ରାଜ୍ୟ |

ଅନ୍‌ଲାଇନ୍‌ରେ ମାଟ୍ରିକ ଆଡ୍‌ମିଟ୍‌ କାର୍ଡ

ଅନ୍‌ଲାଇନ୍‌ରେ ମାଟ୍ରିକ ଆଡ୍‌ମିଟ୍‌ କାର୍ଡ
କଟକ ଅଫିସ, ୮।୨:ଆସନ୍ତା ୨୩ ତାରିଖରୁ ମାର୍ଚ୍ଚ ୮ ପର୍ଯ୍ୟନ୍ତ ହେବାକୁ ଥିବା ମାଟ୍ରିକ ପରୀକ୍ଷା ନିମନ୍ତେ ଅନ୍‌ଲାଇନ୍‌ରେ ପରୀକ୍ଷାର୍ଥୀଙ୍କ ଆଡ୍‌ମିଟ୍‌ କାର୍ଡ ଗୁରୁବାରଠାରୁ ଉପଲବ୍ଧ ହୋଇଛି। ମାଧ୍ୟମିକ ଶିକ୍ଷା ପରିଷଦ (ବୋର୍ଡ)ର ୱେବସାଇଟ୍‌(www.bseodisha.ac.in)ରେ ହାଇସ୍କୁଲର ମୁଖ୍ୟମାନେ ସେମାନଙ୍କ ଆଇଡି ଓ ପାସ୍‌ୱାର୍ଡ ବ୍ୟବହାର କରି ପରୀକ୍ଷାର୍ଥୀମାନଙ୍କ ଆଡ୍‌ମିଟ୍‌ କାର୍ଡ ଡାଉନଲୋଡ୍‌ କରିପାରିବେ। ଏଥିସହ ଆସନ୍ତା ୧୭ ତାରିଖ ସୁଦ୍ଧା ସମସ୍ତ ପରୀକ୍ଷା କେନ୍ଦ୍ରକୁ ପରୀକ୍ଷାର୍ଥୀଙ୍କ ମୁଦ୍ରିତ ଆଡ୍‌ମିଟ୍‌ କାର୍ଡ ବୋର୍ଡ ପକ୍ଷରୁ ଯୋଗାଇ ଦିଆଯିବ। ଚଳିତ ଥର ରାଜ୍ୟରେ ୨୮୧୮ ପରୀକ୍ଷା କେନ୍ଦ୍ର ଓ ପ୍ରଶ୍ନପତ୍ର ରଖିବାକୁ ୩୦୨ଟି ନୋଡାଲ କେନ୍ଦ୍ର କରାଯାଇଛି। ମାଓବାଦୀ ପ୍ରଭାବିତ ଅଞ୍ଚଳରେ ପ୍ରଶ୍ନପତ୍ରର ସୁରକ୍ଷା ଦୃଷ୍ଟିରୁ ୨୩ଟି ଥାନାରେ ନୋଡାଲ କେନ୍ଦ୍ର କରାଯାଇଛି। ତନ୍ମଧ୍ୟରେ କନ୍ଧମାଳରେ ୭ଟି, କୋରାପୁଟରେ ୩ଟି, ମାଲକାନଗିରିରେ ୧୦ଟି, ରାୟଗଡ଼ାରେ ୩ଟି ଥାନାରେ ନୋଡାଲ କେନ୍ଦ୍ର ହୋଇଛି। ପରୀକ୍ଷାଖାତା ମୂଲ୍ୟାୟନ ପାଇଁ ରାଜ୍ୟରେ ୫୭ଟି ଖାତାଦେଖା କେନ୍ଦ୍ର କରାଯାଇଛି। ଏଥର ୫ ଲକ୍ଷ ୯୦ ହଜାର ୩୬୦ ଜଣ ଛାତ୍ରୀଛାତ୍ର ମାଟ୍ରିକ ପରୀକ୍ଷା ନିମନ୍ତେ ନାମ ପଞ୍ଜୀକରଣ କରିଛନ୍ତି। ସେହିପରି ଫେବୃୟାରୀ ୨୩ରୁ ଏକ ସଙ୍ଗେ ଆରମ୍ଭ ହେଉଥିବା ଅନ୍ୟ ଦୁଇଟି ପରୀକ୍ଷା ମଧ୍ୟମା ଓ ଷ୍ଟେଟ ଓପନ୍‌ ସ୍କୁଲ ସାର୍ଟିଫିକେଟ ପରୀକ୍ଷା ନିମନ୍ତେ ବୋର୍ଡ ପକ୍ଷରୁ ସୂଚନା ମିଳିଛି। ମଧ୍ୟମା ପରୀକ୍ଷା ପାଇଁ ୩,୭୧୫ ଜଣ ଓ ଷ୍ଟେଟ ଓପନ ସ୍କୁଲ ସାର୍ଟିଫିକେଟ ପରୀକ୍ଷା ନିମନ୍ତେ ୧୩,୯୭୮ ଜଣ ଛାତ୍ରୀଛାତ୍ର ନାମ ପଞ୍ଜୀକରଣ କରିଛନ୍ତି। ମାଟ୍ରିକ ପରୀକ୍ଷା କେନ୍ଦ୍ର ମଧ୍ୟରୁ ୪୭ଟି କେନ୍ଦ୍ରରେ ମଧ୍ୟମା ପରୀକ୍ଷାର୍ଥୀ ପରୀକ୍ଷା