Dharitri News
ଉପକୂଳ ଓଡିଶା

ମିଳିମିଳା ଓ ରୁବେଲା ଟିକା ନେଇ ୬ ଛାତ୍ରୀଛାତ୍ର ଅସୁସ୍ଥ

ମିଳିମିଳା ଓ ରୁବେଲା ଟିକା ନେଇ ୬ ଛାତ୍ରୀଛାତ୍ର ଅସୁସ୍ଥ ନିଶ୍ଚିତକୋଇଲି,୮।୨(ସ୍ବ.ପ୍ର.)-କଟକ ଜିଲା ନିଶ୍ଚିତକୋଇଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ ବିଭିନ୍ନ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନରେ ମିଳିମିଳା ଓ ରୁବେଲା ଟିକାକରଣ କରାଯାଉଛି । ଗୁରୁବାର ଏହି ଟିକା ନେବା ପରେ ମୁକ୍ତେଶ୍ୱର ନୋଡାଲ ବିଦ୍ୟାଳୟ, କୁଳିଆର ୩ ଜଣ ଅସୁସ୍ଥ ହୋଇ ପଡିଛନ୍ତି । ସେମାନେ ହେଲେ ୫ମ ଶ୍ରେଣୀର ଅର୍ଘ୍ୟରୂପା ପାଲ (୧୨), ବିଷ୍ଣୁପ୍ରଭା ସାହୁ (୧୧), ଷଷ୍ଠ ଶ୍ରେଣୀର ଗାଜିଦା ବେଗମ (୧୧) । ସେହିପରି ପାଇକରାପୁର ନୋଡାଲ ବିଦ୍ୟାଳୟର ୭ମ ଶ୍ରେଣୀ ଛାତ୍ରୀ ଦୀପ୍ତିପ୍ରଭା ସେଠୀ (୧୨) ଓ ଅଢଙ୍ଗା ୟୁ.ପି. ସ୍କୁଲର ୩ୟ ଶ୍ରେଣୀ ଛାତ୍ରୀ ସୁହାନୀ ବେଗମ (୯) ଓ ନିଶ୍ଚିତକୋଇଲି ସରସ୍ବତୀ ଶିଶୁ ମନ୍ଦିରର ବୋଧ ଶ୍ରେଣୀର ଛାତ୍ର ଦିବ୍ୟରଶ୍ମି ସାହୁ ଅସୁସ୍ଥ ହୋଇ ପଡିଛନ୍ତି । ସେମାନଙ୍କ ମୁଣ୍ଡ ବୁଲାଇବା ସହ ଗୋଡ ଥଣ୍ଡା ହୋଇଯିବାରୁ ନିଶ୍ଚିତକୋଇଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଶିଶୁ ରୋଗ ବିଶେଷଜ୍ଞ ଡା. ସୁବାସ ଗୋଚ୍ଛାୟତ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରିବା ପରେ ସାଲାଇନ ଦିଆଯାଇଛି । ଖବରପାଇ ଅଭିଭାବକମାନେ ପହଞ୍ଚିଛନ୍ତି । ଡା. ଗୋଛାୟତ ଏ ନେଇ କହିଛନ୍ତି ଯେ, ପ୍ରଥମ ଥର ପାଇଁ ଏଭଳି ଟିକା ଦିଆଯାଇଛି । ତେଣୁ କିଛି ପିଲାଙ୍କୁ ଜ୍ୱର ହେବାର ଦେଖିବାକୁ ମିଳିଥାଏ । ଏଥିରେ କୌଣସି ଭାବେ ଭୟଭୀତ ହେବାର ନାହିଁ ।

