଖ ରାତିରେ ଯାଜପୁର ଟାଉନ ଆରଟିଓ ବେହେରା ବେଆଇନ କାରବାରରେ ସମ୍ପୃକ୍ତ ଥିବା ଗାଡ଼ିଗୁଡ଼ିକୁ ତନଖି କରୁଥିବାବେଳେ ଟ୍ରକ ଚାପାରେ ତାଙ୍କର ମୃତ୍ୟୁ ହୋଇଥିଲା। ତାଙ୍କୁ ଉଦ୍ଦେଶ୍ୟମୂଳକ ଭାବେ ଗାଡ଼ି ଚଢ଼ାଇ ହତ୍ୟା କରାଯାଇଥିବା ସନ୍ଦେହ କରାଯାଉଥିବା ବେଳେ ଏହାର ଗୋଟିଏ ଦିନ ପରେ ୬ତାରିଖ ଯାଜପୁର ତହସିଲଦାର ଲକ୍ଷ୍ମୀକାନ୍ତ ମିଶ୍ରଙ୍କୁ ଜୀବନରେ ମାରିଦେବାକୁ ଧମକ ସହ ମାଡପିଟ ହୋଇଥିବା ପାଣିକୋଇଲି ଥାନାରେ ଅଭିଯୋଗ ହୋଇଛି। ଜିଲାପାଳଙ୍କ ନିର୍ଦ୍ଦେଶକ୍ରମେ ଗତ ୬ତାରିଖ ମଧ୍ୟାହ୍ନରେ ତହସିଲଦାର ମିଶ୍ର ଏକ ବାଲି ବୋଝେଇ ଟ୍ରକ କାଗଜପତ୍ର ଯାଞ୍ଚ କରିବା ସହିତ ଜରିମାନା ଆଦାୟ କରିବାରୁ ବାଲି ମାଫିଆମାନେ ତାଙ୍କୁ ନାଲିଆଖି ଦେଖାଇଥିଲେ। ବାଲି ବୋଝେଇ ଟ୍ରକ ଚଢାଇ ତାଙ୍କୁ ହତ୍ୟା ଧମକ ଦେବାକୁ ପଛାଇ ନ ଥିଲେ । ଏପରିକି ତହସିଲଦାରଙ୍କୁ ଧକ୍କା ମାରି ରାସ୍ତା ଉପରୁ ହଟାଇ ଦେବା ସହ ଅଟକ ଟ୍ରକକୁ ଛଡାଇ ନେଇଥିଲେ। ତହସିଲଦାର ମିଶ୍ର ପାଣିକୋଇଲି ଥାନାରେ ଏ ନେଇ ଲିଖିତ ଅଭିଯୋଗ କରିବା ପରେ ୧୮/୨୦୧୮ରେ ଏକ ମାମଲା ରୁଜୁ କରି ପୋଲିସ ଚୁପଚାପ ବସି ଯାଇଛି। ଜିଲାରେ ଅଧିକାଂଶ ପଥର, ମାଙ୍କଡା ଓ ବାଲି ବ୍ୟବସାୟୀମାନେ ଶାସକ ଦଳର କର୍ମୀ ହୋଇଥିବା ବେଳେ ବିଭିନ୍ନ ପଦପଦବୀରେ ରହିଛନ୍ତି । ଯଦ୍ଦ୍ବାରା ପୋଲିସ ସେମାନଙ୍କ ବିରୋଧରେ କୌଣସି ଦୃଢ କାର୍ଯ୍ୟାନୁଷ୍ଠାନ ନେବାକୁ ସାହାସ ଜୁଟାଇ ପାରୁ ନ ଥିବା କୁହାଯାଉଛି। ସେହିପରି ଡଙ୍କାରୀ ସାଉଥ ଖାଦାନ ନିକଟରେ ଥିବା ପାଇକରାପୁର ଏମଆଇପି ପ୍ରଭାବିତ ହେଉଥିବା ଦର୍ଶାଇ ଉକ୍ତ ଖାଦାନ ଉପରେ ଯୁଗ୍ମ ତଦନ୍ତ କରି ରିପୋର୍ଟ ଦେବାକୁ ସହକାରୀ ନିର୍ବାହୀ ଯନ୍ତ୍ରୀ ଧର୍ମଶାଳା ତହସିଲଦାରଙ୍କୁ ପତ୍ର ଲେଖିଛନ୍ତି । ଉକ୍ତ ପତ୍ରସଂଖ୍ୟା ୮୨/୩୧।୧।୨୦୧୮ରେ ସେ ଦର୍ଶାଇଛନ୍ତି ଯେ, ୪୧ ହେକ୍ଟର ଜମିରେ ଖରିଫ ଚାଷ ହେଉଥିବା ଏହି ଏମଆଇପି ଉପରେ ପାଇକରାପୁର ଓ ତୁରାଙ୍ଗ ଗ୍ରାମର ଏସଟିଏସସି ଚାଷୀମାନେ ନିର୍ଭର କରିଥାନ୍ତି। ଡଙ୍କାରୀ ସାଉଥ କଳାପଥର ଖାଦାନ ଯୋଗୁ ଏହି ଜଳସେଚନ ପ୍ରକଳ୍ପର ଜଳଧାରଣ କ୍ଷମତା କ୍ରମଶଃ ହ୍ରାସ ପାଇବାରେ ଲାଗିଛି। ସଂପୃକ୍ତ ଚାଷୀମାନେ ଏ ନେଇ ଅଭିଯୋଗ କରିଛନ୍ତି। ତେଣୁ ଏହି ଅଭିଯୋଗ ଉପରେ ତଦନ୍ତର ଆବଶ୍ୟକତା ରହିଛି ା ଏ ସଂକ୍ରାନ୍ତରେ ସଂପୃକ୍ତ କଳାପଥର ବ୍ୟବସାୟୀ ଜାଣିବା ପରେ ଏମଆଇପି ଯନ୍ତ୍ରୀଙ୍କୁ ଧମକଚମକ ଦେଇଥିବା ସୂଚନା ମିଳିଛି। ଏ ସଂକ୍ରାନ୍ତରେ ଯାଜପୁର ଜିଲାପାଳ ରଞ୍ଜନ କୁମାର ଦାସଙ୍କୁ ପଚାରିବାରୁ, ବେଆଇନ କାରବାର ଉପରେ କାର୍ଯ୍ୟାନୁଷ୍ଠାନକୁ କୌଣସି ଧମକଚମକ ପ୍ରଭାବିତ କରି ପାରିବ ନାହିଁ। ବେଆଇନ ଲଘୁ ଖଣିଜ ଦ୍ରବ୍ୟ ଚୋରାଚାଲାଣ ଉପରେ ନିଶ୍ଚିତ ରୂପେ କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି।

