ବ୍ରହ୍ମପୁର

କନ୍ଧମାଳ ମହୋତ୍ସବ ଉଦ୍‌ଘାଟିତ: ଜିଲାର କଳା ସଂସ୍କୃତି ନିଆରା, ସ୍ବତନ୍ତ୍ର

କନ୍ଧମାଳ ମହୋତ୍ସବ ଉଦ୍‌ଘାଟିତ: ଜିଲାର କଳା ସଂସ୍କୃତି ନିଆରା, ସ୍ବତନ୍ତ୍ର
ଫୁଲବାଣୀ ଅଫିସ, ୮।୨- ଗୋରା ଶାସନ କାଳରେ ଏଠାରେ ଯାତ୍ରା ହେଉଥିଲା। ଶଗଡ ଗାଡିରେ ଲୋକେ ବହୁ ଦୂର ଦୂରାନ୍ତରୁ ଆସୁଥିଲେ। ଯାତ୍ରା ପରମ୍ପରା ଏଠାରେ ବହୁତ ପୁରୁଣା। ଆଜି ତାକୁ ପୁଣି ଉଜ୍ଜିବିତ କରାଯାଇଛି। ନାରାୟଣୀ ମନ୍ଦିରରୁ ଶୋଭାଯାତ୍ରା ବାହାରି ମହୋତ୍ସବ ପଡିଆରେ ପହଞ୍ଚିଥିଲା। ସବୁ ବ୍ଲକର ଲୋକେ, କଳାକାର ଏଥିରେ ସାମିଲ ଥିଲେ। ତେଣୁ ଉତ୍ସବ ହେଉଛି ଏକାଠି କରିବାର ଏକ ମାଧ୍ୟମ। ଏହାକୁ ବଜାୟ ରଖିବା ଦରକାର। ତେଣୁ ଉତ୍ସବ ଆୟୋଜନର ଆବଶ୍ୟକତା ରହିଛି। ଏହି ଜିଲାର କଳା ସଂସ୍କୃତି ନିଆରା ଏବଂ ସ୍ବତନ୍ତ୍ର ବୋଲି କନ୍ଧମାଳ ମହୋତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ବାଚସ୍ପତି ପ୍ରଦୀପ କୁମାର ଅମାତ ପ୍ରକାଶ କରିଛନ୍ତି। ଫୁଲବାଣୀ କରୋନେସନ ପଡିଆରେ ଜିଲାପାଳ ଡା.ବୃନ୍ଦା ଡିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ଅତିଥି ଭାବେ ଫୁଲବାଣୀ ବିଧାୟକ ଦୁଗୁନି କହଁର, ଜିଲା ପରିଷଦ ଅଧ୍ୟକ୍ଷା ଆକାଂକ୍ଷା ପ୍ରଧାନ ଓ ପୌରାଧ୍ୟକ୍ଷ ରାଜେନ୍ଦ୍ର କହଁର ପ୍ରମୁଖ ଯୋଗଦେଇ ସେମାନଙ୍କ ବକ୍ତବ୍ୟ ରଖିଥିଲେ। ଏହି ଅବସରରେ ସ୍ମରଣିକା ଅତିଥିଙ୍କ ଦ୍ୱାରା ଉନ୍ମୋଚିତ ହୋଇଥିଲା। ସେହିପରି ଜିଲାର ବିଭିନ୍ନ କ୍ଷେତ୍ରରେ ପାରିଦର୍ଶିତା ଦେଖାଇଥିବା ବ୍ୟକ୍ତି ବିଶେଷଙ୍କୁ, ପାଠରେ ଭଲ କରିଥିବା ଛାତ୍ରୀଛାତ୍ରଙ୍କୁ ଅତିଥିମାନେ ପୁରସ୍କୃତ କରିଥିଲେ।
All Right Reserved By