ଦେବେ। ମାତ୍ର ଷ୍ଟେଟ ଓପନ ସ୍କୁଲ ସାର୍ଟିଫିକେଟ ପରୀକ୍ଷା ସ୍ବତନ୍ତ୍ର ୧୦୧ କେନ୍ଦ୍ରରେ ଅନୁଷ୍ଠିତ ହେବ। ମଧ୍ୟମା ପରୀକ୍ଷାର୍ଥୀଙ୍କ ଆଡ୍‌ମିଟ୍‌ କାର୍ଡ ଅନ୍‌ଲାଇନ୍‌ରେ ମିଳିବ ନାହିଁ। ସେଗୁଡ଼ିକ ବୋର୍ଡ ପକ୍ଷରୁ ମୁଦ୍ରିତ କରି ଯୋଗାଇ ଦିଆଯିବ। ମାତ୍ର ଷ୍ଟେଟ ଓପନ ସ୍କୁଲ ସାର୍ଟିଫିକେଟ୍‌ ପରୀକ୍ଷାର୍ଥୀ କେବଳ ଅନ୍‌ଲାଇନ୍‌ରେ ଆଡ୍‌ମିଟ୍‌ କାର୍ଡ ପାଇବେ, ସେମାନଙ୍କୁ ବୋର୍ଡ ପକ୍ଷରୁ କୌଣସି ମୁଦ୍ରଣ ଆଡ୍‌ମିଟ୍‌ କାର୍ଡ ପ୍ରଦାନ କରାଯିବ ନାହିଁ। ମାଟ୍ରିକ ପରୀକ୍ଷା ଦେବାକୁ ଥିବା ଛାତ୍ରୀଛାତ୍ରଙ୍କ ଧନ୍ଦାମୂଳକ ପାଠ୍ୟକ୍ରମର ପ୍ରାକ୍ଟିକାଲ ପରୀକ୍ଷା ଫେବୃୟାରୀ ୧୨ରୁ ୧୭ ତାରିଖ ମଧ୍ୟରେ କରାଯିବ। ନିର୍ଦ୍ଧାରିତ ସମୟସୀମା ମଧ୍ୟରେ ଯେକୌଣସି ଦିନ ଉକ୍ତ ପରୀକ୍ଷା ପ୍ରତି ହାଇସ୍କୁଲରେ ଅନୁଷ୍ଠିତ ହେବ। ବୋର୍ଡ ପକ୍ଷରୁ ନିଯୁକ୍ତ ଏକ୍ସଟରନାଲ ପରୀକ୍ଷକ ହାଇସ୍କୁଲରେ ଉପସ୍ଥିତ ରହି ଉକ୍ତ ପରୀକ୍ଷା କରାଇବେ। ପ୍ରାକ୍ଟିକାଲ ପରୀକ୍ଷା ସମ୍ପର୍କିତ ନିର୍ଦ୍ଦେଶାବଳୀ, ମାର୍କ ଫଏଲ୍‌, ଆଟେଣ୍ଡାନ୍ସ୍‌ ଶିଟ୍‌ ବୋର୍ଡ ୱେବସାଇଟ୍‌ରେ ଉପଲବ୍ଧ କରାଯାଇଛି। ପ୍ରାକ୍ଟିକାଲ ପରୀକ୍ଷାର ନମ୍ବରଗୁଡ଼ିକ ଉଭୟ ଅନ୍‌ଲାଇନ୍‌ ଓ ଅଫ୍‌ଲାଇନ୍‌ ଜରିଆରେ ଡାଟା ପ୍ରସେସିଂ କେନ୍ଦ୍ରକୁ ପ୍ରେରଣ କରାଯିବ। ଅନ୍‌ଲାଇନ୍‌ରେ ମାର୍କ ପୋଷ୍ଟିଂ ପାଇଁ ଆବଶ୍ୟକ ଲିଙ୍କ୍‌ ଫେବୃୟାରୀ ୧୨ରୁ ୧୭ ତାରିଖ ମଧ୍ୟ ରାତ୍ରି ଯାଏ ବୋର୍ଡ ୱେବସାଇଟ୍‌ରେ ଉପଲବ୍ଧ ହେବ। ବନ୍ଦୀଙ୍କ ପାଇଁ ସ୍ବତନ୍ତ୍ର ପରୀକ୍ଷା କେନ୍ଦ୍ର ଚଳିତ ଥର ଚୌଦ୍ୱାର ଜେଲ୍‌ରେ ଥିବା ୫ ଜଣ ବନ୍ଦୀ ଷ୍ଟେଟ ଓପନ ସ୍କୁଲ ସାର୍ଟିଫିକେଟ୍‌ ପରୀକ୍ଷା ଦେବେ। ସେମାନଙ୍କ ପରୀକ୍ଷା ଦେବା ପାଇଁ ଚୌଦ୍ୱାର ଜେଲ ପରିସରରେ ଏକ ଉପକେନ୍ଦ୍ର କରାଯାଇଛି। ସେହିପରି ଅନୁଗୋଳ ସ୍ପେଶାଲ ହୋମ୍‌ରେ ଥିବା ଜଣେ ମାଟ୍ରିକ ପରୀକ୍ଷାର୍ଥୀଙ୍କ ପାଇଁ ସେଠାରେ ମଧ୍ୟ ଏକ ଉପକେନ୍ଦ୍ର କରାଯାଇଛି।
All Right Reserved By

ରାଜ୍ୟ |

ଟଙ୍କା ପାଇଁ ନିର୍ଦ୍ଦୟ ସାଜିଲେ ପୁଅ, ନାତି: ୮୫ ବର୍ଷ ବୃଦ୍ଧଙ୍କୁ ହତ୍ୟା ପରେ ତାଡ଼ିଲେ ଆଖି

ଟଙ୍କା ପାଇଁ ନିର୍ଦ୍ଦୟ ସାଜିଲେ ପୁଅ, ନାତି: ୮୫ ବର୍ଷ ବୃଦ୍ଧଙ୍କୁ ହତ୍ୟା ପରେ ତାଡ଼ିଲେ ଆଖି

ତାଳଚେର, ୧୯।୮(ନି.ପ୍ର.): ଅନୁଗୋଳ ଜିଲା ତାଳଚେର ବ୍ଲକ ସନ୍ଥପଡା ଗ୍ରାମରେ ଶନିବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଥିବା ଜଣାପଡ଼ିଛି। ଟଙ୍କା ପାଇଁ ଗ୍ରାମର ଗୌର ନାୟକ(୮୫)ଙ୍କୁ ତାଙ୍କ ପୁଅ ଏବଂ ନାତି ଅତି ନିର୍ମମ ଭାବେ ହତ୍ୟା କରିଛନ୍ତି।

ଗୋଶାଣିନୂଆଗାଁ ପୋଲିସ ଦ୍ୱାରା ବାଇକ୍‌ ଚୋରି ର଼୍ୟାକେଟର ପର୍ଦ୍ଦାଫାଶ: ୬ ଅଭିଯୁକ୍ତ ଗିରଫ, ୧୫ ପୁରୁଣା ବାଇକ୍‌ ଜବତ

ଗୋଶାଣିନୂଆଗାଁ ପୋଲିସ ଦ୍ୱାରା ବାଇକ୍‌ ଚୋରି ର଼୍ୟାକେଟର ପର୍ଦ୍ଦାଫାଶ: ୬ ଅଭିଯୁକ୍ତ ଗିରଫ, ୧୫ ପୁରୁଣା ବାଇକ୍‌ ଜବତ