ଉପକୂଳ ଓଡିଶା

  ନଜରବନ୍ଦୀରେ ଆଶ୍ରମ ଅନ୍ତେବାସୀ, କର୍ତ୍ତୃପକ୍ଷ

ନଜରବନ୍ଦୀରେ ଆଶ୍ରମ ଅନ୍ତେବାସୀ, କର୍ତ୍ତୃପକ୍ଷ

ଯାଜପୁର ଅଫିସ/କଳିଙ୍ଗନଗର/ଡୁବୁରୀ (ଡି.ଏନ.ଏ.),୨୨।୨ କଳିଙ୍ଗନଗର ଟାଟା ଷ୍ଟିଲକୁ ସଂଲଗ୍ନ ଗୋବରଘାଟି ଆଶ୍ରମ ସ୍କୁଲର ଆଦିବାସୀ ଛାତ୍ରଙ୍କ ସମେତ ଶିକ୍ଷକଙ୍କୁ ମାଡ଼ ମାରିବା ଘଟଣାର ୪ ଦିନ ପରେ ପରିସ୍ଥିତି ସ୍ବାଭାବିକ ହେବାରେ ଲାଗିଛି। ସ୍କୁଲ ପରିସରରୁ ପୋଲିସ ମୁତୟନ ହ୍ରାସ କରାଯାଇଛି। ତେବେ ଆଶ୍ରମ ସ୍କୁଲର ସମସ୍ତ ଛାତ୍ରୀଛାତ୍ର ଓ ଶିକ୍ଷକ, କର୍ମଚାରୀ ଏକ ପ୍ରକାର ନଜରବନ୍ଦୀ ଅବସ୍ଥାରେ ରହିଥିବା ସୂଚନା ମିଳିଛି। ଗଣମାଧ୍ୟମ ପ୍ରତିନିଧି, ସାମାଜିକ କର୍ମୀ ତଥା ଅଭିଭାବକଙ୍କୁ ମଧ୍ୟ ଆଶ୍ରମ ସ୍କୁଲ ପରିସରକୁ ଛଡା ଯାଉନାହିଁ। ଅନ୍ୟପକ୍ଷେ ଜିଲା ଶିଶୁ ସୁରକ୍ଷା ବିଭାଗର ଅଧିକାରୀମାନେ ବୁଧବାର ଗୋବରଘାଟି ଆଶ୍ରମ ସ୍କୁଲ ପରିଦର୍ଶନରେ ଯାଇ ଉଦ୍‌ବେଗ ପ୍ରକାଶ କରିଛନ୍ତି। ଛାତ୍ରଙ୍କୁ ମାଡ଼ ମାରିଥିବା ଅଭିଯୁକ୍ତଙ୍କୁ ଛଡାଯିବ ନାହିଁ ଏବଂ ଶିଶୁ ସୁରକ୍ଷା ଆଇନ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଭାଗ ପକ୍ଷରୁ ମତପ୍ରକାଶ ପାଇଛି।