ଉପକୂଳ ଓଡିଶା

ଜନଶୁଣାଣୀ ଶିବିର ଅନୁଷ୍ଠିତ

ରାଜନଗର, ୧୯।୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ପରିସରରେ ଜିଲାପାଳ ରଘୁଜୀଙ୍କ ଅଧ୍ୟକ୍ଷତାରେ ସୋମବାର ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ରାସନ କାର୍ଡରୁ ବଞ୍ଚିତ, ଇନ୍ଦିରା ଆବାସ, ବିଜୁ ପକ୍କାଗୃହ, ପରିତ୍ୟକ୍ତ କେନାଲ ପୁନରୁଦ୍ଧାର, ପାନୀୟ ଜଳ, ଲୁଣା ଘେରିବନ୍ଧ ମରାମତି ପ୍ରଭୃତି ଅଭିଯୋଗର ଶୁଣାଣି ହୋଇଥିଲା।

୪୦ ମତ୍ସ୍ୟଜୀବୀ ଗିରଫ, ୫ ଟ୍ରଲର ଜବତ

ରାଜନଗର, ୧୯।୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଗହୀରମଥା ସାମୁଦ୍ରିକ ନିଷିଦ୍ଧାଞ୍ଚଳରେ ବେଆଇଭାବେ ମାଛ ଧରୁଥିବା ବାଲେଶ୍ୱର ଓ ପାରାଦୀପ ଅଞ୍ଚଳର ୪୦ ମତ୍ସଜୀବୀଙ୍କୁ ରାଜନଗର ବନ ବିଭାଗ କର୍ମଚାରୀ ରବିବାର ବିଳମ୍ବିତ ରାତିରେ ଗିରଫ କରିଛି।

ଛାତ୍ର, ଶିକ୍ଷକଙ୍କୁ ପିଟିଲେ ସିଆଇଏସ୍‌ଏଫ୍‌ କର୍ମଚାରୀ: ରାସ୍ତା ଅବରୋଧ କଲେ ଛାତ୍ର

ଛାତ୍ର, ଶିକ୍ଷକଙ୍କୁ ପିଟିଲେ ସିଆଇଏସ୍‌ଏଫ୍‌ କର୍ମଚାରୀ: ରାସ୍ତା ଅବରୋଧ କଲେ ଛାତ୍ର

ଯାଜପୁର ଅଫିସ,୧୯।୨: କଳିଙ୍ଗନଗର ଗୋବରଘାଟି ଆଦିବାସୀ ଛାତ୍ରାବାସରେ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ(ସିଆଇଏସ୍‌ଏଫ୍‌) କର୍ମଚାରୀମାନେ ରବିବାର ବିଳମ୍ବିତ ରାତିରେ ଏକ ଅମାନବୀୟ କାଣ୍ଡ ଘଟାଇଛନ୍ତି। ସାମାନ୍ୟ ଘଟଣାକୁ ନେଇ ୫୦ ସିଆଇଏସ୍‌ଏଫ୍‌ କର୍ମଚାରୀ ଉକ୍ତ ଛାତ୍ରାବାସର ୩୦ ଛାତ୍ରଙ୍କ ସମେତ ଶିକ୍ଷକଙ୍କୁ ମାଡ଼ ମାରିଛନ୍ତି।

ରାସ୍ତା ନିର୍ମାଣ ନାମରେ ଚାଲିଛି ଅର୍ଥ ହଡ଼ପ

ରାସ୍ତା ନିର୍ମାଣ ନାମରେ ଚାଲିଛି ଅର୍ଥ ହଡ଼ପ

କୋରେଇ,୧୮।୨(ସ୍ବ.ପ୍ର)- ଗ୍ରାମାଞ୍ଚଳରେ ରାସ୍ତା ନିର୍ମାଣ କରି ବିକାଶକୁ ତ୍ୱରାନ୍ବିତ କରିବା ଲକ୍ଷ୍ୟରେ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ କାର୍ଯ୍ୟକାରୀ ହେଉଛି ଅନେକ ଯୋଜନା। ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ଏହି ରାସ୍ତା ନିର୍ମାଣ କରାଯାଉଥିଲେ ହେଁ ପ୍ରକୃତ ପକ୍ଷେ ଏହି ଯୋଜନା ଲକ୍ଷ୍ୟଚ୍ୟୁତ ହୋଇଛି। ସରକାରଙ୍କ ଦ୍ୱାରା ରାସ୍ତା ନିର୍ମାଣ ହେଉଛି ସତ ମାତ୍ର ନିମ୍ନମାନର କାର୍ଯ୍ୟ କରି ଅର୍ଥ ହଡ଼ପ କରାଯାଉଥିବା ଅଭିଯୋଗ ହେଉଛି। ଏଭଳି ଘଟଣା ଦେଖିବାକୁ ମିଳିଛି କୋରେଇ ବ୍ଲକରେ ।

ଜଳସେଚନକୁ ଉପେକ୍ଷା, ବେଆଇନ ଖନନକୁ ପ୍ରୋତ୍ସାହନ

ଜଳସେଚନକୁ ଉପେକ୍ଷା, ବେଆଇନ ଖନନକୁ ପ୍ରୋତ୍ସାହନ

ରାଜ୍ୟର ଦ୍ୱିତୀୟ ବୃହତ୍ତମ ନଦୀ ବ୍ରାହ୍ମଣୀର ବିସ୍ତୃତ ଜଳରାଶି, ମୂଲ୍ୟବାନ ଭୂ-ସମ୍ପଦ ଓ ପ୍ରାକୃତିକ ସମ୍ପଦରେ ପରିପୂର୍ଣ୍ଣ ଯାଜପୁର ଜିଲାର ଧର୍ମଶାଳା ନିର୍ବାଚନ ମଣ୍ଡଳୀ ଅନ୍ୟତମ। ଏଥିସହ ଏହି ନିର୍ବାଚନ ମଣ୍ଡଳିରେ ଏବେ ଛୋଟବଡ ଶିଳ୍ପସଂସ୍ଥାଗୁଡିକର ଲମ୍ବା ଧାଡି ଲାଗି ରହିଛି। ସମସ୍ତ ପ୍ରାଚୂର୍ଯ୍ୟରେ ଭରପୁର ହୋଇଥିଲେ ହେଁ ଆଜି ଧର୍ମଶାଳା ସବୁକ୍ଷେତ୍ରରେ ଅବହେଳିତ ଓ ଶ୍ରୀହୀନ। ଏକ ପକ୍ଷରେ ପଥର ମାଫିଆମାନେ ଏହି ନିର୍ବାଚନ ମଣ୍ଡଳୀର ଭୂସମ୍ପଦ ତଥା ପ୍ରାକୃତିକ ସମ୍ପଦ ଲୁଣ୍ଠନ କରୁଥିବାବେଳେ ଏହି ଅଞ୍ଚଳରୁ ସରକାର କୋଟି କୋଟି ଟଙ୍କାର ରାଜସ୍ବ ଆଦାୟ କରୁଛନ୍ତି। ତଥାପି ରାଜନୈତିକ ନେତୃବର୍ଗଙ୍କ ଆନ୍ତରିକତା ଅଭାବରୁ ଏହି ଅଞ୍ଚଳ ଓ ଅଞ୍ଚଳବାସୀ ଅବହେଳିତ ହୋଇ ଜଳସେଚନ ଓ ସ୍ବଚ୍ଛ ପାନୀୟ ଜଳ ପାଇବାରୁ ବଞ୍ଚିତ ରହିଛନ୍ତି।

ମାଟ୍ରିକ ପରୀକ୍ଷାକୁ ଆଉ ୫ଦିନ ବାକି: ଅସୁରକ୍ଷିତ ପରୀକ୍ଷା କେନ୍ଦ୍ର, ଚିନ୍ତାରେ ଅଭିଭାବକ

ରସୁଲପୁର,୧୮।୨(ଡି.ଏନ୍‌.ଏ.)- ୨୦୧୮-୧୯ ହାଇସ୍କୁଲ ସାର୍ଟିଫିକେଟ୍‌ ପାଇଁ ପରୀକ୍ଷା ଶୁକ୍ରବାରଠାରୁ ଆରମ୍ଭ ହେବ। ବିଗତବର୍ଷ ଭଳି ପରୀକ୍ଷାକୁ ନିଜ ନିଜ ବିଦ୍ୟାଳୟରେ କରା ନ ଯାଇ ପୂର୍ବଭଳି ୫କିମି ବ୍ୟବଧାନରେ ପରୀକ୍ଷା କେନ୍ଦ୍ର ସ୍ଥିର ହୋଇଛି। ଏହି କ୍ରମରେ ଯାଜପୁର ଜିଲା ରସୁଲପୁର ବ୍ଲକରେ ୧୫ଟି ବିଦ୍ୟାଳୟକୁ ପରୀକ୍ଷା କେନ୍ଦ୍ର ଭାବେ ଚୟନ କରାଯାଇଛି। ପରୀକ୍ଷା କେନ୍ଦ୍ର ଚୟନରେ ଅନିୟମିତତାକୁ ନେଇ ମାଧ୍ୟମିକ ଶିକ୍ଷା ବୋର୍ଡର ସଭାପତି ଓ ଗଣ ଶିକ୍ଷା ବିଭାଗର ସଚିବଙ୍କ ନିକଟରେ ଅଭିଯୋଗ ହୋଇଥିଲା। ଏହା ସତ୍ତ୍ୱେ ବି ସ୍ଥିରୀକୃତ କେନ୍ଦ୍ରରେ କୌଣସି ପରିବର୍ତ୍ତନ ହେଲା ନାହିଁ। ଏବେ ବି କେତେକ ପରୀକ୍ଷା କେନ୍ଦ୍ର ଅସୁରକ୍ଷିତ ଅବସ୍ଥାରେ ରହିଛି। ଯାହାକୁ ନେଇ ଅଭିଭାବକମାନେ ଚିନ୍ତାରେ ପଡିଯାଇଛନ୍ତି। ଅସୁରକ୍ଷିତ କେନ୍ଦ୍ରଗୁଡିକ ଉପରେ ବୋର୍ଡ ଦ୍ୱାରା ଗଠିତ ସ୍କ୍ବାଡ ପକ୍ଷରୁ ସ୍ବତନ୍ତ୍ର ଧ୍ୟାନ ପ୍ରଦାନ କରିବାକୁ ବିଭିନ୍ନ ମହଲରେ ଦାବି ହେଉଛି।

ଜୀବିକା ହରାଇବାକୁ ବସିଛନ୍ତି ମତ୍ସ୍ୟଜୀବୀ

ବରୀ,୧୮।୨(ବାଞ୍ଛାନିଧି ସାହୁ)- ଯାଜପୁର ଜିଲା ବରୀ ଅଞ୍ଚଳ ଦେଇ ପ୍ରବାହିତ ହେଉଥିବା ନଦୀନାଳ ଗୁଡ଼ିକ ଧୀରେ ଧୀରେ ଶୁଖି ଗଲାଣି। ଯେଉଁ କେତେଗୋଟି ଛୋଟ ଛୋଟ ନଦୀ ନାଳ ରହିଛି ସେଗୁଡ଼ିକ ଉପରେ ମାଛ ମାଫିଆଙ୍କର ରାଜ୍‌ ଚାଲିଛି। ଫଳରେ ସ୍ଥାନୀୟ ମତ୍ସ୍ୟଜୀବୀମାନେ ଦିନକୁ ଦିନ ତାଙ୍କର ଜୀବିକା ହରାଇବାକୁ ଯାଉଛନ୍ତି।

 ଙ୍ଗୁଡିଚାଷୀ ମହାସଂଘ ଖବରଦାତା ସମ୍ମିଳନୀ:  ଭିତରକନିକାର ବିଭବକୁ ନଷ୍ଟକରୁନାହିଁ  ଚିଙ୍ଗୁଡିଘେରି