ବ୍ରହ୍ମପୁର ଅଫିସ,୧୯।୮: ବ୍ରହ୍ମପୁର ଜିଲା ଗୋଶାଣିନୂଆଗାଁ ଥାନା ପୋଲିସକୁ ବଡ଼ ସଫଳତା ମିଳିଛି। ଏକ ବଡ଼ ଧରଣର ବାଇକ ଚୋରି ରାକେଟକୁ ପୋଲିସ ପର୍ଦ୍ଦାଫାଶ କରିବା ସହ ୬ଜଣ ଅଭିଯୁକ୍ତଙ୍କୁ ଗିରଫ କରିଛି। 

ଭୋକ ଉପାସରେ ପଡି ରହିଛନ୍ତି  ସାତଭାୟା ଅଞ୍ଚଳର ଶତାଧିକ ଶ୍ରମିକ : କେରଳରେ ବନ୍ୟା

ଭୋକ ଉପାସରେ ପଡି ରହିଛନ୍ତି ସାତଭାୟା ଅଞ୍ଚଳର ଶତାଧିକ ଶ୍ରମିକ : କେରଳରେ ବନ୍ୟା

ରାଜନଗର,୧୯ା୮(ଡି.ଏନ.ଏ.)କେରଳରେ ବାଦଲଫଟା ବର୍ଷା ସାଙ୍ଗକୁ ନଦୀରେ ପ୍ରବଳ ବନ୍ୟା ଆସିବା ଫଳରେ  ସ୍ବାଭାବିକ ଜୀବନଯାତ୍ରା ବ୍ୟାହତ ହୋଇଛି। ହଜାର ହଜାର ଲୋକ ବନ୍ୟାପାଣି ଘେରରେ ରହି ହନ୍ତସନ୍ତ ହେଉଛନ୍ତି।

ଟ୍ରାନ୍ସଫର୍ମର ବସାଇବା ପାଇଁ ଲାଞ୍ଚ ଅଭିଯୋଗ   ସାହି ଲୋକଙ୍କ ବିଦ୍ୟୁତ୍‌ କାର୍ଯ୍ୟାଳୟ ଘେରାଉ

ଟ୍ରାନ୍ସଫର୍ମର ବସାଇବା ପାଇଁ ଲାଞ୍ଚ ଅଭିଯୋଗ ସାହି ଲୋକଙ୍କ ବିଦ୍ୟୁତ୍‌ କାର୍ଯ୍ୟାଳୟ ଘେରାଉ

ନୟାଗଡ଼ ଅଫିସ,୧୯ା୮- ହଠାତ୍‌ ବର୍ଷାପବନ ସହ ବିଜୁଳି ଘଡଘଡି ମାରିବାରୁ ଟ୍ରାନ୍ସଫର୍ମର ପୋଡ଼ିଗଲା। ବିଭାଗୀୟ କର୍ମଚାରୀଙ୍କୁ ସାହିଲୋକେ ଏ ନେଇ ଅଭିଯୋଗ କଲେ। ହେଲେ ୪ଦିନ ବିତିଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଗଲା ନାହିଁ।

ବିଦ୍ୟାଳୟ ମାଧ୍ୟମରେ ଜାତି ପ୍ରମାଣପତ୍ର ମିଳିବା ଏକ ପ୍ରହସନ

ଖଣ୍ଡପଡା,୧୯ା୮(ସ୍ବ.ପ୍ର.)-ବିଭିନ୍ନ ଶିକ୍ଷାନୁଷ୍ଠାନର ଛାତ୍ରୀଛାତ୍ରଙ୍କୁ ବିଦ୍ୟାଳୟଗୁଡିକ ମାଧ୍ୟମରେ ସହଜ ଓ ସୁବିଧା ଉପାୟରେ ଜାତିଗତ ପ୍ରମାଣପତ୍ର ପ୍ରଦାନ କରାଯିବା ପାଇଁ  ଗତ ବର୍ଷ ସେପ୍ଟେମ୍ବର ମାସରେ ରାଜ୍ୟ ସରକାର ଘୋଷଣା କରିଥିଲେ। 

