ବାଣିଜ୍ୟ |

ଅନ୍ତର୍ଜାତୀୟ ବୌଦ୍ଧିକ ସମ୍ପତ୍ତି ସୂଚୀ:ଅଭିବୃଦ୍ଧି ସତ୍ତ୍ୱେ ଭାରତର ସ୍ଥିତି ନୈରାଶ୍ୟଜନକ

ଅନ୍ତର୍ଜାତୀୟ ବୌଦ୍ଧିକ ସମ୍ପତ୍ତି ସୂଚୀ:ଅଭିବୃଦ୍ଧି ସତ୍ତ୍ୱେ ଭାରତର ସ୍ଥିତି ନୈରାଶ୍ୟଜନକ
ନୂଆଦିଲ୍ଲୀ,୮-୨ (ପି.ଟି.) ଆମେରିକା ଚାମ୍ବର ଅଫ କମର୍ସ ପକ୍ଷରୁ ଗୁରୁବାର ପ୍ରକାଶ ପାଇଥିବା ଅନ୍ତର୍ଜାତୀୟ ବୌଦ୍ଧିକ ସମ୍ପତ୍ତି ସୂଚୀରେ ଭାରତର ସ୍ଥିତି ନୈରାଶ୍ୟଜନକ ରହିଛି। ଏହି ସୂଚୀରେ ଭାରତ ୫୦ଟି ଦେଶ ମଧ୍ୟରୁ ୪୪ତମ ସ୍ଥାନରେ ରହିଛି। ଭାରତ ଉକ୍ତ କ୍ଷେତ୍ରରେ ଧୀରେ ଧୀରେ ଉନ୍ନତି କରୁଥିବା ଏଥି ସଂକ୍ରାନ୍ତ ରିପୋର୍ଟରେ ପ୍ରକାଶ ପାଇଛି। ଉକ୍ତ ସୂଚୀର ପଞ୍ଚମ ସଂସ୍କରଣରେ ଘରୋଇ ବଜାର ମୋଟ ହାରାହାରି ସ୍କୋରରେ ୨୫% (୩୫ରୁ ୮.୭୫ ସ୍କୋର) ବୃଦ୍ଧି ଘଟିଥିଲା। ସୂଚୀର ଷଷ୍ଠ ସଂସ୍କରଣରେ ଭାରତ ଏହାର ମୋଟ ସ୍କୋରକୁ ୩୦% ବୃଦ୍ଧି କରି ପାରିଛି। ଉକ୍ତ ସମୟରେ ଭାରତ ୪୦ରୁ ୧୨.୦୩ ଅଙ୍କ ଲାଭ କରିଛି। ଉକ୍ତ ରିପୋର୍ଟକୁ ୟୁଏସ୍‌ ଚାମ୍ବର ଅଫ୍‌ କମର୍ସର ଗ୍ଳୋବାଲ ଇନୋଭେଶନ ପଲିସି ସେଣ୍ଟର(ଜିଆଇପିସି) ପ୍ରସ୍ତୁତ କରିଛି। ଘରୋଇ ବଜାର ସ୍କୋରରେ ଉନ୍ନତି କଲେ ମଧ୍ୟ ସୂଚୀର ବହୁ ତଳେ ରହିଛି। ଗତ ବର୍ଷ ସୂଚୀର ୪୫ ଦେଶ ମଧ୍ୟରୁ ଭାରତ ୪୩ତମ ସ୍ଥାନରେ ରହିଥିଲା। ଏହି ସମୟରେ ଦେଶର ମୋଟ ସ୍କୋର ୮.୪% ରହିଥିଲା। କମ୍ପ୍ୟୁଟର ପରିଚାଳନା ଦ୍ୱାରା ବିଭିନ୍ନ ଉଦ୍ଭାବନ ତଥା ଉନ୍ନତ ପଞ୍ଜୀକରଣ ପ୍ରଣାଳୀ ଯୋଗୁ ଘରୋଇ ବଜାରର ସ୍କୋରରେ ଉନ୍ନତି ଆସିଛି। ଭାରତ ଜୁଲାଇରେ କମ୍ପ୍ୟୁଟର ସଂକ୍ରାନ୍ତ ଉଦ୍ଭାବନର ପରୀକ୍ଷଣ ନେଇ ଏକ ଗାଇଡ ଲାଇନ୍‌ ଜାରି କରିଥିଲା। ଏହା ଜ୍ଞାନକୌଶଳ ପରିବେଶର ଉନ୍ନତୀକରଣ ଦିଗରେ ଉତ୍ତମ ପ୍ରଭାବ ପକାଇଥିବା ଜିଆଇପିସି ଏହାର ବାର୍ଷିକ ରିପୋର୍ଟରେ ପ୍ରକାଶ କରିଛି। ୩୭.୯୮ ପଏଣ୍ଟ ସହ ତାଲିକାର ପ୍ରଥମ ସ୍ଥାନରେ ଆମେରିକା ରହିଥିବା ବେଳେ ବ୍ରିଟେନ(୩୭.୯୭), ସ୍ବିଡେନ୍‌ (୩୭.୦୩) ପଏଣ୍ଟ ଲାଭ କରି ପ୍ରମୁଖ ସ୍ଥାନରେ ରହିଛନ୍ତି। ସେହିଭଳି ସରକାର ବୌଦ୍ଧିକ ସମ୍ପତ୍ତି ସଚେତନତା ସଂକ୍ରାନ୍ତ କର୍ମଶାଳା, ଟେକ୍ନିକାଲ ତାଲିମ୍‌, ଏନ୍‌ଫୋର୍ସମେଣ୍ଟ ଏଜେନ୍ସିଗୁଡିକ ଲାଗି କାର୍ଯ୍ୟକ୍ରମ, ଜାତୀୟ ବୌଦ୍ଧିକ ସମ୍ପତ୍ତି(ଆଇପି) ଅଧିକାରୀ ନୀତି ଉପରେ କାର୍ଯ୍ୟ କରୁଛନ୍ତି। ଏହା ବାଦ୍‌ ଉକ୍ତ ନୀତିଗୁଡିକ ଠିକ୍‌ ଭାବେ କାର୍ଯ୍ୟ କରାଇବା ଉପରେ ପଦକ୍ଷେପ ନେବାକୁ ରିପୋର୍ଟରେ ଉଲ୍ଲେଖ ରହିଛି। ଏହି ଭଳି ପ୍ରସଙ୍ଗରେ ଭାରତକୁ ଅନେକ କାର୍ଯ୍ୟପନ୍ଥା ଗ୍ରହଣ କରିବାର ଆବଶ୍ୟକତା ରହିଛି ବୋଲି ଜିଆଇପିସି ଉପସଭାପତି ପ୍ୟାଟ୍ରିକ୍‌ କିଲବ୍ରିଡେ କହିଛନ୍ତି। ଭାରତରେ ଅତିରିକ୍ତ ସଂସ୍କାର ଗ୍ରହଣ କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି। ଘରୋଇ ଉଦ୍ଭାବନକୁ ପ୍ରୋତ୍ସାହନ, ବିଦେଶୀ ନିବେଶକଙ୍କୁ ଆକୃଷ୍ଟ ଲାଗି ପଦକ୍ଷେପ, ଉଦ୍ଭାବନ ଆକ୍‌ସେସର ଉନ୍ନତୀକରଣ ଦିଗକୁ ଧ୍ୟାନରେ ରଖିବା ଉପରେ ସେ ଗୁରୁତ୍ୱାରୋପ କରିଛନ୍ତି। ଉକ୍ତ ସୂଚୀ ଲାଗି ୫୦ ଦେଶର ୪୦ ପ୍ରମୁଖ ପ୍ରସଙ୍ଗକୁ ତର୍ଜମା କରାଯାଇଛି।
All Right Reserved By

ବାଣିଜ୍ୟ |

ନୀରବଙ୍କ ୧୧କାର୍‌, ୧୭୩ ପେଣ୍ଟିଙ୍ଗ ବିକ୍ରି ହେବ;ସ୍ତ୍ରୀଙ୍କ ବିରୋଧରେ ଏନ୍‌ବିଡବ୍ଲ୍ୟୁ ଜାରି

ନୀରବଙ୍କ ୧୧କାର୍‌, ୧୭୩ ପେଣ୍ଟିଙ୍ଗ ବିକ୍ରି ହେବ;ସ୍ତ୍ରୀଙ୍କ ବିରୋଧରେ ଏନ୍‌ବିଡବ୍ଲ୍ୟୁ ଜାରି

ନୂଆଦିଲ୍ଲୀ,୨୧-୩: ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ମହାଠକେଇ ମାମଲାରେ ଲଣ୍ଡନରେ ଗିରଫ ହୋଇଛନ୍ତି ହୀରା ବ୍ୟବସାୟୀ ନୀରବ ମୋଦି। ଅନ୍ୟପକ୍ଷରେ ଭାରତରେ ଥିବା ତାଙ୍କର ସମ୍ପତ୍ତି ବିକ୍ରି କରିବା ଲାଗି ଏବେ ଉଦ୍ୟମ ଆରମ୍ଭ ହୋଇଛି।

ଲଣ୍ଡନରେ ନୀରବ ମୋଦି ଗିରଫ

ଲଣ୍ଡନରେ ନୀରବ ମୋଦି ଗିରଫ

ଲଣ୍ଡନ,୨୧-୩: ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ରୁ ପ୍ରାୟ ସାଢ଼େ ୧୩ ହଜାର କୋଟି ଟଙ୍କା ଠକିଥିବା ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ଦୀପକ ମୋଦିଙ୍କୁ ଲଣ୍ଡନରେ ଗିରଫ କରାଯାଇଛି। 

କମ୍ପାନୀଙ୍କୁ ବଞ୍ଚାଇବା ଲାଗି ଏସ୍‌ବିଆଇର ଉଦ୍ୟମ;ବଦଳିପାରେ ଜେଟ ଏୟାରଓ୍ବେଜ ପରିଚାଳନା

କମ୍ପାନୀଙ୍କୁ ବଞ୍ଚାଇବା ଲାଗି ଏସ୍‌ବିଆଇର ଉଦ୍ୟମ;ବଦଳିପାରେ ଜେଟ ଏୟାରଓ୍ବେଜ ପରିଚାଳନା

ନୂଆଦିଲ୍ଲୀ,୨୧-୩: ଋଣ ଭାରରେ ବୁଡି ରହିଥିବା ଜେଟ ଏୟାରଓ୍ବେଜ ବିମାନ କମ୍ପାନୀକୁ ବଞ୍ଚାଇବା ଲାଗି ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ(ଏସ୍‌ବିଆଇ) ନେତୃତ୍ୱାଧୀନ ବ୍ୟାଙ୍କଗୁଡ଼ିକ ଯଥା ସମ୍ଭବ ପ୍ରୟାସ ଜାରି ରଖିଛନ୍ତି। 

ଚାଷୀଙ୍କୁ ଆର୍ଥିକ ସହାୟତା;ରୁପା ଚାହିଦା ୪ ବର୍ଷରେ ସର୍ବାଧିକ ରହିବ

ଚାଷୀଙ୍କୁ ଆର୍ଥିକ ସହାୟତା;ରୁପା ଚାହିଦା ୪ ବର୍ଷରେ ସର୍ବାଧିକ ରହିବ

ନୂଆଦିଲ୍ଲୀ,୨୧-୩: ସାଧାରଣ ନିର୍ବାଚନକୁ ଦୃଷ୍ଟିରେ ରଖି ରାଜନୈତିକ ଫାଇଦା ହାସଲ କରିବାକୁ ଯାଇ ଗ୍ରାମାଞ୍ଚଳ ଅର୍ଥନୀତିକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ କେନ୍ଦ୍ର ସରକାର ଚାଷୀଙ୍କୁ ୩ଟି କିସ୍ତିରେ ୨ ହଜାର ଟଙ୍କା ଲେଖାଏ ସହାୟତା ଘୋଷଣା କରିଛନ୍ତି। 

ବିମୁଦ୍ରୀକରଣ ବେଳର ୨.୨ ଲକ୍ଷ ଆକାଉଣ୍ଟ ଯାଞ୍ଚ;୨୨୦୦ କୋଟିର ଟିକସ ଆଦାୟ ଲକ୍ଷ୍ୟ

ବିମୁଦ୍ରୀକରଣ ବେଳର ୨.୨ ଲକ୍ଷ ଆକାଉଣ୍ଟ ଯାଞ୍ଚ;୨୨୦୦ କୋଟିର ଟିକସ ଆଦାୟ ଲକ୍ଷ୍ୟ

ଲଣ୍ଡନ,୨୧-୩: ବିମୁଦ୍ରୀକରଣ ବେଳେ ଅଧିକ ଟଙ୍କା ଜମା ହୋଇଥିବା ୨.୨ ଲକ୍ଷ ବ୍ୟାଙ୍କ ଆକାଉଣ୍ଟର ଯାଞ୍ଚ ଆରମ୍ଭ କରିଛି ଆୟକର ବିଭାଗ।  ଏହି ଆକାଉଣ୍ଟଧାରୀଙ୍କ ଠାରୁ  କେନ୍ଦ୍ର ସରକାର ଆୟକର ବାବଦରେ ୨୨୦୦ କୋଟି  ଟଙ୍କା ଆଦାୟ କରିବା ଲାଗି ପ୍ରୟାସ ଚଳାଇଛନ୍ତି। 

