ରାୟଗଡା

ବିସ୍ଥାପିତ ପରିବାର ପାଖରେ ବିକାଶ ଅପହଞ୍ଚ

ବିସ୍ଥାପିତ ପରିବାର ପାଖରେ ବିକାଶ ଅପହଞ୍ଚ
କୋଲାବନଗର, ୮ା୨(ଡି.ଏନ୍‌.ଏ.) ୩୩ ବର୍ଷ ତଳେ ଯେତେବେଳେ କୋଲାବ ନଦୀବନ୍ଧ ଯୋଜନା ହେଲା, ଏଥିରେ ଭିତରଛେଣ୍ଡା ଗ୍ରାମର ୩୧ ପରିବାର ବିସ୍ଥାପିତ ହେଲେ। ସେମାନଙ୍କ ମଧ୍ୟରୁ ୧୬ଟି ପରିବାରକୁ ଥଇଥାନ କଲା ପ୍ରଶାସନ। ଅନ୍ୟ ୧୫ଟି ପରିବାର ଭିଟାମାଟି ଛାଡ଼ି ଯିବାକୁ ରାଜି ହେଲେ ନାହିଁ। ପିଲାଛୁଆ ଧରି ସେମାନେ ନଦୀବନ୍ଧ ତଟ ଦେଶରେ ପଡ଼ି ରହିଲେ । ଏହି ତିନି ଦଶନ୍ଧି ଭିତରେ ସେମାନଙ୍କ ପରିବାର ଜଞ୍ଜାଳ ବଢିଛି ସତ; କିନ୍ତୁ ବିକାଶର ସ୍ରୋତରୁ ସେମାନେ ଦୂରେଇ ଯାଇଛନ୍ତି। ଜୀବନ ଜୀବିକା, ଶିକ୍ଷା, ସ୍ବାସ୍ଥ୍ୟ, ଗମନାଗମନ, ସବୁଥିରେ ସମସ୍ୟା ସେମାନଙ୍କୁ ବାନ୍ଧି ରଖିଛି। ଜଳବନ୍ଦୀ ଜୀବନ କାଟୁଛନ୍ତି ଏହି ବିସ୍ଥାପିତ ପରିବାର। ଜିଲା ସଦରରୁ ମାତ୍ର ୧୫ କିମି ଦୂରରେ ଅବସ୍ଥିତ କୋଲାବ ନଦୀବନ୍ଧ ଯୋଜନାରେ ବିସ୍ଥାପିତ ଭିତରଛେଣ୍ଡା ଗ୍ରାମ। ୧୯୮୬ରେ ଏହି ଗ୍ରାମ ମୂଳ ଭୁଖଣ୍ଡ ଜଳଭଣ୍ଡାରରେ ଲୀନ ହୋଇଯାଇଥିଲା। କୋଟପାଡ଼ ବ୍ଲକର ୫ ନମ୍ବର କ୍ୟାମ୍ପରେ ବିସ୍ଥାପିତଙ୍କୁ ଥଇଥାନ କରିଥିଲେ ତତ୍କାଳୀନ ସରକାର। କରାଗଲା। କିନ୍ତୁ ଗ୍ରାମର ଥିବା ୩୧ମଧ୍ୟରୁ ୧୬ଟି ପରିବାର ଥଇଥାନ ହେଲେ। ଅନ୍ୟମାନେ ନିଜର ଭିଟାମାଟି ଛାଡ଼ି ଯିବାକୁ ରାଜି ନ ହୋଇ ଜଳଭଣ୍ଡାର ତଟ ଦେଶରେ ଝୁମ୍ପୁଡ଼ି ଘର କରି ୩୩ ବର୍ଷ ହେଲା ବସବାସ କରିଆସୁଛନ୍ତି। ସେଇ ପରିବାର ଆଜି ଏହା ୫୦ଟି ପରିବାରକୁ ବୃଦ୍ଧି ପାଇଛି। ଗ୍ରାମଟି ଏକ ଟାପୁ ମଧ୍ୟରେ ଅବସ୍ଥିତ ହୋଇଥିବାରୁ ଗମନାଗମନ ସୁବିଧା ଏବଂ ସ୍ବାସ୍ଥ୍ୟ ସେବା କ୍ଷେତ୍ରରେ ବିଭିନ୍ନ ପ୍ରକାର ସମସ୍ୟା ଦେଖାଦେଇଥାଏ। ପେଟ ପୋଷିବା ପାଇଁ ଏକମାତ୍ର ଉପାୟ ଜାଳେଣୀ କାଠ ଜଙ୍ଗଲରୁ ଆଣି ନିକଟ ଅଞ୍ଚଳରେ ବିକ୍ରି କରି ଯାହା ମିଳିଲା, ସେଥିରେ ପରିବାର ଚଳୁଛି। ଗ୍ରାମରେ ଥିବା ବିଦ୍ୟାଳୟରେ ୪୨ଜଣ ଛାତ୍ରୀଛାତ୍ର ପାଠ ପଢୁଥିବାବେଳେ ଶିକ୍ଷକ ନ ଆସିବା ଫଳରେ ପିଲାମାନେ ଗାଈ ଓ ଛେଳି ଜଗୁଛନ୍ତି। ପାନୀୟ ଜଳ ସାତ ସପନ ପାଲଟିଥିବାବଳେ ଗୋଟିଏ ନଳକୂପ ସେ ପୁଣି ୧୦ ବର୍ଷ ହେଲା ଅଚଳ ହୋଇପଡ଼ିଛି। ଫଳରେ ଲୋକମାନେ କୋଲାବ ଜଳଭଣ୍ଡାରର ଦୂଷିତ ଜଳକୁ ପାନୀୟ ଭାବରେ ଆଦରି ନେଇ ବିଭିନ୍ନ ରୋଗରେ ପୀଡ଼ିତ ହେଉଥିବା ନଜରକୁ ଆସୁଛି। ସେହିପରି ଗ୍ରାମରେ ଦୁଇ ଜଣ ଦିବ୍ୟାଙ୍ଗ ଯୁବକ ଅର୍ଜୁନ ଖେମୁଣ୍ଡୁ(୩୦) ଓ ହରି ଶୁକ୍ରା(୫୦) ଆର୍ଥିକ ଅନଟନରେ ଚିକିତ୍ସିତ ହୋଇନପାରି ଦିନ କାଟୁଛନ୍ତି । ହେଲେ କୌଣସି ସରକାରୀ ସହାୟତା ସେମାନଙ୍କୁ ଏଯାଏ ମିଳିପାରିନାହିଁ । ଲମତାପୁଟ ଓ କୋଲାବ ବଜାର ଆସିବା ପାଇଁ ଏକ ମାତ୍ର ସାହା ପାଲଟିଛି ଦେଶୀ ହୁଲି ଡଙ୍ଗା। ସେଥିରେ ୮କି.ମି. ଆସି ଜାଳେଣି କାଠ ବିକ୍ରି କରି ତେଲ ଲୁଣ କିଣିିଥାନ୍ତି। ଦୀର୍ଘ ବର୍ଷ ଧରି ସରକାରଙ୍କ ନିକଟରେ ଖଣ୍ଡେ ଡଙ୍ଗା ପାଇଁ ନିବେଦନ କରି ଆସୁଥିଲେ ମଧ୍ୟ ଏହାକୁ ପ୍ରଶାସନ ଅଣାଦେଖା କରୁଥିବା ଅଭିଯୋଗ ହୋଇଛି। ଫଳରେ ନିଜେ ତିଆରି କରିଥିବା ଦେଶୀ ହୁଲି ଡଙ୍ଗାରେ କାଠ ବିକ୍ରି କରିବା ପାଇଁ ଯିବାଠୁୁ ବନ୍ଧୁ ଘର ପର୍ଯ୍ୟନ୍ତ ସବୁଠି ଲୋଡ଼ା ପଡ଼ୁଛି । ଜୀବନ ବାଜି ଲଗାଇ ଲୋକେ ପ୍ରତ୍ୟେକ ଦିନ ଯାତାୟତ କରୁଛନ୍ତି। ତେଣୁ ମୋଟର ବୋଟ୍‌ କିମ୍ବା ବଡ଼ ଡଙ୍ଗାର ଯଥାଶୀଘ୍ର ବନ୍ଦୋବସ୍ତ କରିବାକୁ ଗ୍ରାମବାସୀ ବଳରାମ ଶୁକ୍ରୀ, ସନୁ ଖେମୁଣ୍ଡୁ, ଚାଣ୍ଡାଳ ଶୁକ୍ରୀ, ପଦକାମ୍‌ ସୁକ୍ରୀ, ମାଧବ ଜାନି, ଧୋବା ଖେମୁଣ୍ଡୁ, ମନ ଶୁକ୍ରୀ, ଠକୁ ଶୁକ୍ରୀ, ନରସିଂହ ଖେମୁଣ୍ଡୁ, ଅର୍ଜୁନ ଖେମୁଣ୍ଡୁ, ତ୍ରିଲୋଚନ ଶୁକ୍ରୀ ଦାବି କରିଛନ୍ତି। ସମସ୍ୟା ସମାଧାନ ନହେଲେ ତେବେ ଆସନ୍ତା ନିର୍ବାଚନକୁ ବର୍ଜନ କରିବେ ବୋଲି ସେମାନେ କହିଛନ୍ତି।
All Right Reserved By

ରାୟଗଡା

ଛାତ୍ରୀଚାତ୍ରଙ୍କ ଅଧିଗ୍ରହଣ ସମାରୋହ

ଛାତ୍ରୀଚାତ୍ରଙ୍କ ଅଧିଗ୍ରହଣ ସମାରୋହ

ରାୟଗଡା ଅଫିସ, ୧୬।୮- ରାୟଗଡା ସ୍ବୟଂ ଶାସିତ ମହାବିଦ୍ୟାଳୟରେ ଗୁରୁବାର ସ୍ନାତକୋତ୍ତର ବିଭାଗ ଛାତ୍ରୀଛାତ୍ରଙ୍କ ଅଧିଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ରାୟଗଡା ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ଲାଲ୍‌ ବିହାରୀ ହିମିରିକା ମୁଖ୍ୟ ଅତିଥି  ଓ ଜୟପୁରରୁ ଆସିଥିବା ଆଞ୍ଚଳିକ ଶିକ୍ଷା ଯୁଗ୍ମ ନିର୍ଦ୍ଦେଶକ ତ୍ରିନାଥ ପ୍ରସାଦ ରଥ, ରାୟଗଡା ପୌର ପରିଷଦ ଉପାଧ୍ୟକ୍ଷ ନିରଞ୍ଜନ ବକ୍ସିପାତ୍ର ସମ୍ମାନିତ ଅତିଥିଭାବେ ଯୋଗଦେଇ ଥିଲେ।

ମହୁଚାଷ ପ୍ରଶିକ୍ଷଣ ଶିବିର ଉଦ୍‌ଯାପିତ

ମହୁଚାଷ ପ୍ରଶିକ୍ଷଣ ଶିବିର ଉଦ୍‌ଯାପିତ

ରାୟଗଡା ଅଫିସ, ୧୬।୮- ଓଡିଶା ଖଦି ଓ ଗ୍ରମୋଦ୍ୟଗ ଆନୁକୂଲ୍ୟରେ ରାୟଗଡା ସହରସ୍ଥିତ ଷ୍ଟେଟବ୍ୟାଙ୍କ ଗ୍ରାମୀଣ ଆତ୍ମ ନିଯୁକ୍ତି ତାଲିମ ପ୍ରତିଷ୍ଠାନରେ ୭ଦିନ ଧରି ଚାଲିଥିବା ମହୁଚାଷ ପ୍ରଶିକ୍ଷଣ  ଶିବିର ଗୁରୁବାର ଉଦ୍‌ଯାପିତ ହୋଇଯାଇଛି। 

ଜମି ଅଧିଗ୍ରହଣ ପ୍ରାପ୍ୟ ନ ମିଳିବାରୁ ରାସ୍ତା କାମକୁ ବିରୋଧ

ଜମି ଅଧିଗ୍ରହଣ ପ୍ରାପ୍ୟ ନ ମିଳିବାରୁ ରାସ୍ତା କାମକୁ ବିରୋଧ

ରାମନାଗୁଡା, ୧୬।୮(ଡି.ଏନ୍‌.ଏ.)-
ରାୟଗଡା ଜିଲା ରାମନାଗୁଡା ବ୍ଲକ ଅଧିନ ରାୟଗଡା-ବ୍ରହ୍ମପୁର ରାସ୍ତାର ବାଙ୍ଗି ଛକରୁ ପ୍ରାୟ ୧୨ଶହ ମିଟର ରାସ୍ତା ଅତ୍ୟନ୍ତ ଶୋଚନୀୟ ହୋଇପଡିଛି। ପ୍ରଶାସନ ଏହାକୁ ନିର୍ମାଣ କରିବାକୁ ଆସିବାରୁ ବାଙ୍ଗି ଗ୍ରାମବାସୀ ଏହାକୁ ବିରୋଧ କରିଛନ୍ତି। ୧୯୮୦ରେ ଜମି ଅଧିଗ୍ରହଣ ସମୟରେ ସେମାନଙ୍କ ପାଇଁ ଦଶ ହଜାର ଟଙ୍କା ଆସିଥିଲା କିନ୍ତୁ ସେମାନଙ୍କୁ ଉକ୍ତ ଟଙ୍କା ମିଳିନି ବୋଲି ପିଡବ୍ଲ୍ୟୁଡି ଓ ତହସିଲ ସୂତ୍ରରୁ ପ୍ରକାଶ। ଉକ୍ତ ଜମି ପ୍ରାୟ ୧୫ଜଣଙ୍କ ନାଁରେ କବଲା ଅଛି। ସେତେବେଳେ ଯଦି ଟଙ୍କା ମିଳିଥାନ୍ତା ତାହଲେ ଏବେ ରାସ୍ତା ମରାବତିରେ କୌଣସି ଅସୁବିଧା ହୋଇ ନ ଥାନ୍ତା। ବର୍ତ୍ତମାନ ଦର ଅନୁଯାୟୀ ଜମି ବାବଦକୁ ଟଙ୍କା ନ ମିଳିବା ଯାଏଁ ରାସ୍ତା ପାଇଁ  ଅନୁମତି ଦିଆଯିବନି ବୋଲି ଗ୍ରାମବାସୀ କହିଛନ୍ତି।  

ଲଗାଣ ବର୍ଷାରେ ଜନଜୀବନ ଅସ୍ତବ୍ୟସ୍ତ

ଲଗାଣ ବର୍ଷାରେ ଜନଜୀବନ ଅସ୍ତବ୍ୟସ୍ତ

ଟିକିରି,୧୬।୮-ରାୟଗଡ଼ା ଜିଲା କାଶିପୁର ବ୍ଲକରେ ପ୍ରବଳ ବର୍ଷା ହୋଇଛି । ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଦିନ ମଜୁରିଆମାନେ ବାହାରକୁ କାମକୁ ଯାଇ ପାରୁନାହାନ୍ତି । ରେଳଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି । କାଶିପୁର ବ୍ଲକର ପତିଯୋଡ଼ି, ସାନମାଝିକଣା,ଉପକୋଡ଼ିଙ୍ଗା, ସେମିଳିଗୁଡ଼ା ଭଳି ଅନେକ ସ୍ଥାନରେ ପନିପରିବା ଚାଷୀମାନେ ବର୍ତ୍ତମାନ ଚିନ୍ତାରେ ପଡ଼ିଯାଇଛନ୍ତି । ବର୍ଷା ଯୋଗୁ ପନିପରିବା  ନଷ୍ଟ ହେବାକୁ ଲାଗିଲାଣି । ଏଥିସହ ଧାନଗଛ ମଧ୍ୟ ନଷ୍ଟ ହୋଇଯାଇଛି 

ଲଗାଣ ବର୍ଷାରେ ଭାଙ୍ଗିଲା ଘର

ଲଗାଣ ବର୍ଷାରେ ଭାଙ୍ଗିଲା ଘର

ଟିକିରି,୧୬।୮-ରାୟଗଡ଼ା ଜିଲା କାଶିପୁର ବ୍ଲକରେ ବର୍ଷା ଲାଗିଛି । ଫଳରେ ଗରଖପୁର ଗ୍ରାମ ଲୁକୁ କୁମ୍ଭାର ଓ ପୁର୍ଣ୍ଣ ମାଝିଙ୍କ ଦୁଇଟି ଘର ଲଗାଣ ବର୍ଷାରେ ସମ୍ପୂର୍ଣ୍ଣ ଭାଙ୍ଗିଯାଇଛି । ସେହିପରି ଟିକିରିର ମେଦିରସାହି ସାନ୍ତାମା ଘାଟା ଓ ହରିଜନସାହିର କେତକି ନାୟକଙ୍କ ଘର ମଧ୍ୟ ଭାଙ୍ଗିଯାଇଛି । ସେମାନେ ଗରିବ ହୋଇଥିବାରୁ ତୁରନ୍ତ ସହାୟତା ଯୋଗାଇ ଦେବାକୁ ସାଧାରଣରେ ଦାବି ହୋଇଛି ।

ଇନ୍ଦ୍ରାବତୀ ଜଳଭଣ୍ଡାର: ଖୋଲିଲା ୩ଟି ଗେଟ୍‌

ଇନ୍ଦ୍ରାବତୀ ଜଳଭଣ୍ଡାର: ଖୋଲିଲା ୩ଟି ଗେଟ୍‌

ତେନ୍ତୁଳିଖୁଣ୍ଟି,୧୬।୮(ଡ଼ି.ଏନ.ଏ)-ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ଇନ୍ଦ୍ରାବତୀ ଜଳଭଣ୍ଡାରର ଜଳପତ୍ତନ କ୍ରମଶଃ ବୃଦ୍ଧି ପାଉଛି । ଡ଼୍ୟାମର ନିରାପତ୍ତାକୁ ଲକ୍ଷ୍ୟ ରଖି ଗୁରୁବାର ପୂର୍ବାହ୍ନ ସାଡେ ୧୧ଟାରେ ଡ଼୍ୟାମର ୩ଟି ଗେଟ୍‌ ଖୋଲାଯାଇଛି । ଫଳରେ ୨୦୦ ଘନମିଟର ପାଣି ପ୍ରତି ସେକେଣ୍ଡରେ ନିଷ୍କାସିତ ହେଉଛି । ବର୍ତ୍ତମାନ ଜଳର ପତ୍ତନ ୬୪୦.୦୭ ମିଟର ରହିଛି ।

ମାନବିକତା ଦେଖାଇଲା ପୋଲିସ: ମାଓବାଦୀଙ୍କ ମାଆଙ୍କୁ  ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କଲା

ମାନବିକତା ଦେଖାଇଲା ପୋଲିସ: ମାଓବାଦୀଙ୍କ ମାଆଙ୍କୁ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କଲା

ମାଲକାନଗିରି,୧୬।୮(ଡି.ଏନ.ଏ)-ମାନବିକତା ଦେଖାଇଛି ପୋଲିସ । ମାଲକାନଗିରି ଜିଲା ପୋଲିସ ଜଣେ ମାଓବାଦୀଙ୍କ ମାଆଙ୍କୁ ସହାୟତାର ହାତ ବଢ଼ାଇଛି । ଜିଲାର କାଲିମେଳା ଥାନା ଅନ୍ତର୍ଗତ ବଡ଼ଟେକଗୁଡ଼ା ଗ୍ରାମରେ ରହୁଥିବା ମାଓବାଦୀ ନେତା ରଣଦେବଙ୍କ ମାଆ ନନ୍ଦେ ମାଡ଼ି  ଅସୁସ୍ଥ ହୋଇପଡ଼ିଥିଲେ । ଏହା ଜାଣିବା ପରେ ମାଲକାନଗିରି ଆରକ୍ଷୀ ଅଧୀକ୍ଷକ କାଲିମେଳା ଥାନା ଭାରପ୍ରାପ୍ତ ଅଧିକାରୀ ରାମ ପ୍ରସାଦ ନାଗଙ୍କୁ ତାଙ୍କ ଆଶୁ ଚିକିତ୍ସା କରିବା ପାଇଁ ନିର୍ଦ୍ଦେଶ ଦେଇଥିଲେ।

ପ୍ରବଳ ବର୍ଷା:ଯାନବାହନ ଚଳାଚଳ ବନ୍ଦ

ପ୍ରବଳ ବର୍ଷା:ଯାନବାହନ ଚଳାଚଳ ବନ୍ଦ

ମାଲକାନଗିରି ତା,୧୬।୮(ଡି.ଏନ୍‌.ଏ)- ମାଲକାନଗିରି ଜିଲାରେ  ପ୍ରବଳ ବର୍ଷା ହୋଇଛି । ଜିଲା ସଦର ମହକୁମାରେ ମାଲକାନଗିରିରୁ ଭୁବନେଶ୍ୱର, ବ୍ରହ୍ମପୁର, ରାଉରକେଲା, ସମ୍ବଲପୁର, କଟକ, ଭବାନୀପାଟଣା, ରାୟପୁର, ଜଗଦଲପୁରତ୍, ବିଶାଖାପାଟଣା, ବିଜୟନଗରମ୍‌, ଭଦ୍ରାଚଲମ୍‌ ଏବଂ ଆଭ୍ୟନ୍ତରୀଣ ଅଞ୍ଚଳକୁ ଯାଦାୟତ କରୁଥିବା ସମସ୍ତ ବସ୍‌ ବନ୍ଦ ହୋଇଯାଇଛି । 

ରାସ୍ତା ଖୋଳିଲେ ମାଓବାଦୀ

ରାସ୍ତା ଖୋଳିଲେ ମାଓବାଦୀ

ମାଲକାନଗିରି,୧୬।୮(ଡି.ଏନ.ଏ)-ମାଲକାନଗିରି ଜିଲା ମାଥିଲି ଥାନା ଅନ୍ତର୍ଗତ ଟେମୁରୁପାଲ୍ଲୀ ନିକଟରେ  ମାଓବାଦୀମାନେ ମୁଖ୍ୟରାସ୍ତାକୁ ଖୋଳି ଦେଇଛନ୍ତି । ଫଳରେ ସାଲିମି ଓ ଟେମୁରୁପାଲ୍ଲୀ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି । ଲୋକମାନେ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି । ସାଲିମି ଓ ଟେମୁରୁପାଲ୍ଲୀକୁ ଯୋଗାଯୋଗ କରୁଥିବା ହଳଦୀକୁଣ୍ଡ ନିକଟରେ ଏହି ରାସ୍ତାର ୨ ଟି ସ୍ଥାନରେ ପ୍ରାୟ ୨ ଫୁଟ ଚଉଡ଼ାରେ ମାଓବାଦୀମାନେ ଖୋଳି ଦେଇଥିବା ଜଣାପଡ଼ିଛି।  