କାର୍ଯ୍ୟ କରୁନି ପୋଷ୍ଟ ଅଫିସର କମ୍ପ୍ୟୁଟର: ଗ୍ରାହକ ହନ୍ତସନ୍ତ

କାର୍ଯ୍ୟ କରୁନି ପୋଷ୍ଟ ଅଫିସର କମ୍ପ୍ୟୁଟର: ଗ୍ରାହକ ହନ୍ତସନ୍ତ

ରଣପୁର,୧୯।୮(ସ୍ବ.ପ୍ର.)-କେନ୍ଦ୍ର ସରକାର ଡିଜିଟାଲ ଇଣ୍ଡିଆର ସ୍ବପ୍ନ ଦେଖି ବିଭିନ୍ନ କାର୍ଯ୍ୟାଳୟକୁ କମ୍ପ୍ୟୁଟରୀକରଣ କରିବା ସହିତ ପ୍ରତ୍ୟେକ ପଞ୍ଚାୟତକୁ ଇଣ୍ଟରନେଟ ଦ୍ୱାରା ସଂଯୋଗ କରିବା ପାଇଁ ଜୋରସୋରରେ କାର୍ଯ୍ୟ କରୁଛନ୍ତି। 

ସାର ବିକ୍ରିରେ ଅନିୟମିତତା: ୪୫ ରିଟେଲରଙ୍କ ବିରୋଧରେ କାର୍ଯ୍ୟାନୁଷ୍ଠାନ

ସାର ବିକ୍ରିରେ ଅନିୟମିତତା: ୪୫ ରିଟେଲରଙ୍କ ବିରୋଧରେ କାର୍ଯ୍ୟାନୁଷ୍ଠାନ

ବରଗଡ଼ ଅଫିସ,୧୯।୮
ବରଗଡ଼ ଜିଲାରେ ଖରିଫ ଚାଷ କାମ ଜୋର ଧରିଛି । ଏଥିପାଇଁ ରାସାୟନିକ ସାରର ଚାହିଦା ମଧ୍ୟ ବଢ଼ିଛି । ଏଭଳିସ୍ଥଳେ ସାରର କଳାବଜାର ପାଇଁ ବେପାରୀମାନେ ତତ୍ପର ହୋଇପଡିଛନ୍ତି । ସରକାରୀ ନିୟମକାନୁନକୁ ଉଲ୍ଲଂଘନ କରି କେତେକ ଲାଇସେନ୍ସପ୍ରାପ୍ତ ରିଟେଲର ସାର ବିକୁଥିବାବେଳେ ଆଉ କେତେକ ଅଣଲାଇସେନ୍ସପ୍ରାପ୍ତ ବେପାରୀ ଚଢ଼ାଦରରେ ଏହା ବିକ୍ରି କରୁଥିବା ଅଭିଯୋଗ ହେଉଛି । 

ମେଧା ବୃତ୍ତି ଦେଲେ ୩୬୦ ଛାତ୍ରୀଛାତ୍ର

ମେଧା ବୃତ୍ତି ଦେଲେ ୩୬୦ ଛାତ୍ରୀଛାତ୍ର

ରନତ୍ଗିରି,୧୯ା୮(ଡି.ଏନ୍‌.ଏ)- ବରୀ ବ୍ଲକର ଦୁଇ ପରୀକ୍ଷା କେନ୍ଦ୍ରରେ ୨୨୮  ବିଦ୍ୟାଳୟରୁ ମୋଟ୍‌  ୩୬୦ ତୃତୀୟ ଓ ପଞ୍ଚମ ଶ୍ରେଣୀ ଛାତ୍ରୀଛାତ୍ର ଶନିବାର ବୃତ୍ତି ପରୀକ୍ଷା ଦେଇଥିବା ମଣ୍ଡଳ ଶିକ୍ଷା ଅଧିକାରୀ ଅଭୟ କୁମାର ବେହେରା ପ୍ରକାଶ କରିଛନ୍ତି ା

ବାସ ହରାଇ ମୁଖ୍ୟ ଚିକିତ୍ସାଳୟରେ ମୁଣ୍ଡ ଗୁଞ୍ଜିଛନ୍ତି ମହିଳା

ବାସ ହରାଇ ମୁଖ୍ୟ ଚିକିତ୍ସାଳୟରେ ମୁଣ୍ଡ ଗୁଞ୍ଜିଛନ୍ତି ମହିଳା

ବିରଜାକ୍ଷେତ୍ର,୧୯ା୮(ଡି.ଏନ୍‌.ଏ)-  ସ୍ବାଧୀନତାର ଦୀର୍ଘବର୍ଷ ପରେ ବି ଲୋକଙ୍କ ପାଖରେ ରହିବା ପାଇଁ ସ୍ଥାୟୀ ବାସଗୃହ ନାହଁି। ସମ୍ବିଧାନ ଅନୁଯାୟୀ ପ୍ରତ୍ୟେକ ଲୋକଙ୍କୁ ଖାଦ୍ୟ, ବସ୍ତ୍ର, ବାସଗୃହ ଯୋଗାଇ ଦେବାର ବ୍ୟବସ୍ଥା ଥିବାବେଳେ ଏଥିରୁ ବଞ୍ଚିତ ହେଉଛନ୍ତି ଅନେକ ପରିବାର। 

