ରାଜ୍ୟ |

ଉଚ୍ଛେଦ ହେବ ଗୁପ୍ତ ଭୋଟ୍‌

ଉଚ୍ଛେଦ ହେବ ଗୁପ୍ତ ଭୋଟ୍‌

ଭୁବନେଶ୍ୱର,୮। ୨(ବ୍ୟୁରୋ) ବିଜ୍ଞାପିତ ଅଞ୍ଚଳ ପରିଷଦ(ଏନଏସି), ମ୍ୟୁନିସିପାଲିଟି ଏବଂ ମହାନଗର ନିଗମର କାଉନସିଲରଙ୍କୁ ସାବାଡ୍‌ କରିବାକୁ ବଦଳିବ ପୌର ଓ ମହାନଗର ଅଧିନିୟମ। କାଉନ୍‌ସିଲର କିମ୍ବା କର୍ପୋରେଟର ଅନାସ୍ଥା ପ୍ରସ୍ତାବ ଉପରେ ଭୋଟ ବେଳେ ଏଣିକି ନିଜ ମତଦାନକୁ ଲୁଚାଇ ପାରିବେ ନାହିଁ। ଅର୍ଥାତ ଗୁପ୍ତଭୋଟ୍‌ ବ୍ୟବସ୍ଥା ଉଚ୍ଛେଦ ହେବ। ମ୍ୟୁନିସିପାଲିଟି, ଏନଏସି ଅଧ୍ୟକ୍ଷ/ଉପାଧ୍ୟକ୍ଷ କିମ୍ବା ମହାନଗର ନିଗମ ମେୟର/ଡେପୁଟି ମେୟରଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଭୋଟ ଦେବା ବେଳେ ଦଳୀୟ ପ୍ରତିନିଧିଙ୍କୁ ଦେଖାଇବାକୁ ବାଧ୍ୟ ହେବେ। ଯେଉଁମାନେ ନ ଦେଖାଇ ଗୁପ୍ତ ଭୋଟ ଦେବେ ସେମାନଙ୍କ ଭୋଟ ନାକଚ ହେବା ସହ ସଦସ୍ୟତା ମଧ୍ୟ ଚାଲିଯିବ। ରାଜନୈତିକ ଦଳଗୁଡିକ ନିଜ ଦଳର କାଉନସିଲର ଓ କର୍ପୋରେଟରଙ୍କୁ ନିୟନ୍ତ୍ରଣରେ ରଖିବାକୁ ଏଭଳି ବ୍ୟବସ୍ଥା କରାଯାଇଛି। ରାଜ୍ୟ ସରକାର ଏହି ନୂତନ ବ୍ୟବସ୍ଥା କାର୍ଯ୍ୟକାରୀ କରିବା ସକାଶେ ଓଡିଶା ପୌର ବିଧି ଅଧିନିୟମ-୧୯୫୦ ଏବଂ ଓଡିଶା ମହାନଗର ନିଗମ ଅଧିନିୟମ-୨୦୦୩କୁ ସଂଶୋଧନ କରିବାକୁ ନିଷ୍ପତ୍ତି ନେଇଛନ୍ତି। ଏହି ସଂଶୋଧନ ପ୍ରସ୍ତାବକୁ ଗୁରୁବାର ସଚିବାଳୟଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ କ୍ୟାବିନେଟରେ ଅନୁମୋଦନ ଦିଆଯାଇଛି।