 ରକ୍ତ ଦାନ ଶିବିର

ରକ୍ତ ଦାନ ଶିବିର


ମାଲକାନଗିରି,୧୬।୮(ଡି.ଏନ.ଏ)  -  ମାଲକାନଗିରି ଜିଲା ସଦର ଥାନା ଆମ ପୋଲିସ  ସଙ୍ଗଠନ ପକ୍ଷରୁ   ଏକ ରକ୍ତ ଦାନ ଶିବିର  ଅନୁଷ୍ଠିତ ହୋଇଯାଇଛି ।  ମାଲକାନଗିରି ଥାନା ପରିସରରେ  ଅନୁଷ୍ଠିତ ଶିବିରକୁ ଏସପି ଜଗମୋହନ ମିନା ଉଦ୍‌ଘାଟନ କରିବା ସହ  ପ୍ରଥମେ ରକ୍ତ ଦାନ କରିଥିଲେ । ପରେ  ଆଇଆଇସି ସୌମେନ୍ଦୁ ଶେଖର ତ୍ରିପାଠୀଙ୍କ ସହ  ୨୫ ଜଣ  ପୋଲିସ ପଦାଧିକାରୀ ଏବଂ କର୍ମଚାରୀ ରକ୍ତଦାନ କରିଥିଲେ।  ଶିବିରରେ  ଏସଡିପିଓ ଶ୍ରବଣ ବିବେକ୍‌ .ଏମ ଏବଂ ଡ.ଶ୍ରୀନିବାସ ରାଓଙ୍କ ସହ ଆମ ପୋଲିସର ସଦସ୍ୟମାନେ ଉପସ୍ଥିତ ଥିଲେ ।

ନାଳରେ ଭାସିଯାଇ ଜଣେ ମୃତ

ନାଳରେ ଭାସିଯାଇ ଜଣେ ମୃତ

ନନ୍ଦପୁର,୧୬।୮(ଡ଼ି.ଏନ.ଏ)-କୋରାପୁଟ ଜିଲା ନନ୍ଦପୁର ବ୍ଲକ କସନ୍ଦି ପଞ୍ଚାୟତ ଅନ୍ତର୍ଗତ ବିଲାପୁଟ ଗ୍ରାମରେ ନାଳରେ ଭାସିଯାଇ ଜଣଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ଲକ୍ଷ୍ମଣ ପାଙ୍ଗି(୫୨)। ସେ ନିଜ ସ୍ତ୍ରୀ ସହ ନାଳ ପାର ହୋଇ ଯାଉଥିଲେ । ଏହି ସମୟରେ ଅସାବଧାନତା ଯୋଗୁ  ବର୍ଷା ଜଳସ୍ରୋତରେ ଲକ୍ଷ୍ମଣ ଭାସି ଯାଇଥିଲେ। ନିକଟରେ ଥିବା ଗାଁ ଲୋକେ ତାଙ୍କୁ ଉଦ୍ଧାର କଲା ବେଳକୁ ତାଙ୍କର ମୃତ୍ୟୁ ହୋଇସାରିଥିଲା ।

ସ୍ବଚ୍ଛ ସର୍ବେକ୍ଷଣ କର୍ମଶାଳା

ସ୍ବଚ୍ଛ ସର୍ବେକ୍ଷଣ କର୍ମଶାଳା

ଡାବୁଗାଁ,୧୬।୮(ଡି.ଏନ୍‌.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ କାର୍ଯ୍ୟାଳୟରେ ସ୍ବଚ୍ଛ ସର୍ବେକ୍ଷଣ କର୍ମଶାଳା ଅନୁଷ୍ଠିତ ହୋଇଯାଇଛି । ଏଥିରେ ଜଳ ଓ ପରିମଳ ବିଭାଗ ନିର୍ବାହୀ ଯନ୍ତ୍ରୀ ଇଂ. ମନୋରଞ୍ଜନ ମାଳି ଯୋଗଦେଇ ସ୍ବଚ୍ଛ ସର୍ବେକ୍ଷଣ ଉପରେ ବୁଝାଇଥିଲେ।