ଢେଙ୍କାନାଳରୁ ଚଣ୍ଡିଖୋଲକୁ ୩ଶହରୁ ଊର୍ଦ୍ଧ୍ୱ ଗୋରୁ ଚାଲାଣ: ସ୍ଥାନୀୟ ଲୋକେ ଅଟକ ରଖି ଦେଲେ ପୋଲିସ ଜିମା

ଢେଙ୍କାନାଳରୁ ଚଣ୍ଡିଖୋଲକୁ ୩ଶହରୁ ଊର୍ଦ୍ଧ୍ୱ ଗୋରୁ ଚାଲାଣ: ସ୍ଥାନୀୟ ଲୋକେ ଅଟକ ରଖି ଦେଲେ ପୋଲିସ ଜିମା

ଢେଙ୍କାନାଳ ଅଫିସ,୧୯।୮: ଢେଙ୍କାନାଳ ଜିଲା ଗଁନ୍ଦିଆ ଥାନା ଅଞ୍ଚଳରେ ଶନିବାର ବିଳମ୍ବିତ ରାତିରେ ଚାଲାଣ ହେଉଥିବା ୪ ଗୋରୁ ଗାଡ଼ିକୁ ସ୍ଥାନୀୟ ଲୋକେ ଅଟକ ରଖି ପୋଲିସ ଜିମା ଦେଇଛନ୍ତି।

ମଇଁଷି ଚାଲାଣ ମାମଲା :  ପୋଲିସର ଭୂମିକାକୁ ନେଇ ସନ୍ଦେହ

ମଇଁଷି ଚାଲାଣ ମାମଲା : ପୋଲିସର ଭୂମିକାକୁ ନେଇ ସନ୍ଦେହ

ଜଗତ୍‌ସିଂହପୁର ଅଫିସ,୧୯ା୮: ଜଗତ୍‌ସିଂହପୁର ଥାନା ଦେଉଳୀ ଗ୍ରାମେଶ୍ୱରଠାରେ ଗତ ୧୬ ତାରିଖ ରାତିରେ ମଇଁଷି ଚାଲାଣବେଳେ ଧରାପଡିବା ମାମଲାରେ ଏବେ ଅଡୁଆ ପରିସ୍ଥିତି ସୃଷ୍ଟି ହୋଇଛି।

ଭୂତ ଭୟ : ନୂଆଗଡ଼ରୁ ନୟାଗଡ଼ ଦୌଡୁଛନ୍ତି ଲୋକେ, ବିଦ୍ୟାଳୟରେ ଛାତ୍ରୀଙ୍କ ଉପସ୍ଥାନ ହ୍ରାସ

ଭୂତ ଭୟ : ନୂଆଗଡ଼ରୁ ନୟାଗଡ଼ ଦୌଡୁଛନ୍ତି ଲୋକେ, ବିଦ୍ୟାଳୟରେ ଛାତ୍ରୀଙ୍କ ଉପସ୍ଥାନ ହ୍ରାସ

ପାରାଦୀପ,୧୯ା୮(ସ୍ବ.ପ୍ର.): ପାରାଦୀପ ଉପକଣ୍ଠ ନୂଆଗଡ଼ ଗ୍ରାମରେ ୪ ଦିନ ହେଲା ଭୂତ ଭୟ ଦେଖାଦେଇଛି। ଗ୍ରାମର କେତେଜଣ ଛାତ୍ରୀ ଓ ଯୁବତୀଙ୍କ ଦେହରେ ପ୍ରେତାତ୍ମା ସବାର ହେଉଥିବା କୁହାଯାଉଛି। ଏଥିଯୋଗୁ ସେମାନେ ଅସୁସ୍ଥ ହୋଇପଡିବା ସହ ବାଉଳି ହେଉଛନ୍ତି।