Dharitri News
ଉପକୂଳ ଓଡିଶା

ମହିଳାଙ୍କ ଗଳିତ ଶବ ଉଦ୍ଧାର

ମହିଳାଙ୍କ ଗଳିତ ଶବ ଉଦ୍ଧାର ଧର୍ମଶାଳା , ୮।୨(ଡି.ଏନ୍‌.ଏ): ଧର୍ମଶାଳା ଥାନା ଅନ୍ତର୍ଗତ ୫୩ ନଂ. ଜାତୀୟ ରାଜପଥ ଉଡ଼ଙ୍ଗା ଗ୍ରାମ ନିକଟରୁ ଗୁରୁବାର ଜଣେ ମହିଳାଙ୍କ ଗଳିତ ଶବ ଉଦ୍ଧାର ହୋଇଛି। ମହିଳାଙ୍କ ବୟସ ପ୍ରାୟ ୫୫ ହେବ ବୋଲି ଅନୁମାନ କରାଯାଉଛି। ସେ ଗୋଲାପି ରଙ୍ଗର ଏକ ଶାଢି ପିନ୍ଧିଛନ୍ତି। ମହିଳା ଜଣକ ସ୍ଥାନୀୟ ଅଞ୍ଚଳର ହୋଇ ନ ଥିବାରୁ ଆଦିବାସୀ ମହିଳା ହୋଇଥାଇ ପାରନ୍ତି ବୋଲି ପୋଲିସ ଅନୁମାନ କରୁଛି। ମଦ୍ୟପାନ କରି ଶୌଚ ହେବାକୁ ଯାଇ ନୟନଯୋରିରେ ଗୋଡ଼ ଖସିଯିବାରୁ ତାଙ୍କର ମୃତ୍ୟୁ ଘଟିଥିବା ପୋଲିସ ସନ୍ଦେହ କରୁଛି। ଖବର ପାଇ ଧର୍ମଶାଳା ଥାନା ଅଧିକାରୀ ଉମାକାନ୍ତ ନାୟକ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ବଡ଼ଚଣା ପଠାଇ ତଦନ୍ତ ଆରମ୍ଭ କରିଛି। ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡ଼ିବ ବୋଲି ଥାନା ଅଧିକାରୀ କହିଛନ୍ତି।

ଉପକୂଳ ଓଡିଶା

ରାସ୍ତା ନିର୍ମାଣ ନାମରେ ଚାଲିଛି ଅର୍ଥ ହଡ଼ପ

ରାସ୍ତା ନିର୍ମାଣ ନାମରେ ଚାଲିଛି ଅର୍ଥ ହଡ଼ପ

କୋରେଇ,୧୮।୨(ସ୍ବ.ପ୍ର)- ଗ୍ରାମାଞ୍ଚଳରେ ରାସ୍ତା ନିର୍ମାଣ କରି ବିକାଶକୁ ତ୍ୱରାନ୍ବିତ କରିବା ଲକ୍ଷ୍ୟରେ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ କାର୍ଯ୍ୟକାରୀ ହେଉଛି ଅନେକ ଯୋଜନା। ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ଏହି ରାସ୍ତା ନିର୍ମାଣ କରାଯାଉଥିଲେ ହେଁ ପ୍ରକୃତ ପକ୍ଷେ ଏହି ଯୋଜନା ଲକ୍ଷ୍ୟଚ୍ୟୁତ ହୋଇଛି। ସରକାରଙ୍କ ଦ୍ୱାରା ରାସ୍ତା ନିର୍ମାଣ ହେଉଛି ସତ ମାତ୍ର ନିମ୍ନମାନର କାର୍ଯ୍ୟ କରି ଅର୍ଥ ହଡ଼ପ କରାଯାଉଥିବା ଅଭିଯୋଗ ହେଉଛି। ଏଭଳି ଘଟଣା ଦେଖିବାକୁ ମିଳିଛି କୋରେଇ ବ୍ଲକରେ ।

ଜଳସେଚନକୁ ଉପେକ୍ଷା, ବେଆଇନ ଖନନକୁ ପ୍ରୋତ୍ସାହନ

ଜଳସେଚନକୁ ଉପେକ୍ଷା, ବେଆଇନ ଖନନକୁ ପ୍ରୋତ୍ସାହନ

ରାଜ୍ୟର ଦ୍ୱିତୀୟ ବୃହତ୍ତମ ନଦୀ ବ୍ରାହ୍ମଣୀର ବିସ୍ତୃତ ଜଳରାଶି, ମୂଲ୍ୟବାନ ଭୂ-ସମ୍ପଦ ଓ ପ୍ରାକୃତିକ ସମ୍ପଦରେ ପରିପୂର୍ଣ୍ଣ ଯାଜପୁର ଜିଲାର ଧର୍ମଶାଳା ନିର୍ବାଚନ ମଣ୍ଡଳୀ ଅନ୍ୟତମ। ଏଥିସହ ଏହି ନିର୍ବାଚନ ମଣ୍ଡଳିରେ ଏବେ ଛୋଟବଡ ଶିଳ୍ପସଂସ୍ଥାଗୁଡିକର ଲମ୍ବା ଧାଡି ଲାଗି ରହିଛି। ସମସ୍ତ ପ୍ରାଚୂର୍ଯ୍ୟରେ ଭରପୁର ହୋଇଥିଲେ ହେଁ ଆଜି ଧର୍ମଶାଳା ସବୁକ୍ଷେତ୍ରରେ ଅବହେଳିତ ଓ ଶ୍ରୀହୀନ। ଏକ ପକ୍ଷରେ ପଥର ମାଫିଆମାନେ ଏହି ନିର୍ବାଚନ ମଣ୍ଡଳୀର ଭୂସମ୍ପଦ ତଥା ପ୍ରାକୃତିକ ସମ୍ପଦ ଲୁଣ୍ଠନ କରୁଥିବାବେଳେ ଏହି ଅଞ୍ଚଳରୁ ସରକାର କୋଟି କୋଟି ଟଙ୍କାର ରାଜସ୍ବ ଆଦାୟ କରୁଛନ୍ତି। ତଥାପି ରାଜନୈତିକ ନେତୃବର୍ଗଙ୍କ ଆନ୍ତରିକତା ଅଭାବରୁ ଏହି ଅଞ୍ଚଳ ଓ ଅଞ୍ଚଳବାସୀ ଅବହେଳିତ ହୋଇ ଜଳସେଚନ ଓ ସ୍ବଚ୍ଛ ପାନୀୟ ଜଳ ପାଇବାରୁ ବଞ୍ଚିତ ରହିଛନ୍ତି।

ମାଟ୍ରିକ ପରୀକ୍ଷାକୁ ଆଉ ୫ଦିନ ବାକି: ଅସୁରକ୍ଷିତ ପରୀକ୍ଷା କେନ୍ଦ୍ର, ଚିନ୍ତାରେ ଅଭିଭାବକ

ରସୁଲପୁର,୧୮।୨(ଡି.ଏନ୍‌.ଏ.)- ୨୦୧୮-୧୯ ହାଇସ୍କୁଲ ସାର୍ଟିଫିକେଟ୍‌ ପାଇଁ ପରୀକ୍ଷା ଶୁକ୍ରବାରଠାରୁ ଆରମ୍ଭ ହେବ। ବିଗତବର୍ଷ ଭଳି ପରୀକ୍ଷାକୁ ନିଜ ନିଜ ବିଦ୍ୟାଳୟରେ କରା ନ ଯାଇ ପୂର୍ବଭଳି ୫କିମି ବ୍ୟବଧାନରେ ପରୀକ୍ଷା କେନ୍ଦ୍ର ସ୍ଥିର ହୋଇଛି। ଏହି କ୍ରମରେ ଯାଜପୁର ଜିଲା ରସୁଲପୁର ବ୍ଲକରେ ୧୫ଟି ବିଦ୍ୟାଳୟକୁ ପରୀକ୍ଷା କେନ୍ଦ୍ର ଭାବେ ଚୟନ କରାଯାଇଛି। ପରୀକ୍ଷା କେନ୍ଦ୍ର ଚୟନରେ ଅନିୟମିତତାକୁ ନେଇ ମାଧ୍ୟମିକ ଶିକ୍ଷା ବୋର୍ଡର ସଭାପତି ଓ ଗଣ ଶିକ୍ଷା ବିଭାଗର ସଚିବଙ୍କ ନିକଟରେ ଅଭିଯୋଗ ହୋଇଥିଲା। ଏହା ସତ୍ତ୍ୱେ ବି ସ୍ଥିରୀକୃତ କେନ୍ଦ୍ରରେ କୌଣସି ପରିବର୍ତ୍ତନ ହେଲା ନାହିଁ। ଏବେ ବି କେତେକ ପରୀକ୍ଷା କେନ୍ଦ୍ର ଅସୁରକ୍ଷିତ ଅବସ୍ଥାରେ ରହିଛି। ଯାହାକୁ ନେଇ ଅଭିଭାବକମାନେ ଚିନ୍ତାରେ ପଡିଯାଇଛନ୍ତି। ଅସୁରକ୍ଷିତ କେନ୍ଦ୍ରଗୁଡିକ ଉପରେ ବୋର୍ଡ ଦ୍ୱାରା ଗଠିତ ସ୍କ୍ବାଡ ପକ୍ଷରୁ ସ୍ବତନ୍ତ୍ର ଧ୍ୟାନ ପ୍ରଦାନ କରିବାକୁ ବିଭିନ୍ନ ମହଲରେ ଦାବି ହେଉଛି।

ଜୀବିକା ହରାଇବାକୁ ବସିଛନ୍ତି ମତ୍ସ୍ୟଜୀବୀ

ବରୀ,୧୮।୨(ବାଞ୍ଛାନିଧି ସାହୁ)- ଯାଜପୁର ଜିଲା ବରୀ ଅଞ୍ଚଳ ଦେଇ ପ୍ରବାହିତ ହେଉଥିବା ନଦୀନାଳ ଗୁଡ଼ିକ ଧୀରେ ଧୀରେ ଶୁଖି ଗଲାଣି। ଯେଉଁ କେତେଗୋଟି ଛୋଟ ଛୋଟ ନଦୀ ନାଳ ରହିଛି ସେଗୁଡ଼ିକ ଉପରେ ମାଛ ମାଫିଆଙ୍କର ରାଜ୍‌ ଚାଲିଛି। ଫଳରେ ସ୍ଥାନୀୟ ମତ୍ସ୍ୟଜୀବୀମାନେ ଦିନକୁ ଦିନ ତାଙ୍କର ଜୀବିକା ହରାଇବାକୁ ଯାଉଛନ୍ତି।

 ଙ୍ଗୁଡିଚାଷୀ ମହାସଂଘ ଖବରଦାତା ସମ୍ମିଳନୀ:  ଭିତରକନିକାର ବିଭବକୁ ନଷ୍ଟକରୁନାହିଁ  ଚିଙ୍ଗୁଡିଘେରି

ଙ୍ଗୁଡିଚାଷୀ ମହାସଂଘ ଖବରଦାତା ସମ୍ମିଳନୀ: ଭିତରକନିକାର ବିଭବକୁ ନଷ୍ଟକରୁନାହିଁ ଚିଙ୍ଗୁଡିଘେରି

ରାଜନଗର,୧୮।୨(ଡି.ଏନ୍‌.ଏ.)- ଚିଙ୍ଗୁଡିଚାଷରେ କେମିକାଲ୍‌ କିମ୍ବା ଆଣ୍ଟିବାୟୋଟିକ୍‌ ବ୍ୟବହାର କରାଯାଏ ନାହିଁ। ଚିଙ୍ଗୁଡିଘେରିର ପାଣି ପରିବେଶ ପାଇଁ କ୍ଷତିକାରକ ନୁହେଁ। ଏହି ଚାଷ ହେନ୍ତାଳବଣ ଅବକ୍ଷୟର କାରଣ ନୁହେଁ ଅବା ଭିତରକନିକାର ବିଭବକୁ ନଷ୍ଟକରୁନାହିଁ ବୋଲି ରବିବାର ଚିଙ୍ଗୁଡିଚାଷୀମାନେ ମତବ୍ୟକ୍ତ କରିଛନ୍ତି। ପ୍ରଶାସନର ଚିଙ୍ଗୁଡିଘେରି ଉଚ୍ଛେଦ ବିରୋଧରେ ରାଜନଗର ପୂର୍ତ୍ତ ବିଭାଗ ଡାକବଙ୍ଗଳାରେ ରାଜନଗର ଓ ମହାକାଳପଡା ଚିଙ୍ଗୁଡିଚାଷୀ ମହାସଂଘ ପକ୍ଷରୁ ଏକ ଖବରଦାତା ସମ୍ମିଳନୀ ଡକାଯାଇଥିଲା।

ସରପଞ୍ଚଙ୍କ ଘରେ ଗୁଳିମାଡ଼

ଜଗତ୍‌ସିଂହପୁର ଅଫିସ ୧୮।୨-ଜଗତ୍‌ସିଂହପୁର ଥାନା ବଳରାମପୁର ପଞ୍ଚାୟତ ସରପଞ୍ଚ କାଞ୍ଚନବାଳା ମହାରଣାଙ୍କ ଘରେ ରବିବାର ରାତି ୯ଟା୩୦ରେ ୬ ଦୁର୍ବୃତ୍ତ ପଶି ତାଙ୍କ ପୁଅ ଜାନକୀ ବଲ୍ଲଭଙ୍କୁ ଖୋଜିଥିଲେ। ତେବେ ଜାନକୀଙ୍କୁ ନ ପାଇବାରୁ ତାଙ୍କ ଘରେ ଏକ ରାଉଣ୍ଡ ଗୁଳି ଚଳାଇଥିଲେ। ଗୁଳି ତାଙ୍କ କାନ୍ଥରେ ଲାଗିଥିବା ଜଣାପଡ଼ିଛି। ବ୍ଲାଙ୍କ ଫାଇରିଂ କରି ପରିବାରକୁ ଭୟଭୀତ କରିବାକୁ ଉଦ୍ୟମ ହୋଇଥିବା କୁହାଯାଉଛି।

୩ ବେଆଇନ୍‌ ପଥର ବୋଝେଇ ଗାଡ଼ି ଜବତ

ଧର୍ମଶାଳା,୧୮।୨(ଡି.ଏନ୍‌.ଏ.)- ଧର୍ମଶାଳା ତହସିଲ ଅନ୍ତର୍ଗତ ଜଙ୍ଗଲ କିସମ କଳା ପଥର ପାହାଡ଼ରୁ ବେଆଇନ୍‌ ଭାବେ ପଥର ପରିବହନ କରୁଥିବା ୩ଟି ଟ୍ରକ୍‌କୁ ଜେନାପୁର ଥାନାଧିକାରୀ ରବିବାର ଜବତ କରିଛନ୍ତି।

ସଂରକ୍ଷିତ ଜଙ୍ଗଲରୁ ଅବାଧ ଗଛକଟା: ବନ ବିଭାଗ ନିଷ୍କ୍ରିୟ

ସଂରକ୍ଷିତ ଜଙ୍ଗଲରୁ ଅବାଧ ଗଛକଟା: ବନ ବିଭାଗ ନିଷ୍କ୍ରିୟ

ନୟାଗଡ଼ ଅଫିସ,୧୮। ୨- ନୟାଗଡ଼ ସହରଠାରୁ ମାତ୍ର ୫ କିଲୋମିଟର ଦୂରରେ ଥିବା ସଂରକ୍ଷିତ ଜଙ୍ଗଲରୁ ଅବାଧରେ କଟାଯାଉଛି ମୂଲ୍ୟବାନ ଗଛ। ଦିନରାତି ଜଙ୍ଗଲରେ ପଶି ମାଫିଆମାନେ ଗଛ କାଟି ଲୁଟିବାରେ ଲାଗିଛନ୍ତି। ଫଳରେ ଶାଳ, ପିଆଶାଳ ଭଳି ମୂଲ୍ୟବାନ ଗଛ ଧ୍ୱଂସ ପାଇବାରେ ଲାଗିଛି। ଏ ନେଇ ପଚାରିଲେ ବନ ବିଭାଗ ସମ୍ପୃକ୍ତ ଲୋକଙ୍କୁ ଗିରଫ କରୁଥିବା କହି ତା’ କାମ ସାରିଦେଉଛି। ବନ ବିଭାଗର ନିଷ୍କ୍ରିୟତା ଯୋଗୁ ମୂଲବାନ ଗଛରେ ପରିପୂର୍ଣ୍ଣ ଥିବା ସଂରକ୍ଷିତ ଜଙ୍ଗଲ ପଦା ହେବାକୁ ବସିଲାଣି।

କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବ: ସଙ୍କୁଚିତ ହେଉଛି ହେନ୍ତାଳ ବଣ

କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବ: ସଙ୍କୁଚିତ ହେଉଛି ହେନ୍ତାଳ ବଣ

ପାରାଦୀପ,୧୮ା୨(ସ୍ବ.ପ୍ର): ଉପକୂଳର ସୁରକ୍ଷା କବଚ ହେଉଛି ପ୍ରାକୃତିକ ସବୁଜିମାରେ ପୂର୍ଣ୍ଣ ହେନ୍ତାଳ ବଣ। ତେବେ କ୍ରମବର୍ଦ୍ଧିଷ୍ଣୁ ଶିଳ୍ପାୟନ ପ୍ରଭାବରେ ପାରାଦୀପରେ ଥିବା ଏହି ହେନ୍ତାଳବଣ ଏବେ ସଙ୍କୁଚିତ ହେବାରେ ଲାଗିଛି। ଏକଦା ମହାନଦୀ ମୁହାଣ ଓ ଜଟାଧାର ମୁହାଣ ମଧ୍ୟସ୍ଥଳରେ ଏହି ହେନ୍ତାଳବଣ ଭୁରପୁର ଥିଲା। ଏବେ ଅଠରବାଙ୍କୀରୁ ନେହେରୁ ବଙ୍ଗଳା ପର୍ଯ୍ୟନ୍ତ ଥିବା କାଉଡିଆ ନଦୀ ପାର୍ଶ୍ୱରେ ସେହି ହେନ୍ତାଳ ବଣ କିଛିକାଂଶରେ ସୁରକ୍ଷିତ ଅଛି। ସମ୍ପ୍ରତି ବନ୍ଦର ସମ୍ପ୍ରସାରଣ ପାଇଁ ଏହି ଜଙ୍ଗଲ ଲୀନ ହେବାକୁଯାଉଛି।

ରିଘାଗଡ ବଡ଼ଦାଣ୍ଡ ଉନ୍ନତିକରଣକୁ ନେଇ ଶିଳାନ୍ୟାସ

ରିଘାଗଡ ବଡ଼ଦାଣ୍ଡ ଉନ୍ନତିକରଣକୁ ନେଇ ଶିଳାନ୍ୟାସ

ରାଜନଗର, ୧୮।୨(ଡି.ଏନ.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ରିଘାଗଡର ପ୍ରସିଦ୍ଧ ଶ୍ରୀ ବଳଦେବ ଜିଉଙ୍କ ମନ୍ଦିର ବଡଦାଣ୍ଡ ଉନ୍ନତିକରଣ କରାଯିବ। ଏଥିପାଇଁ ରାଜନଗର ବିଧାୟକ ଅଂଶୁମାନ ମହାନ୍ତି ରବିବାର ଏକ ପ୍ରକଳ୍ପର ଶିଳାନ୍ୟାସ କରିଛନ୍ତି। ପୂର୍ତ୍ତ ଓ ଗୃହନିର୍ମାଣ ମିଳିତ ସହଯୋଗରେ ମନ୍ଦିରଠାରୁ ମାଉସି ମା ମନ୍ଦିର ପର୍ଯ୍ୟନ୍ତ ଏହି ରାସ୍ତା ନିର୍ମାଣ ହେବ। ଏଥିପାଇଁ ୧୨ ଲକ୍ଷ ଟଙ୍କା ବ୍ୟୟ ଅଟକଳ ହୋଇଛି।

ଅଖାରୁ ମୃତଦେହ ଉଦ୍ଧାର ଘଟଣା:  ଗର୍ଭପାତ ସମୟରେ ହୋଇଥିଲା ମୃତ୍ୟୁ

ଅଖାରୁ ମୃତଦେହ ଉଦ୍ଧାର ଘଟଣା: ଗର୍ଭପାତ ସମୟରେ ହୋଇଥିଲା ମୃତ୍ୟୁ

ରଘୁନାଥପୁର,୧୭।୨ (ଡି.ଏନ.ଏ.)- ଜଗତ୍‌ସିଂହପୁର ଜିଲା ରଘୁନାଥପୁର ଥାନା ଅନ୍ତର୍ଗତ ଧଳତଙ୍ଗଗଡ ସଂରକ୍ଷିତ ଜଙ୍ଗଲ ନିକଟସ୍ଥ ମୁଣ୍ଡାଳ କମଳିଆରୁ ଗତ ୧୩ ତାରିଖରେ ପୋଲିସ ଯୁବତୀଙ୍କ ମୃତଦେହ ଜବତ କରିଥିଲା। ଏହାର ଦୁଇଦିନ ପରେ ଯୁବତୀଙ୍କ ପରିଚୟ ପୋଲିସ ହାତରେ ଲାଗିଥିଲା। କୁଜଙ୍ଗ ଥାନା ଅନୋଳିପାଟଣାର ଅଜୟ ସୁତାରଙ୍କ ଝିଅ ସିକୁ ଓରଫ ଚିକୁଙ୍କ ମିଳିଥିବା ମୃତଦେହ ଜଣାପଡିଥିଲା। ପରେ ପୋଲିସ ବାପା ଅଜୟଙ୍କୁ ଅଟକ ରଖି ତଦନ୍ତ ଜାରି ରଖିଥିଲା। ଶନିବାର ପୋଲିସ ହତ୍ୟା ଘଟଣାର ପର୍ଦ୍ଦାଫାଶ କରିଛି। ଗର୍ଭପାତ ସମୟରେ ଯୁବତୀଙ୍କ ମୃତ୍ୟୁ ହୋଇଥିବା ଜଣାପଡିଥିଲା। ଏହି ଘଟଣାରେ ସଂଶ୍ଲିଷ୍ଟ ଥିବା କ୍ଲିନିକର ମାଲିକିଆଣୀ ବା ଡାକ୍ତର, ଦୁଇ ନର୍ସ, ଯୁବତୀଙ୍କ ବାପା, ଅଟୋ ଚାଳକଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ରୁବେଲା ଟିକା ନେଇ ଛାତ୍ରଙ୍କ ମୃତ୍ୟୁ ଅଭିଯୋଗ

ରୁବେଲା ଟିକା ନେଇ ଛାତ୍ରଙ୍କ ମୃତ୍ୟୁ ଅଭିଯୋଗ

କୁଜଙ୍ଗ/ରାହାମା,୧୭।୨(ସ୍ବ.ପ୍ର./ଡି.ଏନ୍‌.ଏ.)- କୁଜଙ୍ଗ ବ୍ଲକ ପୋତାନଈ ପଞ୍ଚାୟତ ଭଅଁରକୁଲା (ଗଭଡ଼ି) ଗ୍ରାମର ଜଣେ ୫ମ ଶ୍ରେଣୀ ଛାତ୍ରଙ୍କ ଶନିବାର କଟକ ବଡ଼ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ଛାତ୍ର ଜଣଙ୍କ ଗତ ୩ ତାରିଖରେ ବିଦ୍ୟାଳୟରେ ଦିଆଯାଇଥିବା ରୁବେଲା ଟିକା ନେବା ଫଳରେ ଏଭଳି ଅଘଟଣ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି।