ରାଜ୍ୟ |

ଓଡ଼ିଶା ଯୋଜନାର ଫାଇଦା ନେଇଛି ଆନ୍ଧ୍ର

ଓଡ଼ିଶା ଯୋଜନାର ଫାଇଦା ନେଇଛି ଆନ୍ଧ୍ର
ପଟ୍ଟାଙ୍ଗି,୮। ୨(ଶରତ କୁମାର ଧଳ)(ଡି.ଏନ୍‌.ଏ.) କୋରାପୁଟ ଜିଲାର ବିବାଦୀୟ କୋଟିଆ ଗ୍ରାମପୁଞ୍ଜକୁ ନେଇ ଓଡ଼ିଶା ଓ ଆନ୍ଧ୍ର ମୁହାଁମୁହିଁ ହୋଇଛନ୍ତି। ଓଡ଼ିଶାର ଚେତାବନୀ, ସୁପ୍ରିମକୋର୍ଟରେ ବିବାଦୀୟ ଗ୍ରାମକୁ ନେଇ ମାମଲା ବିଚାରାଧୀନ ଥିବା ସତ୍ତ୍ୱେ ଏକ ନିର୍ଦ୍ଦିଷ୍ଟ କାରଣ ପାଇଁ ହିଁ ସୀମାନ୍ତ ଗ୍ରାମଗୁଡ଼ିକରେ ଆନ୍ଧ୍ର ବାରମ୍ବାର ଅନୁପ୍ରବେଶ କରିଚାଲିଛି। ସେହି କାରଣଟି ହେଉଛି କୋଟିଆ ଗ୍ରାମପୁଞ୍ଜର ବାସିନ୍ଦାଙ୍କ ପ୍ରତି ଓଡ଼ିଶାର ସ୍ଥାନୀୟ ପ୍ରଶାସନିକ ଉଦାସୀନତା ଓ ଅବହେଳା। ଓଡ଼ିଶା ସରକାର ଏହି ସୀମାନ୍ତ ଗାଁଗୁଡ଼ିକରେ ରାଜ୍ୟର ଅନ୍ୟ ଅଞ୍ଚଳ ଭଳି ସମସ୍ତ ପ୍ରକାର ଯୋଜନା ପହଞ୍ଚାଇଛନ୍ତି। କିନ୍ତୁ ଜିଲାର ପ୍ରଶାସନିକ ଅଧିକାରୀ ଓ କର୍ମଚାରୀ ଏହାର ସଠିକ୍‌ କାର୍ଯ୍ୟାନ୍ବୟନ ଓ ତଦାରଖ ନକରିବା ଯୋଗୁ ଆଜି ଏଭଳି ପରିସ୍ଥିତି ହୋଇଛି। ସେମାନେ ବିବାଦୀୟ ଗାଁରେ ପାଦ ମଧ୍ୟ ପକାଇ ନାହାନ୍ତି। ଓଡ଼ିଶା ସରକାର ସେଠାରେ ବିଦ୍ୟାଳୟ ପ୍ରତିଷ୍ଠା କରିବା ପରେ ଟିଣଛପରରେ ଶ୍ରେଣୀଗୃହ କରି ଛାଡ଼ିଦେଇଛନ୍ତି ସ୍ଥାନୀୟ ଅଧିକାରୀ। ପାନୀୟ ଜଳ ପ୍ରକଳ୍ପ ପ୍ରତିଷ୍ଠା ହୋଇ ମଧ୍ୟ ତାହା ଅକାମି। ଏହାର ସୁଯୋଗ ନେଇଛି ଆନ୍ଧ୍ର। ଆନ୍ଧ୍ର ଅଧିକାରୀ ସେଠାରେ ଏହି ସବୁ ଅବ୍ୟବସ୍ଥିତ ଓ ଅର୍ଦ୍ଧନିର୍ମିତ ଭିତ୍ତିଭୂମିକୁ ନିଜସ୍ବ ଅନୁଦାନରେ ସଜାଡ଼ିଛନ୍ତି। ସ୍କୁଲଘର, ପାନୀୟ ଜଳ ପ୍ରକଳ୍ପ ଓ ଆହୁରି ଅନେକ ନିର୍ମାଣ କାର୍ଯ୍ୟ ହାତକୁ ନେଇ ସ୍ଥାନୀୟ ଲୋକକୁ ନିଜ ରାଜ୍ୟ ପ୍ରତି ଢଳାଇବାକୁ ଉଦ୍ୟମ କରିଛନ୍ତି। ସୂଚନା ଅନୁଯାୟୀ, କୋଟିଆ ଗ୍ରାମପୁଞ୍ଜର ୨୮ ମଧ୍ୟରୁ ୨୧ଟି ବିବାଦୀୟ ଗାଁରେ ୨୦୧୩-୧୪ରୁ ୨୦୧୭-୧୮ ଆର୍ଥତ୍କ ବର୍ଷ ମଧ୍ୟରେ ଏମ୍‌ଜିଏନ୍‌ଆରଇଜିଏସ୍‌ରେ ଯାତାୟାତ ପାଇଁ ଘାଟି କଟିଂରୁ ଆରମ୍ଭ କରି ଜମି ସମତଳ କରାଯାଇ ୫୯ଟି ପଡାଗ୍ରାମକୁ ରାସ୍ତା ସଂଯୋଗ ହୋଇଛି। ସେହିପରି ୬୬ଟି ଚେକଡ୍ୟାମ ଓ ପୋଖରୀ ଖୋଳାଯାଇଛି। ୧୦୪୫ ଜଣଙ୍କୁ ଚିହ୍ନଟ କରାଯାଇ ବିଭିନ୍ନ ବର୍ଗର ଭତ୍ତା ଯୋଗାଇ ଦିଆଯାଇଛି। ୨୦୧୧ ସର୍ଭେ ଅନୁଯାୟୀ ପଞ୍ଚାୟତରେ ୭୭୬୨ ପରିବାର ଥିବାବେଳେ ଓଡ଼ିଶା ଯୋଗାଣ ବିଭାଗ ଦ୍ୱାରା ୨୧୬୯ ଜଣଙ୍କୁ ଚାଉଳ କାର୍ଡ଼ ଦିଆଯାଇଛି। ଓଡ଼ିଶା ଶିକ୍ଷା ବିଭାଗ ଦ୍ୱାରା କୋଟିଆ ଗ୍ରାମପୁଞ୍ଜ ଅଧୀନ ତଳକାଣ୍ଡି, ଉପରସେମ୍ବି, ତଳସେମ୍ବି, ଡୋଲିଆମ୍ବ, ମାଡକାର, ସୁଲିଆମାରି, ଫଗୁଣସିନେରି, ଧୂଳିପଦର, ତଳପନିକି ଓ ରଣାସିଂହ ପରି ଗ୍ରାମରେ ବିଦ୍ୟାଳୟ ଗୃହ କରାଯାଇଛି। କିନ୍ତୁ ଏହା ଟିଣ ଛପର ଘରେ ସୀମିତ ରହି ଜରାଜୀର୍ଣ୍ଣ ଅବସ୍ଥାରେ ଥିବାବେଳେ ଏହାର ସୁଯୋଗ ନେଇ ଆନ୍ଧ୍ର ନିଜସ୍ବ ଅନୁଦାନରେ ପକ୍କା ଓ ଛାତଘର ତିଆରି କରିଛି। ସେହିପରି ଓଡ଼ିଶା ଗ୍ରାମ୍ୟ ଜଳ ଯୋଗାଣ ବିଭାଗ ଦ୍ୱାରା ପାନୀୟ ଜଳର ବ୍ୟବସ୍ଥା ପାଇଁ ପ୍ରକଳ୍ପ କରାଯାଇ ଥିବାବେଳେ ଏହାର ରକ୍ଷଣାବେକ୍ଷଣ ଦାୟିତ୍ୱ ନେଇ ଆନ୍ଧ୍ର ସ୍ଥାନୀୟ ଗ୍ରାମବାସୀଙ୍କୁ ପାଣି ଯୋଗାଇଛି । ମାଡକାର, ଡୋଲିଆମ୍ବ, ଫଗୁଣସିନେରି, ଫାଟୁସିନେରି, ମହିପାଣି, ହରମାଣ୍ଡାଙ୍ଗି, ସଲପଗୁଡା, କନାଦୋରା, ବାରନାପାଡୁ, ଉପରସେମ୍ବି, ଧୂଳିପଦର, ତଳସେମ୍ବି, ଆରଜୁବାଲସା, ତାଡିବାଲସା, ନେରଡିବାଲସା, ସୀମାଗେଡା, ରଣାସିଂହ, ସିଡିବାଲସା, ତଳପନିକି, ଗଞ୍ଜେଇପଦର ଓ କୋଟିଆ ଗ୍ରାମରେ ରାଜ୍ୟ ସରକାରଙ୍କ ପକ୍ଷରୁ ଅନେକ ଉନ୍ନୟନ କାର୍ଯ୍ୟ ସହ ବିଜୁ ପକ୍କାଘର ମାଧ୍ୟମରେ ଗୃହ ଯୋଗାଇ ଦିଆଯାଇଛି। ପ୍ରାଥମିକ ପର୍ଯ୍ୟାୟରେ ଏହି ଯୋଜନା ହିତାଧିକାରୀଙ୍କୁ ଉପଲବ୍ଧ କରାଇବା ପରେ ହିଁ ନିଜ କାମ ଶେଷ ବୋଲି ଭାବିଛନ୍ତି କୋରାପୁଟ ଜିଲା