ବ୍ରହ୍ମପୁର

 ପରମଦଙ୍ଗ ଉଚ୍ଚ ବିଦ୍ୟାଳୟରେ ଶିକ୍ଷକ ଅଭାବ: ଗ୍ରାମବାସୀଙ୍କ  ଜାତୀୟ ରାଜପଥ ଅବରୋଧ

ପରମଦଙ୍ଗ ଉଚ୍ଚ ବିଦ୍ୟାଳୟରେ ଶିକ୍ଷକ ଅଭାବ: ଗ୍ରାମବାସୀଙ୍କ ଜାତୀୟ ରାଜପଥ ଅବରୋଧ

ବାଲିଗୁଡ଼ା,୧୯।୯(ଡି.ଏନ୍‌.ଏ): କନ୍ଧମାଳ ଜିଲା ବାଲିଗୁଡ଼ା ବ୍ଲକ ଅଧୀନ ପରମଦଙ୍ଗ ଉଚ୍ଚ ବିଦ୍ୟାଳୟରେ ଶିକ୍ଷକ ଅଭାବକୁ କେନ୍ଦ୍ରକରି ପରମଦଙ୍ଗ ଏବଂ ଦଡ଼କଙ୍ଗିଆ ପଞ୍ଚାୟତବାସୀ ବୁଧବାର  ୫୯ନଂ ଜାତୀୟ ରାଜପଥ ଅବରୋଧ କରିଛନ୍ତି। 

ଭାଜପାର ଦୁର୍ଗମ ପମସ୍‌ ଗ୍ରାମରେ ମୋ ବୁଥ୍‌ ଚାଲ ଅଭିଯାନ

ଭାଜପାର ଦୁର୍ଗମ ପମସ୍‌ ଗ୍ରାମରେ ମୋ ବୁଥ୍‌ ଚାଲ ଅଭିଯାନ

ଦାରିଙ୍ଗବାଡ଼ି,୧୯।୯(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଦୁର୍ଗମ ତାଜୁଙ୍ଗିଆ ପଞ୍ଚାୟତର ପମସ୍‌ ଗ୍ରାମରେ ଭାଜପା ପକ୍ଷରୁ ମୋ ବୁଥ୍‌ ଚାଲ ଅଭିଯାନ କାର୍ଯ୍ୟକ୍ରମ ମଙ୍ଗଳବାର ଅନୁଷ୍ଠିତ ହୋଇଯାଇଛି। 

ପିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣା: ଗିରଫ ପରେ ଅଭିଯୁକ୍ତ କୋର୍ଟଚାଲାଣ

ପିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣା: ଗିରଫ ପରେ ଅଭିଯୁକ୍ତ କୋର୍ଟଚାଲାଣ

ବ୍ରହ୍ମପୁର ଅଫିସ, ୧୯।୯: ବ୍ରହ୍ମପୁର ଏମ୍‌କେସିଜି ମେଡିକାଲ କଲେଜରେ ପିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣାରେ ବୈଦ୍ୟନାଥପୁର ଥାନା ପୋଲିସ କମାପଲୀଖଳା ସାହିର ଜଣେ ଯୁବକଙ୍କୁ ଗିରଫ କରି ବୁଧବାର କୋର୍ଟଚାଲାଣ କରିଛି। ସେ ହେଲେ ପିଣ୍ଟୁ ଦୋରା। 

ବ୍ରହ୍ମପୁର ମହାନଗର ନିଗମ ପକ୍ଷରୁ ଜବରଦଖଲ ଉଚ୍ଛେଦ

ବ୍ରହ୍ମପୁର ମହାନଗର ନିଗମ ପକ୍ଷରୁ ଜବରଦଖଲ ଉଚ୍ଛେଦ

ବ୍ରହ୍ମପୁର ଅଫିସ,୧୯।୯: ବ୍ରହ୍ମପୁର ମହାନଗର ନିଗମ ପକ୍ଷରୁ ରାସ୍ତା ସମ୍ପ୍ରସାରଣ ଓ ଡ୍ରେନ ନିର୍ମାଣ ପାଇଁ ତୁଳସୀନଗର ମୁଖ୍ୟ ରାସ୍ତାର ଦୁଇ ପାର୍ଶ୍ୱରୁ ଜବରଦଖଲ ଉଚ୍ଛେଦ କରାଯାଇଛି।

ଭିଜିଲାନ୍ସ ଜାଲରେ ଆଦିବାସୀ ଉନ୍ନୟନ ସଂସ୍ଥାର କନିଷ୍ଠ ଯନ୍ତ୍ରୀ

ଭିଜିଲାନ୍ସ ଜାଲରେ ଆଦିବାସୀ ଉନ୍ନୟନ ସଂସ୍ଥାର କନିଷ୍ଠ ଯନ୍ତ୍ରୀ

ବ୍ରହ୍ମପୁର ଅଫିସ,୧୯।୯: ଆୟ ବହିର୍ଭୁତ ସମତ୍ତି ଠୁଳ ଅଭିଯୋଗରେ ରାୟଗଡ଼ା ଜିଲା ଗୁଣୁପୁର ସମ୍ମନ୍ବିତ ଆଦିବାସୀ ଉନ୍ନୟନ ସଂସ୍ଥାର କନିଷ୍ଠ ଯନ୍ତ୍ରୀ ଗଗନ ବିହାରୀ ପତିଙ୍କ ଘରେ ବୁଧବାର ବ୍ରହ୍ମପୁର ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି।

ସବୁଜିମା ଉପରେ ବିଜ୍ଞାପନ ଗ୍ରହଣ

ସବୁଜିମା ଉପରେ ବିଜ୍ଞାପନ ଗ୍ରହଣ

ବ୍ରହ୍ମପୁର ଅଫିସ୍‌,୧୯ା୯-ବ୍ରହ୍ମପୁରକୁ ସବୁଜ ସୁନ୍ଦର ରଖିବା ପାଇଁ ସରକାରଙ୍କ ତରଫରୁ ମାଗଣାରେ ଚାରା ବଣ୍ଟନ ଏବଂ ରୋପଣ କରାଯାଉଛି । ଏଥିରେ ଅନେକ ସାମାଜିକ ସଂଗଠନ ମଧ୍ୟ ସାମିଲ୍‌ ହେଉଛନ୍ତି । ହେଲେ ଅନ୍ୟପଟେ କିଛି ଏମିତି ବ୍ୟକ୍ତି ଏବଂ ସଂଗଠନ ମଧ୍ୟ ରହିଛି, ଯେଉଁମାନେ ବୃକ୍ଷ ହତ୍ୟା କରୁଛନ୍ତି। ଏମାନଙ୍କ ମଧ୍ୟରେ ରହିଛନ୍ତି କୋଚିଂ ସେଣ୍ଟର୍‌, କମ୍ପ୍ୟୁଟର୍‌ ସେଣ୍ଟର୍‌, ନର୍ସିଂ ହୋମ୍‌ ଏବଂ ଅନ୍ୟ କେତେକ ବ୍ୟବସାୟିକ ସଂସ୍ଥା । ବିଭିନ୍ନ ରୋଗର ଉପଶମର ପ୍ରତିଶ୍ରୁତି ଭରା ବିଜ୍ଞାପନନଗୁଡ଼ିକ କିନ୍ତୁ ବୃକ୍ଷକୁ ରୋଗୀଣା କରିଦେଉଛନ୍ତି । ନିଜର ପ୍ରଚାର କରିବା ପାଇଁ ଏହି ସଂସ୍ଥାଗୁଡ଼ିକ ବୃକ୍ଷରେ ବିଜ୍ଞାପନ ଲଗାଇ ଦେଉଛନ୍ତି । ବିଜ୍ଞାପନକୁ ଖଞ୍ଜିବା ପାଇଁ ବୃକ୍ଷଗୁଡ଼ିକରେ ୧୫ରୁ ୨୦ ଲୁହାକଣ୍ଟା ଏବଂ ଲୁହାର ତାର ଲଗାଉଛନ୍ତି । ଫଳରେ ବୃକ୍ଷଟି ଧୀରେ ଧୀରେ ଦୁର୍ବଳ ହେବା ସହ ଶୁଖି ଯାଉଛି । ଆଉ ସବୁଜିମା ରହୁନାହିଁ ।ବ୍ରହ୍ମପୁର ସହରର ବିଭିନ୍ନ ରାସ୍ତା କଡ଼ରେ ବହୁ ସଂଖ୍ୟକ ଗଛ ଥିବା ଯୋଗୁ, ସେଗୁଡ଼ିକରେ ବିଜ୍ଞାପନ ଲଗାଇ ନିଜର ପ୍ରଚାର କରାଯାଉଛି । 

ଗୋଆରେ ମତ୍ସ୍ୟଜୀବୀ ମୃତ, ଜିଲାପାଳଙ୍କୁ ଭେଟିଲେ ପରିବାରବର୍ଗ

ଛତ୍ରପୁର,୧୯ା୯(ଡି.ଏନ.ଏ.): -ଗୋଆରେ ଚମାଖଣ୍ଡି ଥାନା କତୁରୁ ଗାଁର ମତ୍ସ୍ୟଜୀବୀ ଜି. ନାରାୟଣଙ୍କ ମୃତ୍ୟୁ ଘଟିଛି। ସମୁଦ୍ରକୁ ମାଛ ମାରିବାକୁ ଯାଇଥିବା ବେଳେ ତାଙ୍କର ମୃତ୍ୟୁ ହୋଇଛି ା ତେବେ କିଭଳି ମୃତ୍ୟୁ ହେଲା ତାହା ସ୍ପଷ୍ଟ ଜଣାପଡିନି ା ଏ ସମ୍ପର୍କରେ ନାରାୟଣଙ୍କ ଘରକୁ ମଙ୍ଗଳବାର ସକାଳେ ଖବର ଆସିବା ପରେ ବାପା ଜି. ଏରାୟା ଛତ୍ରପୁର ଆସି ଜିଲାପାଳ ବିଜୟ ଅମୃତା କୁଲାଙ୍ଗେଙ୍କୁ ଭେଟିଥିଲେ ା ପୁଅ ମୃତ୍ୟୁ ଘଟଣାର ତଦନ୍ତ ଓ ମୃତଦେହ ଘରକୁ ଫେରାଇ ଆଣିବା  ବ୍ୟବସ୍ଥା କରିବାକୁ ଏରୟା  ଜିଲାପାଳଙ୍କୁ ଅନୁରୋଧ କରିଛନ୍ତି।  ପ୍ରକାଶ ଯେ, ୯ ତାରିଖରେ ଅନ୍ୟ ଯୁବକ ମାନଙ୍କ ସହ ମିଶି ନାରାୟଣ ଗୋଆ ଯାଇଥିଲେ। ସେଠାରେ ରହି ସମୁଦ୍ରକୁ ଯାଇ ମାଛ ମାରିବା କାମରେ ନିୟୋଜିତ ଥିଲେ ା ବୋଟ୍‌ରେ ମାଛ ମାରିବାକୁ ଯାଇଥିବାବେଳେ ତାଙ୍କର ମୃତ୍ୟୁ ହୋଇଥିଲା ା ମୃତଦେହକୁ କୋଷ୍ଟଗାର୍ଡ ଜବତ କରି ସ୍ଥାନୀୟ ଥାନା ପୋଲିସକୁ ହସ୍ତାନ୍ତର କରିଥିଲେ ା