ଙ୍ଗୁଡିଚାଷୀ ମହାସଂଘ ଖବରଦାତା ସମ୍ମିଳନୀ: ଭିତରକନିକାର ବିଭବକୁ ନଷ୍ଟକରୁନାହିଁ ଚିଙ୍ଗୁଡିଘେରି

ରାଜନଗର,୧୮।୨(ଡି.ଏନ୍‌.ଏ.)- ଚିଙ୍ଗୁଡିଚାଷରେ କେମିକାଲ୍‌ କିମ୍ବା ଆଣ୍ଟିବାୟୋଟିକ୍‌ ବ୍ୟବହାର କରାଯାଏ ନାହିଁ। ଚିଙ୍ଗୁଡିଘେରିର ପାଣି ପରିବେଶ ପାଇଁ କ୍ଷତିକାରକ ନୁହେଁ। ଏହି ଚାଷ ହେନ୍ତାଳବଣ ଅବକ୍ଷୟର କାରଣ ନୁହେଁ ଅବା ଭିତରକନିକାର ବିଭବକୁ ନଷ୍ଟକରୁନାହିଁ ବୋଲି ରବିବାର ଚିଙ୍ଗୁଡିଚାଷୀମାନେ ମତବ୍ୟକ୍ତ କରିଛନ୍ତି। ପ୍ରଶାସନର ଚିଙ୍ଗୁଡିଘେରି ଉଚ୍ଛେଦ ବିରୋଧରେ ରାଜନଗର ପୂର୍ତ୍ତ ବିଭାଗ ଡାକବଙ୍ଗଳାରେ ରାଜନଗର ଓ ମହାକାଳପଡା ଚିଙ୍ଗୁଡିଚାଷୀ ମହାସଂଘ ପକ୍ଷରୁ ଏକ ଖବରଦାତା ସମ୍ମିଳନୀ ଡକାଯାଇଥିଲା।

ସରପଞ୍ଚଙ୍କ ଘରେ ଗୁଳିମାଡ଼

ଜଗତ୍‌ସିଂହପୁର ଅଫିସ ୧୮।୨-ଜଗତ୍‌ସିଂହପୁର ଥାନା ବଳରାମପୁର ପଞ୍ଚାୟତ ସରପଞ୍ଚ କାଞ୍ଚନବାଳା ମହାରଣାଙ୍କ ଘରେ ରବିବାର ରାତି ୯ଟା୩୦ରେ ୬ ଦୁର୍ବୃତ୍ତ ପଶି ତାଙ୍କ ପୁଅ ଜାନକୀ ବଲ୍ଲଭଙ୍କୁ ଖୋଜିଥିଲେ। ତେବେ ଜାନକୀଙ୍କୁ ନ ପାଇବାରୁ ତାଙ୍କ ଘରେ ଏକ ରାଉଣ୍ଡ ଗୁଳି ଚଳାଇଥିଲେ। ଗୁଳି ତାଙ୍କ କାନ୍ଥରେ ଲାଗିଥିବା ଜଣାପଡ଼ିଛି। ବ୍ଲାଙ୍କ ଫାଇରିଂ କରି ପରିବାରକୁ ଭୟଭୀତ କରିବାକୁ ଉଦ୍ୟମ ହୋଇଥିବା କୁହାଯାଉଛି।

୩ ବେଆଇନ୍‌ ପଥର ବୋଝେଇ ଗାଡ଼ି ଜବତ

ଧର୍ମଶାଳା,୧୮।୨(ଡି.ଏନ୍‌.ଏ.)- ଧର୍ମଶାଳା ତହସିଲ ଅନ୍ତର୍ଗତ ଜଙ୍ଗଲ କିସମ କଳା ପଥର ପାହାଡ଼ରୁ ବେଆଇନ୍‌ ଭାବେ ପଥର ପରିବହନ କରୁଥିବା ୩ଟି ଟ୍ରକ୍‌କୁ ଜେନାପୁର ଥାନାଧିକାରୀ ରବିବାର ଜବତ କରିଛନ୍ତି।