ପ୍ରଶାସନ। ଦୁର୍ଗମ ବିଚ୍ଛିନ୍ନାଞ୍ଚଳ, ମାଓବାଦୀ ଭୟ ଭଳି କାରଣ ଦେଖାଇ ସରକାରୀ କର୍ମଚାରୀ ବା ଅଧିକାରୀ ଏଠାକୁ ଆସୁନାହାନ୍ତି। ଓଡିଶା ସରକାରଙ୍କ ପକ୍ଷରୁ ଏଠିକାର ପ୍ରତି ପରିବାରକୁ ପାଇଖାନା ଘର ପାଇଁ ୧୨ ହଜାର, ବାର୍ଦ୍ଧକ୍ୟ ଭତ୍ତା ଭାବେ ୩୦୦ରୁ ୫୦୦ ଟଙ୍କା ଏବଂ ବିଲ ପଇଠ ବ୍ୟବସ୍ଥା ଥାଇ ବିଦ୍ୟୁତ ସେବା ଠିକ୍‌ ଭାବେ ନମିଳିବା ଯୋଗୁ ସୀମାନ୍ତର ବାସିନ୍ଦାଙ୍କ ଭିତରେ ଅସନ୍ତୋଷ ରହିଥିଲା। ଏହି ତୁଳନାରେ କିନ୍ତୁ ଆନ୍ଧ୍ର ସରକାର ଉପରୋକ୍ତ ଗ୍ରାମଗୁଡ଼ିକରେ ପହଞ୍ଚତ୍ ପରିବାର ପିଛା ପାଇଖାନା ପାଇଁ ୧୫ ହଜାର ଟଙ୍କା, ବାର୍ଦ୍ଧକ୍ୟ ଭତ୍ତା ୧ ହଜାର ଟଙ୍କା, ମାଗଣା ବିଦ୍ୟୁତ ସେବା, ଚାଉଳ, ଡାଲି, ତେଲ, ସାବୁନ, ମସଲା ଆଦି ସାମଗ୍ରୀ ମଧ୍ୟ ଆନ୍ଧ୍ର ଦେଇଛି। ଆନ୍ଧ୍ର ସରକାର ନିଜ ପଞ୍ଚାୟତ ଭାବେ ନାମିତ କରିଥିବା ତଳ ଗଞ୍ଜେଇପଦର ଗ୍ରାମରେ ୬୫ ପରିବାରକୁ ଚାଉଳ କାର୍ଡ଼ ଦେଇଛନ୍ତି। ଏଠାରେ ସୂଚନାଯୋଗ୍ୟ ଯେ, ୧୯୩୬ରେ ଭାଷାଭିତ୍ତିକ ଓଡିଶା ପ୍ରଦେଶ ଗଠନ ହେବାବେଳେ କୋଟିଆ ଗ୍ରାମପୁଞ୍ଜ ଓଡିଶା ଭିତରେ ଥିବା ଦର୍ଶାଯାଇଥିଲା। ୧୯୫୬ରେ ସ୍ବତନ୍ତ୍ର ଆନ୍ଧ୍ରପ୍ରଦେଶ ଗଠିତ ହେବା ସମୟରେ ଏହି ଅଞ୍ଚଳକୁ ନେଇ ଆନ୍ଧ୍ର କୌଣସି ପ୍ରକାର ଦାବି ଉଠାଇ ନଥିଲା। ୧୯୪୨ରେ ଓଡିଶା, ବିହାର ଓ ମଧ୍ୟପ୍ରଦେଶର ମିଳିତ ସର୍ଭେ ସମୟରେ କୋଟିଆ ପଞ୍ଚାୟତର ୭ଟି ଗ୍ରାମ ଓଡିଶା ଭିତରେ ଥିବା ଦର୍ଶାଯାଇଥିଲା। କିନ୍ତୁ ଭୁଲବଶତଃ ଗ୍ରାମପୁଞ୍ଜର ଅନ୍ୟ ୨୧ଟି ସୀମାନ୍ତ ଗ୍ରାମ ସର୍ଭେରୁ ବାଦ୍‌ ପଡିଥିଲା। ପରେ ଭାରତ ସରକାର ଏକ ବିଜ୍ଞପ୍ତି କରି ଏସବୁ ଗ୍ରାମ ଓଡିଶାର ବୋଲି ନିର୍ଦ୍ଦେଶ ଜାରି କରିଥିଲେ। ୧୯୬୪ରେ ଓଡ଼ିଶା ସରକାର କୋଟିଆକୁ ପଞ୍ଚାୟତ ଭାବେ ନାମିତ କରି ଉନ୍ନୟନ କାର୍ଯ୍ୟ ଏଯାବତ୍‌ ଜାରି ରଖିଛନ୍ତି।
All Right Reserved By

ରାଜ୍ୟ |

‘ହେଲ୍‌ଥ ମେଡିକନ୍‌’ ଉଦ୍‌ଘାଟିତ: ଭାରତୀୟ ଚିକିତ୍ସା ଉପରେ ବ୍ୟାପକ ଗବେଷଣା ହେଉ

‘ହେଲ୍‌ଥ ମେଡିକନ୍‌’ ଉଦ୍‌ଘାଟିତ: ଭାରତୀୟ ଚିକିତ୍ସା ଉପରେ ବ୍ୟାପକ ଗବେଷଣା ହେଉ

ଭୁବନେଶ୍ୱର, ୨୧।୧(ବ୍ୟୁରୋ)- ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି)ଠାରେ ସୋମବାର ପ୍ରଥମ ଆନ୍ତର୍ଜାତିକ ସ୍ବାସ୍ଥ୍ୟ ସମ୍ମିଳନୀ ‘ହେଲ୍‌ଥ ମେଡିକନ୍‌-୨୦୧୯’ ଉଦ୍‌ଘାଟିତ ହୋଇଛି। ଇଣ୍ଡିଆନ ପ୍ରୋକ୍ଟୋଲୋଜି ସୋସାଇଟି (ଆଇପିଏସ୍‌) ଏବଂ ଓୟୁଏଟି ପକ୍ଷରୁ ଆୟୋଜିତ ଏହି ସମ୍ମିଳନୀକୁ ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ଇସ୍ପାତ ଓ ଖଣି ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ ଉଦ୍‌ଘାଟନ କରିଛନ୍ତି। 

ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ସଂଖ୍ୟା ବଢ଼ାଇବ ପୂର୍ବତଟ ରେଳପଥ

ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ସଂଖ୍ୟା ବଢ଼ାଇବ ପୂର୍ବତଟ ରେଳପଥ

ଭୁବନେଶ୍ୱର,୨୨।୧(ବ୍ୟୁରୋ)-ମହିଳା ଯାତ୍ରୀଙ୍କ ସୁବିଧା ପାଇଁ ଏଣିକି ଟ୍ରେନ୍‌ଗୁଡ଼ିକରେ ଅଧିକ ସଂଖ୍ୟକ ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ଉପଲବ୍ଧ କରାଇବାକୁ ନିଷ୍ପତ୍ତି ନେଇଛି ପୂର୍ବତଟ ରେଳପଥ। ମହିଳାଙ୍କ ଚାହିଦା ଓ ହୀରାଖଣ୍ଡ ଏକ୍ସପ୍ରେସରେ ସାନିଟାରି ନାପ୍‌କିନ୍‌ ଭେଣ୍ଡିଙ୍ଗ ମେଶିନ ପ୍ରତି ସେମାନଙ୍କ ସକାରାତ୍ମକ ଅନୁଭୂତିକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି।

ମହୋଦଧି ଆଳତିର ଦ୍ୱାଦଶ ବାର୍ଷିକୋତ୍ସବ:ରାମଲାଲା ତମ୍ବୁରେ ରହିବା ଦେଶ ପାଇଁ ଦୁର୍ଭାଗ୍ୟଜନକ

ମହୋଦଧି ଆଳତିର ଦ୍ୱାଦଶ ବାର୍ଷିକୋତ୍ସବ:ରାମଲାଲା ତମ୍ବୁରେ ରହିବା ଦେଶ ପାଇଁ ଦୁର୍ଭାଗ୍ୟଜନକ

ପୁରୀ ଅଫିସ,୨୨ା୧: ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ର ତମ୍ବୁରେ ରହିଛନ୍ତି। ଏହା ହିନ୍ଦୁ ଜାତି ଲାଗି ଅତ୍ୟନ୍ତ ଦୁର୍ଭାଗ୍ୟଜନକ। ରାମରାଜ୍ୟର ସ୍ବପ୍ନ ଦେଖାଇ କେନ୍ଦ୍ରକୁ ଆସିଥିବା ମୋଦି ସରକାର ଭବ୍ୟ ରାମମନ୍ଦିର ନିର୍ମାଣ ନେଇ ନିଜ ମତ ସ୍ପଷ୍ଟ କରନ୍ତୁ। 

ଶ୍ରୀନଅରରେ ଗଜପତିଙ୍କ ପୁଷ୍ୟାଭିଷେକ

ଶ୍ରୀନଅରରେ ଗଜପତିଙ୍କ ପୁଷ୍ୟାଭିଷେକ

ପୁରୀ ଅଫିସ,୨୨ା୧: ପୁଷ୍ୟା ନକ୍ଷତ୍ର ଯୋଗରେ ଗଜପତି ମହାରାଜା ଦିବ୍ୟସିଂହ ଦେବଙ୍କ ପୁଷ୍ୟାଭିଷେକ ଶ୍ରୀନଅରଠାରେ ସୋମବାର ସନ୍ଧ୍ୟାରେ ସମ୍ପନ୍ନ ହୋଇଛି। ଏଥିରେ ବରୁଣ ପୂଜା, ପଞ୍ଚଦେବତା ପୂଜା, ବର୍ଦ୍ଧନି କଳସ ପୂଜା ଏବଂ ରାମାଭିଷେକ ପଟି ପୂଜା ଅନୁଷ୍ଠିତ ହୋଇଥିଲା। 

ଶାଢ଼ି ବନ୍ଧାଇଲେ ମୁଦିରସ୍ତ

ଶାଢ଼ି ବନ୍ଧାଇଲେ ମୁଦିରସ୍ତ

ପୁରୀ ଅଫିସ,୨୨ା୧: ପବିତ୍ର ପୁଷ୍ୟାଭିଷେକ ଅବସରରେ ସୋମବାର ଶ୍ରୀନଅରରେ ଶାଢି ବନ୍ଧା ଅନୁଷ୍ଠିତ ହୋଇଛି। ମୁଦିରସ୍ତ ଭାବେ ଆଦିତ୍ୟ ନାରାୟଣ ମୁଦିରସ୍ତ (୧୫ବର୍ଷ) ଶାଢି ବନ୍ଧାଇଛନ୍ତି।

ଶ୍ରୀମନ୍ଦିରରେ ପୁଷ୍ୟାଭିଷେକ ନୀତି:ରତ୍ନସିଂହାସନରେ ଦାରୁଦିଅଁଙ୍କ ସୁନାବେଶ

ଶ୍ରୀମନ୍ଦିରରେ ପୁଷ୍ୟାଭିଷେକ ନୀତି:ରତ୍ନସିଂହାସନରେ ଦାରୁଦିଅଁଙ୍କ ସୁନାବେଶ

ପୁରୀ ଅଫିସ,୨୨ା୧: ପୌଷପୂର୍ଣ୍ଣମୀ ଅବସରରେ ସୋମବାର ଶ୍ରୀମନ୍ଦିରରେ ପୁଷ୍ୟାଭିଷେକ ନୀତି ସମ୍ପନ୍ନ ହୋଇଛି। ରତ୍ନସିଂହାସନରେ ଦାରୁଦିଅଁ ରାଜରାଜେଶ୍ୱର ବା ସୁନାବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି।

ବିପଜ୍ଜନକ ନୌଯାତ୍ରା, ଲୋକ ଦେଖାଣିଆ ଯାଞ୍ଚ କରି ପ୍ରଶାସନ ନୀରବ

ବିପଜ୍ଜନକ ନୌଯାତ୍ରା, ଲୋକ ଦେଖାଣିଆ ଯାଞ୍ଚ କରି ପ୍ରଶାସନ ନୀରବ

ପାରାଦୀପ,୨୨ା୧(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ମହାକାଳପଡ଼ା ଥାନା ଅଧୀନ ନିପାଣିଆଠାରେ ଗତ ୨ ତାରିଖରେ ଏକ ଡଙ୍ଗା ବୁଡ଼ି ଜଗତ୍‌ସିଂହପୁର ଜିଲା କୁଜଙ୍ଗ ଅଞ୍ଚଳର ୧୦ ଜଣଙ୍କ ମୃତ୍ୟୁ ହୋଇଥିଲା। 

ଜୋଙ୍କ ସେଚ ପ୍ରକଳ୍ପ

ଜୋଙ୍କ ସେଚ ପ୍ରକଳ୍ପ

ନୂଆପଡା ଅଫିସ,୨୨ା୧ଜୋଙ୍କ ଜଳ ସେଚନ ପ୍ରକଳ୍ପରୁ ତଳମୁଣ୍ଡ ଚାଷୀଙ୍କୁ ପାଣି ଯୋଗାଇଦେବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ନୂଆପଡା ଜିଲା ପୋଲିସ ପ୍ରଶାସନ ଡ୍ୟାମକୁ ସଦଳବଳ ଯାଇଥିଲେ ହେଁ ଆନ୍ଦୋଳନକାରୀଙ୍କ ଅହିଂସା ନୀତି ନିକଟରେ ନଇଁଯାଇଛି । 

ଝରାଡେରାବାସୀକୁ ସାତ୍‌ ସପନ ଇନ୍ଦିରା ଆବାସ  :ଜୀବ୍‌କା ବୁଡ଼ାବାର ଯୋଜ୍‌ନାରେ ପରଶାସନ

ଝରାଡେରାବାସୀକୁ ସାତ୍‌ ସପନ ଇନ୍ଦିରା ଆବାସ :ଜୀବ୍‌କା ବୁଡ଼ାବାର ଯୋଜ୍‌ନାରେ ପରଶାସନ

ଅତାବିରା, ୨୨।୧ (ଡି.ଏନ.ଏ): ବରଗଡ଼ ଜିଲା ଭେଡ଼େନ ବ୍ଲକ ଦେଶଭଟିଲି ପଁଚେତ୍‌ ମହାନଦୀ ଖଁଡ଼ିରେ ଗଲା ୧୫୦ ବଛରରୁ ଅଧ୍‌କା ହେବା ଝରା ସମାଜର ୮ ପରିବାର ରହି ଆସୁଛନ୍‌। ଇମାନକର ଜୀବନ୍‌ ଜୀବ୍‌କା ମହାନଦୀର ସଂଗେ ଜୁଡ଼ି ହେଇ ରହିଛେ। 