ସଚିବଙ୍କ ଭିଡିଓ କନଫରେସିଂରେ ଯୋଗଦେଲେନି ଯନ୍ତ୍ରୀ

ସଚିବଙ୍କ ଭିଡିଓ କନଫରେସିଂରେ ଯୋଗଦେଲେନି ଯନ୍ତ୍ରୀ

ଛତ୍ରପୁର,୧୯ା୯(ଡି.ଏନ.ଏ)-ରାଜ୍ୟ ଜଳ ସମ୍ପଦ ସଚିବ ଭୁବନେଶ୍ୱରରେ ରହି ଭିଡିଓ କନଫରେସିଂ ଜରିଆରେ ମଙ୍ଗଳବାର ଗଞ୍ଜାମ ଜିଲାର ବିଭାଗୀୟ ଯନ୍ତ୍ରୀଙ୍କ ସହ ଆଲୋଚନା କରିବା କାର୍ଯ୍ୟକ୍ରମ ରହିଥିଲା ା ମାତ୍ର ଜିଲାର ସମସ୍ତ ବିଭାଗୀୟ ଯନ୍ତ୍ରୀ ଛତ୍ରପୁରସ୍ଥିତ ଜିଲାପାଳଙ୍କ କାର୍ଯ୍ୟାଳୟରେ ଥିବା ଭିଡିଓକନଫରେସିଂ  ହଲ୍‌ରେ ଏହି କାର୍ଯ୍ୟକ୍ରମରେ ଅନୁପସ୍ଥିତ ରହିଥିବା ଦେଖିବାକୁ ମିଳିଥିଲା ା ଜିଲାପାଳ ବିଜୟ ଅମୃତା କୁଲାଙ୍ଗେ ଓ ଅନ୍ୟ ଉଚ୍ଚ ଅଧିକାରୀମାନେ ଏଥିରେ ଯୋଗ ଦେଇଥିଲେ। ଓଡିଶା ଡିପ୍ଲୋମା ଇଞ୍ଜିନିୟର ସେବା ସଂଘ ଗଞ୍ଜାମ ଜିଲା ଶାଖା ପକ୍ଷରୁ ଛତ୍ରପୁରସ୍ଥିତ ଜିଲାପାଳଙ୍କ କାର୍ଯ୍ୟାଳୟ ଆଗରେ ବିଭିନ୍ନ ଦାବି ନେଇ ଆନ୍ଦୋଳନ ଚାଲିଛି। ଛତ୍ରପୁର ବ୍ଲକରେ ମଧ୍ୟ ଯନ୍ତ୍ରୀମାନଙ୍କ ପକ୍ଷରୁ ଆନ୍ଦୋଳନ କରାଯାଇଛି। ଦରମା ଅବହେଳା ପ୍ରତିବାଦରେ ଯନ୍ତ୍ରୀମାନେ ମଙ୍ଗଳବାରଠାରୁ ସମୂହ ଛୁଟିରେ ଯାଇଛନ୍ତି।

ବିଏମ୍‌ସି ପକ୍ଷରୁ ପରିଚାଳନା ସଂସ୍ଥାକୁ ଶୋ-କଜ୍‌ ନୋଟିସ

ବିଏମ୍‌ସି ପକ୍ଷରୁ ପରିଚାଳନା ସଂସ୍ଥାକୁ ଶୋ-କଜ୍‌ ନୋଟିସ

 ବ୍ରହ୍ମପୁର ଅଫିସ,୧୯ା୯-ବ୍ରହ୍ମପୁରକୁ ବାହ୍ୟ ମଳମୁକ୍ତ ସହରରେ ପରିଣତ କରିବା ନେଇ ମେ ୧୩ ମାତୃ ଦିବସରୁ ବ୍ରହ୍ମପୁର ମହାନଗର ନିଗମ ପକ୍ଷରୁ ବାହ୍ୟ ମଳମୁକ୍ତ ଅଭିଯାନ କାର୍ଯ୍ୟକ୍ରମ ଆରମ୍ଭ ହୋଇଛି ା ଦୀର୍ଘ ୪ମାସ ମଧ୍ୟରେ  ସହରର ପ୍ରତ୍ୟେକ ବସ୍ତିଅଞ୍ଚଳ ସମେତ ସମସ୍ତ ଅଞ୍ଚଳରେ ଆବଶ୍ୟକ ମୁତାବକ ହାଇବ୍ରିଡ ଟଏଲେଟ, ମିନି ହାଇବ୍ରିଡ ଟଏଲେଟ, କମ୍ୟୁନିଟି ଟଏଲେଟ, ପବ୍ଲିକ ଟଏଲେଟ ନିର୍ମାଣ ହୋଇଛି ା କିନ୍ତୁ ସେଥିମଧ୍ୟରୁ  ଅତ୍ୟାଧୁନିକ କୌଶଳରେ ନିର୍ମିତ ହୋଇଥିବା ହାଇବ୍ରିଡ ଟଏଲେଟଗୁଡିକ ଉଦ୍‌ଘାଟନ ପରେ ମଧ୍ୟ ଠିକ ଭାବେ କାର୍ଯ୍ୟକାରୀ ହେଉନ ଥିବା ଅଭିଯୋଗ ହୋଇଛି ା ଏହାର ପରିଚାଳନା ଦାୟିତ୍ୱରେ ସୁଲଭ ଟଏଲେଟ ଗୁଡିକର ପରିଚାଳନା ଠିକ୍‌ ଭାବେ କରୁ ନ ଥିବା ବେଳେ ଅନେକ ଟଏଲେଟରେ  ଉଦ୍‌ଘାଟନ ପରଠାରୁ ତାଲା ଝୁଲୁଥିବା ଦେଖିବାକୁ ମିଳିଛି ା ଫଳରେ ୨୦ ଲକ୍ଷରୁ ଊଦ୍ଧ୍ୱର୍ର୍ ଟଙ୍କା ବ୍ୟୟରେ ନିର୍ମିତ ଏହି ଅତ୍ୟାଧୁନିକ ଟଏଲେଟ ବନ୍ଦ ରହୁଥିବା ନେଇ ଅଭିଯୋଗ ପରେ ମଙ୍ଗଳବାର ସୁଲଭକୁ ବିଏମ୍‌ସି ପକ୍ଷରୁ ଶୋ-କଜ୍‌ ନୋଟିସ ଜାରି କରାଯାଇଥିବା ଜଣାପଡିଛି। 

ଟାଙ୍ଗିଆରେ ହାଣି ସ୍ତ୍ରୀଙ୍କୁ ହତ୍ୟା

ମୋହନା,୧୯ା୯- ଗଜପତି ଜିଲା ମୋହନା ବ୍ଲକ ଅଡବା ଥାନା ପାଣିଗଣ୍ଡା ପଞ୍ଚାୟତ ଆଦିବାସୀ ଗ୍ରାମ ବୁଢାଡିହରେ ସୋମବାର ରାତି ପ୍ରାୟ ୩ଟାରେ ପାରିବାରିକ କଳହକୁ ନେଇ ସ୍ତ୍ରୀଙ୍କୁ ଟାଙ୍ଗିଆରେ ହାଣି ହତ୍ୟା ସ୍ବାମୀ ହତ୍ୟା କରିଛନ୍ତି । ମୃତକ ହେଲେ ସସ୍ମିତା ମଣ୍ଡଳ (୨୨)। ଏନେଇ ପୋଲିସ ହତ୍ୟାରେ ବ୍ୟବହୃତ ଟାଙ୍ଗିଆ ଜବତ କରିବା ସହ ସ୍ବାମୀ ମିଟୁ ମଣ୍ଡଳଙ୍କୁ ଗିରଫ କରିଛି ା ଏ ନେଇ ନଂ ୩୯/୧୮ରେ  ମାମଲା ରୁଜୁ ହୋଇଥିବା ଅଡବା ଭାରପ୍ରାପ୍ତ ଆଇଆଇସି ମୁକେଶ ଲାକ୍ରା ସୂଚନା ଦେଇଛନ୍ତି। ପ୍ରକାଶ ଯେ, ମିଟୁ କଲେଜରେ ପଢୁଥିବାବେଳେ ସହପାଠୀ ସସ୍ମିତାଙ୍କ ସହ ପ୍ରେମ ସମ୍ପର୍କ ଗଢି ଉଠିଥିଲା। ପ୍ରାୟ ବର୍ଷେ ତଳେ ସସ୍ମିତା ଗର୍ଭବତୀ ହେବାପରେ ମିଟୁଙ୍କ ଘରକୁ ଚାଲି ଆସିଥିଲେ। ଆଗରୁ  ମିଟୁ ଭଲ ପାଉଥିବା ଅନ୍ୟ ଜଣେ ଯୁବତୀ ମଧ୍ୟ ସେହି ଦିନ ତାଙ୍କ ଘରକୁ ଆସିଥିଲେ। ୨ ଜଣ ମିଟୁଙ୍କ ଘରେ ରହିଥିଲେ। ସସ୍ମିତା ୮ ମାସର ଗର୍ଭବତୀ ହେବାପରେ ମିଟୁ  ଶ୍ୱଶୁର ଘର ଗ୍ରାମ ନିକଟସ୍ଥ ସୁନ୍ଦରଗଡରେ ଛାଡି ଦେଇ ଆସିଥିଲେ। 