ଋଣପ୍ରଦାନକାରୀଙ୍କ ବୈଠକ ଡାକିବାକୁ ଏସାର ଷ୍ଟିଲ୍‌କୁ ନିର୍ଦ୍ଦେଶ

ଋଣପ୍ରଦାନକାରୀଙ୍କ ବୈଠକ ଡାକିବାକୁ ଏସାର ଷ୍ଟିଲ୍‌କୁ ନିର୍ଦ୍ଦେଶ

ନୂଆଦିଲ୍ଲୀ,୨୧-୩: ପାଣ୍ଠି ବଣ୍ଟନ ନେଇ ଋଣପ୍ରଦାନକାରୀଙ୍କ କମିଟି(ସିଓସି)ର ବୈଠକ ଡାକିବାକୁ ରାଷ୍ଟ୍ରୀୟ କମ୍ପାନୀ ବିଧି ଅପିଲୀୟ ପ୍ରାଧିକରଣ(ଏନ୍‌ସିଏଲ୍‌ଏଟି) ଏସାର ଷ୍ଟିଲ୍‌କୁ ନିର୍ଦ୍ଦେଶ ଦେଇଛନ୍ତି।

୧୦୦ ବିଲିୟନ ଡଲାର କ୍ଳବ୍‌ରେ ବିଲ୍‌ ଗେଟ୍‌ସ

୧୦୦ ବିଲିୟନ ଡଲାର କ୍ଳବ୍‌ରେ ବିଲ୍‌ ଗେଟ୍‌ସ

ଓ୍ବାଶିଂଟନ,୨୧-୩: ଦୀର୍ଘ ଦିନ ଧରି ବିଶ୍ୱର ସର୍ବବୃହତ ଧନୀର ମାନ୍ୟତା ହାସଲ କରିଥିବା ମାଇକ୍ରୋସଫ୍ଟର ପ୍ରମୁଖ ପ୍ରତିଷ୍ଠାତା ବିଲ୍‌ ଗେଟ୍‌ସ ପୁନର୍ବାର ୧୦୦ ବିଲିୟନ ଡଲାର(୬.୯ ଲକ୍ଷ କୋଟି ଟଙ୍କା) କ୍ଳବରେ ସାମିଲ ହୋଇଛନ୍ତି। 

ଗୁଗୁଲକୁ ୧୭୦ କୋଟି ଡଲାର ଜରିମାନା

ଗୁଗୁଲକୁ ୧୭୦ କୋଟି ଡଲାର ଜରିମାନା

ନୂଆଦିଲ୍ଲୀ,୨୧-୩: ୟୁରୋପୀୟ କମିଶନ ପ୍ରତିଯୋଗିତା ଆଇନ ଉଲ୍ଲଂଘନ ଅଭିଯୋଗରେ ଇଣ୍ଟରନେଟ କମ୍ପାନୀ ଗୁଗୁଲ ଉପରେ ୧.୪୯ ବିଲିୟନ ପାଉଣ୍ଡ(୧୭୦ କୋଟି ଡଲାର) ଜରିମାନା ଆଦାୟ ନିର୍ଦ୍ଦେଶ ଦେଇଛି।

ଅନ୍ତରୀଣ ଲାଭାଂଶ ଦେଲା ଆଇଓସି

ଅନ୍ତରୀଣ ଲାଭାଂଶ ଦେଲା ଆଇଓସି

ନୂଆଦିଲ୍ଲୀ,୨୦-୩: ରାଷ୍ଟ୍ରାୟତ୍ତ ଇଣ୍ଡିଆନ ଅଏଲ କର୍ପୋରେଶନ(ଆଇଓସି) ମଙ୍ଗଳବାର ସରକାରଙ୍କୁ ଦ୍ୱିତୀୟ ଅନ୍ତରୀଣ ଲାଭାଂଶ ପ୍ରଦାନ ସମ୍ପର୍କରେ ଘୋଷଣା କରିଛି। ଏହି ସମୟରେ କମ୍ପାନୀ ସରକାରଙ୍କୁ ୧୪୧୨ କୋଟି ଟଙ୍କା ଲାଭାଂଶ ଦେଇଥିବା ଜଣାପଡିଛି। 

ଆଞ୍ଜେଲ ଟିକସ ଛାଡ଼ ଆବେଦନ କଲେ ୧୨୭ ଷ୍ଟାର୍ଟଅପ୍ସ

ଆଞ୍ଜେଲ ଟିକସ ଛାଡ଼ ଆବେଦନ କଲେ ୧୨୭ ଷ୍ଟାର୍ଟଅପ୍ସ

ନୂଆଦିଲ୍ଲୀ,୨୦-୩: ଆଞ୍ଜେଲ ଟିକସ ଛାଡ଼ ନେଇ ସେଣ୍ଟ୍ରାଲ ବୋର୍ଡ ଅଫ୍‌ ଡାଇରେକ୍ଟ ଟ୍ୟାକ୍ସେସ(ସିବିଡିଟି) ପକ୍ଷରୁ ଫେବୃୟାରୀ ୧୯ରେ ବିଜ୍ଞପ୍ତି ପ୍ରକାଶ ପରେ ୧୨୭ ଷ୍ଟାର୍ଟଅପ୍ସ ଫେବୃୟାରୀ ୨୭ରୁ ଏଥିପାଇଁ ଫର୍ମ-୨ ମାଧ୍ୟମରେ ଆବେଦନ କରିଛନ୍ତି।

ସରକାରୀ ଡାଟା ବିଶ୍ୱସନୀୟତାକୁ ନେଇ ପ୍ରଶ୍ନବାଚୀ: ଅର୍ଥନୀତିଜ୍ଞଙ୍କ ବିରୋଧରେ ମୁହଁ ଖୋଲିଲେ ଜେଟଲି

ସରକାରୀ ଡାଟା ବିଶ୍ୱସନୀୟତାକୁ ନେଇ ପ୍ରଶ୍ନବାଚୀ: ଅର୍ଥନୀତିଜ୍ଞଙ୍କ ବିରୋଧରେ ମୁହଁ ଖୋଲିଲେ ଜେଟଲି

ନୂଆଦିଲ୍ଲୀ,୨୦-୩: ସରକାରୀ ଡାଟାର ବିଶ୍ୱସନୀୟତା ଉପରେ ଦେଶର ୧୦୮ ଅର୍ଥନୀତିଜ୍ଞ ଗତ ସପ୍ତାହରେ ପ୍ରଶ୍ନବାଚୀ ଲଗାଇଥିବା ବେଳେ ଏହାକୁ ନେଇ ଅର୍ଥମନ୍ତ୍ରୀ ମନ୍ତ୍ରୀ ଅରୁଣ ଜେଟଲୀ ମୁହଁ ଖୋଲଛନ୍ତି। ୭୦ % ଅର୍ଥନୀତିଜ୍ଞ ଅଧିକାଂଶ କ୍ଷେତ୍ରରେ ବିରୋଧିାତ୍ମକ ଆଚରଣ କରୁଥିବା ଜେଟଲୀ କହିଛନ୍ତି। 

ନୀରବଙ୍କ ପ୍ରତ୍ୟର୍ପଣ ନେଇ ସମସ୍ତ ଚେଷ୍ଟା ଚାଲିଛି:ସିବିଆଇ

ନୀରବଙ୍କ ପ୍ରତ୍ୟର୍ପଣ ନେଇ ସମସ୍ତ ଚେଷ୍ଟା ଚାଲିଛି:ସିବିଆଇ

ନୂଆଦିଲ୍ଲୀ,୨୦-୩: ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ମହାଘୋଟାଲାର ଅନ୍ୟତମ ମୁଖ୍ୟ ଅଭିଯୁକ୍ତ ନୀରବ ମୋଦିଙ୍କୁ ଲଣ୍ଡନରୁ ଭାରତକୁ  ପ୍ରତ୍ୟର୍ପଣ ଲାଗି ସମସ୍ତ ପ୍ରକାରର ଉଦ୍ୟମ କରାଯାଉଛି। କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)ର ଜଣେ ଅଧିକାରୀ ଏ ନେଇ ମଙ୍ଗଳବାର ସୂଚନା ଦେଇଛନ୍ତି। 


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା