Dharitri News
ବ୍ରହ୍ମପୁର

ଏଟି ଗ୍ରୁପ ମାଲିକ ପ୍ରଦୀପ ସେଠୀ ବ୍ରହ୍ମପୁର କୋର୍ଟରେ ହାଜର

ଏଟି ଗ୍ରୁପ ମାଲିକ ପ୍ରଦୀପ ସେଠୀ ବ୍ରହ୍ମପୁର କୋର୍ଟରେ ହାଜର ବ୍ରହ୍ମପୁର ଅଫିସ,୮।୨- ଓଡିଶା ଚିଟ୍‌ଫଣ୍ଡ ଘଟଣାରେ ଜଡିତ ଥିବା ଅର୍ଥତତ୍ତ୍ୱ (ଏଟି) ଗ୍ରୁପ ମାଲିକ ପ୍ରଦୀପ ସେଠୀଙ୍କୁ ଗୁରୁବାର କଡା ପୋଲିସ ସୁରକ୍ଷା ବଳୟ ମଧ୍ୟରେ ବ୍ରହ୍ମପୁର ମଣ୍ଡଳ କାରାଗାରରୁ ଚିଟ୍‌ଫଣ୍ଡ କୋର୍ଟରେ ହାଜର କରାଯାଇଥିଲା। ପରେ ତାଙ୍କୁ ପୁଣି ବ୍ରହ୍ମପୁର ମଣ୍ଡଳକାରାଗାରକୁ ନିଆଯାଇଥିଲା। ପ୍ରଦୀପଙ୍କ ନାମରେ ବ୍ରହ୍ମପୁର ଟାଉନ ଥାନା ଓ ବୈଦ୍ୟନାଥପୁର ଥାନାରେ ମୋଟ ୪ଟି ମାମଲା ରହିଛି। ସମସ୍ତ ମାମଲାକୁ ଗୋଟିଏ ମାମଲାରେ ପରିଣତ କରିବାକୁ ପ୍ରଦୀପଙ୍କ ଓକିଲ କୋର୍ଟରେ ଆବେଦନ କରିଥିଲେ। ଏହାର ବିଚାର ପାଇଁ ପ୍ରଦୀପଙ୍କୁ କୋର୍ଟରେ ହାଜର କରାଯାଇଥିଲା। ସେଥିମଧ୍ୟରୁ ୨ଟି ମାମଲା (ନଂ.୧୯୧/୧୭ ଓ ୧୯୨/୧୭)ରେ ପ୍ରଦୀପଙ୍କୁ ବୈଦ୍ୟନାଥପୁର ଥାନା ପୋଲିସ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଥିଲା। ଏହାର ଆଗାମୀ ଶୁଣାଣି ଆସନ୍ତା ୧୨ ତାରିଖ ଓ ୨୨ ତାରିଖରେ ହେବାକୁ ଧାର୍ଯ୍ୟ ହୋଇଛି ବୋଲି ସରକାରୀ ଓକିଲ ବିଜୟ ପ୍ରଧାନଙ୍କଠାରୁ ସୂଚନା ମିଳିଛି।

ବିଜେପୁର ନିର୍ବାଚନ ଫଳାଫଳ

ବିଜେଡି 0
ବିଜେପି 0
କଂଗ୍ରେସ 0
  ଅନ୍ୟାନ୍ୟ 0

Model This Week

ସ୍ୱପ୍ନା

ବ୍ରହ୍ମପୁର

ବଡ଼ ମେଡିକାଲ ଡାକ୍ତର କ୍ବାର୍ଟର୍ସରୁ ଚୋରି

ବଡ଼ ମେଡିକାଲ ଡାକ୍ତର କ୍ବାର୍ଟର୍ସରୁ ଚୋରି

ବ୍ରହ୍ମପୁର ଅଫିସ,୨୫।୨- ହରରେ ଚୋରି ଓ ଡକାୟତି ମାତ୍ରା ଏତେ ବଢି ଯାଇଛି ଯେ ବ୍ରହ୍ମପୁର ପୋଲିସ ପାଇଁ ଏକ ବଡ ଚ୍ୟାଲେଞ୍ଜ ରୂପେ ଉଭା ହୋଇଛି। ପୋଲିସର କଡା ପାଟ୍ରୋଲିଂ ପରେ ମଧ୍ୟ ଚୋର ଗ୍ୟାଙ୍ଗ ବର୍ତ୍ତମାନ ସହରରେ ଦିନକୁ ଦିନ ସକ୍ରିୟ ହେବାକୁ ଲାଗିଥିବା ଦେଖିବାକୁ ମିଳିଛି। ବର୍ତ୍ତମାନ ଡାକ୍ତର ମାନଙ୍କ ଘର ଉପରେ ଚୋର ଗ୍ୟାଙ୍ଗର ନଜର ପଡିଛି। ଶନିବାର ବିଳମ୍ବିତ ରାତିରେ ବଡ ମେଡିକାଲରେ ଥିବା କେତେକ ଡାକ୍ତରଙ୍କ କ୍ବାର୍ଟର୍ସରୁ ଚୋରି ହୋଇଥିବା ଜଣାପଡିଛି। ବଡ ମେଡିକାଲର ସୁରକ୍ଷା ବ୍ୟବସ୍ଥାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।

ପରିବେଶ ମନ୍ତ୍ରୀଙ୍କ କୃଷ୍ଣସାର ବସତି ଅଞ୍ଚଳ ପରିଦର୍ଶନ

ପରିବେଶ ମନ୍ତ୍ରୀଙ୍କ କୃଷ୍ଣସାର ବସତି ଅଞ୍ଚଳ ପରିଦର୍ଶନ

ଆସିକା,୨୫।୨ (ଡି.ଏନ୍‌.ଏ)- ଆସିକା ବନାଞ୍ଚଳ ଅନ୍ତର୍ଗତ ଭେଟନଈ ଅଞ୍ଚଳ ବିରଳ କୃଷ୍ଣସାର ମୃଗଙ୍କ ବସତି ଲାଗି ସ୍ବତନ୍ତ୍ର ପରିଚୟ ସୃଷ୍ଟି କରିଛି। ରବିବାର ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ ସପତ୍ନୀକ ଏହି ଅଞ୍ଚଳ ପରିଦର୍ଶନ କରିଛନ୍ତି। ମନ୍ତ୍ରୀ ଚାରିମଇଲି ଛକରେ ଥିବା କୃଷ୍ଣସାର ମୃଗ ଶୁଶ୍ରୂଷା କେନ୍ଦ୍ର ବୁଲି ଦେଖିବା ସହ ଚାରିମଇଲି - ସିଦ୍ଧନଇ ରାସ୍ତାକଡରେ ଥିବା ୱାଚ ଟାୱାରରେ ବସି ମୃଗଙ୍କ ଗତିବିଧି ଅନୁଧ୍ୟାନ କରିଥିଲେ।

ଗୋଷ୍ଠୀ ବିବାଦ: ପାନୀୟ ଜଳ ପ୍ରକଳ୍ପ ଉଦ୍‌ଘାଟନ ବାତିଲ

ଦିଗପହଣ୍ଡି,୨୫।୨(ଡି.ଏନ.ଏ.)- ଦିଗପହଣ୍ଡି ବ୍ଲକ ବି.ତୁରୁବୁଡ଼ି ପଞ୍ଚାୟତରେ ବିଜେଡିର ଦୁଇ ଗୋଷ୍ଠୀ ମଧ୍ୟରେ ଛକାପଞ୍ଝା କାରଣରୁ ରବିବାର ଲକ୍ଷ୍ମୀନାରାୟଣପୁର ଏବଂ କାଣ୍ଡେଶ୍ୱର ଗ୍ରାମ ପାନୀୟ ଜଳ ପ୍ରକଳ୍ପ ଉଦଘାଟନ କାର୍ଯ୍ୟକ୍ରମକୁ ବାତିଲ କରାଯାଇଛି। ପାନୀୟ ଜଳ ପ୍ରକଳ୍ପ ଉଦଘାଟନୀ ଫଳକ ସ୍ଥାପନକୁ କେନ୍ଦ୍ରକରି କାଣ୍ଡେଶ୍ୱର ଗ୍ରାମରେ ବିଜେଡିର ଦୁଇ ସମର୍ଥକ ଗୋଷ୍ଠୀ ମଧ୍ୟରେ ଶନିବାର ରାତିରେ ସଂଘର୍ଷ ଘଟିଥିଲା । ପ୍ରତିପକ୍ଷ ଗୋଷ୍ଠୀର ଆକ୍ରମଣରେ ସତାରି ସୁରେନ୍ଦ୍ର ରେଡ଼ୀ ଆହତ ହୋଇଥିଲେ। ପାନୀୟ ଜଳ ପ୍ରକଳ୍ପ ସ୍ଥଳରେ ସ୍ଥାପନ କରାଯାଇଥିବା ଉଦଘାଟନୀ ଫଳକକୁ ବିପକ୍ଷ ଗୋଷ୍ଠୀର କିଛି ବ୍ୟକ୍ତି ଭାଙ୍ଗି ଦେଇଥିବାରୁ ଉତ୍ତେଜନା ପ୍ରକାଶ ପାଇଥିଲା । ସ୍ଥାନୀୟ ବିଧାୟକ ତଥା ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ଉଭୟ ଗୋଷ୍ଠୀର ମୁଖିଆଙ୍କ ସହ ଆଲୋଚନା କରିବା ପରେ ଉଦଘାଟନୀ କାର୍ଯ୍ୟକ୍ରମକୁ ବାତିଲ କରାଯାଇଛି।

ଅଗ୍ନିକାଣ୍ଡରେ ୬ ବଖରା ପୋଡ଼ିଗଲା

ଶଙ୍କରାଖୋଲ,୨୫।୨ (ଡି.ଏନ୍‌.ଏ.): କନ୍ଧମାଳ ଜିଲା ଚକାପାଦ ବ୍ଲକ ବସ୍ତିଙ୍ଗିଆ ପଞ୍ଚାୟତର ବୃତ୍ତଙ୍ଗ ଗ୍ରାମରେ ରବିବାର ମଧ୍ୟାହ୍ନରେ ନିଅଁା ଲାଗି ୩ ପରିବାରର ୬ ବଖରା ପୋଡି ପାଉଁଶ ହୋଇ ଯାଇଛି। ଟିକାବାଲି ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚତ୍ ନିଅଁାକୁ ଆୟତ କରିଥିଲେ। କାମେଶ୍ୱର କହଁରଙ୍କ ୩ ବଖରା ଓ ତାଙ୍କ ଭାଇ ଗୟା ଓ ଜଗନ୍ନାଥଙ୍କର ୩ ବଖରା ପୋଡି ଯାଇଛି। ଏହି ପରିବାର ବିପିଏଲ ଅନ୍ତର୍ଭୁକ୍ତ ହୋଇଥିବାରୁ ତୁରନ୍ତ ଘର ଯୋଗାଇ ଦେବାକୁ ସାଧାରଣରେ ଦାବି ହେଉଛି।

ଖତ ଖାଉଛି ଅତ୍ୟାଧୁନିକ ମେଶିନ

ଖତ ଖାଉଛି ଅତ୍ୟାଧୁନିକ ମେଶିନ

ବାଲିପଡ଼ା,୨୫।୨- ଦକ୍ଷିଣ ଓଡ଼ିଶାର ଏକମାତ୍ର ଆୟୁର୍ବେଦିକ ପ୍ରତିଷ୍ଠାନ କବିରାଜ ଅନନ୍ତ ତ୍ରିପାଠୀ ଶର୍ମା ଆୟୁର୍ବେଦିକ ମହାବିଦ୍ୟାଳୟ ଓ ଚିକିତ୍ସାଳୟ (କେଏଟିଏସ)ରେ ନାନାଦି ସମସ୍ୟା ଲାଗି ରହିଛି। ବର୍ତ୍ତମାନ ଚିକିତ୍ସାଳୟରେ ରୋଗୀଙ୍କ ଚିକିତ୍ସା ପାଇଁ ଉଦ୍ଧିଷ୍ଟ ଥିବା ମେଶିନ ବର୍ତ୍ତମାନ କାମରେ ଆସୁନି।

କନ୍ଧମାଳ ଜିଲାରେ ବାଲି ଚୋରଙ୍କ ରାଜ୍‌

କନ୍ଧମାଳ ଜିଲାରେ ବାଲି ଚୋରଙ୍କ ରାଜ୍‌

ଫୁଲବାଣୀ ଅଫିସ, ୨୫।୨- ଟେଣ୍ଡରକୁ ନେଇ ସବୁ ବେଳେ ଅଘଟଣ ଘଟୁଛି। ବିଶେଷ କରି ଉପକୂଳ ଜିଲାରେ ଏହାର ଉଦାହରଣ ଅଧିକ କନ୍ଧମାଳ ଭଳି ପଛୁଆ ଜିଲା ତଥା ଜଙ୍ଗଲ ଉପାନ୍ତ ଅଞ୍ଚଳରେ ଏପରି ଘଟଣା ହେଉ ନ ଥିବା ସାଧାରଣରେ ବିଶ୍ୱାସ ରହିଛି। ତାହା ବି ସତ୍ୟ, ହେଲେ ଏହାର ଫାଇଦା ଉଠାଉଛନ୍ତି ଖୋଦ ସରକାରୀ କର୍ମଚାରୀ। ବହୁ ବାଲି ଘାଟ ଏଠାରେ ଟେଣ୍ଡର ହେଉନାହିଁ। ଯାହାର ଫାଇଦା ବାଲି ମାଫିଆ ଏବଂ ପ୍ରଶାସନିକ ଅଧିକାରୀ ଉଠାଉଛନ୍ତି। ଏଥିରେ ଖୋଦ ରାଜସ୍ବ ନିରୀକ୍ଷକ(ଆରଆଇ) ମାଷ୍ଟର ମାଇଣ୍ଡ ଭାବେ କାର୍ଯ୍ୟ କରି ମାସିକ ବଟି ଆଦାୟ କରୁଛନ୍ତି।

ମାଟ୍ରିକ ପରୀକ୍ଷା ଦେବାରୁ ବଂଚିତ ହେଲେ ଛାତ୍ରୀ, ନ୍ୟାୟ ପାଇଁ ଜିଲାପାଳଙ୍କ ଦ୍ୱାରସ୍ଥ

ମାଟ୍ରିକ ପରୀକ୍ଷା ଦେବାରୁ ବଂଚିତ ହେଲେ ଛାତ୍ରୀ, ନ୍ୟାୟ ପାଇଁ ଜିଲାପାଳଙ୍କ ଦ୍ୱାରସ୍ଥ

ବୁଗୁଡ଼ା,୨୫।୨(ଡି.ଏନ.ଏ.)- ବୁଗୁଡ଼ା ବଂଚିତ ନାରାୟଣ ବାଳିକା ଉଚ୍ଚ ବିଦ୍ୟାଳୟ ଛାତ୍ରୀ କାଜଲ ଗୌଡ଼ ପରୀକ୍ଷା ଫି ବାନ୍ଧିଥିଲେ ମଧ୍ୟ ମାଟ୍ରିକ ପରୀକ୍ଷା ଦେବାରୁ ବଞ୍ଚତ୍ତ ହୋଇଛନ୍ତି। ଏହାର ନ୍ୟାୟ ପାଇବା ପାଇଁ ଗଞ୍ଜାମ ଜିଲାପାଳଙ୍କ ନିକଟରେ ସେ ଲିଖିତ ଅଭିଯୋଗ କରିଛନ୍ତି। ଏଥିସହ ସେ ଓ ତାଙ୍କ ମା’ ଏ ସମ୍ପର୍କରେ ଭଞ୍ଜନଗର ଉପଜିଲାପାଳ, ମାଧ୍ୟମିକ ଶିକ୍ଷା ପରିଷଦ, କଟକ, ଗଞ୍ଜାମ ଜିଲା ଶିକ୍ଷାଧିକାରୀ, ବୁଗୁଡ଼ା ଗୋଷ୍ଠୀ ଶିକ୍ଷାଧିକାରୀ, ଗଞ୍ଜାମ ଜିଲା ଆରକ୍ଷୀ ଅଧୀକ୍ଷକଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି।

ଏନ୍‌କାଉଣ୍ଟରେ ଆହତ ଘଟଣା: ସୁସ୍ଥ ହେବା ପରେ ୨ ଅଭିଯୁକ୍ତ କୋର୍ଟ ଚାଲାଣ

ଏନ୍‌କାଉଣ୍ଟରେ ଆହତ ଘଟଣା: ସୁସ୍ଥ ହେବା ପରେ ୨ ଅଭିଯୁକ୍ତ କୋର୍ଟ ଚାଲାଣ

ଆସିକା,୨୫।୨ (ଡି.ଏନ୍‌.ଏ.)- ଆସିକା ଥାନା କର୍ଣ୍ଣୋଳି ଗ୍ରାମ ନିକଟରେ ୬ ତାରିଖରେ ପୋଲିସ ଏନ୍‌କାଉଣ୍ଟରରେ ୨ ଆହତ ହୋଇଥିଲେ। ଅପରାଧ ଘଟାଇବା ପାଇଁ ସୁପାରି ନେଇଥିବା ଆନ୍ତଃରାଜ୍ୟ ଅପରାଧୀ ଗ୍ୟାାଙ୍ଗର ସଦସ୍ୟ ଉତ୍ତର ପ୍ରଦେଶ ବାଲିଆ ଅଞ୍ଚଳର ଲଛମନ ନିରଞ୍ଜନ ରାଜପୁତ ଓରଫ ପପୁ ଓ କୋଦଳା ଥାନା ଶରଧାପୁର ଗ୍ରାମର ଟୁନା ଗୌଡ ପୋଲିସ ଗୁଳିରେ ଆହତ ହୋଇ ବ୍ରହ୍ମପୁର ବଡ ମେଡିକାଲରେ ଚିକିତ୍ସିତ ହେଉଥିଲେ।

ନିଆଁ ଲାଗି ଆଖୁ ଫସଲ ନଷ୍ଟ

ନିଆଁ ଲାଗି ଆଖୁ ଫସଲ ନଷ୍ଟ

ବାଲିପଡ଼ା,୨୫।୨- କୁକୁଡ଼ାଖଣ୍ଡି ଗ୍ରାମ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନିକଟରେ ଥିବା ଆଖୁ ବାଡ଼ରେ ଶନିବାର ସନ୍ଧ୍ୟାରେ ନିଆଁ ଲାଗି ଫସଲ ନଷ୍ଟ ହୋଇଥିବା ଜଣାପଡ଼ିଛି। ଘଟଣାରୁ ପ୍ରକାଶ, ଉକ୍ତ ଗ୍ରାମର ଶ୍ୱେତ କୁମାର ପାତ୍ର ୩ ଏକର ଜମିରେ ଆଖୁଚାଷ କରିଥିଲେ। କୌଣସି କାରଣବଶତଃ ସେଥିରେ ନିଆଁ ଲାଗିଯିବାରୁ ବହୁ ଫସଲ ନଷ୍ଟ ହୋଇଛି। କେଉଁ କାରଣରୁ ନିଆଁ ଲାଗିଲା ଜଣାପଡ଼ିନଥିବା ବେଳେ ପୁର୍ବଶତ୍ରୁତା କାରଣରୁ କେହି ଏପରି କରିଥିବା ଅଞ୍ଚଳବାସୀ ସନ୍ଦେହ କରୁଛନ୍ତି। ବ୍ରହ୍ମପୁର ଦମକଳବାହିନୀ ଘଟଣାସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିଥିଲା।

ଦୁର୍ଘଟଣାରେ ଯୁବକଙ୍କ ମୃତ୍ୟୁ

ଦୁର୍ଘଟଣାରେ ଯୁବକଙ୍କ ମୃତ୍ୟୁ

ଚିକିଟି,୨୫।୨(ଡି.ଏନ.ଏ.)- ଗୋଳନ୍ଥରା ଥାନା ହିଞ୍ଜିଳି ଗ୍ରାମ ନିକଟରେ ଶନିବାର ରାତି ପ୍ରାୟ ୧୧ଟାରେ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ବଡବଜାର ଥାନା ବାଲୁଙ୍କେଶ୍ୱର ମନ୍ଦିର ଜଙ୍କଶନ ରୋଡର ଜିତେନ୍ଦ୍ର କୁମାର ପଣ୍ଡା (୩୨)।

ଚିତ୍ରସେନ ହତ୍ୟା ମାମଲା: ୪ ଜଣଙ୍କୁ ଆଜୀବନ କାରାଦଣ୍ଡ

ଚିତ୍ରସେନ ହତ୍ୟା ମାମଲା: ୪ ଜଣଙ୍କୁ ଆଜୀବନ କାରାଦଣ୍ଡ

ଛତ୍ରପୁର,୨୪।୨(ଡି.ଏନ.ଏ.) - ଗଞ୍ଜାମ ଜିଲା କୋଦଳା ଥାନା ମର୍ଦ୍ଦମେଖ (ମାଟିଗଡ) ଗାଁର ଚିତ୍ରସେନ ଦଳାଇଙ୍କୁ ୨୦୧୩ ଅକ୍ଟୋବର ୨୧ ତାରିଖରେ ହତ୍ୟା କରାଯାଇଥିଲା। ଏହି ମାମଲାରେ ସମ୍ପୃକ୍ତ ୪ ଜଣ ଶନିବାର ଆଜୀବନ କାରାଦଣ୍ଡରେ ଦଣ୍ଡିତ ହୋଇଛନ୍ତି। ଏମାନେ ହେଲେ ମର୍ଦ୍ଦମେଖ (ମାଟିଗଡ) ଗାଁର ରାମଚନ୍ଦ୍ର ସ୍ବାଇଁ ଏବଂ ତାଙ୍କ ୨ ପୁଅ ପ୍ରଶାନ୍ତ ଓ ସୁର୍ଦଶନ, ଭାଇ ଗଣପତି ସ୍ବାଇଁ। ଏହି ହତ୍ୟା ମାମଲାର ଶୁଣାଣି କରି ଏଡିଜେ ଶିଖା ରାଣୀ ରଥ ଉପରୋକ୍ତ ରାୟ ଶୁଣାଇଛନ୍ତି। ଆଜୀବନ କାରାଦଣ୍ଡ ସହ ପ୍ରତ୍ୟେକଙ୍କ ଉପରେ ୫ ହଜାର ଟଙ୍କା ଲେଖାଏର ଜରିମାନା କରାଯାଇଛି। ଜରିମାନା ଅର୍ଥ ଅନାଦାୟ ହେଲେ ଅତିରିକ୍ତ ୬ ମାସ ଜେଲ ଦଣ୍ଡ ଭୋଗିବାକୁ ପଡିବ। ଏପିପି ଶରତ ଚନ୍ଦ୍ର ପ୍ରଧାନ ଓ ସରକାରୀ ଓକିଲ ଡମିନାଥ ସାହୁ ମାମଲା ପରିଚାଳନା କରିଥିଲେ।

ଘନା ରେଡ୍ଡୀ ହତ୍ୟା ମାମଲା: ପ୍ରମାଣ ଅଭାବରୁ ଅଭିଯୁକ୍ତ ନିର୍ଦ୍ଦୋଷ

ବ୍ରହ୍ମପୁର ଅଫିସ,୨୪।୨-ଗଞ୍ଜାମ ଜିଲା କୋର୍ଟର ଜଜ୍‌ ମଳୟରଞ୍ଜନ ଦାଶ ଶନିବାର ବ୍ରହ୍ମପୁର ଶୀତଳାପଲ୍ଲୀ ଗ୍ରାମର ଜି. ଘନା ରେଡ୍ଡୀ ହତ୍ୟା ମାମଲାର ବିଚାର କରି ପ୍ରମାଣ ଅଭାବରୁ ବି. ଭେଙ୍କଟେଶଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। ସୂଚନା ଅନୁଯାୟୀ, ୨୦୧୪ ଏପ୍ରିଲ ୬ ତାରିଖରେ ଘନା ସ୍ଥାନୀୟ ଏକ ମନ୍ଦିରକୁ ଭୋଜି ଖାଇବାକୁ ଯାଇଥିଲେ। ସେଠାକୁ ସେହି ଗ୍ରାମର ଭେଙ୍କଟେଶ ମଧ୍ୟ ଯାଇଥିଲେ। ସେଠାରେ ଭେଙ୍କଟେଶ କୁଆଡେ ଘନାଙ୍କୁ ଏକ ପିତ୍ତଳ ହାଣ୍ଡି ୫୦୦ ଟଙ୍କାରେ ବିକ୍ରି କରିଥିଲେ। ତେବେ ଘନା ତାଙ୍କୁ ୫୦୦ ଟଙ୍କା ନ ଦେଇ ୩୦୦ ଟଙ୍କା ଦେଇଥିଲେ।