କଂସବଧ ସହ ସରିଲା ବରଗଡ଼ ଧନୁଯାତ୍ରା

କଂସବଧ ସହ ସରିଲା ବରଗଡ଼ ଧନୁଯାତ୍ରା

ମଥୁରାନଗରୀ,୨୨।୧ କଂସବଧ ଓ ଉଗ୍ରସେନଙ୍କ ରାଜାଭିଷେକ ଦୃଶ୍ୟାଭିନୟ ପରେ ସୋମବାର ୭୦ତମ ବୃହତ୍‌ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ର୍ରା ମହୋତ୍ସବ ଶେଷ ହୋଇଛି । ଗତ ୧୧ତାରିଖରୁ ଆରମ୍ଭ ହୋଇଥିବା ଏହି ମହୋତ୍ସବରେ କଂସ ଅଭିନେତାଙ୍କ ସମେତ ଅନ୍ୟ କଳାକାରଙ୍କ ଅଭିନୟ ଯେଭଳି ଚମତ୍କାର ଥିଲା, ଆଲୋକ ଓ ତୋରଣ ସାଜସଜ୍ଜା ସେଭଳି ଆକର୍ଷଣୀୟ ହୋଇପଡ଼ିଥିଲା । ଅନୁକୁଳ ପାଗ ଓ କଳାକାରଙ୍କ ନିଖୁଣ ଅଭିନୟ ବିଦେଶୀ ପର୍ଯ୍ୟଟକଙ୍କ ସମେତ ଲକ୍ଷାଧିକ ଦର୍ଶକଙ୍କୁ ମଥୁରାନଗରୀ ଓ ଗୋପପୁରକୁ ଟାଣି ଆଣିଥିଲା । 

ମାଙ୍କଡ଼ଚୁଆ ଗ୍ରାମରେ କଲରାପତରିଆ ବାଘ ଆତଙ୍କ

ମାଙ୍କଡ଼ଚୁଆ ଗ୍ରାମରେ କଲରାପତରିଆ ବାଘ ଆତଙ୍କ

ବଇଣ୍ଡା,୨୧।୧(ଡି.ଏନ.ଏ)- କିଶୋରନଗର ବ୍ଲକ ହଣ୍ଡପା ରେଞ୍ଜ ମାଙ୍କଡ଼ଚୁଆ ଗ୍ରାମରେ କଲରାପତରିଆ ବାଘ ଆତଙ୍କ ଦେଖାଦେଇଛି।  ସୋମବାର  ବିଶିକେଶନ ନାୟକଙ୍କ ଏକ ଛେଳିକୁ ବାଘ ଆକ୍ରମଣ କରିଛି।   ଏହାକୁ ନେଇ ଗ୍ରାମରେ ଆତଙ୍କ ଦେଖାଦେଇଛି। ଜଙ୍ଗଲରେ ଛେଳିମାନେ ଚରୁଥିବାବେଳେ ବାଘଟି ଗ୍ରାମାଭିମୁଖୀ ହୋଇ ଉକ୍ତ ଛେଳିକୁ ଆକ୍ରମଣ କରୁଥିବାବେଳେ  ଛେଳି ଚରାଳି  ବାଘକୁ ଦେଖି ପାଟି କରିଥିଲେ।

 ରାହାନ୍ଦା: କୁକୁର  ଆକ୍ରମଣରେ ଗଲା ନାବାଳକଙ୍କ ଜୀବନ

ରାହାନ୍ଦା: କୁକୁର ଆକ୍ରମଣରେ ଗଲା ନାବାଳକଙ୍କ ଜୀବନ

ବାରିପଦା ଅଫିସ,୨୧।୧- କୁକର ପଲ ଆକ୍ରମଣରେ ଗଲା ନାବାଳକଙ୍କ ଜୀବନ। ଏପରି ହୃହୟ ବିଦାରକ ଘଟଣା ମୟୂରଭଞ୍ଜ ଜିଲା ଯଶିପୁର ଥାନା ଅଧୀନ ରାହାନ୍ଦା ଅଞ୍ଚଳରେ ସୋମବାର ଘଟିଛି। ମୃତକ ହେଲେ ବାଲିସୁଦୂରା ଗ୍ରାମର ଶରମା ମହାରଣାଙ୍କ ପୁଅ ରିଙ୍କୁ (୭)। ସେ ଏକୁଟିଆ ସ୍କୁଲ ଯାଉଥିବା ବେଳେ ଏପରି ଅଘଟଣର ସମ୍ମୁଖୀନ ହୋଇଥିବା ଜଣାଯାଇଛି।