ଓଡିଶା ପୌର ଅଧିନିୟମ-୧୯୫୦ର ଧାରା ୫୪ର ଉପଧାରା (୨) ଏବଂ ଓଡିଶା ମହାନଗର ନିଗମ ଅଧିନିୟମ-୨୦୦୩ର ଧାରା ୨୦ର ଉପଧାରା (୨)ରେ ପୌର ସଂସ୍ଥାର ଅଧ୍ୟକ୍ଷ/ଉପାଧ୍ୟକ୍ଷ ଏବଂ ମହାନଗର ନିଗମ ମେୟର/ଡେପୁଟି ମେୟରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଗୁପ୍ତ ମତଦାନ ମାଧ୍ୟମରେ ହେଉଛି। ଫଳରେ କାଉନସିଲର ଓ କର୍ପୋରେଟର ଏହାର ଫାଇଦା ନେଇ ଦଳକୁ ହଲାପଟା କରୁଛନ୍ତି। ପୌର ଆଇନ ସଂଶୋଧନ ପରେ ସେମାନଙ୍କ ନିକଟରୁ ଏହି ଅଧିକାର ଚାଲିଯିବ।
ଓଡିଶା ପୌର ଅଧିନିୟମ-୧୯୫୦ର ଧାରା(କ)ର ଉପଧାରା (୧)ର ସେକ୍ସନ(ଖ) ଏବଂ ଓଡିଶା ମହାନଗର ନିଗମ ଅଧିନିୟମ-୨୦୦୩ର ଧାରା ୧୧୨(କ)ର ଉପଧାରା(୧)ର ସେକ୍ସନ(ଖ)ଅନୁଯାୟୀ କାଉନସିଲର କିମ୍ବା କର୍ପୋରେଟରମାନେ ନିଜ ଦଳର ହୁଇପ୍‌କୁ ନ ମାନିଲେ ଅଯୋଗ୍ୟ ହେବାର ବ୍ୟବସ୍ଥା ରହିଛି। ଗୁପ୍ତ ଭୋଟ ଦ୍ୱାରା ନିଜ ଦଳର କାଉନସିଲର କିମ୍ବା କର୍ପୋରେଟର ଦଳୀୟ ନୀତିକୁ ଅନୁସରଣ କରିଛନ୍ତି କି ନାହିଁ ତାହା ଜଣାପଡେ ନାହିଁ। ଅନେକ ସମୟରେ କାଉନସିଲର ଓ କର୍ପୋରେଟରମାନେ ଅଧ୍ୟକ୍ଷ କିମ୍ବା ମେୟରଙ୍କୁ ହଟାଇବା ପାଇଁ ଦଳୀୟ ହୁଇପ୍‌କୁ ଅବମାନନା କରି ଭୋଟ ଦେଉଛନ୍ତି।
ଏହାଦ୍ୱାରା ନିଜ ଦଳର କେଉଁ କର୍ପୋରେଟର କାହାକୁ ଭୋଟ ଦେଇଛନ୍ତି ତାହା ଜାଣିବା ସମ୍ଭବ ହେଉନାହିଁ। ଫଳରେ ଦଳ ବିରୋଧୀ କାର୍ଯ୍ୟ ସକାଶେ ସେମାନଙ୍କୁ ନିଲମ୍ବନ କଲେ ମଧ୍ୟ ପୌର ସଂସ୍ଥାରେ ସେମାନଙ୍କର ସଦସ୍ୟତା ବଜାୟ ରହି ପାରୁଛି। ଦଳ ପକ୍ଷରୁ ସୁପାରିସ କରାଗଲେ ମଧ୍ୟ ରାଜ୍ୟ ନିର୍ବାଚନ କମିଶନ ସେମାନଙ୍କ ସଦସ୍ୟତାକୁ ରଦ୍ଦ କରିପାରୁ ନାହାନ୍ତି। ଆବଶ୍ୟକ ପ୍ରମାଣ ଅଭାବରୁ ଦଳ ବିରୋଧୀ ମତଦାନ ସତ୍ତ୍ୱେ କାଉନସିଲର ଓ କର୍ପୋରେଟରମାନଙ୍କୁ ସଦସ୍ୟ ପଦରୁ ହଟାଯାଇ ପାରୁ ନାହିଁ। ଏହି ସମସ୍ୟା ଦୂର କରିବା ସହ ରାଜନୈତିକ ଦଳଗୁଡିକୁ ନିଜ ଦଳର ସଦସ୍ୟଙ୍କ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ଆଣିବାକୁ ଉକ୍ତ ଆଇନରେ ସଂଶୋଧନ କରାଯିବ। ସଂଶୋଧନ ପରେ ନିର୍ବାଚିତ ପ୍ରତିନିଧିମାନେ ଦଳର ଆଦେଶରେ ଅନୁପ୍ରାଣିତ ହୋଇ ଦଳ ଜାରି କରିଥିବା ହୁଇପ୍‌କୁ ପାଳନ କରୁଛନ୍ତି କି ନାହିଁ ତାହା ଜଣାପଡିଯିବ। ଏହାକୁ ପ୍ରମାଣ ଭାବେ ଗ୍ରହଣ କରି ନିର୍ବାଚନ କମିଶନ ଦଳରୁ ନିଲମ୍ବିତ ନିର୍ବାଚିତ ପ୍ରତିନିଧିମାନଙ୍କୁ ଅଯୋଗ୍ୟ ଘୋଷଣା କରିପାରିବେ। ଯଦ୍ଦ୍ବାରା ସେମାନେ ଦଳ ବିରୋଧରେ କୌଣସି କାର୍ଯ୍ୟ କରି ପାରିବେ ନାହିଁ କିମ୍ବା ଅନ୍ୟ ଦଳରେ ସାମିଲ ହୋଇପାରିବେ ନାହିଁ। ବିଧାନସଭାରେ ଉକ୍ତ ଅଧିନିୟମଗୁଡିକୁ ସଂଶୋଧନ କରାଯିବ।
ନିକଟରେ ରାଜ୍ୟର କେତେକ ଏନଏସି ଓ ମ୍ୟୁନିସିପାଲିଟିରେ ଅନାସ୍ଥା ପ୍ରସ୍ତାବ ସପକ୍ଷରେ ଦଳୀୟ କାଉନସିଲରମାନେ ମତ ଦେବାରୁ ଅଧ୍ୟକ୍ଷ ଏବଂ ଉପାଧ୍ୟକ୍ଷଙ୍କୁ ପଦବୀ ହରାଇବାକୁ ପଡିଛି। ଦଳ ବିରୋଧୀ କାର୍ଯ୍ୟ ଯୋଗୁ କାଉନସିଲରମାନଙ୍କ ସଦସ୍ୟ ପଦ ରଦ୍ଦ କରିବା ନେଇ ରାଜନୈତିକ ଦଳଗୁଡିକ ନିର୍ବାଚନ କମିଶନଙ୍କ ନିକଟରେ ଆବେଦନ କଲେ ମଧ୍ୟ ତାହାର କୌଣସି ସୁଫଳ ମିଳୁ ନାହିଁ। ସେମାନଙ୍କୁ ଦଳ ନିଜ ଅକ୍ତିଆରରେ ରଖିବାକୁ ସରକାର ଏଭଳି ଆଇନର ସଂଶୋଧନ କରିବାକୁ ନିଷ୍ପତ୍ତି ନେଇଛନ୍ତି ବୋଲି ମୁଖ୍ୟ ଶାସନ ସଚିବ କ୍ୟାବିନେଟ ବୈଠକ ପରେ ଗଣମାଧ୍ୟମକୁ ସୂଚନା ଦେଇଛନ୍ତି।

