ସମ୍ବଲପୁର

ପରିବାର୍‌ ଲାଗି ପାଠ୍‌ପଢ଼ା ଛାଡ଼୍‌ଲେ ଗୌର

ପରିବାର୍‌ ଲାଗି ପାଠ୍‌ପଢ଼ା ଛାଡ଼୍‌ଲେ ଗୌର
ଲୋଇସିଂହା, ୮।୨(ଡି.ଏନ୍‌.ଏ): ଗରିବ୍‌ ଲୁକ୍‌କର ହିତ୍‌ ଲାଗି ସରକାରକଁର ବହୁତ୍‌ଟେ ଯୋଜ୍‌ନା ଅଛେ। ହେଲେ ଗାଁମାନ୍‌କେ କୁଜି ନେତା ଆର୍‌ ଅଧ୍‌କାରୀମାନ୍‌କର ସଲାସୁତ୍‌ରାରେ ଥିଲା ଲୋକ୍‌ମାନେ ଯୋଜ୍‌ନାକେ ହରିଲୁଟ୍‌ କରୁଛନ୍‌। ଯେନ୍‌ଥିରଲାଗି ଗାଁ ଗଁଡାର ନିହାତି ଗରିବ୍‌ ଆର୍‌ ନିରୀହ ଲୋକ୍‌ମାନ୍‌କର ଲାଗି ଇ ହିତ୍‌କାରୀ ଯୋଜ୍‌ନାମାନ୍‌ ଦିବାସପନ୍‌ ହେଇଛେ। ଏନ୍‌ତା ଗୁଟେ ଘଟ୍‌ନା ଦେଖ୍‌ବାକେ ମିଲିଛେ ବଲାଙ୍ଗୀର ଜିଲା ଲୋଇସିଂହା ବ୍ଲକ୍‌ ଭାଲୁପାଲି ଗାଁରେ। ଲୋଇସିଂହା ବ୍ଲକ୍‌ ବାଦିବାହାଲ ପନ୍‌ଚେତର ଭାଲୁପାଲି ଗାଁର ଶେଷ୍‌ ମୁଡ଼ସାନେ ରହୁଛନ୍‌ ମହେଶ୍ୱର ମିର୍ଦ୍ଧା। ପରିବାର୍‌ କହେଲେ ବିଧବା ମା’ ଦ୍ୱିତିକା (୭୫), ସ୍ତ୍ରୀ ଫଗୁନୀ, ଦୁଇ ପୁଓ ଗୌର (୧୮), ଅଜୁ (୧୪) ଆର୍‌ ଝି ଅନୀତା (୧୧)କୁଁ ନେଇ ତାଁକର ସଁସାର। ପରିବାର୍‌ଟା ପୂରା ସୁଖବାସୀ ଆଏ। ସମ୍‌ପତ୍‌ କହେଲେ ଘର୍‌ଡିହ ଖଁଡକ ଆର୍‌ ସେଥ୍‌ରେ ଥିବାର ରୁଇ ଘର୍‌। ଗାଁରେ ଲୁକ୍‌କର ଗାଈଦାମୁର୍‌ ଚରେଇ ଯାହା ମିଲୁଛେ ସେଥ୍‌ରେ ପରିବାର୍‌ର ବଛର୍‌ ଯାକ ତେଲ୍‌ନୁନ୍‌ ଚଲୁଛେ। ପରିବାର୍‌ର ଅସ୍‌ବିଧା ଲାଗି ବଡ଼ଖା ପୁଓ ଗୌର ଅଧାରୁ ପାଠ୍‌ପଢ଼ା ଛାଡ଼ି ବାପ୍‌କେ ଗାଈ ଗୁଠ୍‌ ଦେଖ୍‌ରେଖ୍‌ରେ ସାହାଯ୍‌ କରୁଛନ୍‌। ମହେଶ୍ୱରକଁର ଗୁଟେ ନଡ଼ାଛପର୍‌ ଘର୍‌ ଅଛେ। ସେ ଗରିବ ହେଇଥିଲେ ଭିଲ୍‌ ସରକାରକଁର ତରଫୁ ପକ୍‌କା ଘରଟେ ନାଇଁ ମିଲ୍‌ବାର। ପନ୍‌ଚେତ୍‌ରେ ବହୁତ୍‌ ଧନୀଲୋକ ଘର ପାଇଥିଲାବେଲ୍‌କେ ତାହାକୁ ନାଇଁ ମିଲ୍‌ବାର। ସେଥିର୍‌ଲାଗି ଖରା, ବର୍ଷା, ଶୀତରେ ବଡ଼ାକଷ୍‌ଟେ ପରିବାର୍‌ ରହୁଥିବାର କହିଛନ୍‌। ପକ୍‌କା ଘର୍‌ ଦୂରେ ଥାଉ ରାଶନ କାର୍ଡ ଖଁଡ଼େ ଭିଲ୍‌ ନାଇଁମିଲି। ଆଘ୍‌ରୁ ତାଁକର ବିପିଏଲ କାର୍ଡ ଥିଲା। ସେଥ୍‌ରେ ମିଲୁଥିବାର ଚାଉଲ୍‌ରେ ପରିବାର୍‌ଟା ଦୁଖେକଷ୍‌ଟେ ଚଲି ଯାଉଥିଲେ। ହେଲେ ଖାଦ୍ୟ ସୁରକ୍ଷା ଆଇନ ଲାଗୁ ହେଲା ଉତ୍‌ରୁ ରାଶନ କାର୍ଡ ପାଏବାରୁ ବାଦ୍‌ ପଡ଼ିଛନ୍‌। ଇ ସୁଖବାସୀ ପରିବାର ଚାଉଲ୍‌ ଘିନ୍‌ଲେ ଯାଇ ଘରେ ଚୁଲି ଜଲୁଛେ। ଚାଉଲ୍‌ ଠାନୁ ପନିପରିବା ସବୁ ଘିନିକରି ଚଲ୍‌ବାକେ ହେଉଛେ। ସେଥିର୍‌ଲାଗି ପରିବାର ଚଲାବାରେ ବଡ଼ା ଭିଡ଼ ହେଉଛେ ବଲି ଫଗୁନୀ କହିଛନ୍‌। ଘର୍‌ ଆର୍‌ ରାଶନ୍‌ କାର୍ଡ ଲାଗି ପନ୍‌ଚେତକେ ବହୁତ୍‌ ଥର ଗୁହାରି କରିଥିଲେ ଭିଲ୍‌ କେହି ତାକର କଥାକେ ନାଇଁ ଶୁନ୍‌ବାର ବଲି ଅଭିଯୋଗ କରିଛନ୍‌। ଇ ବାବ୍‌ଦେ ବିଡିଓ ରାମଚନ୍ଦ୍ର ଖାଡିଆକୁଁ ପଚ୍‌ରାବାରେ ଇ ବାବ୍‌ଦେ ମୋର୍‌ନିକେ ଅଭିଯୋଗ ନାଇଁ ଆସି। ଫେର୍‌ଭିଲ୍‌ ତଦନ୍ତ କରି ଆବଶ୍ୟକ୍‌ ପଦକ୍ଷେପ ନିଆଯିବା ବଲି କହିଥିଲେ।
All Right Reserved By