ବାଲିଉଠାଣକୁ କେନ୍ଦ୍ରକରି ଗ୍ରାମବାସୀ -ପ୍ରଶାସନ ମୁହାଁମୁହିଁ

ପାଟୁକରା,୨୨।୨(ଡି.ଏନ.ଏ.)-ସ୍ଥାନୀୟ ଆଖୁଆଦକ୍ଷିଣ ବାଲିଘାଟରୁ ବାଲିଉଠାଣକୁ କେନ୍ଦ୍ର କରି ଗ୍ରାମବାସୀ ଓ ପ୍ରଶାସନ ମୁହାଁମୁହିଁ ହୋଇଛନ୍ତି । ଗୁରୁବାର ଆଖୁଆ ପୋଲ ନିକଟରେ ଗ୍ରାମବାସୀଙ୍କ ପକ୍ଷରୁ ରାସ୍ତାରୋକୋ ଆନ୍ଦୋଳନ କରାଯାଇଛି । ଏଥିପାଇଁ ଗମନାଗମନ ବାଧାପ୍ରାପ୍ତ ହୋଇଛି । ମାର୍ଶାଘାଇ ତଦସିଲଦାର ଚନ୍ଦ୍ରକାନ୍ତ ପଣ୍ଡାଙ୍କ ଉପସ୍ଥିତିରେ ୩ ପ୍ଲାଟୁନ ପୋଲିସ ଫୋର୍ସ ମୁତୟନ ରହିଛନ୍ତି ।

କଳା ବ୍ୟାଜ୍‌ ପିନ୍ଧି ଅଙ୍ଗନଓ୍ବାଡି କର୍ମୀଙ୍କ ପ୍ରତିବାଦ

କଳା ବ୍ୟାଜ୍‌ ପିନ୍ଧି ଅଙ୍ଗନଓ୍ବାଡି କର୍ମୀଙ୍କ ପ୍ରତିବାଦ

ରାଜନଗର,୨୨।୨(ଡି.ଏନ.ଏ.)-ଅଲ ଓଡିଶା ଅଙ୍ଗନଓ୍ବାଡି ଲେଡିଜ ଓ୍ବାର୍କସ ଆସୋସିଏଶନ ରାଜନଗର ଶାଖା ପକ୍ଷରୁ ୫ ଦଫା ଦାବି ନେଇ ଗୁରୁବାର ଅଙ୍ଗନଓ୍ବାଡି କର୍ମୀମାନେ କଳାବ୍ୟାଜ୍‌ ପରିଧାନ କରି ପ୍ରତିବାଦ କରିଛନ୍ତି । ଜିଲା ଅଙ୍ଗନଓ୍ବାଡି ଆସୋସିଏଶନ ସଂପାଦିକା ପୁଷ୍ପଲତା ରଥଙ୍କ ନେତୃତ୍ୱରେ ଶତାଧିକ ଅଙ୍ଗନଓ୍ବାଡି କର୍ମୀ ରାଜନଗର ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରିଥିଲେ ।