ସଂରକ୍ଷିତ ଜଙ୍ଗଲରୁ ଅବାଧ ଗଛକଟା: ବନ ବିଭାଗ ନିଷ୍କ୍ରିୟ

ସଂରକ୍ଷିତ ଜଙ୍ଗଲରୁ ଅବାଧ ଗଛକଟା: ବନ ବିଭାଗ ନିଷ୍କ୍ରିୟ

ନୟାଗଡ଼ ଅଫିସ,୧୮। ୨- ନୟାଗଡ଼ ସହରଠାରୁ ମାତ୍ର ୫ କିଲୋମିଟର ଦୂରରେ ଥିବା ସଂରକ୍ଷିତ ଜଙ୍ଗଲରୁ ଅବାଧରେ କଟାଯାଉଛି ମୂଲ୍ୟବାନ ଗଛ। ଦିନରାତି ଜଙ୍ଗଲରେ ପଶି ମାଫିଆମାନେ ଗଛ କାଟି ଲୁଟିବାରେ ଲାଗିଛନ୍ତି। ଫଳରେ ଶାଳ, ପିଆଶାଳ ଭଳି ମୂଲ୍ୟବାନ ଗଛ ଧ୍ୱଂସ ପାଇବାରେ ଲାଗିଛି। ଏ ନେଇ ପଚାରିଲେ ବନ ବିଭାଗ ସମ୍ପୃକ୍ତ ଲୋକଙ୍କୁ ଗିରଫ କରୁଥିବା କହି ତା’ କାମ ସାରିଦେଉଛି। ବନ ବିଭାଗର ନିଷ୍କ୍ରିୟତା ଯୋଗୁ ମୂଲବାନ ଗଛରେ ପରିପୂର୍ଣ୍ଣ ଥିବା ସଂରକ୍ଷିତ ଜଙ୍ଗଲ ପଦା ହେବାକୁ ବସିଲାଣି।

କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବ: ସଙ୍କୁଚିତ ହେଉଛି ହେନ୍ତାଳ ବଣ

କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବ: ସଙ୍କୁଚିତ ହେଉଛି ହେନ୍ତାଳ ବଣ

ପାରାଦୀପ,୧୮ା୨(ସ୍ବ.ପ୍ର): ଉପକୂଳର ସୁରକ୍ଷା କବଚ ହେଉଛି ପ୍ରାକୃତିକ ସବୁଜିମାରେ ପୂର୍ଣ୍ଣ ହେନ୍ତାଳ ବଣ। ତେବେ କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବରେ ପାରାଦୀପରେ ଥିବା ଏହି ହେନ୍ତାଳବଣ ଏବେ ସଙ୍କୁଚିତ ହେବାରେ ଲାଗିଛି। ଏକଦା ମହାନଦୀ ମୁହାଣ ଓ ଜଟାଧାର ମୁହାଣ ମଧ୍ୟସ୍ଥଳରେ ଏହି ହେନ୍ତାଳବଣ ଭୁରପୁର ଥିଲା। ଏବେ ଅଠରବାଙ୍କୀରୁ ନେହେରୁ ବଙ୍ଗଳା ପର୍ଯ୍ୟନ୍ତ ଥିବା କାଉଡିଆ ନଦୀ ପାର୍ଶ୍ୱରେ ସେହି ହେନ୍ତାଳ ବଣ କିଛିକାଂଶରେ ସୁରକ୍ଷିତ ଅଛି। ସମ୍ପ୍ରତି ବନ୍ଦର ସମ୍ପ୍ରସାରଣ ପାଇଁ ଏହି ଜଙ୍ଗଲ ଲୀନ ହେବାକୁଯାଉଛି।