ସମ୍ବଲପୁର

 ଜଳବାୟୁ ପରିବର୍ତ୍ତନ ଶୀର୍ଷକ କର୍ମଶାଳା

ଜଳବାୟୁ ପରିବର୍ତ୍ତନ ଶୀର୍ଷକ କର୍ମଶାଳା

ବୀରମହାରାଜପୁର, ୧୭।୮(ଡି.ଏନ.ଏ)
ନାବାର୍ଡ ସୁବର୍ଣ୍ଣପୁର ଆନୁକୂଲ୍ୟରେ ଜଳବାୟୁ ପରିବର୍ତ୍ତନ ସମ୍ପର୍କିତ ବ୍ଲକସ୍ତରୀୟ ସଚେତନତା ଅଭିଯାନ ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ ବୀରମହାରାଜପୁର ବ୍ଲକ ଖଣ୍ଡହତାସ୍ଥିତ ରବିନ୍ଦ୍ରନାଥ ଜୁନିୟର କଲେଜରେ ଗୁରୁବାର ଏକ କର୍ମଶାଳା ସହିତ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ନାବାର୍ଡ ଡିଡିଏମ ତାପସ ଶଙ୍କର ରାଉତ ମୁଖ୍ୟଅତିଥି ଭାବେ ଯୋଗଦେଇ ଏ ସମ୍ପର୍କରେ ଆଲୋକପାତ କରିଥିଲେ।

 ଅଟଳ ବିହାରୀ ବାଜପେୟୀଙ୍କୁ ଶ୍ରଦ୍ଧାସୁମନ ଅର୍ପଣ

ଅଟଳ ବିହାରୀ ବାଜପେୟୀଙ୍କୁ ଶ୍ରଦ୍ଧାସୁମନ ଅର୍ପଣ

ଗୁଡଭେଲା,୧୭।୮(ଡି.ଏନ.ଏ.)
ବଲାଙ୍ଗୀର ଜିଲା ତୁଷୁରା ଏନଏସି ସ୍ଥିତ ମା’ ଗାୟତ୍ରୀ ପୀଠ ପରିସରରେ ଶୁକ୍ରବାର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିଯୋଗରେ ଏକ ଶୋକସଭା ଅନୁଷ୍ଟିତ ହୋଇଥିଲା ।

ତୁଷୁରା ଗ୍ରୀଡରୁ ଖର୍ଡା, ଧାନଘରାକୁ ବିଦ୍ୟୁତ ସଂଯୋଗ ଦେବାକୁ ଦାବି

ତୁଷୁରା ଗ୍ରୀଡରୁ ଖର୍ଡା, ଧାନଘରାକୁ ବିଦ୍ୟୁତ ସଂଯୋଗ ଦେବାକୁ ଦାବି


ଗୁଡ଼ଭେଲା,୧୭।୮(ଡି.ଏନ.ଏ.)
ବଲାଙ୍ଗୀର ଜିଲା ତୁଷୁରା ଏନଏସି ଅଧିନ ଖର୍ଡା ଓ ଧାନଘରା ଗ୍ରାମକୁ ତୁଷୁରାସ୍ଥିତ ବିଦ୍ୟୁତ ଗ୍ରୀଡରୁ ସଂଯୋଗ ଦେବାକୁ ଦାବି ହୋଇଛି।  ଉକ୍ତ ଦୁଇ ଗ୍ରାମର ସନ୍ତୋଷ ସାହୁ, ନେତ୍ରାନନ୍ଦ ସାହୁ,  ଗୋବିନ୍ଦ ବଢିଆ, ବୁଦ୍ଧଦେବ ନାଗ, ବଜ୍ର ବେହେରା ପ୍ରମୁଖଙ୍କ ସହ ଶତାଧିକ ବ୍ୟକ୍ତି ଶୁକ୍ରବାର ତୁଷୁରା ବିଦ୍ୟୁତ୍‌ ବିଭାଗ ଏସଡିଓଙ୍କୁ ଭେଟି ଏକ ଲିଖିତ ଦାବିପତ୍ର ପ୍ରଦାନ କରିଛନ୍ତି । ଏଥିରେ ଦର୍ଶାଯାଇଛି ଯେ, ଅନ୍ୟ ଗ୍ରୀଡରୁ  ବିଦ୍ୟୁତ ସଂଯୋଗ ଦିଆଯାଇଥିବାରୁ ସମାନ୍ୟ ବର୍ଷା ହେଲେ  ସରବରାହ ଦିନ ଦିନ ଧରି ବନ୍ଦ ରହୁଛି । 

ବାଜପେୟୀଙ୍କ ବିୟୋଗରେ ଶୋକସଭା

ବାଜପେୟୀଙ୍କ ବିୟୋଗରେ ଶୋକସଭା

ଦେଓଗାଁ,୧୭।୮(ଡି.ଏନ.ଏ)-ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଦେହାନ୍ତରେ ଦେଓଗାଁ ସଂଘ ପରିବାର  ପକ୍ଷରୁ ସ୍ଥାନୀୟ ଶିଶୁ ମନ୍ଦିରଠାରେ ଶୋକସଭା ଅନୁଷ୍ଠିତ ହୋଇଯାଇଛି । ଭାଜପା ଓବିସି ରାଜ୍ୟ ଉପସଭାପତି ଡ. ଶଶୀଭୂଷଣ ସାହୁଙ୍କ ନେତୃତ୍ୱରେ ଅନୁଷ୍ଠିତ ଶୋକସଭା ପ୍ରାରମ୍ଭରେ ୨ମିନିଟ ନୀରବ ପ୍ରାର୍ଥନା କରାଯାଇଥିଲା। ଉପସ୍ଥିତ ସଭ୍ୟମାନେ ବାଜପେୟୀଙ୍କ ନିର୍ଭିକତା ଓ ଦେଶପ୍ରେମୀ ଗୁଣାବଳୀ ଉପରେ ଆଳୋଚନା କରିଥିଲେ ।

 ଅଙ୍ଗନୱାଡି କୋଠା ଅଧାପନ୍ତରିଆ: ବାରଣ୍ଡାରେ ଚାଲିଛି ପ୍ରିକ୍ଲାସ

ଅଙ୍ଗନୱାଡି କୋଠା ଅଧାପନ୍ତରିଆ: ବାରଣ୍ଡାରେ ଚାଲିଛି ପ୍ରିକ୍ଲାସ

ଦେଓଗାଁ,୧୭।୮(ଡି.ଏନ.ଏ)-ବଲାଙ୍ଗୀର ଜିଲା ଦେଓଗାଁ ବ୍ଲକ ଉପରଝର ପଞ୍ଚାୟତ ଅନ୍ତର୍ଗତ ଫଟାମୁଣ୍ଡା ଗ୍ରାମରେ  ଗତ ୪ ବର୍ଷହେଲା ଅସମ୍ପୂର୍ଣ୍ଣ ହୋଇ ପଡିରହିଛି ଅଙ୍ଗନୱାଡି କେନ୍ଦ୍ର କୋଠା । ୨୦୧୩-୧୪ ଆର୍ଥିକ ବର୍ଷରେ ରାଜ୍ୟ ସରକାରଙ୍କ ଏସିଏ ପାଣ୍ଠିରୁ ୫ଲକ୍ଷ ଟଙ୍କାର ଅନୁଦାନ ଆସି ଗତ ୨୦୧୪ ଡିସେମ୍ବର ୧୪ତାରିଖ କୋଠା କାମ ଆରମ୍ଭ ହୋଇଥିଲା । ତେବେ କୌଣସି କାରଣରୁ ଏ ପର୍ଯ୍ୟନ୍ତ  ନିର୍ମାଣ କାମ ସମ୍ପୂର୍ଣ୍ଣ ହୋଇପାରି ନାହିଁ । 

କୂଅ ଭିତରୁ ମୃତ ବାର୍‌ହା ଉଦ୍ଧାର

କୂଅ ଭିତରୁ ମୃତ ବାର୍‌ହା ଉଦ୍ଧାର

ବଡଗାଁ, ୧୭।୮ (ଡି.ଏନ.ଏ)- ସୁନ୍ଦରଗଡ ଜିଲା ବଡଗାଁ ଫରେଷ୍ଟ ରେଞ୍ଜ ଅନ୍ତର୍ଗତ ତଲସରା ଗ୍ରାମ ନିକଟ ରାସ୍ତା ପାର୍ଶ୍ୱରେ ଥିବା ଏକ ପରିତ୍ୟକ୍ତ କୂଅରୁ ଏକ ବାର୍‌ହାର ମୃତଦେହ ଉଦ୍ଧାର ହୋଇଛି।

ବଡଗାଁରେ ବାଜପେୟୀଙ୍କୁ ଶ୍ରଦ୍ଧାଞ୍ଜଳି

ବଡଗାଁରେ ବାଜପେୟୀଙ୍କୁ ଶ୍ରଦ୍ଧାଞ୍ଜଳି

ବଡଗାଁ,୧୭।୮(ଡି.ଏନ.ଏ)-ସୁନ୍ଦରଗଡ ଜିଲା ବଡଗାଁରେ ଶୁକ୍ରବାର ଗ୍ରାମବାସୀଙ୍କ ପକ୍ଷରୁ ବସ୍ତିସ୍ଥିତ ମାରୱାଡି ଧର୍ମଶାଳାରେ ପୂର୍ବତନ ପ୍ରଧାନମନ୍ତ୍ରୀ ତଥା ଜନନେତା ର୍ସ୍ବତ ଅଟଳ ବିହାରୀ ବାଜବେୟୀଙ୍କୁ ଶ୍ରଦ୍ଧାସୁମନ ଜ୍ଞାପନ କରାଯାଇଛି ।

ରାଉରକେଲା ବିଜେଡି ଆଇନଜୀବୀ ସାମ୍ମୁଖ୍ୟର ସ୍ବାଗତ ସମ୍ବର୍ଦ୍ଧନା

ରାଉରକେଲା ବିଜେଡି ଆଇନଜୀବୀ ସାମ୍ମୁଖ୍ୟର ସ୍ବାଗତ ସମ୍ବର୍ଦ୍ଧନା

ରାଉରକେଲା/ବେଦବ୍ୟାସ,୧୭।୮ (ଅଫିସ/ଡି.ଏନ.ଏ)- ରାଉରକେଲା ବିଜୁ ଜନତା ଦଳ ଆଇନଜୀବୀ ସାମ୍ମୁଖ୍ୟ ପକ୍ଷରୁ ଶୁକ୍ରବାର ପାନପୋଷସ୍ଥିତ ବ୍ରାହ୍ମଣୀ କ୍ଲବ ପରିସରରେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜିତ ହୋଇ ଯାଇଛି। 

ରାଜଗାଙ୍ଗପୁର ବିଧାୟକଙ୍କ ପ୍ରତିନିଧିଙ୍କୁ ହତ୍ୟା ଧମକ

ରାଜଗାଙ୍ଗପୁର ବିଧାୟକଙ୍କ ପ୍ରତିନିଧିଙ୍କୁ ହତ୍ୟା ଧମକ

ରାଉରକେଲା/ବେଦବ୍ୟାସ,୧୭।୮(ଅଫିସ/ଡି.ଏନ.ଏ)-ସୁନ୍ଦରଗଡ଼ ଜିଲା ରାଜଗାଙ୍ଗପୁର ବିଧାୟକ ମଙ୍ଗଳା କଷାନଙ୍କ ରାଉରକେଲା ପ୍ରତିନିଧି ଶ୍ରୀକାନ୍ତ ଦାଶଙ୍କୁ ଗାଳିଗୁଳଜ ସହ ହତ୍ୟାଧମକ ମିଳିଛି। ଏ ନେଇ ଛେଣ୍ଡ ଥାନାରେ ଏକ ମାମଲା ରୁଜୁ ହୋଇଛି । 

ଜାତୀୟ ପତାକାକୁ ଫାଣ୍ଡି ଅଧିକାରୀଙ୍କ ଅବମାନନା

ଜାତୀୟ ପତାକାକୁ ଫାଣ୍ଡି ଅଧିକାରୀଙ୍କ ଅବମାନନା

ଅତାବିରା, ୧୭।୮ (ଡି.ଏନ.ଏ)- ବରଗଡ ଜିଲା ଭେଡେନ ଥାନା ତଥା ରୁଷୁଡା ଫାଣ୍ଡିରେ ୭୨ତମ ସ୍ବାଧୀନତା ଦିବସ ପାଳନ ସମୟରେ ଖୋଦ ଫାଣ୍ଡି ଅଧିକାରୀ ଜାତୀୟ ପତାକାକୁ ଅବମାନନା କରିଥିବା ଘଟଣା ପଦାକୁ ଆସିଛି । ଅଗଷ୍ଟ ୧୫ ତାରିଖ ସ୍ବାଧୀନତା ଦିବସ ପାଳନ କରିବା ପାଇଁ ରୁଷୁଡା ଫାଣ୍ଡିର ଫାଣ୍ଡି ଅଧିକାରୀ, ସିପାହୀ, ମୋହଗାର୍ଡ, ଗ୍ରାମରକ୍ଷୀମାନେ ଏକତ୍ରିତ ହୋଇଥିଲେ ଫାଣ୍ଡି ପରିସରରେ । ଏହି ସମୟରେ ରୁଷୁଡା ହାଇସ୍କୁଲର କ୍ରୀଡା ଶିକ୍ଷକ, ସ୍କାଉଟ, ଗାଇଡ ଛାତ୍ରୀଛାତ୍ର ମଧ୍ୟ ଥିଲେ । ପତାକା ଉତ୍ତୋଳନ କରିବା ସମୟରେ ଜାତୀୟ ପତାକାକୁ ଖୋଦ ଫାଣ୍ଡି ବାବୁ ପ୍ରକାଶ ପାତ୍ର ଫିଙ୍କିଦେଇ ଥିଲେ । ପୁଣି ଉପସ୍ଥିତ ଥିବା କର୍ମଚାରୀମାନେ କହିବାରୁ ପରେ ଫାଣ୍ଡିରେ ପତାକା ଉତ୍ତୋଳନ କରାଯାଇଥିଲା । ଫାଣ୍ଡି ଅଧିକାରୀ ଫିଙ୍ଗି ଦେଇଥିବା ଜାତୀୟ ପତାକାକୁ ପୁଣି ଆଣି ପତାକା ଉତ୍ତୋଳନ କରିବା ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । 