All Right Reserved By
I&PR

Model This Week

ସନ୍ତୋଷ

ରାଜ୍ୟ |

ଚିଟଫଣ୍ଡ ଜରିଆରେ ୫କୋଟି ଲୁଟ୍‌ ଯୁବତୀଙ୍କୁ ଗିରଫ କଲା କ୍ରାଇମବ୍ରାଞ୍ଚ

ଚିଟଫଣ୍ଡ ଜରିଆରେ ୫କୋଟି ଲୁଟ୍‌ ଯୁବତୀଙ୍କୁ ଗିରଫ କଲା କ୍ରାଇମବ୍ରାଞ୍ଚ

ବିଞ୍ଝାରପୁର,୨୪ା୫(ଡି.ଏନ.ଏ)- ଏକ ଚିଟଫଣ୍ଡ ସଂସ୍ଥା ମାଧ୍ୟମରେ ଲୋକଙ୍କଠାରୁ କୋଟିକୋଟି ଟଙ୍କା ହଡ଼ପ କରିବା ଅଭିଯୋଗରେ ଭୁବନେଶ୍ୱର କ୍ରାଇମ୍‌ବ୍ରାଞ୍ଚ ଟିମ୍‌ ଜଣେ ଯୁବତୀଙ୍କୁ ଗୁରୁବାର ଗିରଫ କରିଥିବା ଜଣାପଡ଼ିଛି। ଗିରଫ ଯୁବତୀ ଜଣକ ହେଲେ ମାଁସଡ଼ା ଗ୍ରାମର ସୁନୀତା ସାମଲ। ତାଙ୍କ ନାମରେ ଅଭିଯୋଗ ହେବା ପରେ ସେ ୨ବର୍ଷ ଧରି ଫେରାର ଥିଲେ। ସୁନୀତା ବିଞ୍ଝାରପୁରସ୍ଥିତ ତାଙ୍କ ବାସଭବନରେ ଆତ୍ମଗୋପନ କରିଥିବା ଖବର ପାଇ କ୍ରାଇମବ୍ରାଞ୍ଚର ଅର୍ଥନୈତିକ ଶାଖା ପକ୍ଷରୁ ଗୁରୁବାର ସକାଳେ ସେଠାରେ ଚଢ଼ାଉ କରାଯାଇ ତାଙ୍କୁ ଗିରଫ କରାଯାଇଥିଲା।

ପଞ୍ଚାୟତ ବିକାଶରେ ଓ୍ବାର୍ଡମେମ୍ବରଙ୍କ ଭୂମିକା ଗୁରୁତ୍ୱପୂର୍ଣ୍ଣ

ବଇଣ୍ଡା, ୨୪ା୫(ଡି.ଏନ.ଏ.)- ପଞ୍ଚାୟତର ବିକାଶ ପାଇଁ ସରକାର ଅନେକ ଯୋଜନା ପ୍ରଣୟନ କରିଛନ୍ତି। ସେଗୁଡିକୁ ଠିକ୍‌ ଭାବରେ ଗ୍ରାମାଞ୍ଚଳରେ ପହଞ୍ଚାଇବା ଦିଗରେ ଓ୍ବାର୍ଡମେମ୍ବରଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ବୁଧବାର କିଶୋରନଗର ବ୍ଲକ ବଣିନାଳୀ ବିଶ୍ୱଯୁବକେନ୍ଦ୍ର ପରିସରରେ ଆୟୋଜିତ ଓ୍ବାର୍ଡମେମ୍ବର ତାଲିମ ଶିବିର ଉଦ୍‌ଯାପନୀ ଉତ୍ସବରେ ଅତିଥିମାନେ ମତ ପ୍ରକାଶ କରିଛନ୍ତି।

ଆବୁଧାବିରେ ସଡକ ଦୁର୍ଘଟଣା, ଓଡିଆ ଯୁବକଙ୍କ ମୃତ୍ୟୁ

ଆବୁଧାବିରେ ସଡକ ଦୁର୍ଘଟଣା, ଓଡିଆ ଯୁବକଙ୍କ ମୃତ୍ୟୁ

ଖଲ୍ଲିକୋଟ,୨୪ା୫(ଡି.ଏନ୍‌.ଏ.)- ଆବୁଧାବିରେ ଏକ ସଡକ ଦୁର୍ଘଟଣାରେ ଜଣେ ଓଡିଆ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଗଞ୍ଜାମ ଜିଲା ଖଲ୍ଲିକୋଟ ବ୍ଲକ ପିଟଣାପଲ୍ଲୀ ଗ୍ରାମର ହରଷ ପ୍ରଧାନ (୨୩)। ବୁଧବାର ସେଠାରେ ରହୁଥିବା ସ୍ଥାନୀୟ ଲୋକେ ଏନେଇ ଫୋନ୍‌ ଯୋଗେ ପରିବାର ଲୋକଙ୍କୁ ଜଣାଇଥିଲେ।

ହୋଟେଲରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଜବତ

ହୋଟେଲରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଜବତ

ଭୁବନେଶ୍ୱର, ୨୪ା୫(ବ୍ୟୁରୋ)- କ୍ୟାପିଟାଲ ଥାନ୍ତା ଅନ୍ତର୍ଗତ ଅଶୋକ ନଗରରେ ଥିବା ଏକ ହୋଟେଲ ରୁମ୍‌ରୁ ଗୁରୁବାର ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଜବତ କରାଯାଇଛି। ଯୁବକ ଜଣକ ପଶ୍ଚିମବଙ୍ଗ ଶ୍ୟାମପୁର ଅଞ୍ଚଳର ଶୁଭଙ୍କର ମାଝି ହୋଇଥିବାବେଳେ ଯୁବତୀଙ୍କର ଦୁଇଟି ପରିଚୟପତ୍ର ମିଳିଛି। ଗୋଟିଏରେ ତାଙ୍କ ଘର ଆନ୍ଧ୍ରପ୍ରଦେଶ ବିଜୟଓ୍ବାଡାର ଟୁମ୍ପାରାଣୀ ପାଖିରା ଅଞ୍ଚଳ ବୋଲି ଉଲ୍ଲେଖ ଥିବାବେଳେ ଅନ୍ୟଟିରେ ପଶ୍ଚିମବଙ୍ଗର ହାଓଡା ଲେଖା ରହିଛି। ସୂଚନା ଅନୁଯାୟୀ, ଉଭୟେ ଯୁବତୀ ଏବଂ ଯୁବକ ଗତ ମଙ୍ଗଳବାର ଉକ୍ତ ହୋଟେଲକୁ ଆସି ରୁମ୍‌ ବୁକ୍‌ କରି ରହିଥିଲେ।

ବାଲିଯାତ୍ରା ପଡ଼ିଆରେ ଓହ୍ଲାଇବେ ପ୍ରଧାନମନ୍ତ୍ରୀ

ବାଲିଯାତ୍ରା ପଡ଼ିଆରେ ଓହ୍ଲାଇବେ ପ୍ରଧାନମନ୍ତ୍ରୀ

କଟକ ଅଫିସ, ୨୪।୫- ନରାଜ ନୁହେଁ ତଳ ବାଲିଯାତ୍ରା ପଡିଆରେ ଓହ୍ଲାଇବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେଠାରୁ ସିଧା ଉପର ବାଲିଯାତ୍ରା ପଡିଆରେ ଆୟୋଜିତ ସଭାରେ ଉଦବୋଧନ ଦେବେ। ନରାଜ ହେଲିପ୍ୟାଡରେ ଓହ୍ଲାଇ ସଡ଼କପଥରେ ଉପର ବାଲିଯାତ୍ରା ପଡିଆସ୍ଥିତ ସଭାସ୍ଥଳକୁ ପ୍ରଧାନମନ୍ତ୍ରୀ ଆସିବାର କାର୍ଯ୍ୟକ୍ରମ ପୂର୍ବରୁ ସ୍ଥିରୀକୃତ ହୋଇଥିଲା। ହେଲେ ନରାଜରୁ ଉପର ବାଲିଯାତ୍ରା ପଡିଆ ପର୍ଯ୍ୟନ୍ତ ୧୨କିମି ବାଟ ସୁରକ୍ଷା ଦେବାରେ ଅସୁବିଧା ଉପୁଜିବା ଆଶଙ୍କା କରିଛି ପ୍ରଧାନମନ୍ତ୍ରୀଙ୍କ ଏସପିଜି(ସ୍ପେଶାଲ ପ୍ରୋଟେକସନ ଗ୍ରୁପ)।