ବାଲଜ୍ୟୋତି କାର୍ଯ୍ୟକ୍ରମ ଶୁଭାରମ୍ଭ କଲେ ଜିଲାପାଳ

ବାଲଜ୍ୟୋତି କାର୍ଯ୍ୟକ୍ରମ ଶୁଭାରମ୍ଭ କଲେ ଜିଲାପାଳ

ଛତ୍ରପୁର,୧୯ା୯(ଡି.ଏନ.ଏ): ଗଞ୍ଜାମ ଜିଲା ସର୍ବଶିକ୍ଷା ଅଭିଯାନ ପକ୍ଷରୁ ମଙ୍ଗଳବାର ଛତ୍ରପୁର ଅନସ୍ଲୋ ହାଇସ୍କୁଲ ପରିସରରେ ବାଲଜ୍ୟୋତି କାର୍ଯ୍ୟକ୍ରମର ଶୁଭାରମ୍ଭ ହୋଇଛି।  ଜିଲାପାଳ ବିଜୟ ଅମୃତା କୁଲାଙ୍ଗେ ଏହି ଶିବିର ଉଦଘାଟନ କରିଥିଲେ। ଛତ୍ରପୁର ଉପଜିଲାପାଳ ଦେବବ୍ରତ ସାହୁ, ଜିଲା ଶିକ୍ଷା ଅଧିକାରୀ ସନାତନ ପଣ୍ଡା, ଡା. ଜଗଦୀଶ ପଟ୍ଟନାୟକ, ଜିଲା ସଂଯୋଜକ ତପନ କୁମାର ସାହୁ, ଛତ୍ରପୁର ବ୍ଲକ ଶିକ୍ଷା ଅଧିକାରୀ ଅବିନାଶ ଶତପଥୀ, ଅନସ୍ଲୋ ହାଇସ୍କୁଲ ପ୍ରଧାନଶିକ୍ଷକ ରାଧାକୃଷ୍ଣ ନାୟକ ଯୋଗ ଦେଇଥିଲେ। ଶିବିରରେ ୨୫୧ ଜଣ ପଞ୍ଜୀକରଣ କରିଥିଲେ। ସେମାନଙ୍କ ମଧ୍ୟରୁ ୧୯୩ ଜଣଙ୍କୁ ଚଷମା ବଣ୍ଟନ କରାଯାଇଥିଲା। ୧୪ ଜଣଙ୍କୁ ଅଧିକ ଚିକିତ୍ସା ପାଇଁ  ଚିହ୍ନଟ ହୋଇଥିଲା। ସରୋଜ ମୋହନ ପାଳ, ମଧୁସୂଦନ ପରିଡା, ଜ୍ୟୋତି ରଞ୍ଜନ ରଥ, ମନୋଜ ବେହେରା, ପ୍ରଶାନ୍ତ ବେହେରା, ଡମ୍ବରୁ ଦୋରା, ବିଜୟ କୁମାର ବେହେରା, ଅଶ୍ୱିନୀ ପାଇକରାୟ, ଦୀପାଞ୍ଜଳି ମହାନ୍ତି, ହେମନ୍ତ କୁମାର ନନ୍ଦ ଶିବିରରେ ଯୋଗ ଦେଇଥିଲେ।

ପେଟ୍ରୋଲ ପମ୍ପ କର୍ମଚାରୀଙ୍କଠାରୁ ଲୁଟ୍‌ ଘଟଣା: ରାଜ୍ୟ ବାହାରେ ପୋଲିସ ଟିମ୍‌, ୪ ଅଟକ

ଛତ୍ରପୁର,୧୮।୯(ଡି.ଏନ.ଏ)-ଚମାଖଣ୍ଡି ଥାନା ରଘୁନାଥପୁର ନିକଟ ଜାତୀୟ ରାଜପଥରେ ସୋମବାର ପେଟ୍ରୋଲ ପମ୍ପ କର୍ମଚାରୀଙ୍କୁ ଆକ୍ରମଣ କରି ୯ ଲକ୍ଷ ୨୮ ହଜାର ଟଙ୍କା ଲୁଟ୍‌ ହୋଇଥିଲା। ଏହି ଘଟଣାରେ ଅଭିଯୁକ୍ତଙ୍କୁ ଧରିବା ପାଇଁ ୨ଟି ପୋଲିସ ଟିମ୍‌ ଗଠନ ହୋଇଛି। ଏଥିରୁ ଗୋଟିଏ ଟିମ୍‌ ରାଜ୍ୟ ବାହାରକୁ  ଯାଇଛି । ଅନ୍ୟପକ୍ଷରେ ପୋଲିସ ୪ ଜଣଙ୍କୁ ଅଟକ ରଖି ପଚରାଉଚୁରା କରୁଛି।