ଅବ୍ୟବସ୍ଥା ଘେରରେ ସେବା ସମବାୟ ସମିତି

ଅବ୍ୟବସ୍ଥା ଘେରରେ ସେବା ସମବାୟ ସମିତି

ସିନାପାଲି, ୧୭।୮ (ଡି.ଏନ.ଏ)- ସରକାର ଗ୍ରାମାଞ୍ଚଳର ଜନସାଧାରଣଙ୍କ ଉନ୍ନତି ପାଇଁ ସେବା ସମବାୟ ସମିତି ଗୁଡିକୁ ପ୍ରାଧାନ୍ୟ ଦେଉଥିବା ବେଳେ ସିନାପାଲି ସ୍ଥିତ ସେବା ସମବାୟ ବିଭିନ୍ନ ଅବ୍ୟବସ୍ଥା ମଧ୍ୟରେ ଗତି କରୁଛି । ଏହାର ସମାଧାନ ପାଇଁ ଜିଲା ପ୍ରଶାସନ ଦୃଷ୍ଟି ଦେଉନଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ସିନାପାଲି ସେବା ସମବାୟ ସମିତି ୧୯୮୯ ଅଗଷ୍ଟ ୨୭ରେ ଉଦ୍‌ଘାଟିତ ହୋଇଥିଲା । ନାବାର୍ଡ ତରଫରୁ ସେତେବେଳେ ଗୃହ ନିର୍ମାଣ ପାଇଁ ସହାୟତା ଯୋଗାଇ ଦିଆଯାଇଥିଲା । ଘର ଆଜବେଷ୍ଟସ ପୁରୁଣା ହୋଇ ଭଙ୍ଗାଦଦରା ହୋଇ ପଡି ରହିଛି । ଉପରେ ଅନାବନା ଘାସ ଉଠି ଅତି ଦୟନୀୟ ଅବସ୍ଥା ହୋଇଛି । ତଥାପି କୌଣସି ବିକଳ୍ପ ନ ଥିବାରୁ ଏହି ଭଙ୍ଗା ଦଦରା ଗୃହରେ ଅଫିସ କାମ ଚାଲୁଛି । ବର୍ଷା ହେଲେ ଅଫିସ ଗୃହରେ ପାଣି ଭର୍ତ୍ତି ହୋଇ ରହୁଛି । ଫଳରେ ଅଫିସ କାର୍ଯ୍ୟରେ ବ୍ୟାଘାତ ସୃଷ୍ଟି ହେଉଛି ।

ଗ୍ରୁପ ଡିସକସନ, ବକ୍ତୃତା ପ୍ରତିଯୋଗିତା

ଗ୍ରୁପ ଡିସକସନ, ବକ୍ତୃତା ପ୍ରତିଯୋଗିତା

ବରଗଡ଼ ଅଫିସ୍‌,୧୭।୮-
ଭାରତ ନିର୍ମାଣ ସମିତି, ବରଗଡ଼ ଏବଂ ସୋସିଆଲ କ୍ଲବର ମିଳିତ ଆନୁକୂଲ୍ୟରେ ଗ୍ରୁପ ଡିସକସନ ଏବଂ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ପ୍ରତିଯୋଗିତାରେ ଜିଲାର ବିଭିନ୍ନ ସ୍କୁଲ, କଲେଜର ଛାତ୍ରୀଛାତ୍ର ଭାଗ ନେଇଥିଲେ ।