ଚିତ୍ରୋତ୍ପଳା ନଦୀରୁ ବେଆଇନ ବାଲିଚାଲାଣକୁ ବିରୋଧ: ଆଖୁଆ-କେନ୍ଦ୍ରାପଡା ରାସ୍ତା ଅବରୋଧ

ଚିତ୍ରୋତ୍ପଳା ନଦୀରୁ ବେଆଇନ ବାଲିଚାଲାଣକୁ ବିରୋଧ: ଆଖୁଆ-କେନ୍ଦ୍ରାପଡା ରାସ୍ତା ଅବରୋଧ

ମାର୍ଶାଘାଇ,୨୨।୨(ଡି.ଏନ.ଏ.): କେନ୍ଦ୍ରାପଡା ଜିଲା ମାର୍ଶାଘାଇ ବ୍ଲକ ଆଖୁଆ ଦକ୍ଷିଣୀଠାରେ ପ୍ରବାହିତ ଚିତ୍ରୋତ୍ପଳା ନଦୀରୁ ବେଆଇନ ବାଲିଚାଲାଣକୁ ବିରୋଧ କରି ଗୁରୁବାର ରାସ୍ତାରୋକୋ କରାଯାଇଛି। ସ୍ଥାନୀୟ ଅଞ୍ଚଳର ଶତାଧିକ ମହିଳା ଓ ପୁରୁଷ ଆଖୁଆ-କେନ୍ଦ୍ରାପଡା ରାସ୍ତାକୁ ଟାୟାର ଜାଳି ଅବରୋଧ କରିଛନ୍ତି।

ଓକିଲ ସଂଘ ପକ୍ଷରୁ କାର୍ଯ୍ୟବନ୍ଦ ଆନ୍ଦୋଳନ

ଯାଜପୁରରୋଡ,୨୨।୨(ନି.ପ୍ର.)-ହାଇକୋର୍ଟରେ ଆବଶ୍ୟକ ସଂଖ୍ୟକ ବିଚାରପତି ନିଯୁକ୍ତି ଦାବି ନେଇ ଯାଜପୁରରୋଡର ୩ ଓକିଲ ସଂଘ ପକ୍ଷରୁ ଗୁରୁବାର କାର୍ଯ୍ୟବନ୍ଦ ଆନ୍ଦୋଳନ ଚାଲିଛି । ଯାଜପୁରରୋଡ ଓକିଲ ସଂଘ, ବ୍ୟାସନଗର ଓକିଲ ସଂଘ ଓ କଳିଙ୍ଗନଗର ଓକିଲ ସଂଘ ଏହି ଆନ୍ଦୋଳନରେ ସାମିଲ ହୋଇଛନ୍ତି ।

ପାରାଦୀପକୁ ଉଠିଲା ସିଆଇଏସ୍‌ଏଫ୍‌ କ୍ୟାମ୍ପ

ପାରାଦୀପକୁ ଉଠିଲା ସିଆଇଏସ୍‌ଏଫ୍‌ କ୍ୟାମ୍ପ

ଯାଜପୁର ଅଫିସ/ଡୁବୁରୀ/ସୁକିନ୍ଦା (ଡି.ଏନ.ଏ.),୨୧।୨ କଳିଙ୍ଗନଗର ଶିଳ୍ପାଞ୍ଚଳର ଟାଟା ଷ୍ଟିଲ୍‌କୁ ଲାଗି ରହିଥିବା ଗୋବରଘାଟି ଆଶ୍ରମ ସ୍କୁଲର ୩୩ ଜଣ ଆଦିବାସୀ ନାବାଳକ ଛାତ୍ର ଓ ଶିକ୍ଷକଙ୍କୁ ମାଡ଼ ମାରିବା ଘଟଣାର ବୁଧବାର ଭିନ୍ନ ମୋଡ଼ ନେଇଛି। ଘଟଣାକୁ ୭୨ଘଣ୍ଟା ଅତିକ୍ରାନ୍ତ କରି ସାରିଥିଲେ ହେଁ ପୋଲିସ କୌଣସି ଅଭିଯୁକ୍ତଙ୍କୁ ଗିରଫ କରିବାରେ ସାହାସ ଜୁଟାଇ ପାରି ନ ଥିବାବେଳେ ପରିସ୍ଥିତିର ଗମ୍ଭିରତାକୁ ଦୃଷ୍ଟିରେ ରଖି ଜିଲାପାଳ ଟାଟା କାରଖାନା ପରିସରରେ ଥିବା ସିଆଇଏସ୍‌ଏଫ୍‌ କ୍ୟାମ୍ପକୁ ପାରାଦୀପକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି। ଏଥିସହିତ ଟାଟା କାରଖାନା ପାଚେରୀକୁ ଲାଗି ରହିଥିବା ଗୋବରଘାଟି ଆଶ୍ରମ ବିଦ୍ୟାଳୟ ପାଇଁ ଅନ୍ୟତ୍ର ଜାଗା ଚିହ୍ନଟ କରାଯାଇ ସ୍ଥାନାନ୍ତର କରିବାକୁ ଜିଲାପାଳ ଟାଟା କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି। ଜିଲାପାଳଙ୍କ ଏଭଳି ପଦକ୍ଷେପ ପରେ ପରିସ୍ଥିତି ଏକ ପ୍ରକାର ଶାନ୍ତ ହୋଇଥିବା ଜାଣିବାକୁ ମିଳିଛି।

ଅଯୋଗ୍ୟଙ୍କ ପାଇଁ ବାଦ୍‌ ପଡ଼ିଲେ ଭିନ୍ନକ୍ଷମ

ଯାଜପୁର ଅଫିସ,୨୧।୨ ଭିନ୍ନକ୍ଷମଙ୍କ ପାଇଁ ପ୍ରଣୀତ ବିଭିନ୍ନ ସରକାରୀ ଯୋଜନାଗୁଡିକର ସଫଳତା ପାଇଁ ସମ୍ପୃକ୍ତ ଅଧିକାରୀଙ୍କ ଆନ୍ତରିକତା ଓ ପ୍ରତିବନ୍ଧତା ଲୋଡ଼ା ବୋଲି ବିଭିନ୍ନ ସଭାସମିତିରେ ଅଧିକାରୀମାନେ ଲମ୍ବା ଲମ୍ବା ଭାଷଣ ଦେଉଛନ୍ତି। ଦିବ୍ୟାଙ୍ଗଙ୍କ ପାଇଁ ଭତ୍ତା, ଗୃହ ନିର୍ମାଣ, ଚାକିରିରେ ସଂରକ୍ଷଣ, ଯାତାୟାତ କ୍ଷେତ୍ରରେ ରିହାତି, ଛାତ୍ରବୃତ୍ତି ଓ ଛାତ୍ରଙ୍କୁ ସହାୟତା କରୁଥିବା ବ୍ୟକ୍ତିଙ୍କୁ ମଧ୍ୟ ସହାୟତା ପ୍ରଦାନ କରିବାରେ ସରକାରୀ ବ୍ୟବସ୍ଥା ରହିଛି ବୋଲି ସୂଚନା ଦିଆଯାଉଛି । ହେଲେ ବିଡମ୍ବନା ଯେ, ରାଜନୈତିକ ଚାପରେ କୋଟିପତି ଅଯୋଗ୍ୟ ହିତାଧିକାରୀଙ୍କ ସ୍ବାର୍ଥ୍ୟ ସକାଶେ ଶତପ୍ରତିଶତ ଭିନ୍ନକ୍ଷମମାନେ ଗୃହ ନିର୍ମାଣ ଯୋଜନାରୁ ବଞ୍ଚିତ ହୋଇଛନ୍ତି। ଭିନ୍ନକ୍ଷମ ଜିଲାପାଳ ଓ ହାଇକୋର୍ଟଙ୍କ ଦ୍ୱାରସ୍ଥ ହୋଇ ନୟାନ୍ତ ହୋଇ ସାରିଥିଲେ ସୁଦ୍ଧା ଘର ଖଣ୍ଡେ ପାଇପାରୁ ନାହାନ୍ତି।

ପରିମଳ ବ୍ୟବସ୍ଥା ବିପର୍ଯ୍ୟସ୍ତ, ବଢୁଛି ରୋଗ

ପରିମଳ ବ୍ୟବସ୍ଥା ବିପର୍ଯ୍ୟସ୍ତ, ବଢୁଛି ରୋଗ

ଯାଜପୁରରୋଡ,୨୧।୨(ନି.ପ୍ର.)- ବ୍ୟାସନଗର ପୌରପରିଷଦ ସମେତ କୋରେଇ, ରସୁଲପୁର ଓ ରାମଚନ୍ଦ୍ରପୁର ପ୍ରଭୃତି ଅଞ୍ଚଳର ରୋଗୀମାନେ ଯାଜପୁରରୋଡ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଉପରେ ନିର୍ଭର କରିଥାନ୍ତି। ପ୍ରତ୍ୟେକ ଦିନ ଏହି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଉପରେ ୩୦୦ରୁ ଊର୍ଦ୍ଧ୍ୱ ରୋଗୀ ନିର୍ଭର କରିଥାନ୍ତି। ମାତ୍ର ଏଠାରେ ପରିମଳ ବ୍ୟବସ୍ଥା ଉପରେ ଗୁରୁତ୍ୱ ଦିଆଯାଉ ନ ଥିବା ଡାକ୍ତରଖାନାକୁ ଦେଖିଲେ ପରିଲକ୍ଷିତ ହୁଏ।