ଓଟିଡିସି ଅଧ୍ୟକ୍ଷ ଦାୟିତ୍ୱ ଗ୍ରହଣ କଲେ ଦିଲୀପ ତିର୍କୀ

ଓଟିଡିସି ଅଧ୍ୟକ୍ଷ ଦାୟିତ୍ୱ ଗ୍ରହଣ କଲେ ଦିଲୀପ ତିର୍କୀ

ଭୁବନେଶ୍ୱର,୨୪।୫(ବ୍ୟୁରୋ)- ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ(ଓଟିଡିସି)ର ଅଧ୍ୟକ୍ଷ ଭାବେ ଗୁରୁବାର କାର୍ଯ୍ୟରେ ଯୋଗଦେଇଛନ୍ତି ହକି ତାରକା ତଥା ପୂର୍ବତନ ରାଜ୍ୟ ସଭା ସଦସ୍ୟ ଦିଲୀପ ତିର୍କୀ। ପାନ୍ଥନିବାସ ପରିସରରେ ଥିବା ଓଟିଡିସି କାର୍ଯ୍ୟାଳୟରେ ପୂର୍ବାହ୍ନ ପ୍ରାୟ ୧୧ଟାରେ ତିର୍କୀ ନିଗମର ନୂତନ ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଥିଲେ। ଏହି ଅବସରରେ ଓଟିଡିସିର ବରିଷ୍ଠ ଅଧିକାରୀ, କର୍ମକର୍ତ୍ତା ଏବଂ ଉତ୍କଳ ପର୍ଯ୍ୟଟନ ଉନ୍ନୟନ ନିଗମ କର୍ମଚାରୀ ସଂଘ ପକ୍ଷରୁ ତାଙ୍କୁ ଉଚ୍ଛ୍ବସିତ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।

ପୁରୀ ଜିଲାପାଳ, ଏସ୍‌ପିଙ୍କୁ ରିପୋର୍ଟ ତଲବ

ଭୁବନେଶ୍ୱର, ୨୪ା୫(ବ୍ୟୁରୋ)- ପୁରୀ ଜିଲା କୋଣାର୍କ ଅଞ୍ଚଳରେ ଜଣେ ୫୦ ବର୍ଷୀୟା ମାନସିକ ବିକାରଗ୍ରସ୍ତ ମହିଳାଙ୍କୁ କେତେଜଣ ମଦ୍ୟପ ଗଣବଳାତ୍କାର କରିଥିଲେ। କୋଣାର୍କ ପୋଲିସ ସମ୍ପୃକ୍ତ ମହିଳାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିବାବେଳେ ଗତ ୧୫ ତାରିଖରେ ତାଙ୍କର ମୃତ୍ୟୁ ଘଟିଥିଲା। ଏଭଳି ଏକ ସମ୍ବେଦନଶୀଳ ଘଟଣାରେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ। ପୋଲିସର ଏଭଳି କାର୍ଯ୍ୟକଳାପକୁ ନେଇ ରାଜ୍ୟ ମାନବାଧିକାର କମିଶନ(ଓଏଚ୍‌ଆରସି)ଙ୍କ ନିକଟରେ ମାନବାଧିକାର କର୍ମୀ ଏନ. ଏ. ଶାହା ଅନ୍‌ସାରୀ ଏକ ପିଟିଶନ ଦାୟର କରିଛନ୍ତି। ଏ ନେଇ କମିଶନ ଏକ ମାମଲା(୪୮୩/୧୬) ରୁଜୁ କରିବା ସହିତ ମହିଳା ଓ ଶିଶୁ ବିକାଶ ବିଭାଗ, ପୁରୀ ଜିଲାପାଳ, ଏସ୍‌ପିଙ୍କୁ ରିପୋର୍ଟ ତଲବ କରିଛନ୍ତି। ୬ ସପ୍ତାହ ମଧ୍ୟରେ ରିପୋର୍ଟ ଦେବାକୁ କମିଶନ ନିର୍ଦ୍ଦେଶ ଦେଇଛନ୍ତି। କେଉଁଥିପାଇଁ ସମ୍ପୃକ୍ତ ମହିଳାଙ୍କ ମୃତ୍ୟୁ ଘଟିଲା, କେଉଁମାନେ ଏହି ଘଟଣାରେ ସମ୍ପୃକ୍ତ, କେଉଁଠ ମହିଳାଙ୍କ ଚିକିତ୍ସା କରାଯାଇଥିଲା ଏବଂ ପୋଲିସ ଏହି ଘଟଣାରେ କି କାର୍ଯ୍ୟାନୁଷ୍ଠାନ ଗ୍ରହଣ କରିଛି ତାହା ଜଣାଇବାକୁ କମିଶନ କହିଛନ୍ତି।