ଲୁଟେରାଙ୍କ କବ୍‌ଜାରେ ରାଜ୍ୟ ରାଜପଥ: ବନ୍ଧୁକ ଦେଖାଇ ବ୍ୟବସାୟୀଙ୍କଠାରୁ ସାଢ଼େ ୫ ଲକ୍ଷ ଲୁଟ

ଲୁଟେରାଙ୍କ କବ୍‌ଜାରେ ରାଜ୍ୟ ରାଜପଥ: ବନ୍ଧୁକ ଦେଖାଇ ବ୍ୟବସାୟୀଙ୍କଠାରୁ ସାଢ଼େ ୫ ଲକ୍ଷ ଲୁଟ

ଖଣ୍ଡପଡା,୨୧।୨(ସ୍ବ.ପ୍ର.): ବାଘମାରୀ-ଦଶପଲ୍ଲା ରାଜ୍ୟ ରାଜପଥ ଏବେ ଲୁଟେରାଙ୍କ ଚରାଭୂଇଁ ପାଲଟିଛି। ଉକ୍ତ ଅଞ୍ଚଳରେ କେବଳ ରାତିରେ ନୁହେଁ ଦିନରେ ମଧ୍ୟ ଲୁଟେରାମାନେ ସକ୍ରିୟ ହୋଇ ମାରଣାସ୍ତ୍ର ଦେଖାଇ ଲୁଟ କରୁଥିବା ଅଭିଯୋଗ ହେଉଛି। ଏହି କ୍ରମରେ ବୁଧବାର କଣ୍ଟିଲୋ ଅଞ୍ଚଳର ଜଣେ ବ୍ୟବସାୟୀଙ୍କଠାରୁ ମୋବାଇଲ ସହ ସାଢ଼େ ୫ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ।

ବ୍ଲକ ସ୍ତରୀୟ ନିଯୁକ୍ତି ମେଳା

ବ୍ଲକ ସ୍ତରୀୟ ନିଯୁକ୍ତି ମେଳା

ରାଜନଗର, ୨୧।୨: କେନ୍ଦ୍ରପଡ଼ା ଜିଲା ରାଜନଗର ବ୍ଲକ ହାଇସ୍କୁଲ ପଡ଼ିଆରେ ଓରମାସ ପକ୍ଷରୁ ବୁଧବାର ବ୍ଲକ ସ୍ତରୀୟ ନିଯୁକ୍ତି ମେଳା ଅନୁଷ୍ଠିତ ହୋଇଛି। ବ୍ଲକ ଅଧ୍ୟକ୍ଷ ଜୟରାମ ସେଠୀ ମୁଖ୍ୟଅତିଥି ରୂପେ ଯୋଗଦେଇ ଏହାକୁ ଉଦ୍‌ଘାଟନ କରିଛନ୍ତି।

ଅଗ୍ନିକାଣ୍ଡ: ୨ ଦୋକାନ, ଏକ ବଖରା ଜଳିଗଲା

ଅଗ୍ନିକାଣ୍ଡ: ୨ ଦୋକାନ, ଏକ ବଖରା ଜଳିଗଲା

ମହାକାଳପଡ଼ା ୨୧।୨(ଡି.ଏନ୍‌.ଏ.): ମହାକାଳପଡ଼ା ବ୍ଲକ ଅଧୀନ ସ୍ଥାନୀୟ ବିଜୟନଗର ମାର୍କେଟ କମ୍ପ୍ଲେକ୍ସରେ ମଙ୍ଗଳବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୨ଟି ଦୋକାନ ଓ ଏକ ବଖରା ବାସଗୃହ ଜଳିଯାଇଛି।

ଜିଲା ପଞ୍ଚାୟତ କାର୍ଯ୍ୟାଳୟର କିରାଣି ବହିଷ୍କୃତ

ଯାଜପୁର ଅଫିସ,୨୦।୧ ଜିଲା ପଞ୍ଚାୟତ କାର୍ଯ୍ୟାଳୟର ବରିଷ୍ଠ କିରାଣି ବିଚିତ୍ରାନନ୍ଦ ମହାନ୍ତିଙ୍କୁ ଜିଲାପାଳ ରଞ୍ଜନ କୁମାର ଦାସ ମଙ୍ଗଳବାର ସରକାରୀ ଚାକିରିରୁ ବହିଷ୍କାର କରିଛନ୍ତି।