ନିମାପଡ଼ା ବିକାଶ ପରିଷଦର ରକ୍ତଦାନ ଶିବିର

ନିମାପଡ଼ା, ୨୪।୫(ଡି.ଏନ.ଏ.)- ନିମାପଡ଼ା ବିକାଶ ପରିଷଦ ପକ୍ଷରୁ ସ୍ଥାନୀୟ ଏକ କଲ୍ୟାଣମଣ୍ଡପଠାରେ ଗୁରୁବାର ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଏଥିରେ ୩୦ ଜଣ ରକ୍ତଦାତା ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ। କ୍ୟାପଟାଲ ହସ୍ପିଟାଲର ବ୍ଲଡ୍‌ବ୍ୟାଙ୍କର ଡାକ୍ତର ଏବଂ କର୍ମଚାରୀମାନେ ଯୋଗଦେଇ ରକ୍ତ ସଂଗ୍ରହ କରିଥିଲେ। ପରିଷଦର ସଭାପତି ତଥା ଅବରସପ୍ରାପ୍ତ ପ୍ରଶାସନିକ ଅଧିକାରୀ ରାଜକିଶୋର ଚୌଧୁରୀ ଓ ଉପସଭାପତି ବାମନ ଚରଣ ମହାନ୍ତି ଶିବିରକୁ ଉଦ୍‌ଘାଟନ କରିଥିଲେ। କୃଷ୍ଣଚନ୍ଦ୍ର ନାୟକ, ସୁମନ୍ତ ମହାରଣା, ଦିଲୀପ କୁମାର ସାହୁ, ନିରଞ୍ଜନ ସାହୁ, ଆଦର୍ଶ ଦାଶ, ବ୍ରହ୍ମାନନ୍ଦ ସାହୁ ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ।

ବରମୁଣ୍ଡା ଓଭରବ୍ରିଜ୍‌ ନିକଟ ରାସ୍ତା ଶୋଚନୀୟ ଖାଲରେ ଫସି ଭାଙ୍ଗିଲା କାର୍‌

ଭୁବନେଶ୍ୱର, ୨୪।୫(ବ୍ୟୁରୋ)- ବରମୁଣ୍ଡା ଓଭରବ୍ରିଜ୍‌ ନିକଟ ରାସ୍ତା ଅବସ୍ଥା ଶୋଚନୀୟ ହୋଇପଡ଼ିଛି। ରାସ୍ତାରେ ବିରାଟ ଖାଲ ସୃଷ୍ଟି ହୋଇଥିବାବେଳେ ତାହାକୁ ମରାମତି କରିବା ଦିଗରେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉ ନାହିଁ। ଫଳରେ ଗୁରୁବାର ଅପରାହ୍ନରେ ଏକ କାର୍‌ ଉକ୍ତ ଖାଲରେ ଫସିଯାଇଥିଲା।

ନିପାକୁ ନେଇ ଓଡ଼ିଶାରେ ସତର୍କତା

ନିପାକୁ ନେଇ ଓଡ଼ିଶାରେ ସତର୍କତା

-୫ ମେଡିକାଲ କଲେଜ, ୩୦ ଜିଲା ମୁଖ୍ୟ ଚିକିତ୍ସାଳୟକୁ ଆଲର୍ଟ ଜାରି -ଏସ୍‌ସିବି ମେଡିକାଲରେ ସ୍ବତନ୍ତ୍ର ଟିମ୍‌ କଟକ ଅଫିସ, ୨୪।୫- ନିପାକୁ ନେଇ ରାଜ୍ୟ ସରକାର ସତର୍କତା ଅବଲମ୍ବନ କରିଛନ୍ତି। ସ୍ବାସ୍ଥ୍ୟ ନିର୍ଦ୍ଦେଶାଳୟ ପକ୍ଷରୁ ଏ ନେଇ ରାଜ୍ୟର ୫ ମେଡିକାଲ କଲେଜ ଓ ୩୦ ଜିଲା ମୁଖ୍ୟ ଚିକିତ୍ସାଳୟକୁ ଆଲର୍ଟ ଜାରି କରାଯାଇଛି। ସ୍ବାସ୍ଥ୍ୟ ନିର୍ଦ୍ଦେଶକ ବ୍ରଜକିଶୋର ବ୍ରହ୍ମା ଉକ୍ତ ସ୍ବାସ୍ଥ୍ୟ ପ୍ରତିଷ୍ଠାନଗୁଡ଼ିକୁ ପ୍ରତିକାରମୂଳକ ବ୍ୟବସ୍ଥା ଗ୍ରହଣ କରିବା ନିମନ୍ତେ ଚିଠି କରିଛନ୍ତି।

ଲାଞ୍ଚ ମାମଲା: କିରାଣିଙ୍କୁ ଜେଲ୍‌ଦଣ୍ଡ

ଲାଞ୍ଚ ମାମଲା: କିରାଣିଙ୍କୁ ଜେଲ୍‌ଦଣ୍ଡ

କଟକ ଅଫିସ, ୨୪।୫- ବୌଦ୍ଧ ଜିଲା ପୁରୁଣା କଟକ ହାଇସ୍କୁଲର କନିଷ୍ଠ କିରାଣି ସୁମନ ବେହେରାଙ୍କୁ ଜେଲ୍‌ ଓ ଜରିମାନା ଦଣ୍ଡାଦେଶ ହୋଇଛି। ଫୁଲବାଣୀ ସ୍ବତନ୍ତ୍ର ଭିଜିଲାନ୍ସ ଅଦାଲତ ଅଭିଯୁକ୍ତ ବେହେରାଙ୍କୁ ପୃଥକ୍‌ ଦଣ୍ଡରେ ଦଣ୍ଡିତ କରିଛନ୍ତି। ପ୍ରଥମ ଦଫାରେ ବେହେରାଙ୍କୁ ୧ ବର୍ଷ ସଶ୍ରମ କାରାଦଣ୍ଡ ଓ ୨ହଜାର ଟଙ୍କା ଜରିମାନା ଦଣ୍ଡ ଦିଆଯାଇଛି।

କଳାହାଣ୍ଡି କ୍ଷତ୍ରିୟ ପାଇକ ସମାଜ ମହାସମାବେଶ ଉପରେ ହାଇକୋର୍ଟଙ୍କ ଅଙ୍କୁଶ

କଟକ ଅଫିସ, ୨୪।୫- କଳାହାଣ୍ଡି କ୍ଷତ୍ରିୟ ପାଇକ ସମାଜ ପୂର୍ବ ମଣ୍ଡଳ ପକ୍ଷରୁ ଆସନ୍ତା ୨୬ ଓ ୨୭ ଦୁଇଦିନ ଧରି ହେବାକୁ ଥିବା ପଞ୍ଚମ ମହାସମାବେଶ ଉପରେ ହାଇକୋର୍ଟ ଗୁରୁବାର ଅନ୍ତରୀଣ ରହିତାଦେଶ ଜାରି କରିଛନ୍ତି। ଏହି ସମାବେଶ ନ ହେବା ପାଇଁ ଆବଶ୍ୟକ ପଦକ୍ଷେପ ନେବାକୁ କଳାହାଣ୍ଡି ଜିଲାପାଳଙ୍କୁ ନିର୍ଦ୍ଦେଶ ଦିଆଯାଇଛି।